left
Safe Home
Safe Home
Safe Home

Dap News...Admin

Friday, Mar 27th

| English Version | dapnews: 012 571 704, 097 9999 883, email: lim.cheavutha@gmail.com

You are here:
 
AAP

នគរបាលប៉ុស្ដិ៍ ទួលស្វាយព្រៃទី១ បង្ក្រាប បានចោរកាច់កម៉ូតូម្នាក់

E-mail Print PDF

ភ្នំពេញ  ៖ មន្ដ្រីនគរបាលប៉ុស្ដិ៍ទួលស្វាយ ព្រៃទី១ ខណ្ឌចំការមន បានឱ្យដឹងថា កម្លាំង របស់ខ្លួនបានធ្វើការស្រាវជ្រាវ រហូតឈាន ទៅដល់ការចាប់ខ្លួន ជនសង្ស័យម្នាក់ ពាក់ ព័ន្ធទៅនឹងសកម្មភាពកាច់កម៉ូតូយ៉ាងសកម្ម របស់ប្រជាពលរដ្ឋ ក្នុងមូលដ្ឋាននារសៀលថ្ងៃទី២៦ ខែមីនា ឆ្នាំ ២០១៥នេះ ។

មន្ដ្រីនគរបាលប៉ុស្ដិ៍ទួលស្វាយព្រៃទី១ បានឱ្យដឹងថា ជនសង្ស័យរូបនេះ ជាមុខ សញ្ញាសកម្មម្នាក់ ខាងកាច់កម៉ូតូរបស់ ប្រជាពលរដ្ឋ នៅតាមដងផ្លូវ និងមុខផ្ទះ ។

ក្រោយពីទទួលបានពាក្យបណ្ដឹងរបស់ជនរងគ្រោះស្ដីពីអំពីការបាត់ម៉ូតូមួយគ្រឿង ម៉ាកគុបរួចមក នគរបាលបានធ្វើការ ស្រាវជ្រាវ រហូតឈានទៅដល់ការចាប់ខ្លួនជនសង្ស័យរូបនេះ ព្រមទាំងដកហូតបានម៉ូតូរបស់ជនរងគ្រោះមកវិញ និងវត្ថុតាងមួយចំនួនទៀត។

បច្ចុប្បន្នជនសង្ស័យរូបនេះ ស្ថិតក្រោម ការឃុំខ្លួននិងសួរនាំ នៅប៉ុស្ដិ៍នគរបាលទួល ស្វាយព្រៃទី១ ដើម្បីបន្ដបញ្ជូនទៅ កាន់អធិការដ្ឋាន នគរបាលខណ្ឌ ចាត់ការតាមនីតិវិធី ។

មន្រ្តីនគរបាល បានឲ្យដឹងថា ជនសង្ស័យមានឈ្មោះ សុខ គីមសាន អាយុ៣០ឆ្នាំ មានទីលំនៅមិនពិតប្រាកដ៕

នគរបាលក្រុង ប៉ោយប៉ែត អំពាវនាវឱ្យ ប្រជាពលរដ្ឋ ទៅយកអត្ដ សញ្ញាណប័ណ្ណ

E-mail Print PDF

-នគរបាល ដាក់បញ្ជីឈ្មោះអ្នកថតធ្វើ អត្ដសញ្ញាណប័ណ្ណ នៅតាមហាងគុយ

បន្ទាយមានជ័យ ៖ ដោយសារតែមិនទាន់ មកទទួលយកអត្ដសញ្ញាណប័ណ្ណរបស់ខ្លួន ក្រោយពីបានមកថត និងធ្វើនោះ មន្ដ្រីនគរ បាលក្រុងប៉ោយប៉ែត ខេត្ដបន្ទាយមានជ័យ បានអំពាវនាវឱ្យប្រជាពលរដ្ឋទាំងនោះមក ទទួលយកនៅ អធិការដ្ឋាននគរបាលក្រុង ពេលណាក៏បាន ។

លោកអ៊ុំ សុផល អធិការនគរបាលក្រុង ប៉ោយប៉ែត បានឱ្យដឹងថា លោកបានឱ្យមន្ដ្រី នគរបាលយកសៀវភៅបញ្ជី ឈ្មោះរបស់ ប្រជាពលរដ្ឋ ដែលធ្វើអត្ដសញ្ញាណប័ណ្ណរួច ទៅដាក់នៅតាមភោជនីយដ្ឋាន និងហាង គុយទាវនៅក្នុងក្រុង ដូច្នេះវាងាយស្រួល នៅពេលប្រជាពលរដ្ឋឃើញឈ្មោះរបស់គាត់នៅក្នុងសៀវភៅនោះ អាចទៅយកនៅអធិការក្រុង ។

លោកអ៊ុំ សុផល បានបញ្ជាក់ថា “ប្រជា ពលរដ្ឋទាំងពីរភេទ ដែលរស់នៅសង្កាត់ផ្សារ កណ្ដាល សង្កាត់ប៉ោយប៉ែត ហើយបានថត ធ្វើអត្ដសញ្ញាណប័ណ្ណ សញ្ជាតិខ្មែររួច បើមើលឃើញ ឈ្មោះខ្លួនឯង សូមមកយកនៅ កន្លែងអធិការដ្ឋាន នគរបាលក្រុង ឬឃើញឈ្មោះបងប្អូន ឬអ្នកស្គាល់ សូមជួយជូនដំណឹងដល់គាត់ផង ឱ្យមកយក បើសិនជាសាម៉ីខ្លួន មិននៅ សូមឱ្យបងប្អូន ម្ដាយឪពុកយកមកជំនួសក៏បាន ដោយត្រូវកាន់សៀវភៅគ្រួសារ ក៤ និងចុង សន្លឹកថតរួច បើសិនជាមានបង្កាន់ដៃបង់អាករណ៍ អត្ដសញ្ញាណប័ណ្ណសញ្ជាតិខ្មែរ ត្រូវយកមកជាមួយផង ។

នាយករដ្ឋមន្ដ្រី រិះគន់ ការផ្ដល់ជ័យលាភី ជូនគ្រូឆ្នើម ពិភពលោក

E-mail Print PDF

ភ្នំពេញ ៖ នាយករដ្ឋមន្ដ្រីកម្ពុជា សម្ដេច តេជោ ហ៊ុន សែន បានថ្លែងរិះគន់ចំៗចំពោះ ការផ្ដល់ជ័យលាភី ជូនគ្រូឆ្នើមពិភពលោក ដែលអង្គការពាន រង្វាន់គ្រូឆ្នើមពិភព លោក បានរៀបចំបេក្ខជន ដែលជាប់ជ័យ លាភីរួច ស្រេចទៅហើយ ដូច្នេះ បេក្ខជនរបស់កម្ពុជា គឺ អ្នកគ្រូ នាង ផល្លា គ្រាន់តែទៅចូលរួម ដើម្បីបង្គ្រប់ កិច្ចតែប៉ុណ្ណោះ ។

ថ្លែងក្នុងពិធីបិទសន្និបាតបូកសរុបការងាររបស់ក្រសួងអប់រំ យុវជន និងកីឡា នា រសៀលថ្ងៃទី២៦ ខែមីនា ឆ្នាំ២០១៥នេះ សម្ដេចតេជោ ហ៊ុន សែន បានបញ្ជាក់យ៉ាងដូច្នេះថា “លទ្ធផលបោះ ឆ្នោត គេមិនប្រកាស ផង បានសេចក្ដីថា គេត្រៀមមនុស្សឱ្យជាប់រួចទៅហើយ យើងទៅបង្គ្រប់កិច្ចហ្នឹង មូលហេតុងាយយល់ទេ គេអញ្ជើញ គ្លីនតុន មកបាត់ទៅហើយ បានសេចក្ដីថា គ្រូអាមេរិក គេត្រូវជាប់ អានឹងនិយាយតាម មួយបែបមើល” ។

សម្ដេចនាយករដ្ឋមន្ដ្រី បានមានប្រសាសន៍ទៀតថា “ដោយសារតែ អង្គការពានរង្វាន់គ្រូឆ្នើមពិភពលោក គេដឹងថា គ្រូសញ្ជាតិអាមេរិក ជាប់បាត់ទៅ ហើយ បានអញ្ជើញគ្លីនតុនមក បើសិនជាទៅដល់ណឹង បានផ្ដាច់ព្រ័ត្រ អាហ្នឹងជាគេអត់ទាន់ដឹងថា អ្នកណាជាប់ទេ” ។

បើទោះបីមិនបានជាប់ជ័យលាភីជាគ្រូ ឆ្នើមពិភពលោក ប៉ុន្ដែសម្ដេចតេជោ ហ៊ុន សែន បានផ្ដល់ថវិកា ១០០លានរៀល ជូនអ្នកគ្រូនាង ផល្លា និងនាយកអង្គការគ្រួសារថ្មី ព្រមទាំងបំពាក់ គ្រឿងឥស្សរិយយស ទៀតផង ៕

បុរសវ័យ ចំណាស់ម្នាក់ ពេលកំពុងលេង ប៊ូល ខ្យលគស្លាប់

E-mail Print PDF

ភ្នំពេញ ៖ បុរសវ័យចំណាស់ម្នាក់ ពេល កំពុងលេងប៊ូល ជាមួយដៃគូរបស់ខ្លួន ស្ថិត នៅក្នុងដីឡូត៍ លេខ១២ សង្កាត់បឹងត្របែក ខណ្ឌចំការមន បានខ្យល់គ ស្លាប់ភ្លាមៗតែ ម្ដង ។

សមត្ថកិច្ចមូលដ្ឋានបានឱ្យដឹងថា ជនរង គ្រោះមានឈ្មោះងាក ស៊ីដេត អាយុ៧៣ឆ្នាំ ស្នាក់នៅផ្ទះ លេខ៣៣១E2 សង្កាត់អូរឫស្សីទី៤ ខណ្ឌ៧មករា ។

ក្រោយមានករណីខាងលើនេះកើតឡើង មន្ដ្រីនគរបាលមូលដ្ឋាន និងបច្ចេកទេស បាន ចុះមកពិនិត្យសព ហើយទាក់ទងទៅក្រុម គ្រួសារមកទទួលយក ធ្វើបុណ្យតាមប្រពៃណី ។

តាមសាក្សីដែលជាអ្នកលេងប៊ូលជាមួយ ជនរងគ្រោះបាននិយាយថា លោកតា ងាក ស៊ីដេត តែងតែជិះម៉ូតូ មក លេងប៊ូលជាប្រចាំ ស្រាប់តែនៅវេលាម៉ោង៣និង៣០នាទីរសៀលថ្ងៃទី២៦ ខែមីនា ឆ្នាំ២០១៥នេះ ស្រាប់តែ គាត់មានអាការៈមិនស្រួល រហូតដល់ដាច់ ខ្យល់ស្លាប់តែម្ដង ។

គណៈប្រតិភូស្ថាប័ន ចម្រុះម៉ាឡេស៊ី អញ្ជើញមកដល់កម្ពុជា ចូលរួមពិធីសម្ពោធ វិហារធំ អាល់សាកាលបឹងកក់

E-mail Print PDF

ភ្នំពេញ៖ មន្រ្តីរដ្ឋាភិបាលម៉ាឡេស៊ីជាច្រើនរូប បានអញ្ជើញ មកដល់ប្រទេសកម្ពុជាបណ្តើរៗហើយ ដើម្បីចូលរួម  សម្ភោធវិហារធំអាល់សារកាលបឹងកក់ ដែលនឹងសម្ភោធដាក់ឲ្យប្រើប្រាស់ជាផ្លូវការ នៅថ្ងៃទី២៧ ខែមីនា ឆ្នាំ២០  ១៥ ក្រោមអធិបតីភាព ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន និង សម្តេចកិត្តិព្រឹទ្ឋបណ្ឌិត  ប៊ុន រ៉ានី ហ៊ុន សែន។

មន្រ្តីរដ្ឋាភិបាលម៉ាឡេស៊ី ដែលអញ្ចើញមកដល់ប្រទេសកម្ពុជា កាលពីថ្ងៃទី២៥ ខែមីនា ឆ្នាំ២០១៥ រួមមាន៖  សភាពាណិជ្ជកម្មម៉ាឡេស៊ី ដឹកនាំដោយ IR HJ MOHD TAQUDDIN ប្រធានសភាពាណិជ្ជកម្មម៉េឡេស៊ី,  គ ណៈប្រតិភូរបស់ស្ថាប័នហ្សាកាត់ប្រទេសម៉ឡេស៊ី ដឹកនាំដោយ លោក DATOK AIDT BIN HAJI GAZALI  សមាជិកក្រុមប្រឹក្សាហ្សកាត់រដ្ឋស្លាងរ ម៉ាឡេស៊ី,  គណៈប្រតិភូរបស់ក្រុមប្រឹក្សាសាសនាឥស្លាមម៉ាឡេស៊ី ដឹកនាំ ដោយ លោក DATOK HAJI ZAINAL ABIDIN BIN JAFFAR ដែលជាប្រធានក្រុមប្រឹក្សាសាសនឥស្លាមរដ្ឋ  PERSEKUTUAN ប្រទេសម៉ាឡេស៊ី តំណាងរបស់ក្រុមហ៊ុន ALSERKAL GROUP ដែលជាម្ចាស់ជំនួយ វិហារធំអាល់សារកាល ALSERKAL ដែលចំណាយទឹកប្រាក់ប្រមាណ ២,៦លានដុល្លារ  រួមជាមួយគណៈប្រតិ  ភូសំខាន់ៗជាច្រើនទៀត។

ចំណែកនៅថ្ងៃទី២៦ ខែមីនា ឆ្នាំ២០១៥នេះ គឺជាថ្ងៃចុងក្រោយ ដែលគណៈប្រតិភូសំខាន់ៗអន្តរជាតិ មកពីគ្រប់ លំដាប់ និង ស្ថាប័ន ក៏នឹងអញ្ជើញមកដល់កម្ពុជា ជាពិសេសគណៈប្រតិភូក្រសួងមហាផ្ទៃ ដឹកនាំដោយលោក  DAO’ SERI DR AHMAD  ZAHID HAMIDI រដ្ឋមន្រ្តីក្រសួងមហាផ្ទៃ ម៉ាឡេស៊ី, គណៈប្រតិភូរបស់ ALSER  KAL GROUP ដែលដឹកនាំដោយលោក ISA NASER AL SERKAL អគ្គនាយកក្រុមហ៊ុនជនជាត់អារ៉ាប់អេមី រ៉េត និង ជាម្ចាស់ជំនួយវិហារ ធំអាល់សារកាលបឹងកក់,  គណៈប្រតិភូសមាគមសុខុមាលភាពឥស្លាមម៉ាឡេស៊ី  PERKIM ដឹកនាំដោយសម្តេច TUN ZAKI BIN TUN AZMI អតីតប្រធានតុលាការកំពូលម៉ាឡេស៊ី រួមជាមួយ នឹងគណៈប្រតិភូសំខាន់ៗ នានាជាច្រើនទៀត ដែលនឹងអញ្ជើញជាបណ្តើរៗ មុននឹងពិធីសម្ពោធនឹងចាប់ផ្តើមនា ព្រឹកថ្ងៃទី២៧ ខែមីនា ឆ្នាំ២០១៥នេះ៕

គោលនយោបាយ និងយុទ្ឋសាស្រ្ត របស់ប្រទេសហ្វាំងឡង់ ក្នុងការរួមរស់ នៅក្បែរប្រទេសធំ ដែលមានមហិច្ចតា!:

E-mail Print PDF

ដើម្បីជាការរួមចំណែក នូវចំណេះដឹង ដល់មិត្តអក្នអាន អំពីបច្ចុប្បន្នភាព នយោបាយនិង យុទ្ឋសាស្រ្ត ក្នុងការការពារ និងកសាងជាតិ ដែលអត្ថបទ នេះមានលក្ខណៈ សិក្សាស្រាវជ្រាវ ដែលមិនឆ្លុះបញ្ចាំង នូវគោលគំនិត និងទស្សនៈនយោបាយ របស់អ្នក សរសេរឡើយ!

ទោះបីជា Finland មានវិសាលភាព នៃទីតាំងភូមិសាស្រ្ត នៅជាប់និងប្រទេសរុស្សី ហើយដែល Finland ជានិច្ច ស្ថិតនៅក្នុងស្ថានភាពប្រុងប្រយ័ត្ន ក្នុងការទប់ទល់ទៅ និងគោលគំនិត នៃនយាបាយអន្តរជាតិ ប្រទេសធំ របស់ រុស្សី ក៏ដោយ ក៏ប្រទេស Finland នៅតែមានដំណើរវិវត្តន៍ រីកចំរើនយ៉ាងខ្លាំង ក្លាមិនឈប់ឈរ ហើយ Finland នៅតែរក្សាបាននូវលំនឹង នៃទំនាក់ទំនងដ៏ល្អរួមទាំងជាមួយអ៊ឺរ៉ុប និងជាមួយប្រទេសរុស្សី ដដែល!។ តើ Finland បានអនុវត្តន៍នូវគោល នយោបាយការបរទេស របស់ខ្លួនយ៉ាងដូចម៉្តេច ក្នុងការរក្សា អោយបាននូវតុល្យភាព ផលប្រយោជន៍ របស់ប្រទេសធំផង ដើម្បីការពារខ្លួនផង និងក៏ដើម្បីអភិវឌ្ឍន៍ ប្រទេសរបស់ខ្លួនផង ក្នុងពេល ដែលប្រទេសរបស់ខ្លួន ស្ថិតនៅក្បែប្រទេសធំមួយ ដែលមាននយោបាយ មិនប្រក្រតីតែងតែមានភាព អមិត្តអំពី មនោគមវិជ្ជាប្រវត្តិសាស្រ្ត និងគោលនយោបាយ នៃផលប្រយោជន៍យុទ្ឋសាស្រ្តផងនោះ! ។

ប្រទេស Finlandតែងតែស្ថិត នៅក្នុងស្ថានភាព ប្រុងប្រយ័ត្នខ្ពស់ និងត្រៀមលក្ខណៈសម្បត្តិ ដើម្បីទប់ទល់ ទៅនឹងនយាបាយបងធំរបស់ប្រទេសរុស្សីជានិច្ច ។ ក្នុងប៉ុន្មានខែមុននេះរុស្សីបានដាក់ពង្រាយទ័ព ៥០០០នាក់ ដើម្បីស្តារមូលដ្ឋានទ័ពអាកាសឡើងវិញនៅ Murmansk Oblast ឆ្ងាយពី Rovanniemi ជាក្រុងមួយរបស់ Finlandដែលមានប្រជាពលរដ្ឋរស់នៅប្រមាណ ៦ម៉ឺននាក់២០០គមពីទិសខាងកើតរបស់រដ្ឋធានីហ្វាំងឡង់។ នៅទីនេះ ជារៀងរាល់ថ្ងៃទ័ពអាកាស របស់រុស្សី បានធ្វើការហឹ្វកហាត់សមយុទ្ឋ ជាប្រចាំនៅតាមបណ្តោយ ព្រំដែនរុស្សី-ហ្វាំងឡង់ រហូតដល់មានពេលខ្លះ យន្តហោះចម្បាំងរបស់រុស្សី បានហោះចូលបំពាន រំលោភមក លើដែនអធិបតេយ្យភាពរបស់ Finlandទៀតផង!។

ក្រៅពីនេះ អាវុធនុយក្លេអ៊ែរបស់រុស្សី ក៏ត្រូវបានដាក់ពង្រាយនិងបំពាក់ក្នុងនាវាមុជទឹក (subma- rines) យ៉ាង ច្រើន ដែលបោះទីតាំងនៅភាគខាងជើង Lapland ស្ថិតក្នុងជួរកោះ Kola ជាប់និងដែនសមុទ្ររបស់Finland ដើម្បីជាការកំញើញពីចម្ងាយ!។

ទោះបីជាមានទីតាំងភូមិសាស្រ្ត ស្ថិតនៅជាប់និងមហាអំណាចរុស្សីយ៉ាងនេះក៏ដោយ ក៏Finlandហាក់បីពុំមានការ ភ័យខ្លាច ទៅនឹងអំណាចដ៏មហិមារបស់យក្សរុស្សីឡើយ! ពិតមែនតែមានប្រជាពលរដ្ឋ ប្រមាណជាង៥,៤៣៩ លាននាក់ តែ Finlandមានទ័ពបំរុងជាង ៣៥០.០០០នាក់ ហើយក៏ជាប្រទេសដែលបានទំនើបកម្មកងទ័ព និងមានការចំណាយលើវិស័យយោធាខ្ពស់ជាងគេបំផុតនៅអ៊ឺរ៉ុប។ ក្នុងអតីតកាលFinland ធ្លាប់ទទួលរង នូវការទន្រ្ទានកាន់កាប់និងការឈ្លានពានពីប្រទេសរុស្សី ហើយនៅឆ្នាំ ១៩៣៩ Finlandបានវាយបក ព្រមទាំង បានរុញច្រានទ័ពឈ្លានពានរបស់រុស្សីចេញផុតពី Finlandក្នុងការប្រយុទ្ឋមួយ ដែលហៅថា សង្រ្គាមរដូវត្រជាក់ (Winter War)។  ក្នុងសម័យកាលនៃសង្រ្គាមនេះ ដែលទោះបីជាកងទ័ពFinlandបានបាត់បង់អាយុជីវិតជាង ៤ម៉ឺននាក់ក៏ដោយ ក៏ទ័ពម្ខាងទៀតបានបាត់បង់ច្រើនជាងFinland រហូតដល់ ៥ដង!។

ដោយមានភាព smart ក្នុង diplomacy បានធ្វើអោយ  Finlandឈរនៅខាងក្រៅសង្វៀន នៃសង្រ្គាម ត្រជាក់ ហើយបន្តស្ថិត នៅជាប្រទេសមួយដែលប្រកាន់គោលនយោបាយអព្យាក្រិត្យ តែចរិត    អព្យាក្រិត្យនេះមានតួនាទី មួយយ៉ាងយុទ្ឋសាស្រ្តបំផុតក្នុងចន្លោះរវាងពិភពខាងកើតនិងខាងលិច(East and West) ។ Finland បាន ប្រកាន់ នូវទស្សន:ជំហរមួយ គឺមិនធ្វើការទិទៀនវាយប្រហារមកលើសម្ព័ន្ឋភាពសូវៀត ដែលទស្សនៈ អព្យាក្រិត្យនេះ បានអនុញ្ញាត្តិអោយ Finland មានភាពអនុគ្រោះក្នុងការជួបប្រាស្រ័យ ចូលរួមក្នុងទីផ្សារមួយដ៏ធំ ដែលទន្ទឹមនេះ Finland ក៏មានលទ្ឋភាពអនុគ្រោះក្នុងការ ពង្រីកពាណិជ្ជកម្មរបស់ខ្លួន ជាមួយនិងបណ្តាប្រទេស ដែលជាសមាជិករបស់អង្គការNATO ទៀតផង!។ ការអនុវត្តន៍នូវយុទ្ឋសាស្រ្តពង្រឹងសាច់ដុំយោធា គួបផ្សំទៅ និងការ ប្រកាន់យកជំហរអព្យាក្រិត្យ ខាងនយោបាយ និងការប្រាស្រ័យទាក់ទង ចូលរួមអភិវឌ្ឍន៍សេដ្ឋកិច្ច ដែល actionsទាំងអស់នេះត្រូវបាននិយមន័យក្នុងរូបភាព ជាគោលនយោបាយ Finlandinization Policyហើយ Finlandបានបន្តគោល នយោបាយនេះ រហូតដល់ក្រោយសម័យនៃសង្រ្គាមត្រជាក់(post cold-war) ចប់និង បន្តដល់ពេលនេះ។

ក្នុងបរិបទនៃ Finlandinization Policyនេះ បានធ្វើអោយប្រទេស Finlandមានទឡ្ហីករណ៍រឹងមាំ ក្នុងការ បដិសេធ មិនចូលរួមជាសមាជិកក្នុងប្លុកសម្ព័ន្ឋយោធាNATO ។ ប្រទេសរុស្សីធ្លាប់មានការខឹងសម្បាយ៉ាងខ្លាំង ពេលដែលឃើញប្រទេស Baltic ទាំងបីដែលមុននេះស្ថិតក្រោមអំណាចឥទ្ឋិពលរបស់សហភាពសូវៀត រួមមាន  Estonia, Latvia និង Litva បានចុះហត្ថលេខានិងចូលរួមក្នុងសម្ព័ន្ឋភាពយោធាជាមួយនិងប្លុកលោកខាងលិច! ហើយនៅពេលដែលប្រទេស Balticទាំងបីនេះ មានសេចក្តីបារម្មណ៍ដោយប្រទេស របស់ខ្លួននឹងក្លាយទៅជា គោល ដៅវាយប្រហាររបស់រុស្សីបន្ទាប់ពីមានឧបទ្ទវហេតុនៅCrimea ឬ Ukraine មក បែទៅជាFinland មានការ ជឿជាក់ថា Finlandអាចស្វ័យការពារបាននៅចំពោះមុខភាពរឹងរូសរបស់រុស្សី ដោយ Finland បានឈរនៅ ខាងក្រៅអង្គការNATO ព្រមទាំង Finlandបានភ្ជាប់និង បានពង្រីកទំនាក់ទំនង សេដ្ឋកិច្ចយ៉ាងជិតស្និទ្ឋ ជាមួយរុស្សី ដែលជាប្រទេសភូមិផងមួយពោរពេញទៅដោយអនុភាពយោធាយ៉ាងខ្លាំងក្លាដូច្នេះ។ ទន្ទឹមនេះFinland ក៏មានជួរកងទ័ពមួយដែលមានសមត្ថភាពគ្រប់គ្រាន់ ក្នុងការទប់ទល់ទៅនឹងកម្លាំង ឈ្លានពានពីខាងក្រៅផងដែរ!។

ដោយតថភាព នៃសភាពការណ៍របស់ពិភពលោកមានការ ប្រែប្រួលនិងគួបផ្សំទៅនិងលក្ខខ័ណ្ឌចាំបាច់ មួយចំនួន របស់អ៊ឺរ៉ុបផង បានធ្វើអោយ Finlandមានការកែសំរួលនូវគោលនយោបាយ Finlandinization។ ផ្តើមចេញពីការកែសំរួលនេះ បានធ្វើអោយ Finlandចូលរួមជាសមាជិករបស់EU នៅក្នុងឆ្នាំ ១៩៩៥ ចូលរួមក្នុង តំបន់Schengen គ្មានព្រំដែនក្នុងឆ្នាំ ១៩៩៦ និងក្នុងតំបន់លុយ Euro ក្នុងឆ្នាំ ១៩៩៩។ ក្នុងឋានៈជាសមាជិករបស់ EUក៏បានធ្វើអោយ Finlandរួមចំណែកក្នុងវិធានការ ដាក់ទណ្ឌកម្មសេដ្ឋកិច្ច របស់EU មកលើរុស្សីហើយជាការឆ្លើយតប Finland ក៏ទទួលរងមកវិញនូវការហាមមិន អោយនាំចូលមកវិញ នូវសាច់និងពងពីរុស្សីផងដែរ។

ការរីកធំធាត់និងភាពខ្លាំងក្លាលើផ្នែកសេដ្ឋកិច្ច ពុំបានធ្វើអោយ Finlandមានគោលបំណងឈប់ទាក់ទង សហការជាមួយរុស្សីឡើយ! ដោយ Finland នៅតែបន្តការខិតខំប្រឹងប្រែងរក្សា កិច្ចសហប្រតិបត្តិការជា មួយរុស្សីអំពីការការពារបរិស្ថាន គមនាគមន៍ ដឹកជញ្ជូន ការស្វែងរកនិងជួយសង្រ្គោះ ព្រមទាំងកិច្ចសហការក្នុង ការរួមគ្នាពិនិត្យជនអន្តោប្រវេសន៍ផង។

អំពី Finlandinization Policy:មុននិងក្រោយសម័យកាលនៃសង្រ្គាមត្រជាក់ ប្រទេស Finlandបានបំពេញ តួនាទីនយោបាយមួយយ៉ាងវិជ្ជមាន ក្នុងបណ្តាបញ្ហាដែលមានការពាក់ព័ន្ឋ ទៅនឹងការទំនាក់ទំនងវិវាទ អំពីសម្បត្តិធម្មជាតិ សិទ្ឋិមនុស្សនិងដំណោះស្រាយអាវុធនុយក្លេអ៊ែ រវាងប្រទេសមហាអំណាចនិងគ្នា!។

តែការនិយមន័យ Finlandinization នាពេលបច្ចុប្បន្ននេះ ត្រូវបានអ្នកនយោបាយនាសហសម័យចាត់ទុកថា ជាពាក្យពេចន៍មានលក្ឋណៈមើលស្រាល សំដៅចង្អុលបង្ហាញមកលើប្រទេសតូចមួយដែលពុំមានសំណាង ធ្លាក់ទៅក្នុងព្យុះសង្ឃរានៃឥទ្ឋិពលនយោបាយរបស់ប្រទេសមហាអំណាចណាមួយដែលប្រទេសខ្លួនពុំមានការទាក់ទិន ពាក់ព័ន្ឋសោះ!។

គេនៅចាំបានថា នៅឆ្នាំ ១៩៤៨ ប្រទេសFinland បានសំរេចចិត្តដែលមានលក្ខណៈជាយុទ្ឋសាស្រ្តស្លាប់-រស់ គឺការចុះហត្ថលេខាលើសន្ឋិសញ្ញាមិនឈ្លានពានគ្នាទៅវិញទៅមក (Non-Agression Pact) ជាមួយក្រុង Mouscou។ សន្ឋិសញ្ញានេះ មានចរិតលក្ខណៈបង្ហាញនូវតួនាទីអព្យាក្រិត្យរបស់Finland ក្នុងសម័យ កាលនៃសង្រ្គាមត្រជាក់! ទន្ទឹមនេះ សន្ឋិសញ្ញានេះក៏ជាមធ្យោបាយមួយ ក្នុងការជួយធានាដល់សិទ្ឋិស្វ័យ សំរេចនិងដំណើរប្រជាធិបតេយ្យនៅក្នុងប្រទេស Finlandអស់រយៈកាលមួយដ៏វែងនៃសង្រ្គាមត្រជាក់ផងដែរ។ ហើយសំខាន់ជាងនេះទៅទៀត តួនាទីដ៏វិជ្ជមានរបស់ប្រទេសហ្វាំងឡង់ បានជួយសំរួលនិងឈានទៅដល់បញ្ចប់ សង្រ្គាមត្រជាក់ជាស្ថាពរផង!។Finlandinization Policy បានជួយសំរួលអោយមានការផ្លាស់ប្តូរ ទំនាក់ទំនង ទៅវិញទៅមករវាងប្លុកទាំងពីរខាងកើតនិងខាងលិច(កម្មុយនីស្តនិងមូលធននិយម)ជួយកាត់បន្ថយនូវភាពភ័យខ្លាចពីមហាអំណាចយក្សសហភាពសូវៀត រក្សាបានស្ថេរភាពដើម្បីគ្រប់គ្រង និងការអភិវឌ្ឍន៍ ប្រទេសជាតិ ក្រោមរូបភាពប៉ិនប្រសព្វនៃការងារការទូតគឺការអនុវត្តន៍នូវFinlandinizationPolicyនេះឯង!។

ក្រោយមក គេសំគាល់ឃើញ Finlandinization នេះ បានកើតឡើងក្នុងទំនាក់ទំនង រវាងអាមេរិកនិងចិន ប្រជាមានិត ហើយរូបមន្តFinlandinization នេះម្តងទៀតបានជួយទប់ស្កាត់ មិនអោយមានការកកើត ឡើង សារជាថ្មីនៃសង្រ្គាមត្រជាក់រវាងអាមេរិកនិងចិនបន្តទៀត!។ ព្រោះការជំរុញអោយមានដំណើរ Finlandinization មកលើកោះតៃវ៉ាន់ គឺជាអត្ថប្រយោជន៍ដោយផ្ទាល់នៃសន្តិសុខរបស់សហរដ្ឋអាមេរិក!។សហរដ្ឋអាមេរិក បានគាំទ្រដល់តួនាទីរបស់តៃវ៉ាន់ដោយប្រែក្លាយតៃវ៉ាន់ទៅជាច្រកចេញ-ចូលសំរាប់ចិនប្រជាមានិត រហូតដល់ មានការឯកច្ឆ័ន្ឋចុះហត្ថលេខាលើកិច្ចព្រមព្រៀងពាណិជ្ជកម្មសេរី(Free Trade Agreement) ជាមួយកោះ Taiwanដែលជាលេសនយោបាយមួយដ៏ធំឆ្ពោះទៅប្រក្រតីកម្មទំនាក់ទំនង(normalization) ជាមួយ សាធារណរដ្ឋប្រជាមានិតចិនក្នុងបរិបទមួយថ្មីរបស់អាមេរិកក៏ដោយសារ បានអនុវត្តន៍រូបមន្ត Finlandinization PolicyមកលើកោះTaiwanនេះឯង!។

រហូតមកដល់ថ្ងៃនេះ ប្រទេស Finland មានការរីកចំរើនយ៉ាងខ្លាំងក្លា ហើយគោលនយោបាយ Finlandinization បានជួយអោយប្រទេស Finlandរួមរស់យ៉ាងសុខសន្តិភាពនិងមានការអភិវឌ្ឍន៍រីកចំរើន នៅក្បែរប្រទេស មហាយក្ស បរមាណូដោយពុំមានហេតុការណ៍គួរអោយភ័យខ្លាចណាមួយកើតឡើងឡើយ!៕

អត្ថបទស្រាវជ្រាវ ដោយ លោក ហើស សិរីធន

ស្រាបៀអង្គរ នឹងរៀបចំកម្មវិធី រាត្រីខោខូវប៊ូយ នៅពេលឆាប់ៗនេះ

E-mail Print PDF

ភ្នំពេញៈ ថ្មីៗនេះ នៅលើបណ្តាញសង្គម Facebook មានការចែករំលែកតៗ គ្នានូវរូបភាពមួយ សរសេរថា “រាប់ថយក្រោយ ជាមួយភាពរីករាយពិតៗ” ដែលមានចំនួនអ្នក LIKE និង Share រាប់ពាន់អ្នក។

តាមរយៈការស្វែងរក ប្រភពបង្ហោះបានឲ្យដឹងថា ចេញពីទំព័រ Facebook របស់ក្រុមហ៊ុនស្រាបៀរ អង្គរ ដែលគេកំពុងតែនាំគ្នា ទស្សន៍ទាយថា វាជាកម្មវីធី ជប់លៀងមួយ គ្រោងនឹងរៀប់ចំឡើង នៅក្នុងពេលឆាប់នេះ ដែលនៅមានដាក់លេខ ដេញថយក្រោយចាប់ពីលេខ ៤ និង ដល់លេខ ២ ហើយក្នុងថ្ងៃនោះ ដែលគេកំពុងតែគិតថា នឹងត្រូវចំថ្ងៃទី២៨ ខែមីនា ខាងមុខនេះ។

បើតាមរយៈទំព័រ Facebook របស់ក្រុមហ៊ុន ស្រាបៀរអង្គរ ក៏ឃើញមានការបង្ហោះ រូបភាពប្លែកៗ អំពីខោខោវប៊ូយជាច្រើនម៉ូតនៅលើ Facebook Page របស់ My Generation ។ តើពួកគេកំពុង តែចង់និយាយអំពីអ្វី ហើយចង់ធ្វើអ្វី? តើមានកម្មវិធីអ្វី នៅពេលឆាប់ៗនេះពី ស្រាបៀរអង្គរ? អ្នកលេងសង្គម Facebook មួយចំនួន និយាយថា វាអាចជាកម្មវិធី មួយម៉ោងសម្រាប់ ពិភពលោក ថ្ងៃទី២៨ ដែលនឹងមានការបិទភ្លើងមួយម៉ោង ចាប់ពី៨ កន្លះ ដល់ម៉ោង ៩ កន្លះយប់ ដើម្បីទប់ស្កាត់ ការប្រែប្រួលអាកាសធាតុ ។

យើងក៏បានទាក់ទងធ្វើការទាក់ទង ទៅកាន់អ្នកដែលគាំទ្រ ស្រាបៀរអង្គរ ប្អូនស្រី រ៉ានី បានឲ្យដឹងថា “បើតាមខ្ញុំដឹង វាគឺជាកម្មវិធីជួបជុំមួយ ដែលនឹងធ្វើឡើងនៅឯ ភោជនីយដ្ឋាន Blue Monkey ខាងក្រោយស្ថានទូតរុស្សី ថ្ងៃទី២៨ ខែមីនា ចាប់ពីម៉ោង ៦ ល្ងាច។”  ប្អូនស្រីបានឲ្យបន្ថែមទៀតថា “កម្មវិធីនេះ គឺធ្វើឡើងសម្រាប់ តែអ្នកចូលចិត្តស្លៀកខោខោវប៊ូយ ហើយអ្នកណាក៏អាចចូលរួម ក្នុងកម្មវិធីនេះបានដែរ។ ខ្ញុំ និងមិត្តភក្កិ បានទទួលការអញ្ជើញ ឲ្យចូលរួមក្នុងកម្មវិធីតាមរយៈ Facebook ហើយត្រៀមខ្លួនរួចជាស្រេច សម្រាប់កម្មវិធីដ៏ភ្ញាក់ផ្អើល មួយនេះ” ។

តាមរយៈការសាកសួរមេការ ភោជនីយដ្ឋាន Blue Monkey លោក នាង សំភ័ស បានឲ្យដឹងថា នៅថ្ងៃសៅរ៏ ទី ២៨ មីនា ខាងមុខនេះ ក្រុមហ៊ុនស្រាបៀរអង្គរ នឹងអញ្ជើញតារាចំរៀងដ៏ល្បី ២រូប គឺលោក Jimmy Kiss និងតារាចម្រៀងស្រីល្បី Nikki Nikki មកធ្វើការសម្តែង នៅភោជនីដ្ឋាន Blue Monkey របស់យើងខ្ញុំ។

អ្នកដែលមិនទាន់បានទទួល បានការអញ្ជើញ អាចចូលទៅកាន់ទំព័រ Facebook របស់ ស្រាបៀរអង្គរ https://www.facebook.com/AngkorbeerOfficial ឫក៏ ទំព័រ My Generation https://www.facebook.com/MyGenerationKH ដើម្បីស្វែងយល់បន្ថែម៕

ខុនដូ LA VIE ឈាន​ជើង​ចូល​ទី​ផ្សារ​កម្ពុជាដំបូង គំរូ​ស្តង់​ដា​សិង្ហ​បុរី

E-mail Print PDF

ភ្នំពេញ៖ ការវិនិយោគថ្មី ក្រុមហ៊ុន Yuen Development  បានចាប់ផ្តើមសាងសង់អាគារខុនដូរ LA VIE Residences កំពស់ ១៧ជាន់ និងមាន ១៨០យូនីត ព័ទ្ធជុំវិញទៅដោយ ទន្លេមេគង្គ និងទន្លេសាប ។ អាគារខុនដូរនេះ បានធ្វើការ សម្ពោធបើកការដាក់លក់ជាផ្លួវការ នូវតំណាក់ការទី១ នៃគំរោងខុនដូទំនើប La Vie Residences ដែលស្ថិតនៅក្នុង រាជធានីភ្នំពេញ។

លោក ទេសរដ្ឋមន្ត្រី លី ធុជ បានថ្លែងនៅក្នុងពិធីសម្ពោធកាលពីថ្ងៃទី២៤ មីនា ឆ្នាំ២០១៥ ថា” ខុនដូគំរូ និងបន្ទប់គំរូ  របស់ LA VIE Residences គឺពិតជាមានការតុបតែងបានយ៉ាងប្រណីតនិងមានលក្ខណៈស្តង់ដារទំនើប ពិតជានឹងអាចទាក់ទាញបាននូវអ្នកវិនិយោគទន់ និងអតិថិជន បានយ៉ាងងាយស្រួល។ លោក សូមជូនពរឲ្យ La Vie Residenes នឹងសាងសង់បានយ៉ាងជោគជ័យ ប្រកបដោយគុណភាពសម្រាប់ភ្នំពេញនាពេលអនាគត។

លោក Darren Yap អគ្គនាយកនៃក្រុមហ៊ុន បានមានប្រសាសន៍ថា ចំណុចដ៏គួរឲ្យចាប់អារម្មណ៍របស់ La Vie Residences គឺការដាក់លក់ក្នុងតំលៃដ៏សមរម្យ ស្របជាមួយនឹងគុណភាពស្តង់ដាប្រទេសសិង្ហបុរី ទាំងការសាង់សង់ និងវត្ថុធាតុដើម សុទ្ធតែធ្វើការនាំចូលប្រៀបបានជាមួយ ស្តង់ដាខន់ដូរប្រទេសសិង្ហបុរី។ ជាមួយនឹងការតុបតែងប្លង់បែបទំនើប ទាំងផ្លូវចូល និងជញ្ជាំង Lobby ដែលមានកំពស់ ដល់ទៅ១០ម៉ែត្រ រួមជាមួយនិងទស្សនីយភាព ព័ទ្ធជំវិញទៅដោយ ទន្លេមេគង្គ និងទន្លេសាប អាចរស់នៅប្រកបដោយផាសុខភាព”។

លោក បានបន្ថែមទៀតថា La Vie Residences គីជាអគារកំពស់ ១៧ជាន់ និងមាន ១៨០យូនីត នៅលើទំហំផ្ទៃដី ២២៥២ ម៉ែត្រការ៉េ។  អ្នកស្នាក់នៅ អាចរំពឹងទុកនូវការប្រើប្រាស់នូវបរិក្ខារទំនើបដែលបានបំពាក់ក្នុងអគារ ដូចជា កន្លែងបាប៊ីក្យូរ អាងហែលទឹក ក្លឹបហាត់ប្រាណ។ យូនីតនីមួយៗមានភាពទូលាយ បំពាក់ដោយបង្អួចធំៗ ដែលផ្តល់នូវពន្លឺគ្រប់គ្រាន់ស្រស់ស្រាយ ជាមួយនឹងទេសភាពដ៏ស្រស់សោភា។ ស្ថិតនៅលើផ្លូវជាតិលេខ៦ ដែលជា ASEAN HIGHWAY រួមជាមួយនិង ទីតាំងនៅជិតគំរោងផ្សារទំនើបដែលនឹងត្រៀមបើកបំរើអតិថិជន ដោយការដាក់លក់ទំនេញជាតិ និង អន្តរជាតិ ភោជនីយយដ្ឋាន ធនាគារ មន្ទីរពេទ្យពេទ្យ ដែលសុទ្ធតែមានទីតាំងជិត La Vie Residences៕

រដ្ឋមន្រ្តីការងារ ដឹកនាំ គណៈប្រតិភូ​កម្ពុជា ទៅ​ចូល​រួម​កិច្ច​ប្រជុំ ក្រុម​ប្រឹក្សា​សហ​គមន៍​សង្គម​-​វប្បធម៌​អាស៊ាន លើក​ទី​១៣ នៅ​ម៉ា​ឡេ​ស៊ី

E-mail Print PDF

ភ្នំពេញ៖ លោកអ៉ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ កាលពីម្សិលមិញនេះ បានដឹកនាំ គណៈប្រតិភូជាន់ខ្ពស់ មួយចំនួន ទៅចូលរួម កិច្ចប្រជុំ ក្រុមប្រឹក្សាសហគមន៍សង្គម-វប្បធម៌អាស៊ាន លើកទី១៣ ដែលប្រព្រឹត្តទៅប្រទេសម៉ាឡេស៊ី ចាប់ពីថ្ងៃទី២៦-២៧ ខែមីនា ឆ្នាំ២០១៥។

មន្រ្តីកម្ពុជា បានឱ្យដឹងថា កិច្ចប្រជុំនេះ នឹងពិភាក្សាគ្នាលើ របាយការណ៍ ស្តីពី វឌ្ឍនភាពការងារអំឡុង ពេលប្រទេសម៉ាឡេស៊ី ធ្វើជាប្រធានអាស៊ាន និងផ្តោត ទៅលើវិស័យអាទិភាព របស់ក្រុមប្រឹក្សាសហគមន៍សង្គម-វប្បធម៌អាស៊ាន(ASCC) ឆ្នាំ២០១៥, វឌ្ឍនភាពការរៀបចំ សេចក្តីព្រាងបឋម ទស្សនៈវិស័យ អាស៊ានឆ្នាំ២០១៥ និងឯកសារបង្ហាញផ្លូវ ASCC, ស្ថានភាពការអនុវត្តផែនការមេ ASCC ២០០៩-២០១៥ និងសេចក្តីថ្លែងការណ៍ អាស៊ានក្រោមសរសរស្តម ASCC ពីឆ្នាំ២០០៩, ឯកសារលក្ខខណ្ឌ យោងនៃមន្រ្តីជាន់ខ្ពស់នៃគណៈកម្មការសហគមន៍សង្គម-វប្បធម៌អាស៊ាន (SOCA) និងSOC-COM សម្រាប់អនុម័ត ដោយក្រុមប្រឹក្សា ASCC និងសកម្មភាពបន្តចំពោះអនុសាសន៍ពាក់ព័ន្ធក្រុមការងារជាន់ខ្ពស់ ទទួលបន្ទុកពង្រឹង លេខាធិការដ្ឋានអាស៊ាន និងការពិនិត្យ មើលរចនាសម្ព័នអាស៊ាន ជាដើម៕

សម្តេចតេជោ ហ៊ុន សែន អញ្ជើញ ចូលរូម បិទមហាសន្និបាត ក្រសួងអប់រំ យុវជន និងកីឡា នៅវិទ្យាស្ថាន បច្ចេកវិទ្យាកម្ពុជា

E-mail Print PDF

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា នៅវេលាម៉ោង ១៥និង៣០នាទី រសៀលថ្ងៃទី២៦ ខែមីនា ឆ្នាំ២០១៥នេះ បានអញ្ជើញជា អធិបតីភាព ដ៏ខ្ពង់ខ្ពស់ បិទ មហាសន្និបាត ក្រសួងអប់រំ យុវជន និងកីឡា នៅ នៅវិទ្យាស្ថាន បច្ចេកវិទ្យាកម្ពុជា ។

នៅក្នុងពិធីនេះសម្តេចតេជោ ហ៊ុន សែន នាយករដ្ឋមន្រ្តី ក៏នឹងបំពាក់គ្រឿង ឥស្សរិយយស ថ្នាក់មហា សេរីវឌ្ឍន៍ ជូនអ្នកគ្រូ នាង ផល្លា និងថ្នាក់ដឹកនាំអង្គការគ្រួសារថ្មីផងដែរ ៕

នគរបាលខណ្ឌ ពោធិ៍សែនជ័យ បញ្ជូនម្ចាស់ ផ្ទះសំណាក់ត្រពាំងថ្លឹងពីរនាក់ ប្តីប្រពន្ធ ទៅតុលាការ ពីបទបង្ខាំង ម្ចាស់ផ្ទះសំណាក់ ៣ដុល្លារ

E-mail Print PDF

ភ្នំពេញ ៖ នគរបាល ខណ្ឌពោធិ៍សែនជ័យ  កាលពីវេលាម៉ោង៣និង២០នាទី រសៀលថ្ងៃទី២៦ ខែមីនា ឆ្នាំ ២០១៥នេះ បានបញ្ជូន ប្ដីប្រពន្ធទាំងពីរនាក់ដែល ជាម្ចាស់ផ្ទះសំណាក់ត្រពាំងថ្លឹង ទៅកាន់តុលាការ ដើម្បីបន្ដធ្វើការសាកសួរ និងចាត់វិធានការតាមផ្លូវច្បាប់ ពាក់ព័ន្ធទៅ នឹងបទបង្ខាំង មនុស្សខុសច្បាប់ ។

អធិការនគរបាល ខណ្ឌពោធិ៍សែនជ័យ លោកយឹម សារ៉ាន់ បានឲ្យដឹងតាមទូរស័ព្ទ បញ្ជាក់ថា ក្រោយ បញ្ចប់ការសាកសួរ និងបំពេញសំណុំបែបបទ រួចរាល់ មន្ដ្រីនគរបាលរបស់យើង និងបញ្ជូន ពួកគេទាំងពីរនាក់ (ម្ចាស់ផ្ទះសំណាក់ត្រពាំង ថ្លឹង) ទៅតុលាការ ហើយ នៅម៉ោង៣និង២០នាទីរសៀលនេះ ។

មន្ដ្រីនគរបាលខណ្ឌពោធិ៍សែនជ័យ បាន បញ្ជាក់ថា បុរសជាប្ដីឈ្មោះជា កុសល អាយុ ៣០ឆ្នាំ និងប្រពន្ធឈ្មោះហ៊ី លីដា អាយុ៣៩ ឆ្នាំ ជាម្ចាស់ផ្ទះសំណាក់ត្រញំងថ្លឹង រីឯជនរង គ្រោះជាម្ចាស់ផ្ទះសំណាក់៣ដុល្លារ ឈ្មោះកែ ណារ៉ា អាយុ៤៥ឆ្នាំ ។

សូមបញ្ជាក់ថា មានការភ្ញាក់ផ្អើលមួយ បានកើតឡើង ក្រោយពីម្ចាស់ផ្ទះសំណាក់ ត្រពាំងថ្លឹង ពីរនាក់ ប្ដីប្រពន្ធបានចាប់ស្ដ្រីជា ម្ចាស់ផ្ទះ សំណាក់៣ដុល្លារបង្ខាំងទុកក្នុងបន្ទប់ ក្រោយពីភាគីទាំងពីរ បានឈ្លោះ គ្នាក្នុងរឿង រកស៊ី នៅវេលាម៉ោង៤និង៣០នាទីរសៀល ថ្ងៃទី២៤ ខែមីនា ឆ្នាំ២០១៥នេះ ។

អធិការនគរបាលខណ្ឌពោធិ៍សែនជ័យ លោកយឹម សារ៉ាន់ បានបញ្ជាក់ថា ដោយ សារតែធ្លាប់ឈ្លោះគ្នា នាពេលកន្លងទៅ ស្ដីពី ការរកស៊ី ដោយផ្ទះសំណាក់នៅក្បែរគ្នានោះ នៅរសៀលថ្ងៃទី២៤ ខែមីនា ឆ្នាំ២០១៥ ម្ចាស់ផ្ទះសំណាក់ទាំងពីរ បានឈ្លោះប្រកែក គ្នាម្ដងទៀត ។

លោកយឹម សារ៉ាន់ បានបញ្ជាក់ទៀតថា ដោយសារតែភាគីម្ចាស់ផ្ទះសំណាក់ត្រពាំងថ្លឹង មានពីរនាក់ប្ដីប្រពន្ធ ក៏ចាប់ស្ដ្រីជាម្ចាស់ផ្ទះ សំណាក់៣ដុល្លារ យកទៅចាក់សោនៅក្នុង បន្ទប់ មិនឱ្យចេញនោះឡើយ ៕

Page 7 of 450