left
Safe Home
Safe Home
Safe Home

Dap News...Admin

Sunday, Aug 30th

| English Version | dapnews: 012 571 704, 097 9999 883, email: lim.cheavutha@gmail.com

You are here:

លោក សៅ សុខា សមាជិកគណៈកម្មា ធិការកណ្តាល ចូលរួមជាអធិបតី ក្នុងកិច្ចប្រជុំត្រួត ពិនិត្យលទ្ធផល សកម្មភាព ការងារ

E-mail Print PDF

ស្វាយរៀង ៖ នៅវេលាម៉ោង៨និង៣០នាទី ថ្ងៃទី២៩ ខែសីហា ឆ្នាំ២០១៥ លោក សៅ សុខា សមាជិកគណៈកម្មាធិការកណ្តាល គណបក្សប្រជាជន កម្ពុជា អនុប្រធានក្រុមការងារ ចុះជួយខេត្តស្វាយរៀង និងជាប្រធានក្រុមការងារ ចុះជួយស្រុករមាសហែក បាននឹងកំពុងចូលរួមជាអធិបតី ក្នុងកិច្ចប្រជុំត្រួតពិនិត្យលទ្ធផល សកម្មភាពការងារ របស់ក្រុមការងារ គណៈកម្មាធិការកណ្តាល ចុះជួយស្រុករមាសហែក ខេត្តស្វាយរៀង និង មានការចូលរួមពីសំណាក់ ឯកឧត្តម លោកជំទាវ អស់លោក លោកស្រីជាសមាជិក សមាជិកានៃក្រុមការងារជាច្រើនរូបទៀត។

ខឹងប្រពន្ធហូប​នំ អន្សមមួយអស់ ប្តីកំណាចឃោរឃៅ កាប់ប្រពន្ធស្លាប់ រួចរត់ទៅចងក សម្លាប់ខ្លួន

E-mail Print PDF

កំពង់ធំ ៖ អំពើហិង្សាក្នុងគ្រួសារ ដ៏សាហាវឃោរឃៅមួយ បានកើតឡើង គួឲ្យភ្ញាក់ផ្អើលបំផុត ខណៈដែល ប្តីកំណាច ខឹងប្រពន្ធ ហូបនំអន្សម អស់ បានបង្ករហូត ទាញកាំបិតកាប់ប្រពន្ធ បណ្តាលឲ្យស្លាប់ភ្លាមៗនៅកន្លែង កើតហេតុ ។

សមត្ថកិច្ចស្រុកស្ទោង បានប្រាប់ឲ្យដឹងថា ហេតុការណ៍ប្តីកាប់ប្រពន្ធរឿងនំអន្សម អ្នកជិតខាងឲ្យនេះ បានកើតឡើង នាយប់ថ្ងៃទី២៨ ខែសីហា ឆ្នាំ២០១៥នេះ ដោយស្រ្តីរងគ្រោះមានឈ្មោះ សាត នី អាយុ២៨ឆ្នាំ រស់នៅភូមិតាទ្រាល ឃុំប្រឡាយ ស្រុកស្ទោង ខេត្តកំពង់ធំ ។ ដោយឡែកជនសង្ស័យជាប្តីឈ្មោះ សុន ថាំ អាយុ៤៣ឆ្នាំ បានកាប់ប្រពន្ធចំនួន៤ផ្កាក់ស្លាប់ ក្នុងថ្លុកឈាមគួរឲ្យអាណោចអធម័។

តាមសម្ដីអ្នកភូមិបាននិយាយថា ក្រោយពីកាប់ប្រហារប្រពន្ធយ៉ាង សាហាវរួចមក ប្ដីកំណាចរូបនេះបានរត់ទៅពួនសំងំ ក្នុងផ្ទះប្រជាពលរដ្ឋនៅក្បែរនោះ នៅពេលដែលម្ចាស់ផ្ទះប្រទះឃើញ ក៏ប្រាប់ដល់សមត្ថកិច្ច រួចនាំគ្នាទៅឡោមព័ទ្ធចាប់ តែត្រូវជនសង្ស័យ ដេញកាប់សមត្ថកិច្ចវិញ ។ ពេលនោះសមត្ថកិច្ច ក៏បង្ខំចិត្តផ្ទុះអាវុធ បាញ់ជនសង្ស័យបាក់ជើងម្ខាង ហើយជនសង្ស័យ បានរត់ចូលទៅក្នុងព្រៃ ខាងក្រោយភូមិ រួចចងករសម្លាប់ខ្លួនតែម្តង ៕

រថយន្តហាយលែនឌ័រ ដឹកកូនត្រីឆ្តោ ជាង២០ម៉ឺនក្បាល ត្រូវមន្រ្តីជលផល និងនគរបាល សេដ្ឋកិច្ចក្រសួង បង្រ្កាបបាន

E-mail Print PDF

ពោធិ៍សាត់ៈ រថយន្តប្រភេទ ហាយលែនឌ័រ មួយគ្រឿង ពណ៌ទឹកប្រាក់ គ្មានស្លាកលេខ ដឹកកូនត្រីឆ្តោ មកពីវៀត ណាមជាង២០ម៉ឺនក្បាល ត្រូវបានកម្លាំង រដ្ឋបាលជលផល ផ្នែកក្រគរសហការ ជាមួយកំលាំង នគរបាល សេដ្ឋកិច្ច ក្រសួងមហាផ្ទៃ បង្រ្កាបបាន កាលពីវេលាម៉ោង ជាង១២ យប់ ឆ្លងចូលថ្ងៃទី ២៩ ខែសីហា ឆ្នាំ ២០១៥ ស្ថិតនៅចំណុច ភូមិអារ៉ង់ព្រួច ឃុំអន្សាចំបក់ ស្រុកក្រគរ ខេត្តពោធិ៍សាត់ ចំណែកអ្នកបើកបរ បានរត់គេចខ្លួន ដោយទុលរថយន្តចោល ខណៈដែលរថយន្ត បានបែកកង់ទៅមុខលែងរួច ។

នាយផ្នែករដ្ឋបាល ជលផលក្រគរ លោកច្រឹង តាំងលី បានប្រាប់មជ្ឍមណ្ឌលព័ត៌មានដើមអម្ពិល តាមទូរស័ព្ទ នៅព្រឹកថ្ងៃទី២៩ ខែសីហា នេះថានេះជាលើកទី២ហើយ ដែលសមត្ថកិច្ចជលផល ផ្នែកក្រគរសហការ ជាមួយ កំលាំង នគរបាលសេដ្ឋកិច្ច បង្រ្កាបបានរថយន្តដឹកកូនត្រីឆ្តោរមកពីប្រទេសវៀតណាម ដោយលើកទី១ កំលាំង នគរបាលសេដ្ឋកិច្ចក្រសួង សហការជាមួយកំលាំងជលផលផ្នែកក្រគរ បង្រ្កាបបានមួយករណី រថយន្តម៉ាក សាំយ៉ុង មួយគ្រឿង នៅក្រុងពោធិ៍សាត់ ដោយរថយន្តល្មើស បានបិទភ្លើងបុកពីក្រោយ រថយន្តសមត្ថកិច្ច បណ្តាលអោយធ្លាក់ពីស្ពានរងការខូចខាតទាំងស្រុង  ហើយលើកទី២ សមត្ថកិច្ចបានបង្រ្កាបរថយន្ត ប្រភេទហាយលែនឌ័រ ពណ៌ទឹកប្រាក់គ្មានស្លាកលេខ ស្ថិតនៅចំនុចភូមិអារ៉ង់ព្រួច ឃុំអន្សាចំបក់ ស្រុកក្រគរ ខេត្តពោធិ៍សាត់ ខណៈដែលរថយន្តល្មើសនោះបែកកង់ទៅមុខលែងរួច  ។

លោកច្រឹង តាំងលី ក៏បានបន្តឲ្យដឹងទៀតថា  ចំពោះកូនត្រីសមត្ថកិច្ចយកទៅប្រលែង នៅបឹងដំណាក់ក្រាញ់ ក្នុងស្រុកក្រគរ រីឯរថយន្តល្មើសសមត្ថកិច្ចរក្សាទុក នៅផ្នែករដ្ឋបាលជលផលក្រគរ ដើម្បីចាត់ការទៅតាមផ្លូវច្បាប់ ៕

ក្រសួងអប់រំ ប្រកាសពី វិធានការពង្រឹង ដំណើរការ កំណែវិញ្ញាសារ ប្រឡង សញ្ញាបត្របាក់ឌុប

E-mail Print PDF

ភ្នំពេញ៖ក្រសួងអប់រំ យុវជន និងកីឡា នៅល្ងាចថ្ងៃទី២៨ ខែសីហានេះ បានចេញសេចក្តី ប្រកាសព័ត៌មានមួយ ស្តីពីវិធានការ ពង្រឹងដំណើរការ កំណែនៃការប្រឡងសញ្ញាបត្រ មធ្យមសិក្សាទុតិយភូមិ (បាក់ឌុប) សម័យប្រឡង៖២៤ សីហា ២០១៥ ដែលទើបបញ្ចប់ថ្មីៗនេះ ដោយចេញវិធានការ សំខាន់ៗ៤យ៉ាង ដោយវិធានការនេះត្រូវ បានក្រសួងអប់រំអះអាងថា ដើម្បីឲ្យ មានតម្លាភាព និងយុត្តិធម៌។

សូមជម្រាបថា ដំណើរការកំណែវិញ្ញាសារបានចាប់ផ្តើម ចាប់ថ្ងៃទី២៧ ខែសីហា ដល់ថ្ងៃទី២ ខែកញ្ញា ឆ្នាំ២០១៥ ដោយបែងចែក តាមមណ្ឌលកំណែចំនួន ៩នៅរាជធានីភ្នំពេញ៕

សមាជិករដ្ឋសភា កោតសរសើរ ស្នាដៃនគរបាល ខណ:សភាពការណ៍ បទល្មើសទូទៅ ថមថយជាងមុន

E-mail Print PDF

ភ្នំពេញ : លោក ហ៊ុន ម៉ានី សមាជិករដ្ឋសភា បានថ្លែងថា កន្លងមកសមត្ថកិច្ច និងអាជា្ញធបានសម្រេច នូវគោលដៅមួយចំនួន ក្នុងនោះមានទាំង ការបង្រ្កាបបទល្មើស គ្រេឿងញៀន និងជនអន្តោរប្រវេសន៍ជាដើម ។

លោក ហ៊ុន ម៉ានី បានបន្តខ្លឹមសារដោយ កោតសរសើរមន្រ្តីនគរបាល មួយចំនួនពិសេសមន្រ្តីនគរបាល ចរាចរដែលខិតខំ ប្រឹងប្រែង សម្រួលចរាចរនិងរៀបចំសណ្តាប់ធ្នាប់ នៅតាមតំបន់ដែលមានការកកស្ទះ ។

បើតាមស្នងការនគរបាលរាជធានីភ្នំពេញលោក ឧត្តមសេនីយ៍ឯក ជូន សុវណ្ណ បាននិយាយថាក្នុងរយះពេល៨ខែ២០១៥ នេះ ស្នងការដ្ឋាននគរបាល រាជធានីភ្នំពេញ បានបង្រ្កាបបទល្មើសជាបន្តរបន្ទាប់ ក្នុងនោះមានបទល្មើសព្រហ្មទណ្ឌ បទល្មើស គ្រេឿងញៀន បទល្មើសចរាចរនិង បង្រ្កាបជនអន្តោរប្រវេសន៍ ជាដើម ។ លោក ស្នងការបានរំលេចថា បទល្មើសមួយ រយះចុងក្រោយមកនេះមាន ការថមថយជាងមុន ។

ការលើកឡើងបែបនេះគ្រាដែល សមាជិករដ្ឋសភាលោក ហ៊ុន ម៉ានី លោក ស សុខា និងលោក សាយ សំអាល់ រដ្ឋមន្រ្តី ក្រសួងបរិស្ថាន រួមនិងលោកឃួង ស្រេង អភិបាលរងរាជធានីភ្នំពេញ បានជួបសំណេះសំណាល ជាមួយមន្រ្តីន គរបាលនៅ ស្នងការដ្ឋាននគរបាលរាជធានីភ្នំពេញ នារសៀលថ្ងៃ២៨ ខែសីហា ២០១៥ ដែលមានកម្លាំងចូលរួមប្រមាណ២៧៥នាក់ ។

ជាមួយគ្នានោះ លោក ហ៊ុន ម៉ានី ក៍បានសំណេះសំណាលជាមួយ មន្រ្តីនគរបាលជាច្រើនផងដែរ ដោយការសុខទុក្ខ និងនិងថតរូប ទុកអនុសាវរីយ៍។ ក្រេៅពីនោះលោក ហ៊ុន ម៉ានី រួមនិងក្រុមការងារ បាននាំយកអង្ករចំនួន១៥តោន មកចែកជូន ស្នងការដ្ឋាននគរបាល រាជធានីភ្នំពេញផងដែរ៕

សមត្ថកិច្ចឃាត់ខ្លួន ជនសង្ស័យ២នាក់ រួមនឹងថ្នាំញៀន ១០កញ្ចប់

E-mail Print PDF

ភ្នំពេញៈ នៅវេលាម៉ោង១៦.០០នាទី ថ្ងៃទី២៨ ខែសីហា ឆ្នាំ២០១៥ កម្លាំងអធិការដ្ឋាន ខណ្ឌ បានចុះបង្ក្រាប ករណីជួញដូរ គ្រឿងញៀន នៅចំណុចផ្លូវលំ ក្រុម៧ ភូមិគៀនឃ្លាំង សង្កាត់ព្រែកលៀប ក្នុងនោះបានឃាត់ខ្លួនជនសង្ស័យពីរនាក់។

ជនសង្ស័យទី១មានឈ្មោះ ខេត្ត រ៉ូហ្សា ភេទស្រី អាយុ២៤ឆ្នាំ មុខរបរបំរើការនៅ ខារ៉ាអូខេ ឌ្រីមវើល ២-ឈ្មោះ ស្វាយ កែវរតនៈ ភេទប្រុស អាយុ២៤ឆ្នាំ មុខរបរមិនពិតប្រាកដ ដកហូតម្សៅក្រាមពណ៌សថ្លាចំនួន ១០កពា្ចប់តូច ជញ្ជីងថ្លឹងមួយ ថងសម្រាប់ច្រកថ្នាំ មួយចំនួនធំ និងឧបករណ៍ប្រើប្រាស់ មួយចំនួនទៀត។

បច្ចុប្បន្នជនសង្ស័យត្រូវបានបញ្ជូនទៅកាន់ អធិការដ្ឋានខណ្ឌ ដើម្បីកសាងសំណុំរឿងបញ្ជូនទៅតុលាការ៕

រថយន្តកាមរី បើកបុកម៉ូតូ បណ្តាលឲ្យ បុរសម្នាក់ រងរបួសធ្ងន់

E-mail Print PDF

ភ្នំពេញះ បុរសម្នាក់ជិះ ម៉ូតូម៉ាក SL ពាក់ស្លាកលេខភ្នំពេញ ១CS-9469 បើកក្នុងទិសដៅ ពីកើតទៅលិច ក្នុងល្បឿនយ៉ាងលឿន លុះបើកមកដល់ មុខទីស្តីការ គណរដ្ឋមន្ក្រ្តី តាមបណ្តោយ មហាវិថីសហពន្ធរុស្ស៊ី បានបុកជាមួយរថយន្ត ដែលបើកច្រាស់ទិសគ្នាបណ្តាលឲ្យរថយន្ត ខូចខាតផ្នែកខាងឆ្វេង និង បណ្តាលអោយបុរសជាម្ចាស់ម៉ូតូ ផ្លោងបោកក្បាល ទៅនឹងកញ្ចក់រថយន្ត រងរបួសធ្ងន់។

ប្រភពព័ត៌មានបានឲ្យដឹងថា ក្រោយកើតជនរងគ្រោះត្រូវបានដឹកយកទៅសង្រ្គោះ នៅមន្ទីរពេទ្យភ្លាមៗ បើតាមអ្នកដែលបានឃើញ ហេតុការណ៌បានឲ្យដឹថា  នៅម៉ោង ៨:២០នាទីយប់ ថ្ងៃ២៨ ខែសីហា ឆ្នាំ២០១៥ ត្រង់មុខ ទីស្តីការគណរដ្ឋមន្ត្រី គេបានឃើញរថយន្ត Camryនេះ បានបើកចូលចំណែក ផ្លូវរបស់ម៉ូតូ ហើយស្របពេល ដែលម៉ូតូបើកលឿន ផងនោះក៏បានបុក រថយន្តពេញទំហឹងតែម្តងទៅ ៕

រថយន្តកុងតឺន័រ បុកម៉ូតូ បណ្តាលឲ្យ ក្មេងស្រីម្នាក់ ស្លាប់

E-mail Print PDF

ភ្នំពេញៈ នៅវេលាម៉ោងជិត ៦ ល្ងាច ថ្ងៃទី២៨ ខែសីហា មានករណី គ្រោះថ្នាក់ចររាចរណ៏ មួយបានកើតឡើង នៅផ្លូវជាតិលេខ៣ ប៉ុស្តិ៍នគរបាល រដ្ឋបាលកន្ទោក ខណ្ឌពោធិ៍សែនជ័យ រវាងម៉ូតូនិងរថយន្ត កុងតឺន័រ បណ្តាល អោយនារីវ័យក្មេងម្នាក់ ជាអ្នកបើកម៉ូតូ ស្លាប់នៅកន្លែង កើតហេតុ ។

ក្រោយកើតហេតុសមត្ថកិច្ច បានចុះទៅវាស់វែង និងបាននាំយករថយន្ត និង ម៉ូតូ ជនរងគ្រោះ ទៅកាន់ការិយាល័យ នគរបាលចរាចរ ផ្លូវគោកដើម្បីទុកដោះស្រាយ តាមផ្លូវច្បាប់៕

លទ្ធផលកិច្ចប្រជុំ គណៈរដ្ឋមន្រ្តី នាព្រឹកមិញ

E-mail Print PDF

ភ្នំពេញ៖ រាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជាប្រមុខ នៅថ្ងៃទី២៨ ខែសីហា ឆ្នាំ២០១៥ នេះ បានសម្រេចអនុម័តទៅលើសេចក្តីព្រាងគោលនយោបាយដីធ្លី «សៀវភៅ ស ដីធ្លី» និងសេចក្តីព្រាងឯកសារ យុទ្ធសាស្រ្ត ស្តីពីការគ្រប់គ្រងបំណុលសាធារណៈ ២០១៥-២០១៨។

តាមរយៈសេចក្តីព្រាងទាំងពីរនេះ លោក ផៃ ស៊ីផាន អ្នកនាំពាក្យទីស្តីការគណៈរដ្ឋមន្រ្តី បានបង្ហាញថា វាជាជោគ  ជ័យថ្មីមួយរបស់រាជរដ្ឋាភិបាលកម្ពុជា ក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា។  លោក ផៃ ស៊ីផាន បន្តថា សេចក្តីព្រាងនេះ គឺបង្ហាញពីគោលនយោបាយ នៃប្រទេសឯករាជ្យ គឺតាក់តែងដោយ ប្រជាជាតិខ្លួនឯង ដែលស្តែងនូវអធិបតេយ្យភាពរបស់ខ្លួន និងការចង់បានរបស់ប្រជាជាតិ ឆ្លើយតបនិងលទ្ធភាព របស់ខ្លួន។

នៅក្នុងកិច្ចប្រជុំគណៈរដ្ឋមន្រ្តីរយៈពេលជាង ៤ម៉ោងនេះ សម្តេចតេជោ ហ៊ុន សែន ក៏បានផ្តាំផ្ញើសាកសួរសុខទុក្ខ  ទៅកាន់កងទ័ព ដែលកំពុងឈរជើងការពារទឹកដីកម្ពុជា នៅតាមព្រំដែន៕

រថយន្ត ក្រឡុកស៊ីម៉ងត៍ ១គ្រឿង បើកបុកអ្នកជិះម៉ូតូ ស្លាប់ម្នាក់

E-mail Print PDF

ភ្នំពេញ៖ នៅវេលា ម៉ោង៦ៈ៣០នាទីល្ងាច ថ្ងៃទី២៨ ខែសីហា ឆ្នាំ២០១៥ នេះ មានករណីគ្រោះថ្នាក់ចរាចរមួយ រវាងរថយន្តក្រឡុកស៊ីម៉ងត៍ របស់ក្រុមហ៊ុន Golden BST Concrete បានបើកកិនបុរសម្នាក់ កំពុងជិះម៉ូតូស្របទិសគ្នា បណ្តាលឲ្យបែកក្បាលធ្លាយខួរស្លាប់ភ្លាមៗ នៅចំណុចក្បាលថ្នល់ ក្នុងខណ្ឌចំការមន រាជធានីភ្នំពេញ ។

តាមភ្នាក់ងារ របស់មជ្ឈមណ្ឌលព័ត៌មានដើមអម្ពិល បានឲ្យដឹងថា មុនពេលកើតហេតុ ជនរងគ្រោះដែលគេស្គាល់ថា ឈ្មោះ ស្វិត ជិះម៉ូតូមួយគ្រឿង ធ្វើដំណើរស្របទិសគ្នា ជាមួយរថយន្តក្រឡុងស៊ីម៉ងត៍ ស្រាប់តែទាក់ដៃចង្កូតជាមួយម៉ូតូមួយគ្រឿងទៀត បណ្តាលឲ្យដួលចូលកង់ក្រោយ របស់រថយន្តកិនស្លាប់តែម្តង៕

Photo by DAP-News

Photo by DAP-News

Photo by DAP-News

Photo by DAP-News

វិទ្យាស្ថាន ភាសាអង់គ្លេស អាមេរិកាំងទី១ នឹងបើកនៅកម្ពុជា នៅខែកញ្ញានេះ

E-mail Print PDF

សាកលវិទ្យាល័យ រដ្ឋកាលីហ្វ័រញ៉ា របស់អាមេរិក នឹងបើកវិទ្យាស្ថានភាសា អង់គ្លេសអាមេរិកាំងទីមួយនៅកម្ពុជា នៅខែតុលាខាងមុខនេះ ក្នុងគោលបំណង ដើម្បីផ្តល់គុណភាពអប់រំ ផ្នែកភាសាអង់គ្លេសតាមស្តង់ដារ របស់អាមេរិកដល់និស្សិត និងពលរដ្ថខ្មែរ ដោយពុំចាំបាច់ឲពួកគាត់ ទៅរៀននៅក្រៅប្រទេស ឬសហរដ្ឋអាមេរិកទៀតឡើយ។

លោកស្រី សាស្រ្តាចារ្យបណ្ឌិត ស៊ីវើត សារ៉ុន (Dr. Siverts Sharon) សាកលវិទ្យាធិការ របស់សាកលវិទ្យាល័យអាមេរិកាំងភ្នំពេញ (American University of Phnom Penh = AUPP) បានមានប្រសាសន៍ នៅថ្ងៃសុក្រនេះថា ចាប់តាំងពីដើមឆ្នាំ ២០១៤ មក AUPP និងសាកលវិទ្យាល័យរដ្ឋកាលីហ្វ័រញ៉ា ឡុងប៊ិច (California State University, Long Beach = CSULB) បានធ្វើការពិគ្រោះពិភាក្សាគ្នាជាច្រើនជុំវិញបញ្ហាថា តើគួរបង្កើតគម្រោងសហការគ្នាយ៉ាងដូចម្តេច ដើម្បីលើកកម្ពស់ការសិក្សាអប់រំ សម្រាប់និស្សិតនៅAUPP និងពលរដ្ឋខ្មែរទូទៅ ជាពិសេសមន្រ្តីរាជការ និងបុគ្គលិកក្រុមហ៊ុន ឲ្យបានកាន់តែប្រសើរ។

"ដូច្នេះហើយ នៅពេលនេះយើងមានសេចក្តី រំភើបរីករាយ និងចុះហត្ថលេខា លើកិច្ចព្រមព្រៀងមួយ ជាមួយនិងសាកលវិទ្យាល័យ រដ្ឋកាលីហ្វ័រញ៉ា ដើម្បីរួមសហការគ្នា បង្កើតកម្មវិធីសិក្សាមួយហៅថា វិទ្យាស្ថានភាសាអាមេរិកនៅ AUPP (The American Language Institute at AUPP ឬ ALI- AUPP) ។

កម្មវិធីនេះ មានតម្លៃសមាមាត្រខាងគុណភាពអប់រំ ជាមួយនិងកម្មវិធី នៅសាកលវិទ្យាល័យរដ្ឋកាលីហ្វ័រញ៉ា។

ALI- AUPP នឹងផ្តល់កម្មវិធីសិក្សា ភាសាអង់គ្លេសសុទ្ធ សម្រាប់វគ្គសិក្សាទាំងរយៈពេលវែងនិងខ្លី លើជំនាញផ្សេងៗ រួមទាំងជំនាញផ្នែកជំនួញ សុខាភិបាល វិស្វកម្ម និងបដិសណ្ឋារកិច្ចជាដើម។

នៅពេលសួរថាតើ “ALI - AUPP” នឹងមានការប្រកួតជាមួយ ACE or IFL ដែរឬទេ លោកស្រី សារ៉ុន បានមានប្រសាសន៍ថា ALI- AUPP ជាវិទ្យាស្ថានភាសា អង់គ្លេសអាមេរិកាំងតែមួយគត់ ដែលនឹងមានវត្តមាននៅកម្ពុជា ក្នុងបំណងបំពេញតំរូវការដល់ពលរដ្ឋខ្មែរ ជាពិសេសប្អូនៗនិងក្មួយៗ និស្សិត ដែលត្រូវការចំណេះដឹង ភាសាអង់គ្លេសពិតប្រាក ដើម្បីត្រៀមរៀនបន្តនៅ AUPP ឬទៅរៀននៅក្រៅប្រទេស ឬត្រៀមចូលធ្វើការ និងប្រកបមុខរបរជំនួញផ្សេងៗ ក៏ដូចជាសម្រាប់មន្រ្តីរាជការ ដែលត្រូវការបំពេញបន្ថែម ផ្នែកភាសាអង់គ្លេសឲ្យស្ទាត់ជំនាញ សម្រាប់ប្រាស្រ័យទាក់ទងនឹងការងាររបស់ពួកគាត់។

លោកស្រីបណ្ឌិត សារ៉ុនបានបន្តថា នេះជាជំហានថ្មីមួយទៀត របស់របស់សាកលវិទ្យាល័យអាមេរិកាំងភ្នំពេញ (AUPP) ដែលទើបមានវត្តមាននៅកម្ពុជា ក្នុងបេសកកម្មផ្តល់គុណភាពអប់រំដូចគ្នា និងស្មើគ្នានៅសហរដ្ឋអាមេរិក សម្រាប់ថ្នាក់បរិញ្ញាប័ត្រផ្នែកច្បាប់ សេដ្ឋកិច្ចនិងពាណិជ្ជកម្ម វិទ្យាសាស្រ្តនយោបាយ និងទំនាក់ទំនងអន្តរជាតិ និងផ្នែកគ្រប់គ្រងព័ត៌មានវិទ្យា។

លោកស្រី សារ៉ុន បានបន្ថែមថា AUPP ត្រួវតែដើរតួនាទីនាំមុខ ក្នុងការផ្តល់គុណភាពអប់រំពិតៗ ដល់និស្សិតកម្ពុជា ដើម្បីត្រៀមខ្លួនប្រកួតប្រជែង យកការងារធ្វើនៅក្នុងតំបន់ និងនៅប្រទេសណាមួយដែលខ្លួនចង់ធ្វើ ។

នៅក្នុងពិធីចុះហត្ថលេខា លើកិច្ចព្រមព្រៀង កាលពីរសៀលថ្ងៃសុក្រនេះដែរ លោកស្រី បណ្ឌិត ជេន ក្លូស កូណូលី(Jane Close Coloney) សាកលវិទ្យាធិការរបស់ សាកលវិទ្យាល័យរដ្ឋកាលីហ្វ័រញ៉ា បានមានប្រសាសន៍ថា "បើទោះបីជាស្ថិតនៅឆ្ងាយពីគ្នា រាប់ពាន់ម៉ាយល៍ ក៏ពិតមែន ក៏ប៉ុន្តែសាកលវិទ្យាល័យអាមេរិកាំងភ្នំពេញ (AUPP) និងសាកលវិទ្យាល័យរដ្ឋកាលីហ្វ័ញ៉ា (CSULB) មានបំណងប្រាថ្នាដូចគ្នា ពោលគឺការ បង្រៀនប្រកបដោយគុណភាព និងល្អវិសេស។ ភាពជាដៃគូនឹងគ្នារបស់យើងទាំងពីរ នឹងជំរុញបន្ថែមទៀត នូវគោលដៅអន្តរជាតិ របស់សាកលវិទ្យាល័យយើងទាំងពីរ»។

សូមបញ្ជាក់ថា វិទ្យាស្ថានភាសាអង់គ្លេសអាមេរិកាំង នៅសាកលវិទ្យាល័យរដ្ឋកាលីហ្វ័រញ៉ា ត្រូវបានបង្កើតឡើងតាំងពីឆ្នាំ ១៩៨៤ ជាវិទ្យាស្ថានភាសាអង់គ្លេស ដែលទទួលស្គាល់ដោយគណៈកម្មការវាយតំលៃ ផ្នែកភាសាអង់គ្លេសនៅសហរដ្ឋអាមេរិក។

សម្រាប់ព័ត៌មានបន្ថែម សូមទំនាក់ទំនងៈ 023 990 023/ 097 325 8295 ឬ www.aupp.edu.kh

Photo by DAP-News

Page 7 of 396