left
Safe Home
Safe Home
Safe Home

Dap News...Admin

Thursday, Sep 03rd

| English Version | dapnews: 012 571 704, 097 9999 883, email: lim.cheavutha@gmail.com

You are here:

លោកបណ្ឌិត សុខ ទូច៖ អ្នកនយោបាយកម្ពុជា ល្មមឈប់ខ្វែង គំនិតរឿងផែនទី

E-mail Print PDF

ភ្នំពេញ៖ ក្រោយពីបញ្ចប់ ការផ្ទៀងផ្ទាត់ផែនទី របស់បារាំង ជាមួយផែនទីខ្មែរ ដែលរាជរដ្ឋាភិបាល ប្រើប្រាស់ នាពេលបច្ចុប្បន្ន បានបញ្ចប់នៅព្រឹកថ្ងៃទី០៣ ខែកញ្ញា ឆ្នាំ២០១៥នេះ លោកបណ្ឌិត សុខ ទូច ប្រធានក្រុម ស្រាវជ្រាវ បញ្ហាព្រំដែន នៃរាជបណ្ឌិត្យសភា បានថ្លែងថា អ្នកនយោបាយខ្មែរល្មមដល់ពេលបញ្ចប់ ការខ្វែងគំនិតគ្នា លើរឿងផែនទីនេះទៀតទៅ។

លោកបណ្ឌិត សុខ ទូច បានថ្លែងប្រាប់ក្រុមអ្នកសារព័ត៌មាន នាវិមានសន្តិភាពក្រោយបញ្ចប់ ពិធីផ្ទៀងផ្ទាត់ផែនទីថា ផែនទីនេះ គឺជាផែនទីដែលសល់ ពីសម័យអាណានិគមនិយមបារាំង ដែលផ្តល់ឱ្យមិនមែនផែនទី មរតកប្រវត្តិ សាស្ត្រដែលដូនតាខ្មែរគូនោះទេ បើទោះបីជាអាម៉េរិកឬអង្គការសហប្រជាជាតិមិនផ្តល់ឱ្យក៏ដោយ ក៏ផែនទីនេះ មានតំលៃគ្រប់គ្រាន់អាចប្រើប្រាស់បាន និងឱ្យអ្នកនយោបាយទាំងនោះឈប់ខ្វែងគំនិតគ្នាទៀត។

លោកបន្តថា ប្រសិនបើអ្នកនយោបាយណាមួយមិនពេញចិត្ត ហើយយកយកផែនទីផ្សេង ហើយគិតថាល្អជាង មកប្រើប្រាស់គឺខុសទាំងស្រុង។

លោកបណ្ឌិតបន្ថែមថា ”ថ្ងៃនេះពួកយើងបានបញ្ចប់ភាពសង្ស័យរបស់អ្នកនយោបាយ និងអ្នកសារព័ត៌មានទាក់ទង ទៅនឹងការបាត់ឬមិនបាត់ ហើយថ្ងៃនេះយើងនិយាយពីភាពជាក់ស្តែងនៃការផ្ទៀងផែនទី របស់បារាំងនិងផែនទី របស់រាជរដ្ឋាភិបាល ហើយបាត់ឬមិនបាត់២ឆ្នាំក្រោយពួកយើងនឹងបញ្ជាក់ច្បាស់ និងបញ្ចប់ការចុះពិនិត្យ ផ្ទៀងផ្ទាត់ ផែនទីនិងផែនដីព្រោះយើងប្រើពេលយូរដើម្បីចុះផ្ទៀងផ្ទាត់”៕

ព័ត៌មានវិទ្យុ ដើមអម្ពិល ម៉ោង ១២-១៣ រៀបចំដោយលោក សយ សុភាព

E-mail Print PDF

កម្ពុជា និងឥណ្ឌា គ្រោងបង្កើតជើង ហោះហើរត្រង់ ដើម្បីសម្រួលដល់ ការធ្វើដំណើរ របស់ភ្ញៀវទេសចរ

E-mail Print PDF

ភ្នំពេញ៖ កម្ពុជា និងឥណ្ឌា កំពុងជំរុញឱ្យមាន ការហោះហើរត្រង់រវាង ប្រទេសទាំងពីរ តាមរយៈក្រុមហ៊ុន ឯកជន នាពេលដ៏ខ្លីខាងមុខ ដើម្បីសម្រាប់ដល់ការ ធ្វើដំណើររបស់ភ្ញៀវទេសចរ ទៅវិញទៅមកនិងឱ្យមាន កាន់តែច្រើន ឡើង ។ នេះបើតាមអ្នកនាំពាក្យ ក្រសួងទេសចរណ៍។

លោក ទិត ចន្ថា អ្នកនាំពាក្យក្រសួងទេសចរណ៍ បានឱ្យដឹងថា គម្រោងនឹងជំរុញឱ្យមានការហោះហើរ ត្រង់ពីឥណ្ឌា មកកាន់កម្ពុជា និងពីកម្ពុជាទៅកាន់ឥណ្ឌានេះ ត្រូវបានលើកមកជជែកនៅក្នុងជំនួប រវាង លោក ថោង ខុន រដ្ឋមន្រ្តី ក្រសួងទេសចរណ៍ និងលោក Naveen Srivastava ឯកអគ្គរដ្ឋទូតឥណ្ឌាថ្មី ប្រចាំប្រទេសកម្ពុជា កាលពីល្ងាចថ្ងៃទី២ ខែកញ្ញា ឆ្នាំ២០១៥ ។

លោកបានបន្ថែមថា ដោយសារតែឥណ្ឌាមានប្រជាជនជាង ១២០០លាននាក់ មានអ្នកមានចំណូល និងឋានៈ ជីវភាព សេដ្ឋកិច្ចខ្ពស់ច្រើននោះ វាជាសក្តានុពល ក្នុងការទាក់ទាញទេសចរ ប៉ុន្តែបច្ចុប្បន្ននេះ កម្ពុជា និងឥណ្ឌា មិនទាន់មានការហោះហើរផ្ទាល់នៅឡើយទេ គ្រាន់តែមានការហោះហើរ តាមរយៈទីក្រុងបាងកក សិង្ហបុរី និង វៀតណាមប៉ុណ្ណោះ។

លោកបានបន្ថែមថា «ឯកឧត្តមឯកអគ្គរដ្ឋទូត និងឯកឧត្តមរដ្ឋមន្រ្តី នឹងខិតខំទាំងអស់គ្នា ជំរុញឱ្យមាន ការ ហោះហើរ ដោយផ្ទាល់ ពីឥណ្ឌា មកកម្ពុជា និងពីកម្ពុជាទៅឥណ្ឌា។ ហើយឯកឧត្តមឯកអគ្គរដ្ឋទូត លោកសង្ឈឹមថា មុនបំផុតដែលអាចធ្វើទៅបាន ក្នុងពេលខាងមុខនេះ គឺថាក្រុមហ៊ុនអាកាសចរណ៍ ឯកជនឥណ្ឌា អាចហោះហើរ ផ្ទាល់ពីឥណ្ឌាមកកម្ពុជាបាន»។

លោកបានបញ្ជាក់ថា ឯកអគ្គរដ្ឋទូតសន្យាខិតខំប្រឹងប្រែង រួមគ្នាជាមួយ ក្រសួងទេសចរណ៍ ដើម្បីជំរុញឱ្យ មានការហោះហើរផ្ទាល់ ហើយនៅពេលដែល មានការហោះហើរផ្ទាល់ នឹងមានភ្ញៀវទេសចរ ទៅវិញទៅមក ទាំងកម្ពុជាទៅឥណ្ឌា និងពីឥណ្ឌាមកកម្ពុជា កាន់តែមានចំនួនច្រើន នេះបើតាម មន្រ្តីនាំពាក្យខាងលើ។

នាឱកាសនោះ ភាគីទាំងពីរ ក៏បានពិភាក្សាគ្នា អំពីការត្រៀម លក្ខណៈសម្បត្តិសំខាន់ សម្រាប់ដំណើរទស្សនកិច្ច ផ្លូវការរបស់អនុប្រធានាធិបតីឥណ្ឌា មកកាន់ប្រទេសកម្ពុជា នៅខែកញ្ញាខាងមុខនេះ ហើយនៅក្នុងដំណើរ ទស្សនកិច្ចនេះ ភាគីទាំងពីរបានសន្យាខិតខំជំរុញឱ្យមាន ការចុះអនុស្សរណៈ យោគយល់គ្នា នៃវិស័យទេចរណ៍ រវាងកម្ពុជា និងឥណ្ឌាផងដែរ។ សេចក្តីព្រាងអនុស្សារណៈនេះ ភាគីទាំងពីរ បានរៀបចំរួចហើយ និងកំពុងសុំការ ពិនិត្យសម្រេច ពីផ្នែកពាក់ព័ន្ធ ជាពិសេស ក្រសួង ស្ថាប័នពាក់ព័ន្ធ របស់កម្ពុជា និងឥណ្ឌា ដោយសង្ឈឹមថា កិច្ចព្រមព្រៀងនេះ នឹងបានចុះហត្ថលេខា នៅក្នុងដំណើរទស្សនកិច្ច របស់អនុប្រធានាធិបតី នាពេលខាងមុខ៕

វិទ្យាស្ថាន បណ្ដុះបណ្ដាល វិស័យកាត់ដេរ ដំបូងគេនៅកម្ពុជា ចាប់ផ្ដើមបុកគ្រឹះ សាងសង់នៅព្រឹកនេះ

E-mail Print PDF

ភ្នំពេញ ៖ វិទ្យាស្ថានបណ្ដុះបណ្ដាល វិស័យកាត់ដេរ ដំបូងគេនៅកម្ពុជា បានចាប់ផ្ដើមសាងសង់ ជាផ្លូវការហើយ នៅព្រឹកថ្ងៃទី ៣ ខែ កញ្ញា ឆ្នាំ ២០១៥ ដើម្បីឲ្យកម្មករនិយោជិត ក្នុងឧស្សាហកម្មកាត់ដេរកម្ពុជា អាចពង្រឹងជំនាញ និង មុខអាជីពរបស់ខ្លួន តាមរយៈការចូលរៀន វគ្គបណ្ដុះបណ្ដាលនៅវិទ្យាស្ថាននេះ ដែលបង្កើតឡើង ដោយ សមាគម រោងចក្រ កាត់ដេរនៅកម្ពុជា (GMAC)។

បើតាមមន្រ្តី GMAC ការសាងសង់វិទ្យាស្ថាននេះ ទទួលបានកម្ចីពីទីភ្នាក់ងារបារាំង សម្រាប់ការអភិវឌ្ឍន៍ ប្រចាំ កម្ពុជា(AFD) ហើយវិទ្យាស្ថាននេះ នឹងបណ្ដុះបណ្ដាលដល់ កម្មករនិយោជិតក្នុងស្រុក ដើម្បីបំពេញមុខ តំណែងគ្រប់គ្រង ថ្នាក់កណ្ដាលនៅតាមបណ្ដា រោងចក្រកាត់ដេរនានា ទូទាំងប្រទេស។

ប្រធាន GMAC លោក វ៉ាន់ ស៊ូអៀង បានមានប្រសាសន៍ថា “វិទ្យាស្ថានបណ្ដុះបណ្ដាលវិស័យកាត់ដេរនៅកម្ពុជា នឹងជួយបណ្ដុះបណ្ដាលកម្មករនិយោជិត កម្ពុជានៅគ្រប់ផ្នែកទាំងអស់នៃឧស្សាហកម្មនេះ ចាប់តាំងពីអ្នកដេរ រហូតដល់អ្នកជំនាញបច្ចេកទេស និងអ្នកធ្វើពុម្ពជាដើម។ ដូច្នេះ វានឹងជួយបង្កើនផលិតភាព និងកាត់បន្ថយការ ពឹងផ្អែកលើបុគ្គលិកបរទេស ក្នុងមុខតំណែងគ្រប់គ្រង និងមុខតំណែងបច្ចេកទេសសំខាន់ៗ”។

លោកបន្ថែមថា កម្មកររោងចក្រកាត់ដេរដែលមានបំណងអភិវឌ្ឍជំនាញរបស់ខ្លួន អាចមកចុះឈ្មោះ ចូលរៀន ក្នុងវគ្គបណ្ដុះបណ្ដាលវិជ្ជាជីវៈដែលមានច្រើនកម្មវិធី។ កម្មករនឹងមានឱកាសរៀនសូត្រពីជំនាញដឹកនាំ និងគ្រប់គ្រង បណ្ដុះបណ្ដាលក្នុងមុខតំណែងបច្ចេកទេសជាន់ខ្ពស់ ឬចូលរួមក្នុងវគ្គជំនាញរចនាម៉ូត និងធ្វើពុម្ពជាដើម ដែល កម្មវិធីទាំងអស់នេះនឹងជួយឲ្យពួកគាត់អាចកាន់តំណែងកាន់តែខ្ពស់ជាងមុននៅក្នុងកន្លែងការងារ។

លោកថា ក្នុងរយៈពេលបីឆ្នាំដំបូងនៃការចាប់ផ្តើមដំណើរនៃវិទ្យាស្ថាននេះ វិទ្យាស្ថាននេះសង្ឃឹមថានឹងផ្ដល់ការ បណ្ដុះបណ្ដាលដល់ប្រជាជនកម្ពុជាជាង ១៦០០ នាក់។ ជាងនេះទៀត វិទ្យាស្ថាននឹងផ្ដល់វគ្គបណ្តុះបណ្ដាល រយៈពេល១២ខែដល់និស្សិតកម្ពុជាដែលបញ្ចប់ថ្នាក់បរិញ្ញា ចំនួន២៤០នាក់ ដែលមានចំណាប់អារម្មណ៍ ក្នុងការអភិវឌ្ឍន៍ មុខអាជីពក្នុងឧស្សាហកម្មកាត់ដេរ។

លោក ខេន លូ អគ្គលេខាធិការGMAC បានថ្លែងថា “យើងខ្ញុំជឿជាក់ថា វិទ្យាស្ថាននេះនឹងជួយបំពេញចន្លោះ ប្រហោង សំខាន់ៗនៅក្នុងទីផ្សារការងារបច្ចុប្បន្ន ក៏ដូចជាជួយកម្មករកម្ពុជាជាច្រើនឲ្យ មានអនាគតប្រសើរជាងមុន ក្នុងឧស្សាហកម្មកាត់ដេរ។ វិស័យកាត់ដេរសម្លៀកបំពាក់ និងស្បែកជើង គឺជាឧស្សាហកម្មធំបំផុត និងផ្ដល់ការងារ ធ្វើច្រើនបំផុតនៅក្នុងប្រទេសកម្ពុជារហូតដល់ជាង៦០ម៉ឺននាក់”។

គួរបញ្ជាក់ថា ការសាងសង់វិទ្យាស្ថាននេះនឹងចំណាយប្រាក់ប្រមាណ៣លានដុល្លារ ហើយវិទ្យាស្ថាននឹងក្លាយ ជាវិទ្យាស្ថានបណ្ដុះបណ្ដាលវិជ្ជាជីវៈឯកជនប្រកបដោយបទដ្ឋានអន្តរជាតិ និងទទួលស្គាល់ដោយក្រសួងការងារ និងបណ្ដុះបណ្ដាលវិជ្ជាជីវៈ។ វិទ្យាស្ថានគ្រោងបើកទ្វារដំណើរការចុងឆ្នាំក្រោយ៕

CNRP មិនទាន់សន្មត់ថា ផែនទាំងពីរត្រឹមត្រូវទេ ខណៈលទ្ធផល បង្ហាញឲ្យឃើញដូចគ្នា

E-mail Print PDF

ភ្នំពេញ៖ គណបក្សសង្រ្គោះជាតិ (CNRP)បានលើកឡើងថា ខ្លួនមិនទាន់ហ៊ានវាយតម្លៃថា ត្រឹមត្រូវនៅឡើយទេ ចំពោះផែនទីខ្ចីពីបារាំង និងផែនទីដើមរបស់កម្ពុជា ក្រោយពីបញ្ចប់ការផ្ទៀងផ្ទាត់ ដោយបង្ហាញថា ដូចគ្នាយ៉ាងណា ក៏ដោយ។

នៅព្រឹកថ្ងៃទី៣ ខែកញ្ញា ឆ្នាំ២០១៥នេះ នាវិមានសន្តិភាព បានរៀបចំពិធីផ្ទៀងផ្ទាត់ផែនទីរវាងភាគីបារាំង និងកម្ពុជា ដែលបានចំណាយពេលវេលា៣ម៉ោង លទ្ធផលបង្ហាញថាផែនទីទាំង២៦ផ្ទាំង របស់កម្ពុជាដូចគ្នា ទៅនឹងផែនទី បារាំង។

លោក អ៊ូ ចាន់រិទ្ធិ តំណាងរាស្រ្តគណបក្សសង្រ្គោះជាតិ បានថ្លែងប្រាប់ក្រុមអ្នកសារព័ត៌មាន បន្ទាប់ពីបញ្ចប់ពិធី ផ្ទៀងផ្ទាត់ នៅព្រឹកថ្ងៃទី៣ ខែកញ្ញា ថា “ខ្ញុំអត់អាចជំរាបបានថា ត្រឹមត្រូវទេ ព្រោះគណបក្សសង្រ្គោះជាតិ នាពេលនេះ គឺស្ថិតនៅក្នុងដំណាក់កាលប្រមូលឯកសារនិងព័ត៌មានផ្សេងៗដើម្បីយកទៅផ្ទៀងផ្ទាត់ដោយឡែក

តំណាងរាស្រ្តរូបនេះបន្តថា ខាងCNRPមានបំណងចង់ថតចម្លងផែនទីរបស់រាជរដ្ឋាភិបាល និងផែនទីរបស់បារាំង ដើម្បីយកទៅផ្ទៀងផ្ទាត់ដាច់ដោយឡែក។

លោកបានលើកជាសំណួរថា ផែនទីដែលបង្ហាញនេះ តើយកទៅវាស់វែងលើផែនដីជាក់ស្តែងដែរឬទេ ?

លោកបានថ្លែងបន្ថែមថា ការមកជួបជុំគ្នានាពេលនេះ ដើម្បីធ្វើការផ្ទៀងផ្ទាត់ផែនទីទាំងអស់គ្នាតែបែរជាខាង មន្រ្តីជាន់ ខ្ពស់រាជរដ្ឋាភិបាលធ្វើការវាយប្រហារមកលើ គណបក្សសង្រ្គោះជាតិទៅវិញ។

លោកបញ្ជាក់ថា “យើងមកនេះ មកដើម្បីផ្ទៀងផ្ទាត់ឲ្យមានឯកភាពជាតិ ហើយទីបញ្ចប់ខ្ញុំមើលឃើញថា មានការ វាយប្រហារមកគណបក្សសង្រ្គោះជាតិថា យើងញុះញង់ឲ្យប្រជាពលរដ្ឋគ្រប់បែបយ៉ាងនេះ (ព្រំដែន) យើងមិន អាចទទួលយកបានទេ បញ្ហាជាតិជាបញ្ហាខ្មែរទាំងអស់គ្នា បញ្ហាទឹកដីមិនមែនជាបញ្ហារបស់បុគ្គលណាម្នាក់នោះទេ គឺជាបញ្ហារបស់ខ្មែរដូច្នេះយើងមានការសោកស្តាយណាស់” ៕

កម្លាំងជលផល បន្តចុះបង្រ្កាបបទ ល្មើសនេសាទ ៤ខេត្ត ដោះលែងត្រីជាង ២តោន

E-mail Print PDF

ភ្នំពេញ៖ កម្លាំងរដ្ឋបាលជលផលនៅថ្ងៃទី០២ ខែកញ្ញា ម្សិលមិញនេះ បានបើកប្រតិបត្តិការបង្រ្កាបបទល្មើសនៅ  ខេត្តចំនួន៤ រកឃើញឧបករណ៍នេសាទល្មើសច្បាប់ស្បៃមុងជាង ១២គីឡូម៉ែត្រ យកទៅដុតបំផ្លាញចោល និង  ដោះលែងកូនត្រី បានជាង ២តោន។

យោងតាមមន្រ្តីរដ្ឋបាលជលផល បានប្រាប់មជ្ឈមណ្ឌលព័ត៌មានដើមអម្ពិលនៅថ្ងៃទី០៣ ខែកញ្ញា នេះថា បន្ទាប់ពី មើលឃើញថាបទល្មើសបន្តកើតមានយ៉ាងសន្ធឹកសន្ធាប់នៅតាមដែនជម្រក និង បំលាស់ទី របស់មច្ឆជាតិនោះ  លោក យុទ្ធ ភូថង រដ្ឋលេខាធិការក្រសួងកសិកម្ម រុក្ខាប្រមាញ់ និង នេសាទ និង លោក អេង ជាសាន អគ្គនាយក រដ្ឋបាលជលផល បានដឹកនាំកម្លាំងជលផល ចុះទៅស្វែងរកបទល្មើសនេសាទ នៅក្នុងខេត្តចំនួន៤ គឺខេត្តព្រៃវែង  កណ្តាល កំពង់ចាម និង កំពង់ឆ្នាំ។ ប្រតិបត្តិការនេះ រកឃើញលូស្បៃមុង ២៥៣មាត់ របាំងស្បៃមុង ១២.២៥០ ម៉ែត្រ បង្គោលចម្រឹង ៤.១៤០ដើម។

ក្រោយការប្រមូលឧបករណ៍នេសាទល្មើសច្បាប់ ត្រូវបានយកទៅដុតបំផ្លាញចោល និង ដោះលែងកូនត្រីជាង ២.២០០ គីឡូក្រាម។

ដោយឡែកនៅឯខេត្តកណ្តាលវិញ នៅថ្ងៃទី០៣ ខែកញ្ញា ឆ្នាំ២០១៥នេះ កម្លាំងរដ្ឋបាលជលផល និងកម្លាំងសមត្ថកិច្ចក្នុងមូលដ្ឋាន ក៏បានចុះទៅបង្រ្កាបបទល្មើសក្នុងភូមិសាស្រ្តស្រុកលើកដែក ដោយប្រមូលបានលូស្បៃមុង ៣៥មាត់ របាំងស្បៃមុង ៣.៥៩៥ម៉ែត្រ បង្គោល ១៨០០ដើម លបក្តាម ៦០ និងដោះលែងត្រីចម្រុះ ២៥៩គីឡូក្រាម។ ក្រោយបង្រ្កាបឧបករណ៍នេសាទល្មើសច្បាប់ទាំងអស់ត្រូវបានដុតបំផ្លាញចោល។

សូមបញ្ជាក់ថា នៅក្នុងរដូវបិទនេសាទនេះ កម្លាំងរដ្ឋបាលជលផល បានចេញប្រតិបត្តិការដូចភ្លៀងរលឹមចុះទៅ ស្វែងរកបទល្មើសនេសាទ និងដុតកម្ទេចចោលឧបករណ៍នេសាទល្មើសច្បាប់ ជាពិសេសស្បៃមុង នៅតាមបណ្តា ខេត្ត នានាជាប់ដងទន្លេមេគង្គ ទន្លេសាប ទន្លេបាសាក់ ព្រមទាំងដោះលែងកូនត្រីតូចៗបានរាប់តោន។ ប្រតិបត្តិ ការនេះ ត្រូវបានគេរំពឹងថា នឹងជួយបង្កើនផលត្រី នៅពេលបើករដូវនេសាទវិញ៕

វគ្គសិក្សាស្ដីពី "ការគ្រប់គ្រង រដ្ឋបាលឯកជន"

E-mail Print PDF

១. ឈ្មោះមុខវិជ្ជា៖AdministrationManagement for Private Sectors

២. ខ្លឹមសារមេរៀន(Course description)៖

មុខវិជ្ជានេះ គឺជាមូលដ្ឋានគ្រឹះ នៃការគ្រប់គ្រងរដ្ឋបាល និងការរៀបចំជាស្តង់ដារ ដែលបង្ហាញអំពី ដំណើរការ នៃការធ្វើរៀបចំឯកសារ ដើម្បីធានាបានប្រសិទ្ធភាពការងារនិងមិនមានហានិភ័យ។ ម៉្យាងទៀតវា ក៏ផ្តល់ជាមូលដ្ឋានសម្រាប់ការ គ្រប់គ្រងទ្រព្យសម្បត្តិ និងសម្ភារៈរបស់ក្រុមហ៊ុន សេវា បដិសណ្ឋារកិច្ច ការគ្រប់គ្រងធានារ៉ាប់រងក្នុងក្រុមហ៊ុន ការគ្រប់គ្រងយានយន្តឲ្យមានប្រសិទ្ធភាព ព្រមទាំងការគ្រប់គ្រងសន្តិសុខនិងសុវត្ថិភាពរបស់ស្ថាប័នមួយ។

ជាចុងក្រោយមេរៀននេះ ក៏ផ្តល់នូវគន្លឹះសំខាន់ៗក្នុងការធ្វើលទ្ធកម្ម និងព្រមទាំងចំណេះដឹងផ្នែកការ រៀបចំផែនការលទ្ធកម្មសម្រាប់ឆ្នាំ បន្ទាប់ៗដោយយ៉ៗ។

៣. គោលបំណងមេរៀន(Course Objectives)៖                                           ‘

ក្រោយពីបញ្ចប់វគ្គសិក្សាAdministration Management for Private Sector នេះសិក្ខាកាម នឹងទទួល បាននូវចំណេះដឹងដូចខាងក្រោម៖

-ចំណេះដឹងលើនីតិវិធីនិងក្បួនច្បាប់ដែលពាក់ព័ន្ធនឹងរដ្ឋបាល

-ចំណេះដឹងអំពីការទុកដាក់ឯកសារឲ្យបានត្រឹមត្រូវតាមនិយាម

-ចំណេះដឹង ក្នុងការគ្រប់គ្រងទ្រព្យសម្បត្តិ និងភស្តុភារឲ្យមានប្រសិទ្ធភាព

-ចំណេះដឹងទាក់ទិននឹងបដិសណ្ឋារកិច្ច

-ចំណេះដឹង ក្នុងការគ្រប់គ្រងធានារ៉ាប់រង

-ចំណេះដឹង ក្នុងការគ្រប់គ្រងយានយន្ត

-ចំណេះដឹង ក្នុងការគ្រប់គ្រងសន្តិសុខ និងសុវត្ថិភាព

៤. វិធីសាស្ត្រនៃការបង្រៀន(Teaching Methodology)៖

គ្រប់មេរៀននីមួយៗនៅក្នុងវគ្គសិក្សានេះ ត្រូវបានបកស្រាយនូវខ្លឹមសារមេរៀន ដោយសាស្ត្រាចារ្យ និងសិក្ខាកាមពីព្រោះវិធីសាស្ត្របង្រៀន នឹងសិក្សារៀនសូត្រភាគច្រើន ផ្អែកលើមូលដ្ឋាន “ការចូលរួម” ដោយក្នុងនោះសាស្ត្រាចារ្យមានភារកិច្ច សម្របសម្រួលការសិក្សារបស់សិក្ខាកាមទាំង សិក្សានិងការ ស្រាវជ្រាវ។ មធ្យោបាយទាំងនេះ នឹងអាចជួយឱ្យសិក្ខាកាមសិក្សារៀនសូត្របានកាន់តែច្រើន ជាមួយ កិច្ចការធ្វើនៅពេលសម្រាក, ការពិភាក្សាជាក្រុម, ការសម្រេចជាក្រុម, ការធ្វើការងារជាគូ, ឬជាលក្ខណៈ បុគ្គល ជាពិសេសគឺការរៀបរាប់ពីបទពិសោធន៍ផ្ទាល់ខ្លួន ប្រាប់សិក្ខាកាមដទៃទៀតក្នុងថ្នាក់។ ម៉្យាងវិញទៀតសាស្ត្រាចារ្យមានតួនាទីជាអ្នកដឹកនាំ  ជាអ្នកប្រឹក្សាយោបល់ ការជម្រុញនិងលើកទឹកចិត្ត ឱ្យសិក្ខាកាមខិតខំសិក្សារៀនសូត្រ។ ជាពិសេសសាស្ត្រាចារ្យ  នឹងអាចសង្ខេបនូវរាល់ខ្លឹមសារ មេរៀន នីមួយៗ ដើម្បីជួយសិក្ខាកាមឆាប់យល់ និងឆាប់ទទួលយកបាន។

៦. ឯកសារយោង ៖‘

•Documents and references are based on the real practices from current and previous experience of the trainer

សំគាល់៖ គម្រោងមេរៀននេះរៀបចំ ឡើងដោយក្រុមប្រឹក្សាបច្ចេកទេស នៃសាកលវិទ្យាល័យ ធនធាន មនុស្ស។

កាលបរិច្ឆេទ និង ពេលវេលាបណ្តុះបណ្តាល            ‘’

រយៈពេល         ៖ ៤សប្តាហ៍ (ថ្ងៃចុងសប្តាហ៍)

ថ្ងៃសៅរ៍           ៖ ១:៣0 រសៀល -៥:៣0  រសៀល

ថ្ងៃអាទិត្យ         ៖ ៨:00 ព្រឹក -១២:០0 ថ្ងៃត្រង់

កាលបរិច្ឆេទ     ៖ ថ្ងៃទី១២ខែកញ្ញាឆ្នាំ២០១៥

តម្លៃសិក្សា៖                                   ‘

-តម្លៃសិក្សា ១២០ ដុល្លារអាមេរិក

-១០០ដុល្លារអាមេរិកសម្រាប់ធ្វើការចុះឈ្មោះមុនថ្ងៃទី០៩ ខែសីហា ឆ្នាំ២០១៥

-ចំពោះការចុះឈ្មោះជាក្រុម៥នាក់ នឹងបន្ថែមជូនម្នាក់ដោយឥតគិតថ្លៃ

-សិក្ខាកាមធ្លាប់សិក្សាវគ្គជំនាញក្នុងឆ្នាំ២០១៤និង២០១៥បញ្ចុះតម្លៃ២៥%

-ផ្តល់ជូននូវអាហារសម្រន់សម្ភារៈ ឯកសារសិក្សា និងវិញ្ញាបនបត្របញ្ជាក់ការសិក្សា

ទីកន្លែងចុះឈ្មោះ និងទីកន្លែងនៃការសិក្សា៖                                           ‘

ក្រុមហ៊ុនអេជអាខេមបូឌា (HR CAMBODIA)

អគារប៊ីសាកលវិទ្យាល័យធនធានមនុស្ស លេខ៥C ជាប់ខាងត្បូងវត្តមហាមន្ត្រី ផ្លូវលេខ២៨៤ កែងផ្លូវ លេខ១៦៣ សង្កាត់អូឡាំពិក ខណ្ឌចំការមន រាជធានីភ្នំពេញ ។

លេខទូរស័ព្ទ៖   855(0) 93 888 772 / 092 777 525

អ៊ីម៉ែល៖           men.tum@hrcambodia.com" data-mce-href="mailto:men.tum@hrcambodia.com">men.tum@hrcambodia.com

Website:         www.hrcambodia.com

ថ្ងៃផុតកំណត់   ថ្ងៃទី១១ខែកញ្ញាឆ្នាំ២០១៥

ប្រទះឃើញគ្រាប់ បេ MK82 ខណ:សាងសង់ អគាររដ្ឋបាល សាលាខេត្តត្បូងឃ្មុំ, បើគ្រាប់នេះផ្ទុះ ធ្វើអោយប៉ះពាល់១គីឡូ បួនជ្រុង

E-mail Print PDF

ត្បូងឃ្មុំ : គ្រាប់បេ ប្រភេទ MK 82 មួយគ្រាប់ ដែលអាជ្ញាធរ និងមន្រ្តីជំនាញ អះអាងថា បន្សល់ពីសម័យ សង្គ្រាម នោះ ត្រូវបាន ប្រទះឃើញ ខណ:ក្រុមការងារ វិស្វកម្ម កំពុងជីក គាស់ សាងសង់ តំបន់រដ្ឋបាលសាលាត្បូងឃ្មុំ នាព្រឹកថ្ងៃទី៣ ខែកញ្ញា ឆ្នាំ២០១៥នេះ ។

នៅព្រឹកថ្ងៃដដែលនេះ គណ:កម្មការខេត្តត្បូងឃ្មុំ ដឹកនាំដោយ លោកអភិបាលរង ហាក់ សុខមករា ជាប្រធាន បាន ជួបប្រជុំនិងពិភាក្សា ជាមួយមជ្ឈមណ្ឌលជាតិ គ្រប់គ្រងកងកម្លាំងសន្តិសុខ បោសសំអាតមីន និងកាកសំណល់ សង្គ្រាម ដើម្បីធ្វើការណែនាំដល់ក្រុមជាង និងកម្មករទាំងអស់ ត្រូវមានការប្រុងប្រយ័ត្ន ហើយមិនត្រូវប៉ះពាល់ ជាមួយ គ្រាប់ យុទ្ធភ័ណ្ឌមិនទាន់ផ្ទុះ ទាំងនេះឡើយ នៅពេលប្រទះឃើញ នាដំណើរការ សាងសង់តំបន់រដ្ឋបាល សាលាខេត្តត្បូងឃ្មុំ បើសិនជីក កកាយឃើញគ្រាប់ទាំងនេះ ។

បើតាមមន្រ្តីជំនាញ បើសិនគ្រាប់ប្រភេទនេះ ផ្ទូុះឡើងនោះ នឹងធ្វើអោយប៉ះពាល់ ដល់ទំហំផ្ទៃដី ប្រមាណ១ គីឡូម៉ែត្រ ៤ជ្រុង ដូច្នេះម្នាក់ៗ ត្រូវយកចិត្តទុកដាក់ និងរាយការណ៏ មកមន្រ្តីជំនាញភ្លាម បើសិនប្រទះឃើញគ្រាប់ ទាំងនេះ៕

 

អស់កង្វល់​ជា​មួយ​ប្រព័ន្ធ​ការពារ​សុវត្ថិភាព​ដ៏​ទំនើប​របស់ ESS

E-mail Print PDF

ភ្នំពេញ៖ ដើម្បីចូលរួមចំណែកក្នុងការការពារសុវត្ថិភាព ទាំងអាយុជីវិត និងទ្រព្យសម្បត្តិរបស់លោកអ្នក ក៏ដូចជាជួយសម្រួលដល់អាជីវកម្ម របស់លោកអ្នក ឱ្យកាន់តែមានភាពងាយស្រួល បន្ថែមទៀតនោះ យើងខ្ញុំមានលក់នូវឧបករណ៏អេឡិចត្រូនិក ទំនើបៗជាច្រើនប្រភេទរួមមានដូចខាងក្រោមៈ

- ប្រព័ន្ធកាមេរ៉ាសុវត្ថិភាព (Security Camera System)
- ប្រព័ន្ធប្រកាសអាសន្ន (Security Alarm System)
- សោទ្វារសុវត្ថិភាពអេឡិចត្រូនិក (Access Control System)
- ម៉ាស៊ីនកត់ត្រាពេលវេលា (Time Attendance System)
- ប្រព័ន្ធទូរស័ព្ទលើតុ (Telephone System)
- តបណ្តាញណេតវើក (Networking System)

យើងខ្ញុំក៏មានជាងជំនាញៗ ទៅតំឡើង និងថែរទាំជូនលោកអ្នកដល់ទីកន្លែងគ្រប់ខេត្តក្រុងទូរទាំង ព្រះរាជាណាចក្រកម្ពុជាផងដែរ។

ព័ត៌មានលំអិតសូមទំនាក់ទំនងតាមរយៈ
- អាសយដ្ឋានៈ ផ្ទះលេខ៣៩ ផ្លូវ១៦៤ សង្កាត់ អូឬស្សី២ ខណ្ឌ ៧មករា រាជធានីភ្នំពេញ
- ទូរស័ព្ទៈ 012 908 709, 016 664 066, 088 7778 707, 023 999 816
- សារអេឡិចត្រូនិចៈ ess.electronic@gmail.com
- គេហទំព័រៈ www.ess-electronic.com

អាជ្ញាធរជាតិអប្សរា​ នឹង​បង្ហាញ​អារ្យធម៌​អង្គរ​​ និង​ការ​ប្រែប្រួល​នៃ​បរិបទ​សង្គម​នៅ​តំបន់​អាស៊ីអាគ្នេយ៍

E-mail Print PDF

ភ្នំពេញ៖ បទបង្ហាញស្តីពី អារ្យធម៌អង្គរនិងការប្រែប្រួល នៃបរិបទសង្គមនៅតំបន់ អាស៊ីអាគ្នេយ៍ នឹងត្រូវរៀបចំឡើង នៅមជ្ឈមណ្ឌលបណ្តុះបណ្តាលអង្គរ នៃអាជ្ញាធរជាតិអប្សរា នារសៀលថ្ងៃទី៧ និងព្រឹកថ្ងៃទី៨ ខែកញ្ញា ឆ្នាំ២០១៥ខាងមុខ។

 វាគ្មិននៃបទបង្ហាញគឺលោកសាស្ត្រាចារ្យ Sahai (Sachchidanand Sahai) ដែលជាអ្នកជំនាញការអន្តរជាតិផ្នែកប្រវត្តិសាស្ត្រ និងសិលាចារឹក។ បទបង្ហាញនេះនឹងធ្វើឡើងពេលរសៀលថ្ងៃទី៧ចាប់ពីម៉ោង២កន្លះ ដល់ម៉ោង៤កន្លះ និងពេលព្រឹកថ្ងៃទី៨ ចាប់ពីម៉ោង៩ ដល់ម៉ោង១១កន្លះថ្ងៃត្រង់។

បទបង្ហាញនេះធ្វើឡើងក្នុងគោលបំណងចែករំលែកបទពិសោធន៍ស្រាវជ្រាវនិងបន្ថែមចំណេះដឹងថ្មីដែលអ្នកស្រាវជ្រាវជាតិ និងអន្តរជាតិបានសិក្សា។

លោកសាស្ត្រាចារ្យ Sahai គឺជាអ្នកស្រាវជ្រាវដ៏ល្បីនៅប្រទេសឥណ្ឌា ហើយលោកធ្លាប់បានធ្វើការសិក្សាស្រាវជ្រាវជាច្រើនពាក់ព័ន្ធនឹងតំបន់អាស៊ីអាគ្នេយ៍ ជាពិសេសប្រទេសកម្ពុជានិងតំបន់អង្គរ។ លោកសាស្ត្រាចារ្យបានបញ្ចប់ការសិក្សាថ្នាក់បណ្ឌិត ក្នុងឆ្នាំ១៩៦៩ នៅសាកលវិទ្យាល័យ Sorbonne ប្រទេសបារាំង។ បច្ចុប្បន្ន សាស្ត្រាចារ្យដែលមានវ័យជាង៧០ឆ្នាំរូបនេះ ជាទីប្រឹក្សារបស់អាជ្ញាធរជាតិអប្សរានិងជាអ្នកជំនាញការនៃគណៈកម្មាធិការអន្តរជាតិ សម្របសម្រួលកិច្ចគាំពារ និងអភិវឌ្ឍន៍ប្រាសាទព្រះវិហារ (អាយស៊ីស៊ី-ព្រះវិហារ)។ ក្នុងរយៈពេលកន្លងមក លោកសាស្ត្រាចារ្យបានសរសេរសៀវភៅជាច្រើន ដែលពាក់ព័ន្ធនឹងប្រវត្តិសាស្ត្រ វប្បធម៌ និងអារ្យធម៌នៃបណ្តាប្រទេសនៅអាស៊ីអាគ្នេយ៍ ជាពិសេសប្រទេសកម្ពុជា៕

USAID និងអង្គការជាដៃគូ សហការជាមួយ វិស័យឯកជន ដើម្បីគាំទ្រយុទ្ធនាការ ប្រមូលមូលនិធិ ជួយសង្គមស៊ីវិល កម្ពុជា

E-mail Print PDF

ភ្នំពេញ៖ ទីភ្នាក់ងារសហរដ្ឋអាមេរិក សម្រាប់ការអភិវឌ្ឍ អន្ដរជាតិដែល ហៅកាត់ថា USAID និងគម្រោងគំនិត ច្នៃប្រឌិតអភិវឌ្ឍ (Development Innovations) របស់ខ្លួន បានចូលរួមជាមួយ អង្គការ Cambodian NGO ACTION IEC ក្នុងពិធីចុះហត្ថលេខាលើ អនុស្សរណៈយោគយល់គ្នា ជាមួយក្រុមហ៊ុន សែលកាត ដែលជាក្រុមហ៊ុនផ្ដល់ សេវាកម្ម ទូរស័ព្ទចល័ត លំដាប់ឈានមុខនៅកម្ពុជា ដើម្បីសម្ពោធដាក់ឲ្យដំណើរការ មុខងារកម្មវិធីប្រមូល មូលនិធិបណ្តាញ អ៊ីនធើណិតមួយដើម្បីគាំទ្រ ដល់អង្គការសង្គមស៊ីវិលកម្ពុជា (CSOs) ជាច្រើន។

កម្មវិធី តោះហ្វាន់ (TOS Fund) ដែលមានន័យជាខេមរភាសាថា “តោះផ្ដល់ជំនួយមូលនិធិ” នឹងត្រូវដាក់ ឲ្យប្រើប្រាស់ ជាប្រព័ន្ធប្រមូលមូលនិធិតាមអ៊ីនធើណិតសម្រាប់ជួយដល់អង្គការសង្គមស៊ីវិលកម្ពុជាដែល កំពុងស្វែងរកប្រភព ជំនួយធនធានសមស្របនៅក្នុងស្រុកស្របពេលប្រភពជំនួយផ្សេងៗពីបរទេសនានាត្រូវបាន កាត់បន្ថយដោយសារ កំណើនលូតលាស់នៃសេដ្ឋកិច្ចកម្ពុជា។ មុខងារកម្មវិធីប្រមូលមូលនិធិ អន្តរជាតិភាគច្រើន មិនអាចផ្តល់ជម្រើស សម្រាប់ទទួលវិភាគទានក្នុងស្រុកបានទេ ម្យ៉ាងទៀតនៅកម្ពុជា មធ្យោបាយប្រមូលមូលនិធិតាមអនឡាញ ក៏នៅ មានកម្រិតណាដែលមិនអាចបង្កលក្ខណៈងាយស្រួល ដល់ប្រជាពលរដ្ឋកម្ពុជាឲ្យចូលរួមគាំទ្រ បុព្វហេតុសង្គមបាន នៅឡើយ។ ការអភិវឌ្ឍបច្ចេកវិទ្យាសម្រប សម្រួលការប្រមូលមូលនិធិក្នុងស្រុក អាចបង្កើនទាំងជំនួយមូលនិធិជាតិ និងអន្តរជាតិផងដែរ។ ដូច្នេះអង្គការ Action IEC កំពុងនាំមុខដើម្បីដំណើរការមុខងារ កម្មវិធីប្រមូលមូលនិធិដំបូងគេ ដែលមិនធ្លាប់មាននៅប្រទេសកម្ពុជា។

Action IEC ជាអង្គការសង្គមស៊ីវិលកម្ពុជាមួយដែលមានបេសកកម្មលើកកម្ពស់ការអប់រំតាមរយៈប្រព័ន្ធផ្សព្វផ្សាយ ស្របតាមវប្បធម៌ (វីដេអូ វិទ្យុ IEC ការផ្សព្វផ្សាយ ការបង្ហាញនៅលើទូរស័ព្ទ និងគេទំព័រ ផ្សេងៗ)។ អង្គការនេះ បានធ្វើការយ៉ាងទូលំទូលាយជាមួយអង្គការសង្គមស៊ីវិលក្នុងស្រុកនិងអន្តរជាតិ (CSOs) នៅក្នុងប្រទេសកម្ពុជា អស់រយៈពេលពីរទសវត្សចុងក្រោយនេះ ក្រោមជំនួយឧបត្ថម្ភគាំទ្រ ក្រៅប្រព័ន្ធពីទីភ្នាក់ងារ USAID ។

យោងតាមប្រសាសន៍លោកស្រី រីបេកា ប្លេក នាយកបេសកកម្មរបស់ទីភ្នាក់ងារ USAID ប្រចាំនៅ កម្ពុជាបានឱ្យ ដឹងថា៖ “មុខងារកម្មវិធីប្រមូលមូលនិធិរបស់ Action IEC អាចជួយអង្គការក្រៅរដ្ឋាភិបាល ក្នុងស្រុកនានាឲ្យបន្ត រួមចំណែកក្នុងការអភិវឌ្ឍប្រទេសកម្ពុជា។ មុខងារកម្មវិធីនេះ នឹងជួយបង្កើនទំនុក ចិត្តសម្រាប់អ្នកចូលរួមគាំទ្រ កម្ពុជាតាមរយៈការលើកកម្ពស់គុណភាពក្នុងរបាយការណ៍លក្ខខណ្ឌ និង ប្រព័ន្ធបង់ប្រាក់ដែលធានា បាននូវ តម្លាភាព ក្នុងរបៀបនៃការគ្រប់គ្រងប្រើប្រាស់ជំនួយមូលនិធិជាដើម។”

តាមអនុស្សារណៈនៃកិច្ចព្រមព្រៀងជាដៃគូនេះ សែលកាត នឹងសហការឧបត្ថម្ភសម្រាប់គំនិតផ្ដួចផ្ដើម ប្រមូល មូលនិធិនេះ រួមមានទាំងការទិញអាជ្ញាប័ណ្ណសម្រាប់ភ្ជាប់កម្មវិធីប្រមូលមូលនិធិ និងការផ្តល់ជំនួយជាមធ្យោបាយ បង់ប្រាក់បរិច្ចាគតាមរយៈលេខកូដខ្លីជាសារ SMS និងការបង់ប្រាក់តាមកាតទូទាត់ សែលកាតផងដែរ។ គម្រោង គំនិតច្នៃប្រឌិតអភិវឌ្ឍរបស់ទីភ្នាក់ងារ USAID នឹងជួយគាំទ្រ ដល់ការអភិវឌ្ឍ មុខងារកម្មវិធី និងជួយលើកស្ទួយ យុទ្ធនាការ ដើម្បីទាក់ទាញប្រជាប្រិយភាព ចំណាប់អារម្មណ៍ និងការគាំទ្រពីមជ្ឈដ្ឋានផ្សេងៗ ដល់គំនិតផ្តួចផ្តើមនេះ ផងដែរ។

លោក Niek Van Veen នាយកទីផ្សាររបស់ក្រុមហ៊ុន សែលកាត បានមានប្រសាសន៍ថា៖ " មានអង្គការមិនមែន រដ្ឋាភិបាលច្រើនណាស់ មានបំណងចូលរួមចំណែកដល់ការអភិវឌ្ឍសង្គមស៊ីវិលកម្ពុជា ប៉ុន្តែ ត្រូវជួបបញ្ហាប្រឈម ជាច្រើន។ យើងជឿថាជោគជ័យនៃគំនិតផ្តួចផ្តើមទាំងនេះពិតជាទាក់ទាញទំនុកចិត្ត កាន់តែទូលំទូលាយពីសំណាក់ ការគាំទ្រ និងការចូលរួមក្នុងស្រុក។ កង្វះខាតការយល់ដឹង និងកង្វះមធ្យោបាយសម្រាប់ប្រជាពលរដ្ឋខ្មែរ ចូលរួម ចំណែកសម្រាប់គំនិតផ្តួចផ្តើមទាំងនេះ គឺជាឧបសគ្គមួយ ដែលត្រូវជម្នះឲ្យបាន។ ក្នុងភាពជាដៃគូជាមួយទីភ្នាក់ងារ USAID ការលើកឡើងនូវកម្មវិធី តោះហ្វាន់ នេះ គឺដើម្បីជម្នះរាល់ឧបសគ្គរារាំងទាំងនេះ។ ក្នុងនាមជា ក្រុមហ៊ុន ទូរគមនាគមន៍មួយ យើងមើលឃើញថាវាមិនត្រឹមតែជាឱកាស មួយដើម្បីតបស្នងដល់សង្គមនោះទេ ប៉ុន្តែជា កាតព្វកិច្ច ក្នុងការផ្តល់នូវទំនាក់ ទំនងដែលមិនគ្រាន់តែសម្រាប់ការកម្សាន្តនោះដែរ ប៉ុន្តែក៏ជាមធ្យោបាយដ៏មាន ប្រយោជន៍ជាច្រើនទៀតក្នុងការលើកកម្ពស់កិច្ចសហប្រតិបត្តិការ ដែលផ្ដល់សារៈសំខាន់ចំពោះពួកគេ ហើយ ផលប៉ះពាល់សម្រាប់ពួកគេ ក៏ជាផលប៉ះពាល់ដល់សហគមន៍ផង។ "

ការសម្ពោធដាក់ឲ្យដំណើរការប្រើប្រាស់មុខងារកម្មវិធី តោះហ្វាន់ ជាផ្លូវការ នឹងត្រូវធ្វើឡើងនៅក្នុង ខែកញ្ញា 2015 នេះ។ យុទ្ធនាការសាកល្បងខ្លះចំនួន 15 ត្រូវបានរំពឹងថានឹងបានជ្រួតជ្រាបយ៉ាង ទូលំទូលាយដល់ប្រជាពលរដ្ឋ ខ្មែរមួយចំនួនធំឲ្យងាកមកគាំទ្រ និងចាត់ទុកថាវាមានសារៈសំខាន់ចំពោះខ្លួន។ ដោយផ្អែកលើចំនួនថវិកា នៃមូលនិធិ ដែលប្រមូលបាន គម្រោងសាកល្បងពីបណ្ដាអង្គការចំនួន 15 អាចជួយសម្រួល និងបង្កើនទៅកាន់ កម្រិតខ្ពស់ជាលំដាប់នាពេលអនាគតជាមួយជំនួយមូលនិធិដែល បានពីវិស័យឯកជនផង និងជំនួយដែលបាន មកពីការធ្វើយុទ្ធនាការដោយអង្គការដោយខ្លួនផ្ទាល់ផង ដែរ។

លោក Cedric Jancloes អ្នកសម្របសម្រួលគម្រោង របស់អង្គការ ACTION IEC បានឲ្យដឹងថា “ការប្រមូល មូលនិធិអនឡាញ (Crowdfunding) គឺជាគោលគំនិតថ្មីដែលទាមទារការខិតខំប្រឹងប្រែង អត់ធ្មត់ខ្ពស់ និងជំនាញ បច្ចេកវិទ្យាដើម្បីឲ្យដំណើរការទៅបាននៅកម្ពុជា។ នេះជាមូលហេតុដែលយើង មានសំណាង និងត្រេកអរបំផុត ដែលបានការជួយជ្រោមជ្រែងពេញទំហឹងពីសំណាក់ផ្នែកទទួលបន្ទុក វិស័យអភិវឌ្ឍន៍ និងក្រុមហ៊ុនបច្ចេកវិទ្យា ទូរស័ព្ទ។ តោះហ្វាន់ គឺជាច្រកថ្មីមួយសម្រាប់អ្នកដែលចង់ជួយគ្នា ទៅវិញទៅមកនៅកម្ពុជា។ មានបុព្វហេតុ ដើម្បី សង្គមល្អៗច្រើនណាស់ ហើយក៏មានគំនិតអស្ចារ្យថ្មីៗ ច្រើនណាស់ដែរជារៀងរាល់ថ្ងៃ ដែលត្រូវការមូលនិធិ។ យើងត្រៀម ផ្សារភ្ជាប់គោលគំនិតទាំងនោះ ទៅនឹងមនុស្ស និងសង្គម”៕

Page 3 of 421