left
Safe Home
Safe Home
Safe Home

Dap News...Admin

Thursday, May 28th

| English Version | dapnews: 012 571 704, 097 9999 883, email: lim.cheavutha@gmail.com

You are here:
 
Cellcard

ជាងឡើងចាប់ជ្រី ដំបូលផ្ទះ ក្បែរខ្សែរកាប្លិ៍ធំ បណ្តាលឲ្យឆ្លងចរន្ត ឆក់ស្លាប់ម្នាក់

E-mail Print PDF

បាត់បងបង ៖ ជាងផ្ទះម្នាក់ បានឡើងចាប់ជ្រី ដំបូលផ្ទះក្បែរខ្សែរកាប្លិ៍ធំ បណ្តាលឲ្យឆ្លងចរន្ត ឆក់ស្លាប់ កាលពី វេលាម៉ោង៨ព្រឹក ថ្ងៃទី២៨ ខែឧសភា ឆ្នាំ២០១៥ នៅចំណុចភូមិភ្នំតូច ឃុំពេជ្រចិន្តា ស្រុកភ្នំព្រឹក បច្ចុប្បន្នសព ជនរងគ្រោះកំពុងតម្កល់ រងចាំសាច់ញាតយក ទៅធ្វើបុណ្យតាមប្រពៃណី ។

លោក សារ៉េត វិសេដ្ឋ អធិការរងនគរបាល ស្រុកភ្នំព្រឹកបានឲ្យដឹងថា កាលពីវេលាម៉ោង៨ព្រឹក ថ្ងៃទី២៨ ខែឧសភា ឆ្នាំ២០១៥ នៅចំណុចភូមិភ្នំតូច ឃុំពេជ្រចិន្តា ស្រុកភ្នំព្រឹក មានករណីឆក់ខ្សែ ភ្លើងបណ្តាល ឲ្យជាងធ្វើផ្ទះម្នាក់ បានស្លាប់ជនរងគ្រោះមានឈ្មោះ បញ្ញា ភេទប្រុសអាយុ២៩ឆ្នាំ មានទីលំនៅភូមិ.ឃុំបារាយ ស្រុកកំពង់លាវ ខេត្តព្រៃវែង បច្ចុប្បន្នមក ស្នាក់នៅបណ្តោះអាសន្ន ធ្វើជាងផ្ទះនៅស្រុកភ្នំព្រឹក ។

  តាមសាក្សីបាននិយាយ ប្រាប់សមត្ថកិច្ចថា មុនពេលកើតហេតុ ជនរងបានឡើងចាប់ជ្រី ដំបូលផ្ទះមាន កម្ពស់ ៨ម៉ែត្រ ហើយកន្លែងធ្វើជ្រី ដំបូលផ្ទះ មានចម្ងាយពីខ្សែកាប្លិ៍ធំ ប្រហែល១ម៉ែត្រ ដែលជាកន្លែង ហាមឃាត់នេះ បើតាមខាងបច្ចេកទេសអគ្គីសនី បានប្រាប់ ។ ព្រោះខ្សែភ្លើងកាប្លិ៍ ធំគេហាមនៅជិតខ្សែធំ ចាប់ពី២ម៉ែត្រឡើងទៅ ព្រោះវាអាចស្រូបទាញយកដោយខ្លួនឯង បើរយៈចម្ងាយមាន ប្រវែងក្រោម២ម៉ែត្រ ។ បន្ទាប់ពីកើតហេតុហើយ សមត្ថកិច្ចចុះ ទៅពិនិត្យកន្លែងកើតហេតុនិង ធ្វើកោសល្យវិច័យ និងសាកស្សីបានបំភ្លឺ ប្រាប់សមត្ថកិច្ច រួចបាន សន្និដ្ឋានថា ជនរងគ្រោះពិតជាបានស្លាប់ ដោយសារស្រូបចរន្តអគ្គិសនី ឆក់ឆ្លាប់ពិតប្រាកដមែន ហើយបាន តម្កល់សពរងចាំសាច់ញាត យកទៅធ្វើបុណ្យតាមប្រពៃណី ៕

គ.ជ.ប នឹងប្រគល់ សេចក្តីព្រាង បទបញ្ជា និងនីតិវិធី សម្រាប់ការចុះឈ្មោះ បោះឆ្នោតឲ្យ EU ថ្ងៃទី២ មិថុនា

E-mail Print PDF

ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) នឹងប្រគល់នូវសេចក្តីព្រាងបទបញ្ជា និង នីតិវិធី សម្រាប់ការចុះឈ្មោះបោះឆ្នោត ដើម្បីរៀបចំបញ្ជីបោះឆ្នោតថ្មី ដែលក្រុមការងារបច្ចេកទេស គ.ជ.ប បានរៀបចំ រួចរាល់ ១០០ភាគរយ ទៅឲ្យសហគមន៍អឺរ៉ុប (EU) នៅថ្ងៃទី២ ខែមិថុនា ឆ្នាំ២០១៥ ខាងមុខ។

យោងតាមលទ្ធផលនៃកិច្ចប្រជុំរវាង លោក គួយ ប៊ុនរឿន អនុប្រធាន គ.ជ.ប និងជាប្រធានគណៈកម្មការ ចំពោះ កិច្ច ជាមួយប្រតិភូបច្ចេកទេសបោះឆ្នោតមកពីសហគមន៍អឺរ៉ុប ដឹកនាំដោយលោក ម៉ាក ស្ទីវិន កាលពីរសៀលថ្ងៃ ទី២៧ ខែឧសភា ឆ្នាំ២០១៥ បានឲ្យដឹងថា ក្នុងកិច្ចប្រជុំ គ.ជ.ប បានបង្ហាញពីផែនការសកម្មភាព និង បច្ចុប្បន្ន ភាពការងាររបស់ គ.ជ.ប។

ក្នុងនោះ គ.ជ.ប សន្យាប្រគល់ជូនសហគមន៍អឺរ៉ុបនូវសេចក្តីព្រាងទាំងពីរ នៅថ្ងៃទី២ ខែមិថុនា ហើយបានស្នើសុំ សហគមន៍អឺរ៉ុប ផ្តល់អនុសាសន៍មកវិញ ៣សប្តាហ៍បន្ទាប់។

ពាក់ព័ន្ធនឹងការចុះឈ្មោះបោះឆ្នោតនេះ អង្គការមិនមែនរដ្ឋាភិបាល ភ្នាក់ងារគណបក្សនយោបាយ អាចសង្កេត មើលគ្រប់ដំណើរការ នៃការចុះឈ្មោះបោះឆ្នោត៕

វិចារណកថាៈ ក្រសួងពាក់ព័ន្ធ គួរចាត់វិធានការ លើអង្គការ មូលនិធិ ដែលបោកប្រាស់ ប្រជាពលរដ្ឋ

E-mail Print PDF

ប្រជាពលរដ្ឋ ដែលដាក់ប្រាក់វិនិយោគជាមួយគម្រោងរបស់អង្គការ អភិវឌ្ឍន៍អាស៊ីអាគ្នេយ៍ (AIF) សមាគមអ្នក ប្រឹក្សាវិនិយោគ ICA និង ក្រុមហ៊ុន EBC (Emprire Big Capital Limited) មានភ្ញាក់ផ្អើលយ៉ាងខ្លាំងក្រោយ ពេលក្រសួងសេដ្ឋកិច្ច និងហិរញ្ញវត្ថុ និង គណៈកម្មការមូលបត្រកម្ពុជាចេញ សេចក្តីជូនដំណឹងឲ្យសាធារណជន ប្រុងប្រយ័ត្នចំពោះការដាក់ទុនវិនិយោគជាមួយសា្ថប័នទាំងនេះ។ ប្រជាពលរដ្ឋ បានអំពាវនាវឲ្យក្រសួងសេដ្ឋកិច្ច  និង ហិរញ្ញវត្ថុចាត់វិធានការលើស្ថាប័នទាំង ៣ខាងលើនេះតាមច្បាប់ ដើម្បីកុំឲ្យពួកគេបោកប្រាស់ប្រជាពលរដ្ឋ ស្រេចអំពើចិត្តតទៅទៀត ព្រោះក្រសួងហិរញ្ញវត្ថុ បានដឹងច្បាស់ពីល្បិចកលរបស់ស្ថាប័នទាំងនោះ រួចហើយ។  ជាងនេះទៅទៀតប្រជាពលរដ្ឋ ដែលបានដាក់ទុនវិនិយោគជាមួយអង្គការសមាគម និងក្រុមហ៊ុនទាំង ៣ខាងលើ នេះកំពុងទាមទារដកប្រាក់របស់ពួកគាត់មកវិញ ហើយអំពាវនាវឲ្យមន្រ្តីអាជ្ញាធរ និងសមត្ថកិច្ចចាត់វិធានការជួយ ដល់ពួកគាត់ជាបន្ទាន់ផងដែរ ។

ទាក់ទងនឹងបញ្ហាខាងលើនេះ កាលពីថ្ងៃទី២៦ ខែឧសភា ឆ្នាំ២០១៥ លោក ឈួរ ច័ន្ទឌឿន អភិបាលខេត្តកំពង់  ឆ្នាំង បានចេញលិខិតមួយច្បាប់ទៅកាន់អគ្គនាយកអង្គការអភិវឌ្ឍន៍អាស៊ីអាគ្នេយ៍ឲ្យផ្អាកជាបន្ទាន់នូវសកម្មភាព របស់ខ្លួន នៅលើទឹកដីខេត្តកំពង់ឆ្នាំង ហើយរង់ចាំដល់មានការអនុញ្ញាតច្បាប់ពីក្រសួងសេដ្ឋកិច្ច និង ហិរញ្ញវត្ថុ  និងគណៈកម្មការមូលបត្រកម្ពុជា ហើយទទួលខុសត្រូវទាំងស្រុង ចំពោះសាធារណជន ដែលបានដាក់ប្រាក់វិនិ យោគផ្ទាល់ខ្លួន ឬបើកគណនីនៅធនាគារ ដោយអង្គការសន្យាផ្តល់ការប្រាក់ដល់អ្នកវិនិយោគទាំងនោះនៅអត្រា ការប្រាក់ខ្ពស់។ បញ្ហានេះក្រសួងសេដ្ឋកិច្ច និងហិរញ្ញវត្ថុ ក៏ដូចជាគណៈកម្មការមូលបត្រកម្ពុជាត្រូវចាត់វិធានការ ជាបន្ទាន់ ដើម្បីឲ្យអង្គការ សមាគម និង ក្រុមហ៊ុនខាងលើ សងប្រាក់ទៅអតិថិជនរបស់ខ្លួនវិញ។ ដោយហេតុថា  ការ ដែលគ្រាន់តែជូនដំណឹងដល់ប្រជាពលរដ្ឋឲ្យប្រុងប្រយ័ត្ន ចំពោះល្បិចកលរបស់អង្គការ សមាគម និង ក្រុម ហ៊ុនទាំង ៣ខាងលើ គឺប្រជាពលរដ្ឋមិនអាចទទួលបានដំណឹងនេះ ទាន់ពេលវេលានោះទេ។

ប្រជាពលរដ្ឋ ដែលចាញ់បោកគម្រោងរបស់អង្គការមូលនិធិអភិវឌ្ឍន៍អាស៊ីអាគ្នេយ៍ សមាគមអ្នកប្រឹក្សាវិនិយោគ  និង ក្រុមហ៊ុន EBC ភាគច្រើនរស់នៅខេត្តកំពង់ឆ្នាំង និងខេត្តបាត់ដំបង ហើយពួកគាត់កំពុងព្រួយបារម្ភ ចំពោះ ប្រាក់វិនិយោគរបស់ពួកគាត់ ដែលបង់ជាមុនរួចទៅហើយ។ ប្រជាពលរដ្ឋនៅតាមបណ្តាខេត្តនានា ដែលចាញ់ បោកអង្គការ សមាគម និងក្រុមហ៊ុនទាំង៣ខាងលើក៏មានភាពជ្រួលច្របល់ដូចគ្នាដែរ ហើយកំពុងតែស្វែងរក អន្តរាគមន៍ពីអាជ្ញាធរ និងក្រសួងពាក់ព័ន្ធ ដើម្បីបានប្រាក់ត្រឡប់មកវិញ ដោយពួកគាត់មិនចង់បានការប្រាក់ខ្ពស់ ដូចការបោកបញ្ឆោតនាពេលកន្លងមកនោះទេ ។ ប្រជាពលរដ្ឋជឿជាក់ថា ក្រសួងសេដ្ឋកិច្ច និង ហិរញ្ញវត្ថុ មាន លទ្ធភាពគ្រប់គ្រាន់ក្នុងការទប់ស្កាត់សកម្មភាពបោកប្រាស់រកស៊ី តាមរបៀបធ្វើនំអត់ម្សៅរបស់អង្គការសមាគម  និងក្រុមហ៊ុនទាំងនោះ ដូច្នេះក្រសួងសេដ្ឋកិច្ច និងហិរញ្ញវត្ថុ ត្រូវចាត់វិធានការជាបន្ទាន់ទៅលើអង្គការ សមាគម  និងក្រុមហ៊ុនទាំងនោះ ឲ្យសងលុយដល់ប្រជាពលរដ្ឋវិញដោយឥតលក្ខខណ្ឌ។

អ្នកជំនាញសេដ្ឋកិច្ចបានលើកឡើងថា ការផ្តល់សេវាវិនិយោគរបស់អង្គការមូលនិធិអភិវឌ្ឍន៍អាស៊ីអាគ្នេយ៍ ដែល  ផ្តល់ការប្រាក់ខ្ពស់សម្រាប់ប្រជាពលរដ្ឋនោះ គឺជាការកេងចំណេញខ្ពស់ និង ជារបៀបបោកប្រាស់សម័យថ្មីទៅ លើប្រជាពលរដ្ឋ ដែលខ្វះការយល់ដឹងផ្នែកហិរញ្ញវត្ថុ។ គេបានលើកឡើងទៀតថា គម្រោង ដែលឲ្យការប្រាក់ក្នុង លុយ ១០០០ ដុល្លារ បាន១០០ដុល្លារ ជាការបែងចែកលុយរបស់អ្នកដាក់ទុនទៅឲ្យអ្នកដាក់ទុនខ្លួនឯងវិញ ក្នុង  រយៈពេលដំបូង ហើយនៅពាក់កណ្តាលទីគេអាចប្រមូលលុយរត់បាត់តែម្តង។ ប៉ុន្តែគម្រោងនេះ អាចបោកបាន សម្រាប់តែមនុស្ស ដែលលោភលន់ និង ខ្វះការពិចារណាចង់បានការប្រាក់ច្រើន ដោយភ្លេចគិតពីល្បិចបោក ប្រាស់របស់ជនខិលខូច។ បញ្ហានេះ ក្រសួង និង ស្ថាប័នពាក់ព័ន្ធទាំងអស់ ត្រូវចាត់វិធានការទប់ស្កាត់ជាបន្ទាន់  ដើម្បីកុំឲ្យជនខិលខូចមួយក្រុមឃុបឃិតជាប្រព័ន្ធប្រជាពលរដ្ឋតទៅទៀត។

បើតាមដឹងគម្រោងវិនិយោគរបស់អង្គការមូលនិធិអភិវឌ្ឍន៍អាស៊ីអាគ្នេយ៍ មានអតិថិជនមិនតិចជាង ១ម៉ឹននាក់ នោះទេ ហើយក្នុងម្នាក់ៗបង់លុយទៅឲ្យអង្គការចន្លោះពី ៥០០ និង១០០០ រហូតដល់២០០០ដុល្លារ ដើម្បីចង់ បានការប្រាក់ ។ ប៉ុន្តែក្រសួងសេដ្ឋកិច្ច និងហិរញ្ញ និងគណៈកម្មការមូលបត្រកម្ពុជា បានអំពាវនាវដល់ប្រជាពល  រដ្ឋទូទាំង ប្រទេសឲ្យមានការប្រុងប្រយ័ត្នចំពោះគម្រោងវិនិយោគរបស់អង្គការមូលនិធិអភិវឌ្ឍន៍អាស៊ីអាគ្នេយ៍ ជា  មួយសមាគមអ្នកប្រឹក្សាវិនិយោគ និងក្រុមហ៊ុន EBC ដែលផ្តល់សេវាវិនិយោគមានលក្ខណៈជាបណ្តាញតៗគ្នា ខុសច្បាប់កំណត់។ លើសនេះទៅទៀត ក្រសួងសេដ្ឋកិច្ច និងហិរញ្ញវត្ថុបានបញ្ជាក់ថា ក្រសួងពុំបានផ្តល់ប្រតិបត្តិ ការហិរញ្ញវត្ថុក្នុង ការប្រមូលប្រាក់សន្សំពីប្រជាពលរដ្ឋដល់អង្គការ សមាគមក្រុមហ៊ុន នូវអត្រាការប្រាក់ខ្ពស់នោះ ទេ។ ប្រការនេះហើយ ដែលអ្នកជំនាញផ្នែកហិរញ្ញវត្ថុបានអំពាវនាវឲ្យក្រសួង និងស្ថាប័នពាក់ព័ន្ធចាត់វិធានការ ទប់ស្កាត់ជាបន្ទាន់កុំឲ្យអង្គការ សមាគម និងក្រុមហ៊ុនទាំងនោះ បោកប្រាស់ប្រជាពលរដ្ឋខ្មែរតាមអំពើចិត្ត៕

ថ្ងៃទី២៧ ឧសភា គ្មានអ្នកស្លាប់ ដោយសារគ្រោះថ្នាក់ ចរាចរទេ

E-mail Print PDF

ភ្នំពេញ៖ ជីវិតអ្នកដំណើរលើដងវិថី ត្រូវបានសមត្ថកិច្ច រាយការណ៍ថា មានស្លាប់ស្ទើរតែរៀងរាល់ថ្ងៃដោយសារ  គ្រោះថ្នាក់ចរាចរណ៍យ៉ាងហោចណាស់ក៏១នាក់ដែរ តែសម្រាប់ថ្ងៃទី២៧ ខែឧសភា ម្សិលមិញនេះ ចាត់ទុកជាថ្ងៃ  ដ៏ល្អប្រសើរមួយសម្រាប់ស្ថានភាពចរាចរណ៍នៅកម្ពុជា ចំនួនគ្រោះថ្នាក់កើតឡើងតិច ហើយមិនមានអ្នកបាត់បង់ ជីវិតនោះទេ គឺមានតែអ្នករបួសចំនួន ៧នាក់។

យោងតាមរបាយការណ៍នាយកដ្ឋានសណ្តាប់ធ្នាប់ នៃអគ្គស្នងការដ្ឋាននគរបាលជាតិ បានបញ្ជាក់ថា ថ្ងៃទី២៧  ខែឧសភា ម្សិលមិញនេះ នៅទូទាំងប្រទេសកម្ពុជា កើតមានករណីគ្រោះថ្នាក់តែ ០៣លើកប៉ុណ្ណោះ។

របាយការណ៍ បានបញ្ជាក់ថា គ្រោះថ្នាក់ចរាចរណ៍ ០៣លើកនេះ បណ្តាលឲ្យខូចខាតម៉ូតូចំនួន ០៥គ្រឿង, រថ យន្តតូច-ធំ ០៤គ្រឿង។ មូលហេតុ នៃការគ្រោះថ្នាក់ទំាងអស់នេះ បណ្តាលមកពីការបើកល្មើសល្បឿន និង ដើរ ឆ្លងផ្លូវ។

កម្លាំងនគរបាលកាលពីថ្ងៃម្សិលមិញ ក៏បានឃាត់រថយន្តពិន័យសរុបចំនួន ៧៤៩គ្រឿង (រថយន្តធុនធំ ២៧៤ គ្រឿង) ស្មើនឹង ៧៨៤ករណី និងម៉ូតូត្រូវ បានពិន័យចំនួន ១.៥៧៣គ្រឿង។ រថយន្ត និងម៉ូតូទាំងនេះ សុទ្ធតែ ល្មើសនឹងច្បាប់ចរាចរណ៍។

ឧត្តមសេនីយ៍ រុន រ័ត្នវាសនា ប្រធាននាយកដ្ឋានសណ្តាប់ធ្នាប់ បានអំពាវនាវឲ្យប្រជាពលរដ្ឋធ្វើដំណើរតាមដងវិថី  ចូលរួមគោរពច្បាប់ចរាចរណ៍ទាំងអស់គ្នា ដើម្បីចៀសវាងបញ្ហាគ្រោះថ្នាក់ចរាចរណ៍ធ្វើឲ្យបាត់បង់ជីវិតខ្លួនឯង ឬ  ជីវិតរបស់អ្នកដទៃ៕

នគរបាល ខេត្តកំពង់ចាម តាមចាប់ជន ប្រព្រឹត្តបទល្មើស ២ នាក់តាមដីកា របស់តុលាការ

E-mail Print PDF

កំពង់ចាម : ជនប្រព្រឹត្តបទ ល្មើស២នាក់ ដែលបានរត់ គេចខ្លួន អស់រយ:ពេលជា យូរណាស់មកហើយ ក្នុងទឹក ដីខេត្តកំពង់ចាមនោះ ត្រូវបានកម្លាំងនគរបាល បានធ្វើការស្រាវជ្រាវ តាមដីកាបញ្ជា អោយចាប់ខ្លួន របស់តុលាការ បានសម្រេច នៅរសៀលថ្ងៃទី២៧ ខែឧសភា ឆ្នាំ២០១៥ ។

ជនត្រូវចោទទាំង២នាក់ បានប្រព្រឹត្តបទល្មើសហិង្សា ដោយចេតនា នៅទឹកដីក្រុង កំពង់ចាម កាលពីឆ្នាំ ២០១១ និងជនត្រូវចោទម្នាក់ទៀត អាចជាប់ពាក់ព័ន្ឋសកម្មភាព ប្លន់នៅក្នុងទឹកដី ស្រុកកំពង់សៀម ផងដែរ។

មន្ត្រីនគរបាលព្រហ្មទណ្ឌ នៃស្នងការដ្ឋាននគរបាល ខេត្តកំពង់ចាម បានថ្លែងឲ្យដឹងថា តាមរយ:ដីកា បញ្ជាអោយចាប់ខ្លួនរបស់តុលាការ និងមានការបញ្ជាផ្ទាល់ពីសំណាក់ស្នងការនគរបាល ខេត្ត កម្លាំង នគរបាលជំនាញ ព្រហ្មទណ្ឌ និងនគរបាល តាមក្រុង ស្រុក បានបើកការស្រាវជ្រាវ តាមចាប់ជន ត្រូវចោទទាំង ២នាក់ ដើម្បីកសាងសំណុំរឿង បញ្ជូនទៅកាន់តុលាការ មានវិធានការតាមនីតិវិធី ។

សម្រាប់ជនត្រូវចោទ ទី១ត្រូវបានលោក ទិតសុទ្ឋី បូរ៉ាល័ក្ខណ៍ ចៅក្រមជំនុំជម្រះ សាលាដំបូង ខេត្តកំពង់ចាម កាលពីថ្ងៃទី២៣ ខែកក្កដា ឆ្នាំ២០១៣ បានចេញដីកា បង្គាប់អោយចាប់ខ្លួន ឈ្មោះ ទឹម ឈាង អាយុ ៤២ឆ្នាំ រស់នៅភូមិអំពិលលើ ឃុំអំពិល ស្រុកកំពង់សៀម ពីបទប្រើហិង្សាដោយ ចេតនាស្ថិត នៅភូមិបឹងកុក២ សង្កាត់បឹងកុក ក្រុងកំពង់ចាម កាលពីថ្ងៃទី១៦ ខែមីនា ឆ្នាំ២០១១ ។

ដោយឡែកជនត្រូវចោទ ទី២ ឈ្មោះ ម៉េង មីនា អាយុ ២១ឆ្នាំ រស់នៅភូមិអំពិលលើ ឃុំអំពិល ស្រុក កំពង់សៀម មានមុខរបរមិនពិតប្រាកដ ក៏ត្រូវបានតុលាការចេញដីកាចាប់ខ្លួនផងដែរ ពាក់ព័ន្ឋទៅ នឹងអំពើហិង្សា កាលពីពេលកន្លងទៅ នៅក្នុងទឺកដី ក្រុងកំពង់ចាម ។

ស្នងការនគរបាល ខេត្តកំពង់ចាម លោកឧត្តម សេនីយ៍ បែន រ័ត្ន បានបញ្ជាក់ថា ចំពោះដីកា ដែលចេញដោយតុលាការ គឺកម្លាំងរបស់លោក ធ្វើការស្រាវជ្រាវ តាមចាប់ខ្លួនជាបន្តបន្ទាប់ បើសិនដីកាទាំងនោះ មិនទាន់ហួសសុពលភាព ហើយជាក់ស្តែងជនប្រព្រឹត្ត បទល្មើសជាបន្តបន្ទាប់ ត្រូវបានចាប់ ខ្លួន ដែលជនល្មើសខ្លះ បានប្រព្រឹត្តសកម្មភាព តាំងពីឆ្នាំ១៩៩០ជាងមកម៉្លេះ ៕

បំពាក់មេដាយ កិត្តិយស ជូនមន្ត្រី ជាន់ខ្ពស់ ស្ថានទូតអូស្ត្រាលី ដែលបានជួយការងារ ពិការភាពនៅកម្ពុជា

E-mail Print PDF

- ២១ឆ្នាំ អូស្ត្រាលី ជួយកម្ពុជា ២៥លានដុល្លារ ក្នុងវិស័យពិការភាព

ភ្នំពេញ៖ មន្រ្តីជាន់ខ្ពស់ស្ថានទូតអូស្ត្រាលីប្រចាំនៅកម្ពុជា ៤រូប បានទទួលមេដាយកិត្តិយសពីរាជរដ្ឋាភិបាលកម្ពុ ជាឆ្លើយតប ចំពោះសណ្តានចិត្តមនុស្សធម៌ និងគុណបំណាច់របស់រាជរដ្ឋាភិបាលអូស្ត្រាលី ដែលបានផ្តល់ថវិកា  រួមនិង កម្លាំងក្លាយចិត្ត ដើម្បីជួយដល់ជនពិការ និងវិស័យពិការភាពនៅកម្ពុជា ឲ្យមានស្ថានភាពល្អប្រសើរ។  ចាប់តាំងពីឆ្នាំ ១៩៩៥ រហូតដល់ឆ្នាំ២០១៦ រាជរដ្ឋាភិបាលអូស្ត្រាលី បានផ្តល់ថវិកាជាង ២៥លានដុល្លារ ដើម្បី ជ្រោមជ្រែងលើវិស័យពិការភាព ក៏ដូចជាជនពិការនៅកម្ពុជា។

មេដាយកិត្តិយសនេះ ត្រូវបានបំពាក់ដោយលោក វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិ  សម្បទា និងជាប្រធានក្រុមប្រឹក្សាសកម្មភាពជនពិការ នៅទីស្តីការក្រសួងសង្គមកិច្ច អតីតយុទ្ធជន និងយុវនីតិ សម្បទានាព្រឹកថ្ងៃទី២៧ ខែឧសភា ឆ្នាំ២០១៥។

មន្រ្តីស្ថានទូត ដែលទទួលបានមេដាយកិត្តិយសពីរាជរដ្ឋាភិបាលកម្ពុជារួមមាន៖ លោកស្រី អាលីសុន ប៊ើររ៉ូ ឯក អគ្គរាជទូតអូស្ត្រាលីប្រចាំនៅកម្ពុជា ទទួលមេដាយសហមេត្រី ថ្នាក់មហាសេនា, លោក ប៉ូល ឃីអូ នាយកប្រតិ  បត្តិការអភិវឌ្ឍន៍ នៃទីភ្នាក់ងារអូស្ត្រាលី ដើម្បីអភិវឌ្ឍន៍អន្តរជាតិ ទទួលមេដាយ សហមេត្រី ថ្នាក់ធិបឌិន្ទ, លោក  នីកូឡាស វូសហ្វ៍ លេខាទី២ នៃស្ថានទូតអូស្រ្តាលីប្រចាំនៅកម្ពុជា មេដាយ សហមេត្រី ថ្នាក់សេនា និង លោក  បាក់ តូក្យូ ប្រធានកម្មវិធីពិការភាព មេដាយសហមេត្រី ថ្នាក់សេនា។

លោក វង សូត បានសម្តែងនូវការកោតសរសើរ និង វាយតម្លៃខ្ពស់ ចំពោះកិច្ចខិតខំប្រឹងប្រែង និងសហប្រតិបត្តិ ការបានយ៉ាងល្អរវាងប្រទេសអូស្រ្តាលី និងប្រទេសកម្ពុជា ដើម្បីលើកកម្ពស់វិស័យសុខុមាលភាពជនពិការឲ្យ កាន់តែប្រសើរ។ លើសពីនេះ ប្រទេសអូស្រ្តាលីជាដៃគូរមួយយ៉ាងសំខាន់ ក្នុងការអភិវឌ្ឍន៍វិស័យជនពិការក្នុង ប្រទេសកម្ពុជា។

លោករដ្ឋមន្រ្តី បានគូសបញ្ជាក់ថា លោកស្រី អាលីសុន ប៊ើររ៉ូ ឯកអគ្គដ្ឋទូតប្រទេសអូស្រ្តាលីប្រចាំកម្ពុជា ក៏ដូចជា ប្រជាជនអូស្រ្តាលី បានចូលរួមជួយយ៉ាងសំខាន់ ក្នុងកិច្ចសហប្រតិបត្តិការល្អលើវិស័យអភិវឌ្ឍន៍ពិការភាពកម្ពុជា  តាមរយៈជំនួយដោយផ្ទាល់ និងតាមរយៈអង្គការសង្គមស៊ីវិលនានា។ ជាពិសេស ការជួយកសាងច្បាប់ និងអនុ សញ្ញាផ្សេងៗ ស្តីពីកិច្ចការពារជនពិការ ក៏ដូចជាសម្រួលដល់កិច្ចការផ្សេងៗ និងកំណត់ជំរុញឲ្យស្ថាប័នទាំងរដ្ឋ  និងឯកជន ទទួលយកជនពិការបម្រើការងារយ៉ាងពេញលេញដូចមនុស្សធម្មតា។

លោក វង សូត ក៏បានប្រាប់ទៅមន្រ្តីស្ថានទូតអូស្ត្រាលីផងដែរថា កម្ពុជាមានជនពិការជាច្រើន ជាមរតកបន្សល់ពី សង្គ្រាមស៊ីវិល ដែលអូសបន្លាយជាច្រើនឆ្នាំ។ ប៉ុន្តែជនពិការ ត្រូវបានលើកកម្ពស់ ហើយជនពិការខ្លួនឯង ក៏បាន ខិតខំកសាងសមត្ថភាព ដើម្បីប្រកួតប្រជែងចំណេះដឹងទាំងក្នុងក្របខ័ណ្ឌជាតិ និងពិភពលោក ដូចជាថ្មីៗនេះ យុ វជនពិការកម្ពុជា ៦រូប បាននាំយកមកកិត្តិយសមកជូនមាតុភូមិ តាមរយៈការប្រកួតប្រជែងជំនាញផ្នែកព័ត៌មាន វិទ្យានៅប្រទេសកូរ៉េ ដោយទទួលបានមេដាយសរុបចំនួន ១៥គ្រឿង។

លោកស្រី អាលីសុន ប៊ើររ៉ូ បានថ្លែងអំណរគុណដល់កម្ពុជា ជាពិសេសក្រសួងសង្គមកិច្ច ដែលបានបំពាក់គ្រឿង ឥស្សរិយយសជូនមន្រ្តីជាន់ខ្ពស់ នៃស្ថានទូតអូស្រ្តាលី ហើយប្រទេសអូស្រ្តាលី នឹងប្តេជ្ញារក្សានូវទំនាក់ទំនងទ្វេ  ភាគី និងជួយវិស័យផ្សេងៗដល់កម្ពុជា ដូចជាវិស័យសុខាភិបាល អប់រំ ការអភិវឌ្ឍន៍ជាដើម។ ជាពិសេសធ្វើ យ៉ាងណាឲ្យជនពិការមានកម្រិតជីវភាពរស់នៅសមរម្យ ស្មើមុខស្មើមាត់ក្នុងសង្គម ហើយលោកស្រី និងសហកា  រី នឹងបន្តធ្វើការយ៉ាងជិតស្និទ្ធលើវិស័យពិការភាព និង វិស័យផ្សេងៗបន្តទៀតក្នុងកម្ពុជា។

យោងតាមរបាយការណ៍របស់ក្រុមប្រឹក្សាសកម្មភាពជនពិការ បានឲ្យដឹងថា ចាប់តាំងពីឆ្នាំ ១៩៩៥ រហូតដល់ឆ្នាំ  ២០១៦ ប្រទេសអូស្ត្រាលី បានផ្តល់ជំនួញជាង ២៥លានដុល្លាអាម៉េរិក លើវិស័យពិការភាពនៅកម្ពុជា។

អគ្គលេខាធិកាក្រុមប្រឹក្សាសកម្មភាពជនពិការ លោក ឯម ច័ន្ទមករា បានឲ្យដឹងថា ជំនួយរបស់រាជរដ្ឋាភិបាលអូ ស្ត្រាលី បានជួយលើវិស័យពិការភាពតាមរយៈក្រុមប្រឹក្សាសកម្មភាពជនពិការចាប់តាំងពីឆ្នាំ២០០៨ ដល់ឆ្នាំ ២០១៥ មានចំនួន ៥០ម៉ឺនដុល្លារ៕

លោក នាង ផាត បើកវគ្គ បំប៉នឋានលេខា និងផែនទី លើកទី១៨ ឆ្នាំ២០១៥ ជំនាញផ្នែកឋានលេខា និងសេនាធិការផែនទី រួមចំណែកយ៉ាងខ្លាំង ក្នុងការកែទម្រង់ ខ.ភ.ម

E-mail Print PDF

ភ្នំពេញ៖ រដ្ឋលេខាធិការក្រសួង ការពារជាតិ នាយឧត្តមសេនីយ៍ នាង ផាត ក្នុងពិធីបើកវគ្គបំប៉នឋានលេខា និងសេនាធិការផែនទី លើកទី១៨ នាព្រឹកថ្ងៃទី២៧ ខែឧសភា ឆ្នាំ២០១៥ នេះ នាទីស្តីការក្រសួងការពារជាតិ បានថ្លែងឲ្យដឹងថា ការហ្វឹកហ្វឺនបំប៉នការងារឋានលេខា និងសេនាធិការផែនទី គឺជាការចូលរួមយ៉ាងសកម្មក្នុងកម្មវិធីកែទម្រង់ កងយោធពលខេមរភូមិន្ទ (ខ.ភ.ម )។

នាយឧត្តមសេនីយ៍ នាង ផាត បានមានប្រសាសន៍បញ្ជាក់ថា ជំនាញផ្នែកឋានលេខា និងសេនាធិការផែនទីនេះ គឺពិតជាការចូលរួមចំណែក យ៉ាងសកម្មក្នុងកម្មវិធីកែទម្រង់ ខ.ភ.ម មួយប្រកបដោយគុណភាពខ្ពស់ សមត្ថភាពគ្រប់គ្រាន់ ស័ក្តិសមជាកងទ័ពអាជីពពិតប្រាកដ បំរើបានល្អកិច្ចការពារជាតិមាតុភូមិ និងការអភិវឌ្ឍន៍ប្រទេសជាតិ ក្នុងពេលបច្ចុប្បន្នក៏ដូចទៅអនាគត។

ឧត្តមសេនីយ៍ឯក ទេព ចំរើន នាយក នាយក ដ្ឋានភូមិសាស្ត្រ ក្រសួងការពារជាតិ បានឲ្យដឹងថា ការហ្វឹកហ្វឺនជាភារកិច្ចចាំបាច់ ត្រូវធ្វើព្រមៗគ្នាគ្រប់ផ្នែក គ្រប់ថ្នាក់ គ្រប់ជំនាញ គ្រប់កងឯកភាព។ នាយកដ្ឋាន ភូមិសាស្ត្រ ក្រសួងការពារជាតិ បានបើកដំបូងពីឆ្នាំ១៩៩៩ មកដល់ឆ្នាំ២០១៥នេះ បានចំនួន ១៨វគ្គ ដែលមានសិក្ខាកាម មកពីគ្រប់កងឯកភាពទូទាំងប្រទេស ព្រមទាំង នាយនគរបាលជាតិផងដែរ។

ឧត្តមសេនីយ័ឯក ទេព ចំរើន បានមានប្រសាសន៍បន្តទៀតថា វគ្គបំប៉នទី១៨នេះ មានរយៈពេល១២០ថ្ងៃ ដោយចាប់ ផ្តើមពីថ្ងៃទី២៧ ខែឧសភានេះតទៅ ដោយមានសិក្ខាកាមចូលរួមចំនួន ៦៥នាក់ មកពីបណ្តាកងឯកភាពនានា ពិសេសកងឯកភាពតាមបណ្តោយព្រំដែន វគ្គបំប៉ន បានផ្តោតលើខ្លឹមសារសំខាន់ៗ ស្តីពីភូមិសាស្ត្រយោធា និងរបៀបប្រើប្រាស់ភូមិសាស្ត្រ, របៀបស៊ើបការណ៍ និងវាយតម្លៃភូមិសាស្ត្រ, សិក្សាអំពីការប្រើប្រាស់ផែនទី គ្រប់ប្រភេទមាត្រដ្ឋាន និងរបៀបប្រើប្រាស់ឧបករណ៍ខាងលេខាផ្សេងៗ ពិសេស ជីភីអេស(GPS) កែវឆ្លុះ និងត្រីវិស័យ សំដៅឲ្យមានការឯកភាពទូទាំង ខ.ភ.ម អំពីមុខ វិជ្ជាឋានលេខា និងសេនាធិការផែនទីដែលបាន និងកំពុងប្រើប្រាស់បច្ចុប្បន្ននៅក្នុងកងទ័ព។

ក្នុងនាមនាយឧត្តមសេនីយ៍ ទៀ បាញ់ ឧបនាយករដ្ឋមន្ត្រី ក្រសួងការពារជាតិ នាយឧត្តមសេនីយ៍ នាង ផាត សម្តែងនូវកោតសរសើរ ចំពោះនាយទាហាន ពលទាហាននាយកដ្ឋានភូមិសាស្ត្រ ដែលបានពុះពារខិតខំយកចិត្តទុកដាក់បំពេញ ភារកិច្ច សំដៅពង្រីកវិស័យ ឯកទេសវិទ្យាសាស្ត្រមួយ មានប្រសិទ្ធខ្ពស់រួមចំណែកក្នុងការកែទម្រង់ ខ.ភ.ម ប្រកបដោយគុណភាព ហើយបានអនុវត្តយ៉ាងត្រឹមត្រូវតាម ផែនការហ្វឹកហ្វឺនប្រចាំឆ្នាំរបស់ខ្លួន ក្នុងការចាត់តាំងបើកវគ្គហ្វឹកហ្វឺនបំប៉នជំនាញ ភូមិសាស្ត្រ និងសេនាធិការផែនទីលើកទី១៨ ឆ្នាំ២០១៥នេះ ដើម្បីឆ្លើយតបទៅនឹង សំណូមពរភារកិច្ចការពារ និងកសាងមាតុភូមិកម្ពុជា។

នាយឧត្តមសេនីយ៍ បានបញ្ជាក់បន្ថែមទៀតថា ក្រោមការដឹកនាំដ៏ឈ្លាសវៃ របស់សម្តេចតេជោ ហ៊ុនសែន នាយករដ្ឋមន្ត្រី ប្រទេសជាតិមានការ អភិវឌ្ឍន៍យ៉ាងខ្លាំង នៅគ្រប់ច្រកល្ហកពីទីក្រុង រហូតដល់ជនបទ និងព្រៃភ្នំ ដែលមានប្រព័ន្ធធារាសាស្ត្រ ហេដ្ឋារចនាសម្ព័ន្ធ ផ្លូវគមនាគមន៍ លាតសន្ធឹងខ្វាត់ខ្វែងពាសពេញប្រទេស រួមទាំងតំបន់អភិវឌ្ឍន៍ជាច្រើនទៀត ធ្វើឲ្យភូមិសាស្ត្រជាក់ស្តែង ប្រែប្រួលខុសស្រឡះពីផែនទី ដែលតម្រូវឲ្យមានការកែតម្រូវជាបន្ទាន់ ឲ្យស៊ីគ្នាទាំងភូមិសាស្ត្រ និងផែនទី ជៀសវាងការជះឥទ្ធិពល របស់ភូមិសាស្ត្រទៅលើសកម្មភាពយោធា និងការអភិវឌ្ឍន៍ប្រទេសជាតិ។

ជាមួយគ្នានោះ លោករដ្ឋលេខាធិការ ក្រសួងការពារជាតិ ក៏បានផ្តាំផ្ញើដល់វគ្គបំប៉ន ទាំងគ្រូ និងសិក្ខាកាម ត្រូវខិតខំរកគ្រប់វិធី ដើម្បីបង្រៀន និងរៀនឲ្យបានល្អ សំដៅបង្កើនសមត្ថភាព សេនាធិការបច្ចេកទេសផែនទី ឲ្យកាន់តែខ្ពស់ថែមទៀត នៅពេលបញ្ចប់វគ្គ៕

ចាប់ខ្លួនមន្រ្តីកំពូលៗ FIFA ៦រូប ពាក់ព័ន្ធអំពើពុករលួយ មានទឹកប្រាក់ជាង ១០០លានដុល្លារ ខណៈទៅបោះឆ្នោត រើសប្រធានថ្មី នៅស្វីស

E-mail Print PDF

ភ្នំពេញ ៖ យ៉ាងហោច ក៏មានមន្រ្តីជាន់ខ្ពស់ថ្នាក់កំពូលៗ របស់ស្ថាប័ន FIFA ដែលគេស្គាល់ថា ជាសហព័ន្ធបាល់ទាត់ ពិភពលោកដ៏មានឥទ្ធិពលចំនួន ៦រូបដែរ ត្រូវបានកម្លាំងអាជ្ញាធរសមត្ថកិច្ចប្រទេសស្វីស ធ្វើការចាប់ខ្លួនពាក់ព័ន្ធទៅ នឹងរឿងអាស្រូវពុករលួយ ដែលមានទំហំទឹកប្រាក់ប្រមាណជាជាង ១០០លានដុល្លារ នៅក្នុងចំណោម មន្រ្តីជាន់ខ្ពស់ FIFA ចំនួន ១៤រូប ដែលគេចោទថា មានពាក់ព័ន្ធនឹងរឿងពុករលួយនេះ ។

ចំណាត់ការរបស់អាជ្ញាធរសមត្ថកិច្ចប្រទេសស្វីស នៅក្នុងការចាប់ខ្លួនមន្រ្តីជាន់ខ្ពស់ ស្ថាប័ន FIFA ខាងលើនេះត្រូវ បានគេផ្សព្វផ្សាយធ្វើឲ្យមានការភ្ញាក់ផ្អើលពេញពិភពលោក នៅព្រឹកថ្ងៃទី២៧ ខែឧសភា ឆ្នាំ២០១៥  ម៉ោងនៅក្នុង ប្រទេសកម្ពុជា ខណៈដែលមន្រ្តី FIFA បាននាំគ្នាធ្វើដំណើរទៅកាន់ទីក្រុងស៊ូរិច នៃប្រទេសស្វីស ដើម្បីត្រៀមធ្វើការ បោះឆ្នោតជ្រើសរើសប្រធាន FIFA សម្រាប់អាណត្តិទី៥ នៅថ្ងៃទី២៩ ខែឧសភា ឆ្នាំ២០១៥ ខាងមុខនេះ ។

យោងតាមសេចក្តីរាយការណ៍ ពីបណ្តាញព័ត៌មានធំៗនៅលើពិភពលោក ដូចជា CNN, BBCជាដើមនោះ បានឲ្យដឹង ថា ក្នុងចំណោមមន្រ្តីជាន់ខ្ពស់ FIFA ទាំង ៦រូប ដែលត្រូវបានអាជ្ញាធរសមត្ថកិច្ចប្រទេសស្វីសធ្វើការចាប់ខ្លួន ២រូប ត្រូវ បានគេអះអាងថា មានតួនាទីជាអនុប្រធានស្ថាប័ន FIFA ដែលគេស្គាល់ថា រួមមាន លោក Jeffery Webb និងលោក Euenio Figueredo ជាអនុប្រធានទទួលបន្ទុកប្រតិបត្តិ ។

យោងតាមព័ត៌មានបានឲ្យដឹងថា ការស៊ើបអង្កេតរកឃើញអំពើពុករលួយនៅក្នុងស្ថាប័ន FIFA ខាងលើនេះ ត្រូវបានគេ អះអាងថា មានមនុស្សចំនួន ១៤នាក់ មានជាប់ពាក់ព័ន្ធដោយក្នុងនោះ ៩នាក់ ជាមន្រ្តីជាន់ខ្ពស់ និង ៥នាក់ទៀត ជា មន្រ្តីប្រតិបត្តិ ដោយពួកគេជាប់ពាក់ព័ន្ធទៅនឹងអំពើពុករលួយ នៅក្នុងស្ថាប័នខាងលើនេះ មានទឹកប្រាក់ក្នុងរង្វង់ជាង ១០០លានដុល្លារ ដែលគិតចាប់ពីឆ្នាំ ១៩៩០ រហូតមក ជាពិសេសពាក់ព័ន្ធទៅនឹងការបោះឆ្នោតជ្រើសរើសប្រទេស ធ្វើជាម្ចាស់ផ្ទះសម្រាប់ធ្វើការប្រកួតបាល់ទាត់ពិភពលោកតែម្តង ដោយចុងក្រោយការបោះឆ្នោតធ្វើជាម្ចាស់ផ្ទះ សម្រាប់ ការប្រកួតបាល់ទាត់ពិភពលោក សម្រាប់ឆ្នាំ ២០១៨ បានទៅលើប្រទេសរុស្ស៊ី និងឆ្នាំ ២០២២ បានទៅលើប្រទេស កាតានោះ ក៏នឹងត្រូវមន្រ្តីអាជ្ញាធរសមត្ថកិច្ចប្រទេសស្វីស បើកធ្វើការស៊ើបអង្កេតផងដែរ ។

សូមបញ្ជាក់ថា នៅថ្ងៃទី២៩ ខែឧសភា ឆ្នាំ២០១៥ ខាងមុខនេះ ស្ថាប័ន FIFA បានធ្វើការបោះឆ្នោតជ្រើសរើសប្រធាន របស់ខ្លួនសារជាថ្មី ដោយក្នុងនោះមានមនុស្សចំនួន ២នាក់ បានឈរឈ្មោះធ្វើជាបេក្ខភាពក្នុងការ ដណ្តើមយក តំណែងប្រធាន FIFA នេះ ដោយបេក្ខភាពទី១ គឺលោក Sepp Blatter ដែលជាប្រធាន FIFAស្រាប់ ហើយបានជាប់ ធ្វើជាប្រធានចំនួន ៤អាណត្តិ មកហើយ ដោយលោកឈរឈ្មោះបោះឆ្នោត សម្រាប់អាណត្តិទី៥បន្តទៀត និងបេក្ខ ភាពទី២ គឺព្រះ អង្គម្ចាស់នៃ ប្រទេសហ្សកដានី ព្រះនាម Ali Bin Al-Hussein ។

យោងតាមប្រភពពីមន្រ្តីប៉ូលិស ដែលថ្លែងប្រាប់អ្នកព័ត៌មានបានឲ្យដឹងថា ការចាប់ខ្លួនមន្រ្តី FIFA មិនមែនមានតែ ៦រូប នេះនោះទេ គឺសមត្ថកិច្ចនៅតែបន្តវែកមុខ និងចាប់ខ្លួនអ្នកពាក់ព័ន្ធជាបន្តទៀត ។ ចំណែកអ្នកនាំពាក្យស្ថាប័ន FIFA បានចេញមុខមកធ្វើការអះអាង នៅក្រោយការចាប់ខ្លួនមន្រ្តីជាន់ខ្ពស់ជាច្រើនរូបរបស់ខ្លួននោះ ដោយអ្នកនាំពាក្យរូប នេះលើកឡើងថា ការប្រកួតបាល់ទាត់ពិភពលោក សម្រាប់ឆ្នាំ ២០១៨ នៅប្រទេសរុស្ស៊ី និងឆ្នាំ ២០២២ នៅប្រទេស កាតា គឺនៅបន្តលេងដដែល បើទោះបីជាតុលាការប្រទេសស្វីសបានប្រកាសថា នឹងបើកការស៊ើបអង្កេតលើបញ្ហាអំពើ ពុករលួយក្នុងការបោះឆ្នោតធ្វើជាម្ចាស់ផ្ទះនេះក៏ដោយ ព្រោះបច្ចុប្បន្នប្រទេសរុស្ស៊ីបានធ្វើការកសាងពហុកីឡដ្ឋាន ចំនួន ១២ សម្រាប់ធ្វើការប្រកួតបាល់ទាត់ពិភពលោកបានចំនួន ៥០ភាគរយហើយ និងប្រទេសកាតា សាងសង់បាន ២០ភាគរយ ។

ខាងក្រោមនេះជាបញ្ជីឈ្មោះ មន្រ្តីជាន់ខ្ពស់ FIFA ទាំង ១៤រូប ដែលមានជាប់ពាក់ព័ន្ធអំពើពុករលួយ រួមមាន ៖

១ លោក Jeffrey Webb អនុប្រធាន FIFA

២ លោក Jack Warner អតីតប្រធានសហព័ន្ធកីឡាបាល់ទាត់ ប្រចាំទ្វីបអាម៉េរិកខាងជើង និងអនុប្រធាន FIFA

៣ លោក Eugenio Figueredo អតីតប្រធានសហព័ន្ធកីឡាបាល់ទាត់ ប្រចាំទ្វីបអាម៉េរិកខាងត្បូង (អាម៉េរិកឡាទីន) និងអនុប្រធាន FIFA

៤ លោក Eduardo Li ប្រធានសហព័ន្ធកីឡាបាល់ទាត់ របស់ប្រទេសកូស្តារីកា

៥ លោក Julio Rocha ប្រធានសមាគម Nicaraguan ។

៦. លោក Costas Takkas អតីតប្រធានសហព័ន្ធកីឡាបាល់ទាត់ ប្រទេសអៀរឡង់ ។

៧. លោក Rafael Esquivel ប្រធានសហព័ន្ធកីឡាបាល់ទាត់ ប្រទេសវេណេហ្សូអេឡា ឆ្នាំ១៩៩៨ ។

៨. លោក José Maria Marin អតីតប្រធានសហព័ន្ធកីឡាបាល់ទាត់ ប្រទេសប្រេស៊ីល

៩. លោក Nicolás Leoz អតីតប្រធានសហព័ន្ធកីឡាបាល់ទាត់ ប្រចាំទ្វីបអាម៉េរិកខាងជើង និងជាគណៈកម្មាធិការប្រតិបត្តិរបស់ FIFA ។

១០. លោក Alejandro Burzaco នាយកប្រតិបត្តិផ្នែកព័ត៌មានរបស់ ប្រទេសអាហ្សង់ទីន ។

១១. លោក Aaron Davidson ប្រធានចរាចរណ៍កីឡា និងផ្សព្វផ្សាយ របស់សហរដ្ឋអាម៉េរិក ។

១២. លោក Hugo Jinkis នាយកប្រតិបត្តិផ្នែកផ្សព្វផ្សាយកីឡា ។

១៣. លោក Mariano Jinkis នាយកប្រតិបត្តិផ្នែកផ្សព្វផ្សាយកីឡា ។

១៤. លោក José Margulies មន្រ្តីស៊ើបអង្កេតការចំណាយខុសគោលដៅរបស់ FIFA ៕

កម្មករអូសរទេះ ដែលបង្កហិង្សា ហាក់បីដូចជា ភ័យខ្លាចមិនឃើញ សកម្មភាពអូសរទេះ

E-mail Print PDF

-ចំណូលពន្ធគយថ្ងៃពុធនេះ បានជាង ៥ពាន់លានរៀល

ភ្នំពេញ ៖ លោក ឈួន ហៃ ប្រធានស្នាក់ការគយច្រកប៉ោយប៉ែត ខេត្តបន្ទាយមានជ័យបានថ្លែងប្រាប់មជ្ឈមណ្ឌលព័ត៌ មានដើមអម្ពិលឲ្យដឹង នៅព្រលប់ថ្ងៃពុធ ទី២៧ ខែឧសភា ឆ្នាំ២០១៥ថា ស្ថានភាពចរាចរណ៍ទំនិញហាក់មានសភាព ធម្មតាដូចដើមទាំងអស់ ប៉ុន្តែ ហាក់បីដូចជាពុំឃើញមានវត្តមានកម្មករអូសរទេះដែលបានចូលរួមបាតុកម្ម បង្កជាហិង្សា កាលពីថ្ងៃចន្ទប៉ុន្មានទេ ដោយលោកសន្និដ្ឋានថា ប្រហែលជាពួកគាត់មានការភ័យខ្លាច ឬក៏ពុំមានទំនិញដែលត្រូវដឹក ជញ្ជូនពីខាងប្រទេសថៃចូលមកខាងកម្ពុជា ។ ទន្ទឹមជាមួយគ្នានេះ លោកបានឲ្យដឹងថា ចំណូលពន្ធគយសម្រាប់ថ្ងៃ ពុធនេះ ខាងភ្នាក់ងារគយរបស់លោកប្រមូលបានជាង ៥ពាន់លានរៀល (ជាង១លានដុល្លារសហរដ្ឋអាម៉េរិក)។

លោក ឈួន ហៃ បានថ្លែងឲ្យដឹងថា ខាងសមត្ថកិច្ចពាក់ព័ន្ធផ្សេងទៀត បានចុះមកស្រាវជ្រាវ និងប្រមូលព័ត៌មាន ព្រម ទាំងភស្តុតាងផ្សេងៗ ទាក់ទិនទៅនឹងបាតុកម្មដោយហិង្សាពីសំណាក់កម្មករអូសរទេះជាង ១០០នាក់ ដែលលោកបាន ហៅថា ពួកគាត់ជាជនងាយរងគ្រោះ ពីសំណាក់ឈ្មួញទុច្ចរិតគេចពន្ធដើម្បីស៊ើបអង្កេតបន្តទៅតាមនីតិវិធីច្បាប់ ប៉ុន្តែ លោកបានបដិសេធប្រាប់ព័ត៌មានលំអិតដែលថា នេះមិនមែនជាជំនាញរបស់លោក ។

លោកអភិបាលខេត្តបន្ទាយមានជ័យ គោស៊ុំ សារឿត បានថ្លែងឲ្យដឹងថា លោកសុំឲ្យស្ថាប័នមានសមត្ថកិច្ចរបស់ខេត្ត ស្រាវជ្រាវរកបុគ្គលដែលពាក់ព័ន្ធបង្កឲ្យមានផ្ទុះអំពើហិង្សា ពីសំណាក់កម្មករអូសរទេះ ដែលទាមទារឲ្យមន្រ្តីគយមិន យកពន្ធលើទំនិញដែលពួកគេនាំចូល ពីប្រទេសថៃ ហើយដែលព្រឹត្តិការណ៍នោះបានបង្កឲ្យមានការរងរបួសដល់ កម្មករអូសរទេះ និងសន្តិសុខទីស្នាក់ការគយ ។

លោក ឈួន ហៃ បានពន្យល់អំពីចំណូលពន្ធគយដែលមានការកើនឡើងនេះថា មកពីមានទំនិញចេញពីរោងចក្រ ច្រើននៅក្នុងប្រទេសថៃ ជាពិសេសរថយន្តតែម្តង ដែលនាំចូលក្នុងប្រទេសកម្ពុជា ដូចជា រថយន្ត ម៉ាសដា, អ៊ីហ្សុយហ្សុយ, នីសាន់ និងវីហ្គោជាដើម ។ ចំណូលពន្ធដែលបានច្រើន ច្រើនតែមាននៅចន្លោះពីថ្ងៃពុធ ដល់ថ្ងៃសុក្រ ហើយថា ច្រើនតែមាននៅចុងខែ ៕

រថយន្ដ ដឹកទឹកកក បុកអ្នកជិះម៉ូតូ រងរបួសធ្ងន់ នៅវាលស្បូវ

E-mail Print PDF

ភ្នំពេញ ៖ បុរសម្នាក់បានរងរបួសធ្ងន់ ក្រោយពីរថយន្ដដឹកទឹកកក បានបើកបុកអ្នកជិះម៉ូតូ ក្នុងទិសដៅបញ្រ្ចាសគ្នា កាលពីព្រឹកថ្ងៃទី២៧ ខែឧសភា ឆ្នាំ២០១៥ ស្ថិតនៅលើកំណាត់ផ្លូវជាតិលេខ១ ភូមិព្រែកជាងព្រហ្ម សង្កាត់វាលស្បូវ ខណ្ឌច្បារអំពៅ រាជធានីភ្នំពេញ ។

សេចក្ដីរាយការណ៍ពីកន្លែងកើតហេតុ បានឱ្យដឹងថា ខណៈដែលបុរសម្នាក់ កំពុងជិះម៉ូតូម៉ាក ស្មាស់រ៉េវ៉ូ ១គ្រឿង ពណ៌ ខ្មៅ ពាក់ស្លាកលេខភ្នំពេញ 1T-4508 លើកំណាត់ផ្លូវជាតិលេខ១ ស្រាប់តែដល់ចំណុចកើតហេតុ ក៏ត្រូវរថយន្តដឹកទឹក កក បើកបុកចំពាក់កណ្តាលម៉ូតូ បណ្ដាលឱ្យជនរងគ្រោះប៉ើង អូសលើទ្រូងផ្លូវប្រមាណជាង១០ម៉ែត្រ រងរបួសធ្ងន់ សន្លប់ស្តូកស្តឹង នៅនឹងកន្លែងតែម្តង។ ក្រោយបង្កគ្រោះថ្នាក់ចរាចរ អ្នកបើករថយន្ដ បានបើកបម្រុងគេចខ្លួន តែត្រូវ បានប្រជាការពារខណ្ឌច្បារអំពៅ ឃាត់ខ្លួនបានទាំងរថយន្ត និងមនុស្ស ។

យោងតាមសមត្ថកិច្ចមូលដ្ឋាន បានឱ្យដឹងថា រថយន្ដបង្ក ម៉ាកហ៊ីយ៉ាន់ដាយ ពណ៌ត្រួយចេក ពាក់ស្លាកលេខ ង.៩៥៨០.ភ.ព២ ។

បើយោងតាមសមត្ថកិច្ច ជនរងគ្រោះ ឈ្មោះ អ៊ី កំសាន្ត ភេទប្រុស អាយុ ៣៣ឆ្នាំ ជាកម្មករ ស្នាក់នៅភូមិកោះប្រាក់ ឃុំ ភូមិធំ ស្រុកកៀនស្វាយ ខេត្តកណ្តាល ។ ជនរងគ្រោះជិះម៉ូតូពីទិសខាងលិចទៅកើត ខណ:មកដល់កន្លែងកើតហេតុ ស្រាប់តែរថយន្តដឹកទឹកកក ដែលបើកបរក្នុងល្បឿនយ៉ាងលឿន ពោលគឺពីភ្នំពេញទៅអ្នកលឿង ហើយបុកចំពាក់ កណ្តាលម៉ូតូជាប់ក្រោមរថយន្ត អូសជាង១០ម៉ែត្រ បណ្តាលឲ្យជនរងគ្រោះធ្លាយពោះវៀនស្លាប់នៅនឹងកន្លែងតែម្តង។

បន្ទាប់ពីកើតហេតុ អ្នកបើករថយន្តបង្ក ត្រូវបានឃាត់ខ្លួន ។ សមត្ថកិច្ចបានបញ្ជាក់ថា ម៉ូតូជនរងគ្រោះ និងរថយន្តបង្ក ហេតុ ត្រូវបានសមត្ថកិច្ចធ្វើការវាស់វែង អូសយកទៅរក្សាទុកនៅអធិការដ្ឋាននគរបាលខណ្ឌ  រង់ចាំដោះស្រាយតាមផ្លូវច្បាប់ ។ ចំណែកជនរងគ្រោះ ត្រូវបានបញ្ជូនទៅសង្គ្រោះ ៕

សប្បុរសជន បន្តផ្តល់ម៉ូតូប្រដេញ ដល់ស្នងការដ្ឋាន នគរបាល ខេត្តព្រះសីហនុ

E-mail Print PDF

ព្រះសីហនុ៖ បន្ទាប់ពីពិនិត្យឃើញ សកម្មភាព បង្រ្កាបបទល្មើស បានជោគជ័យ ជាបន្តបន្ទាប់ជាច្រើន របស់លោកឧត្តមសេនីយ៍ត្រី ជួន ណារិន្ទ ស្នងការ នគរបាលខេត្តព្រះសីហនុ នារយះពេលកន្លងមកនេះ សប្បុរសជនជាច្រើន បានបន្តផ្តល់ម៉ូតូ ប្រដេញជាបន្តបន្ទាប់ ដល់ស្នងការដ្ឋាន នគរបាល ខេត្តព្រះសីហនុ ទុកសំរាប់បង្រ្កាប បទល្មើសនានា  និងទុកការពារដល់ ប្រជាពលរដ្ឋ ភ្ញៀវទេសចរជាតិ អន្តរជាតិ ឬ អ្នកវិនិយោគិនជាដើម ។

ជាក់ស្តែង នៅរសៀលថ្ងៃទី២៧ ខែឧសភា ឆ្នាំ២០១៥ នេះនៅស្នងការដ្ឋាន នគរបាល ខេត្តព្រះសីហនុ លោកឧត្តមសេនីយ៍ ជួន ណារិន្ទ បានទទួលម៉ូតូ ប្រដេញពីលោកឧកញ៉ា លី គង់ ចំនួន២គ្រឿង និងតំណាងកាស៊ីណូបាវ ម៉ាវ១គ្រឿង ។

បើតាមការបញ្ជាក់របស់លោកឧត្តមសេនីយ៍ ជួន ណារិន្ទ បានថ្លែងអោយដឹងថា រហូតមកដល់ពេលនេះ ស្នងការដ្ឋាននគរបាល ខេត្តព្រះសីហនុ បានទទួលអំណោយជាម៉ូតូ ប្រដេញពីសំណាក់សប្បុរសជន នានាក្នុងខេត្តមានចំនួន១០គ្រឿង ដូច្នេះសរុបម៉ូតូប្រដេញ របស់ស្នងការដ្ឋាន មានទាំងអស់ចំនួន១៦គ្រឿង៕

Page 6 of 383