left
Safe Home
Safe Home
Safe Home

Dap News...Admin

Tuesday, May 05th

| English Version | dapnews: 012 571 704, 097 9999 883, email: lim.cheavutha@gmail.com

You are here:
 
AAP

សម្ដេចតេជោ ហ៊ុន សែន SMS ទៅលោក សម រង្ស៊ី ឲ្យ​បំ​ភ្លឺ​ពាក់​ព័ន្ធ​ឃ្លិប​វីដេអូ ដែល​លោក​និយាយ​ថា «ចង់​ចាប់​ចោរ ត្រូវ​ទៅកៀកចោរ​សិន» (មានវីដេអូ)

E-mail Print PDF

ភ្នំពេញ៖ មុនចេញដំណើរទៅកាន់សហរដ្ឋអាមេរិក របស់លោក សម រង្ស៊ី កាលពីរាត្រីថ្ងៃទី០៤ ខែឧសភា ឆ្នាំ ២០១៥ កន្លងទៅនេះ គេឃើញគេហទំព័រមួយ ដែលមាននិន្នាការគាំទ្រ គណបក្សសង្គ្រោះជាតិ បានបង្ហោះឃ្លិបវីដេអូមួយ ដែលលោកសម រង្ស៊ី បានថ្លែងក្នុងន័យនយោបាយ ធ្វើការវាយប្រហារមកលើ សម្ដេចតេជោ ហ៊ុន សែន ដែលធ្វើឲ្យសម្ដេចយល់ថា គណបក្សសង្គ្រោះជាតិ បានប្រកាសប្រកាន់ជំហរ រក្សាវប្បធម៌សន្ទនា បែរជាធ្វើការបង្ហោះវីដេអូឃ្លិបវាយប្រហារទៅលើសម្ដេចទៅវិញ។

ខាងក្រោមនេះជាសារដែលសម្ដេចតេជោ ហ៊ុន សែន បានសរសេរផ្ញើតាម SMS ទៅកាន់លោកសម រង្ស៊ី ដើម្បីសុំឲ្យមានការបំភ្លឺ ឲ្យបានច្បាស់ ពាក់ព័ន្ធទៅនឹងខ្លឹមសារនៅក្នុងឃ្លិបវីដេអូខាងលើ ហើយសារដែលសម្ដេចតេជោ ហ៊ុន សែន ផ្ញើទៅកាន់លោក សម រង្ស៊ី ខាងលើនេះ ក៏ត្រូវបានសម្ដេច ផ្ញើតាម WhatsApp មកឲ្យមជ្ឈមណ្ឌលព័ត៌មានដើមអម្ពិល ដើម្បីធ្វើការផ្សព្វផ្សាយឲ្យប្រជាពលរដ្ឋបានដឹង ជាសាធារណៈផងដែរ ដែលខ្លឹមសារមានន័យថា «នេះជាវប្បធម៌សន្ទនា ដែលឯ.ឧ ចង់បាន។ ចង់បានការបំភ្លឺពីឯ.ឧ! ខ្ញុំមិនអាចទទួលយក ការបកស្រាយរបៀបនេះបានទេ ខ្ញុំត្រូវចាប់មេចោរពិត នឹងកូនចោរពិត ដែលកំពុងមានសំណុំរឿងនៅតុលាការ, សុំឯ.ឧ កុំពឹងពាក់ដៃចោរ លើកលែងទោសឲ្យកូនចៅ ឯ.ឧ ទៀត។ សូមប្រាប់ កឹម សុខាផង បើប៉ះពាល់ម្ដងទៀត CPP នឹងបោះឆ្នោតទម្លាក់ហើយ»។

សូមបញ្ជាក់ថា នៅមុនលោក សម រង្ស៊ី ធ្វើការចាកចេញពីប្រទេសកម្ពុជា ឆ្ពោះទៅកាន់សហរដ្ឋអាមេរិក គេឃើញឃ្លិបវីដេអូមួយ ត្រូវបានបង្ហោះឡើង នៅតាមអនឡាញ ដែលឃ្លិបវីដេអូនោះថតពីសកម្មភាពលោក សម រង្ស៊ី ថ្លែងទៅកាន់ មហាជន ដោយធ្វើការវាយ ប្រហារមកលើសម្ដេចតេជោ ហ៊ុន សែន ដូចជាប្រើពាក្យ «ទាល់តែចូលឲ្យកៀកចោរ ទើបអាចចាប់ចោរបាន...ជាដើម»។

ក្រុមអ្នកវិភាគ ដែលបានមើលឃើញ និងស្ដាប់នូវឃ្លិបវីដេអូខាងលើនេះ ខណៈដែលគេបង្ហោះ នៅមុនដំណើរឆ្ពោះទៅកាន់សហរដ្ឋអាមេរិក និងកាណាដា របស់លោក សម រង្ស៊ី បែបនេះ វាអាចជាល្បែងនយោបាយមួយ របស់លោក សម រង្ស៊ី និង CNRP ក្នុងចេតនាធ្វើឲ្យប្រជាពលរដ្ឋខ្មែរ ដែលរស់នៅសហរដ្ឋអាមេរិក និងកាណាដា បានឃើញ និងស្ដាប់ឮ ហើយនៅតែគាំទ្រ និងជឿជាក់ទៅលើលោក សម រង្ស៊ី ដដែលថា ថ្វីត្បិតតែ លោក មានភាពស្និទ្ធស្នាល និងចាប់យកវប្បធម៌សន្ទនា ជាមួយសម្ដេចតេជោ ហ៊ុន សែន ក៏ដូចជាគណបក្សប្រជាជន ក៏ពិតមែន តែលោក និង CNRP មិនចំណុះឲ្យ CPP នោះឡើយ គឺនយោបាយរបស់លោក សម រង្ស៊ី គឺក្នុងន័យ ដូចអ្វីដែលគាត់និយាយគឺ «ចង់ចាប់ចោរ ត្រូវតែចូលឲ្យកៀកចោរសិន»។

អ្នកវិភាគ បានអះអាងបន្តថា បើលោក សម រង្ស៊ី ឬក៏ CNRP មានគំនិតដូច្នេះមែននោះ គឺជាជំហរនយោបាយរក្សាវប្បធម៌សន្ទនា តាមរបៀបទុច្ចរិត តែប៉ុណ្ណោះ ដែលល្បែងនយោបាយបែបនេះ គេមិនអាចទទួលយកបានឡើយ៕

សូមទស្សនាប្រសាសន៍របស់លោក សម រង្ស៊ី ទាំងស្រុង៖

លោក សម រង្ស៊ី​នឹង​ទៅ​ជួប​ពលរដ្ឋ​ខ្មែរ​នៅ​កាណាដា និង​អាម៉េរិក

E-mail Print PDF

ភ្នំពេញ៖ ប្រធានគណបក្សសង្រ្គោះជាតិ (CNRP) លោក សម រង្ស៊ី នឹងធ្វើដំណើរទៅទស្សនកិច្ច នៅប្រទេសកាណាដា និងសហរដ្ឋអាម៉េរិក ចាប់ពីថ្ងៃទី៧-២៥ខែឧសភា ឆ្នាំ២០១៥ក្នុងនោះ លោក នឹងចុះសួរសុខទុក្ខបងប្អូនខ្មែរ ចំនួន១៥ក្រុងនៅក្នុងប្រទេសទាំងពីរ។

នេះបើយោងតាមតារាងកម្មវិធី នៃការធ្វើការដំណើរដែលបានបង្ហោះ លើគេហទំព័របណ្តាញទំនាក់ទំនងសង្គម ហ្វេសប៊ុក កាលពីថ្ងៃទី៤ ឧសភា៕

CL Realty ទទួលសិទ្ធិ លក់​គម្រោង បុរី ជេ & ស៊ី

E-mail Print PDF

ភ្នំពេញ៖ ក្រុមហ៊ុនអចលនទ្រព្យ ឆៃលីស៊ារៀលធីហៅកាត់ (ស៊ីអិល) គឺជាក្រុមហ៊ុនតែមួយគត់ ដែលបានទទួលសិទ្ធិ លក់គម្រោងបុរី ជេ & ស៊ី ដែលមានផ្ទះល្វែង និង វិទ្បាកូនកាត់ ស្ថិតនៅទីតាំងនៅ ក្រោយផ្សារឈូកមាស ស្ថិតនៅភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ ក្រុងភ្នំពេញ ដោយធ្វើដំណើរតាម ផ្លូវឧកញ៉ាទ្រីហេង។

បុរីនេះគឺជាការអភិវឌ្ឍន៍ រួមគ្នារវាងអ្នកវិនិយោគជប៉ុន និងអ្នកវិនិយោគក្នុងស្រុករបស់យើង។ ក្នុងបរិបទនៃការរស់នៅបែបថ្មី ក្នុងបិរេវេណដី ដែលមានទំហំប្រមាណ ២ហិកតា (មិនធំពេក មិនតូច ពេក) ផ្ទះទាំងពីរប្រភេទនេះ មានចំនួនសរុប១៣៦ផ្ទះ (លក់បានមួយចំនួនហើយ) និងមានអគារកំពស់ បីជាន់ដែលមានអាងទឹកនៅជាន់ដំបូល បន្ទប់ហាត់កីទ្បា និងផ្សារលក់ទំនិញ រួមមានសូនច្បារនៅ ចំកណ្តាលផងនោះ បានធ្វើអោយការរស់នៅប្រកប ដោយផាសុខភាពនិង សុខដុមរមនាដល់គ្រប់ បណ្តារអ្នករស់នៅទាំងអស់។

ជេ & ស៊ី ជាបុរីដែលបានចុះបញ្ជីអជីវកម្ម និងមានអាជ្ញាប័ណ្ណស្របច្បាប់ គ្រប់ក្រសួងនិងស្ថាប័ននានា ក្នុងព្រះរាជាណាចក្រកម្ពុជា សម្រាប់ការសាងសង់គំរោងនេះ ព្រមទាំងមានបំបែកប្លង់ក្បាលដី ជូនដល់អតិថិជនទាំងអស់។

១.ទំហំផ្ទះល្វែងមានទទឹង ៤.៣៣ម X ១៧ម ទំហំដីមានសល់ខាងក្រោយផ្ទះ ១.៥ម មានកំពស់ ២ជាន់កន្លះ មានឡៅតឿខ្ពស់ស្រឡះ មាន បន្ទប់គេង៤ បន្ទប់ទឹក៤ ចង្ក្រានបាយម៉ូតទំនើប មានកន្លែងចតទ្បាន ០១គ្រឿង ជាពិសេសមានពន្លឺចាំង ចូលដល់ក្នុងផ្ទះពីដំបូល ខាងលើត្រង់ ចន្លោះជណ្តើរចំកណ្តាលផ្ទះតែម្តង។

២.ទំហំផ្ទះវីឡាកូនកាត់មានទទឹង ៥ម X ១0ម ទំហំដីមានសល់ខាងមុខផ្ទះ ៥.៥ម សំរាប់ចតឡាន ទំហំដីមានសល់ខាងក្រោយផ្ទះ ១.៥ម មានកំពស់២ជាន់កន្លះ មាន បន្ទប់គេង៣ បន្ទប់ទឹក៣ ចង្ក្រានបាយម៉ូតទំនើប មានកន្លែងចតទ្បាន ០១គ្រឿង ជាពិសេសមានពន្លឺចាំងចូល ដល់ក្នុងផ្ទះពី ដំបូលខាងលើត្រង់ចន្លោះជណ្តើរចំកណ្តាលផ្ទះដូចគ្នា។

លោកអ្នកអាចជាវដោយបង់ប្រាក់ផ្តាច់ក៏បាន បង់រំលស់ពីក្រុមហ៊ុនសម្រាប់រយៈពេល ១០ឆ្នាំក៏បាន។ តម្លៃលក់របស់ផ្ទះទាំងពីរ ប្រភេទនេះមាន ចន្លោះចាប់ពី 89,681.00 - 131,241.00 ដុល្លារអាមេរិក។ សូមលោកអ្នកមកពិនិត្យផ្ទះគំរូ នៅទីតាំងបុរីនេះដោយផ្ទាល់ ឬសាកសួរព័ត៌មានលំអិត បន្ថែមតាមរយៈទូរស័ព្ទលេខ 078 400 400 ៕

គ្រោះធម្មជាតិ រន្ទះបាញ់ងាប់ គោ៨ក្បាល នៅស្រុកព្រះនេត្រព្រះ

E-mail Print PDF

បន្ទាយមានជ័យ ៖ គ្រោះធម្មជាតិ រន្ទះបាញ់ងាប់គោ របស់អ្នកស្រុក នៅឃុំទឹកជោ ស្រុកព្រះនេត្រព្រះ ចំនួន៨ក្បាល កាលពីល្ងាចថ្ងៃទី៤ ខែ ឧសភា ឆ្នាំ២០១៥។

នគរបាល ស្រុកព្រះនេត្រព្រះ បានឲ្យដឹងថា កាលពី ល្ងាចមិញ មានគ្រោះធម្មជាតិ ភ្លៀងលាយខ្យល់យ៉ាងខ្លាំង ស្រាប់តែ មានផ្គររន្ទះ កើតឡើងពេលនោះ គោរបស់ប្រជាពលរដ្ឋ ចំនួន៨ក្បាល ត្រូវបានរន្ទះបាញ់ ងាប់មួយរំពេច។

បើតាមមន្រ្តីនគរបាល ក្រៅពីគោ ចំនួន៨ក្បាល ងាប់ ផ្ទះប្រជាពលរដ្ឋមួយចំនួន ក៏ត្រូវដួលរលំ និងរងការ ខូចខាតផងដែរ ដោយសារគ្រោះធម្មជាតិ មួយនេះ។

ក្រោយមានហេតុការណ៍ ខាងលើនេះ កើតឡើងកម្លាំងអាជ្ញាធរ និងសមត្ថកិច្ច មូលដ្ឋាន បានចុះទៅសួរនាំ និងជួយអន្តរាគមន៍ផងដែរ៕

កម្លាំងនគរបាល រាជធានីភ្នំពេញ បង្ក្រាបមុខសញ្ញាជួញដូរ គ្រឿង ញៀន១៣នាក់ និងដកហូតវត្ថុតាង មួយចំនួន

E-mail Print PDF

ភ្នំពេញ ៖ លោក ប៊ន សំអាត ស្នងការរង នគរបាល រាជធានីភ្នំពេញ ទទួលផែនគ្រឿងញៀន បានថ្លែងឲ្យដឹងថា ប្រតិបត្តិការ ចាប់តាំងពីល្ងាច ដល់យប់ថ្ងៃទី៤ ខែឧសភា ឆ្នាំ២០១៥ កម្លាំងនគរបាល របស់លោក បាន បង្ក្រាប និងចាប់ខ្លួនជនសង្ស័យ ពាក់ព័ន្ធគ្រឿងញៀន ចំនួន១៣នាក់ និងដកហូតថ្នាំ ញៀនមួយចំនួន ព្រមទាំង ឧបករណ៍ សម្ភារសម្រាប់ សេព ផងដែរ ។

លោក ប៊ន សំអាត បានបញ្ជាក់ថា ប្រតិបត្តិការ ចុះបង្ក្រាប ករណីជួញ ដូរគ្រឿងញៀន ដែលដឹកនាំបញ្ជាផ្ទាល់ពី សំណាក់ស្នងការនោះ គឺកម្លាំងនគរបាល បានបង្ក្រាបចំនួន៦ករណី ក្នុងនោះ នគរបាល ខណ្ឌ សែនសុខ បង្ក្រាបបាន៥នាក់ នគរបាល ខណ្ឌច្បារអំពៅ បង្ក្រាប បាន២នាក់ នគរបាល ខណ្ឌមានជ័យ សហការជាមួយមន្ទីរប្រឆាំងគ្រឿងញៀន ក្រសួងមហាផ្ទៃ បង្ក្រាបបានម្នាក់ និងនគរបាលការិយាល ប្រឆាំង គ្រឿងញៀនបង្ក្រាបបាន៥នាក់ ។

លោក ប៊ន សំអាត បានបន្តទៀតថា សម្រាប់ប្រតិបត្តិការ បង្ក្រាបគ្រឿងញៀន នៅរាជធានីភ្នំពេញ នឹងធ្វើឡើង ជាបន្តបន្ទាប់ ហើយសម្រាប់ករណីនេះនាយឧត្តមសេនីយ៍ ម៉ក់ ជីតូ អគ្គស្នងការរង នគរបាលជាតិ ទទួលផែនគ្រឿងញៀន បានកោតសរសើរ ចំពោះការ បង្ក្រាបបានច្រើន នៅក្នុងរាជធានីភ្នំពេញ ។

បើតាមលោក ប៊ន សំអាត ជនសង្ស័យទាំងនេះ ក្រោយការចាប់ខ្លួន ត្រូវបានបញ្ជូន ទៅកាន់ស្នង ការដ្ឋាន នគរបាល រាជធានីភ្នំពេញ ដើម្បីធ្វើការសួរនាំ និងចាត់វិធាន ការណ៍តាម ផ្លូវច្បាប់៕

វិចារណកថាៈ ការពារសន្តិសុខ សុវត្ថិភាព ដើម្បីទាក់ទាញ អ្នកវិនិយោគទុន និងភ្ញៀវទេសចរបរទេស

E-mail Print PDF

កាលពីរសៀលថ្ងៃទី០៤ ខែឧសភា ឆ្នាំ២០១៥ ក្រសួងមហាផ្ទៃ បានបើកកិច្ចប្រជុំ ផ្សព្វផ្សាយផែនការ ការពារសន្តិសុខសុវត្ថិភាព ជូនវិនិយោគិន និងអ្នកទេសចរបរទេស ក្រោមអធិបតីភាពលោក ស ខេង ឧបនាយករដ្ឋមន្រ្តី រដ្ឋមន្រ្តី ក្រសួងមហាផ្ទៃ ដោយមានការចូលរួមពីមន្រ្តីជាន់ខ្ពស់ ក្រសួងមហាផ្ទៃ ព្រមទាំងអគ្គស្នងការ និងអគ្គស្នងការរងនគរបាល ជាតិជាច្រើនរូប ។ នៅកិច្ចប្រជុំនោះ លោកឧបនាយករដ្ឋមន្រ្តី ស ខេង បានអំពាវនាវដល់អ្នក ជាប់ពាក់ព័ន្ធទាំងអស់ ត្រូវ មើលការខុសត្រូវ ការពារអ្នកវិនិយោគឲ្យបានល្អប្រសើរ ដើម្បីឲ្យអ្នកវិនិយោគ ដទៃគេមានទំនុកចិត្តចង់ មកធ្វើការ វិនិយោគនៅក្នុងប្រទេសកម្ពុជា ។ កិច្ចប្រជុំផ្សព្វផ្សាយផែនការ ពារសន្តិសុខ សុវត្ថិភាពជូនវិនិយោគិន និងអ្នកទេសចរបរ ទេសត្រូវបានមជ្ឈដ្ឋាននានា វាយតម្លៃថា ជាកត្តាដ៏សំខាន់ ដើម្បីជួយឲ្យសេដ្ឋកិច្ចកម្ពុជា កាន់តែមានភាពរីកចម្រើន និងមានកំណើនកាន់តែខ្ពស់ពី ១ឆ្នាំទៅមួយឆ្នាំ ។

អ្នកតាមដានបញ្ហាសង្គម មួយចំនួនបានលើកឡើងថា កន្លងមកមានអ្នកទេសចរបរទេស មួយចំនួនត្រូវរងគ្រោះ ដោយសារអំពើចោរកម្ម លួចឆក់ប្លន់ក្នុងប្រទេសកម្ពុជា ដែលរូបភាពនេះ មិនមែនជារឿងល្អឡើយ សម្រាប់វិស័យទេសចរណ៍ ជាប្រភពចំណូល ដ៏សំខាន់របស់កម្ពុជា ។ បញ្ហាដែលកើតឡើង ទៅលើភ្ញៀវទេសចរបរទេស នៅក្នុងខេត្តសៀមរាប ខេត្តព្រះសីហនុ និងរាជធានីភ្នំពេញ នាពេលកន្លងមកអាចធ្វើឲ្យ ប៉ះពាល់ដល់អារម្មណ៍របស់ ភ្ញៀវទេសចរបរទេស ក៏ ដូចជាអ្នកវិនិយោគទុនបរទេស មិនហ៊ានចូលមកកម្សាន្ត និងចូលមកដាក់ទុន រកស៊ីនៅកម្ពុជា ។ ដូច្នេះការដែលក្រសួងមហាផ្ទៃ បើកកិច្ចប្រជុំផ្សព្វផ្សាយផែនការ ការពារសន្តិសុខសុវត្ថិភាព ជូនវិនិយោគិន និងអ្នកទេសចរបរទេសកាលពីរ សៀលថ្ងៃទី០៤ ខែឧសភា ឆ្នាំ២០១៥ គឺជាបញ្ហាដ៏សំខាន់ដើម្បី ទាក់ទាញអ្នកវិនិយោគទុន និងភ្ញៀវទេសចរបរទេសឲ្យ ចូលមកកម្សាន្ត ក្នុងប្រទេសកម្ពុជា កាន់តែច្រើនឡើងថែមទៀត ហើយចំណូលពី វិស័យទេសចរណ៍ ទទួលបានកាន់តែ ច្រើនសម្រាប់យកមក អភិវឌ្ឍន៍ប្រទេសជាតិ ។

នៅក្នុងកិច្ចប្រជុំនោះដែរ លោកឧបនាយករដ្ឋមន្រ្តី ស ខេង បានបន្ទោសចំពោះក្រសួងពាក់ព័ន្ធ មួយចំនួនដែល មិនព្រមផ្តល់ដំណឹង ទៅអាជ្ញាធរខេត្ត ទាក់ទងទៅនឹងការអនុញ្ញាតឲ្យ ក្រុមហ៊ុនមួយចំនួន ទៅវិនិយោគនៅក្នុងដែនដី គ្រប់គ្រងរបស់អាជ្ញាធរ ខេត្តទាំងនោះ ។ លោកឧបនាយករដ្ឋមន្រ្តី ស ខេង បានបញ្ជាក់ថា គណៈបញ្ជាការឯកភាពទាំងអស់ ត្រូវតែក្តាប់នូវសភាពការណ៍ទាំងអស់ នៅក្នុងដែនគ្រប់គ្រងរបស់ខ្លួន ប៉ុន្តែមានក្រសួងសមត្ថកិច្ចខ្លះ គាត់បានសម្រេចឲ្យ គេវិនិយោគទៅធ្វើការ នៅក្នុងខេត្តដោយមិនបាន សួរទៅអាជ្ញាធរខេត្តទេ ។ តើឲ្យខេត្តក្តាប់យ៉ាងម៉េច? បញ្ហាហ្នឹងក៏មាន ដែរ ដល់ពេលទៅសួរខេត្ត គេឆ្លើយថាមិនដឹង ដល់ពេលអស់ដី អស់ព្រៃឈើនាំគ្នាទៅ បន្ទោសខេត្ត ដល់ពេលនិយាយទៅ ដូចជារាលដាល បន្តិចតែជាការពិត ។ ការលើកឡើងរបស់ លោកឧបនាយករដ្ឋមន្រ្តី ស ខេង បែបនេះគឺជាការពិត ព្រោះ បញ្ហាបានកើតឡើង ជាច្រើនករណី មិនខុសពីអ្វីដែល លោកឧបនាយករដ្ឋមន្រ្តី ស ខេង បានរំលឹកនោះទេ ។

ចំណុចគួរឲ្យកត់សម្គាល់ នៅក្នុងកិច្ចប្រជុំផ្សព្វផ្សាយផែនការ ការពារសន្តិសុខ សុវត្ថិភាពជូនវិនិយោគិន និងអ្នក ទេសចរបរទេសនោះដែរ លោកឧបនាយករដ្ឋមន្រ្តី ស ខេង បានថ្លែងថា “សូមអំពាវនាវទៅដល់ ក្រសួងពាក់ព័ន្ធដែរ ជា ពិសេសគឺគណៈកម្មការវិនិយោគ ពេលឲ្យគេវិនិយោគ នៅកន្លែងណាសូមឲ្យខេត្តដឹងផងថា ឥឡូវនេះគេមកវិនិយោគនៅ កន្លែងនេះ ដីប៉ុន្មានហិកតា អ្នកធ្វើនេះជនជាតិអី មកពីណា មានទុនប៉ុន្មាន សូមឲ្យខេត្តដឹងផងដើម្បី ឲ្យខេត្តជួយមើលការខុសត្រូវ នៅកន្លែងហ្នឹង ចៀសវាងមានបញ្ហាបានឲ្យគ្នាដឹង ដល់ពេលមានបញ្ហា បានបន្ទោសខេត្ត គឺអត់ត្រូវទេ ។ បើ ឲ្យក្រសួងនីមួយៗ ឲ្យផ្ទេរទៅខេត្ត គឺមិនងាយទេ គាត់មិនផ្ទេរទេ បើផ្ទេរទៅនឹងគឺថា វាអស់ផលប្រយោជន៍ អាហ្នឹង និយាយឲ្យចំ” ។ លើសនេះទៅទៀត លោកឧបនាយករដ្ឋមន្រ្តី ស ខេង អំពាវនាវយ៉ាងខ្លាំងក្លា ទៅដល់អាជ្ញាធរ និង សមត្ថកិច្ចពាក់ព័ន្ធទាំងអស់ ឲ្យមើលការខុសត្រូវ ការពារអ្នកវិនិយោគ ឲ្យបានល្អប្រសើរ ។

គួររំលឹកដែរថា នៅដើមឆ្នាំ២០១៥នេះ អគ្គស្នងការដ្ឋាននគរបាលជាតិ និងក្រសួងមហាផ្ទៃ បានបើកកិច្ចប្រជុំជា បន្តបន្ទាប់ដើម្បីពង្រឹងសន្តិសុខ និងសណ្តាប់ធ្នាប់សង្គម ឲ្យបានកាន់តែប្រសើរ ហើយត្រូវលុបបំបាត់ បទល្មើសផ្សេងៗ ដែលនាំឲ្យប៉ះពាល់ដល់សន្តិសុខ និងសុវត្ថិភាព របស់ប្រជាពលរដ្ឋទូទៅ ក៏ដូចជាភ្ញៀវទេសចរ និងអ្នកវិនិយោគទុនបរទេស ។ តាមរយៈកិច្ចខិតខំប្រឹងប្រែង របស់អគ្គស្នងការដ្ឋាននគរបាលជាតិ និងក្រសួងមហាផ្ទៃ បានធ្វើឲ្យសមត្ថកិច្ចទាំង នៅក្នុងរាជធានីភ្នំពេញ និងតាមបណ្តាខេត្តនានា យកចិត្តទុកដាក់អនុវត្តន៍ តាមគោលនយោបាយ ភូមិ-ឃុំមានសុវត្ថិភាពទាំង ៩ចំណុច ដើម្បីឲ្យប្រជាពលរដ្ឋ អាចរស់នៅ និងប្រកបរបរចិញ្ចឹមជីវិត ដោយសុខសាន្ត គ្មានការភ័យខ្លាច ។ ជាពិសេសការរក្សាសន្តិសុខ ជូនអ្នកវិនិយោគទុន និងភ្ញៀវទេសចរបរទេស គឺជាបញ្ហាសំខាន់បំផុត ដើម្បីទាក់ទាញអ្នកវិនិ យោគទុនផ្សេងៗទៀត ក៏ដូចជាទាក់ទាញភ្ញៀវទេសចរ ពីបណ្តាប្រទេសនានា ទូទាំងពិភពលោក ឲ្យចូលមកវិនិយោគ និង មកកម្សាន្តនៅកម្ពុជា កាន់តែច្រើនឡើងៗ ថែមទៀត ៕

កងរាជអាវុធហត្ថ ខេត្តបន្ទាយមានជ័យ រៀបចំការប្រកួត បាល់ទាត់ សំរាប់កុមារ អាយុក្រោម១៣ឆ្នាំ ក្រោមប្រធានបទ កីឡាគ្មាន គ្រឿងញៀន

E-mail Print PDF

បន្ទាយមានជ័យ៖ នៅថ្ងៃអាទិត្យទី០៣ ខែឧសភា ឆ្នាំ២០១៥  កងរាជអាវុធហត្ថ ខេត្តបន្ទាយមានជ័យ បានរៀបចំការប្រកួត បាល់ទាត់ សម្រាប់កុមារ អាយុក្រោម១៣ឆ្នាំ ដោយសហការ ជាមួយសហភាព សហព័ន្ធយុវជនប្រចាំ ខេត្តបន្ទាយមានជ័យ។ ការប្រកួតនេះ គឺជាការអបអរសាទរ សម្រាប់កុមារអាយុ១៣ឆ្នាំ ក្រោមប្រធានបទ (កីឡាគ្មានគ្រឿងញៀន) ដោយមានការចូលរួម លោកសាន វិជ្ជាសារ៉ាវុធ អនុប្រធាន ស ស យ ក ខេត្តបន្ទាយមានជ័យ។
 
លោកសាប៊ូន វិនតា ដែលជាគណះកម្មការរៀបចំការ ប្រកួតតំណាង អោយកងរាជអាវុធហត្ថ ខេត្តបន្ទាយមានជ័យ ក្នុងកម្មវិធីប្រកួតនេះ លោកសាន វិជ្ជាសារ៉ាវុធបាននាំជូនរង្វាន់លើកទឹកចិត្ត ដល់កីឡាករ៦០នាក់ ដែលតំណាងអោយក្រុមទាំង៤ ដែលបានចូលរួម ក្នុងនោះក្រុមនីមួយៗ ទទួលបាន ទឹកសុទ្ធចំនួន២ កេសនិងនំ២ប្រអប់ ហើយនិងទឹកក្រូច១កេស។
 
លោកសានវិជ្ជា សារ៉ាវុធបានជួយផ្តល់ថវិកាជូនក្រុមអាជ្ញាកណ្តាល ចំនួន២០ម៉ឺនរៀល លោក តាន់ គីមឡេងផ្តល់ថវិកា ជូនក្រុមអាជ្ញាកណ្តាល ចំនួន២០ម៉ឺនរៀលសម្រាប់អាហារ លោកស៊ាន ស៊ីណាត ប្រធានកាំកុងត្រូលខេត្តបន្ទាយមានជ័យ និងលោកហុងលៀងទឹកសុទ្ធ១០កេស លោកឃី គឺមស្រឿនទឹកផ្លែឈើ៣កេស លោកសី ស៊ីល័យ ទឹកផ្លែឈើ២កេស៕

តុលាការ ជំនុំជម្រះសមាជិក «រណសិរ្ស រំដោះជាតិខ្មែរ» ម្នាក់ ពីបទ៖ «រួមគំនិត ក្បត់ជាតិ និង ក្លែងឯកសារ សាធារណៈ»

E-mail Print PDF

ភ្នំពេញ៖ សាលាដំបូង រាជធានីភ្នំពេញ កាលថ្ងៃចន្ទ ទី៤ ខែឧសភា ឆ្នាំ ២០១៥នេះ បានបើកសវនាការ ជំនុំជម្រះ និង កាត់ទោស យុវជនជាប់ចោទម្នាក់ ដែលជាសមាជិក នៃ រណសិរ្សរំដោះជាតិខ្មែរ ក្រោម ការចោទប្រកាន់ ពីបទ៖«រួមគំនិតក្បត់ជាតិ និង ក្លែងឯកសារសាធារណៈ»  ប្រព្រឹតកាល នៅក្នុង ប្រទេសកម្ពុជា កាលពីអំឡុងឆ្នាំ ២០១២ រហូតដល់ឆ្នាំ ខែឧសភា ឆ្នាំ ២០១៤។   

លោកកោ វណ្ឌី ចៅក្រមជំនុំជម្រះ នៃសាលាដំបូងរាជធានីភ្នំពេញ បានឲ្យដឹងថា យុវជនជាប់ចោទរូបនេះមាន ឈ្មោះ ហ៊ិន ចាន់ ភេទប្រុស អាយុ ៣៣ឆ្នាំ ជាសមាជិក នៃ រណសិរ្សរំដោះជាតិខ្មែរ។  ជនជាប់ចោទ ត្រូវបាន ចោទប្រកាន់ពីតំណាងអយ្យការ ពីបទ៖ «រួមគំនិតក្បត់ជាតិ និង ក្លែងឯកសារសាធារណៈ » តាមមាត្រា ៤៥៣ និង ៦២៩ នៃ ក្រមព្រហ្មទណ្ឌ នៃ ព្រះរាជាណាចក្រ កម្ពុជា។ និង ត្រូវបានចាប់ខ្លួន កាលពីថ្ងៃ ទី១២ ខែឧសភា ២០១។

ក្រោយឃាត់ខ្លួន  សមត្ថកិច្ចនគរបាល នៃ សន្តិសុខផ្ទៃក្នុង ក្រសួងមហាផ្ទៃ ដកហូតបានសៀវភៅ របស់ រណសិរ្សរំដោះជាតិខ្មែរ ដែលមានសរសេររៀបរាប់លំអិត អំពីចលនារបស់រណសិរ្សរំដោះជាតិខ្មែរ ទស្សនៈវិន័យ គោលបំណង និងទិសដៅ ចំនួនជាង២៥០ ក្បាល និង សៀវភៅឆ្លងដែនខ្មែរ ក្លែងក្លាយ ចំនួន១ក្បាល។

តុលាការនឹប្រកាសសាលក្រម នៃ សំណុំរឿងក្តីនេះ នៅថ្ងៃ ទី ៤ ខែ មិថុនា ឆ្នាំ ២០១៥ ខាងមុននេះ៕

អ.ហ ខណ្ឌច្បារអំពៅ ឃាត់ ខ្លួនជនសង្ស័យ ៣នាក់ពាក់ព័ន្ឋ ចែកចាយគ្រឿងញៀន

E-mail Print PDF

ភ្នំពេញ : ជនសង្ស័យ៣ នាក់ ត្រូវបានកម្លាំង កងរាជអាវុធហត្ថ ខណ្ឌច្បារអំពៅ ឃាត់ខ្លួន ជាប់ពាក់ព័ន្ឋគ្រឿងញៀន កាលវេលាម៉ោង ១៥និង១០នាទីថ្ងៃទី០៤ ខែឧសភា ឆ្នាំ២០១៥ ស្ថិតនៅក្នុងបន្ទប់ជួល ភូមិតាងូវក្រោម សង្កាត់និរោធ ខណ្ឌច្បារអំពៅ  ។

ក្នុងប្រតិបត្តិការ ដែលដឹកនាំដោយ លោក វរះសេនីយ៍ទោ គិត សុផល មេបញ្ជាការ កងរាជអាវុធហត្ថ ខណ្ឌច្បារអំពៅ បានចុះឆែកឆេរបន្ទប់ជួល របស់ឈ្មោះជា សុភក្តិ ភេទប្រុស អាយុ ២២ឆ្នាំ មុខរបរ ជាងបាញ់ថ្នាំរថយន្ត ស្ថិតក្នុងភូមិតាងៅក្រោម សង្កាតនិរោធ ខណ្ឌច្បារអំពៅ ហើយ ឃាត់ខ្លួនជនសង្ស័យ បានចំនួន០៣នាក់ ។

លោក គិត សុផល មេបញ្ជាការមូលដ្ឋាន អាវុធហត្ថខណ្ឌច្បារអំពៅ បានអោយដឹងថា ជនជាប់ សង្ស័យចែកចាយ  គ្រឿងញៀនដែលឃាត់ខ្លួន ទាំង៣នាក់នេះ មានទី១-តាំង វៀន ភេទ ប្រុស អាយុ ៣២ឆ្នាំ មុខរបរ កម្មករសំណង់ ស្នាក់នៅ ភូមិតាងៅក្រោម សង្កាត់និរោធ ខណ្ឌច្បារអំពៅ ។ ២ ពៅ សាវឿន ភេទ ប្រុស អាយុ ២៣ឆ្នាំ មុខរបរ រត់ម្ហូបតុការ ស្នាក់នៅ ភូមិតាងៅក្រោម សង្កាត់និរោធ ខណ្ឌច្បារអំពៅ ។ ៣-ឈ្មោះ ផា សុភក្តិ ប្រុស អាយុ ២២ឆ្នាំ មុខរបរ ជាងបាញ់ថ្នាំរថយន្ត ស្នាក់នៅ ភូមិតាងៅក្រោម សង្កាត់និរោធ ខណ្ឌច្បារអំពៅ ។

លោកមេបញ្ជាការកងរាជ អាវុធហត្ថខណ្ឌ បានឲ្យដឹងថា ជារៀងថ្ងៃ ដោយអនុវត្ត តាមបទបញ្ជា របស់ លោក រ័ត្ន ស្រ៊ាង មេបញ្ជាការកងរាជអាវុធហត្ថ រាជធានីភ្នំពេញ លោកបាន ដាក់កម្លាំងល្បាត និងចុះធ្វើ រដ្ឋបាល ក្នុងតំបន់ស្មុគស្មាញ ក្នុងភូមិសាស្រ្តរបស់ខ្លួន ពេលមកដល់ ចំណុចកើតហេតុ ក៏ប្រទះ មុខ សញ្ញាសង្ស័យ ដោយមាន ការសង្ស័យ ទើបកម្លាំងល្បាតហៅសួរ ដោយឃើញសមត្ថកិច្ចហៅ សួរនាំ ជនសង្ស័យបានឆែក រកឃើញថ្នាំក្រាម ពណ៌សថ្លា ២កញ្ចប់តូច កម្លាំង ក៏ឃាត់ខ្លួនយកមកកាន់ស្នាក់ ការ តែម្តង ។  ចំណែកបក្ខពួក២នាក់ទៀត បានរត់គេចខ្លួន ។

បច្ចុប្បន្នជនសង្ស័យទាំង ៣នាក់ រួមទាំងវត្ថុតាង ថ្នាំញៀន ២កញ្ចប់តូច និងឧបករណ៍សម្រាប់សេព មួយចំនួន ត្រូវបញ្ជូនទៅកាន់ ទីបញ្ជាការកងរាជអាវុធហត្ថ រាជធានីភ្នំពេញ ដើម្បី កសាងសំណុំ រឿងបញ្ជូនទៅ សាលាដំបូង រាជធានី ភ្នំពេញ ចាត់ការតាមនីតិវិធីច្បាប់ ៕

អភិបាល ស្រុកជាំក្សាន្ត ចុះធ្វើស្ពានជូន ប្រជាពលរដ្ឋឆ្លងកាត់ នៅឃុំយាង

E-mail Print PDF

ព្រះវិហារ ៖ ដោយសារតែ មានការលំបាក ក្នុងការធ្វើដំណើរ ក៏ដូចជាការដឹកជញ្ជូនទំនិញ និង កសិផល ផ្សេងៗ សម្រាប់ប្រជាពលរដ្ឋ ដែលរស់នៅ ភូមិកំពេញ ឃុំយាង ស្រុកជាំក្សាន្ត ខេត្ត ព្រះវិហារ នាពេល កន្លងទៅនោះ កាលពីព្រឹកថ្ងៃទី៤ ខែឧសភា ឆ្នាំ២០១៥ អភិបាល ស្រុក ជាំក្សាន្ត លោក ជា គឹមសេង បានដឹកនាំក្រុមការងារ ចុះទៅពិនិត្យ និង ធ្វើស្ពានជូន ប្រជាពលរដ្ឋ នៅតំបន់តែម្តង។

ស្ពានធ្វើអំពីឈើ ប្រវែង១០ម៉ែត្រ ត្រូវបានលោក អភិបាលស្រុក ចំណាយថវិកាផ្ទាល់ ព្រមទាំងមានការ ចូលរួម ពីមន្រ្តី សាលាស្រុក មួយចំនួននោះ ត្រូវបានកសាងឡើង សម្រាប់ប្រជាពលរដ្ឋ ឆ្លងកាត់ និងធ្វើដំណើរ ទៅវិញ ទៅមកប្រចាំថ្ងៃ។

នៅចំពោះមុខប្រជាពលរដ្ឋ លោកអភិបាលស្រុកជាំក្សាន្ត ដែលបានចុះទៅ សំណេះសំណាល ដល់ផ្ទះរបស់ពួក គាត់តែម្តង បានថ្លែងថា ដោយមានការសំណូមពររបស់បងប្អូន ចំពោះភាពលំបាក នៃការធ្វើដំណើរប្រចាំថ្ងៃ ដោយសារតែ គ្មានស្ពាន ឆ្លងកាត់នោះ ទើបលោកបានសុំគោលការណ៍ ពីអភិបាលខេត្ត ទើបមាន ការឯកភាពនោះ លោក និងក្រុមការងារ ក៏ចុះមកធ្វើជូនតែម្តង។

សម្រាប់សម្មិទ្ធថ្មីខាងលើនេះ បងប្អូន ប្រជាពលរដ្ឋ រស់នៅតំបន់នោះ មានចិត្តសប្បាយរីករាយ ដោយបាន ឃើញ លោកអភិបាល ស្រុកចុះសួរសុខទុក្ខ និងសំណេះសំណាល ដល់ទីលំនៅរបស់ពួកគាត់៕

Page 6 of 438