Dap News...Admin

ក្រចេះ៖ ថ្នាក់ដឹកនាំ មន្រ្តីរាជការ តាមមន្ទីរស្ថាប័ន ព្រះសង្ឃ រួមនិងប្រជាពុទ្ធបរិស័ទក្នុងខេត្តក្រចេះ យ៉ាងច្រើនកុះ ករ បានប្រារព្ធពិធីបុណ្យពិសាខបូជាយ៉ាងអធិកអធម ដើម្បីរឮកដល់កាលទាំង៣ នៃការប្រសូត ត្រាស់ដឹង និង ចូលព្រះបរិនិព្វានរបស់ព្រះសម្មាសម្ពុទ្ធ ក៏ដូជាជំរុញឲ្យពលរដ្ឋខ្មែរ កាន់តែជ្រួតជ្រាប ពីពិធីបុណ្យពុទ្ធសាសនា។

ពិធីបុណ្យដ៏មហានក្ខត្តឬក្ស នៅក្នុងព្រះពុទ្ធសាសនា នារសៀលថ្ងៃសុក្រ ១៥ កើត ខែពិសាខ ឆ្នាំម្សាញ់ ព.ស ២៥៥៧ ត្រូវនិងថ្ងៃទី២៤ ខែឧសភា ឆ្នាំ២០១៣ ត្រូវបានធ្វើឡើងនៅក្នុងបរិវេណវត្តរដ្ឋបាលារាម ហៅវត្តប៉ាឆា ស្ថិតក្នុងក្រុង-ខេត្ត ដោយមានការអញ្ជើញចូលរួមជាអធិបតីពីលោក នូ ភឿង ប្រធានក្រុមប្រឹក្សាខេត្តក្រចេះ និង លោក សរ ចំរ៉ុង អភិបាលខេត្តក្រចេះ។

ព្រះភិក្ខុ ធឹង ចាន់ត្រា ព្រះចៅអធិការវត្តរដ្ឋបាលារាម បានមានសង្ឃដីកាប្រាប់មជ្ឈមណ្ឌលព័ត៌មានដើមអម្ពិលថា នៅក្នុងពិធីបុណ្យរឮកដល់កាលទាំង៣ របស់ព្រះសម្មាសម្ពុទ្ធនេះ ត្រូវបានដង្ហែតាមដងផ្លូវ និងប្រទក្សិណជុំវិញ ព្រះ វិហារ ៣ជុំ ទើបយកផ្កាភ្ញីទៅថ្វាយ និងបូជាចំពោះ ព្រះពុទ្ធបដិមាព្រះសម្មាសម្ពុទ្ធ។

ព្រះចៅអធិការ ធឹង ចាន់ត្រា ក៏បានមានសង្ឃដីកាផងដែរថា នៅក្នុងខេត្តក្រចេះឆ្នាំនេះ ពិតជាវិសេសវិសាល ដែលមានការអញ្ជើញចូលរួមពីថ្នាក់ដឹកនាំខេត្ត ដែលជាការសរបញ្ជាក់ឲ្យឃើញពីការលើកកម្ពស់ និងឲ្យគុណតម្លៃ ទៅពិធីបុណ្យរបស់ព្រះពុទ្ធសាសនា ក្នុងនាមជាពុទ្ធសាសនិកជន។

ពិធីបុណ្យពិសាខបូជា និងពិធីបុណ្យមាឃបូជា ជាពិធីបុណ្យដ៏ធំក្នុងព្រះពុទ្ធសាសនា តាំងពីបុរាណកាលមក។ ក្រៅពីការរឮកដល់ថ្ងៃព្រះសម្មាសម្ពុទ្ធទ្រង់ប្រសូត ត្រាស់ដឹង និងចូលព្រះបរិនិព្វានទៅ ព្រះតេជគុណ ធឹង ចាន់ត្រា ក៏បានពន្យល់ផងដែរថា ពិធីបុណ្យនេះពិតជាមានសារៈសំខាន់ក្នុងការផ្សារភ្ជាប់នូវចំណង សាមគ្គីភាពរបស់ពុទ្ធ សាសនិកជន ហើយការប្រារព្ធពិធីបុណ្យនេះទៀតសោត គឺដើម្បីរឮកនឹកគុណដល់បុព្វការីជន ដែលបានចែកឋាន ព្រមទាំងប្រមូលនូវអានិសង្ស ផលបុណ្យកុសលកើតមាននៅថ្ងៃនេះ ជូនដល់ដួងវិញ្ញាក្ខន្ធជីដូន ជីតា ញតិការទាំង ៧សន្តានផងដែរ។

ជាពិសេសពិធីបុណ្យនេះ ក៏ដើម្បីប្រមូលនូវកងបុញ្ញកុសលទាំងអស់ ឧទ្ទិសដល់ដួងព្រះវិញ្ញាណក្ខន្ធ ព្រះបរមរតន កោដ ព្រះវររាជបីតាជាតិ ព្រះបាទ សម្តេច នរោត្តម សីហនុ។

បើតាម ព្រះភិក្ខុ ធឹង ចាន់ត្រា បានឲ្យដឹងថា ពិធីបុណ្យពិសាខបូជា ដែលប្រារព្ធឡើងនៅក្នុងវត្តប៉ាឆា រហូតដល់ ម៉ោង៥ទៀបភ្លឺថ្ងៃទី២៥ ខែឧសភា ឆ្នាំ២០១៣ មានការស្មូត នូវពុទ្ធប្រវត្តិ នៃការប្រសូត ត្រាស់ដឹង ការផ្ចាញ់មារ ក៏ដូចការយាងចូលព្រះបរិនិព្វាន របស់ព្រះសម្មាសម្ពុទ្ធ ក្នុងគោលបំណង ឲ្យប្រជាពុទ្ធបរិស័ទខ្មែរយល់កាន់តែ ជ្រួតជ្រាបក្នុងពិធីបុណ្យ ដ៏មានសារៈ សំខាន់មួយនេះ។ ក្រៅពីស្មូតពុទ្ធប្រវត្តិ រយៈពេលពេញមួយយប់ នៃពិធីបុណ្យពិសាខបូជា ក៏មានការស្មូតនូវច្បាប់ ប្រុស ច្បាប់ស្រី និងច្បាប់ទូន្មានផ្សេងៗ ជាប្រយោជន៍អប់រំដល់យុវជន យុវនារី ជាប្រជាពុទ្ធបរិស័ទផងដែរ៕

សៀមរាប : កាលពីវេលាម៉ោង ១១ និង៤៥នាទី ថ្ងៃទី២៤ ខែឧសភា ឆ្នាំ២០១៣នេះ គណ:ប្រតិភូព្រឹទ្ធសភា ស្វីស ដែលដឹកនាំដោយលោក ហ្វីលីប៉ូ ឡុំបារឌី (Filippo Lombardi) បានអញ្ជើញមកដល់ ខេត្តសៀមរាប ក្នុងការមកបំពេញទស្សនកិច្ច នៅកម្ពុជា រយ:ពេល៤ថ្ងៃ ដោយគិតចាប់ពីថ្ងែទី២៤ ដល់ ថ្ងៃទី២៧ ខែឧសភា ឆ្នាំ២០១៣ ។

គណ:ប្រតិភូព្រឹទ្ធសភា សហព័ន្ធស្វីស មាន ១០រូប ដឹកនាំដោយប្រធានព្រឹទ្ធសភា នៃសហព័ន្ធស្វីស ដែលដឹកនាំ ដោយលោក Filippo Lombardi អមដំណើរដោយ លោក Christoph Burgener ឯក អគ្គរាជទូតវិសមញ្ញ និងពេញសមត្ថភាព នៃសហព័ន្ធស្វីស ប្រចាំកម្ពុជា ឡាវ និងភូមា លោក Claude Heche អនុប្រធានទី២ ព្រឹទ្ធសភា រួមទាំងសមាជិកព្រឹទ្ធ សភា ៤រូបទៀត។ និងមានការអមដំណើរដោយ នាយកទីភ្នាក់ងារ សហព័ន្ធស្វីស សម្រាប់ ការអភិវឌ្ឍន៍ ប្រចាំកម្ពុជា អគ្គលេខាធិការរងនិងជាលេខាធិការព្រឹទ្ធសភា ព្រមទាំងទីប្រឹក្សា គោលនយោបាយការបរទេស សេវាសភា ។

បើតាមកម្មវិធីគ្រោងទុក គណ:ប្រតិភូព្រឹទ្ធសភាស្វីស នឹងជួបពិភាក្សា ការងារជាមួយប្រធានគ្រប់គ្រង មន្ទីរពេទ្យគន្ធបុប្ផា និងទស្សនាមន្ទីរពេទ្យ។ ទស្សនាប្រាង្គប្រាសាទបុរាណខ្មែរ ដូចជា ប្រាសាទបន្ទាយស្រី តាព្រហ្ម បាយ័ន ទីលានជល់ដំរី ប្រាសាទអង្គរវត្ត និងទស្សនា តន្ត្រី Beatacello ។ ហើយនៅល្ងាចថ្ងៃទី២៦ ឧសភា គណ:ប្រតិភូនឹងអញ្ជើញទៅដល់រាជធានីភ្នំពេញ ។ លុះដល់ថ្ងៃទី២៧ គណ:ប្រតិភូនឹងជួប សម្ដែងការគួរសមជាមួយព្រឹទ្ធសភាកម្ពុជា ។ រួចជួបសវនាការ និងពិភាក្សាការងារជាមួយ លោកឧបនាយក រដ្ឋមន្ត្រី សុខ អាន រដ្ឋមន្ត្រីទទួលបន្ទុក ទីស្ដីការគណ:រដ្ឋមន្ត្រី ។ រួមទាំងមានកម្មវិធី ទស្សនាសារ:មន្ទីរ ប្រល័យពូជសាសន៍ និងទស្សនាគម្រោងការរបស់ដៃគូរអភិវឌ្ឍរបស់ស្វីសមួយចំនួនទៀតផងដែរ ។

ហើយនៅថ្ងៃទី២៤នេះ គណ:ប្រតិភូបានជួបមន្ត្រីអង្គការ UNICEF រួចទស្សនាទីតាំងអនុវត្តគម្រោងគាំទ្រអភិបាលកិច្ចមូលដ្ឋាន និងកុមារ (UNICEF) របស់ទីភ្នាក់ងារស្វីសសម្រាប់កិច្ចសហប្រតិបត្តិការ និងអភិវឌ្ឍ (SDC) ។ ហើយនៅល្ងាចថ្ងៃដដែលនេះ គណ:ប្រតិភូ បានជួប លោក ឃឹម ប៊ុនសុង អភិបាលនៃគណ:អភិបាលខេត្តសៀមរាប និងអភិបាលរង ព្រមទាំងមន្ទីរ ស្ថាប័នពាក់ព័ន្ធមួយចំនួនទៀត នៅសណ្ឋាគារបុរីអង្គរ(Borei Angkor Resort & Spa)។

ក្នុងពិធីជួពិភាក្សាការងារ និងពិធីជប់លៀងជូនជាកិត្តិយសដល់គណ:ប្រតិភូ លោក ឃឹម ប៊ុនសុង បានមានប្រសាសន៍ថា ក្នុងនាមថ្នាក់ដឹកនាំ និងប្រជាជនខេត្តសៀមរាប លោកសូមសម្ដែងនូវកិច្ច ស្វាគមន៍យ៉ាងកក់ក្ដៅបំផុត ចំពោះវត្តមានដ៏ខ្ពង់ខ្ពស់របស់លោកប្រធានព្រឹទ្ធសភា នៃសហព័ន្ធស្វីស និងសមាជិកព្រឹទ្ធសភាអមដំណើរ ដែលបានចំណាយពេលដ៏មានតម្លែ មកបំពេញទស្សកិច្ចជាផ្លូវការ និងមិត្តភាពនៅព្រះរាជាណាចក្រកម្ពុជា ជាពិសេស ខេត្តសៀមរាប ក្នុងគោលបំណងបង្កើនទំនាក់ទំនង និងកិច្ចសហប្រតិបត្តិការរវាងប្រទេសយើងទាំងពីរ (កម្ពុជា-សហព័ន្ធស្វីស) ។

បន្ទាប់ពីការធ្វើសេចក្ដីរាយការណ៍ដោយសង្ខេប ស្ដីពី ការអភិវឌ្ឍ និងសក្ដានុពលរបស់ខេត្តសៀមរាបរួចមក លោកអភិបាលខេត្ត បានលើកឡើងពីការជួយជ្រោមជ្រែងរបស់ស្វីស ផ្នែកហិរញ្ញវត្ថុ ជាបន្តបន្ទាប់ដល់កម្ពុជា សម្រាប់ការអភិវឌ្ឍ និងវិស័យមួយចំនួនទៀត ដូចជា សម្រាប់មន្ទីរពេទ្យគុន្ធបុប្ផាពីឆ្នាំ១៩៩៥-២០០៦ មានទឹកប្រាក់ជិត ២៥លានហ្វ្រង់ស្វីស ។ ទ្រទ្រង់គម្រោងសង្គមកិច្ចតូចៗផ្នែកសិទ្ធិកុមារនិងស្រ្ដី ជិត ៣លានហ្វ្រង់ស្វីត។ និងគម្រោងជួសជុល និងអភិរក្សប្រាសាទបន្ទាយស្រី ឆ្នាំ២០០១ - ២០០៨ ជាង២លានហ្វ្រង់ស្វីស។

លោកប្រធានព្រឹទ្ធសភានៃសហព័ន្ធស្វីស បានមានប្រសាសន៍ជារួមថា លោកនិងប្រតិភូមានសេចក្ដីរីករាយនិង កិត្តិយសយ៉ាងជ្រាលជ្រៅ ដែលបានមកដល់ព្រះរាជាណាចក្រកម្ពុជា ពិសេសថ្ងៃនេះ បានមកដល់ទឹកដីអច្ឆរិយ: ដែលភ្ញៀវទេសចរណ៍ជាតិ និងអន្តរជាតិតែងតែកោតសរសើរ និងស្ញប់ស្ញែង នូវប្រាង្គប្រាសាទជាច្រើន ដែលពោរ ពេញ ទៅដោយសម្បត្តិវប្បធម៌ អរិយធម៌ ប្រវត្តិសាស្ត្រដ៏មហាសាលទាំងនេះ។ ហើយបច្ចុប្បន្នប្រទេសកម្ពុជា កំពុងមានសុខសន្តិភាព និងមានការអភិវឌ្ឍន៍ជាតិប្រសើរឡើង។ ហើយលោកប្រកដថា ប្រទេសជាតិយើងទាំង ពីរ (កម្ពុជា-សហព័ន្ធស្វីស) នឹងបង្កើនទំនាក់ទំនង និងកិច្ចសហប្រតិបត្តិការល្អប្រសើរឡើង ៕

ភ្នំពេញ ៖ ជនសង្ស័យ២នាក់ ត្រូវនគរបាលប៉ុស្តិ៍ បឹងកេងកងទី១ សហការជាមួយ ប្រជាពលរដ្ឋ ចាប់ឃាត់ខ្លួន បានភ្លាមៗ បន្ទាប់ពីធ្វើសកម្ម ភាពឆក់កាបូបស្ពាយ ពីនារីម្នាក់ មិនបានសម្រេច កាលពីវេលាម៉ោង ១០និង ២០នាទី ថ្ងៃទី២៤ ខែឧសភា ឆ្នាំ២០១៣ ស្ថិតនៅតាមបណ្តោយ ផ្លូវលេខ៥១ កែង៣០២ សង្កាត់បឹងកេងកងទី១ ខណ្ឌចំការមន។

លោកអនុសេនីយ៍ទោ គល់ ផាត នាយប៉ុស្តិ៍នគរបាល រដ្ឋបាល បឹងកេងកងទី១ បានឲ្យដឹងថា ជនសង្ស័យទាំង ២នាក់ដែលធ្វើ សកម្មភាពឆក់កាបូប មិនបានសម្រចពីនារី ម្នាក់ ហើយត្រូវកម្លាំង សមត្ថកិច្ចឃាត់ខ្លួនខាងលើ នេះមាន ឈ្មោះ សៀវ សីហា ភេទប្រុស អាយុ ១៧ឆ្នាំ មុខរបរមិនពិតប្រាកដ ស្នាក់នៅផ្ទះជួល ក្នុងសង្កាត់ ផ្សារដើមថ្កូវ ខណ្ឌចំការមន និងបក្ខពួកម្នាក់ទៀត ឈ្មោះ សន ភិរ៉ូត អាយុ ១៨ឆ្នាំ មុខរបរមិនពិតប្រាកដ ស្នាក់នៅផ្ទះជួល ក្នុងសង្កាត់ ទន្លេបាសាក់ ខណ្ឌចំការមន ។

នាយនគរបាលបឹងកេងកងទី១ លោក គល់ ផាត បានឲ្យដឹង ថា ចំពោះកាបូប ដែលជនសង្ស័យឆក់ មិនបាន ទេ ដោយហេតុថា ខណ:ជនសង្ស័យ ធ្វើសកម្មភាពឆក់នោះ បណ្តាលឲ្យជនសង្ស័យដួលម៉ូតូ ហើយត្រូវប្រជាពល រដ្ឋ និងនារីម្ចាស់កាបូប ស្រែកស្របពេលកម្លាំង របស់នគរបាលបឹងកេងកងទី១ កំពុងល្បាតជិតកន្លែង កើតហេតុ ក៏ចាប់ឃាត់ខ្លួនបានភ្លាមៗ តែម្តង។

-តំណាងក្រុមហ៊ុន ប្រាប់ប្រជាពលរដ្ឋ ថា ២-៣ ថ្ងៃទៀត នឹងយកលិខិតរបស់ នាយករដ្ឋមន្ដ្រី មកបង្ហាញ

ភ្នំពេញ ៖ តំណាងប្រជាពលរដ្ឋ ជាង១ ពាន់នាក់ ដែលជាពុទ្ធបរិស័ទចំណុះឱ្យវត្ដខ្ទរ ស្ថិតនៅតាមបណ្ដោយផ្លូវជាតិលេខ ៦អា ក្នុងភូមិខ្ទរ សង្កាត់ព្រែកលៀប ខណ្ឌឫស្សី កែវ បាននាំគ្នាបញ្ជាក់ជំហរថា នឹងការពារដី ប៉ាឆារបស់វត្ដ មិនឱ្យក្រុមហ៊ុនឯកជនឈ្មោះ អេង កាំង ឌឺវេឡុបមេន ខបភើរេសិន កាត់ យកធ្វើជាដីរបស់ខ្លួននោះឡើយ បើទោះបី ក្រុមហ៊ុនមួយនេះ បានបង្ហាញឯកសារ និង លិខិតពាក់ព័ន្ធជាច្រើនថា រាជរដ្ឋាភិបាល បានសម្រេចប្រគល់ដីនេះ ជូនទៅឱ្យពួកគេ ក៏ដោយ ។

តំណាងប្រជាពលរដ្ឋ ដែលចាត់ទុកថា ថ្នាក់លើចាប់តាំងពីអាជ្ញាធរសង្កាត់ រហូត ដល់ទីស្ដីការគណៈរដ្ឋមន្ដ្រី ចាញ់បោករបាយ ការណ៍មន្ដ្រីថ្នាក់ក្រោមនោះ បានអំពាវនាវ ជូនសម្ដេចតេជោ សែន ជួយអន្ដរាគមន៍ក្នុង រឿងនេះ ខណៈដែលប្រជាពលរដ្ឋជាង ១ ពាន់នាក់ បានផ្ដិតមេដៃប្រឆាំងការកាន់កាប់ ដីប៉ាឆារបស់វត្ដ នៅពេលដែលក្រុមហ៊ុនឯក ជនមួយនេះ បាន និងកំពុងចង់បានជាម្ចាស់ កម្មសិទ្ធិ ដោយសារតែដីសាលាកសិកម្មព្រែកលៀប ដែលខ្លួនទទួលបានសិទ្ធិវិនិយោគ ពីរាជរដ្ឋាភិ បាលស្ថិតជាប់នឹងដីប៉ាឆារបស់វត្ដ។

លោក ស៊ូ សារូ តំណាងប្រជាពលរដ្ឋ ម្នាក់ នៅចំពោះមុខភ្នាក់ងារដើមអម្ពិល កាលពីល្ងាចថ្ងៃទី២៣ ខែឧសភា ឆ្នាំ ២០១៣ បានថ្លែងថា ក្រុមហ៊ុនឯកជន អេង កាំង មួយនេះ តែងតែយកលិខិតពីថ្នាក់លើតាំងពី  ទីស្ដីការគណៈរដ្ឋមន្ដ្រី មកបង្ហាញថា រាជ រដ្ឋាភិបាល ប្រគល់ដីប៉ាឆាទៅឱ្យខ្លួន ប៉ុន្ដែ ធាតុពិតបញ្ហានេះ ត្រូវបានប្រជាពល រដ្ឋទាំង អស់មិនគាំទ្រឡើយ ពោលត្រូវរក្សាទុកដី ប៉ាឆាដដែល ដើម្បីទៅថ្ងៃអនាគតកសាងជា សាលារៀន ឬមណ្ឌលសុខភាពជូនប្រជាពល រដ្ឋជាដើម។

តំណាងប្រជាពលរដ្ឋរូបនេះ បានចោទ ក្រុមហ៊ុនថា ធ្វើអ្វីជាការភូតកុហកទាំងអស់ ទៅថ្នាក់លើតាមរយៈយកចំនួនប្រជាពល រដ្ឋតិចតួច ទៅបង្ហាញ ប៉ុន្ដែ ប្រជាពលរដ្ឋ ទាំងអស់គ្មាននរណាម្នាក់យល់ព្រមនោះទេ។

លោក សៅ សារឿន និងលោក ទ្រី គឹម ស្រៀង ដែលជាតំណាងឱ្យប្រជាពលរដ្ឋផង នោះ បានលើកឡើងថា ពេលក្រុមហ៊ុនមក ជួបប្រជាពលរដ្ឋ ដើម្បីពិភាក្សាការ ងារនេះ មិនបានជូនដំណឹងមុនឡើយ ពោលពេលបាន ជួបប្រជាពលរដ្ឋ ៤-១០ នាក់ ក៏ធ្វើរបាយ ការណ៍ទៅថ្នាក់លើ ដោយភូតកុហកថា មាន តែប្រជាពលរដ្ឋមួយ ចំនួនតូចប៉ុណ្ណោះដែល មិនព្រម ។

ជាមួយគ្នានេះ តំណាងប្រជាពលរដ្ឋក៏ បានចោទប្រកាន់ប្រធានមន្ទីរធម្មការ និង សាសនា រាជធានីភ្នំពេញថា បានធ្វើរបាយ ការណ៍ភូតកុហកទៅថ្នាក់លើ មិនយកមតិ ប្រជាពលរដ្ឋជាធំ ។

យោងតាមលិខិតរបស់មន្ទីរធម្មការ និង សាសនា កាលពីថ្ងៃទី២៦ ខែមីនា ឆ្នាំ២០១២ បានផ្ញើជូនរដ្ឋមន្ដ្រីក្រសួងធម្មការ ស្ដីពីការ ចុះពិនិត្យឈាបនដ្ឋានវត្ដពោធិព្រឹក្យ ហៅវត្ដខ្ទរ ។ នៅក្នុងលិខិតនោះ លោកប្រធានមន្ទីរ ធម្មការ បានលើកឡើងពីការសុំផ្លាស់ប្ដូរទី ប៉ាឆា ដោយលើកឡើងពីការជួបជាមួយព្រះ សង្ឃ គណៈកម្មការអាចារ្យ វត្ដ ហើយអះ អាងថា ពុំមានការជំទាស់ទៅនឹងការអភិ វឌ្ឍន៍របស់រាជរដ្ឋាភិបាលឡើយ ។ លិខិត នេះ បានលើកឡើងពីការជួបជាមួយពុទ្ធ បរិស័ទចំណុះជើងវត្ដថា ក្រោយពីការលើក ឡើងរបស់ក្រុមហ៊ុន សុំផ្លាស់ប្ដូរទីប៉ាឆា ពុទ្ធ បរិស័ទភាគច្រើន បានសម្ដែងមតិអបអរ សាទរ ប៉ុន្ដែ មានពុទ្ធបរិស័ទមួយចំនួនតូច ប្រមាណ ២០នាក់ បានត្អូញត្អែរថា ទីតាំង ប៉ាឆាថ្មីមានចម្ងាយឆ្ងាយពីមូលដ្ឋានរបស់ពួក គាត់ ដែលនាំឱ្យមានការលំបាកក្នុងការធ្វើ ដំណើរ នៅពេលដែលមានសពត្រូវបូជា ។

លិខិតនេះបានលើកឡើង ជួបជាមួយអាជ្ញា ធរមូលដ្ឋាន ដោយបង្ហាញថា ពុំមានការ ជំទាស និងការអភិវឌ្ឍន៍របស់រាជរដ្ឋាភិបាល ឡើយ ព្រមទាំងបានលើកឡើងជា មួយ សាលាអនុគណខណ្ឌឫស្សីកែវ ហើយក៏ថា បានយល់ព្រមនឹងការអភិវឌ្ឍន៍នេះ ។

មន្ទីរធម្មការ និងសាសនា ដែលចុះហត្ថ លេខា និងវាយត្រាពីសំណាក់លោក ផន ដាវី ជាប្រធានមន្ទីរនោះ បានបញ្ជាក់នៅក្នុង លិខិតថា “ជាទស្សនៈរបស់មន្ទីរធម្មការ និង សាលាគណរាជធានីភ្នំពេញ យល់ឃើញថា ចំពោះការស្នើសុំផ្លាស់ប្ដូរ ទីតាំងយាបនដ្ឋាន វត្ដខ្ទរនេះ គឺត្រឹមត្រូវព្រោះថា ឈាបនដ្ឋាន សព្វថ្ងៃស្ថិតនៅខាងក្រៅ បរិវេណរបងវត្ដ ហើយមានទីតាំងជាប់នឹងផ្លូវជាតិ៦អាដែល នាំឱ្យមានផលប៉ះពាល់ដូចជា បរិស្ថាន នៅ ពេលដែលមានការអភិវឌ្ឍន៍ និងប៉ះពាល់ សោភ័ណ្ឌភាព នៅពេលដែលមានការពង្រីក ផ្លូវនៅជិតឈាបនដ្ឋាន ”។

លោកប្រធានមន្ទីរបានបន្ដថា នៅតំបន់ នេះ គួរបានរៀបរយឈាបនដ្ឋានប្រមូលផ្ដុំឱ្យ នៅមួយកន្លែង ហើយផ្អាកសកម្មភាពបូជា សពតាមបណ្ដាវត្ដក្នុងតំបន់នេះ ព្រោះ ថា កន្លងមក មានឈាបនដ្ឋានភាគច្រើននៅជាប់ ដងទន្លេដែលនាំឱ្យប៉ះពាល់ ដល់បរិស្ថានទឹក ទន្លេផងដែរ ។ ចំពោះចម្ងាយផ្លូវពីទីតាំង ឈាបនដ្ឋានចាស់ មាន ចម្ងាយ ៤គីឡូម៉ែត្រ មិនឆ្ងាយដូចជាទីតាំងឈាបនដ្ឋាន វត្ដឫស្សី សាញ់ មកភ្នំពេញនោះទេ ។ ចំពោះលិខិត របស់លោកប្រធានមន្ទីរធម្មការខាងលើនេះ ត្រូវបាន អ្នកស្រី តេង ផល្លី ដែលជាតំណាង ប្រជាពលរដ្ឋមួយរូបផងនោះ ចាត់ទុកថា ជារបាយការណ៍បោកប្រាស់ និងភូតកុហក ទៅថ្នាក់លើ ។

អ្នកស្រី តេង ផល្លី បានបញ្ជាក់ថា ប្រជា ពលរដ្ឋ ១០០២នាក់ បានផ្ដិតមេដៃតវ៉ា ប្រឆាំងមិនឱ្យយកដីពីប៉ាឆាចេញពីកន្លែង ចាស់ឡើយ មានន័យថា បើវាយប៉ាឆា ចោលយកទៅដាក់ទីតាំងថ្មី ប្រជាពលរដ្ឋយល់ ព្រម តែបើយកដីប៉ាឆា ប្រជាពលរដ្ឋមិន យល់ព្រមឡើយ គឺទុកធ្វើជាសាលារៀន ឬ មណ្ឌលសុខភាព សម្រាប់កូន ចៅប្រជាពល រដ្ឋ នៅតំបន់នោះ ។

អ្នកស្រី តេង ផល្លី បានចាត់ទុកថា ចំពោះរឿងនេះ សម្ដេចតេជោ ហ៊ុន សែន មិនបានដឹងនោះឡើយ ហើយពាក្យបណ្ដឹង របស់ប្រជាពលរដ្ឋ ដែលដាក់ជូនសម្ដេច តាមរយៈទីស្ដីការគណៈរដ្ឋមន្ដ្រីនោះ ក៏មិន បានដល់សម្ដេចផងដែរ ដូច្នេះមានតែអំពាវ នាវ តាមសារព័ត៌មានសុំអន្ដរាគមន៍ដ៏ខ្ពង់ ខ្ពស់ ពីសម្ដេចនាយករដ្ឋមន្ដ្រីដោះ ស្រាយ បញ្ហានេះ ហើយប្រជាពលរដ្ឋទាំងអស់នឹង គោរពតាមការសម្រេចរបស់សម្ដេច ។

តំណាងប្រជាពលរដ្ឋ ដែលអះអាងថា ជាសកម្មជនគណបក្សប្រជាជន តាំងពីដើម មកនោះ នឹងបន្ដទៅថ្ងៃអនាគតបានលើក ឡើង ពីសំដីរបស់តំណាងក្រុមហ៊ុន បាន ប្រាប់ប្រជាពលរដ្ឋថា នៅ២-៣ ថ្ងៃទៀត ពួកគេនឹងយកលិខិត ដែលស៊ីញ៉េចេញពី នាយករដ្ឋមន្ដ្រី មកប្រគល់ជូនឱ្យប្រជាពល រដ្ឋមើល ហើយបោះសំដីថា “បើចង់ស្អប់ សូមស្អប់ ហ៊ុន សែន កុំមកស្អប់ក្រុមហ៊ុន ពី ព្រោះ ហ៊ុន សែន ជាអ្នកស៊ីញ៉េឱ្យក្រុមហ៊ុន”។

សំដីរបស់តំណាងក្រុមហ៊ុនខាងលើនេះ ត្រូវបានតំណាងប្រជាពលរដ្ឋអះអាងថា បានប្រាប់តាអាចារ្យ និងតំណាងប្រជាពល រដ្ឋ ពេលដែលក្រុមហ៊ុនចង់មកចរចា ហើយ ថែមទាំងផ្ដល់លុយម្នាក់ ១ពាន់ដុល្លារជូន ដល់តាអាចារ្យទាំង ៨នាក់ទៀតផង ប៉ុន្ដែ មិនទទួលយក ។

យោងតាមពាក្យបណ្ដឹង របស់ប្រជាពល រដ្ឋ ដែលដាក់ជូនសម្ដេចតេជោ ហ៊ុន សែន តាមរយៈទីស្ដីការគណៈរដ្ឋមន្ដ្រី កាលពីថ្ងៃ ទី ១៦ ខែសីហា ឆ្នាំ ២០១២ កន្លងទៅ បាន គោរពស្នើសុំ សម្ដេចតេជោជួយសម្រួល ដោះស្រាយ ភាពចលាចល ភ័យខ្លាច និង ព្រួយបារម្ភ ចំពោះការរុះរើឈាបនដ្ឋានឱ្យ ទៅនៅក្រោយសាលាបឋមសិក្សា បាក់ខែង ដែលមានចម្ងាយពីវត្ដខ្ទរ ៥គីឡូម៉ែត្រ ហើយនឹងចុះពីផ្លូវជាតិទៅ មានចម្ងាយដល់ ៦០០ម៉ែត្រទៀតផង ។

ពាក្យបណ្ដឹងរបស់ប្រជាពលរដ្ឋ ទាំង ១០០២នាក់ បានបន្ដថា ការព្រួយបារម្ភនេះ ដោយសារតែក្រុមហ៊ុន អេង កាំង បានទិញ ដីរបស់សាលាជាតិ កសិកម្មព្រែកលៀប នៅ ជាប់ដីរបស់វត្ដ ហើយក្នុងករណីនេះប្រជា ពលរដ្ឋ ចំណុះជើងវត្ដទាំងមូលមិនមានការ ព្រមព្រៀង និងឯកភាពនោះទេ ។

នៅក្នុងពាក្យបណ្ដឹងនេះ ប្រជាពលរដ្ឋ បានបញ្ជាក់ថា “បំណងថែរក្សាដីនេះដើម្បី សម្រាប់បម្រុងទុក នៅពេលអនាគត ដូចជា វត្ដ និងសង់សាលាបឋមសិក្សាថ្មីជំនួស សាលាបឋមសិក្សាចាស់ ដែលស្ថិតនៅក្នុងទី តាំងវត្ដ មានសភាពតូចចង្អៀត រីឯបរិមាណ សិស្សវិញ មានការកើនឡើងជារៀងរាល់ ឆ្នាំ និងជាពិសេសទៅទៀតនោះ ដើម្បី ត្រៀមបម្រុងទុកសម្រាប់កសាងទីវត្ដទៅ ថ្ងៃក្រោយ បើសិនច្រាំងទន្លេនៅតែបន្ដបាក់ ជារៀងរាល់ឆ្នាំ ”។

យោងតាមលិខិត របស់ទីស្ដីការគណៈ រដ្ឋមន្ដ្រី ចុះហត្ថលេខាដោយលោក ប្រាក់ សុខុន រដ្ឋលេខាធិការទីស្ដីការគណៈរដ្ឋមន្ដ្រី ផ្ញើជូនរដ្ឋមន្ដ្រីក្រសួងធម្មការ កាលពីថ្ងៃទី ២០ ខែធ្នូ ឆ្នាំ ២០០៦ បានបញ្ជាក់ថា ទី១ រាជរដ្ឋាភិបាល បានយល់ព្រមតាមសំណើសុំ គោលការណ៍អនុញ្ញាតផ្លាស់ប្ដូរទីតាំងឈាប នដ្ឋានបូជាសពសាធារណៈ នៅ តាមវត្ដនានា ក្នុងរាជធានីភ្នំពេញ ឱ្យទៅសាងសង់ប្រមូល ផ្ដុំនៅជាយក្រុងវិញ ដោយចែកជា៣តំបន់ ដាច់ពីគ្នា គឺតំបន់ខាងជើង កំណត់យកវត្ដ អង្គក្រពើ រាជធានីភ្នំពេញ តំបន់ខាងត្បូង កំណត់យកម្ដុំជើងឯក និងតំបន់ខាងលិច កំណត់យកវត្ដអង្គពពាយ ស្រុកអង្គស្នួល ខេត្ដកណ្ដាល និងទី២ រាជរដ្ឋាភិបាលប្រគល់ ភារកិច្ចជូន សាលាក្រុងភ្នំពេញ រៀបចំទីតាំង ថ្មី ដោយរកដីមួយកន្លែង មានវិសាលភាព សមល្មម មានផ្លូវគមនាគមន៍ ដែលអាច គ្រប់គ្រងបរិស្ថាន និងសុខមាលភាពប្រជា ពលរដ្ឋ និងចេញថវិកាកសាងឈាបនដ្ឋាន ច្រើន ប្រមូលផ្ដុំហើយបែងចែកទៅតាមវត្ដ នីមួយៗ ដែលជាវត្ដធ្លាប់មានឈាបនដ្ឋាន នៅក្នុងក្រុង ឱ្យគ្រប់គ្រងថែរក្សាកែលំអ ប្រើ ប្រាស់ យកផលកំរ៉ៃ ដែលបានពីឈាបន ដ្ឋាននេះ ជាផលប្រយោជន៍ព្រះពុទ្ធសាសនា សម្រាប់វត្ដរៀងៗខ្លួន ។

ទាក់ទិនជម្លោះ រវាងពុទ្ធបរិស័ទចំណុះ ជើងវត្ដខ្ទរ និងក្រុមហ៊ុន អេង កាំង ចៅ សង្កាត់ព្រែកលៀប លោក ព្រាប មុនី បាន មានប្រសាសន៍ថា រឿងនេះជាការសម្រេច របស់រាជរដ្ឋាភិបាល ហើយផុតពីដែនសមត្ថ កិច្ចរបស់អាជ្ញាធរសង្កាត់ហើយ ។ លោក ព្រាប មុនី បានបញ្ជាក់តាមទូរស័ព្ទនៅព្រឹក ថ្ងៃទី២៤ ខែឧសភា ថា “ចេញផុត ពីដែន អាជ្ញាធរហើយ គឺជាការសម្រេចរបស់រាជ រដ្ឋាភិបាល ”។ យ៉ាងណាក៏ដោយលោកចៅ សង្កាត់បានបញ្ជាក់ថា ប្រសិនបើប្រជាពលរដ្ឋ មិនយល់ព្រម ឬយ៉ាងណា នោះវាអាស្រ័យ លើការសម្រេចចុងក្រោយទៀត របស់រាជ រដ្ឋាភិបាល ។

ជុំវិញករណីទាំងនេះ មជ្ឈមណ្ឌលព័ត៌ មានដើមអម្ពិល មិនទាន់អាចស្វែងរកការ បកស្រាយពីសំណាក់ តំណាងក្រុមហ៊ុននៅ ឡើយទេ ។ ប្រជាពលរដ្ឋមួយចំនួនបាន លើកឡើងថា ក្រុមហ៊ុននៅពេលដែលសម្ដេច តេជោ ហ៊ុន សែន ជិះរថយន្ដទៅចូលរួម សម្ពោធបើកការដ្ឋានសាងសង់ ស្ដាតអូឡាំ ពិក នោះ បានយកដើមឈើតូចៗ កប់ទុយោ បូមខ្សាច់ ដើម្បីបំពេញដីនៅទីនោះដោយ ខ្លាចសម្ដេចឃើញ។ យ៉ាងណាក៏ដោយជំហរ របស់ប្រជាពលរដ្ឋដែលភាគច្រើន ជាសមា ជិក សមាជិកា របស់ គណបក្សប្រជាជន នោះ បានបង្ហាញការជំទាស់យ៉ាងដាច់ខាត ចំពោះបញ្ហានេះ ហើយបើក្រុមហ៊ុននៅតែ រឹងរូស ចង់បានដីប៉ាឆាទៀតនោះ ប្រជាពល រដ្ឋទាំងអស់ នឹងនាំគ្នាតវ៉ាជាក់ជាមិនខាន ឡើយ ហើយទឹកប្រាក់ផ្ដល់ជូនលោកតា អាចារ្យម្នាក់ ១ពាន់ដុល្លារ ដែលណាត់ជួប នៅសណ្ឋាគារភ្នំពេញ ក្នុងរាជធានីភ្នំពេញ កាលពី ប៉ុន្មានថ្ងៃមុននោះ មិនបានជោគជ័យ ឡើយ ដោយសារតែលោកតាអាចារ្យ និង តំណាងប្រជាពលរដ្ឋ បដិសេធក្នុងការទទួល យក ៕

ភ្នំពេញ ៖ ដោយមើលឃើញ ពីការ លំបាក ពេលកំពុងសម្រាកព្យាបាលនៅ មន្ទីរពេទ្យ ដោយសារតែខ្លួនមានផ្ទៃពោះ ព្រោះតែជួបឧបទ្ទវហេតុ បាក់កញ្ចុះរបស់ រោង ចក្រថបវើល កាលពីពេលថ្មីៗនេះនៅ ភូមិជ្រោយអំពិល សង្កាត់ក្បាលកោះ ខណ្ឌ មានជ័យរួចមក សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហម កម្ពុជា បានឧបត្ថម្ភថវិកាជូនស្ដ្រីមានផ្ទៃ ពោះ ដែលរងរបួសរូបនេះចំនួន ១ពាន់ ដុល្លារ ។

ថវិកាឧបត្ថម្ភជូនស្ដ្រីមានផ្ទៃពោះ សាយ ភារម្យ អាយុ ២៧ឆ្នាំ រស់នៅសង្កាត់ ព្រែកឯង ខណ្ឌមានជ័យ និងកំពុងសម្រាក ព្យាបាលនៅមន្ទីរពេទ្យរុស្ស៊ី ត្រូវបានអភិ បាលខណ្ឌមានជ័យ លោក គួច ចំរើន និង មន្ដ្រីសាលាខណ្ឌ នៅល្ងាចថ្ងៃទី២៤ ខែ ឧសភា ឆ្នាំ ២០១៣ នេះ យកទៅប្រគល់ ជូន ដល់មន្ទីរពេទ្យតែម្ដង ។

នៅចំពោះមុខ កម្មការិនី សាយ ភារម្យ ដែលកំពុងសម្រាកព្យាបាល ដោយមានផ្ទៃ ពោះផងនោះ លោកអភិបាលខណ្ឌបានផ្ដាំ ផ្ញើការសួរសុខទុក្ខ ពីសម្ដេចតេជោ សែន និងសម្ដេចកិត្ដិព្រឹទ្ធបណ្ឌិត ហើយដោយ មើលឃើញ ស្ថានភាពបែបនេះ ទើបសម្ដេច កិត្ដិព្រឹទ្ធបណ្ឌិត ឧបត្ថម្ភថវិកាចំនួន ១ពាន់ ដុល្លារ ។

លោក គួច ចំរើន បានលើកឡើងទៀត ថា ការឧបត្ថម្ភថវិកាជូនកម្មការិនី សាយ ភារម្យ ខាងលើនេះ បានបង្ហាញឱ្យឃើញ ថា ជាការយកចិត្ដទុកដាក់ខ្ពស់របស់ថ្នាក់ ដឹកនាំ ចំពោះកម្មករ-កម្មការិនី នៅតាម បណ្ដារោងចក្រ នៅពេលមានគ្រោះថ្នាក់អ្វី មួយកើតឡើងនោះ ។

តាមរយៈលោក គួច ចំរើន កម្មការិនី សាយ ភារម្យ បានលើកដៃថ្លែងអំណរគុណ យ៉ាងជ្រាលជ្រៅ ជូនចំពោះសម្ដេចតេជោ ហ៊ុន សែន និងសម្ដេចកិត្ដិព្រឹទ្ធបណ្ឌិតដែល បានឧបត្ថម្ភថវិកាដ៏ច្រើនបែបនេះ ដល់រូប អ្នកស្រី ។

គួរបញ្ជាក់ថា ក្នុងហេតុការណ៍បាក់ កញ្ចុះរបស់រោងចក្រថបវើល ដែលកើត ឡើងកាលពីប៉ុន្មានថ្ងៃមុននេះ បានបណ្ដាល ឱ្យកម្មករ-កម្មការិនី ២៣នាក់ រងរបួសធ្ងន់ ស្រាល ប៉ុន្ដែ សម្រាប់គ្រោះថ្នាក់នេះត្រូវ បានភាគីក្រុមហ៊ុន ធានាសង និងការចេញ ថ្លៃព្យាបាលទាំងអស់ ៕

ភ្នំពេញ ៖ ក្រោយពីក្រុមសង្គ្រោះនៃ ក្រុម ៧១១ កងពលតូចលេខ ៧០ បានហ្វឹក ហាត់បង្ហាញសមត្ថភាពរបស់ខ្លួន ជួយជន រងគ្រោះ ដែលជួបគ្រោះថ្នាក់ចរាចរនៅ តាមដងផ្លូវ គ្រោះអគ្គិភ័យ នៅអគារខ្ពស់ៗ  រួចមក នៅពេលនេះអង្គភាពបានបង្ហាញ សមត្ថភាពជួយសង្គ្រោះថ្មីមួយទៀត និង មានការលំបាកបំផុត គឺការជួយជនរង គ្រោះនៅតំបន់ព្រៃភ្នំ តាមរយៈឧទ្ធម្ភាគ ចក្រ ដែលរថយន្ដសង្គ្រោះ មិនអាចធ្វើ ដំណើរទៅដល់ ។

មេបញ្ជាការរង កងពលតូចលេខ ៧០ និងជាប្រធានទទួលបន្ទុក ការងារហ្វឹកហ្វឺន និងការគ្រប់គ្រង គ្រោះមហន្ដរាយលោក ឧត្ដមសេនីយ៍ទោ សូយ ណារិទ្ធ បានថ្លែងឱ្យ ដឹងថា វិញ្ញាសារបង្ហាញសមត្ថភាពជួយជន រងគ្រោះ នៅតំបន់ព្រៃភ្នំ តាមរយៈឧទ្ធម្ភាគ ចក្រ ដែលរថយន្ដមិនអាចធ្វើដំណើរទៅ បាននោះ ពិតជាជួបការលំបាក ។

លោក សូយ ណារិទ្ធ បានបញ្ជាក់ថា ការ លំបាកនោះរួមមាន ទី១ ក្រុម ៧១១ មិន មែនជាអ្នកលោតឆ័ត្រយោង ដូចកងទ័ព ពិសេសនោះទេ និងទី២ ត្រូវចំណាយប្រេង ឥន្ធនៈច្រើន ក្នុងការហោះហើរ ។

ប៉ុន្ដែ យ៉ាងណាក៏ដោយ លោកឧត្ដមសេនីយ៍បាន បញ្ជាក់ថា ដោយមានការជួយឧបត្ថម្ភគាំទ្រ ពីមេបញ្ជាការកងពល និងអគ្គមេបញ្ជាការ កងយោធពលខេមរភូមិន្ទ និងមានកិច្ច សហការល្អ ជាមួយអង្គភាពទ័ពអាកាស បានធ្វើឱ្យក្រុម ៧១១ របស់លោកមាន ភាពក្លាហាន ក្នុងការហ្វឹកហាត់ជំនាញនេះ ដើម្បីជាមេរៀនមួយសម្រាប់ដោះស្រាយ ជាយថាហេតុ កើតមានឡើង ដូចជាការ ធ្លាក់យន្ដហោះ ដែលទីកន្លែងកើតហេតុ រថយន្ដសង្គ្រោះមិនអាចធ្វើដំណើរទៅដល់។

លោកឧត្ដមសេនីយ៍ទោ សូយ ណារិទ្ធ បានបន្ដទៀតថា នេះជាលើកទី១ហើយ ដែលក្រុមសង្គ្រោះ ៧១១ នៃកងពលតូច លេខ ៧០របស់លោក ទទួលបានការបណ្ដុះ បណ្ដាលនូវជំនាញបែបនេះ ពីគ្រូជនជាតិ ជប៉ុន ។

លោកឧត្ដមសេនីយ៍បានបញ្ជាក់ថា “ យើងហាត់ជំនាញនេះ ដើម្បីឱ្យយល់ដឹងពី វិធីសង្គ្រោះជនរងគ្រោះ តាមឧទ្ធម្ភាគចក្រ  ដើម្បីត្រៀមពេលណា ដែលមានហេតុ ការណ៍កើតឡើងតែប៉ុណ្ណោះ”។ 

ប៉ុន្ដែ លោកឧត្ដមសេនីយ៍ បានបន់ស្រន់កុំឱ្យហេតុ ការណ៍នេះ កើតឡើងនៅលើទឹកដីនៃព្រះ រាជាណាចក្រកម្ពុជាឱ្យសោះ ដូចប្រសាសន៍ របស់សម្ដេចតេជោ សែន នាយករដ្ឋមន្ដ្រី នៃកម្ពុជាថា ថ្ងៃនេះថ្ងៃស្អែក កុំឱ្យមាន គ្រោះថ្នាក់ចរាចរកើតឡើង ។

គួរបញ្ជាក់ថា ក្រុម ៧១១ នៃកងពល តូចលេខ ៧០ ត្រូវបានគេមើលឃើញថា បញ្ចេញសកម្មភាពយ៉ាងខ្លាំង ជួយជនរង គ្រោះទាំងគ្រោះថ្នាក់ចរាចរ និងគ្រោះអគ្គិ ភ័យ ហើយជាក់ស្ដែងពេលដែលមាន ព្រឹត្ដិការណ៍បាក់ឡៅតឿផ្ទុកសម្ភារៈ របស់ ក្រុមហ៊ុនដេរស្បែកជើង វីងស្ដាស៊ូ នៅ ស្រុកគងពិសី ខេត្ដកំពង់ស្ពឺ កាលពីពេលថ្មីៗ នេះ ត្រូវបានគេមើលឃើញថា ក្រុម៧១១ ៍បានចូលរួមចំណែកយ៉ាងខ្លាំង តាមរយៈ ការជួយជនរងគ្រោះ នៅកន្លែងកើតហេតុ និងបញ្ជូនទៅកាន់មន្ទីរពេទ្យ ៕

តាកែវ ៖ អភិបាលរង ខណ្ឌដង្កោ លោក ប្រាជ្ញ សីហា និងលោកស្រី ព្រមទាំងមន្រ្តី សាលាខណ្ឌ សង្កាត់  នៅល្ងាចថ្ងៃសុក្រ ទី ២៤ ខែ ឧសភា ឆ្នាំ២០១៣ នេះ បានអញ្ជើញចូលរួម បុណ្យពិសាខបូជា ជាមួយ ប្រជាណលរដ្ឋ ពុទ្ឋបរិស័ទ្ឋ ចំណុះជើងវត្ត ធុតង្គចំការដូង ដែលស្ថិតនៅ តាមបណ្តោយផ្លូវលេខ២១៧ ក្នុងភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ ។

បន្ទាប់ពីដង្ហែ ព្រះសរិកធាតុ ជុំវិញព្រះវិហារ និងព្រះសង្ឃ សូត្រមន្តប្រោះព្រំរួចមក លោក ប្រាជ្ញ សីហា មានមតិ សំណេះសំណាល ទៅកាន់ ព្រះសង្ឃ និងប្រជាពលរដ្ឋ ទាំងអស់ ដែលបានចូលរួម នៅក្នុងពិធី បុណ្យនោះ ដោយបានចាត់ទុកថ្ងៃបុណ្យ ពិសាខបូជា គឺជាថ្ងៃបុណ្យដ៏ សំខាន់មួយ ផ្នែកព្រះពុទ្ធ សាសនា ហើយដែលក្នុង នោះ ប្រជាជាពលរដ្ឋខ្មែរ យើង ប្រមាណជាង ៩០ភាគរយ ជាអ្នកគោរព ប្រណិប័ត ព្រះពុទ្ធសាសនា ដោយឡែកនៅច្បាប់រដ្ឋធម្ម នុញ្ញ ដែលជាច្បាប់កំពូល របស់ខ្មែរយើងក៏បានចែង ដែរថា ព្រះពុទ្ធសាសនា គឺជា សាសនារបស់រដ្ឋ ហេតុដូច្នេះ ហើយ នៅក្នុងប្រតិទិន ឈប់សម្រាក រាជដ្ឋាភិបាល ក៏បានអនុញ្ញាតឲ្យមន្រ្តីរាជការ និងបុគ្គលិកក្រុមហ៊ុនឯកជន ទាំងអស់ ឈប់សម្រាកមួយ ថ្ងៃផងដែរនៅថ្ងៃបុណ្យពិសាខ បូជានេះ ។

លោកអភិបាលរងខណ្ឌ បានបន្តថា ការដែលយើង ប្រារព្ធ ថ្ងៃបុណ្យពិសាខបូជា គឺដើម្បីរំលឹកដល់ថ្ងៃប្រសូត្ររបស់ព្រះពុទ្ធ ដល់ការត្រាស់ ដឹងរបស់ព្រះពុទ្ធ និងដល់ ការរំលត់ ខណ្ឌរបស់ព្រះពុទ្ធ ផងដែរ ។ នៅក្នុងឱកាសនោះ លោក ប្រាជ្ញ សីហា ក៏បានរំលឹក ប្រាប់ប្រជាពលរដ្ឋ ពីរបប ខ្មែរក្រហមកាន់កាប់ប្រទេស ដែលក្រៅតែពីបានកាប់ សម្លាប់ប្រជាពលរដ្ឋស្លូតត្រង់ របបនេះ ក៏បានហាមឃាត់ ប្រជាជនមិនមានជំនឿ ទៅលើសាសនា នោះដែរ តែវិស័យព្រះពុទ្ធសាសនាបានរស់រានជីវិតឡើងវិញ នៅក្នុងប្រទេសកម្ពុជាយើង ដោយសារតែគណបក្ស ប្រជាជនកម្ពុជា បានរំដោះ ប្រទេសជាតិ ពីរបបប្រល័យ ពូជសាសន៍ ហើយបានខិតខំ កសាង វត្តអារាម នៅគ្រប់ទី កន្លែង នៅក្នុងប្រទេស ពិសេសផ្លូវបេតុងថ្មី ចូលវត្តធុតង្គ ចំការដូងនេះស្រាប់ ដើម្បី ឲ្យប្រជាពលរដ្ឋខ្មែរយើង ប្រើប្រាស់ និងគោរពប្រតិបត្តិដូចដើមវិញ ហើយបច្ចុប្បន្នវិស័យពុទ្ធ ចក្រ និងអាណាចក្រ នៅក្នុង ប្រទេសកម្ពុជាយើង មាន ការរីកចម្រើនគួជាទីមោទនៈ ដោយសារតែគណបក្សប្រជា ជនកម្ពុជា បានដឹកប្រទេស ជាពិសេសដោយសារតែយើងមាន សម្ដេចតេជោ ហ៊ុន សែន ជាមេដឹកនាំម្នាក់ដ៏ ឈ្លាសវៃប្រកបដោយគតិ បណ្ឌិត ។

នៅក្នុងពិធីនោះផងដែរ លោកអភិបាលរងខណ្ឌ ក៏បានសំណូមពរ ឲ្យប្រជាពលរដ្ឋ ដែលគ្រប់អាយុ និងដែលបានចុះ ឈ្មោះបោះឆ្នោត ត្រូវអញ្ជើញទៅបោះឆ្នោត ឲ្យបានគ្រប់ៗគ្នានៅថ្ងៃទី២៨ ខែ កក្ដដា ឆ្នាំ ២០១៣ ខាងមុខនេះ ហើយសូមបងប្អូនទាំងអស់ ត្រូវពិចារណាឲ្យបានមែនទែន មុននឹងគូសសន្លឹកឆ្នោតគាំទ្រគណបក្សណាមួយថា តើ មេដឹកនាំ និងមន្រ្តីគណបក្ស ណាមួយ ដែលតែងតែនៅ ជាប់ជាមួយបងប្អូនជានិច្ច ពេលដែលបងប្អូនជួបប្រទះ នូវ បញ្ហា ហើយតើមន្រ្តីបក្ស ណា បានតែដើរសន្យាខ្យល់ និងគ្មានឃើញស្រមោលពេលដែលបងប្អូនត្រូវការ និយាយ ជារួម គឺមានតែគណបក្ស ប្រជាជនកម្ពុជាមួយគត់ ដែលស្ថិតនៅជាប់ជានិច្ចជា មួយបងប្អូន ហើយនៅក្នុង ការបោះ ឆ្នោត នាពេលខាង មុខនេះ គណបក្សប្រជាជន កម្ពុជា ស្ថិតនៅលេខរៀងទី ៤ ដែលមានសញ្ញារូបទេវតា បាចផ្កា ហើយបើគណបក្ស ប្រជាជនកម្ពុជាឈ្នះ គឺសម្ដេចតេជោ សែន និង បន្តក្លាយជាមេដឹកនាំប្រទេស ទៅរកការអភិវឌ្ឍន៍រីក ចម្រើនទៅមុខទៀតជាក់ជាពុំខាន ៕

ភ្នំពេញ ៖ ដូចបណ្ដាវត្ដផ្សេងៗទៀតដែរ នៅវត្ដពុទ្ធឃោសាចារ្យ ហៅវត្ដចិនដំដែក ខាងត្បូង ព្រះចៅអធិការវត្ដ ព្រះគ្រូសូត្រ ស្ដាំ ព្រះគ្រូសូត្រឆ្វេង ព្រះសង្ឃ និងពុទ្ធ បរិស័ទចំណុះជើងវត្ដ ក៏បានប្រារឰពិធីបុណ្យ ពិសាខបូជាផងដែរនៅថ្ងៃទី២៤ ខែឧសភា ឆ្នាំ ២០១៣ នេះ ។

នៅល្ងាចថ្ងៃដដែលនេះ ព្រះគ្រូសូត្រស្ដាំ ទួត ម៉េងឈុន បានដឹកនាំព្រះសង្ឃ និងពុទ្ធ បរិស័ទចំណុះជើងវត្ដជាច្រើនអង្គ នាក់ បាន ដង្ហែជុំវិញវត្ដមួយជុំ និងជុំវិញព្រះវិហារ ចំនួន ៣ជុំ ។

គួរបញ្ជាក់ថា ការប្រារឰពិធីបុណ្យ ពិសាខបូជានេះ ត្រូវបានធ្វើឡើងនៅតាម វត្ដទូទាំងប្រទេស ដែលជាថ្ងៃព្រះសម្មា សម្ពុទ្ធ ទ្រង់ប្រសូត ត្រាស់ដឹង និងចូល ព្រះបរិនិព្វាន ដែលសុទ្ធតែកើតឡើងនៅថ្ងៃ  ១៥កើត ខែពិសាខ ។

ពិធីបុណ្យពិសាខបូជា ត្រូវបានប្រទេស កាន់ព្រះពុទ្ធសាសនា ក៏ដូចជាពុទ្ធសាសនិកជនកម្ពុជា ប្រារព្ធឡើងជារៀង រាល់ឆ្នាំនៅថ្ងៃ១៥ កើត ខែពិសាខ ដែលជាថ្ងៃ-ខែ តែមួយ ដែលព្រះសម្មាសម្ពុទ្ធសមណគោត្តមបរមគ្រូទ្រង់ប្រសូត (ថ្ងៃសុក្រ ១៥កើត ខែពិសាខ ឆ្នាំច មុនគ្រិស្តសករាជ ៦២៣ឆ្នាំ)។ ព្រះពុទ្ធបានត្រាស់ដឹង (ថ្ងៃពុធ ១៥កើត ខែពិសាខ ឆ្នាំរកា មុនគ្រិស្តសករាជ ៥៨៨ឆ្នាំ)។ ព្រះពុទ្ធទ្រង់ព្រះបរិនិព្វាន ក្នុងព្រះជន្ម ៨០ព្រះវស្សា (ថ្ងៃអង្គារ ១៥ កើត ខែពិសាខ ឆ្នាំម្សាញ់ មុនគ្រិស្តសករាជ ៥៤៣ឆ្នាំ)។ ពុទ្ធសាសនិក ទាំងព្រះសង្ឃ ទាំងគ្រហស្ថ តែងធ្វើសក្ការបូជា ប្រកបដោយជំនឿថា ជា មហាកុសលដ៏ប្រសើរ៕

ស្វាយរៀង ៖ កម្លាំងនគរបាល ខេត្ដ ស្វាយរៀង និងកម្លាំងសមត្ថកិច្ចជំនាញ ផ្សេងទៀត បាន និងកំពុងបើកប្រតិបត្ដិការ  ស្រាវជ្រាវ យ៉ាងក្ដៅគគុក ដើម្បីតាមចាប់ ក្រុមឃាតក ដែលធ្វើសកម្មភាពធ្វើគុត (វាយសម្លាប់) ព្រះចៅអធិការវត្ដថ្លាញ ស្ថិតនៅក្រុងបាវិត ខេត្ដស្វាយរៀង ហើយសព របស់ព្រះអង្គ ត្រូវបានគេប្រទះឃើញ នៅវេលាម៉ោង ៥ទៀបភ្លឺ ថ្ងៃទី២៤ ខែ ឧសភា ឆ្នាំ ២០១៣ នៅពេលដែលកូន សិស្ស ទៅដាស់ព្រះអង្គ ដើម្បីឡើងចាក់មេ ក្រូ ថ្ងៃបុណ្យពិសាខបូជា និងជាថ្ងៃសីល ផងនោះ ។

យោងតាមសេចក្ដីរាយការណ៍ ពីកន្លែង កើតហេតុ បានឱ្យដឹងថា ព្រះចៅអធិការ វត្ដព្រះនាម កែវ ពេជ្រ ព្រះជន្ម ៧៨ព្រះ វស្សា ត្រូវបានជន មិនស្គាល់មុខ ដែលមាន គ្នាមិនក្រោម ២នាក់ ធ្វើគតព្រះអង្គ បណ្ដាលឱ្យសុគតយ៉ាងវេទនា រួចហើយគេច ខ្លួនបាត់ ដោយសុវត្ថិភាព ។

សេចក្ដីរាយការណ៍បានបន្ដថា មុនពេល កើតហេតុ ដូចសព្វមួយដងព្រះអង្គតែងតែ ឡើងចាក់មេក្រូ សម្រាប់ថ្ងៃសីល ប៉ុន្ដែ នៅ ថ្ងៃកើតហេតុនេះ បែរជាមិនឃើញព្រះ អង្គមកចាក់មេក្រូសោះ ទើបគណៈកម្មការ វត្ដ និងពុទ្ធបរិស័ទប្រើឱ្យកូនសិស្សលោក ទៅហៅព្រះអង្គ ប៉ុន្ដែ ពេលទៅដល់ឃើញ ព្រះអង្គចូលទីវង្គតបាត់ទៅហើយ ដោយ មានឈាមនៅលើព្រះភ័ក្ដ្រទៀតផង ។

បើតាមប្រភពព័ត៌មានពីកន្លែងកើត ហេតុនោះ ព្រះចៅអធិការវត្ដត្រូវគេវាយ នឹងរបស់រឹង ក្នុងទីធ្លាវត្ដ រួចហើយយកសព ព្រះអង្គទៅដាក់លើតុ ។ ជុំវិញអំពើឃាត កម្ម ដ៏សាហាវឃោរឃៅ និងមិនខ្លាចបាប កម្ម ធ្វើគតព្រះចៅអធិការវត្ដថ្លាញខាងលើ នេះ ស្នងការនគរបាលខេត្ដស្វាយរៀង លោកឧត្ដមសេនីយ៍ត្រី កឹង ឃន បានថ្លែង ឱ្យដឹងថា នៅពេលនេះកម្លាំងនគរបាល ជំនាញរបស់លោក និងកម្លាំងសមត្ថកិច្ច ផ្សេងទៀត បាន និងកំពុងធ្វើការស្រាវជ្រាវ យ៉ាងយកចិត្ដទុកដាក់ តាមចាប់ជនសង្ស័យ។

លោកឧត្ដមសេនីយ៍ កឹង ឃន បាន ប្រាប់មជ្ឈមណ្ឌលព័ត៌មានដើមអម្ពិលតាម ទូរស័ព្ទ នៅរសៀលថ្ងៃទី២៤ ខែឧសភា ឆ្នាំ ២០១៣ ថា ករណីខាងលើនេះជារឿង ឃាតកម្ម ប៉ុន្ដែ លោកមិនទាន់អាចសន្និដ្ឋាន ថា ជាករណីប្លន់យកទ្រព្យសម្បត្ដិ ឬក៏ជា គំនុំនោះឡើយ ប៉ុន្ដែ បើតាមប្រជាពលរដ្ឋ និយាយថា កន្លងទៅនៅក្នុងវត្ដនេះធ្លាប់ មានជម្លោះកើតឡើង ជាច្រើនលើក ។

លោកឧត្ដមសេនីយ៍បានបន្ដថា បើតាម មន្ដ្រីជំនាញ ដែលរាយការណ៍ជូនលោក គឺ ព្រះចៅអធិការ ត្រូវបានគេធ្វើគតដោយ ច្របាច់ក ។ ជាមួយគ្នានេះលោកស្នងការ ខេត្ដស្វាយរៀង កំពុងស្រាវជ្រាវ និងស្វែង រកគ្រូបង្រៀនម្នាក់ ដែលសុំលោកមកស្នាក់ នៅជាមួយ ហើយក្រោយពេលកើតហេតុ ស្រាប់តែបាត់មុខគ្រូបង្រៀននោះ ឃើញតែ ស្បែកជើងនៅមាត់ទឹក ប៉ុន្ដែ រហូតមកដល់ ពេលនេះ បើទោះបីទាក់ទងទៅក្រុមគ្រួសារ នៅខេត្ដកំពង់ចាម ក៏មិនទាន់ដឹងដំណឹងពី គ្រូបង្រៀនម្នាក់នេះដែរ ។ ប៉ុន្ដែ ចំពោះគ្រូ បង្រៀនរូបនេះ លោកមិនទាន់អាចសន្និដ្ឋាន ថា ជាប់ពាក់ព័ន្ធឬមួយយ៉ាងណាឡើយ ដោយរង់ចាំការស្រាវជ្រាវបន្ដទៀត ។

បើតាមសេចក្ដីរាយការណ៍ពីកន្លែងកើត ហេតុបានឱ្យដឹងថា អំពើឃាតកម្មលើព្រះ ចៅអធិការវត្ដថ្លាញ អាចជាករណីប្លន់យក ទ្រព្យសម្បត្ដិពីព្រះអង្គ ៕

ភ្នំពេញ៖ កាលពីរសៀលថ្ងៃទី២៤ ខែឧសភាឆ្នាំ២០១៣ លោក ព្រំ សិទ្ធត្រា ជាអនុប្រធាន ក្រុមការងារ ចុះជួយ ខណ្ឌដង្កោ និងជាប្រធាន ក្រុមការងារ ចុះជួយសង្កាត់ព្រែកកំពឹស លោក ចេង មុនីរ៉ា សមាជិក អចិន្ត្រៃយ៍ គណបក្ស ប្រជាជនកម្ពុជា ខណ្ឌដង្កោ និងជាអនុប្រធាន ក្រុមការងារ ចុះជួយសង្កាត់ព្រែកកំពឹស និងលោក ប៉ិល កុសល អនុប្រធាន គណៈកម្មាធិការបក្ស ខណ្ឌដង្កោបាន អញ្ជើញជួប សំណេះសំណាល ជាមួយសមាជិក សមាជិកា គណបក្ស ប្រជាជនមកពី ភូមិក្រាំងស្វាយ ចំនួន៥១៥នាក់ នៅក្នុងសង្កាត់ព្រែកកំពឹស ខណ្ឌដង្កោ  ។

លោក ជុំ ឈាង ប្រធាន គណបក្សសង្កាត់ព្រែកកំពឹស បានអានរបាយការណ៍ ស្តីពីរចនាសម្ព័ន្ធបក្ស ក្នុងសង្កាត់ព្រែកកំពឹស គណៈកម្មាធិការ គណបក្សសង្កាត់ព្រែកកំពឹស មានចំនួន ៣១១ ក្រុមបក្ស មាន៩ សាខាបក្ស មាន ៦៨ អនុសាខាបក្ស មាន ១៦២ គ្រួសារបក្ស មានសមាជិក បក្សសរុប ៣៩២៨ នាក់ ស្រី២១៦៨ នាក់។

  បន្ទាប់ពីបានស្តាប់ របាយការណ៍ របស់ប្រធានគណៈកម្មាធិការបក្ស សង្កាត់រួចមក លោកចេង មុនីរ៉ា  មានប្រសាសន៍សួរសុខទុក្ខ សមាជិក សមាជិកាទាំងអស់នឹង បានណែនាំ ដល់សមាជិក ទាំងអស់ត្រូវចេះគ្រប់គ្រង់ សមាជិករបស់ខ្លួន និងចេះណែនាំ ពន្យល់កុំឲ្យចាញ់ បោកការឃោសនា របស់គេ ។

ម្យ៉ាងវិញទៀត ប្រសិនបើមានការបាត់ សមាជិក ត្រូវចេះពិនិត្យឲ្យបានច្បាស់លាស់ តើបាត់មក ពីមូលហេតុអ្វី ផ្លាស់ប្តូរទីលំនៅ ឬមួយក៏ស្លាប់ រួចហើយ ត្រូវរាយការណ៍ ជាបន្ទាន់ ពីមូលហេតុ ធ្វើយ៉ាងណា គ្រប់គ្រងសភាពការណ៍ ឲ្យទាន់ពេលវេលា ។

លោកចេង មុនីរ៉ា  បានបន្តថា ទៅកាន់សមាជិក សមាជិកា ទាំងអស់ថា ក្នុងនាមបងប្អូនជា សមាជិក សមាជិកា គណបក្សប្រជាជន ភូមិទាំងអស់ បងប្អូនត្រូវ រក្សាភាពហ្នឹងនរ និងត្រូវចេះ គ្រប់គ្រង សមាជិក របស់ខ្លួន កុំឲ្យចាញ់ការ ឃោសនារបស់គេ ហើយម្យ៉ាងវិញទៀត បងប្អូនត្រូវតែខិតខំ បំពេញការងារបន្ត និងត្រូវចេះណែនាំ ពន្យល់ ចេះអូសទាញ ដល់អ្នកដែលទើប គ្រប់អាយុបោះឆ្នោតឲ្យ ចូលមកជាសមាជិក របស់ខ្លួន បន្ថែមទៀត ជៀសវាងកុំទុក ឲ្យអ្នកទាំងនោះចាញ់ ការឃោសនា របស់គេនោះ ។

លោកបានបន្តទៀតថា បច្ចុប្បន្ននេះ យើងឃើញហើយ ក្រោមការដឹកនាំ ដ៏ឈ្លាវៃរបស់សម្តេចទាំងបី ដែលមាន គោលនយោបាយ ដ៏ត្រឹមត្រូវនោះ ធ្វើឲ្យហេដ្ឋារចនាសម្ព័ន្ធនានា បានកើតឡើង ជាបន្តបន្ទាប់ ជាក់ស្តែងដូចជា ផ្លូវ ស្ពាន ថ្នល់សាលារៀន ជាដើម ហើយសមិទ្ធផលទាំងនេះ គឺស្ថាបនាឡើង ដើម្បីតែ ប្រជាពលរដ្ឋ ។

លោក ចេង មុនីរ៉ា ក៏បានលើកឡើងទៀតថា មានតែ គណបក្សប្រជាជនទេ ដែលរស់នៅជាមួយ ប្រជាជនរួមសុខរួមទុក្ខ ជាមួយ ប្រជាជនជានិច្ច ខុសពីគណបក្សប្រឆាំង ពេលមានទុក្ខលំបាក គឺពួកគេបានដាក់ មេប្រូចយករួចខ្លួន សម្ងំសុខនៅ ក្រៅប្រទេសតែឯង ទុកឲ្យបងប្អូនលំបាកវេទនា ។

លោកបានរំលឹកថា នៅថ្ងៃទី២៨ ខែកក្កដា ឆ្នាំ២០១៣ ខាងមុខនេះ នឹងឈាន ចូលដល់ ថ្ងៃបោះឆ្នោតហើយ ដូច្នេះបងប្អូន ដែលគ្រប់អាយុសូមរស់រាន់ ទៅចុះ បោះឆ្នោតឲ្យ បានគ្រប់ៗគ្នាត្រូវតែបំពេញភារកិច្ច ជាប្រជាពលរដ្ឋ ឲ្យបានទាំងអស់គ្នា ជាពិសេស យើងត្រូវបោះឆ្នោតជូនលេខរៀងទី៤ ដែលជាលេខរៀង របស់គណបក្ស ប្រជាជនកម្ពុជា សម្រាប់អាណត្តិទី៥ នេះ  ។

 បន្ទាប់ពីបានស្តាប់នូវ ប្រសាសន៍ដ៍មានអត្ថន័យ ខាងលើនេះលោក ព្រំ សិទ្ធត្រា  បានមានប្រសាសន៍ សំណេះសំណាល ជាមួយសមាជិក សមាជិកា ដោយទឹកចិត្តរីករាយ នឹងបានប្រាប់ដល់ បងប្អូនទាំងអស់ឲ្យ ដឹងពីការពីការអភវឌ្ឍន៍គ្រប់វិស័យ ក្រោមការដឹកនាំ របស់គណបក្ស ប្រជាជនកម្ពុជា ជាពិសេសលោក បានថ្លែង ទៅកាន់ប្រជាពលរដ្ឋថា «បើស្រឡាញ់ បើអាណិត បើពេញចិត្តបើជឿទុកចិត្ត សម្តេចតេជោ ហ៊ុន សែន  សូមបោះឆ្នោតជូន គណបក្ស ប្រជាជនកម្ពុជា » « ហើយបោះឆ្នោត ជូនគណបក្ស ប្រជាជនកម្ពុជា ដូចបោះឆ្នោតជូនខ្លួនឯង»។

ក្នុងពិធីនោះដែរ ប្រធានក្រុមការងារបាន ជូនវត្ថុអនុស្សាវរីយ៍ ដល់សមាជិក សមាជិកា ដែលចូលរួម ចំនួន ៥១៥ នាក់ ក្នុងម្នាក់ៗ ទទួលបានសារុង ១  ទុកជាការ កំដរដៃ ក្នុងពិធីជួប សំណេះសំណាលនេះផងដែរ ៕