aaa

Friday, Feb 12th

| English Version | dapnews: 012 722 337, 097 9999 883, email: soyvicheth@gmail.com

បុរសម្នាក់ចងក សម្លាប់ខ្លួនដោយ មិនដឹងមូលហេតុ

E-mail Print PDF

កោះកុង: បុរសម្នាក់ចងកធ្វើអត្តឃាតខ្លួនឯង ដោយមិនដឹងមូលហេតុ នៅក្នុងព្រៃជ្រៅរយៈពេល៤ថ្ងៃហើយ។ ប្រភពពីសមត្ថកិច្ចចុះទៅ ធ្វើកោសល្យវិច្ច័យទៅលើ សាកសពបានឲ្យដឹងនៅវេលាម៉ោង៧យប់ថ្ងៃទី ១១ខែកុម្ភៈនេះថា ករណីបានកើតឡើងកាលពីថ្ងៃទី៨ ខែកុម្ភៈឆ្នាំ២០១៦ ស្ថិតនៅលើភ្នំ ក្នុងភូមិចាំយាម ឃុំប៉ាក់ខ្លង ស្រុកមណ្ឌលសីមា។ បុរសដែលចងកធ្វើអត្តឃាត់ខ្លួននោះមានឈ្មោះ ព្រុយ សាវុធ ភេទប្រុស អាយុ៤៥ឆ្នាំ មានមុខរបរចាំចម្ការឲ្យគេ។ ប្រភពដដែលបានបន្តថាបុរសខាងលើ បានបាត់ខ្លួនរយៈពេល៤ថ្ងៃហើយដោយគិតពីថ្ងៃ ទី៨ ខែគុម្ភៈ ដល់ថ្ងៃទី១១ ថ្ងៃខែដដែល ទើបគេប្រទះឃើញឡើងស្អុយបាត់ទៅហើយ ហើយការធ្វើកោសល្យវិច្ច័យ របស់ក្រុមលោកគ្រូពេទ្យ បានបញ្ជាក់ថាបុរសម្នាក់នេះ ពិតជាចងកធ្វើអត្តឃាត ខ្លួនឯងពិតប្រាដកមែន តែមូលហេតុអ្វីនោះ ពុំមានប្រភពណាបញ្ជាក់ប្រាប់ សមត្ថកិច្ចពីមូលហេតុឡើយព្រោះ ជនរងគ្រោះពុំមានសាច់ញាតិនោះទេ។

ឃាត់ខ្លួនមនុស្សម្នាក់ ដកហូត ថ្នាំញៀន ១០កញ្ចប់ធំ-តូច

E-mail Print PDF

ត្បូងឃ្មុំ៖ កម្លាំងនគរបាលក្រុងសួង នៅថ្ងៃទី១១ ខែកុម្ភៈ ឆ្នាំ២០១៦ នេះ បានឃាត់ខ្លួនមនុស្សម្នាក់ និងដកហូតថ្នាំញៀនញៀនបាន ចំនួន៩កញ្ចប់តូច និង១កញ្ចប់ធំ ស្ថិតនៅភូមិធ្លក សង្កាត់សួង ក្រុងសួង។

បើតាមមន្រ្តីនគរបាល បានឲ្យដឹងថា ជនសង្ស័យដែលឃាត់ខ្លួន ឈ្មោះ គល់ គីម ភេទប្រុស អាយុ ២៤ឆ្នាំ រស់នៅភូមិធ្លក សង្កាត់សួង ក្រុងសួង ខេត្តត្បូងឃ្មុំ ក្នុងប្រតិបត្តិការបង្ក្រាប សមត្ថកិច្ចបានធ្វើការឆែកឆេ រកឃើញម្សៅក្រាមពណ៌ស សង្ស័យជាថ្នាំញៀន ចំនួន ៩កញ្ចប់តូច និង ១កញ្ចាប់ធំ៕

ស្លាប់ និងរបួសជាង ៣៦០នាក់ ដោយសារគ្រោះថ្នាក់ ចរាចរណ៍រយៈពេល ១១ថ្ងៃ

E-mail Print PDF

ភ្នំពេញ៖ យ៉ាងហោចណាស់មនុស្សចំនួនជាង ៣៦០នាក់ បានស្លាប់បាត់បង់ជីវិត និងរងរបួសធ្ងន់ និងស្រាល ដោយសារគ្រោះថ្នាក់ចរាចរណ៍ រយៈពេល ១១ថ្ងៃ ចាប់ពីថ្ងៃទី១ ដល់ថ្ងៃទី១១ ខែកុម្ភៈ ឆ្នាំ២០១៦នេះ។

 យោងតាមរបាយការណ៍របស់នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ នៃ អគ្គស្នងការដ្ឋាននគរបាលជាតិ បានឲ្យដឹងថា គ្រោះថ្នាក់ចរាចរណ៍ទាំង ១១ថ្ងៃនេះ បានកើតឡើងចំនួន ១៦៨លើក កើនឡើង ១៩លើក ស្មើនឹង ១៣ភាគរយ, ស្លាប់ចំនួន ៩២នាក់ កើន២៩នាក់ ស្មើនឹង ៤៦ភាគរយ, របួសសរុបចំនួន ២៧៦នាក់ កើន១៥នាក់ ស្មើនឹង ៦ភាគរយ ក្នុងនោះរបួសធ្ងន់ចំនួន ១៧០នាក់ កើន៤នាក់ ស្មើនឹង ២ភាគរយ និងរបួសស្រាលចំនួន ១០៦ កើន១៤នាក់ ស្មើនឹង ១២ភាគរយ។

 គ្រោះថ្នាក់ចរាចរណ៍ទាំង ១៦៨លើកនោះ បានបណ្តាលមកពីបើកបរក្នុងល្បឿនលឿនចំនួន ៥៩លើក, ស្រវឹង ៣០លើក, ប្រជែងគ្រោះថ្នាក់ ១៣លើក, មិនគោរពសិទ្ធិ ១៩លើក, មិនប្រកាន់ស្តាំ ២៣លើក, បត់គ្រោះថ្នាក់ ១៨លើក, កត្តាយានយន្ត ៤លើក, កត្តាផ្លូវ ១លើក និងផ្សេងៗ ១លើក។

 គួរកត់សម្គាល់រាជធានី-ខេត្តដែលមានគ្រោះថ្នាក់ និងរងគ្រោះច្រើនរួមមាន ទី១. រាជធានីភ្នំពេញ កើតឡើងចំនួន ១៣លើក, ស្លាប់ ១៣នាក់ និងរបួស ១២នាក់, ទី២. ខេត្តកណ្តាល ១០លើក, ស្លាប់ ១១នាក់ និងរបួស ១០នាក់, ទី៣. ខេត្តបន្ទាយមានជ័យ ១៧លើក, ស្លាប់ ៨នាក់ និងរបួស ១៧នាក់, ទី៤. ខេត្តត្បូងឃ្មុំ ៦លើក, ស្លាប់ ៨នាក់ និងរបួស ៩នាក់, ទី៥. ខេត្តកំពង់ធំ ៦លើក, ស្លាប់ ៦នាក់ និងរបួស ៨នាក់ និងខេត្តរតនគិរី ៥លើក, ស្លាប់ ១នាក់ និងរបួស៦នាក់។

 ដោយឡែកគ្រោះថ្នាក់ចរាចរណ៍ ថ្ងៃទី១១ ខែកុម្ភៈ បានបណ្តាលឲ្យមនុស្សចំនួន ៦នាក់ស្លាប់បាត់បង់ជិវិត, របួសធ្ងន់ ៥នាក់ និងរបួសស្រាល ៦នាក់។ បណ្តាលឲ្យខូចខាតម៉ូតូ ៧គ្រឿង, រថយន្តធុនតូច ២គ្រឿង និងយានផ្សេងៗ ២គ្រឿង។ បណ្តាលមកពីបើកបរក្នុងល្បឿនលឿន ៣លើក, មិនប្រកាន់ស្តាំ ២លើក, បត់គ្រោះថ្នាក់ ១លើក និងមិនគោរពសិទ្ធិ ១លើក។

 លទ្ធផលត្រួតពិនិត្យអនុវត្តច្បាប់ចរាចរណ៍ផ្លូវគោក ថ្ងៃទី១១កុម្ភៈដដែលនេះ មានមធ្យោបាយចូលគោលដៅចំនួន ៦៨.៧៤៥គ្រឿង (ម៉ូតូ ៦១ភាគរយ), មធ្យោបាយល្មើសចំនួន ១០.៩១០គ្រឿង (ម៉ូតូ ៦៩ភាគរយ), ធ្វើការអប់រំចំនួន ៤.៤៨៤គ្រឿង ស្មើនឹង ៤១ភាគរយ និងធ្វើការផាកពិន័យចំនួន ៦.៤២៦គ្រឿង (បង់ប្រាក់ ៨២ភាគរយ)៕

ម៉ូតូលក់ការ៉េមកី បុកគោយន្តពីក្រោយ របួសធ្ងន់ ស្លាប់ពេល បញ្ជូនដល់មន្ទីរពេទ្យ

E-mail Print PDF

ភ្នំពេញ៖ បុរសអ្នកលក់ការ៉េមកី ម្នាក់បានរងរបួសធ្ងន់ ខណៈជិះម៉ូតូរបស់ខ្លួនទៅបុកគោយន្តពីក្រោយ ស្ថិតនៅតាមបណ្តោយផ្លូវជាតិលេខ៦ ចន្លោះគីឡូម៉ែត្រលេខ១៧១-១៧២ ក្នុងឃុំត្រពាំងឫស្សី ស្រុកកំពង់ស្វាយ នៅម៉ោងប្រមាណ ១៩៖៤៥នាទី ថ្ងៃទី១១ ខែកុម្ភៈ ឆ្នាំ២០១៦នេះ។

បើតាមសាក្សីបានឲ្យដឹងថា គ្រោះថ្នាក់ចរាចរនេះ កើតឡើងរវាងម៉ូតូកង់បី អូសធុងការ៉េមកី បុកប៉ះគោលយន្ត អូសរឺម៉ាក Kubota ពណ៌លឿង ហើយអ្នកបើកបរម៉ូតូ ឈ្មោះ ជឹម ក្រឹម ភេទប្រុស អាយុ២៧ឆ្នាំ នៅភូមិព្រិច ឃុំត្រពាំងសាម ស្រុកបាទី ខេត្តតាកែវ បានស្លាប់ពេលបញ្ជូនទៅដល់មន្ទីរពេទ្យ ឯអ្នកបើកបរគោយន្ត ឆ្មោះ ជេន សារិន ភេទប្រុស អាយុ៤៨ឆ្នាំ រស់នៅភូមិក្រមុំមូល ឃុំកន្ទួត ស្រុកស្វាលី ខេត្តសៀបរាម៕

អាវុធហត្ថខេត្តស្ទឹងត្រែង បង្ក្រាបជនជួញដូរគ្រឿងញៀន ម្នាក់ ដកហូតថ្នាំញៀនមួយចំនួន

E-mail Print PDF

ភ្នំពេញ៖ កម្លាំងកងរាជអាវុធហត្ថខេត្តស្ទឹងត្រែង នៅម៉ោងប្រមាណ ១០៖០៥នាទី ថ្ងៃទី១១ ខែកុម្ភៈ ឆ្នាំ២០១៦ នេះ បានបង្ក្រាបករណីជួញដូរគ្រឿងញៀន ប្រភេទម៉ាទឹកកក រឹបអូសបានថ្នាំញៀនមួយចំនួន ស្ថិតនៅចំណុចភូមិគីឡូ៨ សង្កាត់សាមគ្គី ក្រុងស្ទឹងត្រែង។

មន្រ្តីកងរាជអាវុធហត្ថ បានឲ្យដឹងថា ជនសង្ស័យដែលត្រូវឃាត់ខ្លួន ឈ្មោះ ថាលី ហាវ ហៅ (សាយ) ភេទប្រុស អាយុ២៨ឆ្នាំ មានទីលំនៅភូមិកោះស្នែង ឃុំកោះស្នែង ស្រុកថាឡាបរិវ៉ាត់ ខេត្តស្ទឹងត្រែង។

អាវុធហត្ថខេត្តបន្តទៀតថា ក្នុងប្រតិបត្តិការនេះ កម្លាំងសមត្ថកិច្ចដកហូតបាន ម៉ាទឹកកក (ICE) ១កញ្ចប់ ទម្ងន់ ៣២៦,៥ក្រាម ម៉ូតូ ១គ្រឿង ហើយបច្ចុប្បន្ន ការិយាល័យជំនាញកំពុងកសាងសំណុំរឿង បញ្ជូនទៅតុលាការតាមនីតិវិធី៕

សម្តេចតេជោ៖ ៤ឆ្នាំទៀតកម្ពុជា នឹងទទួលបានភ្ញៀវទេសចរ រហូត៧លាននាក់

E-mail Print PDF

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នាព្រឹកថ្ងៃសុក្រនេះ ទី១២ ខែកុម្ភៈ ឆ្នាំ២០១៦ បានមានប្រសាសន៍ពីការរីកចម្រើនខាងវិស័យទេសចរណ៍ របស់កម្ពុជា ដែលត្រូវបានប្រសិទ្ធនាមថា កម្ពុជា ព្រះរាជាណាចក្រអច្ឆរិយ ថានឹងទទួលភ្ញៀវទេសចររហូតដល់៧លាននាក់នាឆ្នាំ២០២០ ។

តាមរយៈបណ្តាញសង្គម ហ្វេសប៊ុក សម្តេចតេជោ ហ៊ុន សែន បានសរសេរថា វិស័យទេសចរណ៌កម្ពុជា កំពុងរីកលូតលាស់បោះជំហាន ទៅមុខគួរអោយសម្គាល់។ កម្ពុជាមានប្រាសាទអង្គរវត្ត និងប្រាសាទជាច្រើនរយពាន់ទៀត ដែលជាបិតិកភ័ណ្ឌជាតិ និងពិភពលោកដ៏ល្បីល្បាញ។ ទន្ទឹមនិងនោះយើងមានឆ្នេរសមុទ្រដ៏ល្អ ស្អាតជាប់ចំណាត់ថ្នាក់ពិភពលោក រួមទាំងតំបន់អេកូទេសចរណ៍ និងទេសចរណ៍ធម្មជាតិដ៏សម្បូរបែបជាច្រើនទៀត។

សម្តេចបានសរសេរថា “តាមកំណើនចំនួនទេសចរណ៌សព្វថ្ងៃនេះ គឺយើងអាចរំពឹងបានថានៅឆ្នាំ២០២០ កម្ពុជានឹងទទួលបានភ្ញៀវទេសចរអន្ដរជាតិប្រមាណ ៧ លាននាក់ ព្រមជាមួយនឹងទេសចរណ៍ ក្នុងស្រុកប្រមាណពី ៨ទៅ១០លាននាក់ ត្រូវធ្វើដំណីរទស្សនានៅទូទាំងប្រទេស។ ចំណូលទេសចរណ៍ នឹងកើនឡើងដល់ប្រមាណ ៥.០០០ លានដុល្លារក្នុងមួយឆ្នាំ ហើយចំណូលនេះនឹងរួមចំណែក យ៉ាងសំខាន់ដល់កំណើននៃ ផលិតផលក្នុងស្រុកសរុប ដែលជួយដល់ការលើកកម្ពស់ កម្រិតជីវភាពរស់នៅរបស់ប្រជាជន និងផ្ដល់ឱកាសការងារ ប្រមាណ៨០ម៉ឺននាក់ទៀតផង” ។

រាជរដ្ឋាភិបាលកម្ពុជា ក្រោមការដឹកនាំរបស់ សម្តេចតេជោ ហ៊ុន សែន កំពុងអនុវត្តបានជោគជ័យ ក្នុងការជំរុញវិស័យទេសចរណ៍ និងការបង្កើតជើងហោះហើរ ផ្ទាល់ពីបរទេសមកកាន់កម្ពុជាជាដើម។ ទន្ទឹមនិងនេះ យុទ្ធនាការកម្ពុជា ព្រះរាជាណាចក្រអច្ឆរិយៈ ក៏ដូចជាចលនាប្រឡងប្រណាំងទីក្រុងស្អាត រមនីយដ្ឋានស្អាត សេវាល្អ ក៏បានចូលរួមយ៉ាងសកម្មក្នុងការទាក់ទាញ ភ្ញៀវទេសចរបរទេស មកទស្សនាកម្ពុជាផងដែរ ៕

ពលរដ្ឋអាមេរិកំាង ដែលបាត់ខ្លួន ពីនាវាទេសចរណ៍ Vollendam បានរកឃើញវិញហើយ

E-mail Print PDF

ភ្នំពេញ៖ បុរសវ័យចំណាស់អ្នកទេសចរណ៍ជនជាតិ អាមេរិកាំង ដែលបានចូលមកលេង តំបន់ទេសចរណ៍ ខេត្តព្រះសីហនុ តាមរយៈ នាវាទេសចរណ៍អន្តរជាតិ ខ្នាតយក្ស Vollendam ហើយបាត់ខ្លួននោះ បានរកឃើញវិញហើយ នៅម៉ោងប្រមាណ ១០៖៣០នាទី យប់ថ្ងៃទី១១ ខែកុម្ភៈ ឆ្នាំ២០១៦នេះ។

វរសេនីយ៍ឯក សៀង ឡេង ប្រធានច្រកទ្វាកំពង់ស្វាយ័តក្រុងព្រះសីហនុ បានឲ្យដឹងថា លោក Lewis បានមកដល់ច្រកទ្វាកំពង់ផែអន្តរជាតិ ក្រុងព្រះសីហនុ នៅម៉ោងប្រមាណ១០៖៣០នាទី យប់ថ្ងៃទី១១ ខែកុម្ភៈ នេះ។

លោក សៀង ឡេង បានបញ្ជាក់ទៀតថា លោក Lewis ត្រូវស្នាក់នៅក្នុងខេត្តព្រះសីហនុ មួយយប់ ហើយនៅព្រឹកថ្ងៃទី១២ ខែកុម្ភៈ ក្រុមហ៊ុនអ្នករៀបចំទេសចរណ៍ របស់កម្ពុជា និងបញ្ជូនលោក Lewis មកកាន់អាកាសយានដ្ឋានអន្តរជាតិភ្នំពេញ ដើម្បីជិះយន្តទៅកាន់ប្រទេសថៃ ជូនលោក Lewis ឡើង នាវាទេសចរណ៍ Vollendam វិញ។

បើតាមអាជ្ញាធរខេត្តព្រះសីហនុ បានបញ្ជាក់ ចំពោះការបាត់ខ្លួនរបស់លោក Lewis ថា ខណៈដែលនាវា Vollendam ចូលចតនៅកំពង់ផែអន្តរជាតិ ក្រុងព្រះសីហនុ ក្រុមអ្នករៀបចំទេសចរណ៍ របស់កម្ពុជា បានយករថយន្តក្រុងប្រមាណ ២០គ្រឿង ដើម្បីដឹកអ្នកទេសចរណ៍ អន្តរជាតិទំាងនោះ ចូលទៅកម្សាន្ត នៅក្នុងក្រុងព្រះសីហនុ ខណៈដែលរថយន្តក្រុង ចេញពីកំពង់ផែ មកឈប់ នៅផ្សារក្នុង ក្រុងព្រះសីហនុ ក្រុមអ្នកទេសចរណ៍អន្តរជាតិ បានចុះដើរកម្សាន្ត តែពេលត្រូវឡើងរថយន្តក្រុងវិញ លោក Lewis បានច្រឡំរថយន្តក្រុង ជិះមកដល់ភ្នំពេញ។ ដោយដឹងខ្លួនថា ច្រឡំរថយន្ត ពេលមកដល់ភ្នំពេញ លោក Lewis ក៏បានជួលរថយន្តឈ្នួល ដើម្បីជិះត្រឡប់មក ខេត្តព្រះសីហនុវិញ តែយឺតពេលទៅហើយ ព្រោះថា នាវាទេសចរណ៍ Vollendam បានចេញដំណើរតំាងពីម៉ោង ៥ល្ងាច ថ្ងៃទី១១ ខែកុម្ភៈនេះ ដើម្បីបន្តដំណើរឆ្ពោះទៅកាន់ប្រទេសថៃ។

សវតារឿង៖ អ្នកទេសចរណ៍ ជនជាតិអាមេរិកកាំងម្នាក់ ក្នុងចំណោម អ្នកទេសចរណ៍ប្រមាណ ២០០០ នាក់ ដែលបានមកកម្សាន្ត ក្នុងខេត្តព្រះសីហនុ តាមរយៈនាវាទេសចរណ៍អន្តរជាតិ Vollendam  បាននឹងកំពុងបាត់ខ្លួន ក្នុងក្រុងព្រះសីហនុ ។

 តាមសេចកក្តីរាយការណ៍បានអោយដឹងថា គិតត្រឹម៉ោង៩ និង៣០នាទី  យប់ថ្ងៃទី១១ ខែកុម្ភៈ ឆ្នាំ២០១៦នេះ កម្លាំងអាជ្ញាធរ និងសមត្ថកិច្ចបាននឹងកំពុងជួយអន្តរាគមន៍ ដើម្បីស្វែងបុរសជន ជាតិអាម៉េរិកកាំងដែលបាត់ខ្លួន ខណៈចូលមកទេសចរណ៍ក្នុងខេត្តព្រះសីហនុ តាមរយៈនាវាទេសចរណ៍។

បើតាមមន្ត្រីកងរាជអាវុធហត្ថបានអោយដឹងថា បុរសជនជាតិអាមេរិកដែលបានបាត់ខ្លួននោះ ឈ្មោះ LEWIS JAMES EDWARD អាយុ៧៨ឆ្នាំ (13 No 1938) កាន់លិខិតឆ្លងដែនលេខ ៤៦៥៥៣៨១៦១ ។

សូមបញ្ជាក់ថា កាលពីព្រឹកថ្ងៃទី១១ ខែកុម្ភៈនេះ នាវាអន្តរជាតិ Volendam បានដឹកភ្ញៀវទេសចរណ៍ចម្រុះជាតិសាសន៍ ជិត២០០ នាក់មកទស្សនាកម្សាន្ត ទីក្រុងទេសចរណ៍ ខេត្តព្រះសីហនុ របស់កម្ពុជា ។ នាវាទេសចរណ៍Volendam នេះមានបណ្តោយ២៣៧,៩ ម៉ែត្រ ទទឹង ៣៤,៤៥ ម៉ែត្រ និងជម្រៅ ៨ម៉ែត្រ បានផ្ទុកអ្នកទេសចរណ៍ ចំនួន ១៣៤៣១នាក់ ក្នុងនោះស្រិ៧៣២នាក់ ដែលមាន៣៨សញ្ជាតិផ្សេងគ្នា ។ នាវានេះមាននាវឹកសរុបចំនួន៦០៩នាក់ ស្រី៨៧នាក់  មាន៣៣សញ្ជាតិ បានធ្វើដំណើរពីវៀតណាម ចូលចតកំពង់ផែនអន្តរជាតិខេត្តព្រះសីហនុ នៅម៉ោង៦ និង ៣០នាទីព្រឹក ហើយបានចេញដំណើរពីកម្ពុជាឆ្ពោះទៅកាន់ប្រទេសថៃល្ងាចថ្ងៃដដែល៕


អ្នកទេសចរណ៍ អាមេរិកម្នាក់ បាត់ខ្លួន ក្រោយចូល មកលេង ក្រុងព្រះសីហនុ តាមនាវាទេសចរណ៍ ខ្នាតយក្ស Vollendam

E-mail Print PDF

ព្រះសីហនុៈ អ្នកទេសចរណ៍ ជនជាតិអាមេរិកកាំងម្នាក់ ក្នុងចំណោម អ្នកទេសចរណ៍ប្រមាណ ២០០០ នាក់ ដែលបានមកកម្សាន្ត ក្នុងខេត្តព្រះសីហនុ តាមរយៈនាវាទេសចរណ៍អន្តរជាតិ Vollendam  បាននឹងកំពុងបាត់ខ្លួន ក្នុងក្រុងព្រះសីហនុ ។

 តាមសេចកក្តីរាយការណ៍បានអោយដឹងថា គិតត្រឹម៉ោង៩ និង៣០នាទី  យប់ថ្ងៃទី១១ ខែកុម្ភៈ ឆ្នាំ២០១៦នេះ កម្លាំងអាជ្ញាធរ និងសមត្ថកិច្ចបាននឹងកំពុងជួយអន្តរាគមន៍ ដើម្បីស្វែងបុរសជន ជាតិអាម៉េរិកកាំងដែលបាត់ខ្លួន ខណៈចូលមកទេសចរណ៍ក្នុងខេត្តព្រះសីហនុ តាមរយៈនាវាទេសចរណ៍។

បើតាមមន្ត្រីកងរាជអាវុធហត្ថបានអោយដឹងថា បុរសជនជាតិអាមេរិកដែលបានបាត់ខ្លួននោះ ឈ្មោះ LEWIS JAMES EDWARD អាយុ៧៨ឆ្នាំ (13 No 1938) កាន់លិខិតឆ្លងដែនលេខ ៤៦៥៥៣៨១៦១ ។

សូមបញ្ជាក់ថា កាលពីព្រឹកថ្ងៃទី១១ ខែកុម្ភៈនេះ នាវាអន្តរជាតិ Volendam បានដឹកភ្ញៀវទេសចរណ៍ចម្រុះជាតិសាសន៍ ជិត២០០ នាក់មកទស្សនាកម្សាន្ត ទីក្រុងទេសចរណ៍ ខេត្តព្រះសីហនុ របស់កម្ពុជា ។ នាវាទេសចរណ៍Volendam នេះមានបណ្តោយ២៣៧,៩ ម៉ែត្រ ទទឹង ៣៤,៤៥ ម៉ែត្រ និងជម្រៅ ៨ម៉ែត្រ បានផ្ទុកអ្នកទេសចរណ៍ ចំនួន ១៣៤៣១នាក់ ក្នុងនោះស្រិ៧៣២នាក់ ដែលមាន៣៨សញ្ជាតិផ្សេងគ្នា ។ នាវានេះមាននាវឹកសរុបចំនួន៦០៩នាក់ ស្រី៨៧នាក់  មាន៣៣សញ្ជាតិ បានធ្វើដំណើរពីវៀតណាម ចូលចតកំពង់ផែនអន្តរជាតិខេត្តព្រះសីហនុ នៅម៉ោង៦ និង ៣០នាទីព្រឹក ហើយបានចេញដំណើរពីកម្ពុជាឆ្ពោះទៅកាន់ប្រទេសថៃល្ងាចថ្ងៃដដែល៕

រយៈពេល ១១ថ្ងៃ សមត្ថកិច្ចឃាត់ខ្លួន អ្នកបើកបរ មានជាតិស្រវឹង ចំនួន ៦៩នាក់

E-mail Print PDF

ភ្នំពេញ៖ ក្នុងរយៈពេល ១១ថ្ងៃ ចាប់ពីថ្ងៃទី៣១ ខែមករា ដល់ថ្ងៃទី១០ ខែកុម្ភៈ ឆ្នាំ២០១៦នេះ សមត្ថកិច្ចចរាចរណ៍ត្រួតពិនិត្យអ្នកបើកបរ មានជាតិស្រវឹង នៅទូទាំងប្រទេស បានឃាត់ខ្លួនអ្នកបើកបរ មានជាតិស្រវឹងបានចំនួន ៦៩នាក់។

យោងតាមរបាយការណ៍របស់នាយកដ្ឋាន នគរបាលចរាចរណ៍ និងសណ្តាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ បានឲ្យដឹងថា លទ្ធផលត្រួតពិនិត្យអ្នកបើកបរជាតិស្រវឹងពីរាជធានី-ខេត្ត រយៈពេល ១១ថ្ងៃ គិតពីថ្ងៃទី៣១ ខែមករា ដល់ថ្ងៃទី១០ ខែកុម្ភៈ ឆ្នាំ២០១៦ ម៉ោង ១១-០៣រំលងអាធ្រាត ប៉ូលិសចរាចរណ៍បានត្រួតពិនិត្យយានយន្តចំនួន ១៤.៣៨១គ្រឿង (រថយន្ត ៥.២០៦គ្រឿង និងម៉ូតូ ៩.១៧៥គ្រឿង)។

ធ្វើការអប់រំចំនួន ១.៨០៣នាក់ (រថយន្ត ៧០៦នាក់ និងម៉ូតូ ១.០៩៨នាក់)។ ពិន័យ ៣១៥នាក់ (រថយន្ត ៦៧នាក់ និងម៉ូតូ ២៤៨នាក់) និងឃាត់ខ្លួនអ្នកស្រវឹងចំនួន ៦៩នាក់ (រថយន្ត ១២នាក់ និងម៉ូតូ៥៧នាក់ មានកំរិតជាតិស្រវឹង ០,៤៥ ដល់ ១,៣០)។

របាយការណ៍ដដែល បានបន្ថែមថា លទ្ធផលត្រួតពិនិត្យអនុវត្តន៍ច្បាប់ចរាចរណ៍ផ្លូវគោក រយៈពេល ១១ថ្ងៃនេះ មានមធ្យោបាយចូលគោលដៅចំនួន ៣៨៣.១៥៦គ្រឿង (ម៉ូតូ ៦០ភាគរយ), មធ្យោបាយល្មើស ៧៩.៣០០គ្រឿង (ម៉ូតូ ៦៩ភាគរយ), អប់រំ ៣៤.៤៥១គ្រឿង និងពិន័យចំនួន ៤៤.៨៤៩គ្រឿង (បង់ប្រាក់ ៧៩ភាគរយ)។

ត្រួតពិនិត្យល្បឿនក្នុងរយៈពេលទាំង ១១ថ្ងៃ សរុបចំនួន ៨៤១គ្រឿង (រថយន្តតូច ៦៤៨គ្រឿង និងរថយន្តធុនធំ ១៩៣គ្រឿង), ល្មើសចំនួន ១០៥គ្រឿង ស្មើនឹង ១២ភាគរយ, អប់រំ ៣៧គ្រឿង (រថយន្តតូច ៣១គ្រឿង និងរថយន្តធំ ៦គ្រឿង) និងពិន័យចំនួន ៦៨គ្រឿង (រថយន្តតូច ៦៧គញរឿង និងរថយន្តធំ ១គ្រឿង)។

ដោយឡែក លទ្ធផលត្រួតពិនិត្យអនុវត្តច្បាប់ចរាចរណ៍ផ្លូវគោក នៅថ្ងៃទី១១កុម្ភៈនេះ មានមធ្យោបាយចូលគោលដៅចំនួន ៦៨.៧៤៥គ្រឿង (ម៉ូតូ ៦១ភាគរយ), មធ្យោបាយល្មើសចំនួន ១០.៩១០គ្រឿង (ម៉ូតូ ៦៩ភាគរយ), ធ្វើការអប់រំចំនួន ៤.៤៨៤គ្រឿង ស្មើនឹង ៤១ភាគរយ និងធ្វើការផាកពិន័យចំនួន ៦.៤២៦គ្រឿង (បង់ប្រាក់ ៨២ភាគរយ)៕

សកលវិទ្យាល័យ ពុទ្ធិសាស្ត្រ រៀបចំពិធីប្រកាសបើកជាផ្លូវការ មជ្ឈមណ្ឌលជ័យវរ្ម័ន សម្រាប់ការអភិវឌ្ឍ

E-mail Print PDF

ភ្នំពេញ៖សកលវិទ្យាល័យ ពុទ្ធិសាស្ត្រសកលវិទ្យាល័យ ពុទ្ធិសាស្ត្រ បានរៀបចំពិធីប្រកាសបើកជាផ្លូវការ មជ្ឈមណ្ឌលជ័យវរ្ម័ន សម្រាប់ការអភិវឌ្ឍ

ដើម្បីជាប្រយោជន៍ ដល់ការអប់រំ និងការស្រាវជ្រាវរបស់និស្សិតទាំងអស់ ។

ថ្លែងក្នុងកម្មវិធី ប្រកាសរៀបចំនូវគម្រោង មួយនេះ នៅល្ងាចថ្ងៃទី១១ ខែកុម្ភៈ ឆ្នាំ២០១៦ នាសកលវិទ្យាល័យពុទ្ធិសាស្ត្រ លោក សុខ ពុទ្ធីវុធ ប្រធានក្រុមប្រឹក្សាភិបាល នៃសកលវិទ្យាល័យពុទ្ធិសាស្ត្រ បានលើកឡើងថា មជ្ឈមណ្ឌលជ័យវរ្ម័ន សម្រាប់ការអភិវឌ្ឍនេះ នឹងក្លាយជាកន្លែងអប់រំ ស្រាវជ្រាវ ដែលផ្តោតសំខាន់ទៅលើគោលបំណងចម្បងចំនួន ៣។

លោកបានបន្តថា គោលបំណងទាំង៣នោះ រួមមាន ទី១. ពង្រឹងការអប់រំកម្រិតឧត្តមសិក្សានៅកម្ពុជា ដោយផ្តល់ការបណ្តុះបណ្តាលបន្ថែមលើមុខវិជ្ជា ដែលមានស្រាបនៅសកលវិទ្យាល័យ, ទី២. ផ្តល់ឱកាសដល់អ្នកស្រាវជ្រាវ និងនិស្សិតកម្ពុជា បង្កើត និងលើកកម្ពស់សមត្ថភាព នៃការស្រាវជ្រាវរបស់ខ្លួន ដើម្បីអភិវឌ្ឍន៍គំនិត និងការស្រាវជ្រាវ ដែលផ្តោតលើគោលនយោបាយសម្រាប់ចូលរួមអភិវឌ្ឍន៍ប្រទេសកម្ពុជា និងទី៣. ការផ្សព្វផ្សាយជំរុញការផ្លាស់ប្តូរ ការទំនាក់ទំនង និងកិច្ចសហប្រតិបត្តិការរវាងសហគមន៍បញ្ញវន្តកម្ពុជា និងអន្តរជាតិ។

លោក សុខ ពុទ្ធីវុធ បានបន្ថែមថា ដើម្បីសម្រេចបាននៅគោលបំណងទាំង៣នេះ មជ្ឈមណ្ឌលជ័យវរ្ម័ន សម្រាប់ការអភិវឌ្ឍ នឹងផ្តល់ការបណ្តុះបណ្តាលបន្ថែម ដើម្បីពង្រឹងសមត្ថភាពដល់សាស្ត្រាចារ្យ បុគ្គលិកសិក្សា ព្រមទាំងនិស្សិតទាំងក្នុង និងក្រៅប្រទេស។

មជ្ឈមណ្ឌលមួយនេះ នឹងធ្វើការយ៉ាងជិតស្និតជាមួយគ្រប់ភាគីពាក់ព័ន្ធសំខាន់ៗ រួមមានសហភាពសហព័ន្ធយុវជនកម្ពុជា, បណ្តាសកលវិទ្យាល័យ, ស្ថាប័នអប់រំ និងស្ថាប័នស្រាវជ្រាវក្នុងស្រុកនានា ព្រមទាំងធ្វើកិច្ចសហប្រតិបត្តិការជាមួយស្ថាប័នអប់រំនានា នៃសាធារណរដ្ឋកូរ៉េ និងសហរដ្ឋអាមេរិក ដែលរួមមានសកលវិទ្យាល័យកូរ៉េ សកលវិទ្យាល័យឆេអាន, សកលវិទ្យាល័យ The Johns Hopkins, សកលវិទ្យាល័យ Northern Illinois, វិទ្យាស្ថានកូរ៉េសម្រាប់គោលនយោបាយសេដ្ឋកិច្ចអន្តរជាតិ និងដៃគូអន្តរជាតិផ្សេងៗទៀតផងដែរ។

សូមបញ្ជាក់ថា កម្មវិធីនេះមានការអញ្ជើញចូលរួមពីសំណាក់ លោក សុក ស៊ីផាន់ណា ទីប្រឹក្សារាជរដ្ឋាភិបាលកម្ពុជា, លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា, លោក សុខ ស៊ីឡូ អគ្គលេខាធិការរង នៃក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ ព្រមទាំងក្រុមអ្នកស្រាវជ្រាវ សាស្ត្រាចារ្យ និងថ្នាក់ដឹកនាំ នៃសកលវិទ្យាល័យ និងវិទ្យាស្ថាននានា នៃសាធារណរដ្ឋកូរ៉េ សហរដ្ឋអាមេរិក និងកម្ពុជាផងដែរ៕

ឃាត់ខ្លួន ជនសង្ស័យម្នាក់ ដែលយកមួកសុវត្ថិភាព វាយក្បាលមន្ត្រីនគរបាល ឲ្យរងរបួស រួចរត់គេចខ្លួន បានមួយថ្ងៃ

E-mail Print PDF

កណ្តាល ៖ ជនដៃដល់២នាក់ ដែលបានធ្វើសកម្មភាព វាយមន្ត្រីនគរបាលម្នាក់ បែកក្បាលហូរឈាម ពេញខ្លួន រួចនាំគ្នារត់គេចខ្លួនបាត់ បាន១ថ្ងៃនោះ ត្រូវបានសមត្ថកិច្ចឃាត់ខ្លួនបាន និងនាំយកទៅសាកសួរនាំ នៅរសៀលថ្ងៃទី១១ ខែកុម្ភះ ឆ្នាំ២០១៦ ស្ថិតនៅបន្ទប់ជួល សង្កាត់ដើមមៀន ក្រុងតាខ្មៅ ខេត្តកណ្តាល។

ជនសង្ស័យទាំង២នាក់ ដែលសមត្ថកិច្ចធ្វើការឃាត់ខ្លួន មាន ១.ឈ្មោះ ខាន់ ចាន់ ភេទប្រុស អាយុ៣៦ឆ្នាំ ស្នាក់នៅផ្ទះជួល ភូមិដើមមៀន១ សង្កាត់ដើមមៀន ក្រុងតាខ្មៅ ខេត្តកណ្តាល មានស្រុកកំណើតនៅភូមិស្លាខាងកើត ឃុំស្លា ស្រុកសំរោង ខេត្តតាកែវ (ឃាត់ខ្លួន) និង ទី២ឈ្មោះ ស ពៅ ហៅវែង ភេទប្រុស អាយុ២៣ឆ្នាំ ស្នាក់នៅផ្ទះជួល ភូមិទួលរការ សង្កាត់ចាក់អង្រែក្រោម រាជធានីភ្នំពេញ មានស្រុកកំណើតជាមួយគ្នា (គេចខ្លួន) ។ ចំណែកឯ មន្ត្រីនគរបាលបានឲ្យដឹងថា ជនរងគ្រោះឈ្មោះ ណាត អង្គាឬទ្ធិ ភេទប្រុស អាយុ២៤ឆ្នាំ មានមុខរបរ ជានគរបាលរស់នៅភូមិថ្មី សង្កាត់តាខ្មៅ ក្រុងតាខ្មៅ ខេត្តកណ្តាល។

នគរបាលបានបន្តថា បើតាមការបំភ្លឺរបស់ម្ចាស់ផ្ទះ លក់ទូរស័ព្ទយឺហោ ហេងសម្បត្តិ បានឲ្យដឹងថា មុនពេលកើតហេតុ ជនរងគ្រោះបានជិះម៉ូតូ តាមផ្លូវជិតកន្លែងកើតហេតុ ក៏មានការប៉ះទង្គិចចរាចរបន្តិចបន្តួច ជាមួយជនសង្ស័យ ប៉ុន្តែពេលនោះជនសង្ស័យក៏បានសុំទោសជនរងគ្រោះផងដែរ តែជនរងគ្រោះហាក់មិនបានចាប់អារម្មណ៍ ព្រោះឃើញថាជនសង្ស័យដូចជាស្រវឹង រួចក៏បន្តដំណើរមកអង្គុយនៅហាងលក់ទូរស័ព្ទ ឆាយគីម បន្តិចក្រោយមកជនសង្ស័យបានទូរស័ព្ទ ហៅគ្នាគេដោយកំណត់ថា ហែងមកឲ្យលឿនធ្វើម៉ិច៣នាទីឲ្យមកដល់ បានបន្តិចក្រោយមក ប្រហែលជា៤ទៅ៥នាទីបក្ខពួករបស់គេ ក៏មកដល់ រួចជិះម៉ូតូពីហាងហេងសម្បត្តិ មកឈប់នៅមុខហាងលក់ទូរស័ព្ទឆាយគីម មានចំងាយពីគ្នាប្រហែល៣០ម៉ែត្រ ហើយក្រោយមកជនសង្ស័យទាំងពីរបានធ្វើសកម្មភាព វាយទៅលើជនរងគ្រោះ ដោយយកមួកសុវត្ថិភាព ទៅវាយក្បាលជនរគ្រោះបណ្តាលឲ្យបែកក្បាលជនរងគ្រោះ ចេញឈាមកខ្លាក់។

 ក្រោយបង្កហេតុជនសង្ស័យបាននាំគ្នា ឡើងជិះម៉ូតូគេចខ្លួចបាត់ ។ រហូតដល់ថ្ងៃទី១១ ខែកុម្ភះ ឆ្នាំ២០១៦ ដោយមានរូបភាពនៅជាប់និងកាម៉េរ៉ាសុវត្តិភាព នគរបាលបានស្រាវជ្រាវ រហូតឈានទៅដល់ឃាត់ខ្លួន ជនសង្ស័យបានម្នាក់នាំយកមកសួរនាំនៅអធិការដ្ឋាន ក្រោយពីសួរនាំជនសង្ស័យបានសារភាពថា ខ្លួនពិតជាបានវាយទៅលើជនរងគ្រោះពិតប្រាកដមែន ។ក្រោយសាកសួររួច សមត្ថកិច្ចបានកសាងសំណុំរឿងដើម្បីចាត់ការទៅតាមនីវិធី៕

Page 6 of 832