left
Safe Home
Safe Home
Safe Home

Dap News...Admin

Sunday, Aug 02nd

| English Version | dapnews: 012 571 704, 097 9999 883, email: lim.cheavutha@gmail.com

You are here:

លោក កឹម សុខា ទៅជួប​អ្នកគាំទ្រ នៅខេត្ត​កំពង់ស្ពឺ​

E-mail Print PDF

ភ្នំពេញ៖ អនុប្រធានរដ្ឋសភា និងជាប្រធានគណបក្សសង្រ្គោះជាតិ ស្តីទី នៅព្រឹកថ្ងៃអាទិត្យ ទី២ ខែសីហា ឆ្នាំ២០១៥នេះ បានអញ្ជើញទៅ ចុះជួបសំណេះសំណាល និងចូលរួមកម្មវិធី មួយចំនួន នៅខេត្តកំពង់ស្ពឺ។

តាមកម្មវិធីនៅម៉ោង ៨និង៣០នាទីព្រឹកលោក អញ្ជើញទៅចូលរួម ជាអធិបតីវេទិកា «តំណាងរាស្ត្រ និងម្ចាស់ឆ្នោត» នៅភូមិព្រៃមិច ឃុំវាលពន់ ស្រុកថ្ពង , ម៉ោង ១០និង៣០នាទីព្រឹក អញ្ជើញទៅប្រគេនទានវស្សា និងទេយ្យទាន ព្រះសង្ឃគង់ចាំព្រះវស្សា នៅវត្តព្រៃមិច ឃុំវាលពន់ ស្រុកថ្ពង និងម៉ោង ២ រសៀល អញ្ជើញទៅចូលរួម ជាអធិបតីក្នុងពិធីប្រកាស សុពលភាពថ្នាក់ដឹកនាំគណៈកម្មាធិការប្រតិបត្តិខេត្ត និងក្រុង-ស្រុកទាំង៨៕

គណបក្ស​​ប្រជាធិបតេយ្យមូល​ដ្ឋាន ​បង្ហាញ​វត្តមាន​​ជា​​ផ្លូវ​​ការ​នៅ​ថ្ងៃអាទិត្យ​នេះ​ហើយ

E-mail Print PDF

ភ្នំពេញ៖ គណបក្សប្រជាធិបតេយ្យមូលដ្ឋាន (គបម-GDP) ដែលជាគណបក្សនយោបាយ ដ៏ថ្មីសន្លាងមួយនៅកម្ពុ ជា កើតចេញពីបណ្តុំបញ្ញវន្ត និងថ្នាក់ដឹកនាំ អង្គការសង្គមស៊ីវិល បានបង្ហាញវត្តមានរបស់ខ្លួនជាផ្លូវការនៅថ្ងៃ អាទិត្យ ទី០២ ខែសីហា ឆ្នាំ២០១៥នេះហើយ បន្ទាប់ពីថ្នាក់ដឹកនាំគណបក្សមួយនេះ បានធ្វើសកម្មភាព សាងកេរ្តិ៍ឈ្មោះជាមួយប្រជាពលរដ្ឋអស់រយៈពេលប្រមាណជិតមួយឆ្នាំកន្លងមក។

ពិធីជួបជុំបង្ហាញវត្តមានជាសាធារណៈនេះ ចាប់ផ្តើមធ្វើ នៅម៉ោង ៨ព្រឹក នៅផ្ទះលេខ៣៨, ផ្លូវ ១៩៧២ ភូមិពោងពាយ សង្កាត់ភ្នំពេញថ្មី ខណ្ឌសែនសុខ។ ទន្ទឹមនឹងការ បង្ហាញវត្តមាន គណបក្សថ្មីមួយនេះ ក៏នឹងធ្វើសន្និសីទកាសែតលាតត្រដាងនូវព័ត៌មាននានា ជូនអ្នកព័ត៌មាន និង សាធារណជនផងដែរនៅម៉ោង២រសៀលថ្ងៃដដែល៕

លោក ស៊ុន ចាន់ថុល អញ្ជើញបើកកិច្ចប្រជុំ បូកសរុបការងារ គណបក្សប្រជាជន កម្ពុជាស្រុកកោះធំ ប្រចាំឆមាសទី១

E-mail Print PDF

កណ្តាល៖ ប្រធានគណៈពង្រឹងការងារស្រុកកោះធំ នៃគណ បក្សប្រជាជនកម្ពុជា លោក ស៊ុន ចាន់ថុល នៅព្រឹក ថ្ងៃអាទិត្យ ទី០២ ខែសីហា ឆ្នាំ២០១៥នេះ បានអញ្ជើញបើកកិច្ចប្រជុំបូកសរុបការងារបក្សក្នុងស្រុកកោះធំ ប្រចាំ មាសទី១ ព្រមទាំងដាក់ទិសដៅការងារសម្រាប់ឆមាសថ្មីផងដែរ។

កិច្ចប្រជុំបូកសរុបការងារនេះ ត្រូវបានធ្វើឡើងនៅទីស្នាក់ការគណបក្សប្រជាជនកម្ពុជា ក្នុងស្រុកកោះធំ ដោយ មានការអញ្ជើញចូលរួម សមាជិក សមាជិកា គណៈពង្រឹងការងារស្រុក ឃុំ សរុបប្រមាណ ៤៧១រូប។

ក្នុងកិច្ចប្រជុំបូកសរុបការងារ លោក ស៊ុន ចាន់ថុល បានវាយតម្លៃចំពោះកិច្ចខិតខំប្រឹងប្រែងរបស់សមាជិក សមា ជិកា គណៈពង្រឹងការងារទាំងអស់ ដែលបានខិតខំអស់កម្លាំងកាយចិត្ត ចុះដោះស្រាយនូវទុក្ខលំបាករបស់ប្រជា ពលរដ្ឋ ក៏ដូចជាបញ្ហានានា ដែលបានកើតមាននៅក្នុងមូលដ្ឋាន។ ជាពិសេសកិច្ចខិតខំចូលរួមអភិវឌ្ឍនូវសមិទ្ធផល នានា ដើម្បីជាប្រយោជន៍ និងបំពេញនូវតម្រូវការរបស់ប្រជាពលរដ្ឋ។

តែទោះជាយ៉ាងណា ប្រធានគណៈពង្រឹងស្រុកកោះធំ ដែលកំពុងមានប្រជាប្រិយភាពខ្លាំងជាមួយការងារជារដ្ឋមន្រ្តី ក្រសួងពាណិជ្ជកម្មក្នុងអាណត្តិទី៥ នៃរាជរដ្ឋាភិបាលកម្ពុជា លោក ស៊ុន ចាន់ថុល បន្តជំរុញដល់ក្រុមការងារគណៈ ពង្រឹងស្រុកកោះធំ បន្តយកចិត្តទុកដាក់ខ្ពស់បន្ថែមទៀត ដើម្បីឆ្លើយតបទៅនឹងកង្វល់ ក៏ដូចជាទុក្ខលំបាករបស់ ប្រជាពលរដ្ឋ។

លោក ស៊ុន ចាន់ថុល ក៏បានដាស់តឿនដល់សមាជិក សមាជិកា ត្រូវសកម្មការងារ ពោលត្រូវឧស្សាហ៍ចុះទៅតាម គេហដ្ឋានរបស់ប្រជាពលរដ្ឋ ដើម្បីស្វែងយល់អំពីផលលំបាក ដែលប្រជាពលរដ្ឋកំពុងប្រឈម ឬជួបប្រទះក្នុងជីវ ភាពប្រចាំថ្ងៃ។

លោក ស៊ុន ចាន់ថុល ក៏បានក្រើនរំលឹកដល់សមាជិក សមាជិកា ទាំងអស់ យកចិត្តទុកដាក់ខ្ពស់ផងដែរ ទៅលើ បញ្ហារបស់មនុស្សចាស់ជរា និងចាស់ជរាគ្មានទីពឹង។

បញ្ហាយុវជននៅតាមមូលដ្ឋាន ក៏ជាការងារដ៏ចាំបាច់មួយ ដែលលោក ស៊ុន ចាន់ថុល មិនបានមើលរំលងផងដែរ។ លោក ស៊ុន ចាន់ថុល បានចាត់ឲ្យក្រុមការងារ ចុះពង្រីក និងសាងបណ្តាញជាមួយយុវជននៅតាមមូលដ្ឋានឲ្យបាន កាន់តែច្រើន និងត្រូវចេះដឹកនាំឲ្យយុវជនឲ្យចូលរួមធ្វើសកម្មភាពមនុស្សធម៌ ក៏ដូចជាការងារសង្គម ដើម្បីបណ្តុះ នូវទស្សនទានល្អៗសម្រាប់យុវជន ហើយក៏ជាការផ្តល់ឱកាសឲ្យពួកគេបានចូលរួមចំណែកជួយអភិវឌ្ឍន៍ក្នុងភូមិ-ឃុំ ដែលពួកគេកំពុងរស់នៅផងដែរ។

លោក ស៊ុន ចាន់ថុល ក៏បានជំរុញឲ្យសមាជិក សមាជិកា និងក្រុមការងារទាំងអស់ ចុះធ្វើបច្ចុប្បន្នភាពសមាជិកបក្ស ពោលត្រូវចុះស្រង់ស្ថិតិសមាជិកបក្សឲ្យបានច្បាស់លាស់។

នៅក្នុងកិច្ចប្រជុំបូកសរុបការងារនាព្រឹកនេះ លោក ស៊ុន ចាន់ថុល ក៏បានអនុញ្ញាតឲ្យមេឃុំ មេភូមិ ឡើងមានមតិយោបល់ និងលើកពីបញ្ហាប្រឈមនានា ដើម្បីរកវិធីដោះស្រាយរួមគ្នា៕

មន្រ្តីយោធា សង្ស័យស្រវឹង បើករថយន្តបង្កគ្រោះ ថ្នាក់ចរាចរ ព្យាយាមបើករត់ ត្រូវប្រជាពលរដ្ឋ ដេញតាម គប់ខ្ទេចរថយន្ត (មានវីដេអូ)

E-mail Print PDF

ភ្នំពេញ៖ បុរសម្នាក់ ដែលគេអះអាងថា ជាមន្រ្តីយោធា បានបើករថយន្តឡង់គ្រីស័រ ពណ៌ត្រេអ៊ី ពាក់ស្លាកលេខ ខ.ម ទាំងអាការៈស្រវឹង និងបង្កគ្រោះថ្នាក់ចរាចរ ដោយបុករះម៉ូតូ រថយន្តពេញដងផ្លូវ នៅរសៀលថ្ងៃទី០១ ខែ សីហា ឆ្នាំ២០១៥នេះ។

មន្រ្តីនគរបាលប៉ុស្តិ៍ចោមចៅ បានឲ្យដឹងថា មន្រ្តីយោធា ដែលមានអាការៈស្រវឹងនេះ បានបង្កគ្រោះថ្នាក់ចរាចរ នៅម្តុំរង្វង់មូលចោមចៅ តែមិនបានឈប់រថយន្តចុះដោះស្រាយបញ្ហានោះទេ បែរជាព្យាយាមបើករត់ និងបណ្តាល ឲ្យប៉ះពារ និងបុករះម៉ូតូរថយន្តអ្នកដំណើរផ្សេងៗជាច្រើន។ ស្របពេលជាមួយគ្នានោះ ប្រជាពលរដ្ឋ ឃើញហេតុ ការណ៍ បាននាំគ្នាជិះម៉ូតូដេញតាម និងទាញដុំថ្មគប់លើរថយន្តខូចខាតយ៉ាងដំណំ ក្នុងបំណងឲ្យឈប់រថយន្តដោះ ស្រាយបញ្ហា។

បន្ទាប់ពីព្យាយាមបើកគេចខ្លួនអស់ជាច្រើននាទី តែមិនអាចគេចផុតពីការប្រដេញតាមរបស់ប្រជាពលរដ្ឋ និងសមត្ថ កិច្ចផងនោះឡើយ។ ក្រោយការរត់គេចមិនបានសម្រេចម្ចាស់រថយន្តបង្កហេតុ ត្រូវបានប្រជាពលរដ្ឋ ដែលខឹង សម្បានាំគ្នាស្វាគមន៍ដោយកណ្តាប់ដៃបន្តិចបន្តួចផងដែរ មុននឹងបញ្ជូនខ្លួនទៅឲ្យនគរបាលប៉ុស្តិ៍ចោមចៅធ្វើការ ដោះស្រាយ៕

ជលផល ខេត្តកំពង់ឆ្នាំង ចុះបង្ក្រាប របាំងសាច់អួន ក្នុងស្រុកកំពង់លែង

E-mail Print PDF

កំពង់ឆ្នាំងៈ កម្លាំងរដ្ឋបាលជលផល ខេត្តកំពង់ឆ្នាំង មានកម្លាំងរដ្ឋបាលជលផល អធិការដ្ឋានខាងត្បូងបឹងទន្លេសាប សហការកម្លាំង រដ្ឋបាលជលផលផ្នែកផ្សារឆ្នាំង សង្កាត់កំពង់លែង ដែលមានការអញ្ចើញចូលរួម សហការអាជ្ញាធរមូលដ្ឋានភូមិ និងឃុំរួមសហគមន៍នេសាទ ដឹកនាំដោយ លោក សោម ភារុណ នាយខណ្ឌរដ្ឋបាលជលផលខេត្តកំពង់ឆ្នាំង និងលោក តាត សីហាក់ នាយផ្នែករដ្ឋបាលជលផលផ្សារឆ្នាំង បានបើកយុទ្ធនាការ ចុះបង្ក្រាបបទល្មើសជលផល ក្នុងដែនសមត្ថកិច្ចរបស់ខ្លួន ទៅកាន់ចំណុច ចុងក្រម៉ាល់ វាលភក់ បឹងឡេវ  ផ្លូវទូក អូរសាច់ស្ពៃតូច ប្រកៀប ចុងតាគង់ ព្រែកតាភោគ ស្ថិតក្នុងឃុំចំនួន២ គឺឃុំប្រឡាយមាស និងឃុំផ្លូវទូក ក្នុងស្រុកកំពង់លែង ខេត្តកំពង់ឆ្នាំង ។

លោក ពុំ សុផល នាយសង្កាត់រដ្ឋបាលជលផល កំពង់លែង នៅក្នុងសកម្មភាពចុះបង្ក្រាប បទល្មើសជាក់ស្តែងនាថ្ងៃទី១ ខែសីហា ឆ្នាំ២០១៥នេះ បានប្រាប់ឲ្យដឹងថា លទ្ធលផលនៃការបង្ក្រាបសម្រេច រុះរើរបាំងសាច់អួន កម្ទេចចោលទាំងស្រុងនៅហ្នឹងកន្លែង ចំនួន៩កន្លែង មានប្រវែង១៦៥០ម៉ែត្រ លូសាច់អួន១៨មាត់ បង្គោលចំនួន៧៥០ដើម និងរំដោះចាក់លែងត្រីគ្រប់ប្រភេទ ចូលទៅក្នុងបឹងទន្លេសាបវិញ ចំនួន៤៥គីឡូក្រាម  ។

នៅក្នុងនោះ លោក សោមភារុណ អះអាងថា លោកនឹងស្វាគមន៍ រាល់ការផ្តល់ព័ត៌មានទាន់ពេលវេលា ក្នុងការបង្ក្រាបបទល្មើសខាងលើ ជាពិសេសមជ្ឈមណ្ឌលព័ត៌មានដើមអម្ពិល ដែលបានផ្តល់ព័ត៌មាននោះ ក្នុងវិធានការបង្ក្រាប ហើយមានប្រសិទ្ធភាពដូចថ្ងៃនេះ ។

សូមបញ្ជាក់ថា យុទ្ធនាការខាងលើ កម្លាំងសមត្ថកិច្ចចម្រុះ បានប្រើប្រាស់មធ្យោបាយកាណូតបាឡា ចំនួន១០គ្រឿង និងកម្លាំងចំនួន ៤២នាក់ ការបង្ក្រាបនោះធ្វើឡើង ក្រោយមជ្ឈមណ្ឌលព័ត៌មាន ដើមអម្ពិល បានចេញផ្សាយ កាលពីរសៀលថ្ងៃទី៣១ ខែកក្កដា ម្សិលមិញនេះ ។  

ទន្ទឹមនឹងការប្តេជ្ញាបង្ក្រាប ដូចជាភ្លៀងរលឹមខាងលើ ប្រជាពលរដ្ឋក៏បានអំពាវនាវផងដែរ ចំពោះសមត្ថកិច្ចរដ្ឋបាលជលផល ក៏ដូចជាសមត្ថកិច្ច ពាក់ព័ន្ធដទៃទៀត សូមបន្តការបង្ក្រាបរបាំងកាត់ព្រែក ស្ទាក់ចាប់ត្រីឆ្លាំង ទៅរកកន្លែងពងកូន នារដូវបិទនេសាទ ដើមឆ្នាំ២០១៥នេះ នៅចំណុចព្រែកឥន្ទពេជ្រ ព្រែកប្រចាន់ អន្លង់អក ព្រែកភ្លង ស្ថិតក្នុងស្រុកជលគិរី ខេត្តកំពង់ឆ្នាំង ៕

Photo by DAP-News

Photo by DAP-News

Photo by DAP-News

លោក ហ៊ុន ម៉ាណែត លើកទឹកចិត្តឱ្យសិស្ស និស្សិតខិតខំ រៀនសូត្រ តស៊ូជំនះរាល់ការ លំបាកទាំងឡាយ នៅក្នុងជីវិត ដើម្បីអនាគតដ៍ប្រសើរ

E-mail Print PDF

បាត់ដំបង ៖ នៅរសៀលថ្ងៃទី០១ ខែសីហា ឆ្នាំ២០១៥ ក្នុងពិធីបញ្ចូលសមាជិក សមាគម សិស្ស-និស្សិត អាហារូបករណ៍ សម្តេចអគ្គមហាសេនាបតីតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ឆ្លៀតពេលដ៍មមាញឹក លោក ហ៊ុន ម៉ាណែត បានអញ្ជើញ សំណេះសំណាល ជាមួយសិស្ស-និស្សិត សមាគមអាហារូបករណ៍សិស្ស និស្សិត សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (AMT) ប្រចាំខេត្តបាត់ដំបង និងបន្ទាយមានជ័យ ជាង១៨០នាក់ ព្រមទាំងមានការ អញ្ជើញចូលរួមពីថ្នាក់ដឹកនាំ សមាគម សាកលវិទ្យាល័យគ្រប់គ្រង និង សេដ្ឋកិច្ចសាខាខេត្តបាត់ដំបង-បន្ទាយមានជ័យ និងសាកលវិទ្យាល័យឯកទេសនៃ កម្ពុជាសាខា បាត់ដំបង-បន្ទាយមានជ័យផងដែរ។

បើតាមរបាយការណ៍ របស់ប្រធានក្រុមការងារ សមាគមអាហា រូបករណ៍សិស្ស និស្សិត សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (AMT) ប្រចាំខេត្តបាត់ដំបង និងបន្ទាយមានជ័យ បានឱ្យដឹងថា សិស្ស និស្សិតសរុប ជាង១៨០នាក់ កំពុងរៀននៅសាកលវិទ្យាល័យ គ្រប់គ្រង និងសេដ្ឋកិច្ចសាខា ខេត្តបាត់ដំបង-បន្ទាយមានជ័យ និងសាកលវិទ្យាល័យ ឯកទេស នៃកម្ពុជាសាខា ខេត្តបាត់ដំបង-បន្ទាយមានជ័យ។

ក្រុមការងារបាន យកចិត្តទុកដាក់តាមដាន ការសិក្សារបស់សិស្ស និស្សិតក្នុងខេត្ត ទាំង០២ និងបានដឹកនាំសិស្ស និស្សិតធ្វើសកម្មភាព សង្គមផ្សេងៗនៅក្នុងខេត្តទាំង០២នេះផងដែរ។ លោក ហ៊ុន ម៉ាណែត បានមានប្រសាសន៍ថា សម្តេចតេជោ និងសម្តេចកិត្តិព្រឹទ្ធបណ្ឌិត បាននឹងកំពុងយកចិត្តទុកដាក់ ចំពោះការលំបាក និងការសិក្សារបស់ក្មួយៗសិស្ស និស្សិតអាហាររូបករណ៍ ក្នុងគោលបំណង ឱ្យពួកគេមានឱកាសរៀនសូត្រ និងកសាងអនាគតដ៍ ប្រសើររបស់ពួកគេ។ លើសពីនេះប្រមុខរាជដ្ឋាភិបាល ក៏មានបង្កឱកាសឱ្យ យុវជនមានឱកាសចូលរួមការងារ សង្គមជាច្រើនដើម្បីឱ្យពួកគេរៀនពី សង្គមជាក់ស្តែង ដោយផ្សាភ្ជាប់ទ្រឹស្តី ដែលបានរៀននៅសាលា។

លោកបានផ្តល់ដំបូន្មានល្អ និងលើកទឹកចិត្តឱ្យសិស្ស និស្សិតខិតខំ រៀនសូត្រ តស៊ូជំនះរាល់ការលំបាកទាំងឡាយ នៅក្នុងជីវិត ដើម្បីអនាគតដ៍ ប្រសើរនៅពេលខាងមុខ។ តំណាងសិស្ស និស្សិតសមាគមអាហា រូបករណ៍សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (AMT) ប្រចាំខេត្តបាត់ដំបង និងបន្ទាយមានជ័យ បានប្តេជ្ញាចិត្តស្រឡាញ់រាប់អាន ចេះជួយគ្នានិងខិតខំរៀនសូត្រ ឱ្យទទួលប្រសិទ្ធភាព និងគុណភាពដើម្បី អនាគតដ៍ប្រសើរនាពេលខាងមុខ៕

លោក ហ៊ុន ម៉ាណែត អញ្ជើញជាអធិបតី ក្នុងពិធី បញ្ចុះបឋមសិលា ព្រមទាំងបើក-បិទវគ្គ ហ្វឹកហ្វឺន រថក្រោះ រថពាសដែក ប្រចាំឆ្នាំ ២០១៤-២០១៥

E-mail Print PDF

ភ្នំពេញ៖ ថ្លែងនៅក្នុងពិធី ចុះហត្ថលេខាលើអនុស្សារណៈ ចងសម្ព័ន្ធមេត្រីភាព រវាងបញ្ជាការដ្ឋាន រថក្រោះកងទ័ពជើងគោក ជាមួយអគ្គនាយកដ្ឋានពន្ធដារ និងបញ្ចុះបឋមសិលាអគារស្នាក់នៅ ព្រមទាំងបិទ-បើក វគ្គហ្វឹកហ្វឺនរថក្រោះ រថពាសដែកប្រចាំឆ្នាំ ២០១៤-២០១៥។

លោកឧត្តមសេនីយ៍ឯក ហ៊ុន ម៉ាណែត បានថ្លែងថា ការចងសម្ព័ន្ធមេត្រីភាព រវាងអង្គភាពស្ថាប័នស៊ីវិល និងអង្គភាពកងទ័ព គឺជាការគាំទ្រ និងជាការលើកទឹកចិត្ត របស់កម្លាំងមហាជន ចំពោះកងទ័ពក្នុងការជួយឧបត្ថម្ភគាំទ្រ សម្ភារ ថវិកា ស្មារតី ដើម្បីពង្រឹងប្រៀបការពារជាតិ និងប្រជាជន ព្រោះថា ការពារជាតិ គឺដើម្បីទាំងអស់គ្នា ការពារជាតិ ដើម្បីជាកេរដំណែល សម្រាប់កូនចៅជំនាន់ក្រោយ។

លោកបានបន្ថែមថា រាជរដ្ឋាភិបាលបានយកចិត្តទុកដាក់ ចំពោះតម្រូវការជីវភាព និងកិត្តិយសរបស់កងទ័ព តាមរយៈកៀងគរប្រភពធនធាន នានា តាមរយៈចងសម្ព័ន្ធមេត្រីភាព និងការដំឡើងបៀវត្ស និងរបបផ្សេងៗ ដើម្បីឆ្លើយតបទៅនឹងតំរូវការជាក់ស្តែង របស់កងទ័ពនិងគ្រួសារកងទ័ព។

សូមបញ្ជាក់ថា ពិធីចុះហត្ថលេខា លើអនុស្សារណៈចងសម្ព័ន្ធមេត្រីភាព រវាងបញ្ជាការដ្ឋានរថក្រោះកងទ័ពជើងគោក ជាមួយអគ្គនាយក ពន្ធដារ និងបញ្ចុះបឋមសិលាសាងសង់អគារ ព្រមទាំងបិទវគ្គហ្វឹកហ្វឺនរថក្រោះ រថពាសដែកប្រចាំឆ្នាំ ២០១៤-២០១៥ ត្រូវបានប្រារព្ធធ្វើ នៅបញ្ជាការដ្ឋានរថក្រោះ កងទ័ពជើងគោក នៅព្រឹកថ្ងៃទី០១ ខែសីហា ឆ្នាំ២០១៥ ក្រោមអធិបតីភាពលោកឧត្តមសេនីយ៍ឯក ហ៊ុន ម៉ាណែត និងលោក គង់ វិបុល និងក៏មានការអញ្ជើញចូលរួម ពីសំណាក់អាជ្ញាធរ ខេត្ត ថ្នាក់ដឹកនាំ មន្រ្តីរាជការ នៃអគ្គនាយកដ្ឋានពន្ធដារ និង នាយទាហាន នាយទាហានរង ពលទាហាន និងគ្រួសារកងទ័ពជាច្រើននាក់ផងដែរ៕

Photo by DAP-News

Photo by DAP-News

 

Photo by DAP-News

Photo by DAP-News

សម្តេចកិតិ្តព្រឹទ្ធបណ្ឌិត ៖ ការទទួលមរណភាពរបស់ លោក សត្យា រ័ក្ស គឺជាបាត់បង់ ពិធីករ មួយរូបដែល មានទេពកោសល្យ

E-mail Print PDF

(ភ្នំពេញ) ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា បានចាត់ទុកថា ការទទួលមរណភាពរបស់ លោក សត្យា រ័ក្ស គឺជាបាត់បង់ ពិធីករ មួយរូប ដែល មានទេពកោសល្យ និងជាការបាត់បង់ឧត្តមស្វាមី បិតាជាទីស្រឡាញ់ របស់ភរិយា និងកូនៗ។

នៅល្ងាចថ្ងៃទី១ ខែសីហា ឆ្នាំ២០១៥នេះ ជំនួសមុខសមាជិក សមាជិកា គណៈកម្មាធិការកណ្តាល និងក្រុមប្រតិបត្តិ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន សូមសម្តែងនូវ ក្តីសោកស្តាយ និងចូលរួមរំលែកទុក្ខក្រៀមក្រំ ជាមួយគ្រួសារសព លោក សត្យា រ័ក្ស ពិធីករវិទ្យុបាយ័ន ដែលបានទទួលមរណភាព ដោយរោគលើសឈាម និងលើសជាតិស្ករ កាលពីថ្ងៃ៣១ ខែកក្កដា ឆ្នាំ២០១៥ ម៉ោង១៧៖៣០នាទី ក្នុងជន្មាយុ៤៨ ឆ្នាំ។

សម្តេចកិតិ្ត ព្រឹទ្ធបណ្ឌិត បានបួងសួង សូមវិញ្ញាណក្ខន្ធលោក សត្យា រ័ក្ស បានទៅកាន់សុគតិភព កុំបីឃ្លៀងឃ្លាតឡើយ៕

ភាគីវៀតណាម មកទទួលជនជាតិ របស់ខ្លួនទាំង៣៩នាក់ ដែលត្រូវ បណ្តេញចេញ តាម ច្រកព្រំដែន អន្តរជាតិ ក្អមសំណរ

E-mail Print PDF

ភ្នំពេញ ៖ ជនជាតិវៀតណាម ទាំង៣៩នាក់ ដែលត្រូវ បាននគរបាល អន្តោប្រវេសន៍ ក្រសួង មហាផ្ទៃ បានបណ្តេញចេញពី ប្រទេសកម្ពុជា កាលពីព្រឹកមិញនោះ នៅល្ងាចថ្ងៃទី១ ខែសីហា ឆ្នាំ២០១៥ ភាគីវៀតណាម បានមកទទួលយក ជនជាតិរបស់ខ្លួនហើយ នៅច្រកព្រំដែន អន្តរជាតិក្អមសំណរ ។

នេះបើយោងតាម លោកឧត្តមសេនីយ៍ទោ អ៊ុក ហៃសិលា ប្រធាន នាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋាន អន្តោប្រវេសន៍ ក្រសួងមហាផ្ទៃ។

បើតាម លោកឧត្តមសេនីយ៍ទោ អ៊ុក ហៃសិលា កាលពីព្រឹកថ្ងៃទី១ ខែសីហា ឆ្នាំ២០១៥ នគរបាល របស់លោកបានធ្វើការ បណ្តេញចេញ នូវជនជាតិវៀតណាម ចំនួន ៣៩នាក់ ស្រី ១៥ នាក់ ដែលបានឃាត់ ខ្លួនមកពីភូមិ បន្លាស្អិត សង្កាត់ឃ្មួញ ខណ្ឌសែនសុខ ជាកម្មករសំណង់ ,សិប្បកម្មឈើក្នុងសង្កាត់ទន្លេបាសាក់ ខណ្ឌ ចំការមន ជាជាងឈើ និងខេត្តសៀមរាប នៅក្នុងហាងលក់កាហ្វេ និងកោសជប់ម៉ាស្សា៕

ក្រុមជួយសង្គ្រោះ ៧១១ របស់កងពលតូច លេខ៧០ ហ្វឹកហាត់ការ ជួយសង្គ្រោះ ពេលមាន រថយន្តបុកគ្នា និងមានគ្រោះអគ្គិភ័យ (Video)

E-mail Print PDF

ភ្នំពេញ ៖ ដើម្បីត្រៀមលក្ខណៈ បង្ហាញការសម្តែង នូវសកម្មភាព ជួយសង្គ្រោះរបស់ខ្លួន ពេល មានគ្រោះ ថ្នាក់ចរាចរណ៍ និងគ្រោះអគ្គិភ័យ កើតឡើង ជូនចំពោះគណៈប្រតិភូជាន់ខ្ពស់ ប្រទេស សិង្ហបូរី នាថ្ងៃច័ន្ទសប្តាហ៍ក្រោយនេះ នៅល្ងាចថ្ងៃទី១ ខែសីហា ឆ្នាំ២០១៥នេះ ក្រុម៧១១ របស់កងពលតូចលេខ៧០ បានហ្វឹកហាត់ ដើម្បីបង្កើនសមត្ថភាព និងជំនាញ របស់ខ្លួន កាន់តែខ្លាំងឡើង

លោកឧត្តមសេនីយ៍ទោ សូយ ណរិទ្ធ មេបញ្ជាការរង កងពលតូចលេខ៧០ ទទួលការងារក្រុម៧១១ បានថ្លែងថា ដោយមានការណែនាំពី សំណាក់មេបញ្ជាការ កងពលលោកឧត្តមសេនីយ៍ ម៉ៅ សុផាន់ នោះលោកបានដឹកនាំ ក្រុមការងាររៀបចំ ធ្វើការហ្វឹកហាត់ លើហេតុការណ៍ គ្រោះថ្នាក់ចរាចរណ៍ រថយន្ត២ គ្រឿងបុកគ្នា ហើយក្លាយជាអគ្គិភ័យ ខណៈមានអ្នកជិះ នៅក្នុងរថយន្តទាំង២គ្រឿងនោះ។

លោកឧត្តមសេនីយ៍ បានបន្តទៀតថា នេះជាការហ្វាត់ហាត់ ដើម្បីបង្កើនសមត្ថភាព និង ជំនាញបច្ចេកទេស កាន់តែខ្លាំង របស់ក្រុមជួយសង្គ្រោះ អមដោយសម្ភារទំនើបៗ និង ច្រើនគ្រឿង ដែលផ្តល់ដោយ រាជរដ្ឋាភិបាលជប៉ុន ។

សម្រាប់ទិដ្ឋភាពហ្វឹកហាត់ នាល្ងាចថ្ងៃនេះ គេសង្កេតឃើញថា ក្រុមជួយសង្គ្រោះទាំងអស់ មានភាពស្វាហាប់ និង មានជំនាញ យ៉ាងប៉ិនប្រសប់ សម្រាប់ការ ជួយអន្តរាគមន៍ លើគ្រោះថ្នាក់ ចរាចរណ៍ និងគ្រោះអគ្គិភ័យ ហើយជួយគាស់ និងដឹកជនរងគ្រោះ នៅក្នុងរថយន្តឆ្ពោះទៅ កាន់មន្ទីរពេទ្យភ្លាមៗផងដែរ។

បើតាមលោកឧត្តមសេនីយ៍ សូយ ណារិទ្ធ ការហ្វាត់ហាត់នេះ ធ្វើឡើងសម្រាប់បង្ហាញ ដល់គណៈ ប្រតិភូជាន់ខ្ពស់ របស់ប្រទេសសិង្ហបុរី ដែលអញ្ជើញ ទៅទស្សនកិច្ចនៅ ក្នុងកងពលតូច លេខ៧០ នាថ្ងៃទី៣ ខែសីហា ឆ្នាំ២០១៥ខាងមុខ ។

សូមបញ្ជាក់ថា នាពេលបច្ចុប្បន្ននេះ ក្រុមជួយសង្គ្រោះ៧១១ របស់កងពលតូចលេខ៧០ បាន បញ្ចេញស កម្មភាពជួយសង្គ្រោះ ជាច្រើនករណីដូចជា គ្រោះថ្នាក់ចរាចរណ៍ គ្រោះអគ្គិភ័យ គ្រោះថ្នាក់ សង្គមបាក់អាគារ និងធ្លាក់យន្តហោះជាដើម ដែលក្រុមនេះមានឧបករណ៍ និងសម្ភារទំនើបៗ ហើយ មានជំនាញសង្គ្រោះយ៉ាងប៉ិនប្រសប់ ក្រោមការបង្ហាត់បង្រៀន ពីគ្រូ ជនជាតិជប៉ុន៕

អ.ហ ចុះបង្ក្រាបករណីចែកចាយគ្រឿងញៀន នៅស្រុកព្រៃនប់ ឃាត់ខ្លួនជនសង្ស័យ២នាក់ ដកហូតថ្នាំញៀន៤កញ្ចប់

E-mail Print PDF

ព្រះសីហនុ ៖ នៅវេលាម៉ោង១៥និង០៣នាទី រសៀលថ្ងៃទី១ ខែសីហា ឆ្នាំ២០១៥ កម្លាំង មន្ទីរយុត្តិធម៌ អ.ហ ខេត្ត ព្រះសីហនុ សហការជាមួយ អ.ហ ស្នាក់ការ ៤០១ និងស្នាក់ការ ព្រៃនប់ ដឹកនាំដោយលោកវរសេនីយ៍ឯក សិទ្ធិ ទស្សី  បានចុះបង្រ្កាប ករណីជួញដូរ គ្រឿងញៀន មួយកន្លែង ស្ថិតនៅក្រុម២ ភូមិតានៃ ឃុំវាលរេញ ស្រុកព្រៃនប់ ខេត្តព្រះសីហនុ។

នៅក្នុងប្រតិបត្តិការខាងលើនេះ កម្លាំងអាវុធហត្ថ បានឃាត់ខ្លួន ជនសង្ស័យចំនួន០២នាក់ ទី១-ឈ្មោះ ណាំ ញ៉េន អាយុ៣៥ឆ្នាំ មុខរបរធ្វើស្រែ សញ្ជាតិខ្មែរ សាសនា ព្រះពុទ្ធ ទីលំនៅបច្ចុប្បន្ន ភូមិវែង ឃុំវាលរេញ ស្រុកព្រៃនប់ ខេត្តព្រះសីហនុ និងទី២ ឈ្មោះ លាន់ ម៉ាលី ភេទស្រី អាយុ២៨ឆ្នាំ មុខរបរ អ៊ុតសក់ សញ្ជាតិខ្មែរ សាសនា ព្រះពុទ្ធ ទីលំនៅ បច្ចុប្បន្ន ភូមិតាអោងធំ ឃុំសាមគ្គី ស្រុកព្រៃនប់ ខេត្តព្រះសីហនុ។

ក្រោយចុះបង្ក្រាប និងចាប់ខ្លួនជនសង្ស័យទាំង២នាក់ កម្លាំងសមត្ថកិច្ច បានចាប់យកវត្ថុតាងរួមមាន  ម្ស៉ៅសថ្លាចំនួន១ កញ្ចប់ធំ ៣កញ្ចប់តូច ដបជក់ចំនួន ២ កាំភ្លើងកែច្នៃបាញ់គ្រាប់ឃ្លី១ដើម គ្រាប់ឃ្លី១ ប្រអប់ ដាវសាម៉ូរ៉ៃចំនួន២ ម៉ូតូម៉ាក CBR មានស្លាកលេខ 1BW-7759 ភ្នំពេញ ស្លាកលេខម៉ូតូចំនួន២ ទុយយោ១ថង់ធំ និងទូរស័ព្ទដៃចំនួន៤គ្រឿង៕

Page 3 of 260