left
Safe Home
Safe Home
Safe Home

Dap News...Admin

Tuesday, Aug 04th

| English Version | dapnews: 012 571 704, 097 9999 883, email: lim.cheavutha@gmail.com

You are here:

រថយន្តស្ទូចមួយ គ្រឿង បានក្រឡាប់ ពេលស្ទូចម៉ាស៊ីន ភ្លើងឡើងលើអគារ ទប់ជំហរមិនជាប់

E-mail Print PDF

ភ្នំពេញ៖ រថយន្តស្ទួចមួយគ្រឿង បានក្រឡាប់ផ្ងារ កង់ឡើងលើ ខណៈស្ទួចម៉ាស៊ីនភ្លើងឡើងលើអគារ ហើយ ទប់ជំហមិនជាប់ ។ ហេតុការណ៍នេះ បានកើតឡើងកាលពីវេលាម៉ោង១និង៣០នាទីរសៀលថ្ងៃទី៣ខែសីហា ឆ្នាំ២០១៥ស្ថិតនៅតាមបណ្តោយផ្លូវ៤៦៦ ក្រុម២៥ ភូមិ៨ សង្កាត់បឹងត្របែក ខណ្ឌចំការមន ។

សមត្ថកិច្ចមូលដ្ឋានបានឲ្យដឹងថា នៅក្នុងហេតុការណ៍ មិនបណ្តាលឲ្យនរណារង របួសប្ញស្លាប់នោទេ ៕

លោក ច័ន្ទ ថេតថានរៈ នាយខណ្ឌរដ្ឋបាល ព្រៃឈើកណ្តាល ប្រគេនទៀនព្រះវស្សា និងដាំដើមឈើ នៅវត្តអង្គសណ្តាន់

E-mail Print PDF

កំពង់ស្ពឺ៖ លោក ច័ន្ទ ថេតថានរៈ នាយខណ្ឌរដ្ឋបាលព្រៃឈើកណ្តាល និងសហការី កាលពីថ្ងៃទី០២ ខែសីហា ឆ្នាំ ២០១៥ បានដង្ហែទៀនព្រះវស្សា បច្ច័យ និង ទេយ្យវត្ថុមួយចំនួនទៀត ទៅប្រគេនព្រះសង្ឃ ដែលកំពុងគង់ចាំព្រះ វង្សា ក្នុងវត្តពុទ្ធសីមាវត្តអង្គសណ្តាន់ ស្ថិតក្នុងភូមិអង្គសណ្តាន់ ឃុំព្រះស្រែ ស្រុកឧដុង្គ ខេត្តកំពង់ស្ពឺ។

បន្ទាប់ពីព្រះសង្ឃសូត្រធម៌ស្វាធ្យាយជយ័នតោ ចម្រើនព្រះបរិតរួច លោក ច័ន្ទ ថេតថានរៈ និងសហការី បានប្រ  គេនព្រះសង្ឃទៀនព្រះវស្សា និងទេយ្យវត្ថុមួយចំនួនផ្សេងទៀត។ ទេយ្យវត្ថុនោះរួមមាន៖ ស្លាដក់ ១គូ និងបច្ច័យ ២០ម៉ឺនរៀល និងគ្រឿងឧបភោគ បរិភោគ ចំនួន ៦មុខ បន្ថែមទៀត ព្រមទាំង បានចែកថវិកាជូន ដូនជី តាជី ចាស់ព្រឹទ្ធាចារ្យ ក្នុងម្នាក់ៗ ១ម៉ឺនរៀល ដែលបានចូលរួមនៅក្នុងពិធីនោះ។

នៅថ្ងៃដដែលនោះ លោក ច័ន្ទ ថេតថានរៈ និងសហការី ក៏បាននាំយកកូនឈើចម្រុះ ទៅប្រគេនព្រះសង្ឃ និង ធ្វើ ពិធីដាំនៅក្នុងបរិវេណវត្ត អង្គសណ្តាន់ ដែលរួមមាន៖ កូនឈើបេង, រាំងភ្នំ, គ្រញូង, គគីរ និង កូនឈើទាល  សម្រាប់ជាគុណប្រយោជន៍តទៅថ្ងៃអនាគត៕

សម្តេចតេជោ រិះគន់លោក សម រង្ស៊ី ដែលមិនចេះរក្សា សំដីអំពីការ កំណត់ថ្ងៃបោះឆ្នោត

E-mail Print PDF

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជា នៅថ្ងៃទី៣ ខែសីហា ឆ្នាំ២០១៥នេះ បានធ្វើ ការរិះគន់យ៉ាងចាស់ដៃ លើថ្នាក់ដឹកនាំ គណបក្ស សង្រ្គោះជាតិ ជាពិសេសគឺលោក សម រង្ស៊ីផ្ទាល់តែម្តង ក្នុងពេល ដែលលោកមិនគោរពពាក្យ សំដីរបស់ខ្លួន ដែលបាន និយាយពីការបោះឆ្នោត ថ្នាក់ជាតិ នៅឆ្នាំ២០១៨ខាងមុខ។

នៅថ្ងៃទី២២ ខែកក្កដា ឆ្នាំ២០១៤នៅវិមានព្រឹទ្ធសភាសម្តេចតេជោ បានជួបពិភាក្សាគ្នាជាមួយលោក សម រង្ស៊ី ក្នុងនោះបាន ចរចាគ្នាពីពេលវេលានៃការបោះឆ្នោតថា គឺកំណត់នៅអំឡុងខែកុម្ភៈ ឆ្នាំ២០១៨។

នៅក្នុងពិធីសម្ពោធស្ពានមិត្តភាពចិន-កម្ពុជាតាខ្មៅនៅព្រឹកថ្ងៃទី៣ សីហា សម្តេចបានមានប្រសាសន៍ថា “បោះឆ្នោតថ្នាក់ជាតិឆ្នាំ២០១៨នៅខែកក្កដា សប្តាហ៍ទី៤ ដែលអត់មានមុន អត់មានក្រោយ ។ មកពីពួក លោកឯងភ្លើតើ។ ខ្ញុំគិតថា ធាតុអាកាសអញ្ចេះអញ្ចោះតើ ហើយលើកពេលខិត មកមុខ ។ ពេលចរចា នៅចំការមន២២កក្កដា ខ្ញុំប្រាប់ថា យើងគួរតែដាក់នៅអាទិត្យទី៤ ខែកុម្ភៈ គាត់(សម រង្ស៊ី)ថាចាំក្រោយ”។

សម្តេចបន្តថា លោក សម រង្ស៊ី បានប្រាប់អ្នកគាំទ្រថា ការចូលសភាបានកែប្រែនូវចំណុចជាច្រើនដូចជា បង្កើតគ.ជ.ប បង្កើតទូរទស្សន៍ព្រះអាទិត្យ និងបោះឆ្នោតថ្នាក់ជាតិមុនពេល៥ខែ។

សម្តេចបញ្ជាក់ថា ទោះបីជាយ៉ាងណាគឺមិនអនុញ្ញាតឲ្យមានឡើយ ទុក្ខឱកាសគណបក្សថ្មីៗ ដែលទើប តែបង្កើតឡើង កាលពីថ្ងៃម្សិលមិញ គឺសម្តេចសំដៅទៅលើគណបក្សប្រជាធិបតេយ្យមូលដ្ឋាន។

សម្តេចតេជោ ហ៊ុន សែន ក៏បានធ្វើការស្វាគមន៍ ចំពោះគណបក្សថ្មី ដែលទើបតែថ្មីផងដែរ គឺគណបក្ស ប្រជាធិបតេយ្យមូលដ្ឋាន ដើម្បីធ្វើការប្រកួតប្រជែងជាមួយគណបក្សប្រជាជនកម្ពុជា។

សម្តេចបន្តថា “យើងស្វាគមន៍គណបក្សដែលទើបតែបង្កើតពីម្សិលមិញ មក មកប្រណាំងគ្នា”។

សម្តេចនាយករដ្ឋមន្រ្តីបន្ថែមថា បើបោះឆ្នោតមុនការកំណត់ទាល់តែកែរដ្ឋធម្មនុញ្ញមាត្រា៧៨ ប៉ុន្តែ គណបក្ស ប្រជាជនកម្ពុជាប្រកាន់ ជាដាច់ខាតមិនព្រមកែប្រែឡើយ “គឺមិនឲ្យលោកឯង ដើរឃោសនា បានទេ ព្រោះលោកឯងពួកែភូតពូកែបោកដើម្បីដើររកស៊ី អញឲ្យសោះហ្នឹង។ អញមិនឲ្យឯងចំណេញ ទៀតទេ ឯងចង់ថាអីថាទៅ”។

សម្តេចផ្តាំផ្ញើឲ្យគណបក្សទាំងចាស់ទាំងថ្មីឲ្យត្រៀមលក្ខណៈដើម្បីបោះឆ្នោតថ្នាក់ជាតិ ខាងមុខ។

សម្តេចថា ឲ្យតែមានគណបក្សថ្មីបង្កើតឡើងនាំគ្នានិយាយថាសុទ្ធតែ ហ៊ុន សែន ជាអ្នកបញ្ជាឲ្យបង្កើត ឡើង ដើម្បីជ្រែកសំឡេង ឆ្នោតពីគណបក្សសង្រ្គោះជាតិ។ អ្នកដែលនិយាយថា ហ៊ុន សែន នៅពីក្រោយ ខ្នងនៃការបង្កើតគណបក្សថ្មីនេះ គឺអ្នកនោះទេដែលហ៊ុន សែនបង្កើតឲ្យ គឺនៅអំឡុងឆ្នាំ២០០៧ ហ៊ុន សែនជាអ្នកបង្កើតឲ្យ។

ទោះបីជាសម្តេចមិនបញ្ចេញចំឈ្មោះក៏គេដឹងថា ជា លោក កឹម សុខាដែរ ព្រោះគណបក្សសិទ្ធិមនុស្ស បង្កើតនៅឆ្នាំ២០០៧ ដែលមានលោក កឹម សុខាជាប្រធាន៕

លោក ពៅ ពិសិដ្ឋ សមាជិកក្រុមប្រឹក្សា ខេត្តសៀមរាប ត្រូវបានប្រកាស ចូលកាន់ មុខតំណែង ជាអភិបាលរងខេត្ត

E-mail Print PDF

សៀមរាប ៖ ការប្រកាស ចូលកាន់មុខតំណែង ជាអភិបាលរង ខេត្តសៀមរាប របស់ លោក ពៅ ពិសិដ្ឋ អតីតសមាជិក ក្រុមប្រឹក្សាខេត្តសៀមរាប ជំនួសលោកអ ម៉ៅ វុឌ្ឍី ដែលត្រូវចូលនិវត្តន៍ នាព្រឹកថ្ងៃទី៣ ខែសីហា ២០១៥នេះ ក្រោមអធិបតីភាពរបស់ លោក លេង វី អនុរដ្ឋលេខាធិការ ក្រសួងមហាផ្ទៃ តំណាង របស់ សម្តេចក្រឡាហោម ស ខេង ឧបនាយរដ្ឋមន្ត្រី រដ្ឋមន្ត្រីក្រសួងមហាផ្ទៃ ។

លោក លេង វី បានបង្ហាញពីគាំទ្រចំពោះសមត្ថភាព របស់ លោក ពៅ ពិសិដ្ឋ ដែលធ្លាប់បានឆ្លងកាត់ ជាមន្ត្រីធ្លាប់មានបទពិសោធន៍បំរើការងារនៅ ខេត្តសៀមរាប ស្រាប់ ជាពិសេស លោក ពៅ ពិសិដ្ឋ ក៍ជាមន្ត្រី ដែលបានឆ្លងកាត់ សាលាភូមិន្ទរដ្ឋបាល ដែលមានការយល់ដឹងច្បាស់ លាស់អំពីកិច្ចការ រដ្ឋបាលសាធារណៈ ក្នុងន័យដើម្បីបន្តនិរន្តរភាពលើការងារដឹកនាំគ្រប់គ្រងរដ្ឋបាលខេត្ត ឲ្យមាន ការអភិវឌ្ឍន៍ រីកចម្រើនទៅមុខ ពិសេសការថែរក្សាសុវត្ថិភាពនយោបាយ ស្ថេរភាពសង្គម សន្តិសុខ សណ្តាប់ធ្នាប់សាធារណៈ ក៍ដូចជាការជំរុញការអភិវឌ្ឍន៍លើគ្រប់វិស័យ ការផ្តល់សេវាសាធារណៈនានា ឆើ្លយតបទៅ និងសំណូមពររបស់ប្រជាជន ។

លោក លេង វី បានបញ្ជាក់ផងដែរថា៖ អ្វីដែលជាការចូលកាន់មុខតំណែង ជាអភិបាលរងខេត្តសៀមរាប របស់ លោក ពៅ ពិសិដ្ឋ និងការប្តេជ្ញាចិត្ត របស់លោក ហើយសូមឲ្យការប្តេជ្ញាចិត្តនេះ ក្លាយទៅជាសកម្ម ភាព ជាក់ស្តែងនៅក្នុងការអនុវត្តភារកិច្ច ដើម្បីបំរើផល ប្រយោជន៍របស់ខេត្ត និងប្រជាជនទាំងមូល ។ ចំពោះការសាមគ្គីភាព គឺជាបញ្ហាចម្បងនៅក្នុងការអនុវត្តតួនាទីភារកិច្ចរបស់ថ្នាក់ដឹកនាំ ។

លោក បានឲ្យដឹងផងដែរថា  នៅក្នុងជាង ២ទស្សវត្សកន្លងមកនេះ សម្រាប់ទូទាំងប្រទេស ព្រះរាជាណា ចក្រកម្ពុជា យើងទទួលបាននូវសមិទ្ធិផល ធំធេងជាច្រើនក្នុងក្របខ័ណ្ឌ នៃអភិបាលកិច្ច ក៍ដូចជាការ អភិវឌ្ឍន៍សេដ្ឋកិច្ច រួមនិងការកាត់បន្ថយភាពក្រីក្ររបស់ប្រជាពលរដ្ឋ ពិសេសកំណើនសេដ្ឋកិច្ច គិតជាមធ្យមប្រមាណជា ៧%ក្នុង ១ឆ្នាំ ដែលក្នុងនោះរាជរដ្ឋភិបាល បានបន្តធ្វើយ៉ាងណាឲ្យកាត់ បន្ថយភាពក្រីក្របានយ៉ាងតិច ១%ជារៀងរាល់ឆ្នាំ ។

លោកអនុរដ្ឋលេខាធិការ បានគូសបញ្ជាក់ថា ជាក់ស្តែង កាលពីឆ្នាំ២០១៤ កំណើនសេដ្ឋកិច្ចរបស់កម្ពុជា បានក្នុងរង្វង់២% ដែលជាប្រទេសមាន កំណើនសេដ្ឋកិច្ចខ្ពស់ ក្នុងតំបន់ក៍ដូចជានៅក្នុងសកលលោក ។ ហើយកត្តាទាំងនេះ ក៍បានធ្វើឲ្យផលិតផលសរុបក្នុង ស្រុកគិតជាមធ្យម ក្នុងមនុស្សម្នាក់ៗបានកើនពី ៧៦០ដុល្លារ សហរដ្ឋអាមេរិក កាលពីឆ្នាំ ២០០៨ ហើយកើនដល់ ១១៦៨ដុល្លារ ក្នុងឆ្នាំ២០១៤ ។ ចំពោះអត្រា នៃភាពក្រីក្រត្រូវបាន កាត់បន្ថយ នៅក្រោម ១៨%នាឆ្នាំ២០១៤ កន្លងទៅនេះ ចំពោះ ការអនុវត្តគោលការណ៍ សហវត្ស ដែលជាគោលការណ៍ រួមរបស់អង្គការសហប្រជាជាតិ ដែលកម្ររ នឹងមានប្រទេសណាធ្វើបានណាស់ ក្នុងការដាក់ចេញនូវគោលការណ៍ ៨ចំណុចសម្រាប់ទូទាំង សកលលោកដោយឡែកកម្ពុជាយើង គឺមានរហូតដល់ទៅ៩ចំណុចសំខាន់ៗ៕

លោក អូស្មាន ហាស្សាន់ និង លោកស្រី អញ្ជើញបិទពិធី ប្រលងទន្ទេញអាល់ គួរអានលើកទី១

E-mail Print PDF

ភ្នំពេញ៖ បន្ទាប់ពីពិធីប្រឡង ទន្ទេញសូត្រគម្ពីរអាល់គូរអានការីម ទូទាំងប្រទេសលើកទី១ ដែលបានធ្វើឡើងជាបន្ត បន្ទាប់តាំងពីថ្ងៃទី៣០ ខែកក្កដា ឆ្នាំ២០១៥ មកនោះ ត្រូវបានបិទបញ្ចប់ហើយកាលពីថ្ងៃទី០២ ខែសីហា ឆ្នាំ២០១ ៥ ក្រោមអធិបតីភាព លោកឧកញ៉ា អូស្មាន ហាស្សាន់ រដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការក្រ សួងការងារ និងបណ្តុះបណ្តាលវិជ្ជាជីវៈ និង លោកស្រី។
ពិធីនេះ ត្រូវបានធ្វើឡើងនៅសណ្ឋាគារភ្នំពេញ ដោយមានការអញ្ជើញចូលរួមពីបេក្ខជន បេក្ខនារី ជ័យលាភី ២៣រូប ក្នុងចំណោមបេក្ខជន បេក្ខនារី ១៣៥រូប ដែលបានដាក់ពាក្យប្រលង នៅទូទាំងប្រទេស។

លោក សឹម ម៉ាត់ទោត តំណាងគណៈមេប្រយោគមកពីគណៈដឹកនាំជាន់ខ្ពស់ នៃសាសនាឥស្លាមកម្ពុជា បានឲ្យ ដឹងសរុបរង្វាន់ ដែលត្រូវបានប្រគល់ជូនដល់បេក្ខជនបេក្ខានារី ដែលទទួលបានជ័យលាភីទាំង ២៣រូប ដែលជោក ជ័យនៅលើវិញ្ញាសារ ៦ប្រភេទផ្សេងៗគ្នា គឺសរុបថវិកាប្រមាណ ២១.០០០ ដុល្លារសហរដ្ឋអាម៉េរិក និង ថវិកាជាអំ ណោយលើកទឹកចិត្តដល់បេក្ខជនបេក្ខនារី ដែលមិនបានជ័យលាភី ១១២នាក់ ផ្សេងទៀត រួមនឹងថ្លៃធ្វើដំណើរ ប្រមាណ ៤.០០០ដុលា្លរទៀត សរុបថវិការង្វាន់ទាំងអស់ មានប្រមាណ ២៥.០០០ដុល្លាអាម៉េរិក។

លោកបណ្ឌិត Aldullah AL- Munik តំណាងអង្គការពិភពលោក ដើម្បីអភិវឌ្ឍន៍មនុស្សជាតិ បានកោតសរសើរ ចំពោះសម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា ដោយក្តីគោរពស្រលាញ់ពេញចិត្ត ចំពោះការដឹកនាំប្រ ទេស ធ្វើឲ្យមានសុខសន្តិភាព ស្ថេរភាព ដែលឈរទៅលើគោលនយោបាយត្រឹមត្រូវជាទីបំផុត។

លោក អូស្មាន ហាស្សាន់ ក្នុងនាមរាជរដ្ឋាភិបាលកម្ពុជា និង សហគមន៍ខ្មែរ-ឥស្លាមទូទាំងប្រទេស បានកោតសរ សើរជាខ្លាំងដល់អង្គការពិភពលោក សម្រាប់ការទន្ទេញចាំអាល់គូរអាន និងអង្គការពិភពលោក ដើម្បីអភិវឌ្ឍន៍ មនុស្សជាតិ ដែលមានស្នាក់ការនៅក្រុងជុដះ ប្រទេសអារ៉ាប៊ីសាអូឌីត ដើម្បីពង្រឹងជំនឿបណ្តុះបណ្តាលធនធាន មនុស្ស និងចូលរួមចំណែក ក្នុងការថែរក្សា ខ្លឹមសារអាល់គូរអាន ឲ្យស្ថិតនៅគង់វង្ស និង ដិតជាប់នៅក្នុងការចងចាំ សម្រាប់មនុស្សម្នាក់ៗ ជាគន្លង នៃការប្រនិប័តន៍ និងប្រតិបត្តិផ្ទាល់ខ្លួនផង និងជាអត្ថប្រយោជន៍សង្គមជាតិទាំង មូលផង។

លោក អូស្មាន់ ហាស្សាន់ បានហៅការចម្រើនផ្នែកសាសនាឥស្លាមនៅកម្ពុជានេះ ដោយសារតែគោលនយោបាយ ដឹកនាំប្រទេសប្រកបដោយសន្តិភាព និង សេរីភាពលើជំនឿសាសនា របស់រាជរដ្ឋាភិបាលកម្ពុជា ប្រកបដោយ សុខដុមរមនីយកម្ម ក្រោមការដឹកនាំរបស់សម្តេចតេជោ ហ៊ុន សែន។
លោក អូស្មាន ក៏មានប្រសាសន៍ ថ្លែងអំណរគុណ ដល់រដ្ឋាភិបាលអារ៉ាប៊ីសាអូឌីត ដែលបានចូលរួម ជ្រោមជ្រែងមនុស្សធម៌គ្រប់ផ្នែក គ្រប់វិស័យ មកកាន់ព្រះរាជាណាចក្រកម្ពុជា ដូចជា វិស័យអប់រំ សុខាភិបាល និង វិស័យមនុស្សធម៌ជាច្រើនទៀត៕

លោក ហ៊ុន ម៉ាណែត៖ ការឯកភាព សាមគ្គីភាព និងការគាំទ្រ សហការគ្នា របស់យុវជន ដើម្បីបំរើ ប្រជាជន និងប្រទេសជាតិ គឺជាកត្តានាំមកនូវជោគជ័យ

E-mail Print PDF

ត្បូងឃ្មុំ ៖ ថ្លែងនៅក្នុងពិធី ប្រកាសក្រុមការងារ ជនបង្គោល យុវជនគណបក្ស ប្រជាជនកម្ពុជា ប្រចាំក្រុង-ស្រុក របស់ខេត្តកំពង់ចាម លោក ហ៊ុន ម៉ាណែត អនុប្រធាន ក្រុមការងារ ថ្នាក់កណ្តាលចុះជួយ ខេត្តកំពង់ចាម និងខេត្តត្បូងឃ្មុំ ទទួលបន្ទុកការងារយុវជន បានមាន ប្រសាសន៍ថា ការតែងតាំងសមាភាព ជនបង្គោលយុវជន គណបក្សកម្ពុជាប្រចាំ ក្រុង-ស្រុក ខេត្តកំពង់ចាម នាពេលនេះ គឺជាការផ្តល់ឱកាស អោយយុវជន បានចូលរួមដោយស្ម័គ្រចិត្ត ដើម្បីបម្រើផលប្រយោជន៍ រួមរបស់សង្គមជាតិ ។

លោកបានបន្ថែមថា សមាសភាព ក្រុមការងារ ជនបង្គោលគឺជាកម្លាំង ជំនួយការគណបក្ស ក្រុង-ស្រុក និងថ្នាក់មូលដ្ឋាន ដ៏សំខាន់ដើម្បីធ្វើសកម្មភាព សង្គមផ្សេងៗ ឱ្យមានប្រសិទ្ធភាព និងជោគជ័យ ។

លោក បានបញ្ជាក់ថា ការឯកភាព សាមគ្គីភាព និងការគាំទ្រ សហការគ្នារបស់ យុវជនដើម្បីបំរើប្រជាជន និងប្រទេសជាតិ គឺជាកត្តានាំមកនូវជោគជ័យ សម្រាប់យើងទាំងអស់គ្នា និងគណបក្សប្រជាជនកម្ពុជា ។

លោក ហ៊ុន ម៉ាណែត បានសំណូមពរ ប្រធានគណបក្សក្រុង ស្រុកនិងថ្នាក់មូលដ្ឋាននិងក្រុមការងារ ជនបង្គោលយុវជន ត្រូវពង្រឹងខ្លួនឯង និងការការចាត់តាំង របស់បក្ស ក្នុងការត្រូវចូលរួម គាំទ្រ និងសហការអនុវត្តការងារឱ្យ បានរលូន និងមានប្រសិទ្ធភាពខ្ពស់ ដើម្បីបុព្វហេតុប្រទេសជាតិ ប្រជាជន និងប្រៀបឈ្នះរបស់ គណបក្សប្រជាជនកម្ពុជា។

សូមបញ្ជាក់ថា នៅថ្ងៃទី០២ ខែសីហា ឆ្នាំ២០១៥ សមាសភាពជនបង្គោល យុវជនគណបក្សកម្ពុជាប្រចាំ ក្រុង-ស្រុក ខេត្តកំពង់ចាម និងខេត្តត្បូងឃ្មុំ ត្រូវបានធ្វើពិធីប្រកាសក្រោមអធិបតីភាព លោក ហ៊ុន ម៉ាណែត និងលោក លន់ លឹមថៃ ប្រធានគណៈកម្មាធិការ គណបក្សប្រជាជនកម្ពុជា ខេត្តកំពង់ចាម  និងលោក ប្រាជ្ញ ច័ន្ទ ប្រធានគណកម្មាធិការ គណបក្ស ប្រជាជនកម្ពុជា ខេត្តត្បូងឃ្មុំ ព្រមទាំងមានការចូលរួមពី ថ្នាក់ដឹកនាំគណបក្សខេត្ត ក្រុង-ស្រុក ជនបង្គោលយុវជន និង សកម្មជន យុវជនគណបក្ស ជាច្រើនរូបផងដែរ៕

លោក ស ថាវី នាំអំណោយសម្តេច ក្រឡាហោម ជូនស្នងការដ្ឋាន នគរបាលខេត្ត

E-mail Print PDF

ឧត្តរមានជ័យ៖ អភិបាលខេត្តឧត្តរមានជ័យ ស ថាវី  នៅព្រឹកថ្ងៃទី០៣ ខែសីហា ឆ្នាំ២០១៥នេះ បាននាំយកម៉ូតូ  អាវចំណាំងផ្លាត និង អាវកាក ដែលជាអំណោយសម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួង មហាផ្ទៃ ទៅប្រគល់ជូនដល់ស្នងការដ្ឋាននគរបាលខេត្តឧត្តរមានជ័យ។

អំណោយរបស់សម្តេចក្រឡាហោម ដែលប្រគល់ជូនដល់ស្នងការដ្ឋាននគរបាលខេត្តឧត្តរមានជ័យនាព្រឹកថ្ងៃនេះ  រួមមាន៖ ម៉ូតូណៃហតចំនួន ៤គ្រឿង អាវចំណាំងផ្លាត ១០០និង អាវកាក់ ១០០។

លោក ស ថាវី បានមានប្រសាសន៍ក្នុងពិធីប្រគល់អំណោយថា រាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជានាយករដ្ឋមន្ត្រី ក៏ដូចជាក្រសួងមហាផ្ទៃតែងតែគិតគូរជានិច្ច អំពីសុខទុក្ខរបស់កងកម្លាំង ដែលជានិច្ចកាល ជាកាលបានលះបង់កម្លាំងកាយ កម្លាំងចិត្តក្នុងបុព្វហេតុថែរក្សាសន្តិសុខ សណ្តាប់ជូនសង្គមជាតិ និងប្រជាពលរដ្ឋ មិនថាយប់មិនថាថ្ងៃភ្លៀងផ្គរយ៉ាងណានោះទេ។

លោកអភិបាលខេត្ត ក៏បានថ្លែងនូវការកោតសរសើរដល់កងកម្លាំង នៃស្នងការដ្ឋាននគរបាលខេត្តឧត្តរមានជ័យ  ក្រោមការដឹកនាំរបស់លោកឧត្តមសេនីយ៍ត្រី ម៉ែនលី ស្នងការនគរបាលខេត្ត បានយកចិត្តទុកដាក់ក្នុងការការពារ សន្តិសុខជូនប្រជាពលរដ្ឋ ដោយបានចូលរួមលុបបំបាត់ការឆក់ប្លន់នៅតាមមូលដ្ឋាន ល្បែងស៊ីសង ការជួញដូរ មនុស្ស និង ថ្នាំញៀនជាដើម...។ល។

ទន្ទឹមនិងនោះលោកអភិបាលខេត្ត ក៏បានដាស់តឿនឲ្យកងកម្លាំង ត្រូវនៅឲ្យឆ្ងាយពីបទល្មើសផ្សេងៗ ពិសេសបទ ល្មើសព្រៃឈើ និងគ្រឿងញៀន។ លោកអភិបាលខេត្ត ក៏បានផ្តាំផ្ញើដល់មន្ត្រីនគរបាល ចូលរួមថែរក្សាអំណោយ ទាំងនេះ ប្រយោជន៍ឲ្យប្រើប្រាស់បានយូរអង្វែង។

លោកឧត្តមសេនីយ៍ត្រី ម៉ែន លី ស្នងការនគរបាលខេត្ត តាមរយៈលោកអភិបាលខេត្ត បានគោរពថ្លែងអំណរគុណ យ៉ាងជ្រាលជៅ ចំពោះសម្តេចក្រឡាហោម ស ខេង ដែលបានផ្តល់នូវសម្ភារៈនានា ដល់ស្នងការដ្ឋាននគរបាល ខេត្ត ដើម្បីបង្កលក្ខណៈងាយស្រួលក្នុងការបម្រើប្រយោជន៍ពលរដ្ឋ៕

GMAC អះ​អាង​ពី​ការ​ជួប​ភាព​ត្រ​ដាប​ត្រដួស ក្នុង​ការ​ប្រកួត​ប្រជែង

E-mail Print PDF

ភ្នំពេញ៖ ឧស្សាហកម្មកាត់ដេររបស់ប្រទេសកម្ពុជាកំពុងជួបបញ្ហា ត្រដាបត្រដួសក្នុងការប្រកួតប្រជែងជាមួយនឹងបណ្ដាប្រទេសជិតខាងដូចជា វៀតណាម និងឥណ្ឌូនេស៊ីជាដើម ដោយសារតែផលិត ភាពមានកម្រិតទាប ចលាចលការងារ និងសម្ពាធប្រាក់ឈ្នួល ដែលកត្តាទាំងនេះបាននឹងកំពុងតែ រាំងខ្ទប់ដល់កំណើន វិស័យកាត់ដេរកម្ពុជា ។ នេះបើយោងតាមសមាគមរោងចក្រកាត់ដេរនៅកម្ពុជាហៅកាត់ថា GMAC ។

ទិន្នន័យកាលពីពេលថ្មីៗដែល GMAC ប្រមូលបាន បង្ហាញថា ផលិតភាពការងារនៅតាមបណ្ដារោងចក្រនៅកម្ពុជា គឺមានកម្រិត ៦០% ប៉ុណ្ណោះ បើធៀបនឹងផលិត ភាពនៅតាមបណ្ដារោងចក្រក្នុងប្រទេសចិន ដែលត្រូវបានយកមកប្រើជានិយាមការប្រៀបធៀបលើកម្រិតផលិតភាព១០០% ។

រោងចក្រនៅក្នុង ប្រទេសវៀតណាម និងឥណ្ឌូនេស៊ី មានផលិតភាពខ្ពស់ជាងរោងចក្រនៅកម្ពុជា ដោយប្រទេសទាំងពីរនេះមានកម្រិតផលិតភាពរហូតទៅដល់ ៨០% បើធៀបនឹងរោងចក្រនៅប្រទេសចិន។ ចំណែកឯផលិតភាពរបស់រោងចក្រនៅប្រទេសបង់ក្លាដេសវិញគឺទាបជាងគេ ដោយមានកម្រិត ៥០% បើទោះបីជាប្រទេសនេះ នាំចេញសម្លៀកបំពាក់គិតជាទឹកប្រាក់ប្រមាណ ២៥ ពាន់លានដុល្លារអាមេរិកក្នុងមួយឆ្នាំក្តី ធៀបនឹងប្រទេសវៀតណាមដែលការនាំចេញសម្លៀកបំពាក់មានទំហំទឹកប្រាក់ ប្រមាណ ២១ ពាន់លានដុល្លារ ហើយនៅកម្ពុជាប្រមាណតែ ៥៥០០ លានដុល្លារប៉ុណ្ណោះ ។

យោងតាម GMAC បានឲ្យដឹងថា វិស័យកាត់ដេរនៅកម្ពុជាបានបង្ហាញពីសញ្ញាកំណើននៅដើមឆ្នាំនេះ ប៉ុន្តែបើផលិតភាពប្រសើរជាងនេះ នោះវិស័យកាត់ដេរកម្ពុជា នឹងមានកំណើនកាន់តែ ប្រសើរជាងនេះទៅទៀត។ការនាំចេញទៅកាន់សហគមន៍អឺរ៉ុប បានកើនឡើងជាលំដាប់ដោយសារតែលក្ខខណ្ឌអនុគ្រោះពន្ធ ប៉ុន្តែការនាំ ចេញទៅកាន់ទីផ្សារអាម៉េរិក បានធ្លាក់ចុះរហូតដល់ទៅ ៨ ភាគរយ។

GMAC បានឲ្យដឹងថា ក្នុងចំណោមកត្តាសំខាន់ៗដែលរាំងខ្ទប់ដល់ផលិតភាពឧស្សាហកម្មកាត់ដេរកម្ពុជាធៀបនឹងបណ្ដាប្រទេសដែលជាគូប្រជែងផ្សេងទៀតនោះ គឺកត្តាចំនួនថ្ងៃឈប់សម្រាកដែលមានប្រាក់ឈ្នួលកំណត់ដោយច្បាប់នៅកម្ពុជាមានចំនួនច្រើន ។

កម្ពុជាមានថ្ងៃឈប់សម្រាកបុណ្យ ដែលមានប្រាក់ឈ្នួលចំនួន ២៧ ថ្ងៃ និងការឈប់សម្រាកប្រចាំឆ្នាំដែលកំណត់ក្នុងច្បាប់ស្តីពីការងារចំនួន ១៨ថ្ងៃ ។ ដូច្នេះ មានន័យថា ក្នុងមួយឆ្នាំ កម្មករកម្ពុជាធ្វើការតិចជាងកម្មករវៀតណាមចំនួន ១៩ ថ្ងៃ និងតិចជាងបង់ក្លាដេសចំនួន ២៤ ថ្ងៃ នេះបើកុំគិតអំពីការថែមម៉ោង។

ការចំណាយលើថ្លៃថាមពលនៅកម្ពុជា ក៏ជាកត្តារួមចំណែកដែលធ្វើឲ្យកម្ពុជាឈរក្នុងលំដាប់ទាបក្នុងតារាងផលិតភាពដែរ ។ ក្នុងនោះ ការចំណាយលើថ្លៃ ថាមពល សម្រាប់ រោងចក្រនៅកម្ពុជា គឺខ្ពស់ជាងវៀតណាម និងឥណ្ឌូនេស៊ី ក្នុងកម្រិត ១៥០% ហើយខ្ពស់ជាងប្រទេសបង់ក្លាដេសក្នុងកម្រិត ៣៣%។

GMAC បានឲ្យដឹងថាតួលេខ និងទិន្នន័យទាំងនេះ គឺជាក្តីព្រួយបារម្ភជាខ្លាំង ខណៈដែលឧស្សាហកម្មកាត់ដេរជិតឈានដល់ពេលត្រូវចរចារលើប្រាក់ឈ្នួលអប្បបរមាជាថ្មី បន្ទាប់ពីទើបតែបានដំឡើងរួចក្នុងកម្រិត ២៨% សម្រាប់កម្មករកាត់ដេរកាលពីដើមឆ្នាំនេះ ។

បច្ចុប្បន្ន ប្រាក់ឈ្នួលអប្បបរមា គួបផ្សំនឹងប្រាក់ឧបត្ថម្ភដែលកំណត់ដោយច្បាប់ អាចឲ្យកម្មករទទួលបាន ១៤៥ ដុល្លារក្នុងមួយខែ គឺស្មើនឹងប្រាក់ឈ្នួល អប្បបរមានៅ ប្រទេសវៀតណាម ។ បើទោះបីជាផលិតភាពនៅកម្ពុជាកើនបាន ១០% បន្ថែមក្តី គឺដល់កម្រិត ៧០% ក៏កម្ពុជានៅតែស្ថិតនៅក្រោមប្រទេសវៀតណាមដដែល បើនិយាយអំពីភាពប្រកួតប្រជែង ។

លោក Ken Loo អគ្គលេខាធិការ GMAC បានថ្លែងថា៖ “ផលិតភាពទាប ហើយប្រាក់ឈ្នួលកាន់តែខ្ពស់ នឹងក្លាយជាបញ្ហាប្រឈមពិតៗ សម្រាប់ឧស្សាហកម្មកាត់ដេរ នៅទីនេះ ពីព្រោះអ្នកបញ្ជាទិញនៅឯក្រៅប្រទេសយកចិត្តទុកដាក់លើផលិតភាព និងភាពប្រកួតប្រជែង នៅពេលដែលពួកគេ សម្រេចចិត្តទិញផលិតផល ពីប្រទេសណាមួយ” ។

លោក បានថ្លែងបន្តទៀតថា៖ “GMAC កំពុងតែបង្កើតកម្មវិធីបណ្ដុះបណ្ដាលជំនាញសម្រាប់កម្មករ ដែលនឹងជួយបង្កើនផលិតភាព និងធ្វើទំនើបកម្ម លើឧស្សាហកម្ម កាត់ដេរ ។ ប៉ុន្តែ យើងត្រូវការការសហការពីភាគីពាក់ព័ន្ធទាំងអស់ឲ្យជួយដោះស្រាយលើបញ្ហាតម្លៃអគ្គិសនី និងហេដ្ឋារចនាសម្ព័ន្ធដឹកជញ្ជូនជាដើម” ។

លោក Ken Loo បានបញ្ជាក់ផងដែរថា ប្រសិនបើសហជីពមានយុទ្ធសាស្ត្រប្រកបដោយការពិចារណាជាងមុន នោះនឹងអាចផ្ដល់ឱកាសឲ្យឧស្សាហកម្ម កាត់ដេរផ្ដោត លើការបង្កើនផលិតភាព ដែលអាចផ្ដល់ផលប្រយោជន៍ដល់វិស័យទាំងមូល ហើយអាចបង្កើតការងារដែលមានតម្លៃខ្ពស់ជាងមុនបានកាន់តែច្រើនថែមទៀត ៕

លោកស សុខា លើកទឹកចិត្ដ ផ្ដល់ម៉ូតូ អាហារូបករណ៍ និងទស្សនកិច្ច នៅក្រៅ ប្រទេស សម្រាប់សិស្សពូកែ

E-mail Print PDF

ព្រៃវែង ៖ លោកស សុខា តំណាងរាស្ដ្រ គណបក្សប្រជាជនកម្ពុជា និងជាប្រធាន សហភាពសហព័ន្ធយុវជនកម្ពុជា ខេត្ដព្រៃវែង បានប្រកាស ផ្ដល់រង្វាន់លើកទឹកចិត្ដជូនចំពោះសិស្សថ្នាក់ទី១២ នៅតាមវិទ្យាល័យទូទាំងខេត្ដព្រៃវែង បើ សិនពួកគេទទួលបានចំណាត់ថ្នាក់ល្អ ពេល ប្រឡងបាក់ឌុបរួច ។

ការប្រកាសលើកទឹកចិត្ដ ជូនដល់សិស្ស ថ្នាក់ទី១២ ខាងលើនេះ បានធ្វើឡើងខណៈ ដែលលោកដឹកនាំក្រុមការងារ ចុះទៅសំណេះសំណាលជាមួយគ្រូស្ម័គ្រចិត្ដនិងសិស្សានុសិស្សថ្នាក់ទី១២ នៅស្រុកព្រះស្ដេច និងស្រុក កំពង់ត្របែក ចំនួន៥វិទ្យាល័យ ។

នៅចំពោះមុខសិស្សទាំងអស់ លោកស សុខា បានបញ្ជាក់ថា នៅពេលដែលប្រឡង បាក់ឌុបរួច សម្រាប់សិស្ស ទទួលបានចំណាត់ថ្នាក់លេខ១ ដល់លេខ៣ និងទទួលបានម៉ូតូមួយគ្រឿង បើសិនទទួលបានលេខ១ ដល់លេខ១០ និង ត្រូវបានអញ្ជើញទៅទស្សនកិច្ចនៅប្រទេស ចិន រយៈពេល២សបា្ដហ៍ ហើយបើសិស្សណា ម្នាក់ចង់រៀនមហាវិទ្យាល័យ នៅប្រទេសចិន នោះ លោកនឹងផ្ដល់អាហារូបករណ៍ចំនួន១០នាក់ ។ ដោយឡែកសិស្សដែលទទួល ចំណាត់ថ្នាក់ពីលេខ១១ ដល់លេខ៥០ និងឱ្យរៀននៅសាកលវិទ្យាល័យមួយចំនួន ក្នុងរាជធានីភ្នំពេញ ។

លោកស សុខា ក៏បានលើកទឹកចិត្ដនិង ជំរុញឱ្យប្អូនៗទាំងអស់ ត្រូវខិតខំប្រឹងប្រែង រៀនសូត្រ ហើយប្រឡងជាប់ ដើម្បីអនាគត របស់ខ្លួននាពេលខាងមុខ ។

ក្នុងពិធីសំណេះសំណាលនាឱកាសនោះ លោកបានផ្ដល់ថវិកា ចំនួន១៣លាន៨ម៉ឺន រៀលដល់លោកគ្រូ អ្នកគ្រូ ទាំង៥វិទ្យាល័យ សម្រាប់បង្រៀនបំប៉ន ដល់សិស្សថ្នាក់ទី១២ នាពេលខាងមុខ និងផ្ដល់ថវិកា ១០០០ដុល្លារ សម្រាប់ការសាងសង់បណ្ណាល័យ នៅក្នុងវិទ្យាល័យប្រមូលព្រហ្ម ស្ថិតនៅស្រុកព្រះស្ដេច ។

ប្រធានចលនាយុវជនកម្ពុជា (ក្រុម១៥៧) សាខាខេត្តក្រចេះ នាំយកកុំព្យូទ័រ និង សម្ភារសិក្សា ប្រគល់ជូន សាលាបឋមសិក្សាសំបូរ

E-mail Print PDF

ក្រចេះ ៖ ក្រោមការណែនាំដ៏ខ្ពង់ខ្ពស់របស់ លោកបណ្ឌិត ហ៊ុន ម៉ាណែត ជាស្ថាបនិក និង លោក ម៉ឹង ពន្លក ប្រធានចលនាយុវជនកម្ពុជា (ក្រុម១៥៧) លោក មិត ឆៃយុត្ត ប្រធានចលនាយុវជនកម្ពុជា (ក្រុម១៥៧)សាខា ខេត្តក្រចេះ កាលពីថ្ងៃទី២ ខែសីហា ឆ្នាំ២០១៥ បានដឹកនាំក្រុមការងារ ចុះសួរសុខទុក្ខ សំណេះសំណាល និងបាននាំយក អំណោយទៅចែកជូន ដល់សិស្សានុសិស្ស លោកគ្រូ-អ្នកគ្រូ នៅបរិវេណ សាលាបឋម សិក្សាកែងប្រាសាទ ក្នុងឃុំសំបូរ ស្រុកសំបូរ ខេត្តក្រចេះ។

អំណោយទាំងនេះ ជាសម្ភារ ប្រើប្រាស់ និងថវិកាសុទ្ធ ដែលបាននាំទៅ ប្រគល់ជូននេះរួមមាន កុំព្យូទ័រ៥ គ្រឿង ម៉ាស៊ីនព្រីនធ័រ៣គ្រឿង កាមេរ៉ាថតរូប១គ្រឿង បន្ទប់ទឹក៤បន្ទប់ សម្ភារ សិក្សាថ្នាក់ មតេយ្យ ជាច្រើនសម្រាប់ សៀវភៅ និងប៊ិចជាង២រយសម្រាប់ និងថវិកាសុទ្ធ ចំនួន៣លាន ២សែនរៀលផ្សេងទៀត។

ជាមួយ និងពិធីប្រគល់សម្ភារទាំងនេះ លោក មិត្ត ឆៃយុត្តិ ប្រធានយុវជនកម្ពុជា (ក្រុម ១៥៧)សាខាខេត្តក្រចេះ បានជួបសំណេះសំណាល សួរសុខទុក្ខ ដល់ លោកគ្រូ-អ្នកគ្រូ ជានិ វត្តន៍ជន និងលោកគ្រូ-អ្នកគ្រូដែលកំពុងតែ បំពេញកិច្ចការងារ ក្នុងសាលា។

លោក មិត្ត ឆៃយុត្ត បានលើកឡើងថា ចលនាយុវជនកម្ពុជា (ក្រុម១៥៧) ជាចលនាមនុស្សធម៌ បង្កើតឡើង គោលបំណងសម្រាប់ ជួយស្រោចស្រង់ដល់ទុរគតជន ជនដែលទីទ័លក្រ ដែលបាន ជួបគ្រោះអាសន្ន ផ្សេងៗ ដោយមិនប្រកាន់នូវនិន្នាការ នយោបាយ ឫរើសអើងពូជសាសន៍៕

Page 7 of 269