left
Safe Home
Safe Home
Safe Home

Dap News...Admin

Wednesday, Jul 01st

| English Version | dapnews: 012 571 704, 097 9999 883, email: lim.cheavutha@gmail.com

You are here:

លោក វ៉ា គឹមហុង បំភ្លឺជូនរដ្ឋសភា ករណីទាហាន វៀតណាម ចូលកាន់កាប់ នៅតំបន់ព្រំដែន លេខ១១៤

E-mail Print PDF

ភ្នំពេញ៖ លោកទេសរដ្ឋមន្រ្តី វ៉ា គឹមហុង ប្រធានគណៈកម្មាធិការចម្រុះ កិច្ចការ ព្រំដែន បានធ្វើលិខិត មួយបំភ្លឺជូន សម្តេច ហេង សំរិន ប្រធានរដ្ឋសភា ជុំវិញករណីទាហានវៀតណាម ចូលយាមល្បាត ប្រចាំការ ក្នុងតំបន់ត្រពាំងត្រឡោក ត្រពាំងធ្លក ស្ថិតនៅភូមិពាំងរំសែង ឃុំត្រពាំងថ្លុង ស្រុកពញ្ញាក្រែក ខេត្តត្បូងឃ្មុំ នៅតំបន់បង្គោលព្រំដែនលេខ១១៤។

លោក វ៉ា គឹមហុង បានបញ្ជាក់ថា តំបន់ខាងលើនេះ មានចម្ងាយ២០០ម៉ែត្រ ពីខ្សែព្រំដែន ដែលបាន ខណ្ឌសីមារួច មិនឆ្ងាយដល់៥០០ម៉ែត្រ ពីបង្គោលព្រំដែនលេខ១១៤ ដូចតំណាងរាស្រ្តបក្សប្រឆាំង ចោទឡើយ ហើយថាតំបន់នេះ ត្រូវបានវៀតណាម ចូលមកកាន់កាប់តាំងពីមុនពេលបោះបង្គោល ព្រំដែនលេខ១១៤មកម្ល៉េះ ហើយថាចំពោះរឿងនេះ ភាគទាំងពីរ ត្រូវរង់ចាំគណៈកម្មការចម្រុះព្រំដែន នៃប្រទេសទាំងពីរ បញ្ចប់ការងារខណ្ឌសីមា និងបោះបង្គោលព្រំដែនរួចរាល់ជាស្ថាពរ ទើបអាចផ្លាស់ប្តូរ ការគ្រប់គ្រងតំបន់នេះបាន ។ សូមអានលិខិតបំភ្លឺរបស់លោក វ៉ា គឹមហុង៖

តុលាការ បដិសេធបណ្តឹង សុំនៅក្រៅឃុំ របស់សមាជិក រណសិរ្សរំដោះជាតិខ្មែរ ជាប់ចោទ ១០នាក់

E-mail Print PDF

ភ្នំពេញ៖ កាលពីព្រឹកថ្ងៃអង្គារ៍ ទី ៣០ ខែ មិថុនា ២០១៥នេះ សាលាដំបូងរាជធានីភ្នំពេញ បានបើកសវនាការជំនុំជម្រះ លើ បណ្តឹងសុំស្ថិតនៅក្រៅឃុំ របស់ជនជាប់ចោទ ជាសមាជិករបស់រណសិរ្សរំដោះជាតិខ្មែរ ចំនួន១០នាក់ ដែលជាប់ចោទពីបទ «រួមគំនិតក្បត់» ជាប់ពាក់ព័ន្ធនឹងករណី ចែកចាយសេចក្តីអំពាវនាវ របស់រណសិរ្សរំដោះជាតិខ្មែរ លិខិតអញ្ជើញចូលរួម ធ្វើបាតុកម្មប្រឆាំងនឹងវៀតណាម និង ការចែកចាយ មួកត្នោតដែលមាន ផ្លាក«រណសិរ្សរំដោះជាតិខ្មែរ» នៅក្នុងរាជធានីភ្នំពេញ កាលពីឆ្នាំមុន។   សាលាដំបូងរាជធានីភ្នំពេញ បានបដិសេធ ចំពោះ សេចក្តីស្នើសុំស្ថិតនៅក្រៅឃុំរបស់ពួកគេ និងមិនអនុញ្ញាតឲ្យពួកគេ បានស្ថិតនៅក្រៅឃុំ ដូចការស្នើសុំនោះឡើយ។

លោកជា សុខហៀង ប្រធានក្រុមប្រឹក្សាជំនុំជម្រះ នៃ សាលាដំបូងរាជធានីភ្នំពេញ បានថ្លែងឲ្យដឹង នៅអង្គសវនាការ កាលពីព្រឹកមិញថា៖ ពួកគេទាំង១០នាក់នេះ មានឈ្មោះ ឈុន ណាគង់ ភេទប្រុស អាយុ ២៨ឆ្នាំ មុខរបរគ្រូបង្រៀន , ឈ្មោះ លីវ យី ភេទប្រុស អាយុ២៩ឆ្នាំ មុខរបរកសិករ និង ធ្វើសំណង់ , ឈ្មោះ ឈុន ឆាត ភេទប្រុស អាយុ២៩ឆ្នាំ មុខរបរ កម្មករនៅប្រទេសថៃ, ឈ្មោះ ច្រាញ់ ម៉ុច ភេទប្រុស អាយុ២៤ឆ្នាំ មុខរបរ និស្សិតឆ្នាំទី៣ ផ្នែករដ្ឋបាលសាកលវិទ្យាល័យបាត់ដំបង, ឈ្មោះ ឡាត់ លីហេង ភេទប្រុស អាយុ២២ឆ្នាំ មុខរបរកសិករ , ឈ្មោះ ឆាយ វ៉ិច ភេទប្រុស អាយុ៤០ឆ្នាំ មុខរបរគ្រូបង្រៀន, ឈ្មោះ ឈឹម ស្ម័គ្រ ភេទប្រុស អាយុ៥៧ឆ្នាំ មុខរបរកសិករ, ឈ្មោះ ចាន់ រ៉ា ភេទប្រុស អាយុ ២៣ឆ្នាំ មុខរបរកសិករ, ឈ្មោះ អាន ចាន់ ភេទប្រុស អាយុ ៣៥ឆ្នាំ មុខរបរកសិករ និង ឈ្មោះ ចាន់ ស្នា ភេទប្រុស អាយុ ២៧ឆ្នាំ មុខរបរកសិករ។ ពួកគេទាំងគេ គឺជាសមាជិករបស់រណសិរ្សរំដោះជាតិខ្មែរ ដែលបានបង្កើត និង ដឹកនាំដោយឈ្មោះ សម សេរី ជាប្រធាន សព្វថ្ងៃ កំពុងរស់នៅលាក់ខ្លួន នៅក្នុងប្រទេស ដិនណឺម៉ាក់។ ពួកគេត្រូវបានចាប់ខ្លួន ជាបន្តបន្ទាប់ កាលពីយប់  ថ្ងៃទី២២ និងព្រឹកថ្ងៃទី២៣ ខែតុលា ឆ្នាំ ២០១៤ នៅក្នុងរាជធានីភ្នំពេញ។ ក្រោយឃាត់ខ្លួន សមត្ថកិច្ចនគរបាល រឹបអូសបាន វត្ថុតាងជាក់ស្តែងមានដូចជា៖  សេចក្តីអំពាវនាវឲ្យចូលរួមធ្វើបាតុកម្ម លិខិតអញ្ជើញ នៃអង្គភាពរបស់រណសិរ្សរំដោះជាតិខ្មែរ និងមួកសម្រាប់ពាក់ធ្វើបាតុកម្មមួយចំនួនពីពួកគេ៕

Photo by DAP-News

Photo by DAP-News

Photo by DAP-News

មជ្ឈមណ្ឌលជាតិ ប្រយុទ្ធនឹង ជំងឺគ្រុនចាញ់ ចែកថ្នាំព្រូននៅ ២៥ រាជធានី-ខេត្ដ

E-mail Print PDF

ភ្នំពេញ៖ ប្រធានមជ្ឈមណ្ឌលជាតិ ប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្ដ្រ និងបាណកសាស្រ្ដ នៃក្រសួងសុខាភិបាលកម្ពុជា លោក វេជ្ជបណ្ឌិត ហ៊ុយ រ៉េកុល នៅថ្ងៃអង្គារ ទី៣០ ខែមិថុនា ឆ្នាំ២០១៥ បានថ្លែងឲ្យដឹងថា ភា្នក់ងាររបស់ក្រសួង បានចែកចាយថ្នាំទម្លាក់ព្រូន ឲ្យប្រជាពលរដ្ឋនៅទូទាំងប្រទេស។

លោក វេជ្ជបណ្ឌិតបានលើកទ្បើងបែបនេះ ក្នុងពិធីវគ្គបណ្ដុះបណ្ដាលអំពីមគ្គុទេ្ទសក៍ណែនាំស្ដីពី ការផ្ដល់ថ្នាំទម្លាក់ព្រូន ដល់ក្រុមគោលដៅនៅប្រទេសកម្ពុជា នាសណ្ឋាគារ អ៊ីនធឺខន ថា “នេះជាវគ្គបណ្ដុះបណ្ដាលចុងក្រោយគេហើយ ព្រោះកាលពីកន្លងទៅ បានធ្វើនូវវគ្គបណ្ដុះបណ្ដាលនេះ នៅតាម២៥ ខេត្ដ-ក្រុង ពេលនេះសរុបទៅ មាន ដល់២០២៧នាក់ ដែលជាភ្នាក់ងារផ្ដល់សេវាសុខភាពរបស់យើង ហើយការផ្ដល់ថ្នាំទម្លាក់ព្រូននេះ បានផ្ដោតសំខាន់ជាងគេ ក្នុងវ័យកុមារ និងវ័យបន្ដពូជ ដែលចាប់ពី ៥ឆ្នាំ ដល់ ៤៩ឆ្នាំដែលគោលដៅ”។

លោក វេជ្ជបណ្ឌិតបន្ដទៀតថា បើសិនជាកុមារណា ដែលមិនបានទទួលនូវថ្នាំព្រូន នឹងប៉ះពាល់ដល់សុភាពយ៉ាងខ្លាំង ដូចជា ក្រិន ឬក៏លូតកំពស់មិនបានល្អ ខួរក្បាលចុះខ្សោយ ជាងនេះទៀត កង្វះអាហារ ព្រោះពេលដែលបរិភោគទៅ ដើម្បីចិញ្ចឹមរាងកាយ តែត្រូវបានព្រូន មកស៊ីអស់ទៅវិញ ម្យ៉ាងទៀត វាឆ្លងតាម ដី និងចំណីអាហារជាដើមដែលគ្មានអនាម័យ។

លោក វេជ្ជបណ្ឌិត បានសូមសំណូមពរទៅមាតាបិតា ត្រូវយកចិត្ដទុកដាក់លើកុមារ ដែលមានអាយុចាប់ពីអាយុ ៥ឆ្នាំទ្បើងទៅ ធ្វើយ៉ាងណា ឲ្យកូនលេបថ្នាំព្រូនឲ្យបានទៀងទាត់ ជៀសវាងការចុះថយ នូវសារពាង្គកាយរបស់ក្មេងៗ៕

សមត្ថកិច្ច ចុះបង្ក្រាប រោងសិប្បកម្ម កែច្នៃឈើប្រណីត មួយកន្លែង ក្នុងក្រុងបានលុង

E-mail Print PDF

រតនគិរីៈ នារសៀលថ្ងៃទី៣០ ខែមិថុនា ឆ្នាំ២០១៥ សមត្ថកិច្ចមួយក្រុមរួមមាន រដ្ឋបាលព្រៃឈើ កម្លាំងអាវុធហត្ថក្រុងបានលុង ដឹកនាំដោយលោក ម៉ម វណ្ណដា ព្រះរាជអាជ្ញារងអមសាលាដំបូងខេត្តរតនគិរី បានចុះបង្ក្រាបរោងសិប្បកម្ម កែច្នៃឈើប្រណីតមួយកន្លែង ស្ថិតក្នុងភូមិថ្មី សង្កាត់ឡាបានសៀក ក្រុងបានលុង ខេត្តរតនគិរី។

ក្នុងប្រតិបត្តិការនេះដែរ សមត្ថកិច្ចបានធ្វើការរឹបអូសឈើប្រណីត និងឧបករណ៍កែច្នៃឈើធ្វើគ្រឿងសង្ហារឹម នាំយកទៅរក្សាទុក នៅខណ្ឌរដ្ឋបាលព្រៃឈើ។ ចំណែកឯចំនួនឈើពិតប្រាកដមិនទាន់ដឹងនៅឡើយទេ ដោយមន្ត្រីរដ្ឋបាលព្រៃឈើ អ្នកធ្វើកំណត់ហេតុបានប្រាប់អ្នកកាសែតថា ពួកគាត់កំពុងតែធ្វើការ។  ជាមួយគ្នានេះដែរ ប្រជាពលរដ្ឋក្នុងក្រុងបានលុង មានមតិលើកឡើងស្រដៀងគ្នាថា ម្ចាស់រោងសិប្បកម្មនេះ ជួលទីតាំងគេធ្វើអាជីវកម្ម គ្រាន់តែផ្គត់ផ្គង់ជីវភាពប្រចាំថ្ងៃ (ស៊ីឈ្នួលគេយកកម្រៃពលកម្ម)។

គេរង់ចាំមើលសមត្ថកិច្ច ដែលដឹកនាំដោយតំណាងអយ្យការ អមសាលាដំបូងខេត្តខេត្តរតនគិរី ចុះបង្ក្រាបរោងសិប្បកម្ម កែច្នៃឈើប្រណីតជាច្រើនកន្លែង មានលក្ខណៈទ្រង់ទ្រាយធំៗ ដែលគេដឹងថា ថៅកែជាជនជាតិយួន កំពុងធ្វើសកម្មភាពក្នុងក្រុងបានលុងដែរ ឬយ៉ាងណា?៕

Photo by DAP-News

Photo by DAP-News

Photo by DAP-News

លោក សាយ សំអាល់ ចេញថ្លៃសិក្សារៀន ក្រៅម៉ោង របស់សិស្សថ្នាក់ទី១២ នៃវិទ្យាល័យ ហ៊ុន សែន ចាក់អង្រែ

E-mail Print PDF

ភ្នំពេញ : សិស្សថ្នាក់ទី១២ នៃវិទ្យាល័យ ហ៊ុន សែន ចាក់អង្រែ ស្ថិតនៅខណ្ឌមានជ័យទាំងអស់ បានទទួលការលើកទឹកចិត្ត រៀនវគ្កបំប៉នបន្ថែមលើមុខវិជ្ជា មួយចំនួន ដោយឥតគិតថ្លៃ ពីលោក សាយ សំអាល់ រដ្ឋមន្ត្រីក្រសួងបរិស្ថាន និងជាប្រធានសហភាពសហព័ន្ធយុវជនកម្ពុជា រាជធានីភ្នំពេញ តាមរយ:ការ ផ្តល់ថវិកាទាំងនេះ ជូនទៅគ្រូបង្រៀន ។

ដំណឹងដ៏គួរអោយរីករាយ ខាងលើនេះ សម្រាប់សិស្ស ថ្នាក់ទី១២ និងអាណាព្យាបាល របស់ពួកគេ ត្រូវបានលោក ឡុង ង៉ែត នាយករដ្ឋបាល សាលាខណ្ឌមានជ័យ លើកឡើងនៅក្នុងកិច្ចប្រជុំ ក្រុមប្រឹក្សាខណ្ឌមានជ័យ នាព្រឹកថ្ងៃទី៣០ ខែមិថុនា ឆ្នាំ២០១៥ ក្រោមវត្តមាន លោក អែម សុខលាង ប្រធានក្រុមប្រឹក្សាខណ្ឌមានជ័យ ។

នៅក្នុងកិច្ចប្រជុំនោះ សមាជិកក្រុមប្រឹក្សា ក៏បានលើកឡើងពីបញ្ហាសណ្តាប់ធ្នាប់ ចរាចរ នៅមយខវិទ្យាល័យចាក់ អង្រែ ជាពិសេសសំដៅលើ ការលក់ដូរ តាមចិញ្ចើមផ្លូវ ដែលអាចបង្កអោយមាន គ្រោះថ្នាក់ នាពេលណាមួយ ជាក់ជាមិនខាន ។

ជាការឆ្លើយតប លោក ឡុង ង៉ែត តំណាងរបស់អភិបាល ខណ្ឌមានជ័យ បានប្រាប់ដល់ អង្គប្រជុំថា សម្រាប់បញ្ហានេះ លោកអភិបាលខណ្ឌ បានចាត់វិធានការជាច្រើនលើកតាមរយ:អោយក្រុម សណ្តាប់ធ្នាប់សាលាខណ្ឌ ចុះរៀបចំជាច្រើនលើក ហើយការងារនេះ នឹងបន្តធ្វើមិនឈប់នោះទេ ។  តែទោះជាយ៉ាងណាក៍ដោយ គណៈអភិបាលនឹងខិតខំ ដោះស្រាយបញ្ហាប្រឈមទាំងនោះឲ្យខាងតែបាន៕

Photo by DAP-News

Photo by DAP-News

Photo by DAP-News

Photo by DAP-News

សហជីព១០នាក់ ត្រូវបានសមត្ថកិច្ច ឃាត់ខ្លួន

E-mail Print PDF

តាកែវ៖ សហជីព១០នាក់ ត្រូវបានកម្លាំងនគរបាលខេត្តតាកែវ ឃាត់ខ្លួននៅវេលាម៉ោង ៣៖០០នាទីរសៀល ថ្ងៃទី៣០ ខែមិថុនា ឆ្នាំ២០១៥នេះ យកទៅសួរនាំ គ្រាដែលពួកគេដឹកនាំកម្មករ-កម្មការិនី ឈរតវ៉ានៅមុខរោងចក្រគ័នថិច នៅចំណុចស្ពានស្លាគូ ភូមិចោមពេល ឃុំពពេល ស្រុកត្រាំកក់ ខេត្តតាកែវ។

លោក ពុធ សុវណ្ណ ប្រធានសហព័ន្ធសហជីព ដើម្បីកម្មករបានឱ្យដឹងថា ការឃាត់ខ្លួននេះ គឺកើតមានខណៈដែលសហជីពទាំង ១០រូប ដឹកនាំកម្មករតវ៉ានៅមុខរោង ចក្រទាមទារនូវលក្ខខណ្ឌការងារមួយចំនួន។ សហជីពទាំងនេះ ត្រូវបាននាំខ្លួនយកទៅសួរនាំនៅស្នងការដ្ឋាន នគរបាលខេត្តតាកែវ។

លោក ពុធ សុវណ្ណ បានឲ្យដឹងផងដែរថា កម្មកររោងចក្រគនថិច ដែលជារោងចក្រផលិតឆ្នាំងសាករបស់ផលិត ផលសាំស៊ុង បានផ្ទុះការតវ៉ាអស់រយៈពេលជិតមួយខែមកហើយ ពោលតាំងពីថ្ងៃទី០៨ ខែមិថុនាមកម្ល៉េះ។ ការតវ៉ានេះ បានកើតមានឡើង បន្ទាប់ពីថៅកែជនជាតិចិន បានវាយទៅលើកម្មករ និងមិនព្រមគោរពតាមលក្ខខណ្ឌ ការងារ ជាពិសេសកេងប្រវ័ញ្ចប្រាក់ខែគោលរបស់កម្មករ ដោយបើកឲ្យត្រឹមតែ ១២៣ដុល្លារប៉ុណ្ណោះ។

កម្មកររោងចក្រប្រមាណជា ១ពាន់នាក់ បានតវ៉ារយៈពេលជិតមួយខែ ដោយបានស្វែងរកកិច្ចអន្តរាគមន៍ពីក្រសួងការងារ ក៏ដូចជារដ្ឋសភាផងដែរ តែមិនទាន់មានដំណោះស្រាយនៅឡើយទេ៕

Photo by DAP-News

Photo by DAP-News

Photo by DAP-News

Photo by DAP-News

នគរបាលខេត្តតាកែវ ឃាត់ខ្លួនសហជីព ១០នាក់ ពេលដឹកនាំកម្មករតវ៉ា នៅមុខរោងចក្រគ័នថេក

E-mail Print PDF

តាកែវ៖ សហជីព ១០នាក់ ត្រូវបានកម្លាំងនគរបាលខេត្តតាកែវ ឃាត់ខ្លួនយកទៅសួរនាំ គ្រាដែលពួកគេកំពុង  ដឹកនាំកម្មករ កម្មការិនីឈរតវ៉ានៅមុខរោងចក្រគ័នថេក ស្ថិតនៅចំណុចស្ពានស្លាគូ ភូមិចោមពេល ឃុំពពេល  ស្រុកត្រាំកក់ ខេត្តតាកែវ។

លោក ពុធ សុវណ្ណ ប្រធានសហព័ន្ធសហជីព ដើម្បីកម្មករ បានប្រាប់មជ្ឈមណ្ឌលព័ត៌មានដើមអម្ពិលថា សហ ជីពទាំង ១០រូប ត្រូវបានឃាត់ខ្លួននៅវេលាម៉ោងប្រមាណ ៣រសៀលថ្ងៃទី៣០ ខែមិថុនា ឆ្នាំ២០១៥នេះ។ លោក  បានបញ្ជាក់ថា ការឃាត់ខ្លួននេះ គឺកើតមានខណៈដែលសហជីពទាំង ១០រូប កំពុងដឹកនាំកម្មករតវ៉ានៅមុខរោង  ចក្រទាមទារនូវលក្ខខណ្ឌការងារមួយចំនួន។

បើតាមលោក ពុធ សុវណ្ណ បានឲ្យដឹងថា សហជីពទាំង ១០រូប ត្រូវបាននាំខ្លួនយកទៅសួរនាំនៅស្នងការដ្ឋាន  នគរបាលខេត្តតាកែវ។

លោក ពុធ សុវណ្ណ បានឲ្យដឹងផងដែរថា កម្មកររោងចក្រគ័នថេក ដែលជារោងចក្រផលិតឆ្នាំងសាករបស់ផលិត  ផលសាំស៊ុង បានផ្ទុះការតវ៉ាអស់រយៈពេលជាតិមួយខែមកហើយ ពោលតាំងពីថ្ងៃទី០៨ ខែមិថុនាមកម្ល៉េះ។ ការ តវ៉ានេះ បានកើតមានឡើង បន្ទាប់ពីថៅកែជនជាតិចិន បានវាយទៅលើកម្មករ និងមិនព្រមគោរពតាមលក្ខខណ្ឌ  ការងារ ជាពិសេសកេងប្រវ័ញ្ចប្រាក់ខែគោលរបស់កម្មករ ដោយបើកឲ្យត្រឹមតែ ១២៣ដុល្លារប៉ុណ្ណោះ។

កម្មកររោងចក្រប្រមាណជា ១ពាន់នាក់ បានតវ៉ារយៈពេលជិតមួយខែ ដោយបានស្វែងរកកិច្ចអន្តរាគមន៍ពី ក្រសួងការងារ ក៏ដូចជារដ្ឋសភាផងដែរ តែមិនទាន់មានដំណោះស្រាយនៅឡើយទេ៕

ប្រជាពលរដ្ឋ ទាំង៦គ្រួសារ ដែលរងគ្រោះ ដោយសារអគ្គិភ័យ នៅឃុំឃ្សឹម បានទទួលអំណោយ កាកបាទក្រហម

E-mail Print PDF

ក្រចេះ : លោក គង់ គឹមនី អភិបាលស្រុក និងជាប្រធានកាកបាទក្រហមស្រុកស្នួល នៅរសៀលថ្ងៃទី៣០ ខែមិថុនា ឆ្នាំ២០១៥នេះ បាននាំយកកាកបាទក្រហម ទៅប្រគល់ជូនជនរងគ្រោះ ទាំង៦គ្រួសារ ដែលរងគ្រោះដោយភ្លើងឆេះផ្ទះ ស្ថិតនៅភូមិដូង ឃុំឃ្សឹម កាលពីល្ងាចម្សិលមិញ ដោយមួយគ្រួសារ ទទួលបានថវិកា២០ម៉ឺនរៀល បូករួមទាំងគ្រឿងឧបភោគបរិភោគមួយចំនួនទៀត។

នៅចំពោះមុខប្រជាពលរដ្ឋ លោក គង់ គឹមនី ក្រៅពីការផ្តាំផ្ញើ ការសួរសុខទុក្ខ ពីថ្នាក់ដឹកនាំកាកបាទក្រហម លោកបានណែនាំដល់ប្រជាពលរដ្ឋ ទាំងអស់ ត្រូវមានការប្រុងប្រយ័ត្នខ្ពស់ និងកុំធ្វេសប្រហែស ពេលចាកចេញពីផ្ទះ នាំអោយមានគ្រោះអគ្គិភ័យយ៉ាងដូច្នេះ។

សូមបញ្ជាក់ថា អគ្គិភ័យផ្តើមចេញពីចង្រ្កានហ្គាស បានបង្កមហន្តរាយបណ្តាលឲ្យផ្ទះ ឈើប្រក់សង្កសី ចំនួន៥ខ្នង របស់ជនរងគ្រោះចំនួន៦គ្រួសារ នៅក្នុងភូមិដូង ឃុំឃ្សឹម ស្រុកស្នួល បានរងនូវការឆាបឆេះគ្មានសល់។ នគរបាលស្រុកស្នួលបានបញ្ជាក់ឲ្យដឹងថា ក្នុងគ្រោះអគ្គិភ័យដែលបង្កឡើង កាលពីល្ងាចថ្ងៃទី២៩ ខែមិថុនា ទៅលើផ្ទះរបស់ជនរងគ្រោះក្នុងភូមិដូង ឃុំឃ្សឹម ស្រុកស្នួលបាន បង្កឲ្យផ្ទះឈើចំនួន៥ខ្នង និងលុយកាក់មួយចំនួន ព្រមទាំងសម្ភារប្រើប្រាស់ផ្សេងៗរបស់ ប្រជាពលរដ្ឋ៥គ្រួសារដែលសង់នៅក្បែរគ្នា ត្រូវរងការឆាបឆេះខូចខាតទាំងស្រុង៕

Photo by DAP-News

Photo by DAP-News

Photo by DAP-News

Photo by DAP-News

ប្រតិបត្តិការភ្ជាប់ចរន្ត អគ្គិសនី ៦១០រៀល ដល់បន្ទប់កម្មករ រយៈពេលកន្លះឆ្នាំ សម្រេចបានជាង ១១ម៉ឺនបន្ទប់

E-mail Print PDF

ភ្នំពេញ៖ ប្រតិបត្តការតភ្ជាប់ចរន្តអគ្គិសនីតម្លៃ ៦១០រៀល ក្នុងមួយគីឡូវ៉ាត់ម៉ោង ទៅដល់បន្ទប់ និងផ្ទះជួលរបស់ កម្មករ រហូតមកដល់ថ្ងៃទី២៩ ខែមិថុនា ឆ្នាំ២០១៥ មានរយៈពេលកន្លះឆ្នាំហើយ ហើយបន្ទប់ជាង ១១ម៉ឺន ត្រូវ បានតភ្ជាប់រួចរាល់។

យោងតាមសេចក្តីប្រកាសព័ត៌មានរបស់អគ្គិសនីកម្ពុជា ដែលចេញផ្សាយនៅថ្ងៃទី៣០ ខែមិថុនា ឆ្នាំ២០១៥នេះ  បានឲ្យដឹងថា គិតត្រឹមយប់ថ្ងៃទី២៩ ខែមិថុនា បន្ទប់ ១១០.២៨៦បន្ទប់ ត្រូវបានតភ្ជាប់ចរន្តតម្លៃ ៦១០រៀលក្នុង មួយគីឡូវ៉ាត់ម៉ោង ដែលជាតម្លៃអនុគ្រោះរបស់រាជរដ្ឋាភិបាល។ តម្លៃ ៦១០រៀលនេះ គឺសម្រាប់អ្នកដែលប្រើ ប្រាស់ក្រោម ៥០គីឡូវ៉ាត់ ក្នុងមួយខែ។

យុទ្ធនាការតបណ្តាញអគ្គិសនី និងដំឡើងកុងទ័រដល់កន្លែងស្នាក់នៅរបស់អ្នកជួលបន្ទប់ ឬជួលផ្ទះ ជាពិសេស  កម្មករ កម្មការិនី បានចាប់ផ្តើមកាលពីថ្ងៃទី២៩ ខែមករា ឆ្នាំ២០១៥។ យុទ្ធនាការតបណ្តាញអគ្គិសនី និងដំឡើង  កុងទ័រជូនអ្នកជួលបន្ទប់ និងជួលផ្ទះ ក្នុងជំហានទី២ កំពុងធ្វើឡើងក្នុងខណ្ឌសែនសុខ ព្រែកព្នៅ ពោធិ៍សែនជ័យ  ចំការមន ច្បារអំពៅ ជ្រោយចង្វារ មានជ័យ និង ខណ្ឌឬស្សីកែវ។

យុទ្ធនាការនេះ បានធ្វើឡើងបន្ទាប់ពីសម្តេចតេជោ ហ៊ុន សែន នាយករដ្ឋមន្រ្តីកម្ពុជា បានមើលឃើញថា កម្មករ   កម្មការិនី នៅតាមផ្ទះ និងបន្ទប់ជួលត្រូវបានចំណាយថ្លៃភ្លើងខ្ពស់ ពោលចាប់ពី១.៥០០រៀល រហូតដល់២.៥០០  រៀល ក្នុងមួយគីឡូវ៉ាត់ម៉ោង ដែលមិនមែនជាតម្លៃអនុគ្រោះរបស់រាជរដ្ឋាភិបាល ហើយតម្លៃភ្លើងខ្ពស់នេះទៀត  សោត វានឹងមិនអាចធ្វើឲ្យជីវភាពរបស់កម្មករ កម្មការិនី បានប្រសើរនោះឡើយ។

យុទ្ធនាការជួយឲ្យកម្មករ កម្មការិនី បានប្រើប្រាស់អគ្គិសនីក្នុងតម្លៃ ៦១០រៀលក្នុងមួយគីឡូវ៉ាត់ម៉ោង ត្រូវបានគេ  រំពឹងថា នឹងចូលរួមកាត់បន្ថយការចំណាយរបស់កម្មករ កម្មការិនី បានមួយកម្រិតថែមទៀត ដើម្បីសល់ប្រាក់ខែ      បានកាន់តែច្រើនជួយដល់ជីវភាពក្រុមគ្រួសារនៅតាមទីជនបទ ក៏ដូចជាជួយការរស់នៅរបស់កម្មករ កម្មការិនី  បានប្រសើរផងដែរ។

បើយោងតាមការបញ្ជាក់របស់ប្រតិភូរាជរដ្ឋាភិបាលកម្ពុជា ទទួលបន្ទុកអគ្គនាយកអគ្គិសនីកម្ពុជា លោក កែវ រត  នៈ យុទ្ធនាការតបណ្តាញអគ្គិសនី និងដំឡើងកុងទ័រដល់បន្ទប់អ្នកជួលបន្ទប់ និងជួលផ្ទះនេះ គ្រោងនឹងចំណាយ   ថវិកាប្រមាណ ២លានដុល្លារអាម៉េរិក។

លោក កែវ រតនៈ ធ្លាប់បានបញ្ជាក់ថា និយោជិតរបស់អគ្គិសនី ដែលចុះបំពេញការងារតបណ្តាញនេះ មានចំនួន   ២៤០នាក់ ចែកចេញជា ៣០ក្រុម ក្នុងមួយក្រុមមានគ្នា ៨នាក់។ ក្រុមនិយោជិតរបស់អគ្គិសនីកម្ពុជា ចុះទទួល  ពាក្យស្នើសុំបន្តចរន្ត និងធ្វើការភ្ជាប់ចរន្តអគ្គិសនីនៅទីតាំង ស្នាក់នៅរបស់កម្មករ កម្មការិនី ដោយថ្ងៃចន្ទ ដល់ថ្ងៃ សៅរ៍ ធ្វើការចាប់ពីម៉ោង ៤៖៣០នាទីល្ងាច  ដល់ម៉ោង ៨៖៣០នាទីយប់។ សម្រាប់ថ្ងៃអាទិត្យ ធ្វើចាប់ពីម៉ោង៨  ព្រឹកដល់ម៉ោង ៥ល្ងាច។

ស្របពេលជាមួយការចុះតបណ្តាញជូនកម្មករ កម្មការិនីជាអ្នកជួលផ្ទះ ឬបន្ទប់នេះ អគ្គិសនីកម្ពុជា ក៏បានបញ្ជូន     ក្រុមការងារចុះទៅជួបជាមួយម្ចាស់ផ្ទះ ឬម្ចាស់បន្ទប់ជួលផងដែរ ដើម្បីធ្វើការវាយតម្លៃសំណងថ្លៃខ្សែ និង ឧបករ ណ៍អគ្គិសនី៕

បុរសម្នាក់ សម្រេចចិត្តចង់ក សម្លាប់ខ្លួន ដោយសារប្រពន្ធ មិនព្រម ជួបជុំគ្នាវិញ

E-mail Print PDF

ក្រចេះ៖ បុរសម្នាក់់សម្រេចចិត្ត ធ្វើអត្តឃាតសម្លាប់ខ្លួនឯង ដោយចងកនិងដើមស្វាយ កាលពីវេលាម៉ោង១៤និង៣០នាទី ថ្ងៃទី២៩ ខែមិថុនា ឆ្នាំ២០១៥ នៅភូមិព្រែកប្រលូង ឃុំសោប ស្រុកព្រែកប្រសព្វ ខេត្តក្រចេះ។

នគរបាលស្រុកព្រែកប្រសព្វ បានឲ្យដឹងថា ជនរងគ្រោះដែលធ្វើអត្តឃាតសម្លាប់ខ្លួនឯង ដោយចងកនោះ មានឈ្មោះ ខូយ ភី ភេទប្រុស អាយុ ៣៥ឆ្នាំ ជនជាតិខ្មែរ រស់នៅភូមិឃុំកើតហេតុខាងលើ បានចងកសម្លាប់ខ្លួននៅក្រោមដើមស្វាយ មាត់ព្រែកប្រលូង ចូលពីផ្លូវធំទៅខាងលិចចម្ងាយ ៥០០ម៉ែត្រ។

នគរបាលបានបន្តទៀតថា មូលហេតុបណ្ដាលឲ្យជនរងគ្រោះចងកសម្លាប់ខ្លួន ព្រោះជនរងគ្រោះសុំប្រពន្ធជួបជុំគ្នាវិញ ប៉ុន្តែប្រពន្ធមិនព្រមជួបគ្នាវិញ ទើបសម្រេចចិត្តធ្វើអត្តឃាត សម្លាប់ខ្លួនឯងដោយចងកតែម្ដងទៅ។

បច្ចប្បន្នសពជនរងគ្រោះ ត្រូវបានលោកមេភូមិ និងអ្នករស់នៅជិតខាង រៀបចំបូជាតាមទំនៀមទម្លាប់ប្រពៃណី៕

Photo by DAP-News

ប្រតិភូ​ក្រសួង​ការ​ពារជាតិ ចុះ​ពិនិត្យ​សេចក្ដី​ត្រូវ​ការ​របស់​កង​ពល​តូច​ដឹក​ជញ្ជូន​លេខ​៩០

E-mail Print PDF

ភ្នំពេញ៖ ថ្នាក់ដឹកនាំ ក្រសួងការពារជាតិ អមដំណើរដោយ អនុព័ន្ធយោធាសាធារណរដ្ឋប្រជាមានិតចិន កាលពីថ្ងៃទី២៩ ខែមិថុនា ឆ្នាំ២០១៥ បានអញ្ជើញចុះពិនិត្យមធ្យោបាយសម្ភារ សេចក្ដីត្រូវការ និងសំណូមពរនានាពីបណ្ដាសាលាបើកបររថយន្ដ កងវរសេនា តូចដឹកជញ្ជូន លេខ៩០២ចំណុះកងពល តូចដឹកជញ្ជូនលេខ៩០។

ក្នុងដំណើរចុះពិនិត្យនោះ គឺស្ថិតក្រោមអធិបតីភាព នាយឧត្ដមសេនីយ៍ ម៉ឹង សំផន រដ្ឋលេខាធិការក្រសួងការពារជាតិ ព្រមទាំងមន្ដ្រីយោធា អមដំណើរជាច្រើនរូប ទៀតនៅទីតាំងក្នុងឃុំសំបូរ ស្រុកសំរោង ទង ខេត្ដកំពង់ស្ពឺ។

បន្ទាប់ពីស្ដាប់សេចក្ដីរាយការណ៍ របស់នាយកសាលាបើកបរ និងមេបញ្ជាការវរសេនាតូចលេខ៩០២ និងបន្ទាប់ពី លោកឧត្ដមសេនីយ៍ឯក ណេប សន នាយរងសេនាធិការចម្រុះ និងជានាយក ទីចាត់ការចលនូប្បត្ថម្ភអគ្គបញ្ជាការ ជម្រាបជូនពីលទ្ធផលការងារដែល សម្រេច បានរួចមកលោកនាយឧត្ដម សេនីយ៍ ម៉ឹង សំផន ក្នុងនាមក្រសួងការពារជាតិ អគ្គបញ្ជាការកងយោធពល ខេមរភូមិន្ទ(ខ.ភ.ម.) បានញំនាំការ ផ្ដាំផ្ញើសាកសួរសុខទុក្ខប្រកប ដោយក្ដី នឹករលឹកយ៉ាងជ្រាលជ្រៅពីសំណាក់ថ្នាក់ ដឹកនាំក្រសួងការពារជាតិជូនចំពោះ នាយនិងពលទាហានទាំងអស់ក្នុងមនោ សញ្ចេតនាស្រឡាញ់រាប់អានដ៏ជ្រាលជ្រៅក្រៃលែង ។

ក្នុងឱកាសនោះ លោកនាយឧត្ដមសេនីយ៍ ក៏បានកោតសរសើរ និងវាយតម្លៃខ្ពស់ចំពោះស្មារតី ខិតខំប្រឹងប្រែងរបស់នាយទាហាន ពលទាហាន ក្នុងកងពលតូចដឹកជញ្ជូនលេខ ៩០ទាំងអស់ ដែលបានពុះពារគ្រប់ឧបសគ្គ សម្រេចបានរាល់ភារកិច្ចដែលថ្នាក់លើ ប្រគល់ឱ្យ បានជំរុញឱ្យសាលាបើកបរ និងកងពលតូចដឹកជញ្ជូនលេខ៩០បន្ដ ខិតខំពង្រីកស្នាដៃថ្មីៗថែមទៀតឆ្លើយ តបរាល់សំណូមពរ ភារកិច្ចដែលថ្នាក់ លើប្រគល់ ។

លោកនាយឧត្តមសេនីយ៍ ម៉ឹង សំផន បានបញ្ជាក់ថា ជាងនេះទៅទៀត ត្រូវយកចិត្ដទុកដាក់ថែរក្សាឱ្យបានល្អនូវមធ្យោ បាយគ្រឿងបំពាក់ ដឹកជញ្ជូនដើម្បីធានា បានការប្រើប្រាស់យូរអង្វែងប្រកបដោយ គុណភាព និងប្រសិទ្ធភាពខ្ពស់ ។

លោកនាយឧត្ដមសេនីយ៍ បានបន្ថែមថា នេះជាមោទនភាព និង កិត្ដិយសរបស់កងពលត្រូវបានប្រមុខ រាជរដ្ឋាភិបាលជានិច្ចកាលគិតគូរអំពី សុខទុក្ខជីវភាពរស់នៅរបស់កងទ័ពគ្រប់ កាលៈទេសៈ ទាំងនោះខាងក្រោយ និង ទិសជួរមុខ។

បន្ទាប់មកលោករដ្ឋលេខាធិការក៏ បានទទួលយកសំណើមួយចំនួនមានដូច ជា ១-រោងដាក់រថយន្ដ, ២-អគារស្នាក់ នៅរបស់កងទ័ព, ៣-ថវិកាសម្រាប់ជួស ជុលរថយន្ដ, ៤-គ្រឿងបន្លាស់រថយន្ដ, ៥-ស្រះទឹកសម្រាប់ប្រើប្រាស់, ៦-ឱសថ និងសម្ភារបរិក្ខារក្នុងគិលានដ្ឋានរបស់ កងពលដែលទើបនឹងសាងសង់ថ្មីផងដែរ ៕

Page 7 of 305