កណ្តាល : លោកបណ្ឌិត រស់ វណ្ណា ទីប្រឹក្សាសម្តេចអគ្គមហា ធម្មពោធិសាល ជា ស៊ីម និងជាអនុប្រធានទី១ គណ:អចិន្រ្តៃយ៍ គណៈពង្រឹងមូលដ្ឋាន ស្រុកអង្គស្នួល និងជាប្រធាន ក្រុមការងារ ចុះជួយ ឃុំបែកចាន និងឃុំ ក្រាំងម្កាក់ និងលោក ឆាយ ត្រលន់ អនុប្រធានទី១ គណ:ពង្រឹង ឃុំបែកចាន និងឃុំក្រាំងម្កាក់ ស្រុកអង្គស្នួល នៅព្រឹកថ្ងៃទី១៨ ខែឧសភា ឆ្នាំ២០១៣ ក្នុងភូមិថ្មី ភូមិសំរោង និងភូមិត្រពាំងទ្រា ឃុំបែកចាន ស្រុកអង្គស្នួល ខេត្ត កណ្តាល បានរៀបចំពិធី ជួបសំណេះសំណាល សួរសុខទុក្ខ និងចែកវត្ថុអនុស្សាវរីយ៍ ជូនសមាជិក សមាជិកា របស់គណបក្ស ប្រជាជនកម្ពុជា ប្រមាណ ៥៦៧នាក់ ហើយបានអំពាវនាវ ដល់សមាជិក សមាជិកា កុំចាញ់បោក នឹងការឃោសនាដដែលៗ របស់បក្សប្រឆាំង ដើម្បីប្រយោជន៍សំឡេងឆ្នោត ។
បន្ទាប់ពីមាន សេចក្តីរាយការណ៍ ពីសំណាក់ប្រធាន គណៈកម្មាធិការបក្ស ឃុំបែកចាន អំពីស្ថានភាពជីវភាព រស់ នៅរបស់ប្រជាពល រដ្ឋ អំពីការងារបង្កបង្កើនផល និងការងារកសាងសមាជិក បក្ស លោកបណ្ឌិត រស់ វណ្ណា បាន មានប្រសាសន៍ពាំនាំ នូវការ ផ្តាំផ្ញើសាកសួរសុខទុក្ខ ពីសំណាក់សម្តេចប្រមុខថ្នាក់ដឹកនាំទាំង ៣ របស់គណ បក្ស ប្រជាជន ដែលជានិច្ចជាកាល សម្តេចទាំងបីតែងតែយកចិត្តទុក ដាក់គិតគូរដោះស្រាយរាល់ ការលំបាក ខ្វះខាត របស់ ប្រជាពលរដ្ឋនៅគ្រប់មូលដ្ឋាន និងជំរុញការអភិវឌ្ឍន៍ ប្រទេសជាតិលើគ្រប់វិស័យ ។
ក្នុងឱកាសជួបសំណេះ សំណាល ជាមួយ ប្រជាពលរដ្ឋ លោកបណ្ឌិត រស់ វណ្ណា បានមានប្រសាសន៍ថា សព្វថ្ងៃ ប្រជាពលរដ្ឋ រស់នៅ ក្នុងសន្តិភាព សេរីភាព ការ អភិវឌ្ឍន៍ គ្រប់វិស័យ ព្រមទាំងមានផ្លូវថ្នល់ ស្ពាន សាលារៀន មន្ទីរពេទ្យ គ្រប់ទី កន្លែង។ ចំពោះការ ដែលរដ្ឋាភិបាល ប្រគល់ដីសម្បទាន ទីឲ្យអ្នកវិនិយោគ ទុននានា គឺធ្វើឡើង តាមច្បាប់ មានកិច្ចសន្យា និងការត្រួតពិនិត្យ ត្រឹមត្រូវ ពេលចប់កិច្ចកុងត្រា ក្រុមហ៊ុន វិនិយោគ ត្រូវប្រគល់ដីឲ្យ មករាជរដ្ឋាភិបាលវិញ។ លោកបណ្ឌិតបន្តថា ការវិនិយោគនេះ ក៏ដើម្បីជួយ ឲ្យប្រជាពលរដ្ឋ មានការងារធ្វើឲ្យកាន់តែច្រើន ថែមទៀត និងកាត់បន្ថយ ការធ្វើចំណាកស្រុក របស់ពលរដ្ឋ ផងដែរ។ ម្យ៉ាងទៀត រាជ រដ្ឋាភិបាលមិនត្រឹមតែ វាស់វែងដីធ្លីឲ្យ ប្រជាពលរដ្ឋ សម្រាប់ការ រស់នៅ និងប្រកបរបរកសិកម្ម ចិញ្ចឹមជីវិត និងកាត់បន្ថយ ភាពក្រីក្រប៉ុណ្ណោះទេ តែថែមទាំង ជួយ ដោះស្រាយ ជម្លោះដីធ្លីជូនពលរដ្ឋ ទៀតផង។
ជាមួយគ្នានេះ លោកបណ្ឌិត បានលើកឡើងទៀតថា រាជរដ្ឋាភិបាល បានបង្កើនថវិកាជាតិ សម្រាប់សាងសង់ មន្ទីរពេទ្យ និងមណ្ឌលសុខភាព នៅតំបន់ជនបទដាច់ ស្រយាល និងបានពង្រាយមន្ដ្រីសុខាភិបាល និងឆ្មបដើម្បី ធានាការផ្ដល់ សេវាសុខភាព ជូនប្រជាពលរដ្ឋ ហើយរាជរដ្ឋាភិបាល បាន និងកំពុងប្រើប្រាស់យន្ដការ នៃ ការលើក លែងការបង់ថ្លៃសេវា មូលនិធិសមធម៌ និងប័ណ្ណសុខភាពបន្ដពូជ ដើម្បីគាំពារសុខភាព ប្រជាជនក្រីក្រ ។
ដោយឡែក ការលើកឡើង ពីប្រាក់ខែទាបបំផុតរបស់ កម្មករស្មើនឹង ៦០ ម៉ឺនរៀល ពីសំណាក់បក្សប្រឆាំងនោះ ត្រូវបានលោកបណ្ឌិត រស់ វណ្ណា បក ស្រាយថា រាជ រដ្ឋាភិបាល ក្រោមការដឹកនាំ របស់គណបក្សប្រជាជន តែងតែ យកចិត្ដទុកដាក់ ដល់សុខុមាលភាព និង សេចក្ដីថ្លៃថ្នូររបស់កម្មករ និងនិយោជិត។
ក្នុងស្មារតីនេះ រាជរដ្ឋាភិបាលបានចាត់ វិធានការ សព្វបែបយ៉ាង ដើម្បីផ្ដល់ការការពារ និងគាំពារកម្មករ និងនិយោ ជិត ស្របតាមច្បាប់ ស្ដីពីការងារ និងបណ្ដាបទដ្ឋាន ដទៃទៀត សម្រាប់ធានាការការពារផល ប្រយោជន៍របស់ កម្មករ ។ លើសពីនេះទៀត រាជរដ្ឋាភិបាល ជាពិសេស សម្ដេចតេជោ ហ៊ុន សែន គឺជាអ្នកដែលចង់ឱ្យប្រាក់ ខែ កម្មករបានកើនខ្ពស់ និងចង់ឱ្យកម្មករមានជីវភាពធូរធារ ដោយមិនចាំបាច់ កម្មករទារដំឡើង ប្រាក់ខែនោះឡើយ ។
ចំពោះការលើកឡើង របស់មន្ដ្រីគណបក្សប្រឆាំង ស្ដីពីការបង្កើនប្រាក់បៀវត្ស មន្ដ្រីរាជការ ឱ្យបានយ៉ាងតិច ១ លានរៀល ក្នុងមួយខែនោះ ត្រូវបានអនុប្រធានគណ: ពង្រឹងមូលដ្ឋាន ស្រុកអង្គស្នួល បានគូសបញ្ជាក់ថា ការ បង្កើនប្រាក់បៀវត្សរ៍ មន្ដ្រីរាជការ និងកងកម្លាំង ប្រដាប់អាវុធគ្រប់ប្រភេទ ជាអាទិភាពខ្ពស់បំផុត របស់រាជរដ្ឋាភិ បាល ក្រោមការដឹកនាំរបស់គណបក្សប្រជាជន ។
លោកបណ្ឌិត បានអំពាវនាវ សូមបងប្អូនទាំងអស់ កុំចាញ់បោកគណបក្សផ្សេងៗ ព្រោះគណបក្សនោះ ពុំមានមេ ដឹកនាំពិតប្រាកដ ពុំមានធនធាន មនុស្សពុំមាន ចំណេះ ដឹង និងបទពិសោធន៍ ក្នុងការដឹកនាំប្រទេស ដែលបងប្អូន មិនអាចជឿទុកចិត្ដ និងយកវាសនា របស់បងប្អូនទៅផ្ញើបានឡើយ ដែលខុសពីគណបក្សប្រជាជន ដែលបាន ការពារ ទឹកដី ការពារ របបរាជានិយម ដឹកនាំប្រទេសជាតិ ប្រកបដោយគតិបណ្ឌិតរបស់ សម្ដេចតេជោ ធ្វើឱ្យមាន ការអភិវឌ្ឍន៍លើគ្រប់វិស័យ ដូចបងប្អូន បានឃើញស្រាប់ ។
ជាមួយគ្នានេះ លោក រស់ វណ្ណា បានរំលឹកពីអតីតកាល ដែលកម្ពុជាបានជួបប្រទះ ទាំងនេះហើយបណ្តាលមកពីការសម្រេចចិត្តខុស របស់ប្រជាពលរដ្ឋ ក្នុងការ សម្រេចចិត្តនៅពេលជ្រើសរើស ថ្នាក់ដឹកនាំប្រទេស ជាក់ស្តែង ដូចជា នៅក្នុងរបប លន់នល់ និងរបបកម្ពុជាប្រជាធិបតេយ្យ ដែលបានសម្លាប់មនុស្សអស់ជាច្រើន នាក់ ធ្វើឲ្យប្រទេសជាតិខ្ទេចខ្ទាំ ស្ទើរតែមិនអាចស្តារឡើងវិញរួច ។
លោកបណ្ឌិត ក៏បានថ្លែងលើកឡើងនូវសមិទ្ធផល ប្រព័ន្ធហេដ្ឋារចនា ផ្លូវ ស្ពាន ថ្នល់ ប្រព័ន្ធទឹក ភ្លើង រីកចម្រើន យ៉ាងច្រើន បង្កនូវលក្ខណៈងាយស្រួល ដល់ការរស់ នៅ និងប្រកបរបរ ចិញ្ចឹមជីវិតរបស់ប្រជាពលរដ្ឋ ។ លើសពី នេះទៀតសោត រាជរដ្ឋាភិបាល ក្រោមការដឹកនាំរបស់សម្តេចតេជោ ហ៊ុន សែន ចាប់តាំងពីថ្ងៃរំដោះ ៧ មករា ពោលពីបាតដៃទទេ ស្អាត ព្រមទាំងរងនូវភាព ខ្ទេចខ្ទាំគ្រប់បែបយ៉ាងនោះ បានធ្វើឲ្យមានការអភិវឌ្ឍន៍ រីកចម្រើន ជារៀងរាល់ឆ្នាំ រហូតដល់ឆ្នាំ២០១៣ បានធ្វើ ឲ្យអគារតូចធំដុះឡើងស្អេកស្កះ រីឯផ្លូវថ្នល់វិញ ត្រូវបានស្ថាបនាឡើង យ៉ាងខ្វែងខ្វាត តាំងពីរាជធានី រហូតដល់ទីជនបទទូទាំង ប្រទេស ។
លោកបណ្ឌិត រស់ វណ្ណា ក៏បានជំរុញ ឲ្យប្រជាពលរដ្ឋទូទាំងឃុំ បន្តគាំទ្រគណបក្ស ប្រជាជនកម្ពុជា តាមរយៈ សន្លឹកឆ្នោតដ៏មានតម្លៃ នាថ្ងៃទី២៨ ខែកក្កដា ឆ្នាំ២០១៣ ខាងមុខនោះ ដើម្បីផ្តល់ឱកាសឲ្យសម្តេច តេជោ បន្តដឹក នាំអភិវឌ្ឍន៍ ប្រទេសឲ្យកាន់តែរីកចម្រើនថែមទៀត ។
លោកប្រធាន ក្រុមការងារ បានផ្តាំផ្ញើនូវពាក្យស្លោក មួយបានពោលថា បើស្រលាញ់ បើអាណិត បើពេញចិត្ត បើជឿទុកចិត្ត សម្តេចអគ្គសេនាបតីតេជោ ហ៊ុន សែន សូមបោះឆ្នោត ជូនគណបក្ស ប្រជាជនកម្ពុជា ដើម្បីបន្តអភិវឌ្ឍន៍ ប្រទេសជាតិ ឲ្យកាន់តែរីកចម្រើនសំបូរណ៍សប្បាយ ។ បោះឆ្នោតជូនគណបក្ស ប្រជាជន កម្ពុជា គឺបោះឆ្នោតឲ្យខ្លួនឯង ។ ជាចុងក្រោយ ក្រុមការងារ បានជូនសារុង ម្នាក់១ ដល់សមាជិក សមាជិកា ប្រជាពលរដ្ឋ ទាំង៥៦៧នាក់ គ្រាន់ទុកជាការកំដរដៃ ក្នុងការ ជួបសំណេះសំណាលនេះផងដែរ ៕
