aaa

Monday, Feb 08th

| English Version | dapnews: 012 722 337, 097 9999 883, email: soyvicheth@gmail.com

មជ្ឈមណ្ឌល Porsche ភ្នំពេញ បានបង្ហាញនូវរថយន្ត ដែលមានលក្ខណៈពិសេស ផ្ទាល់ខ្លួនផ្តាច់ មុខគេនៅកម្ពុជា

E-mail Print PDF

ភ្នំពេញ៖ ក្រុមហ៊ុន Precision Cars (Cambodia) Ltd ដែលជាក្រុមហ៊ុននាំចូលរថយន្ត Porsche ជាផ្លូវការនៅប្រទេសកម្ពុជា បានរៀបចំព្រឹត្តិការណ៍ពិសេសមួយ ដោយសហការជាមួយនឹង Porsche Exclusive ដែលជានាយកដ្ឋានពិសេសមួយ មានទីតាំងនៅទីស្នាក់ការកណ្តាល របស់ Porsche ក្នុងប្រទេសអាល្លឺម៉ង់។

ព្រឹត្តិការណ៍នេះ បានរៀបចំឡើងនាពេលថ្មីៗនេះ នៅភោជនីយដ្ឋាន “La Rèsidence” ដែលជាទីតាំងទទួលទានអាហារដ៏ពិសេសមួយ នៅទីក្រុងភ្នំពេញក្នុងនោះរួមមាន ទាំងអាហារថ្ងៃត្រង់និងអាហារពេលល្ងាច សម្រាប់បណ្តាញប្រព័ន្ធផ្សព្វផ្សាយ និងអតិថិជន។

អ្នកជំនាញមួយរូបមកពី Porsche Exclusive នៅប្រទេសអាល្លឺម៉ង់ បានចូលរួមនៅក្នុងព្រឹត្តិការណ៍នេះ ដើម្បីជម្រាបជូនអតិថិជន និងបណ្តាញប្រព័ន្ធផ្សព្វផ្សាយទាំងអស់ អំពីលទ្ធភាពនៃការបង្កើតរថយន្ត Porsche ដែលមានលក្ខណៈពិសេសផ្ទាល់ខ្លួន ដែលផ្តល់ជូនតាមរយៈមជ្ឈមណ្ឌល Porsche ភ្នំពេញតែមួយប៉ុណ្ណោះ។

អ្នកជំនាញរូបនោះ បានឲ្យដឹងថា Porsche ជានិច្ចកាលតែងតែបង្កើតនូវរថយន្ត ដែលជាប្រភេទស្ព័រនិងមានភាពប្រណីត។ Porsche ជាម៉ាករថយន្តស្ព័រប្រណីតរបស់អាល្លឺម៉ង់ និងជាក្រុមហ៊ុនផលិតរថយន្តដំបូងគេបំផុត នៅលើពិភពលោក ដែលបានបង្កើតផ្នែកឯកទេសមួយជាផ្លូវការ នៃការប្តេជ្ញាចិត្តធ្វើការផលិតរថយន្តពិសេស និងផ្ទាល់ខ្លួនមួយដែលហៅថា Porsche Exclusive។

ដោយសម្របតាមនិន្នាការជាសកល នៃការធ្វើឲ្យមានលក្ខណៈជាឯកត្តតែមួយ Porsche Exclusive បានដាក់តាំងសិទ្ធិផ្តាច់មុខ ដែលផ្តល់ជំរើសឲ្យអតិថិជនរបស់ Porsche អាចសំរេចចិត្តយកជំរើសណាមួយ ឬច្រើនជាង១ ដែលអតិថិជនពេញចិត្ត ក្នុងចំនោមជាង៥០០ជំរើស ដើម្បីបង្កើតរថយន្តក្នុងក្តីស្រម៉ៃ។ អ្នកជំនាញដដែល បានបន្ថែមថា ប្រភេទនៃជម្រើសរបស់ Porsche Exclusive ដែលបានផ្តល់មានចាប់ពីសម្ភារៈតួរថយន្តខាងក្រៅ ដូចជា ប្រព័ន្ធបំពង់ស៊ីម៉ាំងស្ព័រ ចង្កៀង និងកង់ រហូតដល់ការកែលម្អផ្នែកខាងក្នុងយ៉ាងច្រើន ជាមួយនឹងស្បែកប្រណិតបំផុតឈើ អាលុយមីញ៉ូមឬAlcantara ។

Porsche Exclusive អះអាងថា នឹងបង្កើតនូវ “រថយន្តផ្ទាល់ខ្លួនបំផុត” ដើម្បីធ្វើឲ្យរថយន្តរបស់អតិថិជន មានលក្ខណៈខុសពីអ្វី ដែលគេឃើញមាននៅតាមដងផ្លូវ។ ការងារនេះត្រូវបានធ្វើឡើងទៅ នឹងគោលបំណងច្បាស់លាស់ សំដៅឆ្លុះបញ្ចាំងអំពីចំណង់ចំណូលចិត្ត និងលក្ខណៈផ្ទាល់ខ្លួនរបស់អតិថិជននីមួយៗ ខណៈដែលកម្រិតនៃលទ្ធភាព មានចាប់ពីលក្ខណៈបែបស្ព័រទាំងស្រុង រហូតដល់លក្ខណៈស៊ីវីល័យបំផុត  ឬលក្ខណៈទាំងពីររួមបញ្ចូលគ្នា។

គោលការណ៍ណែនាំរបស់ Porsche Exclusive គឺធ្វើឲ្យមានលក្ខណៈផ្ទាល់ខ្លួន ចំពោះរថយន្តនីមួយៗ ដោយយកចិត្តទុកដាក់ជាពិសេស សូម្បីតែចំពោះចំណុចលម្អិតតូចបំផុត ក្នុងអំឡុងដំណើរការពិគ្រោះយោបល់ ជាមួយអតិថិជន។ រាល់ជម្រើស Exclusive ទាំងអស់ត្រូវបានធ្វើឡើងដោយអ្នកឯកទេស Exclusive ដោយប្រើប្រាស់សម្ភារៈដែលត្រូវបានជ្រើសរើស យ៉ាងប្រយ័ត្នប្រយែង។ ការដំឡើងត្រូវបានធ្វើឡើង ដោយដៃដ៏ប៉ិនប្រសប់របស់អ្នកជំនាញ ហើយនេះជាគោលការណ៍សំខាន់បំផុតរ បស់ Porsche Exclusive ពីព្រោះមិនមានគ្រឿងម៉ាស៊ីនណាមួយ អាចចាត់ចែងសម្ភារៈបានល្អប្រណីត ដូចដៃមនុស្សឡើយ។
រាល់ជម្រើសទាំងអស់ពី PorscheExclusive ត្រូវបានបង្កើតឡើង និងដំណើរការនៅក្នុងប្រទេសអាល្លឺម៉ង់ ហើយបំពាក់លើរថយន្តនៅក្នុងរោងចក្រ របស់Porsche ជាមួយនឹងគុណភាពដ៏ល្បីល្បាញរបស់ Porsche ដែលមានការធានាពេញលេញ៕

Photo by DAP-News

Photo by DAP-News

Beyond Cosmetology អ្នកឯកទេសកម្ចាត់ បញ្ហាលើស្បែកក្បាល និង មុខ កំពុងទទួលការគាំទ្រខ្លាំង (មានវីដេអូ)

E-mail Print PDF

ភ្នំពេញ៖ បញ្ហាកខ្វក់នៅក្នុងបរិយាកាស និងភាពតាន់តឹង នៅក្នុងការងារប្រចាំថ្ងៃ គឺជាមូលហេតុចម្បងមួយ ក្នុងចំ ណោមមូលហេតុផ្សេងៗទៀត ដែលធ្វើឲ្យស្បែកក្បាល និង មុខ មានបញ្ហា បង្កឲ្យខូចសក់ និងឡើងមុនលើមុខជា ដើម។ ហាងកែសម្ផស្ស Beyond Cosmetology ដែលជាហាងកែសម្ផស្សដំបូងគេនៅកម្ពុជា បាននាំយកអ្នកឯក ទេសផ្នែកសម្ផស្ស ឧបករណ៍ទំនើបៗ និងផលិតផលធម្មជាតិ គ្មានជាតិគីមី មកពីប្រទេសកូរ៉េខាងត្បូង ដើម្បីកម្ចាត់ បញ្ហាទាំងអស់ ហើយក៏កំពុងទទួលបានការ គាំទ្រខ្លាំងផងដែរសុភាពបុរស សុភាពនារី និង អ្នកសិល្បៈនៅកម្ពុជា។

ប្រទេសកូរ៉េខាងត្បូង គឺជាប្រទេសមួយនៅលើពិភពលោក ត្រូវបានគេចាត់ទុកថា មានឯកទេសខ្ពស់ក្នុងការថែរក្សា និង កែសម្ផស្ស ហើយមានភាពល្បីល្បាញយ៉ាងខ្លាំង។ នៅពេលនេះ អ្នកជំនាញផ្នែកសម្ផស្សមកពីប្រទេស ដែល សម្បូរទៅដោយសម្រស់ស្រស់សោភា បានចូលមកដល់ប្រទេសកម្ពុជាហើយ ដើម្បីចូលរួមដោះស្រាយកង្វល់ផ្នែក សម្រស់របស់ពលរដ្ឋកម្ពុជា។

អ្នកនាង គីម យ៉ុងស៊ីល អ្នកឯកទេសផ្នែកថែរក្សាសម្រស់មកពីកូរ៉េខាងត្បូង បានថ្លែងថា ប្រជាពលរដ្ឋកម្ពុជា តែង តែមានការភ័ន្តច្រឡំក្នុងការថែទាំងស្បែកក្បាល និងស្បែកមុខ ពោលពួកគេយកចិត្តទុកដាក់លើបញ្ហាស្បែកមុខសំ ខាន់ជាងស្បែកក្បាល។ តែអ្នកឯកទេសរូបនេះ បានបញ្ជាក់ថា ស្បែកក្បាល និងស្បែកមុខ ជាប្រភេទស្បែកតែ មួយ ដែលតម្រូវឲ្យមានការថែទាំខ្ពស់។

អ្នកនាង គីម យ៉ុងស៊ីល បានបន្តទៀតថា កំដៅថ្ងៃ ភាពកខ្វក់ និងជាតិពុល នៅក្នុងបរិយាកាសនាពេលបច្ចុប្បន្ន បានក្លាយជាការគំរាមកំហែងដ៏ខ្លាំងមួយសម្រាប់សម្រស់ ក្នុងនោះភាពតានតឹងជាមួយការងារប្រចាំថ្ងៃ ក៏ជាផ្នែកធ្វើ ឲ្យប៉ះពាល់ខ្លាំងដល់ស្បែកក្បាល និងស្បែកមុខ នាំឲ្យកើនមេរោគ ធ្វើឲ្យសក់ខូច ជ្រុះ និង ស្បែកមុខយារជ្រីវជ្រួញ និងមានមុន។

អគ្គនាយិកាហាងថែរក្សាសម្ផស្ស Beyond Cosmetology អ្នកស្រី អេមី មូលីសា បានលើកឡើងថា អ្នកស្រី បាន មើលឃើញច្បាស់ពីប្រភព និង កត្តា ដែលបង្កឲ្យអន្តរាយដល់សុខភាពស្បែកក្បាល និងស្បែកមុខ ព្រមទាំងយល់ ច្បាស់អំពីអាថ៌កំបាំង ធ្វើឲ្យស្បែកស្រស់ស្អាត និងក្មេងជាងវ័យ ទើបអ្នកស្រី បានបើកហាងរក្សាសម្ផស្ស Beyond Cosmetology ដោយបាននាំយកអ្នកឯកទេសផ្នែកសម្ផស្ស និងផលិតផលសរីរាង្គ គ្មានជាតិគីមី ដើម្បីព្យាបាល និង ថែរក្សាសម្រស់របស់ពលរដ្ឋកម្ពុជា ហើយក៏មិនបង្កទុក្ខទោសដល់សុខភាពនោះដែរ។

ក្រៅពីការប្រើប្រាស់ផលិតផលផលិតពីសរីរាង្គហើយនោះ ក្នុងហាង Beyond ការព្យាបាលស្បែកក្បាល និងស្បែក មុខ ត្រូវបានមើលឃើញថា ធ្វើដោយមានបច្ចេកទេសទំនើប និងខុសប្លែកពីបណ្តាហាងដទៃ បូករួមជាមួយឧបករ ណ៍ទំនើបៗ ដែលនាំមកពីប្រទេសកូរ៉េផងដែរ។

គេតែងបានលើកឡើងថា សម្រស់ជាឱសថ ដ៏សក្តិសិទ្ធសម្រាប់ភាពស្រស់បំព្រង នៃជីវិតរបស់មនុស្សនៅលើភព លោកនេះ ព្រោះតែហេតុនេះហើយ ទើបសុភាពនារី និងបុរសទាំងឡាយ ជាពិសេសយុវវ័យ តែងបានចំណាយថវិ កាយ៉ាងច្រើន លើការថែរក្សាសម្រស់របស់ពួកគេ ធ្វើយ៉ាងណាកុំឲ្យសម្រស់របស់ពួកគេធ្លាក់ទៅក្នុងភាពជរា ដែល មិនមែនជាទីប្រតិព័ទ្ធ នៃដួងនេត្រារបស់មនុស្សទាំងពួង។

អ្នកស្រី គឹម អៀង គ្រាកំពុងអង្គុយធ្វើសក់នៅក្នុងហាង Beyond ស្ថិតនៅអគារលេខ១៤ ផ្លូវលេខ ៣១៥ សង្កាត់ បឹងកក់១ ខណ្ឌទួលគោក បានថ្លែងបញ្ជាក់ថា អ្នកស្រីធ្លាប់បានស្វែងរកសេវាកម្មតាមហាងរក្សាសម្ផស្សជាច្រើន ពី មុនមក តែមិនមានកន្លែងណាធ្វើទៅត្រូវចិត្ត ហើយមានប្រសិទ្ធភាពដូចហាង Beyond នោះឡើយ។

អ្នកស្រីបន្តថា បន្ទាប់ពីការមកទទួលសេវានៅហាង Beyond ស្បែកក្បាល សក់ និងស្បែកមុខរបស់អ្នកស្រី ដែល ធ្លាប់ខូច ដោយសារការប្រើលេជាដើមនោះ បានប្រែមកមានសុខភាពល្អប្រសើរឡើងវិញ។

អ្នកស្រី បានបញ្ជាក់យ៉ាងដូច្នេះ «ល្អ! ដោយសារហាង Beyond នេះ ផលិតផលជឿជាក់ថា របស់កូរ៉េ ពិតប្រាកដ សេវាកម្មល្អ បច្ចេកទេស នៃការព្យាបាលត្រឹមត្រូវ តាមលក្ខណៈស្តង់ដា ដែលអាចទទួលយកបាន។ ផលិតផល ដែលខ្ញុំជឿជាក់នៅហ្នឹងល្អ ដោយសារផលិតផលទាំងអស់ផលិតឡើងពីជាតិសរីរាង្គ (Organic) គ្មានជាតិគីមី ធ្វើ ឲ្យប៉ះពាល់ស្បែកក្បាល»។

បើតាមអ្នកស្រី គឹម អៀង ការមកទទួលយកសេវាម៉ាស្សាក្បាល និងមុខនៅហាង Beyond ក៏ជួយឲ្យអ្នកស្រី បាន ធូរស្បើយកាត់បន្ថយភាពតប់ប្រមល់ក្នុងចិត្ត ក្រោយពីបំពេញការងារយ៉ាងមមាញឹកប្រចាំថ្ងៃ ហើយធ្វើឲ្យលោកស្រី មកម្តងហើយ ចង់មកម្តងទៀត។

សម្រាប់ចំណាប់អារម្មណ៍របស់អថិជនរបស់ហាង Beyond ម្នាក់ទៀត គឺអ្នកស្រី ដាវី ក៏មិនខុសពីអ្នកស្រី គឹម អៀង ប៉ុន្មានដែរ គឺសុទ្ធតែមើលឃើញពីសេវាកម្មល្អ និង ផលិតផលមានប្រសិទ្ធភាពខ្ពស់ ដែលជំរុញឲ្យអ្នកស្រីឧស្សាហ៍ មកស្វែងរកសេវាកម្មថែរក្សាស្បែកក្បាល និង ស្បែកមុខពីហាង Beyond។

ក្រៅតែពីអតិថិជនធម្មតានោះ តារាចម្រៀង និង អ្នកសិល្បៈជាច្រើនរូបផ្សេងទៀត ក៏តែងបានទៅស្វែងរកសេវាកម្ម ថែរក្សាស្បែកក្បាល និង ស្បែកមុខពី Beyond ផងដែរ បន្ទាប់ពីមើលឃើញហាងមួយនេះ ផ្តល់នូវសេវាកម្មល្អ ហើយទទួលបានលទ្ធផលគាប់ចិត្ត។

កញ្ញា សឹម ថៃណា តារាចម្រៀង ដែលមានកេរ្តិ៍ឈ្មោះល្បីមួយរូបនៅកម្ពុជា បានឲ្យដឹងថា ក្នុងនាមកញ្ញា ជាតារា ចម្រៀងមួយរូបមមាញឹកជាមួយការច្រៀង និងសម្តែងនានានោះ កញ្ញា តែងមករកសេវាកម្មថែរក្សាស្បែកមុខពី ហាង Beyond ក្រោយពេលកញ្ញា ឃើញការថែរក្សាស្បែកមុខនៅ Beyond ធ្វើឡើងតាមបែបធម្មជាតិ។

កញ្ញា បានបញ្ជាក់ថា «សេវាកម្មទីនេះល្អ! ជាពិសេសផលិតផលមកពីប្រទេសកូរ៉េ តម្លៃសមរម្យ។ ហើយមានគុណ សម្បត្តិច្រើយសម្រាប់សុភាពនារី ដែលស្រឡាញ់ថែររក្សាសម្ផស្សបែបធម្មជាតិ។ ការម៉ាស្សា គួបផ្សំជាមួយផលិត ផល ជួយបន្តឹងស្បែកមុខឲ្យតឹង ក្មេងជាងវ័យ និងស្បែកមុខស។ ដូចនាងខ្ញុំ ជាតារាចម្រៀងច្រៀងពេលយប់ និង ចេញថតច្រើនចឹង នាងខ្ញុំត្រូវការថែទាំស្បែកមុខជាចម្បង»។

ម្ចាស់ហាងកែសម្ផស្ស Beyond Cosmetology ដែលមានវ័យក្មេង អ្នកស្រី អេមី មូលីសា បានបញ្ជាក់ថា បន្ទាប់ពី បើកដំណើរការបានរយៈពេលជាង ១ឆ្នាំ Beyond កំពុងទទួលបានការគាំទ្រខ្លាំង។ បច្ចុប្បន្នហាងមានអតិថិជនប្រ ចាំចំនួនប្រមាណជា ១០០នាក់។

អ្នកស្រី មូលីសា បានបញ្ជាក់ផងដែរថា សេវាកម្មនៅក្នុងហាងរបស់អ្នកស្រី គឺគិតតម្លៃជាកញ្ចប់ ដែលមានចាប់ទី ៣៥ ដុល្លារ រហូតដល់ ១៥០ដុល្លារ ហើយក្នុងពេលឆាប់ៗនាពេលខាងមុខនេះ ហាងរបស់អ្នកស្រី ក៏នឹងរៀបចំ កញ្ចប់សេវាកម្ម ដែលមានចាប់ពី ១៥ដុល្លារឡើងទៅបន្ថែមទៀត ដើម្បីចូលខ្លួនបម្រើដល់សុភាពបុរស-នារី ឲ្យ បានគ្រប់ស្រទាប់។

អ្នកស្រី មូលីសា ក៏បានអំពាវនាវឲ្យសុភាពបុរស-នារី ដែលមានបញ្ហាស្បែកក្បាល និងមុខ អញ្ជើញទៅទទួលសេវា កម្មនៅ Beyond Cosmetology ដោយអ្នកស្រីអះអាងថា មិនធ្វើឲ្យអតិថិជនរបស់អ្នកស្រីខកបំណងឡើយ៕

អ្នកស្រី អេមី មូលីសា

អ្នកស្រី ដាវី

អ្នកស្រី គឹម អៀង

បើករថយន្ដ ក្នុងល្បឿនលឿន ជ្រុលបុករនាំងដែក ពុះចែកទ្រូងផ្លូវ បណ្ដាលអោយបាក់ ចំនួន៦ផ្ទាំងនិង រថយន្ដរងការខូចខាត

E-mail Print PDF

ភ្នំពេញ៖ រនាំងដែកពុះចែកទ្រូងផ្លូវ ចំនួន០៦ផ្ទាំងត្រូវបានបាក់ដាច់ រាបស្មើរដល់ដី ដោយសារតែ បុរសម្នាក់បើក រថយន្ដ ATOZ មួយគ្រឿងក្នុងល្បឿនលឿន ជ្រុលបុកពេញទំហឹងនិងរថយន្ដ រងការខូចខាតផ្នែកខាងមុខទាំងស្រុង បន្តដំណើរទៅមុខលែងរួចតែមិន បណ្ដាលអោយអ្នកជិះក្នុងរថយន្ដ រងរបួសនោះទេ។

ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង ០៤និង៤៥នាទីទាបភ្លឺថ្ងៃទី១៩ ខែវិឆ្ឆិកា ឆ្នាំ២០១៥ តាមបណ្ដោយមហាវិថីសហព័ន្ធរុស្ស៊ី នៅចំណុចខាងមុខក្រួងការពារជាតិ ស្ថិតក្នុងសង្កាត់ ស្រះចក ខណ្ឌដូនពេញ រាជធានីភ្នំពេញ។

សាក្សីនៅកន្លែងកើតហេតុបានអោយដឹងថា នៅមុនពេលកើតហេតុគេបានឃើញ មានរថយន្ដមួយគ្រឿងម៉ាក ATOZ ពណ៍ក្រហម ពាក់ស្លាកលេខ ភ្នំពេញ 2AE-3828 បើកបរដោយបុរសម្នាក់និង រួមដំណើរជាមួយមិត្តភ័ក្ដនារីបីទៀត ដោយធ្វើដំណើរតាម បណ្ដោយមហាវិថី សហព័ន្ធរុស្ស៊ី ទិសដៅពីកើតទៅលិចក្នុងល្បឿនលឿន លុះមកដល់ចំណុច កើតហេតុ ក៏រេចង្កូតទៅបុករះ រនាំងដែកពុះចែកទ្រូងផ្លូវ បណ្ដាលអោយបាក់អស់ ចំនួន០៦ផ្ទាំង និងរថយន្ដដាច់ កាឡេខាងមុខ ផ្នែកខាងឆ្វេងបន្តដំណើរទៅមុខលែងរួច។

ក្រោយកើតហេតុម្ចាស់រថយន្ដ និងអ្នករួមដំណើរជាមួយបានបើកទ្វារ រថយន្ដចុះរត់គេចខ្លួនបាត់ បន្សល់រថយន្ដទុក នៅ កន្លែងកើតហេតុ។

ក្រោយមកកម្លាំងសមត្ថកិច្ចមូលដ្ឋាន បានចុះដល់កន្លែងកើតហេតុ និងបានសហការណ៍ជាមួយកម្លាំង ជំនាញចុះ ធ្វើការវាស់វែងស្ទូចយក រថយន្ដបង្កយកទៅរក្សាទុកនៅការិយាល័យ ចរាចរណ៍រាជធានិភ្នំពេញ ដើម្បីរងចាំធ្វើការ ដោះស្រាយ នៅពេលក្រោយ៕

ក្រុមការងារ ក្រសួងធនធានទឹក បន្តអន្តរាគមន៍ បូមទឹកសង្គ្រោះ ស្រូវប្រាំង ប្រជាកសិករ នៅខេត្តកំពង់ធំ

E-mail Print PDF

កំពង់ធំ៖ ក្រុមការងារ បច្ចេកទេសក្រសួងធនធានទឹក និងឧតុនិយម សហការជាមួយ មន្ទីរធនធានទឹក និង ឧតុនិយមខេត្តកំពង់ធំ នៅថ្ងៃទី ១៨ ខែវិច្ឆិកា ឆ្នាំ ២០១៥ បានបន្តចុះពិនិត្យការងារ បូមទឹកដាក់អាងស្តុកទឹក ប្រឡាយមេ និងបឹង-ព្រែកធម្មជាតិនានា ជូនប្រជាកសិករក្នុង ខេត្តកំពង់ធំ សម្រាប់ធ្វើការបង្កបង្កើន ផលដំណាំ ស្រូវរដូវប្រាំង ។

លោក ឈា ប៊ុនរិទ្ធ ប្រធាននាយកដ្ឋានធារាសាស្ត្រកសិកម្ម នៃក្រសួងធនធានទឹក និងឧតុនិយម បានថ្លែងឱ្យដឹងថា ការងារបូមទឹកដាក់អាងស្តុកទឹក ប្រឡាយមេ និងបឹង-ព្រែកធម្មជាតិ នៅក្នុងខេត្តកំពង់ធំ គិតចាប់តាំងពីថ្ងៃផ្តើម យុទ្ធនាការ រហូតមកដល់ពេលនេះ ក្រុមការងាររបស់ក្រសួង និងមន្ទីរ បាន និងកំពុងប្រើប្រាស់ម៉ាស៊ីន បូមទឹកខ្នាត មធ្យម (៦៥សេះ) សរុបចំនួន ១៨ គ្រឿង និងម៉ាស៊ីនបូមទឹកខ្នាតតូចរបស់ សហគមន៍ទំនប់ ដែលមាននៅនឹងកន្លែង ស្រាប់ សរុបចំនួន ២៨៦ គ្រឿង ។ លោកបន្តថា យុទ្ធនាការនេះ បាន និងកំពុងធ្វើនៅក្នុងក្រុងស្រុកចំនួន ០៤ រួមមាន ស្រុកស្ទោង កំពង់ស្វាយ សន្ទុក និងក្រុងស្ទឹងសែន ។

លោក យូ ឡា ប្រធានមន្ទីរធនធានទឹក និងឧតុនិយមខេត្តកំពង់ធំ បានប្រាប់ឱ្យដឹងថា កន្លងមកយើងមានការបារម្ភ ពីបញ្ហាទឹកសម្រាប់បង្កបង្កើនផលដំណាំស្រូវ រដូវប្រាំង ពិសេសស្រូវប្រដេញទឹក ដោយសារឆ្នាំនេះទឹកបឹង ទន្លេ សាបមានកម្រិតទាបពេក ជាហេតុធ្វើឱ្យបណ្តាអាងភ្លិចទឹក និងបឹង-ព្រែកធម្មជាតិជាច្រើនកន្លែង មិនមានទឹកហូរ ចូល ដូចរាល់ឆ្នាំនោះទេ ។ ប៉ុន្តែបន្ទាប់ពីបានអនុវត្តយ៉ាងសកម្មនូវ បទបញ្ជារបស់សម្តេចតេជោ ដើម្បីដោះស្រាយ បញ្ហាទឹកជូនប្រជាកសិករ សម្រាប់ធ្វើស្រែចម្ការ អាងស្តុកទឹក បឹង-ព្រែកធម្មជាតិជាច្រើនកន្លែង ត្រូវបានបូមទឹក បំពេញជាបន្តបន្ទាប់ ហើយបច្ចុប្បន្នប្រជាកសិករ ក៏កំពុងទាញយកទឹកពីតាម បណ្តាអាងស្តុកទឹក និងបឹង-ព្រែក ធម្មជាតិទាំងនោះ មកធ្វើការបង្កបង្កើនផលដំណាំស្រូវ រដូវប្រាំងរបស់ពួកគាត់ជាបណ្តើរៗផងដែរ។

លោកប្រធានមន្ទីរ បានបញ្ជាក់បន្ថែមថា មកដល់ពេលនេះ ប្រជាកសិករក្នុងខេត្តកំពង់ធំ អនុវត្តការងារបង្កបង្កើន ផលដំណាំស្រូវរដូវប្រាំង បានចំនួន ៥.៣៩៣ ហិកតា ស្មើនឹង ១៤,៩៨ភាគរយ នៃសន្ទស្សន៍ផែនការ ខណៈប្រមូល ផលដំណាំស្រូវរដូវវស្សា បានចំនួន ១៩.៦៦៧ ហិកតា ស្មើនឹងជាង ០៩ភាគរយ នៃផ្ទៃដីអនុវត្តបាន ៕

ស្រវឹងស្រាជោកខ្លួន ជិះកង់មិនប្រយ័ត្ន ដួលបាក់កស្លាប់ នៅលើផ្លូវលំ ក្នុងឃុំជំពូវ័ន្ត

E-mail Print PDF

កំពត៖ លោកតាម្នាក់ ផឹកស្រាស្រវឹងជោកខ្លួន ធាក់កង់ម្នាក់ឯងដួលបាក់កស្លាប់ក្នុងទឹកស្រែ កាលពីម៉ោង៦ល្ងាច ថ្ងៃទី១៨ ខែវិច្ឆកា ឆ្នាំ២០១៥ លើផ្លូវលំ ស្ថិតក្នុងភូមិដំរីកូន ឃុំជំពូវ័ន្ត ស្រុកជុំគិរី ខេត្តកំពត។

មន្ត្រីនគរបាលស្រុក បានឲ្យដឹងថា: ជនរងគ្រោះ ឈ្មោះអ៊ុល ម៉ៅ ភេទប្រុស អាយុ៧៦ឆ្នាំ រស់នៅភូមិរាង ឃុំត្រពាំងរាំង ស្រុកជុំគិរី ខេត្តកំពត៕

Photo by DAP-News

Photo by DAP-News

នៅព្រឹកថ្ងៃនេះ ឧបនាយករដ្ឋមន្ត្រី ហោ ណាំហុង ជួបបណ្តាអង្គទូត ទាំងអស់ ដើម្បីប្រាប់ អំពីសភាពការណ៍ នយោបាយ

E-mail Print PDF

ភ្នំពេញ ៖ ឧបនាយករដ្ឋមន្ត្រី ហោ ណាំហុង រដ្ឋមន្ត្រីការបរទេស និងសហប្រតិបត្តិការ អន្តរជាតិ បានកោះអញ្ជើញ អង្គទូតទាំងអស់ ប្រចាំនៅកម្ពុជា ដើម្បីជំរាប អំពីស្ថានការណ៍នយោបាយ មួយចំនួន ។

ជំនួប រវាងឧបនាយករដ្ឋមន្ត្រី ហោ ណាំហុង និងបណ្តាអង្គទូតទាំងអស់ ប្រចាំកម្ពុជា ប្រព្រឹត្តទៅ នាព្រឹកថ្ងៃទី១៩ ខែវិច្ឆិកានេះ នៅទីស្តីការ ក្រសួងការបរទេស និងសហប្រតិបត្តិការអន្តរជាតិ ៕

បុរសម្នាក់ផ្ទុះជម្លោះ ជាមួយក្មេងស្ទាវ ទាញកាំភ្លើងបាញ់ ចំនួន៦គ្រាប់ ត្រូវចំជើងរបួសធ្ងន់ម្នាក់

E-mail Print PDF

ភ្នំពេញ៖ ហេតុការណ៍ បង្កជម្លោះមួយ រវាងបុរសម្នាក់ ដែលគេមិនស្គាល់ អត្តសញ្ញាណ ជាមួយនឹងក្រុមក្មេងស្ទាវ រហូតដល់ថ្នាក់ផ្ទុះអាវុធ ចំនួន៦គ្រាប់ របួសធ្លាយជើងយុវជនម្នាក់ និងបាននាំគ្នារត់គេចខ្លួនបាត់អស់។ សមត្ថកិច្ច មូលដ្ឋានប្រាប់ថា ហេតុការណ៍នេះ បានកើតឡើងនាម៉ោង២០និង២០នាទី យប់ថ្ងៃទី១៨ខែ វិច្ឆិកា ឆ្នាំ២០១៥ ចំណុច ផ្លូវរថភ្លើងភូមិ២ សង្កាត់ស្រះចក ខណ្ឌដូនពេញ ។

តាមសាក្សីនៅកន្លែងកើតហេតុបានឲ្យដឹងថា នៅម៉ោងខាងលើមាន បុរសម្នាក់ អាយុជាង៣០ឆ្នាំ មានសៀត អាយកូម នៅចង្កេះ ជិះម៉ូតូ០១គ្រឿងម៉ាក សេ១២៥ ពណ៌ក្រហម ពេលជិះមកឈប់កន្លែង កើតហេតុ ក៏មានទំនាស់ ពាក្យសំដី ជាមួយក្មេងស្ទាវ ប្រហែល០៥នាក់ ហើយក្រុមក្មេងស្ទាវទាំងនោះ បានយកដាវកាប់លើ បុរសម្នាក់នោះ បណ្តាលឲ្យរងរបួស ស្រាប់តែបុរសនោះ បានដកកាំភ្លើង បាញ់ត្រូវជនសង្ស័យឈ្មោះ សាល ត្រូវចំជើង ហើយ ក៏រត់គេចខ្លួនទាំង សងខាងបាត់តែម្តង។

ក្រោយកើតហេតុ ក្រុមជនបង្ក បានបន្សល់ទុកម៉ូតូ០១គ្រឿង ម៉ាកសេ១២៥ពណ៌ក្រហម ពាក់ស្លាកលេខ ភ្នំពេញ 1CS-4449 និងគ្រាប់៩mm មិនទាន់មិនទាន់ផ្ទុះ ចំនួន០១គ្រាប់ រក្សាទុកនៅអាវុធហត្ថខណ្ឌ។ រីឯដាវចំនួន០៣ដើម និងសំបកគ្រាប់ត្រូវបានយក មករក្សាទុកនៅអធិការដ្ឋានខណ្ឌដូនពេញ៕

ផ្ទុះអធិករណ៍ រវាងគ្រូសូត្រឆ្វេង និងស្ដាំ ចែកបក្ខពួក ផ្អើលពេញវត្ត ដោយសាររឿងហែកឋិន

E-mail Print PDF

បន្ទាយមានជ័យ ៖ នៅវេលាម៉ោង១០និង១០នាទី ព្រឹកថ្ងៃទី១៨ ខែវិច្ឆិកា ឆ្នាំ២០១៥នេះ មានការផ្ទុះអធិករណ៍មួយ បានកើតឡើងរវាងក្រុមគ្រូសូត្រស្ដាំ និងក្រុមគ្រូសូត្រឆ្វេងនៅក្នុងវត្តនិវេស ស្ថិតក្នុងភូមិសាលាដែង ឃុំឫស្សីក្រោក ស្រុកមង្គលបុរី ខេត្តបន្ទាយមានជ័យ បណ្ដាលឲ្យផ្អើលពេញវត្ត ដោយសារខាងគ្រូសូត្រឆេង បានទាក់ទងញាតិញោមឲ្យដង្ហែបុណ្យកឋិនទាន ចូលតែខាងគ្រូសូត្រស្ដាំមិនឲ្យមានការដង្ហែបុណ្យកឋិននេះចូល។

ក្រោយពីមានការផ្ទុះអធិករណ៍នេះរួចមក គេសង្កេតឃើញមានការចុះមកអង្កេត សម្របសម្រួលពីសំណាក់មន្ទីរធម្មការ និងពុទ្ធសាសនាខេត្តបន្ទាយមានជ័យ លោកលី សារី អភិបាលរងខេត្តបន្ទាយមានជ័យ ព្រមទាំងអាជ្ញាធរស្រុកមង្គលបុរី លោកគ្រូសូត្រឆ្វេងស្ដាំ និងព្រះសង្ឃ ដែលគង់នៅវត្តនេះ និងគណៈកម្មការអាចារ្យវត្តផងដែរ។ ប៉ុន្តែលទ្ធផលនៃការសម្របសម្រួលនេះយ៉ាងណានោះ នៅមិនទាន់ដឹងនៅឡើយទេចាំពេលហែកឋិនរួចសិន។

បើតាមការសាកសួរ ពីគណៈកម្មការអាចារ្យវត្ត នៅក្នុងវត្តនិវេសនេះ បានឲ្យដឹងថា រឿងនេះមិនមានអ្វីធំដុំនោះទេ វាកើតឡើងដោយសារតែមានការកាច់កុងគ្នាពាក់ព័ន្ធនឹងប្រជាប្រិយភាព ដោយខាងលោកគ្រូសូត្រឆ្វេង មានព្រះសង្ឃជាច្រើន ដែលគាត់ចេះមើលជំងឺ ចេះស្រោចទឹក អាចទាក់ទងពុទ្ធបរិស័ទច្រើនក្នុងការធ្វើបុណ្យ កសាងសមិទ្ធផលផ្សេងៗជាច្រើននៅក្នុងវត្ត។

ប្រការនេះធ្វើឲ្យខាងគ្រូសូត្រស្ដាំមិនពេញចិត្ត ហើយឲ្យតែមានការស្នើសុំអ្វីមួយ ពីសំណាក់គ្រូសូត្រឆ្វេងនោះ តែងតែមានការបង្អាក់ជានិច្ច។
ប្រភពបន្តថា នៅថ្ងៃទី២១ ខែវិច្ឆិកានេះ នឹងមានកឋិនមួយកើតឡើង ដោយផ្ដើមគំនិតពីមន្ត្រីគយ និងអភិបាលរងខេត្តបន្ទាយមានជ័យ។

ប៉ុន្តែត្រូវបានគ្រូសូត្រស្ដាំ រារាំងទៅទូលពិតប្រាប់ចៅអធិការវត្ត ដែលមានវស្សាចាស់ និងអាពាធផង ក៏មិនអនុញ្ញាតឲ្យកឋិននេះកើតឡើងឡើយ ធ្វើឲ្យរាំងស្ទះ ដល់ការដង្ហែកឋិនពីសំណាក់ពុទ្ធបរិស័ទ រហូតឈានដល់ការផ្ទុះអធិករណ៍ផ្អើលពេញវត្ត៕

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

ចាប់ខ្លួនសមាជិក ក្រុមប្រឹក្សាស្រុកថ្មពួក គណបក្សសង្គ្រោះជាតិ ក្រោយវាយអ្នកលក់ លតឆានៅក្នុងវត្ត ពោធិវាលថ្មពួក

E-mail Print PDF

បន្ទាយមានជ័យ៖ ស្នងការនគរបាល ខេត្តបន្ទាយមានជ័យ លោកឧត្តមសេនីយ៏ អាត់ ខែម បានឲ្យដឹងនៅព្រឹកថ្ងៃ ទី១៩ ខែវិច្ឆិកា ឆ្នាំ២០១៥នេះថា កាលពីយប់មិញ កម្លាំងនគរបាល របស់លោកបានឃាត់ខ្លួន សមាជិកក្រុមប្រឹក្សា ស្រុកថ្មពួក មកពីគណបក្ស សង្គ្រោះជាតិម្នាក់ ពាក់ព័ន្ធការប្រើអំពើហិង្សា វាយអ្នកលក់លតឆា នៅក្នុងវត្ត ពោធិវាលថ្មពួក នៅភូមិអ្នកតា ឃុំថ្មពួក ស្រុកថ្មពួក ។

លោកឧត្តមសេនីយ៏ស្នងការ បានបញ្ជាក់ថា ជនបង្ករបួសស្នាមរូបនេះ មានឈ្មោះ ហឿន ឡាំ អាយុ៣៧ឆ្នាំ រស់នៅ ភូមិបន្ទាយឆ្មារ ឃុំបន្ទាយឆ្មារ ស្រុកថ្មពួក រីឯជនរងគ្រោះវិញ មានឈ្មោះ គង់ សារិទ្ធ អាយុ៥២ឆ្នាំ រស់នៅភូមិ១ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ។

បើតាមលោកឧត្តមសេនីយ៏ស្នងការ នៅព្រឹកថ្ងៃទី១៨ ខែវិច្ឆិកា ឆ្នាំ២០១៥ ថ្នាក់ដឹកនាំ និងមន្រ្តីគណបក្ស សង្គ្រោះជាតិ បានដង្ហែអង្គកឋិនទាន ចេញពីក្រុងសិរីសោភ័ណ និងក្រុងប៉ោយប៉ែត ឆ្ពោះទៅវត្តពោធិវាលថ្មពួក ស្រុកថ្មពួក លុះនៅវេលាម៉ោង ប្រមាណ៨និង៣០នាទី ខណ:ជនរងគ្រោះ កំពុងលក់លតឆា នៅក្បែរវត្ត ស្រាប់តែ ជនសង្ស័យ បានបញ្ជាឲ្យទៅលក់ នៅខាងជើងវត្តវិញ តែជនរងគ្រោះឆ្លើយថា ហេតុអីមកដេញតែខ្ញុំ ចុះអ្នកផ្សេង ទៀត ហេតុអី មិនដេញផង។ ភ្លាមៗនោះ ជនសង្ស័យបានស្ទុះមកវាយ ជនរងគ្រោះចំផ្ទៃមុខ ហើយជនរងគ្រោះ ក៏តបត តែត្រូវបានបក្ខពួក ជនបង្ក មកជួយចាប់ក្រៀក ជនរងគ្រោះថែមទៀត ។

ក្រោយកើតហេតុ មានការជួយអន្តរាគមន៏ ពីកម្លាំងសមត្ថកិច្ច ហើយឈានទៅដល់ការចាប់ខ្លួន ជនបង្កតែម្តង ។

លោកឧត្តមសេនីយ៏ស្នងការ បានបញ្ជាក់ថា បើទោះបីជនបង្កជាអ្នកកាន់ គណបក្សនយោបាយណាក៏ដោយ ប៉ុន្តែ ត្រូវប្រឈមមុខច្បាប់ ក្រោយប្រព្រឹត្តបទល្មើសអ្វីមួយ ហើយនៅពេលនេះ លោកបានសុំគោលការណ៏ ពីតំណាង អយ្យការ ដើម្បីតាមចាប់បក្ខពួក ជនបង្ក ដែលកំពុងរត់គេចខ្លួន ៕

ធូវើល ត្រាវែល ផ្ដល់​ជូន​ការបញ្ជុះ​តម្លៃ​ពិសេស​ ចាប់ពី​ឥឡូវនេះ​រហូត​ដល់​ បុណ្យ​ចូលឆ្នាំ​ខ្មែរ​

E-mail Print PDF

ភ្នំពេញ៖ ដើម្បីអបអរសាទ ព្រះរាជពិធីបុណ្យអុំទូក បណ្តែតព្រះទីប និងសំពះព្រះខែ ព្រមទាំងពិធីបុណ្យចូលឆ្នាំសលក និងចូលឆ្នាំចិន, ពិធីបុណ្យចូលឆ្នាំខ្មែរ, ព្រះរាជពិធីច្រត់ព្រះនង្គ័ល ខាងមុខនេះ ទីភ្នាក់ងារទេសចរណ៍ ធូវើល ត្រាវែល ខេមបូឌា (2WORLD TRAVEL CAMBODIA) បានរៀបចំកញ្ចប់សេវាកម្មដំណើរ កម្សាន្តទៅកាន់តំបន់ទេសចរណ៍ល្បីៗ ជាមួយនឹងកម្មវិធីថ្មី ក្នុងតម្លៃពិសេសបំផុត ចុះឈ្មោះចាប់ពី ៤នាក់ឡើងទៅដែលមាន ដូចជា៖
   - ប្រទេសអារ៉ាប់រួម - ទីក្រុងឌូបៃ អាប៊ូដាប៊ី 7ថ្ងៃ តំលៃសរុប $2200
   - ទស្សនា 2ប្រទេសរួមគ្នា ជប៉ុន+កូរ៉េ 8ថ្ងៃ តំលៃសរុប $2388
   - ប្រទេសជប៉ុន ទីក្រុងតូក្យូ-ក្យូតុ-អូសាកា 7ថ្ងៃ តំលៃសរុប $1999
   - ប្រទេសកូរ៉េ ទីក្រុងសេអ៊ូល-កោះណាមី 5ថ្ងៃ តំលៃសរុប $999
   - ទីក្រុងហុងកុង សិនជិន-ក្វាងចូវ-ម៉ាកាវ 6ថ្ងៃ តំលៃសរុប $878
   - ទស្សនា 2 ប្រទេសរួមគ្នា ម៉ាឡេស៊ី+សឹង្ហបុរី 5ថ្ងៃ តំលៃសរុប $588
   - ទស្សនា 2 ប្រទេសរួមគ្នា ម៉ាឡេស៊ី+សឹង្ហបុរី 6ថ្ងៃ តំលៃសរុប $688
   - ប្រទេសថៃ ទីក្រុងឈាងម៉ៃ-ឈាងរ៉ៃ 5ថ្ងៃ តំលៃសរុប $555 (តាមរថយន្ត+យន្តហោះ)
   - ប្រទេសថៃ ទីក្រុងបាងកក- ភូកេត 5ថ្ងៃ តំលៃសរុប $575 (តាមរថយន្ត+យន្តហោះ)
   - បាងកក- ប៉ាតាយ៉ា 5ថ្ងៃ តំលៃសរុប $535 VIP ទស្សនាសាយាមនីរ៉ាមីត (តាមយន្តហោះ)
   - បាងកក- ប៉ាតាយ៉ា 5ថ្ងៃ តំលៃសរុប $295 ទស្សនារបាំខ្ទើយ (តាមរថយន្ត)
   - ទីក្រុងបាងកក- ប៉ាតាយ៉ា 5ថ្ងៃ តំលៃសរុប $325 មានសាយ៉ាមនីរាមីត(តាមរថយន្ត)
   - ប្រទេសចិន ប៉េកាំង មហាកំផែង-អ៊ូស៊ី-ហាងចូវ-សៀងហៃ 6ថ្ងៃ តំលៃសរុប $975
   - ទីក្រុងហាណូយ-សមុទ្រហាឡុង 5ថ្ងៃ តំលៃសរុប $535 (តាមរថយន្ត+យន្តហោះ)
   - ទីក្រុងហូជីមិញ-ដាឡាត់-ញ៉ាចាង 5ថ្ងៃ តំលៃសរុប $275 (តាមរថយន្ត+រថភ្លើង)
   - កោះត្រល់ 3ថ្ងៃ តំលៃសរុប $185 (តាមរថយន្ត+កាប៉ាល់)
   - មណ្ឌលគីរី ទឹកជ្រោះប៊ូស្រា 3ថ្ងៃ  តំលៃសរុប $115 (តាមរថយន្ត)
   - ព្រះវិហារ-ទឹកធ្លាក់សុភមិត្រ-រតនៈគីរី ៤ថ្ងៃ តំលៃសរុប $165 (តាមរថយន្ត)

ចាប់ទទួលចុះឈ្មោះពីឥឡូវនេះ សូមរួសរាន់ឡើងកន្លែងមានកំណត់! សម្រាប់ព័ត៌មានបន្ថែមសូមទំនាក់ទំនងអាស័យដ្ឋាន៖ Address: 270Eo,  ផ្លូវម៉ៅសេទុង កែងផ្លូវ 199, សង្កាត់ទំនប់ទឹកខណ្ឌចំការមន, រាជធានីភ្នំពេញ.

លេខទូរសព្ទ័ ៖ 017 723 623, 012 77 2012, 015 545 545, 023 22 27 27, 023 22 23 23
សូមចុច Like &Share Facebook page: www.facebook.com/2world.travel.cambodia របស់យើងខ្ញុំលោកអ្នកនឹងទទួលបានពត៌មានពីការបញ្ចុះតំលៃពិសេស Email:  sales@2worldtravel.com | Website: www.2worldtravel.com Skype: sales.2worldtravel | outbound.2worldtravel

Page 385 of 816