aaa

Sunday, Feb 14th

| English Version | dapnews: 012 722 337, 097 9999 883, email: soyvicheth@gmail.com

តុលាការ នឹងប្រកាស​សាលក្រម​ សំណុំ​រឿង​ លោក សុខ ប៊ុន និងកញ្ញា សាសា នៅរសៀល​ថ្ងៃទី១៥ កុម្ភៈ

E-mail Print PDF

ភ្នំពេញ៖ តាមការគ្រោងទុក ប្រធានក្រុមប្រឹក្សាជំនុំជម្រះ នៃសាលាដំបូងរាជធានីភ្នំពេញ លោកស្រីចៅក្រម ស៊ លីនណា នឹងប្រកាស សាលក្រមសំណុំរឿង លោក សុខ ប៊ុន ពាក់ព័ន្ធនិងករណីបទល្មើស ហិង្សាដោយចេតនាមានស្ថានទម្ងន់ទោស ពាក់ព័ន្ធការប្រើអំពើហិង្សាលើ កញ្ញាឯក សុជាតា ហៅសាសា។

គួរបញ្ជាក់ផងដែរថា ក្រោយពីបញ្ចប់សវនាការ នៅថ្ងៃទី២៦ ខែមករា ឆ្នាំ២០១៦កន្លងទៅនេះ លោក ពុធ ធាវី មេធាវីតំណាងកញ្ញាឯក សុជាតា ហៅសាសា បានបញ្ជាក់ថា លោក សុខ ប៊ុន ពុំអាចរួចខ្លួនបានទេ បើទោះបីជាបានសងសំណង  ដែលលោកបដិសេធមិនប្រាប់ចំនួន ជាថ្នូរនឹងការដកពាក្យបណ្ដឹងក៏ដោយ។  លោកមេធាវី សង្កត់ធ្ងន់ថា ភស្តុតាងជាវីដេអូឃ្លីបបង្ហាញយ៉ាងច្បាស់ថា លោក សុខ ប៊ុន និងអង្គរក្ស ពិតជាមានចេតនា ប្រើអំពើហិង្សាលើកូនក្តី ប្រាកដមែន។

លោក សុខ ប៊ុន អតីតមានងារជា ឧកញ៉ា និងជាអតីតប្រធានក្រុមអ្នកវាយតម្លៃអចលនទ្រព្យនៅកម្ពុជា ជាប់ចោទពីបទហិង្សាដោយចេតនាមានស្ថានទម្ងន់ទោស តាមមាត្រា២១៨ នៃក្រមព្រហ្មទណ្ឌ ហាក់មានបំណងគេចវេះមិនចូលរួមសវនាការ នាព្រឹកថ្ងៃទី២៦ ខែមករា។  បើតាមការបញ្ជាក់របស់មន្ត្រីអនុរក្សពន្ធនាគារព្រៃស បានឲ្យដឹងថា ក្នុងថ្ងៃសវនាការ លោក សុខ ប៊ុន បានសម្រាកព្យាបាលជម្ងឺ នៅមន្ទីរពេទ្យមិត្តភាពខ្មែរសូវៀតឬពេទ្យរុស្ស៊ី ដោយសារសម្ពាធឈាមឡើងខ្ពស់។

លោកមេធាវី ពុធ ធាវី បានផ្ដល់បទសម្ភាសន៍ជាមួយអ្នកសារព័ត៌មាន នៅមុខអគារតុលាការថា កូនក្តីលោកបានសម្រេច ដកពាក្យតាំងពីថ្ងៃទី៤ ខែធ្នូ ឆ្នាំ២០១៥ មកម្ល៉េះ  ទោះបីយ៉ាងណាលោកមេធាវី បានបដិសេធ មិនប្រាប់ចំនួនប្រាក់នៃទឹកប្រាក់ជាថ្នូរនៃការដកពាក្យបណ្ដឹងនោះទេ ។   លោកថា បើទោះបីជា កូនក្តីបានដកពាក្យបណ្ដឹងក៏ដោយ តែលោក សុខ ប៊ុន ពុំអាចរួចខ្លួនបានទេ ព្រោះភស្តុតាង ជាវីដេអូឃ្លីប បង្ហាញយ៉ាងច្បាស់ថា លោកសុខ ប៊ុន និង អង្គរក្ស ពិតជាមានចេតនា ប្រើអំពើហិង្សាលើកូនក្តី ប្រាកដមែន។  ប៉ុន្ដែការសម្រេចយ៉ាងណានោះ វាជាឆន្ទានុសិទ្ធិរបស់លោកស្រីចៅក្រម សូ លីនណា ជាអ្នកសម្រេច។

មេធាវីការពារលោក សុខ ប៊ុន បានទទួលស្គាល់ថា លោក សុខ ប៊ុន ពិតជាបានប្រព្រឹត្តអំពើហិង្សា លើកញ្ញាសាសា ប្រាកដមែន ប៉ុន្ដែ ការប្រើអំពើហិង្សានេះ គឺកើតចេញពីកំហុស អចេតនាប៉ុណ្ណោះ ព្រោះតែលោក សុខ ប៊ុន ស្រវឹង។  លោកមេធាវី ស្នើឲ្យតុលាការ ជួយបន្ធូរបន្ថយទោសដល់កូនក្តីផង។ ទោះបីយ៉ាងណា លោក ហ៊ឹង ប៊ុនថន ជាតំណាងអយ្យការ នៅតែស្នើឲ្យតុលាការ រក្សាបទចោទប្រកាន់នេះទុកជាបានការដដែល។

លោក សុខ ប៊ុន អាយុ៣៧ឆ្នាំ មានទីលំនៅផ្ទះលេខ១០៩ ផ្លូវលេខ៩៩ កែងផ្លូវលេខ៤៩៨ សង្កាត់បឹងត្របែក ខណ្ឌចំការមន បានត្រូវកញ្ញាសាសា ដាក់ពាក្យបណ្តឹង នៅក្រសួងមហាផ្ទៃ ដោយចោទប្រកាន់ពីបទ ប្រើអំពើហិង្សា ដោយភ្ជាប់យកហេតុការណ៍ ដែលកើតឡើងកាលពី រំលងអាធ្រាត ឈានចូលថ្ងៃទី២ ខែកក្កដា ឆ្នាំ២០១៥ នៅចំណុចក្លឹបកំសាន្ត ឡាហ្គេនបា ក្នុងសង្កាត់ទន្លេបាសាក់ ខណ្ឌចំការមន ជាដើមចម ដាក់បន្ទុក ក្នុងការចោទប្រកាន់នេះ៕

លោក ស៊ុត ឌីណា៖ តើអ្នកគ្រោងធ្វើ​បាតុកម្ម​ប្រឆាំង នៅ​សហរដ្ឋអាមេរិក ពួកគេ ប្រើ​សញ្ជាតិអ្វី​ អាមេរិកាំង​ ឬ​ជនជាតិខ្មែរ?

E-mail Print PDF

ភ្នំពេញ៖ ឯកអគ្គរាជទូតកម្ពុជា ប្រចាំសាធារណរដ្ឋកូរ៉េ លោក ស៊ុត ឌីណា ក្នុងបណ្តាញ ទំនាក់ទំនងសង្គមហ្វេសប៊ុក បានចោទសំនួរ ជុំវិញនិងគម្រោងធ្វើបាតុកម្ម ប្រឆំាងសម្តេចតេជោ នាយករដ្ឋមន្រ្តី នៅសហរដ្ឋអាមេរិក ថាតើមនុស្សមួយក្តាប់តូចនោះ ប្រើប្រាស់សញ្ជាតិអ្វី ក្នុងការធ្វើបាតុកម្ម នៅទឹកដីអាមេរិក។

លោក ស៊ុត ឌីណា បានសរសេរថា "តើអ្នកគ្រោងធ្វើបាតុកម្មប្រឆាំង នៅសហរដ្ឋអាមេរិក ពួកគេ ប្រើសញ្ជាតិអ្វី អាមេរិកាំង ឬជនជាតិខ្មែរ??
នេះជាអ្វីដែលទូតខ្មែរ នៅទីនោះត្រូវ ក្តាប់អោយបាន ដើម្បីតវ៉ាជាមួយរដ្ឋបាលលោកប៉ារ៉ាក់ អូប៉ាម៉ា។ ទី១ បើពួកបាតុករប្រកាស ឬតាំងខ្លួន ថា ជាពលរដ្ឋអាមេរិកាំង នោះទូតគួរដាក់កំណត់ទូត សួររដ្ឋាភិបាលអាមេរិកាំងថា តើហេតុអី បានជាមានទំនាក់ទំនង ការទូតជាមួយកម្ពុជា បែរជាបើកដៃអោយពលរដ្ឋខ្លួន មកប្រឆាំងប្រទេសមិត្ត ទី២ បើពួកបាតុករ តាំងខ្លួនឯងថា ជាពលរដ្ឋខ្មែរ (ឬជនជាតិដទៃ)វិញ នោះក៏គួរទូត ដាក់កំណត់ទូត ទៅចោទសួររដ្ឋាភិបាល អាមេរិកាំងថា ហេតុបានជាអនុញ្ញាតអោយ កំលាំងបរទេស ប្រើប្រាស់ទឹកដីអាមេរិក ជាលេណដ្ឋាននយោបាយ ឬកងទ័ព សាសនា ដើម្បីវាយប្រហារប្រទេសមិត្ត ដែលរំលោភ លើអនុសញ្ញាក្រុងវីយ៉ែន ស្តីពីទំនាក់ទំនងការទូត???" ។

លោក ស៊ុត ឌីណា បានបញ្ជាក់ទៀតថា "ឈរលើអង្គហេតុ និងអង្គច្បាប់ ទូតអាចស្នើសុំអន្តរាគមន៍ ពីរដ្ឋាភិបាលអាមេរិកាំង អោយគេទប់ស្កាត់ ឬឃាត់ខ្លួនមួយរយៈពេលខ្លី ឬរហូតចប់កិច្ចប្រជុំ ឬអាចអោយធ្វើកិច្ចសន្យា អោយបញ្ឍប់ជាស្ថាពរ។ បើរដ្ឋម្ចាស់ផ្ទះ (អាមេរិក) មិនការពាររដ្ឋដាក់ទូត ( ព្រះរាជាណាចក្រកម្ពុជា) នោះរដ្ឋដាក់ទូតមានសិទ្ឋិប្រើប្រាស់ Riciprocal Measure"។

ឯកអគ្គរាជទូតរូបនេះ បានបញ្ជាក់បន្ថែមទៀតថា "នេះគ្រាន់តែជាអង្គច្បាប់ ឬទឡ្ហីករណ៍ មួយជ្រុង សម្រាប់ការពារថ្នាក់ដឹកនាំយើង ពោលគឺសម្តេចតេជោ ហ៊ុនសែន នាយករដ្ឋមន្រ្តី នៃព្រះរាជាណាចក្រកម្ពុជា ដែលកំពុងបំពេញបេសកកម្ម ផ្លូវការលើទឹកដីអាមេរិក ។ ចំណែកពលរដ្ឋក្នុងស្រុក ក៏មានសិទ្ឋិ សំដែងមតិដូចគ្នា គ្រាន់តែកុំអោយ មានអំពើហិង្សា ណាមួយកើតមាន"៕

ប្រធាន​សហភាព​សហព័ន្ធ​ យុវជន​កម្ពុជា ខេត្ត​កំពង់ស្ពឺ ចែករំលែក​ក្តី​ស្រឡាញ់​ ដល់​កុមារផ្ទុក​មេរោគ​អេដស៏​

E-mail Print PDF

ភ្នំពេញ៖ ប្រធាន សហភាពសហព័ន្ធយុវជន កម្ពុជា ខេត្តកំពង់ស្ពឺ លោក សរ សុពុត្រា និងក្រុមការងារ ឆ្លៀតឱកាសទិវានៃក្តីស្រឡាញ់១៤កុម្ភៈ ២០១៦ ចុះទៅចែករំលែកក្តី ស្រឡាញ់ដល់កុមារកំព្រា និងកុមារផ្ទុក មេរោគអេដស៏ នៅខេត្តកំពង់ស្ពឺ។

លោក សរ សុពុត្រា បានថ្លែងប្រាប់មជ្ឈមណ្ឌល ព័ត៌មានដើមអម្ពិល ឲ្យដឹងថា ទិវានៃក្តីស្រឡាញ់ឆ្នាំនេះ លោក និងក្រុមការងារ ចុះទៅចែករំលែកក្តីស្រឡាញ់ ដល់កុមារកំព្រា កុមារផ្ទុកមេរោគ នៅមណ្ឌលកុមារកំព្រាចំប៉ា និងមណ្ឌលកុមារកំព្រាភូមិរបស់យើង នៅភូមិសុបិន្ត ឃុំត្រពាំងគង ស្រុកសំរោងទង ខេត្តកំពង់ស្ពឺ។ លោក បានឲ្យដឹងផងដែរថា កុមារគ្រប់រូប ត្រូវតែទទួលបាននូវក្តីស្រឡាញ់៕

ក្រសួងសេដ្ឋកិច្ច​កំពុង​រៀបចំ​ សេចក្តី​ព្រាង​ច្បាប់​ស្តីពី​ ការគ្រប់គ្រង​អាជីវកម្ម​ឆ្នោត​ នៅ​កម្ពុជា​

E-mail Print PDF

ភ្នំពេញ៖ ក្រសួងសេដ្ឋកិច្ច និងហិរញ្ញវត្ថុ ដែលជាសេនាធិការ របស់រាជរដ្ឋាភិបាលកម្ពុជា បាននឹងកំពុងរៀបចំ សេចក្តីព្រាងច្បាប់ ស្តីពី ការគ្រប់គ្រងឆ្នោត នៅក្នុងប្រទេសកម្ពុជា ដើម្បីឲ្យចេញជារូបរាង នៅចុងឆ្នាំ២០១៦ ឬដើមឆ្នាំ២០១៧។

នេះបើតាមមន្ត្រីជាន់ខ្ពស់ របស់ក្រសួងសេដ្ឋកិច្ច បានឲ្យដឹង ក្នុងសន្និសីទសារព័ត៌មាន ស្តីពីការប្រគល់រង្វាន់ ជូនអ្នកឈ្នះ Jackpot ធំបំផុត របស់ឆ្នោតនាគនាំសំណាង នាព្រឹកថ្ងៃទី១៤ ខែកុម្ភៈ ឆ្នាំ២០១៦ នៅសណ្ឋាគារ សូភីទែ ភូគីត្រា។

លោក ជ្រុន ផេរ៉ាវ៉ាត ប្រធាននាយដ្ឋាន គ្រប់គ្រងអាជីវកម្ម និងប្រឆំាងការសំអាតប្រាក់ហិរញ្ញ ប្បទាន ភេវកម្ម នៃក្រសួងសេចដ្ឋកិច្ច បានថ្លែងថា ក្រសួងកំពុងតែ តាក់តែង សេចក្តីព្រាងច្បាប់ ស្តីពី ការគ្រប់គ្រងឆ្នោត ហើយច្បាប់នេះអាចនឹងចេញនៅចុងឆ្នាំនេះ ឬដើមឆ្នាំក្រោយ។

លោកបន្តថា «ពីអតីតកាល រហូតមកដល់ម៉ោងនេះ យើងមិនទាន់មានច្បាប់សម្រាប់គ្រងអាជីវកម្មឆ្នោតនោះទេ ហើយច្បាប់នេះអាចចេញនៅចុង ឆ្នាំ២០១៦ ឬដើមឆ្នាំ ២០១៧ ។នេះជា លិខិតបទដ្ឋានគតិយុត្តិមួយដែលយើងយកមកអនុវត្តជីវកម្មឆ្នោត ឡូតូនៅកម្ពុជា ។ អីចឹងបើពិតពីអតីតកាលទៅវិញ ឃើញថា នៅទស្សវត្សឆ្នាំ១៩៩០  យើងក៏ធ្លាប់មានឆ្នោតដែរ គឺឆ្នោត សន្លឹក ដែលយើងរំវៃនៅវត្ត ជាឆ្នោតជាតិ ដែលគ្រប់គ្រងដោយរដ្ឋធនាគារជាតិ»។

លោកលើកឡើងទៀតថា ចាប់តាំងពីការបោះឆ្នោត១៩៩៣ ដែលរៀបចំឡើង ដោយអ៊ុនតាក់ មក បានធ្វើឲ្យមានការអនុវត្តគោលនយោបាយលទ្ធិប្រជាធិបតេយ្យ សេរីពហុបក្ស ពិតប្រាកដ ធ្វើឲ្យវិយោគទុនជាតិនិងអន្តជាតិនាំយកអាជីវកម្មឆ្នោតឡូតូ មកកម្ពុជា ។ នៅឆ្នាំ១៩៩៦ រាជរដ្ឋាភិបាលក៏បានអនុញ្ញាតឲ្យមានអាជីវកម្មឆ្នោតឡូតូមក ចាប់ពីពេលនោះរហូតមកដល់បច្ចុប្បន្ន ឆ្នោតនៅតែមានដដែល ។

លោកគូសបញ្ជាក់ថា « ខ្ញុំអាចនិយាយបានថា រហូតមកដល់ម៉ោងនេះ មានក្រុមឆ្នោតប៉ុន្មានដែលកំពុងធ្វើអាជីវកម្មនៅលើទឹកដីកម្ពុជា?  ខ្ញុំអាចនិយាយថា គិតត្រឹមដំណាច់ឆ្នាំ២០១៥ មកដល់ខែនេះ មានក្រុមហ៊ុនឆ្នោតប្រមាណជាដប់ដែលបានទទួលគោលការណ៍អនុញ្ញាតត្រឹមត្រូវពីរាជរដ្ឋាភិបាល និងមានអាជ្ញា បណ្ណធ្វើអាជីវកម្ម ត្រឹមត្រូវពីក្រសួងសេដ្ឋកិច្ច ក្នុងនោះក៏មានក្រុមឆ្នោតនាគនាំសំណាងដែរ។ ក្នុងចំណោមក្រុមហ៊ុនឆ្នោតអស់នោះ មានតែក្រុមហ៊ុនចំនួន៦ ដែលកំពុងតែប្រតិបត្តិការអាជីវកម្មឆ្នោតរបស់ខ្លួន។ឆ្នោតនាគនំាសំណាងកំពុងប្រតិបត្តិការល្អ ក្នុងការបំពេញកាតព្វកិច្ចជូនរដ្ឋបានត្រឹមត្រូវ និងតែងតែគោរពនូវលិខិតបទដ្ឋានគតិយុត្តិរបស់ក្រសួង »។

គួរបញ្ជាក់ថា ក្រុមហ៊ុនឆ្នោតនាគ គឺជាក្រុមហ៊ុន ស្របច្បាប់ដែលបានទទួលអាជ្ញាប័ណ្ណពីក្រសួងសេដ្ឋកិច្ច ហើយបានប្រកបអាជីវកម្ម នៅកម្ពុជាជិត ៣ឆ្នាំមកហើយ និងបានផ្លាស់ប្តូរជីវិតអ្នកឈ្នះរង្វាន់ ជាង៥សែននាក់ ក្នុងទឹកប្រាក់សរុបជិត៤លានដុល្លារ៕

ឆេះរថយន្តដឹកសំរាម ក្រុមហ៊ុន ស៊ិនទ្រី ក្នុងទីលានចាក់សំរាមព្រៃនប់

E-mail Print PDF

ព្រះសីហនុ៖ រថយន្តដឹកសំរាម របស់ក្រុមហ៊ុនស៊ិនទ្រី ត្រូវបានឆេះខណៈដែលយកសំរាមទៅចាក់នៅទីលានចាក់សំរាមព្រៃនប់ ត្រូវអ្នកបើកបរ បានជ្រុលចង្កូតកុ្រឡាប់ចូលភ្នក់ភ្លើង នៅម៉ោងប្រមាណ ៣៖១០នាទី ថ្ងៃទី១៤ ខែកុម្ភៈ ឆ្នាំ២០១៥នេះ ស្ថិតក្នុងឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ។

បើតាមសេចក្តីរាយការណ៍ បានឲ្យដឹងថា គ្រោះថ្នាក់ក្រឡាប់រថយន្តឆេះ នេះ មិនបានបង្កគ្រោះថ្នាក់ដល់បុគ្គលិករបស់ក្រុមហ៊ុនស៊ិនទ្រី និងប្រជាពលរដ្ឋណាម្នាក់នោះទេ។ នៅពេលនេះដែរ កម្លាំងអាជ្ញាធរ ក៏ដូចសមត្ថកិច្ចកំពុងតែនាំគ្នាជួយអន្តរាគមន បាញ់ពន្លត់ នៅក្នុងទីលានចាក់សំរាមព្រៃនប់៕

សិទ្ធិមនុស្ស​បញ្ចេញ​ ទស្សនៈ​លើករណី​ឃាតកម្ម ​កាត់ក្បាល​ដ៏សាហាវ​ នៅ​សៀមរាប​

E-mail Print PDF

ភ្នំពេញ៖ អង្គការឃ្លាំងមើល ផ្នែកសិទ្ធិមនុស្សនៅកម្ពុជា បានបញ្ចេញទស្សនៈជុំវិញ ករណីឃាតកម្ម ដ៏សាហាវយង់ខ្នងមួយ នៅខេត្តសៀមរាប ដោយបុរសម្នាក់ បានកាត់ក្បាលស្រ្តីម្នាក់យកទៅដុតយ៉ាងព្រៃផ្សៃ។

លោក អំ សំអាត មន្រ្តីជាន់ខ្ពស់ អង្គការសិទ្ធិមនុស្ស លីកាដូ បានប្រាប់មជ្ឈមណ្ឌលព័ត៌មាន ដើមអម្ពិលនៅថ្ងៃអាទិត្យ ទី១៤ ខែកុម្ភៈ ឆ្នាំ២០១៦ថា នេះជាករណីសាហាវបំផុត សម្រាប់កម្ពុជានៅដើមឆ្នាំ២០១៦នេះ។ លោកបន្តថា កន្លងមកក៏ធ្លាប់មានករណីខ្លះស្រដៀងនឹងករណីមួយនេះផងដែរ ប៉ុន្តែបញ្ហានេះ គឺមានលក្ខណៈធ្ងន់ធ្ងរជាខ្លាំង រហូតវាយសម្លាប់ហើយ កាត់ក្បាល ថែមទាំងដុតក្បាល ចោលទៀត។

លោកបញ្ជាក់ថា “ខ្ញុំសូមអំពាវនាវឲ្យស្រី្តៗត្រូវមានការប្រុងប្រយ័ត្ន ហើយកុំឆាប់ជឿលើពាក្យសំដី របស់គេពេក ជាពិសេសសង្សា អីជាដើមហ្នឹង។ ចំណែកសមត្ថកិច្ចក៏ត្រូវរឹតបន្តឹង ឲ្យខ្លាំងផងដែរ ជាពិសេសពាក់ព័ន្ធផ្ទះសំណាក់ ត្រូវចាត់វិធានការរក្សាសុវត្ថិភាពផងដែរ”។

គួរបញ្ជាក់ថា កាលពីវេលាម៉ោង១២ ថ្ងៃទី១៣ ខែកុម្ភៈ ឆ្នាំ២០១៦នេះ មានការភ្ញាក់ផ្អើលពេញខេត្តសៀមរាប ដោយសារតែប្រទះឃើញសាកសព នារីវ័យជាង២០ឆ្នាំម្នាក់ ដេកស្លាប់ដោយដាច់ក្បាល ក្នុងបន្ទប់៣០១ នៃផ្ទះសំណាក់ប្រាសាទកែវ ផ្លូវផ្សារញ៉ែ ក្នុងភូមិតាភុល សង្កាត់ស្វាយដង្គុំ ក្រុង/ខេត្តសៀមរាប។

សពនារីរងគ្រោះត្រូវបានឃាតករសម្លាប់ កាត់ក្បាលយកទៅបាត់ បន្សល់ទុកតែខ្លួនត្រឹមករចុះក្រោម រួចរុំជាមួយភួយពណ៌ផ្កាឈូក ហើយញាត់សពចូល ក្រោមគ្រែ ដល់ម៉ោង១២បុគ្គលិកផ្ទះសំណាក់ ខាងលើបានចូលរៀបន្ទប់ ក៏ប្រទះឃើញសពតែម្តង៕

តើអ្នកធ្លាប់នឹកគិត ដល់គ្រូរបស់អ្នក ដែរឬទេ? (មានវិដេអូ)

E-mail Print PDF

ភ្នំពេញ៖ “អ្នកគ្រូ មានសិទ្ធបង្រៀនខ្ញុំ តែ ម៉ោងបង្រៀនខ្ញុំទេ ពេលម៉ោងអត់រៀន អ្នកគ្រូអត់មានសិទ្ធប្រដៅខ្ញុំទេ!!!” នេះគឺសម្តីរបស់សិស្សស្រីម្នាក់ បាននិយាយទាំង គម្រោះគម្រើយ ដាក់អ្នកគ្រូរបស់ខ្លួន ដែលត្រូវបង្ហាញ នៅក្នុងវីដេអូអប់រំខ្លីមួយ ផលិតដោយ ស្ថានីយទូរទស្សន៍ បាយ័ន ក្នុងឱកាសទិវានៃក្តីស្រឡាញ់ ១៤កុម្ភៈ ២០១៦។

“តើអ្នកធ្លាប់នឹកគិតដល់គ្រូរបស់អ្នកដែរឫទេ?” គឺជាចំណងជើង វីដេអូអប់រំ ដែលត្រូវបានគេចែកចាយនិងផ្សាយ ហើយទទួលបានការពេញនិយមបំផុត។
លោក ពល ខេមរិន្ទ អតីតវិទ្យាល័យបាក់ទូកម្នាក់ បានថ្លែងថា ក្រោយពីបានទស្សនាវីដេអូអប់រំខ្លីនេះហើយ ធ្វើឲ្យលោកមានអារម្មណ៍រន្ធត់ចិត្ត និងស្រក់ទឹកភ្នែកដោយ មិនដឹងខ្លួន ចំពោះគុណធម៌លោកគ្រូអ្នកគ្រូ របស់លោក តាំងពីវ័យកុមាររហូត ដល់ថ្នាក់ឧត្តមសិក្សា។

លោក ខេមរិន្ទ ដែលបច្ចុប្បន្នមានវ័យ៣៦ ឆ្នាំ សូមឧទ្ទិសស្នាដៃវីដេអូខ្លី របស់ស្ថានីយទូរទស្សន៍បាយ័ននេះ ជូនដល់លោកគ្រូ-អ្នកគ្រូ ចំពោះព្រហ្មវិធម៌ ចរិយាធម៌ និងសីលធម៌ដែលលោកគ្រូ-អ្នកគ្រូ បានបង្ហាត់បង្ហាញ ដោយមិនខ្លាចណឿយហត់ និងសូមអំពាវនាវឲ្យសិស្សានុសិស្សទាំងឡាយ គោរពនិងស្រឡាញ់លោកគ្រូ-អ្នកគ្រូ ជារៀងដរាបតទៅ៕

" តើអ្នកធ្លាប់នឹកគិតដល់គ្រូរបស់អ្នកដែរឬទេ? ចូលរួមshare និង comment រូបគ្រូរបស់អ្នក ដើម្បីបង្ហាញក្តីស្រលាញ់របស់អ្នកក្នុងថ្ងៃបុណ្យនៃក្តីស្រលាញ់ ជូនចំពោះគ្រូរបស់អ្នក"

Posted by Bayon TV, Cambodia on Saturday, February 13, 2016

លោកអភិបាលខេត្ត បានពាំនាំអំណោយ ចែកជូនដល់គ្រួសារ រងគ្រោះដោយអគ្គីភ័យ

E-mail Print PDF

កោះកុង៖ នៅព្រឹកថ្ងៃទី ១៤ ខែ កុម្ភៈ ឆ្នាំ ២០១៦ លោក ប៊ុន លើត អភិបាលខេត្តកោះកុង និងជាប្រធានកិត្តិយស សាខាកាកបាទក្រហម កម្ពុជាខេត្តកោះកុង បានដឹងនាំសមាជិកសមាជិកា នៃសាខាកាកបាទក្រហមកម្ពុជា ខេត្តបានចុះសួរសុខទុក្ខ ប្រជាពលរដ្ឋរងគ្រោះ ទាំង៤គ្រួសារដោយសារ អគ្គីភ័យឆាបឆេះ កាលពីវេលាម៉ោង ៤៖៣០ នាទី ល្ងាចថ្ងៃទី១៣ខែកុម្ភៈម្សិលមិញ។

ការចុះសំណេះសំណាល និងសួរសុខទុក្ខ នាពេលនេះលោក ប៊ុន លើត អភិបាលខេត្ត និងជាប្រធានកិត្តិយស សាខាកាកបាទក្រហមកម្ពុជាខេត្ត បានពាំនាំនូវអំណោយ សម្ភារៈមួយចំនួនដើម្បីសម្រាប់ឲ្យពួកគាត់បានសម្រួលក្នុងគ្រួសារបណ្តោះអាសន្នបានសិន ។អំណោយដែលចែកជូន ជនរងគ្រោះទាំង៤ គ្រួសារនោះ មាន- សង្ក័សី ចំនួនសរុប៩០សន្លឹក.អង្ករ១បាវ.តង់១ សម្ភារៈប្រើប្រាស់ មួយចំនួនរួមទាំងគ្រឿង បរិភោគមួយចំនួនទៀត។

នៅក្នុងឱកាសសំណេះសំណាល នេះលោក ប៊ុន លើត បានមានប្រសាសន៏ថា អំណោយទាំងនេះ វាតិចតួចមែនតែវា ជួយបងប្អូនបានដោះស្រាយ ក្នុងក្រុមគ្រួសារបានមួយដែរ៕

Update៖ សម្ដេច​តេជោហ៊ុន សែន នឹង​អនុញ្ញាតឲ្យ​ ប្រជាពលរដ្ឋ​ខ្មែររស់នៅ អាមេរិក​ជួប សំណេះសំណាល

E-mail Print PDF

ភ្នំពេញ៖ ក្នុងដំណើរ ចូលរួមកិច្ចប្រជុំកំពូល ពិសេសអាមេរិក-អាស៊ាន ដែលនឹងប្រព្រឹត្តទៅ ចាប់ពីថ្ងៃទី១៥-១៦ កុម្ភៈ  នៅសាន់នីលែន ទីក្រុងរ៉ែនចូមីរេច រដ្ឋកាលីហ្វ័រញ៉ា សម្ដេចតេជោ ហ៊ុន សែន នាយករដ្ឋមន្រ្ដីកម្ពុជា នឹងអនុញ្ញាតឲ្យប្រជាពលរដ្ឋខ្មែរ រស់នៅសហរដ្ឋមេរិក ជួបសំដែងការគួរសម ក្នុងគ្រាដែលសម្ដេច និងគណៈប្រតិភូ ជាន់ខ្ពស់កម្ពុជា ទៅដល់សហរដ្ឋអាមេរិក នៅរសៀលម៉ោង៤ ម៉ោងនៅអាមេរិក ថ្ងៃទី១៤ ខែកុម្ភៈ ឆ្នាំ២០១៦។

គណៈប្រតិភូអម ដំណើរសម្ដេចតេជោ រួមមាន៖ លោកឧបនាយករដ្ឋមន្ត្រីហោ ណាំហុង រដ្ឋមន្ត្រីការបរទេស និងសហប្រតិបត្តិការអន្តរជាតិ លោកទេសរដ្ឋមន្ត្រីស៊ុន ចាន់ថុល រដ្ឋមន្ត្រីក្រសួងពាណិជ្ជកម្ម លោកអូនព័ន្ធ មុនីរ័ត្ន រដ្ឋមន្ត្រីសេដ្ឋកិច្ច និងហិរញ្ញវត្ថុ លោកហង់ ជួនណារ៉ុន រដ្ឋមន្ត្រីក្រសួងអប់រំយុវជន និងកីឡា និងមន្រ្ដីជាន់ខ្ពស់រាជរដ្ឋាភិបាលកម្ពុជាជាច្រើនរូបផ្សេងទៀត។

លោក ស្រ៊ី ថាមរ៉ុង្គ រដ្ឋមន្រ្ដីប្រតិភូអមនាយករដ្ឋមន្រ្ដី បានប្រាប់ក្រុមអ្នកសារព័ត៌មាន មុនពេលសម្តេចដឹកនាំ គណៈប្រតិភូចូលរួមប្រជុំ នៅអាមេរិកព្រឹកថ្ងៃទី១៤ កុម្ភៈ ថា នៅរសៀលម៉ោង៤ ម៉ោងនៅអាមេរិក ថ្ងៃទី១៤ កុម្ភៈ សម្ដេចតេជោហ៊ុន សែន នាយករដ្ឋមន្រ្ដី នឹងអនុញ្ញាតឲ្យបងប្អូន ប្រជាពលរដ្ឋខ្មែរពីគ្រប់ទីកន្លែង នៅសហរដ្ឋមេរិក ជួបសំណេះសំណាល ពិសេសនៅរដ្ឋកាលីហ្វ័រញ៉ា។

ប៉ុន្តែក្នុងជំនួបនេះ មិនដឹងថា មានក្រុមអ្នកដែលមានគម្រោងធ្វើបាតុកម្មប្រឆាំងដំណើរទស្សនកិច្ចសម្តេចនៅអាមេរិកចូលរួមនៅឡើយទេ។ លោក មាស នី អ្នកវិភាគសង្គម បានលើកឡើងថា ជារឿងធម្មតាទេ នៅពេលដែលថ្នាក់ដឹកនាំប្រទេសធ្វើដំណើរទៅដល់ប្រទេសណាមួយហើយ តែងតែមានជំនួប ដើម្បីចង់ដឹងពី សុខទុក្ខរបស់ពលរដ្ឋខ្លួន ដែលរស់នៅក្រៅប្រទេស។

លោកបន្តថា “មានការជួបជុំគ្នារវាងសម្តេចតេជោនិងពលរដ្ឋនេះ គឺមិនមានអីប្លែកនោះទេ”។ ការចូលរួមប្រជុំរបស់ សម្តេចនាពេលនេះ សបញ្ជាក់ថា ទំនាក់ទំនងទ្វេភាគីរវាងប្រទេសនឹងកាន់តែមានភាពស្និតស្នាលជាមួយគ្នាបន្ថែមទៀត។ នេះជាលើកទី១ហើយ ដែលមានការរៀបចំកិច្ចប្រជុំកំពូល ពិសេសអាមេរិក-អាស៊ាន បន្ទាប់ពីអាស៊ាន និងអាមេរិក បានក្លាយជាដៃគូយុទ្ធសាស្រ្ដ កាលពីខែវិច្ឆិកា ឆ្នាំ២០១៥កន្លងទៅ នៅទីក្រុងកូឡាឡាំពួរ ប្រទេសម៉ាឡេស៊ី។ ការរៀបចំកិច្ចប្រជុំនេះ មានគោលបំណង ដើម្បីធ្វើឲ្យកាន់តែស៊ីជម្រៅថែមទៀត នូវទំនាក់ទំនងដៃគូរវាងអាស៊ាន និងអាម៉េរិក,ពង្រឹង កិច្ចសហប្រតិបត្ដិការ ក្នុងតំបន់,និងផ្ដោតសំខាន់ផងដែរ ទៅលើវិស័យឯកជន ក៏ដូចជាសហគ្រាសធុនតូច និងមធ្យម។ ក្រៅពីបញ្ហាទាំងអស់នេះ មេដឹកនាំអាស៊ាន-អាមេរិក នឹងពិភាក្សាទៅលើបញ្ហាប្រឈម នៅក្នុងតំបន់ ដូចជាៈបញ្ហាឧក្រិដ្ឋកម្មឆ្លងដែន,អំពើភេរវកម្ម,អំពើជ្រុលនិយម,បញ្ហាសុវត្ថិភាព នាវាចរណ៍,បញ្ហាជំងឺឆ្លង,និង ការប្រែប្រួលអាកាសធាតុជាដើម។ 

ដោយឡែកទាក់ទងបាតុកម្មវិញ ក្រុមគាំទ្រគណបក្សសង្រ្គោះជាតិ នៅអាមេរិកបានរៀបចំ គម្រោងធ្វើបាតុកម្មប្រឆាំង សម្តេចនៅពេលដែល សម្តេចចូលរួមកិច្ច ប្រជុំកំពូលនេះ  ដើម្បីឲ្យនាយករដ្ឋមន្រ្តីកម្ពុជា ដោះស្រាយបញ្ហារំលោភសិទ្ធិមនុស្ស។

ជាការឆ្លើយតបទៅនឹង គម្រោងបាតុកម្មនេះ កាលពីថ្ងៃទី១១កុម្ភៈឆ្នាំ២០១៦នេះ ក្រុមសម្ព័ន្ធយុវជនគណបក្សប្រជាជនកម្ពុជា  ប្រកាសថា នឹងធ្វើបាតុកម្ម ប្រឆាំងគណបក្សសង្រ្គោះជាតិ នឹងអាចឈាន ដល់ស្នើឲ្យរដ្ឋសភារំលាយបក្សប្រឆាំងចោលផងដែរ ក្នុងករណីមានបាតុកម្ម ប្រឆាំងសម្តេចតេជោ ហ៊ុន សែន ។ លោក សាំង សុង ក្រុមសម្ព័ន្ធយុវជនគណបក្ស ប្រជាជនកម្ពុជាបានលើកឡើង នៅក្នុងវិដេអូជាង៩នាទី នៅថ្ងៃទី១១ ខែកុម្ភៈ ឆ្នាំ២០១៦ថា “ពួកយើងខ្ញុំសូមប្រកាសថា នឹងអាចឈានទៅធ្វើបាតុកម្ម នៅមុខទីស្នាក់ការគណបក្ស សង្រ្គោះជាតិ ប្រសិនបើសម្តេចអញ្ជើញ ទៅចូលរួមកិច្ចប្រជុំកំពូល អាមេរិក-អាស៊ាន ហើយមានបាតុកម្មប្រឆាំងសម្តេច ហើយនឹងស្នើឲ្យរដ្ឋសភា ដកបក្សចង្រៃជាតិ បំផ្លាញជាតិចោលតែម្តង ហើយឲ្យដកចេញពី បញ្ជីគណបក្សចោលតែម្តង”។

ជាមួយគ្នានោះផងដែរ ក្រុមឆន្ទៈយុវជនឆ្លងដែនកម្ពុជាកូរ៉េ ថ្កោលទោសចំពោះគំរោងបាតុកម្មប្រឆាំងសម្តេចតេជោហ៊ុនសែន នៅទឹកដីអាមេរិច។ តាមលិខិតរបស់ លោកម៉ៅ សំអឿន សមាជិកនៃក្រុមនេះ បានចេញកាលពីថ្ងៃទី១២កុម្ភៈថា “ យើងខ្ញុំជាក្រុមឆន្ទះយុវជនឆ្លងដែនកម្ពុជាកូរ៉េ មានការសោកស្តាយយ៉ាងខ្លាំង និងសូមថ្កោលទោសយ៉ាងដាច់អហង្កាចំពោះផែនការបាតុកម្មប្រឆាំងប្រមុខរាជរដ្ឋាភិបាលកម្ពុជា សម្តេចតេជោហ៊ុនសែន ដែលនឹងដឹកនាំគណៈប្រតិភជាន់ខ្ពស់ ទៅចូលរួមកិច្ចប្រជុំកំពូលអាស៊ាន-អាមេរិច នៅថ្ងៃទី១៥-១៦កុម្ភៈឆ្នាំ២០១៦ ខាងមុខនេះ ដែលទង្វើនេះ នឹងធ្វើអោយអាប់អោនដល់កិត្តិយស និងមុខមាត់កម្ពុជា លើឆាកអន្តរជាតិ”។

នៅមុនការប្រកាសនេះ សម្តេចតេជោ ហ៊ុន សែន ក៏ធ្លាប់មានប្រសាសន៍ថា បើសិនជាមានបាតុកម្មប្រឆាំងនឹងដំណើរទស្សនកិច្ចរបស់សម្តេច ទៅចូលរួមកិច្ចប្រជុំ អាស៊ាន-អាមេរិក នៅថ្ងៃទី១៥-១៦ ខែកុម្ភៈខាងមុខនោះមែន នឹងមានបាតុកម្មប្រឆាំងគណបក្សសង្គ្រោះជាតិនៅកម្ពុជាដែរ។ ឯកឧត្តម សម រង្ស៊ី មិនគាំទ្រឲ្យសកម្មជន CNRP ធ្វើបាតុកម្មប្រឆាំងសម្តេចតេជោ ក្នុងដំណើរទស្សនកិច្ចនៅអាមេរិក។

ក្នុងឱកាសចូលរួមក្នុងពិធីសំណេះសំណាល ជាមួយអ្នកគាំទ្រគណបក្សសង្គ្រោះជាតិ នៅទីក្រុងវ៉ាស៊ីនតោន សហរដ្ឋអាមេរិក កាលពីថ្ងៃទី៥ ខែកុម្ភៈ ឆ្នាំ២០១៦ ឯកឧត្តម សម រង្ស៊ី បាន អំពាវនាវកុំឲ្យពលរដ្ឋខ្មែរ នៅក្នុងប្រទេស និងនៅឯនាយសមុទ្រ តាំងចិត្តឲ្យស្ងប់កុំឲ្យមានបាតុកម្មផ្ទុះឡើង។
ឯកឧត្តមសមរង្ស៊ី បញ្ជាក់ថា “រឿងបាតុកម្មនៅពេលនេះ គឺមិនល្អទេគោលការណ៍គណបក្ស សង្គ្រោះជាតិមិនគាំទ្រទេ ហើយបើមានអ្នកណានៅតែធ្វើ ទទូចធ្វើ អាហ្នឹងក៏មិនដឹងធ្វើមិចដែរ ប៉ុន្តែអ្នកដែលទទូចធ្វើនោះ សូមចាត់ទុកខ្លួនមិនមែនជាសមជិកគណបក្សសង្គ្រោះជាតិទេ ហើយគណបក្សសង្គ្រោះជាតិ អត់ទទួលស្គាល់ ទង្វើរ អ្នកទាំងអស់នោះទេ ខ្ញុំជឿថា មតិភាគច្រើន នៃគណបក្សសង្គ្រោះជាតិ យល់អំពីស្ថានការ ការចាំបាច់ អ្វីដែលយើងត្រូវធ្វើ អ្វីដែលយើងមិនត្រូវធ្វើ គឺយល់ឲ្យច្បាស់ដើម្បី សម្រេចគោលដៅ របស់យើង គឺសង្គ្រោះជាតិយើងដោយសន្តិវិធី”។

ទោះបីជាមានការអះអាងពីឯកឧត្តមសម រង្ស៉ីបែបនេះក៏ដោយ ក៏បុរសម្នាក់ឈ្មោះ ទូច វិបុល កាលពីចុងខែមករាកន្លងទៅនេះ បានតាំងខ្លួនថា មិនឋិតក្នុង គណបក្សនយោបាយ ណាមួយនោះទេ ហើយបានអំពាវនាវ ឲ្យពលរដ្ឋខ្មែរនៅក្រៅប្រទេស ពិសេសនៅប្រទេសអាមេរិក ចូលរួមការតវ៉ាជាមួយខ្លួន ប្រឆាំងក្នុងដំណើរទស្សនកិច្ចរបស់សម្តេចតេជោ ហ៊ុន សែន ទៅកាន់សហរដ្ឋអាមេរិក ដើម្បីចូលរួមកិច្ចប្រជុំកំពូល អាស៊ាន-អាមេរិក ១៥-១៦ ខែកុម្ភៈ នាប៉ុន្មានថ្ងៃខាងមុខនេះ។

ប្រធានស្តីទី គណបក្សសង្រ្គោះជាតិ ឯកឧត្តម កឹម សុខា  បានស្នើទៅកាន់ ក្រសួងមហាផ្ទៃ ចាត់វិធានការ ការពារសន្តិសុខ សុវត្ថិភាព ជូនអ្នកតំណាងរាស្រ្ត ថ្នាក់ដឹកនាំ និងសមាជិកសមាជិកការ គណបក្សសង្គ្រោះជាតិ។

អ្នកនាំពាក្យគណបក្សសង្គ្រោះជាតិ លោកយ៉ែម បុញ្ញឫទ្ឋិ មានប្រសាសន៍ថា នៅព្រឹកថ្ងៃទី១៣កុម្ភៈ លោកមិនទាន់ទទូល លិខិតជាវិជ្ជមាន ឬអវិជ្ជមាន ពីក្រសួងមហាផ្ទៃនៅឡើយទេ បន្ទាប់ពីបានដាក់លិខិតស្នើរសុំការពារសុវត្ថិភាព ដល់តំណាងរាស្រ្តបក្សប្រឆាំង។ លោកលើកឡើងថា” ទោះបីជាយ៉ាងណាក៏ដោយយើងសង្ឃឹមថា ក្រសួងមហាផ្ទៃនឹងចាត់កំលាំងដើម្បីការពារអ្នកតំណាងរាស្រ្តបក្សប្រឆាំង តាមសំណើររបស់ឯកឧត្តម ប្រធានស្តីទី គណបក្សប្រឆាំង”។

កាលពីថ្ងៃទី២៦តុលាឆ្នាំ២០១៥ ក្រុមអ្នកគាំទ្រគណបក្សកាន់អំណាច ធ្វើការតវ៉ាម្តងរួចមកហើយ ដើម្បីទំលាក់ឯកឧត្តមកឹម សុខាចេញពីតំណែង អនុប្រធានទី១រដ្ឋសភា។ នៅពេលនេះ ក៏មានជនមួយក្រុមបានប្រើប្រាស់ អំពើហិង្សាវាយអ្នកតំណាងរាស្រ្ត បក្សប្រឆាំង២រូបគឺលោក ញ៉យ ចំរើន និងលោកគង់ សភា។ លុះដល់ថ្ងៃទី៣០តុលា ឆ្នាំ២០១៥ រដ្ឋសភាបានបើកកិច្ចប្រជុំ ដោយអវត្តន៍មានមន្រ្តីគណបក្សប្រឆាំង ដើម្បីបោះឆ្នោតទំលាក់ឯកឧត្តមកឹម សុខាចេញពីតំណែង។

សូមបញ្ជាក់ថា កាលពីថ្ងៃទី១១ កុម្ភៈ  សមាជិកព្រឹទ្ធសភា សហរដ្ឋអាមេរិក ជាន់ខ្ពស់៧រូប បានផ្ញើលិខិតជូនសម្តេចតេជោ ហ៊ុន សែន ដើម្បីស្នើឲ្យ ឯកឧត្តម សម រង្ស៊ី ចូលស្រុកវិញ ដោយមិនមានការរាំភ័យខ្លាច និងស្នើឲ្យដោះលែង អ្នកជាប់ពន្ធនាគារ ទាំង១៥រូប របស់គណបក្សប្រឆាំង មួយនេះមានសេរីភាពផងដែរ។ទាក់ទងនឹងករណីនេះ  លោក ជុំ សុន្ទរី អ្នកនាំពាក្យក្រសួងការបរទេស បានឲ្យដឹងកាលពីល្ងាចថ្ងៃសុក្រ ទី១២ ខែកុម្ភៈ ឆ្នាំ២០១៦ថា ស្ថានទូតខ្មែរ ប្រចាំទីក្រុងវ៉ាស៊ីនតោន បានបញ្ជូនលិខិតសមាជិកព្រឹទ្ធសភាអាមេរិក៧រូប ត្រឡប់ទៅព្រឹទ្ធសហរដ្ឋអាមេរិកវិញហើយ នៅថ្ងៃសុក្រនេះ ដោយបដិសេធ មិនទទួលយកនោះទេ៕

បេក្ខជនប្រធានាធិបតី​អាមេរិក​ម្នាក់ រិះគន់ចំណាត់ការរបស់ អតីតរដ្ឋមន្រ្តីការបរទេស ហែនរី ឃីស្សីងជើ ចំពោះការទម្លាក់គ្រាប់បែក នៅកម្ពុជា

E-mail Print PDF

ភ្នំពេញ៖ បេក្ខជនប្រធានាធិបតីអាមេរិក លោក ប៊ើនីស៍ សាន់ឌើស៍ (Bernies Sanders) នៃគណបក្សប្រជាធិបតេយ្យ បានថ្លែងថា បណ្តារដ្ឋមន្រ្តីការបរទេស ទាំងអស់អាមេរិក មានតែលោក ហែនរី ឃីស្សីងជើ (Henry Kissinger) តែម្នាក់គត់ ដែលជារដ្ឋមន្រ្តីការបរទេសអាមេរិក ដ៏បំផ្លាញជាងគេបំផុត ក្នុងប្រវត្តិសាស្រ្តអាមេរិកាំង ក្នុងសម័យទំនើប។

នៅក្នុងវេទិកាដេញដោល សម្រាប់បេក្ខជន ប្រធានាធិបតីអាមេរិក មកពីគណបក្សប្រជាធិបតេយ្យ លោក ប៊ើនីស៍ សាន់ឌើស៍ និងលោក ហ៊ីល្លារី គ្លីនតុន ដែលត្រូវចាក់ផ្សាយដោយទូរទស្សន៍ CNN ដ៏ល្បីបំផុតរបស់អាមេរិក នាថ្ងៃព្រហស្បតិ៍ ទី១១ ខែកុម្ភៈ ឆ្នាំ២០១៦ លោកប៊ើនីស៍ បាននិយាយថា “ខ្ញុំសូមនិយាយថា ឃីស្សីងជើ ជារដ្ឋមន្រ្តីការបរទេស ដ៏បំផ្លាញម្នាក់ នៅក្នុងប្រវត្តិសាស្រ្តទំនើបរបស់ប្រទេស (អាមេរិក)នេះ”។

បេក្ខជនប្រធានាធិបតីដ៏មានសក្កានុពល រូបនេះ បានថ្លែងបន្តថា “ខ្ញុំក៏សូមប្រកាសជាឱឡាឫកថា ហែនរី ឃីស្សីងជើ មិនមែនជាមិត្តភ័ក្រ្តរបស់ខ្ញុំទេ។ ខ្ញុំ អត់យកមតិ នែនាំណាមួយ ពីហែនរី ឃីស្សីងជើ នោះទេ។ ជាក់ស្តែងណាស់ សកម្មភាពរបស់ឃីស្សីងជើ នៅក្នុងប្រទេសកម្ពុជា នៅពេលដែលសហរដ្ឋអាមេរិក ទម្លាក់គ្រាប់បែក នៅក្នុងប្រទេសនេះ និងការទម្លាក់សម្តេចព្រះនរោត្តម សីហនុ និងមិនអាចទប់ស្កាត់ របបក្រហមខ្មែរ ប៉ុល ពត បាននោះទេ។ ហើយទីបំផុតរបបខ្មែរក្រហម បានសម្លាប់ ប្រជាពលរដ្ឋស្លូតត្រង់ ជាង៣លាននាក់ ហើយដែលជារបបប្រល័យពូជសាសន៍ ដ៏អាក្រក់ជាងគេបំផុត នៅក្នុងប្រវត្តិសាស្រ្តពិភពលោក។ សូមអញ្ជើញមកទីនេះ បងប្អូនណា ដែលលែងស្តាប់មតិ របស់លោក ហែនរី”។

សហរដ្ឋអាមេរិក បានទម្លាក់គ្រាប់បែក នៅក្នុងប្រទេសកម្ពុជា ប្រមាណ២លានតោន អំឡុងសម័យសង្រ្គាមវៀតណាម។ សង្រ្គាមវៀតណាម មានរយៈពេលចន្លោះពីថ្ងៃ០១ ខែវិច្ឆិកា ឆ្នាំ១៩៥៥ មកដល់ថ្ងៃ៣០ ខែមេសា ឆ្នាំ១៩៧៥។ គ្រាប់បែកអាមេរិក ព្រមទាំងយុទ្ធភ័ណមិនទាន់ផ្ទុះ ត្រូវបានបន្សល់ និងរាយប៉ាយ នៅពាសពេញផ្ទៃប្រទេសកម្ពុជា ហើយសូម្បីតែនៅក្រោមបាតសមុទ្រ ក៏ត្រូវបានគេអះអាងផងដែរថា មានគ្រាប់បែករបស់អាមេរិកដែរ៕

អភិបាលខណ្ឌ ពោធិ៍សែនជ័យ សំណេះសំណាល និង ពិសារបាយសាមគ្គី ជាមួយមន្ត្រីចូលនិវត្តន៍

E-mail Print PDF

ភ្នំពេញ៖ លោក ហែម ដារិទ្ធិ អភិបាល ខណ្ឌពោធិ៍សែនជ័យ បានរៀបចំសំណេះសំណាល ពិសាបាយសាមគ្គី ព្រមទាំងផ្តល់វត្ថុអនុសាវរីយ៍ និងថវិកា ជូនមន្ត្រី ចូលនិវត្តន៍ ព្រមទាំង លោកយាយ លោកតា កងកម្លាំង ប្រជាការពារ សន្តិសុខខណ្ឌ យុវជន ចំនួន ៦៦៨នាក់ ដើម្បីអបអរសាទរថ្ងៃនៃក្តីស្រលាញ់ ហើយក៍ជាឆ្នាំទី២ ផងដែរនៃការរៀបចំនេះ។

កម្មវិធីនេះធ្វើឡើងនៅថ្ងៃទី១៣ ខែកុម្ភៈ ឆ្នាំ២០១៦ ក្នុងនោះ លោក ហែម ដារិទ្ធិបានថ្លែងអំណរគុណដល់មន្រ្តីទាំងអស់ដែលបានខិតខំបំពេញការងារ រួមចំណែកជួយ រំដោះប្រទេសជាតិ ពីភពខ្មៅងងឹតប៉ុលពត ស្តារមុខមាត់ ប្រទេសចាប់ពីចំណុចសូន្យ រហូតដល់បច្ចុប្បន្ននិងជួយបង្ហាត់បង្រៀនផ្តល់ បទពិសោធន៌ ដល់យុវជន យើងជំនាន់ក្រោយ។

បន្ទាប់មកនៅព្រឹកថ្ងៃទី១៤ ខែកុម្ភៈ ឆ្នាំ ២០១៦ អភិបាលខណ្ឌពោធិ៍សែនជ័យរូបនេះ ព្រមទាំងយុវជន បានចុះសំណេះសំណាល សួរសុខទុក្ខព្រមទាំងផ្តល់ថវិកា សម្ភារ: ជូនប្រជាពលរដ្ឋទើបឆ្លងទន្លេ ចំនួន១៨គ្រួសារ នៅវត្តជម្លុងម្លូ សង្កាត់ភ្លើងឆេះរទេះ។  នេះជាការយកចិត្តទុក្ខដាក់ ព្រមទាំងផ្តល់នូវភាពស្និតស្នាល ផ្តល់ការស្រលាញ់ រាប់អានជួយរំលែក ការលំបាកដល់បងប្អូន ៕

Page 2 of 841