left
Safe Home
Safe Home
Safe Home

Dap News...Admin

Friday, Sep 04th

| English Version | dapnews: 012 571 704, 097 9999 883, email: lim.cheavutha@gmail.com

You are here:

ប្រជាពលរដ្ឋ ចំនួន ១៥០នាក់ ចូលរួមវេទិកា ផ្សព្វផ្សាយ និងពិគ្រោះយោបល់ នៅក្នុងក្រុងប៉ោយប៉ែត

E-mail Print PDF

បន្ទាយមានជ័យ៖ ប្រជាពលរដ្ឋចំនួន ១៥០នាក់ ចូលរួមវេទិកាផ្សព្វផ្សាយ និងពិគ្រោះយោបល់ ក្នុងបរិវេណវត្តម៉ងចិន នៅព្រឹកថ្ងៃទី១៧ ខែមិថុនា ឆ្នាំ២០១៥ ស្ថិតនៅភូមិគីឡូម៉ែត្រ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ដោយមានការអញ្ជើញ ចូលរួម លោក ង៉ោ ម៉េងជ្រួន អភិបាលក្រុងប៉ោយប៉ែត លោក សុខ ខឿន ប្រធានក្រុមយប្រឹក្សាក្រុង មន្ត្រីរាជការគ្រប់លំដាប់ថ្នាក់ និងសមាជិក សមាជិកាក្រុមប្រឹក្សារជាច្រើនរូប មកពីគណបក្សប្រជាជន គណបក្សសង្គ្រោះជាតិ និងគណបក្សហ្វ៊ុនស៊ិនប៉ិច ផងដែរ ។

ពលរដ្ឋលើកឡើងថា បញ្ហាការវាស់វែងដីធ្លី រវាងធនាគារអភិវឌ្ឍន (ADB) មិនដោះស្រាយជួនពួកគាត់ មិនត្រឹមត្រូវនោះឡើយទេ។
ពួគាត់បានសំណូមពរ ដល់អាជ្ញាធរក្រុងប៉ោយប៉ែត ជួយសម្របសម្រួលជូនពួកគាត់ ដោយពីមុនខាង(ADB) បានសន្យាថា ពេលណាពួកគាត់ប្តូរទីតាំងរស់ថ្មី សន្យាថា មានផ្លូវស្អាត ប្រពន្ធ័លូ សាលារៀន មន្ទីរពេទ្យ ទៅតាមស្តង់ដា តែជាក់ស្តែងគឺគ្មាននោះឡើយ ហើយមិនគោរពពាកសន្យារបស់គាត់សោះ ។

ពួកគាត់បានលើកឡើងបន្តថា បញ្ហាក្រុមហ៊ុនអគ្គិសនី អានកូ ហេតុអ្វីបានជាដាច់ភ្លើងជាញឹកញាប់ បញ្ហាសំរាម សូមកុំទុកយូរថ្ងៃពេក ព្រោះវាមានក្លិនស្អុយណាស់នៅតាមមុខផ្ទះ ហើយសូមឲ្យក្រុមហ៊ុនប្រមូលសំរាមទៀងពេលវេលា ៣ថ្ងៃមកប្រមូលម្តង បញ្ហាសៀវភៅគ្រួសារ នៅពេលដែលពួកគាត់មានកូនក្រោយៗទៀត នៅបញ្ជូលបន្ថែម ទាល់តែទៅកាន់ទីរួមខេត្ត ទើបមន្ត្រីជំនាញបញ្ជូលឲ្យ ដូច្នេះពួកគាត់សំណូមពរ ឲ្យបញ្ជូលត្រឹមតែសាលាក្រុងប៉ោយប៉ែតបានហើយ ។

បញ្ហាសំបុត្រកំណើតវិញ សូមជួយឲ្យមន្ត្រីជំនាញទាំងអស់ ជួយសម្រួលឲ្យងាយស្រួលក្នុងការបំពេញ បញ្ហា លោកគ្រូ អ្នកគ្រូពេទ្យ នៅតាមមន្ទីរពេទ្យបង្អែក សូមយកចិត្តទុកដាក់បន្តិចផង បច្ចុប្បន្ននេះគឺសម្តីរបស់ពួកគាត់ ដូចជះអាចម៍មួយកន្ថោអីចឹង ចរិតមិនត្រឹមត្រូវ ចរិតជេរស្តីបន្ទោសអ្នកជំងឺ ហើយមិនយកចិត្តទុកដាក់ពីអ្នកជំងឺសោះ ដូច្នេះហើយពួកគាត់សំណូមពរ ដល់អាជ្ញាធរក្រុង មេត្តាមានវិធានការបន្តិច ហើយពួកគាត់សង្ឃឹមថា លោកអភិបាលក្រុងប៉ោយប៉ែត ង៉ោ ម៉េងជ្រួន និងចាត់ការបញ្ហាខាងលើ ដែលបានលើកឡើងទាំងអស់ ព្រោះបច្ចុប្បន្ននេះ ក្នុងក្រុងប៉ោយប៉ែតយើង លោកអភិបាលក្រុង បានខិតខំប្រឹងប្រែងអភិវឌ្ឍន៍ ស្ទើរគ្រប់ប្រព័ន្ធ មានផ្លូវបេតុងជាច្រើនខ្សែ និងកំពុងបន្តបន្ទាប់ប្រព័ន្ធលូ ប្រព័ន្ធនានាជាច្រើនស្អេកស្កះផងដែរ។

ប្រធានសហគមន៍ ទទួលពាក្យបណ្តឹងផលប៉ះពាល់ផ្លូវរថភ្លើង បានលើកឡើងថា ប្រជាពលមួយចំនួនខ្លះ មិនទាន់ប្តូរទីលំនៅឋាន នៅឡើយទេ ផ្ទះខ្លះមិនគ្រប់គ្រាន់ចំនួន ៣០ម៉ែត្រការ៉េ បញ្ហាទី២ ប្រជាពលរដ្ឋដែលរស់នៅលើកផ្លូវដែក ហើយមិនព្រមមក ទំនាក់ទំនងជាមួយអាជ្ញាធរ សង្កាត់ ក្រុង ខេត្ត ។ ពេលណាពលដរ្ឋមានបញ្ហា សូមឲ្យដោះស្រាយទទួលពាក្យបណ្តឹង ពួកគាត់ ជាមុនសិន ហើយរៀបចំការផ្សព្វផ្សាយជូនពួកគាត់ ។

ជាចុងក្រោយ លោកអភិបាលក្រុងប៉ោយប៉ែត បានឆ្លើយតប តាមការសំណូមពរទាំងអស់របស់ ប្រជាពលរដ្ឋ ហើយលោកនឹងយក ផែនការទាំងអស់ ទៅពិគ្រោះយោបល់ទៅថ្នាក់លើ ថ្នាក់ក្រោម ថ្នាក់សង្កាត់ ដើម្បីឲ្យក្រុងប៉ោយប៉ែតរបស់យើង មានការរីកចំរើន កាន់តែខ្លាំងៗឡើងជាបន្តបន្ទាប់៕

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

លោក វង សូត ជួបពិភាក្សា ជាមួយឯកអគ្គរដ្ឋទូត អ៊ីតាលី ស្តីពីការស្មុំកូន

E-mail Print PDF

ភ្នំពេញ ៖ នៅទីស្តីការក្រសួងសង្គមកិច្ច នាព្រឹកថ្ងៃទី១៧ ខែមិថុនា ឆ្នាំ២០១៥ លោក វង សូត រដ្ឋមន្ត្រីក្រសួងសង្គម កិច្ច អតីតយុទ្ធជន និងយុវនីតិសម្បទា អនុញ្ញាតឲ្យ លោក Francesco Saverio NISIO ឯកអគ្គរដ្ឋទូត នៃប្រទេស អ៊ីតាលី និងសហការីចូលជួបសម្តែងការគួរសម និងពិភាក្សាការងារ ពាក់ព័ន្ធនឹងការងារស្មុំកូន អន្តរប្រទេសនៅកម្ពុជា ។

មានប្រសាសន៍ក្នុងជំនួបពិភាក្សានោះផងដែរ លោក Francesco Saverio NISIO ឯកអគ្គរដ្ឋទូត នៃប្រទេសអ៊ីតាលី ប្រចាំប្រទេសកម្ពុជា បានសម្តែងនូវការកោតសរសើរ និងវាយតម្លៃខ្ពស់ ចំពោះការរីកចម្រើនលើវិស័យសង្គមកិច្ច ជា ពិសេស កិច្ចសហប្រតិបត្តិការយ៉ាងល្អ រវាងប្រទេសអ៊ីតាលី និងព្រះរាជាណាចក្រកម្ពុជា នាពេលកន្លងមក ដោយ សម្រេចបាននូវសមិទ្ធផលផ្លែផ្កា គួរឲ្យកត់សម្គាល់នេះ គឺបង្ហាញពីការយកចិត្តទុកដាក់ របស់រាជរដ្ឋាភិបាលកម្ពុជា ក្រសួងសង្គមកិច្ចអតីតយុទ្ធជន និងយុវនីតិសម្បទា ក៏ដូចជាអាជ្ញាធរកណ្តាលស្មុំកូន អន្តរប្រទេសផងដែរ ។ លោក មានប្រសាសន៍ទៀតថា គោលបណងនាថ្ងៃនេះ គឺចង់មានទំនាក់ទំនងលើការងារស្មុំកូនអន្តរប្រទេស ជាមួយប្រទេស កម្ពុជាឡើងវិញ ដោយក្នុងនោះ រង់ចាំតែលោកស្រី Dr Silvia Della Monica ប្រធានគណៈកម្មាធិការអាជ្ញាធរកណ្តាល ស្មុំកូនអន្តរប្រទេស នៃប្រទេសអ៊ីតាលី មកកម្ពុជា ដើម្បីពិភាក្សាការងារចុងក្រោយ លើការកំណត់ចំនួនភ្នាក់ងារស្មុំកូន អន្តរប្រទេសរបស់អ៊ីតាលី ដែលគ្រោងនឹងធ្វើកិច្ចសហប្រតិបត្តិការជាមួយកម្ពុជា។

ជាការឆ្លើយតប លោក វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនិតិសម្បទា បានថ្លែងថា កម្ពុជា ស្វាគមន៍ប្រទេសនានា ដែលមានសំណើចុះកិច្ចព្រមព្រៀងសហប្រតិបត្តិការ លើវិស័យស្មុំកូនជាមួយកម្ពុជា ដើម្បី កំណត់ចំនួនភ្នាក់ងារ និងបើកដំណើរការនៅកម្ពុជា ដោយលោកបានបញ្ជាក់ថា មិនទទួលភ្នាក់ងារច្រើននោះទេ គឺ អនុញ្ញាតឲ្យតែភ្នាក់ងារ ១ទៅ២ភ្នាក់ងារប៉ុណ្ណោះ សម្រាប់ប្រទេសនីមួយៗ លើកលែងតែប្រទេសអ៊ីតាលី គឺកម្ពុជា អនុញ្ញាតឲ្យមានភ្នាក់ងាររហូតដល់ទៅ៨ភ្នាក់ងារ ព្រោះអ៊ីតាលី ស្ថិតក្នុងករណីពិសេស ។

លោករដ្ឋមន្រ្តី បានបន្តទៀតថា ករណីដែលផ្តល់ឲ្យអ៊ីតាលី ក្នុងករណីពិសេសនេះ ដោយសាររដ្ឋមន្ត្រី ដឹកនាំក្រសួង សង្គមកិច្ចអាណត្តិមុន ធ្លាប់បានចុះកិច្ចព្រមព្រៀងជាមួយអ៊ីតាលី នៅពេលកិច្ចដំណើរការងារស្មុំកូននៅកម្ពុជា ត្រូវបាន ផ្អាក ហើយមិនទាន់ត្រូវបានអនុវត្ត ហើយកិច្ចព្រមព្រៀងក៏ត្រូវបានអស់សុពលភាព ដោយសារកម្ពុជា ត្រូវធ្វើលិខិតបទ ដ្ឋានគតិយុត្តមួយចំនួន ដូច្នេះហើយទើបកម្ពុជាចាត់ទុក ភាគីអ៊ីតាលី ជាករណីពិសេស ។

លោករដ្ឋមន្រ្តី បានគូសបញ្ជាក់ទៀតថា ដំណើរការស្មុំកូនអន្តរប្រទេសនៅកម្ពុជា គឺក្រសួងនៅតែប្រកាន់ជំហរយ៉ាងរឹង ប៉ឹង ទៅលើគោលការណ៍អនុសញ្ញាក្រុងឡាអេ ក៏ដូចជាច្បាប់ស្តីពី ស្មុំកូនអន្តរប្រទេសរបស់ព្រះរាជាណាចក្រកម្ពុជា ដើម្បីការពារនូវឧត្តមប្រយោជន៍ដល់កុមារ ។

សូមជម្រាបថា ការងារស្មុំកូនអន្តរប្រទេស ត្រូវបានចាប់ផ្តើមអនុវត្តពីឆ្នាំ១៩៨៧ ហើយកម្ពុជាបានផ្អាកដំណើរស្មុំកូន នៅក្នុងព្រះរាជាណាចក្រកម្ពុជា នៅក្នុងឆ្នាំ២០០៩ ដោយសារកម្ពុជា ត្រូវរៀបចំបង្កើតច្បាប់ ស្តីពីស្មុំកូនអន្តរប្រទេស និងលិខិតបទដ្ឋានគតិយុត្តមួយចំនួន សម្រាប់ការអនុវត្តលើការងារស្មុំកូនអន្តរប្រទេស នៅប្រទេសកម្ពុជា ឲ្យស្របទៅ នឹងអនុសញ្ញាក្រុងឡាអេ ស្តីពីការការពារកុមារ និងសហប្រតិបត្តិការទាក់ទង នឹងស្មុំកូនអន្តរប្រទេស ដែលកម្ពុជាជា សមាជិកអនុសញ្ញាក្រុងឡាអេ ដោយមានការជួយជ្រោមជ្រែងបច្ចេកទេស ពីការិយាល័យអចិន្ត្រៃយ៍ នៃសន្និសីទក្រុង ឡាអេ និងអង្គការយូនីសេហ្វ ៕

សមត្ថកិច្ចឃាត់ រថយន្តទំនើប ១គ្រឿង ដឹកសាច់ជ្រូក ពីថៃ មកលក់នៅដីខ្មែរ ដោយគ្មាន ច្បាប់អនុញាត

E-mail Print PDF

បងដំបង៖ កម្លាំងអាវុធហត្ថក្រុងបាត់ដំបង នៅព្រឹកថ្ងៃទី១៧ ខែមិថុនាឆ្នាំ២០១៥ បានឃាត់រថយន្តទំនើប១គ្រឿង បានដឹកសាច់ ជ្រូក ពីទឹកដីថៃតាមច្រកព្រំដែនស្រុកសំពៅលូនយកមកលក់នៅដីខ្មែរ ក្នុងក្រុងបាត់ដំបង ដោយគ្មានច្បាប់អនុញាត នាំយកប្រគល់ ការិយាល័យ បស្សុពេទ្យ នៃមន្ទីរកសិកម្មខេត្ត ដើម្បីធ្វើកិច្ចសន្យា ឲ្យឈប់ដឹកបន្តទៀត។

 ប្រភពពីសមត្ថកិច្ចនៅកន្លែងកើតហេតុបានឲ្យដឹងថា ដោយសារមានការសង្ស័យ ឃើញរថយន្តនោះដឹក ធ្ងន់ សមត្ថកិច្ចក៏បានឃាត់ ធ្វើការឆែកឆេរ តែម្ចាស់រថយន្ត មិនបានឲ្យឆែកឆេរទេ គ្រាន់តែប្រាប់ថា រថយន្ត របស់គាត់មានដឹកសាច់ជ្រូក ពីជាយដែនមកលក់ ឲ្យម៉ូយនៅក្រុងបាត់ដំបង ដើម្បីយកទៅធ្វើជាសាច់ក្រក សម្រាប់លក់បន្ត។បុរសម្នាក់ដែលអះអាងថា ម្ចាស់រថយន្តជាសាច់ញាតិ នោះបានបញ្ជាក់ថា រថយន្តដែលដឹកសាច់ជ្រូកឆ្លងដែនពីប្រទេសថៃយកមកលក់នៅដីខ្មែរនោះ គឺមានរាល់ថ្ងៃគិតជាមធ្យម ប្រហែល១០រថយន្តក្នុង១ថ្ងៃ ហើយក្នុងរថយន្ត១ដឹកសាច់ជ្រូក១ជើងប្រហែលក្រោម៥០០គីឡូក្រាមចុះ បុរសនោះបានអះអាងទៀត ថា ពួកគេបានបង់លុយទៅឲ្យទីលានសត្វឃាតខេត្ត៣០ម៉ឺនរៀល និងបង់ឲ្យពេទ្យសត្វខេត្ត២០ម៉ឺនរៀល ក្នុង១ខែ ទើបដឹងបាន រាល់ថ្ងៃ រហូតមក បន្ទាប់ពីបានប៉ះសម្តីគ្នាជាមួយកម្លាំងអាវុធហត្ថថា លោកឯងគ្មានសិទ្ធិមកឆែកឆេរ រថយន្តដែលដឹកសាច់ ជ្រូកនោះឡើយព្រោះពួកគេបានបងលុយឲ្យទៅពេទ្យសត្វអស់ហើយ។

  ពាក់ព័ន្ធទៅនិងម្ចាស់រថយន្តនិងសាច់ញាតិ បានឈ្លោះប្រកែកគ្នារឿង បង់លុយជូនសមត្ថកិច្ចជំនាញនេះ អ្នកយកព័ត៌មានយើង បានទំនាក់ទំនងតាមទូរស័ព្ទទៅលោក ប៉ែន សេដ្ឋា ប្រធានការិយាល័យ បស្សុពេទ្យ នៃមន្ទីរ កសិកម្មខេត្ត ដើម្បីសុំការបំភ្លឺរឿងនេះ នៅព្រឹកថ្ងៃដដែល លោកបានបញ្ជាក់ថា បន្ទាប់ពី មានកិច្ច សហការជាមួយកម្លាំងអាវុធហត្ថក្រុងបាត់ដំបង លោកបាននាំកម្លាំង ឃាត់រថយន្តដឹកសាច់ជ្រូកនេះ រួចបញ្ជូនមកការិយាល័យជំនាញ ដើម្បីសាកសួរទើបដឹងថា រថយន្តដឹកសាច់ជ្រូក នេះគឺជាអ្នក សារព័ត៌មាន ក្នុងស្រុក១ គាត់ធ្វើការគ្មានប្រាក់ខែ ទើបរកស៊ីដឹកសាច់ជ្រូកលក់គ្រាន់បានលុយ ចិញ្ចឹមជីវិត។ បញ្ហា ផ្លូវច្បាប់នោះ លោកបានឲ្យ មន្រ្តីជំនាញធ្វើកិច្ចសន្យាបញ្ឈប់ដឹកដោយគ្មានច្បាប់អនុញាតអញ្ចឹងទៀត បើចង់រក ស៊ីបន្តទៀត នោះត្រូវសុំច្បាប់ឲ្យបានត្រឹមត្រូវ ហើយនេះក៏ជាលើកទី១ផងដែលសមត្ថកិច្ចចាប់បាន ក៏មានការអនុគ្រោះម្តង តែបើមានលើក ក្រោយ គឺត្រូវចាត់វិធានការតាមច្បាប់ហើយ។ចំណែករឿងថា រាល់ រថយន្តដែលរកស៊ីដឹក សាច់ជ្រូកយកមកលក់ក្នុង ក្រុងបាត់ដំបងរាល់ថ្ងៃថា បានបង់លុយមន្រ្តីជំនាញនោះ លោកបានបដិសេដ្ឋថាគឺគ្មានទេ ហើយអ្នកយកលុយទាំងនោះ គឺមិនមែនជាបុគ្គលិកពេទ្យសត្វនោះឡើយ គឺជាកងកម្លាំងទេ។ លោកបានត្អូញត្អែរថា កម្លាំងជំនាញយើងសព្វថ្ងៃជាស៊ីវិល ហើយមានតិចតួច មិនអាចមានលទ្ធភាពទៅឈរចាំចាប់រាល់រថយន្តបទល្មើសទាំងនោះបានទេ ទាល់តែមានកិច្ចសហការពី កងកម្លាំងសមត្ថកិច្ចទើបអនុវត្តទៅបាន។

បើតាមប្រភពក្រៅផ្លូវការផ្សេងទៀតបានឲ្យដឹងថា រាល់ថ្ងៃមានទំនិញគ្រប់ប្រភេទ ដែលដឹកចូលក្រុងនៅ ពេល យប់ ដូចជា ជង្គង់មាន់ គ្រឿងកំប៉ុង របស់ហូបខូចគុណភាព ត្រីប្រា និងទំនិញគេចពន្ធជាច្រើនទៀត ដឹកចូលបានដោយរលូន មន្រ្តីជំនាញ មិនដែលខ្វល់ឬបង្រ្កាបបានឡើយ មានតែសមត្ថកិច្ចកងកម្លាំង ចុះបង្រ្កាបបានរួចប្រគល់ឲ្យស្ថាប័នជំនាញ ជាការស្រេចហើយ ក៏ជាទម្លាប់ អាក្រក់មួយទៅហើយ ៕

បញ្ជូនខ្លួនជន សង្ស័យ៣នាក់ ទៅតុលាការ ពីបទចែកចាយ ថ្នាំញៀន

E-mail Print PDF

បាត់ដំបង ៖ កម្លាំងនគរបាលការិយាល័យ ប្រឆាំងគ្រឿងញៀន ខេត្តបានបញ្ជូនខ្លួន ជនសង្ស័យ៣នាក់ រួមនិងម៉ាទឹកកក ចំនួន៨ថង់តូច និងសម្ភារមួយចំនួន បន្ទាប់ពីកម្លាំង ជំនាញនគរបាល ជំនាញបាន ឃាត់ខ្លួន កាលពីវេលាម៉ោ២១ និង២០នាទី ថ្ងៃទី១៦ ខែមិថុនា ឆ្នាំ២០១៥ នៅចំណុចភូមិព្រែកមហាទេព សង្កាត់ស្វាយប៉ោក្រុង បាត់ដំបងខេត្តបាត់ដំបង ។

 លោក ស៊ាន សូណាល់ នាយស្តីទីនៃការិយាល័យប្រឆាំងគ្រឿងខេត្តបានឲ្យដឹងថា បានបញ្ជាក់ថា ជនសង្ស័យដែលសមត្ថកិច្ច ឃាត់ខ្លួនមានទី១ឈ្មោះ ម៉ា ភូអានន្ទ ភេទប្រុសអាយុ២៥ឆ្នាំ និងទី២ឈ្មោះ ប៉ិច ធាវី ភេទស្រីអាយុ ២៣ឆ្នាំ រស់នៅភូមិខាង លើជាមួយគ្នា។និងទី៣ឈ្មោះ ជួប ច័ន្ទករុណា ភេទប្រុសអាយុ២៣ឆ្នាំ រស់នៅភូមិព្រែកព្រះស្តេចក្រុងបាត់ដំបង ។

 លោកបានបញ្ជាក់ក្នុងរបាយការណ៍ថា មុនពេលឃាត់ខ្លួន កម្លាំងនគរបាលជំនាញបានទទួលព័ត៌មានថា មានករណីដឹក ជញ្ជូននិងចែកចាយថ្នាំញៀនភ្លាម កម្លាំងបានដឹកនាំកម្លាំង ១ក្រុមចុះបង្រ្កាប និងឃាត់ខ្លួន បានក្នុងបទល្មើសជាក់ស្តែង ព្រមទាំងរឹបអូសបានថ្នាំញៀនម៉ាទឹកកក ចំនួន៨ថង់មានទម្ងន់ស្មើនិង ៣៨ក្រាម លុយខ្មែរ១លាន១០ម៉ឺនរៀល លុយដុល្លា៣៤២ដុល្លារនិងសម្ភារមួយចំនួនទៀត នាំយកមកសាកសួរ។

ជនសង្ស័យបានឆ្លើយសារភាពថា ខ្លួនពិតជាបានរក្សាទុក ដឹកជញ្ជូននិងរកស៊ីចែកចាយថ្នាំញៀន ពិតប្រាកដមែន ។

បច្ចុប្បន្នសមត្ថកិច្ចជំនាញ បានកសាងសំណុំរឿងបញ្ជូនខ្លួន ជនសង្ស័យនិងវត្ថុតាង បញ្ជូនទៅតុលាការ ខេត្ត នៅព្រឹកថ្ងៃទី១៧ ខែមិថុនា ឆ្នាំ២០១៥ នេះដើម្បីចាត់ការបន្តតាមច្បាប់ ៕

បញ្ជូនមុខសញ្ញា ចែកចាយ គ្រឿងញៀន ពីរនាក់ទៀត ទៅតុលាការ ក្រោយការចាប់ ខ្លួននៅស្រុកឧដុង្គ

E-mail Print PDF

កំពង់ស្ពឺ ៖ មុខសញ្ញាចែកចាយគ្រឿង ញៀនពីរនាក់ទៀត ដែលត្រូវបានសមត្ថកិច្ច ឃាត់ខ្លួននៅក្នុងទឹកដីស្រុកឧដុង្គ ខេត្ដកំពង់ ស្ពឺ ត្រូវបានបញ្ជូនខ្លួនទៅកាន់តុលាការផង ដែរនៅថ្ងៃទី១៧ ខែមិថុនា ឆ្នាំ២០១៥ ក្រោយ ពីត្រូវបានបង្ក្រាប និងចាប់ខ្លួនកាលពី២ថ្ងៃ មុន ។

មន្ដ្រីនគរបាលស្រុកឧដុង្គបានឱ្យដឹងថា មុខសញ្ញាទាំងពីរនាក់ ត្រូវបានចាប់ខ្លួនកាល ពីរសៀលថ្ងៃទី១៥ ខែមិថុនា ឆ្នាំ២០១៥ កន្លងទៅ ស្ថិតនៅភូមិវិហារខ្ពស់ ឃុំវាំងចាស់ ស្រុកឧដុង្គ ខេត្ដកំពង់ស្ពឺ ដោយដកហូតថ្នាំ ញៀនប្រភេទម៉ាទឹកកក ចំនួន៣កញ្ចប់ ។

តាមមន្ដ្រីនគរបាលបានបញ្ជាក់ថា ជន សង្ស័យទី១ ឈ្មោះរ៉ា រីម អាយុ២៤ឆ្នាំ រស់ នៅភូមិឃុំកើតហេតុ និងជនសង្ស័យទី២ ឈ្មោះសុខ ឆេង អាយុ១៨ឆ្នាំ រស់នៅភូមិ ស្រះកែវ ឃុំវាំងចាស់ ស្រុកឧដុង្គ ។

សមត្ថកិច្ចបានបញ្ជាក់ទៀតថា ក្រោយ ទទួលបានព័ត៌មាននៃសកម្មភាពចែកចាយ គ្រឿងញៀនខាងលើនេះ សមត្ថកិច្ចបានធ្វើ ការស្រាវជ្រាវហើយឈានទៅដល់ការចុះ បង្ក្រាបតែម្ដង ហើយបញ្ជូនខ្លួនទៅកាន់ សាលាដំបូងខេត្ដ ដើម្បីចាត់ការបន្ដតាមនីតិ វិធី ៕

ទស្សនៈ និងមតិ ៖ បន្ទាប់​ពី​អាឡិច ល្មម​ដល់​វេន​ប្រែត​អាដាម​ ហើយ!

E-mail Print PDF

ដោយ ៖ នាយខ្វែក

ភ្នំពេញ ៖ កម្ពុជាស្វាគមន៍ជានិច្ច រាល់សកម្មភាពការ បញ្ចេញមតិយោបល់ រិះគន់ក្នុងន័យកែលំអ រិះគន់ក្នុងន័យស្ថាបនា តែកម្ពុជា មិនស្វាគមន៍ឡើយ បើអ្នកធ្វើការរិះគន់ក្នុងន័យគុំគួន រិះគន់តាមបែបឈ្នានីស សងសឹក ឬរិះគន់ដើម្បីតែ បំផ្លាញនោះ ។

អាឡិចគ្រាន់តែជាជនពនេចរ អត់ការងារធ្វើនៅប្រទេសអេស្ប៉ាញម្នាក់តែប៉ុណ្ណោះ សូម្បីតែអ្នករស់នៅផ្ទះជាប់គ្នាក៏គេ មិនស្គាល់អាឡិច មានប្រវត្តិយ៉ាងម៉េចផង តែពេល អាឡិច មកដល់កម្ពុជា ប្រើតែកាម៉េរ៉ាតូចមួយថត សរសេររិះគន់ រដ្ឋាភិបាលកម្ពុជាចុះឡើងៗ ពីតំបន់អារ៉ែង ធ្វើឲ្យខ្មែរមួយចំនួនតូចដែលខ្លះមិនទាំងស្គាល់តំបន់អារ៉ែងជាអ្វី បែរមុខទៅ ណាផង លឺតែតាមគេថា ក៏ចាប់ផ្តើមនាំគ្នាលើក អាឡិច ដាក់លើក្បាលទូលហើយ ប្រសិទ្ធិនាម អាឡិច ថា ជា « បិតា ធម្មជាតិ » ជាជនដ៏ឆ្នើមក្នុងការការពារតំបន់អារ៉ែង មិនឲ្យរាជរដ្ឋាភិបាលបំផ្លាញ (កសាងវារីអគ្គិសនី) យ៉ាងអឺងកង បំផុត ។ ប៉ុន្តែ ខ្មែរមួយចំនួនតូចនោះមិនបានដឹងពីគោលបំណងរបស់ អាឡិច ចូលមករស់នៅ និងធ្វើសកម្មភាពនៅ តំបន់អារ៉ែង មានគោលដៅ និងមានបំណងអ្វីពិតប្រាកដនោះទេ ។

ចូលជន្នាជនខ្មែរចងចាំថា នៅមុនថ្ងៃទី១៧ ខែមេសា ឆ្នាំ ១៩៧៥ ប៉ុន្មានថ្ងៃ តើអ្នករស់នៅក្នុងទីក្រុងភ្នំពេញ ដែលភាគ ច្រើនជាប្រជាពលរដ្ឋសាមញ្ញ ជ្រួលជ្រើមនឹងអ្វីខ្លះ ? គឺមិននាំគ្នាជ្រួលជ្រើមរង់ចាំអបអរសាទរ ស្វាគមន៍ ការទទួលបាន ជ័យជំនះរបស់ពួកតស៊ូខ្មែរក្រហម ដែលយកព្រះនាម សម្តេចព្រះ នរោត្តម សីហនុ ធ្វើជាខែលក្នុងការវាយផ្តួលរំលំ របបលន់ នល់ ដែលជាកូនជឹងរបស់អាម៉េរិក ហើយចុងក្រោយតើជន្នាជន ទាំងអស់នោះទទួលបានលទ្ធផលយ៉ាង ណា ? គឺមិនត្រូវបានពួកដែលប្រជាជនស្វាគមន៍ទាំងអស់នោះ ភ្ជុងបណ្តេញចេញពីទីក្រុង ពីផ្ទះសម្បែង និងបាញ់សម្លាប់ ចោលតាមផ្លូវទេឬអី ! ។

ករណី ប្រែតអាដាម ប្រធានអង្គការឃ្លាំមើលសិទ្ធិមនុស្សអន្តរជាតិ ដែលតែងតែមានជំហរ និងទស្សនៈប្រឆាំងជាមួយ រាជរដ្ឋាភិបាលកម្ពុជា ក៏មិនខុសពីករណី អាឡិច ជនជាតិអេស្ប៉ាញប៉ុន្មាននោះដែរ ។ រាល់ទស្សនៈជំហររបស់ ប្រែត អាដាម មកលើប្រទេសកម្ពុជាតាំងពីដើមមក ត្រូវបានគេសង្កេតឃើញថា មិនដែលវិជ្ជមានម្តងណាឡើយ គឺដឹងតែ អវិជ្ជមានរហូត ។

ចុងក្រោយនេះ ការលើកយករបាយការណ៍ចាស់របស់ ប្រែតអាដាម សរសេរតាមបែបលំអៀង មកចុះផ្សាយវាយ ប្រហារលើថ្នាក់ដឹកនាំកម្ពុជា គឺ សម្តេច ជា ស៊ីម ខណៈដែលលោកទទួលមរណភាពទៅហើយនោះ វាគឺជាចេតនាទុច្ច រិតរបស់ ប្រែតអាដាម សុទ្ធសាធ ដែលតែងតែមាន គំនិតគុំគួន និងឆ្លៀតវាយប្រហារមកលើរដ្ឋាភិបាល និងថ្នាក់ដឹកនាំ ជាន់ខ្ពស់កម្ពុជា ។

តាមពិតកម្ពុជា ក៏ធ្លាប់មានគុណទៅលើ ប្រែតអាដាម ផងដែរ ការសម័យរដ្ឋសភានីតិកាលទី១ ដោយកាលណោះ សម្តេច ជា ស៊ីម នៅជាប្រធានរដ្ឋសភា ប្រែតអាដាម ធ្វើជាទីប្រឹក្សាសភាស៊ីប្រាក់ខែសភា ជាលុយរបស់កម្ពុជាផងដែរ ។ ប៉ុន្តែ ប្រែតអាដាម ជាមនុស្សរមិលគុណ មិនទទួលស្គាល់ការពិត បែរជាឆ្លើយដោះសារថា លុយសម្រាប់បើកប្រាក់ ខែឲ្យខ្លួនក្នុងនាមជាទីប្រឹក្សាសភានោះ មិនមែនជាលុយរបស់កម្ពុជានោះឡើយ គឺជាលុយរបស់អង្គការយូសេដ្ឋរបស់ សហរដ្ឋអាម៉េរិកឯណាឯណោះវិញឆ្កុយ !។

គេសួរថា លុយរបស់អង្គការយូសេដ្ឋ ដែលបើកប្រាក់ខែឲ្យ ប្រែតអាដាម នោះ ប្រសិនបើក្រសួងការបរទេស និងរាជ រដ្ឋាភិបាលកម្ពុជា មិនចុះហត្ថលេខាឯកភាពទេ ស្មានតែអាចយកទៅបើកប្រាក់ខែឲ្យ ប្រែតអាដាម បានឬ ! ហើយ ម្យ៉ាងទៀត ចូលកុំភ្លេចថា លុយចាយតាមរយៈយូសេដ្ឋ នៅកម្ពុជាគឺសុទ្ធតែចុះក្នុងបញ្ជីរបស់អាម៉េរិក ក្នុងខ្ទង់ផ្តល់ ជំនួយមកឲ្យកម្ពុជាឲ្យសោះ ។ ដូច្នេះការបកស្រាយរបស់ ប្រែតអាដាម ថា ខ្លួនបើកប្រាក់ខែពីលុយរបស់យូសេដ្ឋ មិន មែនបើក ប្រាក់ខែពីលុយរបស់កម្ពុជា ខណៈខ្លួននៅធ្វើជាទីប្រឹក្សាឲ្យសភាខ្មែរនោះ វាគ្រាន់តែជាការបំភ័ន្តភ្នែក សាធារណជនកុំឲ្យគេមើលទៅថា ខ្លួនពិតជារមិលគុណមែនតែប៉ុណ្ណោះ ។

តាមមតិមួយចំនួនបានចាត់ទុក ភាពគឃ្លើន និងការមិនផ្តល់គុណតម្លៃ និងសូម្បីតែគុណធម៌ចំពោះសពពីសំណាក់ ប្រែត អាដាម ខាងលើនេះ ល្មមដល់ពេលរាជរដ្ឋាភិបាលខ្មែរ ចាត់វិធានការសមស្របហើយ ដែលវិធានការនោះត្រូវ បានគេអះអាងថា គ្មានអ្វីក្រៅពីបញ្ឈប់ផ្តល់ទិដ្ឋាការដល់ ប្រែតអាដាម លែងឲ្យជាន់ដីខ្មែរគឺចប់ ប្រភេទក្រោមទ្រឹស្តី ទុកក៏មិនចំណេញ បណ្តេញចេញ (ហាមចូល)ក៏មិនខាត... កម្ពុជាមិនត្រូវការមនុស្សធ្វើការជាមួយ ធុនប្រែតអាដាម នោះទេ ៕

ក្រុមហ៊ុនសេវាកម្ម និងអេឡិចត្រូនិច របស់តួកគី ស្វែងរកឱកាស ពង្រីកទីផ្សារនៅកម្ពុជា

E-mail Print PDF

ភ្នំពេញ៖ សមាគមនាំចេញសេវាកម្ម និង បច្ចេកវិទ្យា អគ្គិសនីរបស់តួកគី បានបើកជំនួបពិភាក្សាលើការធ្វើពា  ណិជ្ជកម្មជាលើកដំបូងនៅប្រទេសកម្ពុជា កាលពីល្ងាចថ្ងៃទី១៦ ខែមិថុនា ឆ្នាំ២០១៥។ ជំនួបពិភាក្សាស្តីការធ្វើ  ពាណិជ្ជកម្ម ដែលមានការអញ្ជើញចូលរួមពីបណ្តាពាណិជ្ជករល្បីនៅកម្ពុជាច្រើននាក់នេះ ធ្វើឡើងក្នុងបំណង  ផ្សព្វផ្សាយ និងពង្រីកទីផ្សារផលិតផលគ្រឿងអេឡិចត្រូនិចរបស់តួកគី នៅកម្ពុជា។

ជំនួបពិភាក្សាលើការធ្វើពាណិជ្ជកម្មនេះមានការអញ្ជើញចូលរួមពីទេសរដ្ឋមន្រ្តី រដ្ឋមន្រ្តីក្រសួងពាណិជ្ជកម្ម លោក  ស៊ុន ចាន់ថុល និង លោក Ilhan Kemal Tug ឯកអគ្គរដ្ឋទូត នៃសាធារណៈរដ្ឋតួកគី និង លោក Fatih Kemal  Ebiclioglu ប្រធានក្រុមប្រឹក្សាភិបាល នៃក្រុមហ៊ុនផ្គត់ផ្គង់ការនាំចេញសំភារៈ និង សេវាកម្ម គ្រឿងអគ្គិសនី និង អេឡិចត្រូនិច របស់ប្រទេសតួកគី (TET) ព្រមទាំងតំណាងក្រុមហ៊ុនកម្ពុជា និងក្រុមហ៊ុនមកពីប្រទេសតួកគី។

លោក Fatih ប្រធានក្រុមប្រឹក្សាភិបាលក្រុមហ៊ុន TET បានឲ្យដឹងថា ក្រុមហ៊ុន TET មានសាខានៅជុំវិញពិភព លោក។ ប្រធានក្រុមប្រឹក្សាភិបាលរូបនេះ បានឲ្យដឹងថា ក្រុមហ៊ុន TET បានជួយធ្វើឲ្យមានភាពប្រសើរឡើង  ដល់ទំហំ នៃការនាំចេញឧស្សាហកម្មអគ្គិសនី និងអេឡិចត្រូនិច ដែលបច្ចុប្បន្នមានក្រុមហ៊ុននាំចេញចំនួន  ៦.៥០០ជាសមាជិករបស់ខ្លួន។

លោក Fatih ប្រធានក្រុមប្រឹក្សាភិបាលក្រុមហ៊ុន បានគួសបញ្ជាក់ថា ប្រទេសកម្ពុជា មានសក្តានុពលយ៉ាងខ្លាំង ក្លា ក្នុងការដោះដូរទំនិញ និងសេវាកម្ម ជាមួយក្រុមហ៊ុន ដែលជាសមាជិករបស់ TET។

លោក Ilhan Kemal Tug ឯកអគ្គរដ្ឋទូត នៃសាធារណៈរដ្ឋតួកគី បានលើកឡើងថា កិច្ចជំនួបពិភាក្សាលើការ ផ្លាស់ប្តូរពាណិជ្ជកម្ម ដែលរៀបចំដោយក្រុមហ៊ុនតួកគីនេះ ជាព្រឹត្តការណ៍ដ៏សំខាន់សម្រាប់ចំណងមិត្តភាពរវាង កម្ពុជា និងតួកគី។ លោកឯកអគ្គរដ្ឋទូត បានជំរុញឲ្យពាណិជ្ជករកម្ពុជា និងតួកគី ខិតខំបង្កើនកិច្ចសហប្រតិបត្តិ ការលើវិស័យពាណិជ្ជកម្ម និងវិនិយោគបន្ថែមទៀត។

លោកទេសរដ្ឋមន្ត្រី ស៊ុន ចាន់ថុល បានស្វាគមន៍យ៉ាងកក់ក្តៅ ចំពោះគណៈប្រតិភូពាណិជ្ជកម្មតួកគី និងបណ្តា ក្រុមហ៊ុនកម្ពុជា ដែលបានចូលរួមក្នុងកម្មវិធីផ្លាស់ប្តូរពាណិជ្ជកម្មនេះ។ លោករដ្ឋមន្រ្តីក្រសួងពាណិជ្ជកម្ម ក៏បាន ធានាជូនដល់គណៈប្រតិភូទាំងអស់ថា កម្ពុជា គឺជាប្រទេស ដែលល្អបំផុត សម្រាប់ការវិនិយោគរបស់ប្រទេសតួ កគី ដោយសារកម្ពុជា មានបរិយាកាសនយោបាយស្ថេរភាព គោលនយោបាយគាំទ្រពាណិជ្ជកម្ម កំណើន ផលិតផលក្នុងស្រុកសរុប (GDP) មានស្ថេរភាព ហើយកម្ពុជា ក៏មានគោលនយោបាយលើកទឹកចិត្តដល់អ្នកវិនិ យោគផងដែរ។

លោក ស៊ុន ចាន់ថុល បានបញ្ជាក់ថា កម្ពុជា-តួកគី ចាំបាច់ត្រូវកសាងភាពជាដៃគូដ៏រឹងមាំ ព្រមទាំងជំរុញក្រុម ហ៊ុនទាំងអស់ ឲ្យស្វែងយល់ពីវប្បធម៌ បរិបទពាណិជ្ជកម្ម ការអនុវត្តដ៏ល្អ និងសីលធម៌ពាណិជ្ជកម្ម រវាងគ្នានិងគ្នា  ដើម្បីអភិវឌ្ឍទំនាក់ទំនងដ៏ស្មោះត្រង់ទៅវិញទៅមក។

លោករដ្ឋមន្រ្តីក្រសួងពាណិជ្ជកម្ម សង្ឃឹមជឿជាក់ថា កិច្ចពិភាក្សារវាងពាណិជ្ជករកម្ពុជា-តួកគី នឹងជួយពង្រឹង ក៏ ដូចជាពង្រីកទំហំពាណិជ្ជកម្ម និងវិនិយោគរវាងប្រទេសទាំងពីរ ដើម្បីឈានទៅដល់ការផ្លាស់ប្តូរពាណិជ្ជកម្ម ជាមួយគ្នា ដែលនឹងសម្រេចឲ្យបានទំហំពាណិជ្ជកម្ម ដែលមានទឹកប្រាក់ ៥០០លានដុល្លារនៅឆ្នាំ២០២០៕

បញ្ជូនមុខសញ្ញាគ្រឿង ញៀនដ៏ធំម្នាក់ ទៅតុលាការ ក្រោយការចុះ បង្ក្រាបនៅផ្ទះ សំណាក់កូនពៅ

E-mail Print PDF

កំពង់ស្ពឺ ៖ មុខសញ្ញាជួញដូរនិងចែកចាយ គ្រឿងញៀនដ៏ធំម្នាក់ ហើយមានកូនចៅនិង បណ្ដាញជាច្រើនកន្លែង ត្រូវបាននគរបាល ការិយាល័យប្រឆាំងគ្រឿងញៀននៃស្នងការ ដ្ឋាននគរបាលខេត្ដកំពង់ស្ពឺ បញ្ជូនទៅកាន់ តុលាការនៅព្រឹកថ្ងៃទី១៧ ខែមិថុនា ឆ្នាំ ២០១៥នេះ ក្រោយការចុះបង្ក្រាបនិងចាប់ ខ្លួនផ្ទះសំណាក់កូនពៅ ស្ថិតនៅភូមិតាំងទន្លេ សង្កាត់សុពណ៌ទេព ក្រុងច្បារមន ខេត្ដកំពង់ ស្ពឺ ។

មន្ដ្រីនគរបាលការិយាល័យប្រឆាំងគ្រឿង ញៀនខេត្ដកំពង់ស្ពឺ បានឱ្យដឹងថា កាលពី រសៀលថ្ងៃទី១៦ ខែមិថុនា ឆ្នាំ២០១៥កម្លាំង នគរបាលដែលដឹកនាំដោយតំណាងអយ្យការ បានចុះទៅបង្ក្រាបនៅផ្ទះសំណាក់យីហោ កូនពៅនិងដកហូត ថ្នាំញៀនចំនួន១០កញ្ចប់ តូចផងដែរ ។

តាមមន្ដ្រីនគរបាលជនសង្ស័យរូបនេះគឺ ជាមុខសញ្ញាដ៏សកម្មម្នាក់ ហើយធ្វើសកម្ម ភាពចែកចាយគ្រឿងញៀនពីភ្នំពេញ ទៅ ខេត្ដកំពង់ស្ពឺ និងមានបណ្ដាញដ៏ធំនៅទីនោះ ហើយបច្ចុប្បន្នស្នាក់នៅភូមិទី១០ សង្កាត់ បឹងកក់ទី១ ខណ្ឌទួលគោក ។

តាមមន្ដ្រីនគរបាលរូបនេះ ជនសង្ស័យ ឈ្មោះសួន ណាវឿន អាយុ២១ឆ្នាំ ត្រូវបាន ចាប់ខ្លួនក្រោយពីកម្លាំងសមត្ថកិច្ចធ្វើការ ស្រាវជ្រាវនិងស៊ើបអង្កេតអស់រយៈពេល ប៉ុន្មានថ្ងៃមកហើយ មុនឈានទៅដល់ប្រតិ បត្ដិការចុះបង្ក្រាបជាក់ស្ដែងតែម្ដង។

អាជ្ញាធរ ខេត្តព្រះសីហនុ ប្រារព្វពិធី សម្តែងមរណទុក្ខ គោរពវិញ្ញាណក្ខន្ធ និងបង្សុកូល ឧទ្ទិសកុសល ជូនដល់សម្ដេច ជា ស៊ីម

E-mail Print PDF

ព្រះសីហនុ: នៅព្រឹកថ្ងៃទី១៧ ខែមិថុនា ឆ្នាំ២០១៥ ថ្នាក់ដឹកនាំខេត្ត មន្រ្តីរាជការ កងកម្លាំងប្រដាប់អាវុធ ព្រះសង្ឃ សមាជិក-សមាជិក គណបក្សប្រជាជនកម្ពុជាខេត្ត លោកគ្រូ អ្នកគ្រូ សិស្សានុសិស្ស និងនិយោជិត បុគ្គលិក កម្មករ ព្រមទាំងបងប្អូនប្រជាពលរដ្ឋខេត្តព្រះសីហនុ បានប្រារព្ធពិធីសម្តែងមរណទុក្ខ គោរពវិញ្ញាណក្ខន្ធ និងព្រះសង្ឃសូត្រមន្តបង្សុកូល ដើម្បីឧទ្ទិសកុសលផលបុណ្យ ជូនដល់សម្ដេចអគ្គមហាធម្មពោធិសាល ជា ស៊ីម ប្រធានព្រឹទ្ធសភា នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា ។ ក្នុងពិធីនោះ មានការអញ្ជើញចូលរួមពីសំណាក់ លោក ឈិត សុខុន អភិបាលនៃ គណៈអភិបាលខេត្ត លោក សំរិទ្ធ ភុំ ប្រធានគណៈប្រចាំការគណៈអចិន្រ្តៃយ៍ គណបក្សប្រជាជនកម្ពុជាខេត្ត លោក លោកស្រី សមាជិកក្រុមប្រឹក្សាខេត្ត អភិបាលរង នៃគណៈអភិបាលខេត្ត អគ្គកុលស៊ុលវៀតណាម ប្រចាំខេត្តព្រះសីហនុ ព្រមទាំងថ្នាក់ដឹកនាំមន្រ្តីរាជការ សមាជិក សមាជិកា គណបក្សប្រជាជនកម្ពុជាខេត្ត ព្រះសង្ឃ បុគ្គលិក លោកគ្រូ អ្នកគ្រូ សិស្សានុសិស្ស និងប្រជាពលរដ្ឋទូទាំងខេត្តព្រះសីហនុ អញ្ជើញចូលរួមប្រមាណ ១.៨០០ នាក់ ។

លោក ឈិត សុខុន អភិបាល នៃគណៈអភិបាលខេត្ត បានអានសារលិខិតចូលរួមមរណទុក្ខ ដែលមានខ្លឹមសារថាៈ ក្នុងនាមក្រុមប្រឹក្សាខេត្ត គណៈអភិបាលខេត្ត ថ្នាក់ដឹកនាំគ្រប់លំដាប់ថ្នាក់ មន្រ្ដីរាជការ នៃរដ្ឋបាលខេត្ត កងកម្លាំងប្រដាប់អាវុធគ្រប់ប្រភេទ ប្រជាពលរដ្ឋក្នុងខេត្តព្រះសីហនុទាំងអស់ មានសេចក្ដីតក់ស្លុតរន្ធត់ចិត្តយ៉ាងក្រៃលែង រកអ្វីប្រៀបផ្ទឹមពុំបានឡើយ ចំពោះការទទួលមរណភាព របស់សម្ដេចអគ្គមហាធម្មពោធិសាល ជា ស៊ឹម ប្រធានព្រឹទ្ធសភា នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា កាលពីថ្ងៃចន្ទ ៧រោជ ខែជេស្ធ ឆ្នាំមមែ សប្ដស័ក ពុទ្ធសករាជ ២៥៥៩ ត្រូវនឹងថ្ងៃទី០៨ ខែមិថុនា ឆ្នាំ២០១៥ វេលាម៉ោង ១៥:៤៥នាទី ក្នុងជន្មាយុ ៨៣ឆ្នាំ ដោយរោគាពាធ ។ ក្នុងក្ដីអាឡោះអាល័យដ៏សែនសោកសង្រេង ខ្សឹកខ្សួលរំជួលចិត្តឥតឧបមានេះ យើងខ្ញុំទាំងអស់គ្នា សូមគោរពចូលរួមរំលែកទុក្ខ ប្រកបដោយក្ដីក្ដុកក្ដួលសោកស្តាយ ស្រណោះអាឡោះអាល័យជាទីបំផុត ចំពោះការបាត់បង់ សម្តេចប្រធានព្រឹទ្ធសភា នៃព្រះរាជាណាចក្រកម្ពុជា និងជាប្រធាន គណបក្សប្រជាជនកម្ពុជា ព្រមទាំងជាមេគ្រួសារ បិតា ជីតា ជីតាទួត ជាទីគោរពស្រឡាញ់ ប្រកបដោយព្រហ្មវិហាធម៌ និងទឹកចិត្តសណ្ដោសប្រណី ដ៏ថ្លៃថ្លាគ្មានអ្វីកាត់ថ្លៃបាន ។ គុណូបការៈរបស់ សម្តេចអគ្គមហាធម្មពោធិសាល នឹងស្ថិតនៅក្នុងក្រអៅបេះដូងក្រុមគ្រួសារ និងកូនខ្មែរគ្រប់រូបជានិច្ច យើងខ្ញុំទាំងអស់គ្នា នៅតែចងចាំនូវគំរូវីរភាពដ៏ឧត្តុងឧត្តមប្រពៃថ្លៃថ្លា របស់សម្តេច មិនអាចភ្លេចបានឡើយ ហើយប្តេជ្ញាបន្តថែរក្សានូវកេរ្តិ៍ដំណែល ស្នាដៃកសាង ការពារជាតិដែលសម្តេច បានបន្សល់ទុកឱ្យបានស្ថិតស្ថេរជានិច្ចតរៀងទៅ ។

ក្នុងឱកាសដ៏សែនក្រៀមក្រំនេះ តាងនាមក្រុមប្រឹក្សាខេត្ត គណៈអភិបាលខេត្ត ថ្នាក់ដឹកនាំគ្រប់លំដាប់ថ្នាក់ មន្រ្ដីរាជការនៃរដ្ឋបាលខេត្ត កងកម្លាំងប្រដាប់អាវុធគ្រប់ប្រភេទ ប្រជាពលរដ្ឋទូទាំងខេត្តព្រះសីហនុ សូមលំឱនកាយ ឧទ្ទិសនូវកុសលផលបុណ្យ អានិសង្ឃទាំងឡាយ ព្រមទាំងវត្ថុសាកសិទ្ធិក្នុងលោក គុណព្រះពុទ្ធ ព្រះធម៌ ព្រះសង្ឃសូមទ្រទ្រង់វិញ្ញាណក្ខន្ធរបស់ សម្ដេចអគ្គមហាធម្មពោធិសាល ជា ស៊ីម បានចាប់បដិសន្ធិ ក្នុងសុគតិភពកុំបីឃ្លៀងឃ្លាតឡើយ ។

បន្ទាប់មកគណៈធិបតី និងអង្គពិធីទាំងមូល បានអញ្ជើញគោរពវិញ្ញាណក្ខន្ធ តាមផែនមន្ទីរ-អង្គភាពរៀងៗខ្លួន ដែលគណៈចាត់តាំងកម្មវិធីបានរៀបចំ ។ កម្មវិធីបានបញ្ចប់នៅវេលាម៉ោង ១០:០០នាទីព្រឹក នាថ្ងៃដដែល ៕

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

នគរបាល ខណ្ឌ៧មករា បញ្ជូនមុខសញ្ញាឆក់ មុខដដែលៗ ទៅតុលាការ

E-mail Print PDF

ភ្នំពេញ៖ មុខសញ្ញាឆក់ដ៏សកម្ម ក្នុងរាជធានីភ្នំពេញម្នាក់ ត្រូវបានសមត្ថកិច្ច ត្រៀមបញ្ជូនទៅ កាន់ពន្ធនាគារ បន្ទាប់តុលាការ សម្រេចចោទ ប្រកាន់រួចមកជុំវិញបទល្មើសឆក់ ទ្រព្យសម្បត្តិប្រជាពលរដ្ឋនៅតាមដងផ្លូវ។

ដោយឡែក ជនសង្ស័យ២នាក់ទៀត ដែលកំពុងរត់គេចខ្លួន ត្រូវបានក្រុមមន្ត្រី បញ្ជាក់ថា បានស្គាល់អត្តសញ្ញាណ ពួកគេអស់ហើយ និងកំពុងស្វែងចាប់ខ្លួនតាមដីកា របស់តុលាការ ។

លោក រស់ ស៊ីណា ប្រធានផ្នែកព្រហ្មទណ្ឌ នគរបាលខណ្ឌ៧មករា បានឲ្យដឹងថា ជនត្រូវចោទរូបនេះ មានឈ្មោះ មេសា អាយុ១៩ឆ្នាំ មានទីលំនៅ មិនពិតប្រាកដ និងជាមុខសញ្ញាឆក់ ដ៏សកម្មត្រូវបាន ឃាត់ខ្លួនកាល ពីវេលាម៉ោង១១និង៣០នាទីថ្ងៃទី១៥ ខែមិថុនា ឆ្នាំ២០១៥នៅចំណុចមុខផ្ទះលេខ១១០Eo ផ្លូវ១២៨ សង្កាត់មនោរម្យ ខណ្ឌ៧មករា រាជធានីភ្នំពេញ ។

ចំណែក០២នាក់ទៀត ជាមុខសញ្ញាឆក់ជើងចាស់ ដូចគ្នា មានឈ្មោះ អា ភាន់ អាយុ ប្រហែល២០ឆ្នាំ មានទីលំនៅម្តុំផ្សារទឹកថ្លា និងម្នាក់ទៀតឈ្មោះ អា ឡុង អាយុប្រហែលគ្នា បានរត់គេចខ្លួនដោយឆក់យក

កាបូបស្ពាយ របស់ជនរងគ្រោះទៅបាត់។ នគរបាលបញ្ជាក់ទៀតថាមុនធ្វើសកម្មភាព ជនសង្ស័យជិះម៉ូតូ០២គ្រឿង តាមពីក្រោយជនរងគ្រោះហើយ ថន មេសា បានឆក់កាបូប ជនរងគ្រោះ បានហើយ បោះទៅអោយ គ្នាវាមុន ពេលត្រូវសមត្ថកិច្ច ចាប់បានតែម្តង។

ជនរងគ្រោះមានឈ្មោះ ឈន គឹមហួន ភេទស្រី អាយុ៥៨ឆ្នាំ ស្នាក់នៅផ្ទះលេខ៤៦Eo ផ្លូវលេខ១៥៤ សង្កាត់ជ័យជំនះ ខណ្ឌដូនពេញ រាជធានីភ្នំពេញ។ ហើយសម្ភារដែលបាត់បង់មានកាបូបមួយមានលុយ ៣០០ដុល្លារ ប្រាក់រៀល១០.0000រៀល និងទូរស័ព្ទម៉ាកអាយហ្វនស៊ិកផ្លាស់មួយគ្រឿង។

រថយន្តកូរ៉ូឡា បុករះរ៉ឺម៉កកង់បី ២គ្រឿង របួសធ្ងន់ម្នាក់

E-mail Print PDF

កណ្តាល ៖ រថយន្តកូរ៉ូឡា១គ្រឿង បើកបរក្នុងល្បឿនលឿន បានជនរុលទៅបុករ៉ឺម៉កកង់បី លក់ពងទា បន្តកន្ទុយគ្នា២គ្រឿង បណ្តាលឲ្យអ្នកបើកបររ៉ឺម៉កម្នាក់ រងរបួសធ្ងន់ត្រូវបានបញ្ជូន ទៅសង្គ្រោះជាបន្ទាន់ ហេតុការនេះកើតឡើង កាលពីវេលាម៉ោង២១និង៤៥នាទី ថ្ងៃទី១៦ ខែមិថុនា ឆ្នាំ២០១៥ ស្ថិតនៅតាម បណ្តោយផ្លូវជាតិលេខ៤ ក្នុងភូមិត្រពាំងពើក ឃុំពើកស្រុកអង្គស្នួល ខេត្តកណ្តាល ។

មន្ត្រីនគរបសលបានឲ្យដឹងថា មុនពេលកើតហេតុមាន រថយន្ត១គ្រឿង ម៉ាកកូរ៉ូឡាពណ៌សពាក់ផ្លាក លេខភ្នំពេញ ២C-៧៧៦៥បើកបរ ដោយឈ្មោះណែត សុខជាតិភេទ ប្រុសអាយុ២៧ឆ្នាំ មានមុខរបរ បើកបរ រថយន្តរស់នៅភូមិអង្គ សង្កាត់កន្ទោក ខណ្ឌពោធិ៍សែនជ័យ បើកបរក្នុងទិសដៅពីលិច ទៅកើត លុះដល់ចំណុចកើតហេតុខាងលើ បានជ្រុលទៅបុកជាមួយម៉ូតូរ៉ឺម៉កកង់បី លក់ពងទា១គ្រឿងម៉ាក សង់កូរ៉េ ពណ៌ក្រហមអត់ផ្លាកលេខបើកបរ ដោយឈ្មោះសូ បូរ៉ាភេទប្រុសអាយុ៣១ឆ្នាំ និងប្រពន្ធឈ្មោះ សុន ស៊ីថា អ្នកទាំងពីរស្នាក់នៅភូមិចំការឪឡឹក សង្កាត់កាកាប ខណ្ឌពោធិ៍សែនជ័យ បើកបរស្រប ទិសគ្នាមិនបង្ករឲ្យមានរបួសស្នាមនោះទេ គ្រាន់តែខូចខាតរឺម៉ក និងពងទា ចំណែករថយន្តបង្កបាន បន្តទៅបុករឺម៉កមួយគ្រឿងទៀត ដែលនៅពីមុខស្របទិសគ្នា បណ្តាលឲ្យអ្នកបើករឺម៉កឈ្មោះ ស៊ុំ សឿង ភេទប្រុស អាយុ៥៧ឆ្នាំ រស់នៅភូមិត្រពាំងវែង ឃុំឆក់ឈើនាង ស្រុកអង្គស្នួល ខេត្ត កណ្តាល រងរបួស ធ្ងន់ត្រូវបានគេបញ្ជូនទៅព្យាលនៅគ្លីនិកសម្ភពថ្មល់ទទឹង ។

ក្រោយពេលកើតហេតុ មន្ត្រីនគរបាលបានចុះទៅដល់នាំយកវត្ថុតាង មកកាន់អធិការដ្ឋាន ដើម្បីកសាងសំណុំរឿងចាតការទៅតាមនីតិវិធីច្បាប់៕

Page 385 of 428