left
Safe Home
Safe Home
Safe Home

Monday, Sep 01st

| English Version | dapnews: 012 571 704, 097 9999 883, email: lim.cheavutha@gmail.com

You are here:
 

ម៉ូតូគេចពន្ធ ល្មើសច្បាប់ របស់មន្រ្តី យោធា ប្រចាំទិស យោធភូមិភាគ៥ ត្រូវ អ.ហ ស្ទាក់ចាប់បានម៉ូតូ១១គ្រឿង ក្រោយចែកលុយមិនស្មើរ

E-mail Print PDF

បន្ទាយមានជ័យ ៖ កន្លងមកនេះ សមត្ថកិច្ច កងរាជអាវុធហត្ថស្រុកម៉ាឡៃ ខេត្ត បន្ទាយមានជ័យ បានធ្វើការស្ទាក់ចាប់ រថយន្តមួយគ្រឿងម៉ាក់ FUSO ដែលដឹកខោអាវគីប ចូលទៅក្នុង ប្រទេសថៃ តាមច្រករបៀងចំបក់ និងច្រករបៀង៩៣ ខណៈត្រឡប់មកវិញ បានបន្លំបង្កប់ ម៉ូតូសេរីទំនើបៗ ចំនួន១១គ្រឿង ដោយខុសច្បាប់ ហើយត្រូវកម្លាំង រាជអាវុធហត្ថ ស្ទាក់ចាប់បានតែម្តង ខណះពេលសមត្ថកិច្ច អ.ហ មិនត្រូវរ៉ូវ ជាមួយ និងមេឈ្មួញ ព្រមទាំង សមត្ថកកិច្ចការពារ ព្រំដែនលេខ៨១៥ ដោយម៉ូតូទាំងនេះ បានឆ្លងដែនចូល មកដល់ទឹកដីខ្មែរវិញភ្លាម រួចលើក ដាក់រថយន្តធុនធំ។

ម៉ូតូត្រូវបានសមត្ថកិច្ច រឹបអូសយកម៉ូតូ គេចពន្ធសេរីថ្មី ម៉ាកស្កូបពី និងម៉ាកហ្វីណូ សរុប ចំនួន១១គ្រឿង ហើយធ្វើការ ប្រគល់ជូន មន្រ្តីជំនាញ គយចល័តរបស់ក្រសួង រក្សាទុក ជាបណ្តោះអាសន្ន ដើម្បីរង់ចាំ ម្ចាស់ម៉ូតូចូលខ្លួន ទៅដោះស្រាយ និងបង់ពន្ធ ជូនរដ្ឋតាមផ្លូវច្បាប់។

ប្រភពព័ត៌មានពីសមត្ថកិច្ច បានឱ្យដឹងថា ម៉ូតូគេចពន្ធ លោតឆ័ត្រ ខាងលើនេះ គឺមានម្ចាស់ ឈ្មោះ ភោគ ខេមរិន្ទ ជាមន្រ្តីយោធា ប្រចាំទិសនៃ យោធភូមិភាគទី៥ ដោយបានធ្វើការសហការគ្នា ជាមួយ លោក ឈុត លីមេបញ្ជាការ នគរបាល វរៈការពារ ព្រំដែនគោក លេខ៨១៥ នាំគ្នាបើកច្រករបៀង បំពានច្បាប់ នាំទំនិញគេចពន្ធ ចេញចូលប្រទេសខ្មែរ ។

បើតាមប្រភព ដោយឡែកទៀត បានប្រាប់ថា ម៉ូតូគេចពន្ធ ម៉ាកទំនើបៗ ស៊េរីថ្មីៗ ជាច្រើនគ្រឿង បានចេញនៅច្រករបៀង ខ្លាងាប់ គ្រប់គ្រោង ដោយយោធាសឹករង ខេត្តបន្ទាយមានជ័យ និងមានម្នាក់កាង នៅចំណុចនេះគឺ ឈ្មោះ សំណាង ជាមន្រ្តីយោធាសឹករង និងក៏ជាឈ្មួញ ខាងនាំម៉ូតូគេចពន្ធ យ៉ាងខ្លាំងផងដែរ ជាពិសេស មានទំនិញជាច្រើនប្រភេទផងដែរ ។

ទោះបីជាយ៉ាង ណាក៏ដោយ លោក ឈុត លី មេបញ្ជាការ វរៈការពារ ព្រំដែនគោកលេខ ៨១៥ និងឈ្មោះ ភោគ ខេមរិន្ទ ជាមន្រ្តីយោធា ប្រចាំទិស នៃយោធភូមិភាគទី៥ ជាពិសេស លោក សំណាង មិនអាចទាក់ទងបានទេ នៅព្រឹកថ្ងៃទី១ ខែកញ្ញា ឆ្នាំ២០១៤នេះ៕

អភិបាល ខណ្ឌដូនពេញ បើកកិច្ចចរចា ទម្លុះភាពទ័ល ច្រករវាងម្ចាស់ក្រុមហ៊ុន រថយន្ដក្រុងភ្នំពេញ សូរិយានិងបុគ្គលិក

E-mail Print PDF

ភ្នំពេញ ៖ លោក គួច ចំរើន អភិបាល ខណ្ឌដូនពេញ នៅរសៀលថ្ងៃទី១ ខែកញ្ញា ឆ្នាំ២០១៤នេះ បានបើក កិច្ចពិភាក្សារកយុទ្ធសាស្រ្ត ដើម្បីទម្លុះភាពទ័លច្រករវាង ម្ចាស់ក្រុមហ៊ុន រថយន្ដក្រុង ភ្នំពេញសូរិយា និង បុគ្គលិកផ្នែកបើករថយន្តចំនួន១៧នាក់ ដែលធ្វើផ្ទុះកូដកម្ម អស់រយៈពេលជាច្រើន ថ្ងៃកន្លងមក ដោយសារ តែក្រុមហ៊ុនបញ្ឈប់ការងារពួកគេ ។

នៅក្នុងកិច្ចពិភាក្សា រកដំណោះស្រាយ នេះ លោកអភិបាលខណ្ឌដូនពេញ  ព្រមទាំងតំណាងរថយន្ដក្រុង ភ្នំពេញសូរិយា និង បុគ្គលិកផ្នែកបើក រថយន្តចំនួន១៧នាក់ ក៏បានស្នើលោក សយ សុភាព អគ្គនាយកមជ្ឈ មណ្ឌលព័ត៌មាន ដើមអម្ពិលចូលរួមផងដែរ ។

នៅក្នុងកិច្ចប្រជុំនេះ ធ្វើឡើងប្រកបដោយភាពស្រស់ស្រាយ និងរីករាយ ដើម្បីផ្សះផ្សារ ភាគីទាំងពីរ ធ្វើយ៉ាងណាបញ្ចប់ជំលោះ។

សូមបញ្ជាក់ថា បុគ្គលិកជាអ្នកបើកបរ នៃក្រុមហ៊ុនរថយន្ដក្រុងភ្នំពេញសូរិយា ចំនួន ១៧នាក់ ត្រូវបានក្រុមហ៊ុនធ្វើការបណ្ដេញ ចេញពីការងារ ហើយបើតាមការអះអាង ការបណ្ដេញចេញខាងលើនេះ គឺដោយសារតែក្រុមហ៊ុនបានដឹងថា បុគ្គលិកទាំង១៧នាក់ខាងលើ បាននាំគ្នាបង្កើត សហជីព ដែលជាការមិនពេញចិត្ដរបស់ក្រុមហ៊ុន។ ក្រោយការបណ្ដេញចេញបុគ្គលិកទាំង១៧នាក់ខាងលើ បាននាំគ្នាធ្វើបាតុកម្មជាបន្ដបន្ទាប់ ដើម្បីទាមទារបានចូលបម្រើការងារវិញ ដែលរហូតមកដល់ពេលនេះ នៅមិនទាន់រក ច្រកឃើញនៅឡើយទេ ៕

ជាងឈើ ធ្វើតុទូម្នាក់ ដេកស្លាប់ ក្រោមដើមឈើ នៅជិតវត្ត ចាក់អង្រែក្រោម

E-mail Print PDF

ភ្នំពេញ : បុរសជាងធ្វើតុទូម្នាក់ ត្រូវបានអ្នកដំណើរប្រទះឃើញដេកស្លាប់ នៅក្រោមដើមឈើ មួយ កន្លែងនៅជិតវត្តចាក់ អង្រែក្រោម លើកំណាត់ផ្លូវ ជាតិលេខ២ ភូមិទួលរកា ក្រុម១៤ សង្កាត់ចាក់អង្រែ ក្រោម ខណ្ឌមានជ័យ បង្កការភ្ញាក់ផ្អើល ដល់សមត្ថកិច្ចខណ្ឌមានជ័យមកពិនិត្យ និងធ្វើកោសល្យវិច្ច័យ ។

ក្រោយសមត្ថកិច្ចធ្វើការពិនិត្យកោសល្យវិច្ច័យរួច សមត្ថកិច្ចបានបញ្ជាក់ថា បុរសរូបនេះ ស្លាប់ដោយសារ ខ្យល់គរ ហើយក៏យកសព មកតម្កល់នៅវត្តចាក់អង្រែក្រោម រង់ចាំក្រុមគ្រួសារ ដើម្បីបញ្ជាក់ពីអត្ត សញ្ញាណ ។

ផ្អែកតាមការបំភ្លឺរបស់ស្ត្រី ឈ្មោះ ប៊ុង ចន្ថា អាយុ ៥៤ឆ្នាំ ដែលអះអាងថា ជាម្តាយរបស់សព បានឲ្យ ដឹងថា នៅវេលាម៉ោងប្រមាណជាង ៧យប់ ថ្ងៃទី៣១ ខែសីហា ជនរងគ្រោះបានមកលេងផ្ទះ គាត់នៅ ម្តុំផ្សារតូច ដោយបាននិយាយ និងបង្ហាញស្នាមរបួសនៅដៃស្តាំថា ប្រពន្ឋរបស់ខ្លួនបានយកកាំបិតចាក់ លុះម៉ោងប្រមាណ ៨យប់ថ្ងៃដដែល ជនរងគ្រោះ ចេញពីផ្ទះម្តាយវិញ ថែមទាំងបានសុំលុយម្តាយ ៥០០០រៀល ដើម្បីចាក់សាំងម៉ូតូ ។ ស្រាប់តែព្រឹកឡើង គាត់បានទទួលដំណឹងថា កូនគាត់ស្លាប់បាត់ ទៅហើយ ។

ស្ត្រីជាម្តាយជនរងគ្រោះ បានឲ្យដឹងថា កូនប្រុសគាត់ ឈ្មោះ សុខ សុថាយ អាយុ ៣២ឆ្នាំ មានមុខ របរជាងធ្វើតុទូ មានប្រពន្ឋ ប៉ុន្តែមិនដឹងថា ស្នាក់នៅកន្លែងណាទេ ។

ក្រោយពិនិត្យ និងធ្វើកោសល្យ វិច្ច័យរួច សមត្ថកិច្ចបានសន្និដ្ឋាន ជនរងគ្រោះស្លាប់ ដោយសារខ្យល់គ ព្រោះផឹកស្រាច្រើន មិនហូបបាយ ៕

រឿង «សុខា» ជារឿងពិត របស់ស្ថានិក សមាគមហ្វារ ពន្លឺសិល្បៈ ហើយសិល្បៈការិនី នឹងពាំនាំនូវវីដេអូឯកសារ ស្ដីអំពី ជីវិតរបស់នាង ទៅកាន់សហរដ្ឋអាមេរិក

E-mail Print PDF

សៀមរាប ៖ ខណៈពេលមិនដល់ មួយសបា្តហ៍ទៀត តែប៉ុណ្ណោះដែល ក្រុមសមាគម ហ្វារពន្លឺសិល្បៈ នឹងមមាញឹក ក្នុងការត្រៀមខ្លួន បង្ហាញនូវទេពកោសល្យ សម្តែងសាច់រឿង ល្ខោនសៀកថ្មីមួយ មានចំណងជើងថា៖ «សុខា» ដែលទាក់ទងទៅនិងជីវិតពិត របស់ជនរងគ្រោះដែលរស់រានជីវិត ពីសង្រ្គាម ការរស់នៅក្នុងជំរំ ជនភៀសខ្លួន ភាព អស់សង្ឃឹម និងការស្វែងរកផ្លូវចេញពី ឧបសគ្គទាំងនោះ តាមរយៈសិល្បៈ ។

លោក ហួត តារា ជានាយកសហគ្រាសសង្គម ហ្វារប្រចាំនៅខេត្ត សៀមរាប បាននិយាយថា៖ «ដំណើររឿងនេះ ពិតជាអស្ចារ្យ ដែលនឹងរៀបរាប់អំពី ប្រវិត្តពិត នៃបទពិសោធន៍ពិតរបស់យុវជនខ្មែរ ដែលខ្សែជីវិតគាត់បាន ឆ្លង កាត់សង្រ្គាម ហើយជាពិសេសទៅទៀតនោះ វាជារឿងពិតរបស់ស្ថានិកសមាគមហ្វារពន្លឺសិល្បៈផ្ទាល់តែម្តង ។ សារដែលពួកគាត់ចង់បង្ហាញ គឺចង់ឲ្យមនុស្សគ្រប់គ្នាមានការតស៊ូ កុំចុះចាញ់ទោះជាមានរឿងអ្វីកើតឡើងក៏ដោយ ក៍កុំអស់សង្ឃឹម»។

«សុខា» គឺជាក្មេងម្នាក់ដែលធ្លាប់ឆ្លងកាត់របបដ៏ឃោរឃៅ ដែលគ្រប់គ្នានិយមហៅថារបបប្រល័យពូជសាសន៏ វា បានបំផ្លាញគ្រប់យ៉ាងក្នុងជីវិតប្រជាពលរដ្ឋខ្មែរ សូម្បីតែក្តីសង្ឃឹមក្នុងការរស់នៅរបស់ពួកគេ។ បន្ទាប់ពីភ្លើងសង្រ្គាម នេះបានកន្លងផុតទៅ វិបិត្តផ្លូវចិត្តដ៏ធ្ងន់ធ្ងរបានបន្សល់ទុកឲ្យប្រជាពលរដ្ឋខ្មែរស្ទើរតែ គ្រប់រូប។ រឿងរ៉ាវជូរចត់គ្រប់ រូបភាពបានក្លាយជាស្រមោលអន្ទងតាមប្រាណ លងបន្លាចជីវិតសុខា គ្មានពេលចន្លោះ។

ការចងចាំនិង ភាពភ័យខ្លាចទាំងនោះ បានត្បាញក្លាយជាភ្នំដ៏ធំមួយដែលរារាំងមិនឲ្យនាងស្វែងរកនូវពន្លឺជីវិតបាន ។ ការរស់នៅជាមួយភាពភ័យខ្លាចក្នុងស្រមោលអតីតកាល ដែលគួរឲ្យស្អប់ខ្ពើមបានធ្វើឲ្យនាងស្វែងរក ឃើញនូវ ភាព រឹងមាំដ៏ពិតប្រាកដរបស់នាង ហើយនាងថែមទាំងបានធ្វើការប្តេជ្ញាចិត្ត ជួយមនុស្សគ្រប់គ្នា ដែលស្ថិតក្នុង ស្ថានភាព ដូចជានាង តបតប្រឆាំងនិងភាពអស់សង្ឃឹម និង ភាពអវិជ្ជមានក្នុងជីវិត។

ជីវិតសុខា គឺជាការប្រៀបធៀបនៃការចាប់ផ្តើមរបស់សមាគមហ្វារ ពន្លឺសិល្បៈ ក្រោយពេលដែលសហស្ថាបនិក ចំនួន ៩នាក់បានវិលត្រឡប់មកកាន់ប្រទេសកម្ពុជា នៅឆ្នាំ១៩៩៣បន្ទាប់ពីបានចំណាយកុមារភាព របស់ពួកគេ រស់នៅក្នុងជំរុំជនភៀសខ្លួន នៅក្នុងប្រទេសថៃដែលជាកន្លែង ដែលពួកគេបានទទួលការ ព្យាបាលរបួសផ្លូវចិត្តដ៏ ធ្ងន់ធ្ងរ មួយនេះ តាមរយៈការហាត់រៀនសិល្បៈ ។

លោកបន្តទៀតថា ដំណើរជីវិតរបស់នាង ត្រូវបានចងក្រងជាសាច់រឿងថ្មីដែលនឹងត្រូវសម្តែងដោយក្រុមសិល្បៈករ សិល្បៈការនីរបស់ សមាគមហ្វារពន្លឺសិល្បៈជាមួយនិងបច្ចេកទេស ដ៏អស្ចារ្យអមនិងតន្ត្រីប្រពៃណីដើម របស់កម្ពុជា ផ្ទាល់ ដែលនឹងបង្ហាញពីជម្ងឺផ្លូវចិត្តរយៈពេលវែងរបស់ជនរងគ្រោះដែលទទួលបានពី សង្រ្គាម និង ការស្វែងរក ច្រកចេញ ខណៈពេលដែលពួកគេអាចរក្សានូវអារម្មណ៍ សុទិដ្ឋិនិយមនៃជីវិតដ៏រឹងមាំ តាមរយៈសិល្បៈ។

លោក តារាមានប្រសាសន៍ ៖ «បន្ទាប់មកពួកគេក៏បានបើកមជ្ឈមណ្ឌលសិល្បៈ និងសង្គម ឈ្មោះថា សមាគមហ្វារ ពន្លឺសិល្បៈនៅក្នុងខេត្ត បាត់ដំបងនេះមក ដើម្បី កសាងសង្គមរបស់ពួកគេឡើងវិញ រួមទាំងលទ្ធភាពក្នុងការ ផ្តល់ នូវចំណេះដឹង និងបង្ហាត់បង្រៀននូវជំនាញសិល្ប:ជាច្រើន ទៅដល់កុមារនិង យុវជន មានបញ្ហាជីវភាពដែលប្រាថ្នា ចង់រៀនពីសិល្បៈទាំងនោះផងដែរ» ។

ពិន ភូណាម ជាសិល្បៈការនីដ៏មានទេពកោសល្យដែលនឹងត្រូវសម្តែងជាតួអង្គ «សុខា» ។ នាងគឺជាក្មេងស្រីម្នាក់ ដែល មានស្រុកកំណើតក្នុងខេត្តបាត់ដំបងក្នុងគ្រូសារដ៏ក្រីក្រមួយ ដែលធ្លាប់ជួបប្រទះនូវឧបសគ្គជីវិតជាច្រើន ប៉ុន្តែ នាងបានខិតខំ ព្យាយាមស្វែងរកគោលដៅជីវិតរបស់នាងតាមរយៈការរៀននូវសិល្បៈពត់ពែនខ្លួន ។

ការសម្តែង របស់នាងទាំងឡាយតែងតែត្រូវបានទស្សនិកជន កោតសរសើរមិនដាច់ពីមាត់ដោយ សារទេព កោសល្យ ដ៏ មិនគួរឲ្យជឿដែលនាងអាចពត់ជើងមកដាក់មកលើក្បាលរបស់់នាង ហើយយកធ្នូរបាញ់ទៅកាន់ ប៉េងប៉ោងដែលមានចម្ងាយប្រហែល ៣ម៉ែត្រដោយជើងរបស់នាងផ្ទាល់ ។ សមត្ថភាពដ៏អស្ចារ្យនេះ បានធ្វើនាង ក្លាយជាសិល្បៈការនី ដែលទទួលការគាំទ្រ រហូតដល់បណ្តាប្រទេសលោកខាងលិច។ ក្នុងខែតុលានេះ នាងនឹង ពាំនាំនូវវីដេអូឯកសារ Angkor’s Children ដែលរៀបរាប់អំពីជីវិតរបស់នាង និងសិល្បៈការនីកម្ពុជា ២រូបទៀត ទៅកាន់ទីក្រុង បូស្តុន (Boston) សហរដ្ឋអាមេរិក ។

ស្របពេលដែលទស្សនីយភាពសិល្បៈល្ខោន សៀក សម្តែងលើឆាករបស់ខ្មែរចាប់ផ្តើមរស់ឡើងវិញក្រោយ ពេល ដែលសិល្បៈលើឆាកនេះត្រូវបានបាត់បង់ជាច្រើនទស្សវត្ស ហ្វារពន្លឺសិល្បៈ បានព្យាយាម បង្កើតនូវអ្វី ដែលថ្មីៗ ផ្តល់ ជូនទស្សនិកជន ដែលការសម្តែងទាំងនោះសុទ្ធសឹងតែបង្កប់នូវសារអប់រំទៅដល់អ្នកទស្សនា។ សមាគមនេះ ទទួលសិស្សចូលរៀនដោយមិនយកកំរៃ ចំនួនលើសពី១២០០ នាក់ជារៀងរាល់ថ្ងៃ ដើម្បីឲ្យពួកគេ សម្រេចក្តីប្រាថ្នា របស់គេតាមរយៈ ទេពកោសល្យសិល្បៈ ។

ដើម្បីឲ្យដឹងថា រឿង «សុខា» មានអ្វីប្លែក សូមកុំភ្លេចទៅទស្សនាការសម្តែងផ្ទាល់ចាប់ពីថ្ងៃទី ៦ ខែកញ្ញា នៅល្ខោន សៀកកម្ពុជាហ្វារដែលមានទីតាំងនៅផ្លូវកូមៃ ខាងក្រោយសារមន្ទីរជាតិអង្គរ និងទល់មុខសណ្ឋាគារអង្គរសិនជូរី ដែលនឹងចាប់សម្តែងនូវទស្សនីយភាព រយៈពេលមួយម៉ោង គឺចាប់ពីម៉ោង ៨:០០ យប់តទៅ ៕

Photo by DAP-News

Photo by DAP-News

Photo by DAP-News

Photo by DAP-News

ក្រុមយុវជន ផ្សព្វផ្សាយ ពីគ្រោះថ្នាក់ នៃថ្នាំជក់ បង្ហាញ ភាពជោគជ័យ

E-mail Print PDF

ភ្នំពេញ ៖ ក្រុមយុវជន TIMESUP ដែលធ្វើយុទ្ធនាការ ផ្សព្វផ្សាយ ពីគ្រោះថ្នាក់ នៃថ្នាំជក់ នៅថ្ងៃ ចន្ទទី១ ខែកញ្ញា ឆ្នាំ២០១៤នេះ បានបង្ហាញពីជោគជ័យ របស់ខ្លួន បន្ទាប់ពីធ្វើយុទ្ធនា រយៈពេល៤ខែ តាម រយៈការផ្ដល់រង្វាន់ ជូនយុវជនពីរនាក់ ដែលបានតែងកំណាព្យ និងគូររូបភាពស្ដី ពីផលប៉ះពាល់នៃថ្នាំជក់។

ក្នុងពិធីប្រគលរង្វាន់ជ័យ លាភីការប្រកួតពាក់ព័ន្ធ អនុសញ្ញាស្ដីពីការត្រួតពិនិត្យថ្នាំជក់ នាមជ្ឈមណ្ឌល កិច្ច សហប្រតិបត្តិការ កម្ពុជា -កូរ៉េ ស្ថិតក្នុងសកលវិទ្យាល័យភូមិន្ទ ភ្នំពេញ លោក ហ៊ុយ តេងសាង សមាជិក ក្រុម TIMESUP ថ្លែងថា គោលបំណង របស់ក្រុមយុវជន ដើម្បី ផ្សព្វផ្សាយពី គ្រោះថ្នាក់នៃ ការប្រើប្រាស់ ថ្នាំជក់ និងបង្ហាញពីល្បិចកលរបស់ក្រុមហ៊ុនថ្នាំជក់ ព្យាយាមធ្វើសកម្មភាព មនុស្សធម៌ជាថ្នូរនឹង ការប្រកបអាជីវកម្ម។

លោក ហ៊ុយ តេងសាង បន្តថា" ពិធីប្រគល់រង្វាន់នៅថ្ងៃនេះ ផ្ដល់ជូនទូរស័ព្ទម៉ាក់សាំស៊ុង ម្នាក់មួយ គ្រឿងទៅឲ្យ យុវជនពីរនាក់មានឈ្មោះថា សេង លីហៀង និង ម៉ៅ ស៊ីណា ដែលស្នាដៃរបស់អ្នកទាំងពីរ ដោយម្នាក់គូររូបភាពនិងម្នាក់ទៀត តែងកំណាព្យ ស្ដីពីគ្រោះថ្នាក់នៃការប្រើប្រាស់ថ្នាំជក់"។

បើតាម លោក ហ៊ុយ តេងសាង សមាជិកក្រុម TIMESUP នឹងបន្តយុទ្ធនាការផ្សព្វផ្សាយ បន្ថែមដល់ ប្រជាពលរដ្ឋខ្មែរបានយល់ពីគ្រោះថ្នាក់នៃការប្រើប្រាស់ថ្នាំជក់។

សូមបញ្ជាក់ថា TIMESUP គឺជាកម្មវិធីមួយបង្កើតឡើងដោយ ក្រុមយុវជនកម្ពុជា ធ្វើការផ្សព្វផ្សាយ ពីគ្រោះថ្នាក់នៃការប្រើប្រាស់ថ្នាំជក់ទៅដល់ប្រជាពលរដ្ឋកម្ពុជា។

តាមរបាយការណ៍បង្ហាញថា ការប្រើប្រាស់ថ្នាំជក់បណ្ដាលឲ្យមនុស្សស្លាប់៦លាននាក់និង អ្នកស្រូបផ្សែង បារីពីគេ៦សែននាក់ជារៀងរាល់ឆ្នាំលើពិភពលោក។ ក្នុងនោះប្រជាពលរដ្ឋកម្ពុជា ជិត៣០នាក់ក្នុង១ ថ្ងៃៗស្លាប់បណ្ដាលមកពីជំងឺ ដែលពាក់ព័ន្ធនឹងការជក់បារី។ ក្នុងមួយឆ្នាំអ្នកជក់បារីនៅកម្ពុជាចំណាយប្រាក់ ជិត១០០លានដុល្លារទៅលើការទិញបារី ៕

ថៃគ្មានជំហរ ច្បាស់លាស់ ក្នុងការអនុវត្តន៍ សាលដីកា ICJ លើសំណុំរឿង ប្រាសាទ ព្រះវិហារខ្មែរ

E-mail Print PDF

ភ្នំពេញ ៖ មកដល់ពេលបច្ចុប្បន្ននេះ មានរយៈពេល ជិតមួយឆ្នាំហើយ បន្ទាប់ពីតុលាការយុត្តិធម៌ អន្តរ ជាតិ ICJ បានចេញសេចក្តីសម្រេចឲ្យកម្ពុជាឈ្នះក្តី លើសំណុំរឿងប្រាសាទព្រះវិហាររបស់ខ្មែរ ជាលើក ទីពីរ កាលពីខែវិច្ឆិកា ឆ្នាំ២០១៣ សេចក្តីសម្រេចទាំងនោះ តម្រូវឲ្យរដ្ឋាភិបាលថៃ ដកកងទ័ពចេញពី តំបន់ក្បែរប្រាសាទព្រះវិហារ តែភាគីថៃមិនទាន់បង្ហាញសកម្មភាព ឬកាយវិការគោរព តាមអំណាច សាលដីកានេះនៅឡើយទេ ។

ថ្វីត្បិតបច្ចុប្បន្ន ស្ថានភាពព្រំដែន កម្ពុជា-ថៃ មានសភាពស្ងប់ស្ងាត់ ប៉ុន្តែ អ្វីគ្រប់យ៉ាង ដែលប្រជាជន កម្ពុជា ក៏ដូចជាកងទ័ពចង់បាននោះ គឺពេលវេលាច្បាស់លាស់ពីរដ្ឋាភិបាលថៃ ក្នុងការអនុវត្តន៍លើសេច ក្តីសម្រេចរបស់តុលាការ យុត្តិធម៌ទីក្រុងឡាអេ ។ ថៃបានសន្យាជាមួយកម្ពុជា ជាច្រើនលើកច្រើនសារ មកហើយលើបញ្ហានេះ ប៉ុន្តែថៃនៅតែបង្ហាញជំហរមិនច្បាស់លាស់ និងហាក់ចងបំភ្លេចទៅវិញថែម ទៀត ។

ក្នុងជំនួប រវាងឧបនាយករដ្ឋមន្រ្តី រដ្ឋមន្រ្តីក្រសួងការពារជាតិកម្ពុជា នាយឧត្តមសេនីយ៍ទៀ បាញ់ និង លោក Tanasak Patimapragom មេបញ្ជាការជាន់ខ្ពស់ និងជាអនុប្រធានក្រុមប្រឹក្សាសន្តិសុខសណ្តាប់ ធ្នាប់របស់ថៃ នៅព្រឹកថ្ងៃទី០១ ខែកញ្ញា ឆ្នាំ២០១៤ នៅក្រសួងការពារជាតិកម្ពុជា ភាគីទាំងពីរ មិនបាន ពិភាក្សាឡើយ ចំពោះបញ្ហាអនុវត្តសាលដីកា ICJ ។

ឆ្លើយតបសំណួរអ្នកព័ត៌មាន បន្ទាប់ពីកិច្ចជំនួបដោយបិទទ្វារនោះ នាយឧត្តមសេនីយ៍ ទៀ បាញ់ បាន ថ្លែងថា កម្ពុជាបានទទូលយកនូវសេចក្តីសម្រេច របស់តុលាការអន្តរជាតិ ICJ រួចហើយ តែដោយឡែក សម្រាប់ភាគីថៃវិញ មិនបានបរិយាយច្បាស់លាស់នោះឡើយ ដោយលោកនាយឧត្តមសេនីយ៍ លើក ឡើងថា ថៃអាចដឹងនូវសេចក្តីសម្រេចនេះយ៉ាងច្បាស់ដូចកម្ពុជាដែរ ក៏ប៉ុន្តែលោកមិនហ៊ាននិយាយ ជំនួសគេនោះឡើយ ។

នាយឧត្តមសេនីយ៍បានបញ្ជាក់ថា «ទាក់ទងនឹង ICJ នេះ គឺយើងអាចដឹងថា អ្នកដែលទៅទទួលការ អធិ ប្បាយដ៏ជាក់លាក់មានទាំងកម្ពុជា និងថៃដូច្នេះ គេដឹងច្បាស់ណាស់ទៅធ្វើអ្វី ហើយធ្វើរបៀបណា នឹង ត្រូវអនុវត្តរបៀបណា ហើយយើងទាំងអស់គ្នាបានទទួលយកហើយ ដូច្នេះខ្ញុំហាក់បីដូចជាមិនចាំបាច់ មកបរិយាយ ហើយបើខ្ញុំនិយាយទៅក៏វាអត់បានល្អិតល្អន់ដូចគេទៅធ្វើជាក់ស្តែងនោះផង ។ ចំពោះការ រឿងដក់កងទ័ពរឿងអីនោះ គឺវាស្ថិតនៅក្នុងគេទាំងអស់គេយល់ទាំងអស់ ហើយយើងមិនអាចនិយាយ ជំនួសគេបាននោះទេ តែសម្រាប់ភារកិច្ចរបស់ខ្ញុំ គឺរក្សាភាពស្ងប់ស្ងាត់មិនឲ្យមានអ្វីកើតឡើង»។

សូមបញ្ជាក់ថា តុលាការយុត្តិធម៌អន្តរជាតិ ទីក្រុងឡាអេ បានចេញសេចក្តីសម្រេចឲ្យកម្ពុជាឈ្នះថៃ សារ ជាថ្មីលើតំបន់ជុំវិញប្រាសាទព្រះវិហាររបស់ខ្មែរ កាលពីថ្ងៃទី១១ ខែវិច្ឆិកា ឆ្នាំ២០១៣កន្លងទៅ បន្ទាប់ ពីលើកទី១ ថ្ងៃទី១៥ ខែមិថុនា ឆ្នាំ១៩៦២នោះ ។ តែយ៉ាងណាក្តីរហូតមកដល់ពេលនេះ ភាគីទាំងពីរ មិនទាន់បានកំណត់ពេលជាក់លាក់ សម្រាប់ជួបពិភាក្សាគ្នាអំពីសេចក្តីសម្រេចរបស់ ICJ នោះឡើយ។

កាលពីដើមខែកក្កដា ឆ្នាំ២០១៤ កន្លងទៅនេះ ឧបនាយករដ្ឋមន្រ្តី រដ្ឋមន្រ្តីក្រសួងការបរទេសខ្មែរ លោក ហោ ណាំហុង បានមានប្រសាសន៍សាជាថ្មីថា រដ្ឋាភិបាលកម្ពុជា ប្តេជ្ញាចិត្ត មិនភ្លេចក្នុងការចរចាជាមួយ ប្រទេសថៃ អំពីការអនុវត្តសេចក្តីសម្រេចរបស់តុលាការ ICJ ឡើយ ក៏ប៉ុន្តែដោយសារស្ថានភាព នយោ បាយ នៅប្រទេសថៃ ហើយកម្ពុជាបានយោគយល់ដល់ភាគីថៃ ។

លោក ហោ ណាំហុង បានបន្តថា បន្ទាប់ពីតុលាការអន្តរជាតិ ICJ បានសម្រេចឲ្យកម្ពុជាឈ្នះថៃ ជា លើកទីពីរ នៅបញ្ហាជុំវិញប្រាសាទព្រះវិហារខ្មែរនោះ ថៃចាប់ផ្តើមមានបញ្ហានយោបាយ ឥតឈប់ឈរ រហូតមកដល់នាពេលបច្ចុប្បន្ននេះ ដូច្នះហើយទើបរដ្ឋាភិបាលថៃ មិនមានពេលសម្រាប់ពិភាក្សា ជាមួយ កម្ពុជាអំពីបញ្ហានេះ ។

តុលាការអន្ដរជាតិ ទីក្រុងឡាអេ បានបង្ហាញយ៉ាងច្បាស់ថា កម្ពុជានៅតែជាម្ចាស់កម្មសិទ្ធិ នៃប្រាសាទ ព្រះវិហារ និងតំបន់ជុំវិញប្រាសាទនេះ ដោយយោងទៅតាមវិធាន ដែលបានចែងក្នុងសាលក្រមឆ្នាំ ១៩៦២ សម្រេចថា ប្រទេសកម្ពុជា មានសិទ្ធិទាំងស្រុង លើអធិបតេយ្យភាព នៃតំបន់ក្រចកសេះ នៅ ប្រាសាទព្រះវិហាររបស់ខ្មែរ ។

គួរបញ្ជាក់ថា ប្រទេសថៃបានលើកកងទ័ពមកឈ្លានពានកម្ពុជា នៅតំបន់ប្រាសាទព្រះវិហារ កាលពីថ្ងៃ ទី១៥ ខែកក្កដា ឆ្នាំ២០០៨ បន្ទាប់ពីប្រាសាទព្រះវិហាររបស់កម្ពុជា ត្រូវបានគណៈកម្មការ បេតិកភណ្ឌ វប្បធម៌ពិភពលោក របស់អង្គការយូណេស្កូ សម្រេចជាឯកច្ឆ័ន្ទ ដាក់បញ្ចូលជាសម្បត្តិបេតិកភណ្ឌ ពិភព លោក កាលពីថ្ងៃទី៧ ខែកក្កដា ឆ្នាំ២០០៨ នៅទីក្រុងកេប៊ិច ប្រទេសកាណាដា នាសម័យប្រជុំលើកទី ៣២ របស់អង្គការវប្បធម៌ពិភពលោកមួយនេះ ៕

បញ្ជូនខ្លួន ជនសង្ស័យ និងថ្នាំញៀន ១១៥គ្រាប់ ទៅតុលាការ

E-mail Print PDF

បាត់ដំបងៈ កម្លាំងនគរបាលខេត្ត បានបញ្ជូនខ្លួនជនសង្ស័យម្នាក់ រួមនឹងថ្នាំញៀន ១១៥គ្រាប់ ទៅតុលា ការ នៅព្រឹកថ្ងៃទី១ ខែកញ្ញា ឆ្នាំ២០១៤ ដើម្បីចាត់ការតាមច្បាប់ បន្ទាប់ពីកម្លាំងនគរបាល ស្រុកកំរៀង បានឃាត់ខ្លួនជនសង្ស័យ កាលពីព្រឹកថ្ងៃទី៣០ ខែសីហា ឆ្នាំ២០១៤ នៅចំណុចភូមិអូរអន្លក់ ឃុំតាសែន ស្រុកកំរៀង ខណៈជនសង្ស័យ បម្រុងយកថ្នាំញៀនឆ្លងដែន ទៅប្រទេសថៃ ។

លោក ស្រី វុទ្ធី អធិការរង នគរបាលស្រុកកំរៀងបានឲ្យដឹងថា ជនសង្ស័យដែលសមត្ថកិច្ច ឃាត់ខ្លួនមាន ឈ្មោះ ចេង ជេម ភេទប្រុស អាយុ ២២ឆ្នាំ រស់នៅភូមិអូរអន្លក់ ឃុំតាសែន ស្រុកកំរៀង ដែលបានធ្វើ សកម្មភាពជួញដូរគ្រឿងញៀន បម្រុងឆ្លងដែនខុសច្បាប់ នៅចំណុចមាត់អូរច្រករបៀង ក្បែរព្រំដែនថៃ ស្ថិតក្នុងភូមិ-ឃុំខាងលើ ហើយត្រូវបានកម្លាំងនគរបាល វរការពារព្រំដែន ៨១៩ សង្ស័យហៅសួរនាំ និង ឆែករកឃើញថ្នាំញៀននៅនឹងខ្លួនចំនួន ១១៥ គ្រាប់ យកមកប្រគល់ ឲ្យអធិការស្រុកកំរៀង ដើម្បីចាត់ ការបន្ត ។

ជនសង្ស័យបានឆ្លើយសារភាពថា ខ្លួនគ្រាន់តែជាអ្នកស៊ីឈ្នួល កាន់ថ្នាំញៀនឲ្យគេ យកទៅឲ្យម៉ូយ នៅ ទឹកដីថៃប៉ុណ្ណោះ ក៏ត្រូវសមត្ថកិច្ចខ្លួនបានតែម្តង ។

បច្ចុប្បន្នជនសង្ស័យ និងវត្ថុតាងត្រូវបានសមត្ថកិច្ចនគរបាលស្រុក កសាងសំណុំរឿង បញ្ជូនមកស្នងការ ខេត្ត រួចបញ្ជូនបន្តទៅតុលាការខេត្ត នៅព្រឹកថ្ងៃទី១ ខែកញ្ញា នេះដើម្បីចាត់ការតាមច្បាប់ ៕

លោក សំហេង បុរស ជួបប្រធានអង្គការ JCIA និយាយពីការងារ សង្គមកិច្ចនៅកម្ពុជា

E-mail Print PDF

ភ្នំពេញ ៖ លោក សំហេង បុរស អគ្គនាយក នៃអគ្គនាយកដ្ឋាន កិច្ចការរដ្ឋបាល និងហិរញ្ញវត្ថុ តំណាង ដ៏ខ្ពង់ខ្ពស់ របស់លោក វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទាបានអញ្ជើញ ជួបពិភាក្សាការងារមួយចំនួន ជាមួយលោក ហ្វូមីអូ យ៉ាម៉ាដា ប្រធានអង្គការសមាគម សហប្រតិបត្តិការ កម្ពុជា-ជប៉ុន (JCIA) នៅទីស្តីការ ក្រសួងសង្គមកិច្ច ដើម្បីពង្រីកសេវាសង្គមកិច្ចជូនពលរដ្ឋកម្ពុជា ។

លោក ហ្វូមីអូ យ៉ាម៉ាដា ប្រធានអង្គការ JCIA មានប្រសាសន៍ថា ក្នុងដំណើរការទស្សនកិច្ច នៅកម្ពុជា នាពេលនេះ លោកបានដឹកនាំគណៈប្រតិភូ វិនិយោគិនធំៗមួយចំនួន ក្នុងនោះមានក្រុមហ៊ុននាំពលករ ទៅធ្វើការ នៅប្រទេសជប៉ុនផងដែរ ក្នុងគោលបំណង បង្កើនការងារធ្វើដល់ប្រជាពលរដ្ឋកម្ពុជា ។

ក្នុងឱកាសនោះ លោក ហ្វូមីអូ យ៉ាម៉ាដា បានស្នើសុំអគារមួយ នៅក្រោយមជ្ឈមណ្ឌល សង្គមអភិវឌ្ឍន៍ ពោធិសែនជ័យ ដើម្បីជួសជុល បង្កើតសាលាបណ្តុះបណ្តាលគិលានុប្បដ្ឋាយិកា មើលថែទាំមនុស្សចាស់ និងបណ្តុះបណ្តាលពលករកម្ពុជា ឲ្យទទួលបានចំណេះដឹងទាំងភាសា និងបច្ចេកទេស ដើម្បីបង្កភាព ងាយស្រួលដល់ពលករ ក្នុងការរកការងារធ្វើនៅប្រទេសជប៉ុន ឲ្យមានប្រសិទ្ធភាព ។

ជាការឆ្លើយតប លោក សំហេង បុរស បានសម្តែងការស្វាគមន៍ និងវាយតម្លៃខ្ពស់ ចំពោះកិច្ចសហប្រតិ បត្តិការរបស់អង្គការ JCIA ដែលតែងតែបានកៀងគរវិនិយោគិនជប៉ុន មកវិនិយោគនៅកម្ពុជា ជាពិសេស បានជួយឧបត្ថម្ភគាំទ្រ លើវិស័យពិការភាព ក៏ដូចជាជនក្រីក្រគ្មានទីពឹងកុមារកំព្រា នៅកម្ពុជា ឲ្យកាន់តែ មានការរីកចម្រើន សំដៅកាត់បន្ថយភាពក្រីក្ររបស់ប្រជាពលរដ្ឋ ។

លោក សំហេង បុរស ក្រសួងសង្គមកិច្ចគាំទ្រ ចំពោះគម្រោងរបស់អង្គការ ប៉ុន្តែ ទាមទារឲ្យមានការ សិក្សាស្រាវជ្រាវឡើងវិញ ធ្វើយ៉ាងណា ឲ្យស្របតាមគោលនយោបាយរបស់ក្រសួង ក៏ដូចជារាជរដ្ឋាភិ បាល ។

លោក សំហេង បុរស បានបន្តទៀតថា ក្រសួងនឹងខិតខំធ្វើយ៉ាងណា ឲ្យដំណើរការគម្រោងនេះ ប្រព្រឹត្ត ទៅបានឆាប់រហ័ស ដើម្បីបន្តកិច្ចសហការជាមួយគ្នា ដោះស្រាយបញ្ហាប្រឈមនានា ដែលក្នុងនោះ រួម មានជនពិការចាស់ជរា ជនរងគ្រោះ និងងាយរងគ្រោះ ដែលកំពុងរងចាំទទួលសេវាពីយើង ។

លោកអគ្គនាយក នៃអគ្គនាយកដ្ឋាន កិច្ចការរដ្ឋបាល និងហិរញ្ញវត្ថុ នៃក្រសួងសង្គមកិច្ច បានគូសបញ្ជាក់ ថា រាជរដ្ឋាភិបាលកម្ពុជាអាណត្តិទី៥ ក្រោមការដឹកនាំ របស់សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ប្រទេសជាតិមានសុខសន្តិភាព ស្ថិរភាពនយោបាយ និង មានភាពរីកចម្រើន លើគ្រប់វិស័យ ក្នុងនោះវិស័យសង្គមកិច្ច អតីតយុទ្ធជន និងយុវនីតិសម្បទា ក៏បានដើរតួយ៉ាងសំខាន់ ក្នុងការផ្តល់សេវាជូនប្រជាពលរដ្ឋ ប្រកបដោយប្រសិទ្ធិភាពខ្ពស់ ៕

អាវុធហត្ថខេត្ត ឃាត់ខ្លួន សង្សារមួយគូ ពាក់ព័ន្ធចែកចាយ និងប្រើប្រាស់ គ្រឿងញៀន

E-mail Print PDF

បាត់ដំបងៈ កម្លាំងអាវុធហត្ថ ការិយាល័យស្រាវជ្រាវ ប្រឆាំងគ្រឿងញៀនខេត្ត ឃាត់ខ្លួនសង្សារមួយគូ ពាក់ព័ន្ធចែកចាយ និងប្រើប្រាស់គ្រឿងញៀន កាលពីវេលាម៉ោង ១១ និង៣០នាទី ថ្ងៃទី១ ខែសីហា ឆ្នាំ ២០១៤ នៅចំណុចផ្ទះជួល ស្ថិតក្នុងភូមិចំការឬស្សី សង្កាត់ព្រែកព្រះស្តេច ក្រុងបាត់ដំបង ស្របពេល មានដីកាបង្គាប់ឲ្យនាំខ្លួន របស់តុលាការផង និងបានបង្រ្កាបបទល្មើសជាក់ស្តែង ព្រមទាំងរឹបអូសបាន ម៉ាទឹកក ២ថង់តូច និងសម្ភារៈមួយចំនួនទៀត រួចកសាងសំណុំរឿង បញ្ជូនទៅតុលាការខេត្ត នៅ រសៀលថ្ងៃទី១ ខែកញ្ញា ឆ្នាំ២០១៤ ដើម្បីចាត់ការតាមច្បាប់ ។

លោក ហេង សេងហុង នាយការិយាល័យស្រាវជ្រាវប្រឆាំងគ្រឿងញៀនខេត្តបានឲ្យដឹងថា ជនសង្ស័យ ដែលសមត្ថកិច្ចឃាត់ខ្លួន មានទី១-ឈ្មោះ លី ប៉ាត្តារី ហៅ ទ្រី ភេទប្រុស អាយុ ៣១ឆ្នាំ មុខរបរ មិនពិត ប្រាកដ រស់នៅភូមិដាំស្ពៃ សង្កាត់ស្លាកែត ក្រុងបាត់ដំបង (មានដីកាចាប់ខ្លួនពីតុលាការ) ទី២-ឈ្មោះ គួន ធូ ភេស្រី អាយុ ២៣ឆ្នាំ រស់នៅភូមិស្នឹង ឃុំស្នឹង ស្រុកបាណន់ (២នាក់ជាគូរសង្សារនឹងគ្នា)។

លោក ហេង សេងហុង បានបញ្ជាក់ថា មុនពេលឃាត់ខ្លួន កម្លាំងបានទទួលដីកាបញ្ជា ឲ្យនាំខ្លួនពីតុលា ការខេត្តពីបទ ជួញដូរគ្រឿងញៀនកន្លងមក លុះដល់កម្លាំងអនុវត្ត ក៏បានឃើញជនសង្ស័យទាំង ២នាក់ កំពុងជួញដូរ និងប្រើប្រាស់គ្រឿងញៀន ក្នុងបទល្មើសជាក់ស្តែង ក៏ត្រូវសមត្ថកិច្ចបង្រ្កាបបានតែម្តង និង រឹបអូសបានម៉ាទឹកកក ២ ថង់តូចមានទម្ងន់ ០.៣៩ក្រាម ម៉ូតូ១គ្រឿង ទូរស័ព្ទដៃ២០គ្រឿង ប្រាក់ខ្មែរ ៤០ម៉ឺនរៀល ប្រាក់ថៃ ៤០០ បាត ប្រាក់ដុល្លារចំនួន ៣១០ដុល្លារ និង សម្ភារៈវេចខ្ចប់ និងប្រើប្រាស់ គ្រឿងញៀនមួយចំនួនទៀត នាំយកមកការិយាល័យជំនាញដើម្បីសួរនាំ ។

ជនសង្ស័យបានឆ្លើយសារភាពថា ខ្លួនពិតជាបានរកស៊ីចជួញដូរថ្នាំញៀន រកបានប្រាក់ចំណេញ ហើយ ទុកប្រើប្រាស់ខ្លួនឯងផង លុះថ្ងៃចុងក្រោយ ក៏ត្រូវសមត្ថកិច្ចចាប់ខ្លួនបានតែម្តង ។

បច្ចុប្បន្នជនសង្ស័យទាំង២នាក់ និងវត្ថុតាងដែលរឹបអូសបាន មន្រ្តីការិយាល័យជំនាញ បានកសាង សំណុំរឿង បញ្ជូនខ្លួនទៅតុលាការខេត្ត នៅរសៀលថ្ងៃទី១ ខែកញ្ញា ឆ្នាំ២០១៤នេះ ដើម្បីចាត់ការតាម ច្បាប់ ៕

លោកអភិបាលខណ្ឌដង្កោ ចុះពិនិត្យ ការបូមរំដោះទឹក ជូនប្រជាពលរដ្ឋ រស់នៅ ជុំវិញបឹងតាម៉ាត ក្នុង សង្កាត់ដង្កោ

E-mail Print PDF

ភ្នំពេញ: ដោយមានការយកចិត្តទុកដាក់ ពីសំណាក់លោកអភិបាលរាជធានីភ្នំពេញ ចំពោះការលំបាក របស់បងប្អូនប្រជាពលរដ្ឋ នៅព្រឹកថ្ងៃទី០១ ខែកញ្ញា ឆ្នាំ២០១៤ លោក នុត ពុធដារ៉ា អភិបាលនៃគណៈ អភិបាលខណ្ឌដង្កោ បានចុះពិនិត្យមើលការបូមរំដោះទឹក ជូនប្រជាពលរដ្ឋដែលរស់ នៅជុំវិញបឹងតាម៉ាត ស្ថិតនៅក្នុងភូមិខ្វា សង្កាត់ដង្កោ ។

ក្នុងឱកាស ចុះពិនិត្យមើលសកម្មភាព បូមទឹកចេញពីបឹងនេះ លោក នុត ពុធដារ៉ា អភិបាលខណ្ឌដង្កោ បានមានប្រសាន៍ថា ការបូមទឹកចេញនេះ មិនមានពេលកំណត់ច្បាស់លាស់នោះទេ គឺធ្វើទៅតាមលទ្ធ ភាពដែលអាចធ្វើបាន ។ លោកបានបន្តថា ទោះបីជាយ៉ាងណា ក៏ដោយអាជ្ញាធរ នៅតែបន្តខិតខំ ជួយរំដោះទឹក ទាំងនោះ ចេញអោយបានឆាប់រហ័ស...។

លោកបានបន្តទៀតថា តំបន់ជុំវិញបឹងតាម៉ាតនេះ នៅក្នុងរដូវវស្សា ជាពិសេស ក្នុងរយៈកាល ២ ឆ្នាំចុងក្រោយនេះ ទឹកតែងតែលិចលង់លំនៅដ្ឋាន ប្រជាពលរដ្ឋមិនដែលខានឡើយ។ លោកអភិបាលខណ្ឌបានបញ្ជាក់ថា ដើម្បីកុំឲ្យមានផលលំបាក ដោយសារការលិចលង់តទៅទៀត មាន តែប្រជាពលរដ្ឋទាំងអស់ ដែលបានទទួលរងផលប៉ះពាល់នេះ លើកផ្ទះឲ្យបានខ្ពស់។ បើមិនដូចនោះទេ យើងនៅលំបាករហូត ។ ការបូមនេះ គ្រាន់តែជាការរំដោះទឹក ជាបណ្តោះអាសន្នប៉ុណ្ណោះ ពីព្រោះបើ សិនជាភ្លៀវនៅតែបន្តធ្លាក់ ទឹកក្នុងបឹងតាម៉ាតនឹងត្រូវឡើងវិញដដែល ។

គួរបញ្ជាក់ថា ប្រជាពលរដ្ឋដែលរងផលប៉ះពាល់ ដោយសារជំនន់ទឹកភ្លៀង មានចំនួនប្រមាណ ៤០ គ្រួសារ ដោយផ្ទះរបស់ពួកគាត់ មានសភាពទាប ហើយស្ថិតនៅជាប់ក្នុងបឹងតាម៉ាតតែម្តង ដូច្នេះនៅ ពេលរដូវវស្សាមានភ្លៀងធ្លាក់ច្រើន ធ្វើឲ្យផ្ទះរបស់គាត់មានការលិចលង់ ដូច្នេះដោយមានការណែនាំពី លោកអភិបាលរាជធានីភ្នំពេញ សាលាខណ្ឌដង្កោ បានយកម៉ាស៊ីនបូមទឹកចំនួន ២គ្រឿង ដើម្បីធ្វើការ បូមរំដោះទឹក ។ 

ប្រជាពលរដ្ឋ ដែលរងផលប៉ះពាល់ ដោយសារការជន់លិចនេះ បានសម្តែងនូវការអបអរសាទរ ចំពោះ ចំណាត់ការរបស់អាជ្ញាធរ រាជធានីភ្នំពេញ ខណ្ឌ និងសង្កាត់ដង្កោ ដែលបានគិតគូរ អំពីការលំបាករបស់ ពួកគាត់ ហើយធ្វើការដោះស្រាយបានទាន់ពេលវេលា ៕

 

រាជរដ្ឋាភិបាល ជំរុញឲ្យមាតាបិតា ត្រូវយកចិត្តទុកដាក់ ផ្គត់ផ្គង់ អាហារូបត្ថម្ភ ដល់កូនតូចៗ

E-mail Print PDF

ភ្នំពេញ ៖ ដើម្បីឲ្យក្មេងតូចៗ មានសុខភាពល្អ មាំទាំទាំងស្មារតី និងបញ្ញា ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានជំរុញឲ្យអាណាព្យាបាលគ្រប់រូប ជាពិសេសមាតា-បិតា ត្រូវយកចិត្តទុក ដាក់ផ្តល់អាហារូបត្ថម្ភល្អៗ ទៅដល់កូនតូចៗ របស់ខ្លួនគ្រប់គ្នា។

សម្តេចតេជោ ហ៊ុន សែន បានមានប្រសាសន៍ ក្នុងពិធីផ្សព្វផ្សាយជាផ្លូវការនូវ «គោលនយោបាយជាតិ និងផែនការ សកម្មភាពជាតិ ស្តីពីការគាំពារ និងអភិវឌ្ឍន៍កុមារតូច» នៅវិទ្យាស្ថានជាតិអប់រំ នាព្រឹក ថ្ងៃទី១ ខែកញ្ញា ឆ្នាំ២០១៤ថា កូនតូចៗដែលបានចាប់កំណើត រហូតមកដល់អាយុ៦ឆ្នាំមាតា-បិតា អាណាព្យាបាល ត្រូវយកចិត្តទុកដាក់ បីបាច់ថែរក្សាផ្តល់អាហារូបត្ថម្ភ ថែទាំសុខភាព និងការអប់រំ ។

សម្តេចបន្តថា ការបំពេញភារកិច្ចទាំងនេះ បានក្លាយទៅជាមូលដ្ឋានយ៉ាងសំខាន់ សម្រាប់លើកកម្ពស់ ការអភិវឌ្ឍន៍ផ្នែករាងកាយសុខភាព សីលធម៌វប្បធម៌ ព្រមទាំងការអភិវឌ្ឍន៍ ផ្នែកបញ្ញា និងការគិត របស់ កុមារ ។

នាយករដ្ឋមន្រ្តីបន្ថែមថា កន្លងមកនេះ នៅកម្ពុជាកុមារតូចៗភាគច្រើន ស្ថិតនៅក្នុងបន្ទុក ថែរក្សាដោយ ផ្ទាល់ពីក្រុមគ្រួសារ ឪពុក-ម្តាយ បងប្អូន ទាំងសាលារៀន និងបរិស្ថានធម្មជាតិ ជុំវិញខ្លួនផងដែរ ៕

Page 4 of 385