aaa

Saturday, Feb 06th

| English Version | dapnews: 012 722 337, 097 9999 883, email: soyvicheth@gmail.com

កម្មកររោងចក្រ អ៊ែជ្យាយល៍ ស្វេតថឺ នៅកំពង់ស្ពឺ ដង្ហែមកក្រសួង ការងារជាថ្មីទៀត

E-mail Print PDF

ភ្នំពេញ៖ នៅថ្ងៃទី ០៥កុម្ភៈ នេះ ក្រុមកម្មករ-កម្មការិនី រោងចក្រកាត់ដេរ អ៊ែជ្យាយល៍ ស្វេតថឺ នៅក្រុង ច្បារមន ខេត្តកំពង់ស្ពឺ បាននាំគ្នាដើរដង្ហែ មកកាន់ក្រសួងការងារ និងបណ្ដុះបណ្ដាលវិជ្ជាជីវៈ ដើម្បី ស្វែងរកកិច្ចអន្តរាគមន៍ ពីថ្នាក់ដឹកនាំក្រសួង និងស្ថាប័នពាក់ព័ន្ធនានាឲ្យយក តំណាងពួកខ្លួន ចូលធ្វើ ការវិញជាថ្មីម្តងទៀត។

លោក ប៉ាវ ស៊ីណា ប្រធានសម្ព័ន្ធសហជីពចលនាកម្មករ បានឲ្យដឹងថាខណៈពេលនេះ កម្មករនិយោជិត នៃរោងចក្រ អ៊ែជ្យាយល៍ ស្វេតថឺ ដែលមានទីតាំងស្ថិតភូមិបុរីកម្មករ សង្កាត់រការធំ ក្រុងច្បារមន ខេត្ត កំពង់ស្ពឺ បានដង្ហែក្បួនទៅក្រសួងការងារដើម្បីរកកិច្ចអន្តរាគមន៍ពីលោក អ៊ិត សំហេង រដ្ឋមន្រ្តីក្រសួង កាងារ និងបណ្តុះបណ្តាលវិជ្ជាជីវៈជាថ្មីម្តងទៀត ។ ពួកគេសុំកិច្ចអន្ដរាគមន៍ ទាមទារលក្ខណ្ឌការងារ ៩ចំណុច ក្រោយពីខាងភាគីក្រុមហ៊ុនមិនមានដំណោះស្រាយសមស្រប ជាពិសេសឲ្យទទួលយក តំណាង៥នាក់ចូលធ្វើការវិញ ក្រោយពីពួកគេត្រូវបានដោះលែង។

សូមបញ្ជាក់ថា កាលពីថ្ងៃទី១២ មករា ក្រុមកម្មករ បានផ្ទុះកូដកម្មយ៉ាងធំម្តងរួចមកហើយ ក្នុងនោះ ក៏បានចាប់ខ្លួនមន្រ្តីសហជីព៥នាក់ ឃុំខ្លួននៅតុលាការខេត្តកំពង់ស្ពឺ ពាក់ព័ន្ធនឹងការដឹកនាំកម្មករធ្វើ កូដកម្ម ក្រោយមកត្រូវបានដោះលែងនៅថ្ងៃទី១៨ ខែមករា ឆ្នាំ២០១៦ ហើយកម្មករ កម្មការនី ក៏វិល ត្រឡប់ចូល ធ្វើការដូចធម្មតាដែរ ប៉ុន្តែត្រូវបានភាគីរោងចក្រ បដិសេធន៍មិនព្រមទទួលយក ឲ្យធ្វើការ វិញទើបពួកគេ ស្វែងរកកិច្ចអន្តរាគមន៍៕

នាយករដ្ឋមន្រ្តី បកស្រាយ ទៅអ្នកវិភាគឯករាជ្យថា កម្ពុជាគ្មានភាព ចាំបាច់ទៅលួង លោមចិនទេ

E-mail Print PDF

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តី នៃប្រទេសកម្ពុជា បានថ្លែងនៅព្រឹកថ្ងៃទី៥ ខែកុម្ភៈ ឆ្នាំ២០១៦ថា កម្ពុជាគ្មានភាពចាំបាច់ ឬប្រញាប់ប្រញាល់ ទៅបកស្រាយឲ្យចិន ស្តាប់ពីដំណើរ ទស្សនកិច្ចរបស់រដ្ឋមន្រ្តីការបរទេសអាមេរិក ចន ឃើរី មកកម្ពុជានោះទេ។

សម្តេចតេជោ បានមានប្រសាសន៍ ក្នុងពិធីចែកសញ្ញាបត្រដល់ និស្សិតនៅសកលវិទ្យាល័យជាតិ គ្រប់គ្រងនៅព្រឹកថ្ងៃទី៥ កុម្ភៈ ថា “ក្នុងប៉ុន្មានថ្ងៃនេះ មានការអធិប្បាយថា ឧបនាយករដ្ឋមន្រ្តី ហោ ណាំហុង រដ្ឋមន្រ្តីក្រសួងការបរទេសបានទៅទីក្រុងប៉េកាំង ប្រទេសចិន យ៉ាងប្រញាប់ប្រញាល ហាក់បីដូចជា ទៅលួងលោមចិនកុំឲ្យខឹង ដោយសារតែរដ្ឋមន្រ្តីការបរទេសអាមេរិក ចន ឃើរីមក កាន់ទីក្រុងភ្នំពេញ ហើយបន្តិចទៀត លោក ហ៊ុន សែន នឹងទៅប្រជុំរដ្ឋមន្រ្តីអាមេរិកនិងអាស៊ាន។ ខ្ញុំសូមបញ្ជាក់ថា នយោបាយការបរទេសឯករាជ្យ អធិបតេយ្យភាពរបស់កម្ពុជា មិនតម្រូវឲ្យសុំ យោបល់ ពីអ្នកណាទាំងអស់។ រឿងនេះ គឺជារឿងដែលខ្ញុំធ្លាប់ជារដ្ឋមន្រ្តីក្រសួងការបរទេស តាំងពីអាយុ២៧ឆ្នាំមកម្ល៉េះ តាំងតែពីអ្នកខ្លះ តាំងខ្លួនឯងថា ជាអ្នកវិភាគឯករាជ្យខ្លះនៅរត់លេង ស្រាតខោនៅឡើយ”។

សម្តេចបន្តថា បើកម្ពុជាគ្មាននយោបាយការបរទេសឯករាជ្យមួយទេ គឺកម្ពុជាមិនអាចគេចចេញផុត ពីអន្លូងគ្រោះថ្នាក់នៃស្រមោលអន្តកាលបានឡើយ។

សម្តេចថា នយោបាយឈ្នះឈ្នះនេះ គឺជានយោបាយដាច់ដោយឡែក ដែលគ្មានអ្នកណាម្នាក់ ធ្វើបានឡើយ។ អ៊ុន តាក់មិនអាចចូលប៉ៃលិនបាន ប៉ុន្តែសម្តេច អាចចូលបាន ហើយ អ៊ុន តាក់ខ្លាចខ្មែរក្រហម។

សម្តេចនាយករដ្ឋមន្រ្តីបន្តថា គ្មានការងារចាំបាច់ដែលសម្តេច ត្រូវរាយការណ៍ទៅឲ្យចិនពីការងារ ជាមួយអាមេរិក  ឬរាយការណ៍ឲ្យអាមេរិកពីការងារជាមួយចិននោះទេ ហើយមានតែខ្មែរ មួយនោះទេ ដែលមានសិទ្ធិស្វ័យសម្រេចដោយខ្លួនឯង។

សម្តេចអះអាងថា ក្នុងជំនួបពិភាក្សាជាមួយចន ឃើរី កាលពីអំឡុងមកទស្សនកិច្ចកម្ពុជា សម្តេចតេជោ បានប្រាប់ទៅចន ឃើរីថា កម្ពុជាអត់មានភាពចាំបាច់ទៅរើសប្រទេស មួយណា នោះដែរ ព្រោះកម្ពុជាត្រូវការធ្វើជាមិត្តភ័ក្តជាមួយគ្រប់ប្រទេសក្នុងពិភពលោក៕

សម្តេចតេជោ បញ្ជាក់ជាថ្មីពីការ បញ្ចុះតម្លៃ ចូលប្រឡងពេទ្យ ពី៥០ម៉ឺនមកត្រឹម ១០ម៉ឺនរៀល

E-mail Print PDF

ភ្នំពេញ៖នាយករដ្ឋមន្រ្តីកម្ពុជា សម្តេចតេជោ ហ៊ុន សែន នៅថ្ងៃទី៥ ខែកុម្ភៈ ឆ្នាំ២០១៦នេះ បានធ្វើការបញ្ជាក់ជាថ្មីម្តងទៀត ពីតម្លៃទិញពាក្យចូលប្រឡង ពេទ្យពី៥០ម៉ឺនរៀលមកត្រឹម១០ម៉ឺនរៀលដល់និស្សិតពេទ្យ។

នៅក្នុងពិធីចែកសញ្ញាបត្រដល់និស្សិតនៅសកលវិទ្យាល័យជាតិគ្រប់គ្រងនៅព្រឹកថ្ងៃទី៥ កុម្ភៈថា “និស្សិតដែលចូលប្រឡងថ្នាក់ជាតិនៅសាលាពេទ្យ ត្រូវបង់៥០ម៉ឺនរៀល ដែលខ្ញុំអត់បានដឹង នេះជារឿងពិត ៥០ម៉ឺនរៀល ស្មើនឹង១២០ដុល្លារ។

ប៉ុន្តែបង ម៉ម ប៊ុនហេង មានអ្នកចាំពិនិត្យមើល comment  ហ្នឹង ចឹងយកអាបញ្ហាហ្នឹង ធ្វើសំណើរស្នើឡើងដើម្បីសុំកំណត់ថ្លៃនៃការប្រឡង មានការស្នើកំណត់ថ្លៃមួយផ្សេង ក៏ប៉ុន្តែខ្ញុំទូរស័ព្ទទៅបងម៉ម ប៊ុនហេង ថា ការកំណត់នេះនៅតែខ្ពស់ដូច្នេះត្រឹមតែ១០ម៉ឺនរៀលគ្រប់គ្រាន់”៕

អ៊ីហ្ស៊ីខម អះអាងថា សេវាអ៊ីនធឺណិត នឹងគាំទ្រដល់ សមាហរណកម្ម សហគមន៍សេដ្ឋកិច្ចអាស៊ាន

E-mail Print PDF

ភ្នំពេញ៖ ប្រទេសកម្ពុជា បានខិតខំប្រឹងប្រែង ជាបន្តបន្ទាប់ ដើម្បីទាក់ទាញអាជីវកម្ម និងការធ្វើពាណិជ្ជកម្មបន្ថែម សម្រាប់ការធ្វើសមាហរណកម្ម សហគមន៍សេដ្ឋកិច្ចអាស៊ាន (AEC) នៅក្នុង ឆ្នាំនេះ ក្រុមហ៊ុនផ្គត់ផ្គង់សេវាអ៊ីនធឺណិត ឈានមុខគេនៅកម្ពុជា អ៊ីហ្ស៊ីខម ក៏នឹងធ្វើឲ្យប្រាកដថា សេវាកម្ម និងបច្ចេកវិទ្យារបស់ខ្លួន មានការរីកចំរើនស្របតាមការ កើនឡើងនៃអាជីរកម្ម និងពាណិជ្ជកម្ម ក្នុង ប្រទេស ។

ថ្លែងប្រាប់អ្នកកាសែតនៅថ្ងៃសុក្រ ទី ៥ ខែកុម្ភៈ ឆ្នាំ២០១៦នេះ លោក ហែម សុវត្ថិ អគ្គនាយករង ក្រុមហ៊ុន អ៊ីហ្ស៊ីខម ថ្លែងថា “វាច្បាស់ណាស់ថា សហគមន៍សេដ្ឋកិច្ចអាស៊ាននឹងកើតមាន ហើយការប្រើប្រាស់ប្រព័ន្ធអ៊ីនធឺណិត និងបណ្តាញទំនាក់ទំនង នឹងកើនឡើងដូចគ្នា ។ សហគមន៍ពាណិជ្ជកម្ម នឹងប្រើប្រាស់ប្រព័ន្ធនេះដើម្បីប្រតិបត្តិការអាជីវកម្មរបស់ខ្លួន និងទំនាក់ទំនង ទៅកាន់ប្រទេសផ្សេងៗ ។ ដូច្នេះយើងបានត្រៀមខ្លួនរួចជាស្រេច ក្នុងការផ្តល់សេវាអ៊ីនធឺណិត ដែលមានល្បឿនលឿន និងប្រសិទ្ធភាពបំផុតជូនដល់ពួកគេ” ។

លោក ហែម សុវត្ថិ បញ្ជាក់ផងដែរថា កម្ពុជា ជាប្រទេសដ៏ប្រសើរមួយសម្រាប់ការធ្វើអាជីវកម្ម ហើយជាមួយនឹងដំណើរការឆ្ពោះទៅមុខនៃសហគមន៍សេដ្ឋកិច្ចអាស៊ាននេះ នឹងទាក់ទាញ អ្នកវិនិយោគថែមទៀតមកកាន់ប្រទេសកម្ពុជា។ ដូច្នេះ វានឹងធ្វើឲ្យមានតម្រូវការខ្ពស់ ក្នុងការប្រើប្រាស់ ប្រព័ន្ធបច្ចេកវិជ្ជាព័ត៌មានវិទ្យា ។

គោលដៅនៃសហគមន៍សេដ្ឋកិច្ចអាស៊ាន គឺការបង្កើតឲ្យមានទីផ្សារប្រកួតប្រជែងតែមួយ ក្នុងចំណោមប្រទេសជាសមាជិកទាំង១០ ក្នុងតំបន់អាស៊ីអាគ្នេយ៍ ។ កាលពីឆ្នាំមុន សហគមន៍សេដ្ឋកិច្ច  អាស៊ាន បានអនុម័តផែនការសម្រាប់ឆ្នាំ ២០២៥ ដើម្បីប្រាកដថាបណ្តា ប្រទេសទាំងនោះ នៅតែបន្តកិច្ចខិតខំប្រឹងប្រែងរបស់ខ្លួនឆ្ពោះទៅរកការធ្វើសមាហរណកម្មនេះ ។

ក្នុងឆ្នាំកន្លងទៅនេះ ប្រព័ន្ធផ្សព្វផ្សាយក្នុងស្រុកបានរាយការណ៍ថា បណ្តាក្រុមហ៊ុននានាបានអនុវត្ត ការងារចាំបាច់រួចហើយ ដើម្បីប្រាកដថាប្រទេសកម្ពុជានៅតែរក្សាបានទីផ្សារប្រកួតប្រជែង ។ យោងតាមតួលេខចុងក្រោយរបស់ក្រសួងប្រៃសណីយ៍ និងទូរគមនាគមន៍ ប្រទេសកម្ពុជាមានអ្នក ប្រើប្រាស់អ៊ីនធឺណិតចំនួន ៦,២លាននាក់ ក្នុងនោះអ្នកប្រើប្រាស់អ៊ីនធឺណិតប្រើខ្សែមានចំនួន ៧៧.៣០០នាក់ ។

លោក ហែម សុវត្ថិ អគ្គនាយករងក្រុមហ៊ុន អ៊ីហ្ស៊ីខម បានថ្លែងថា “យើងបានត្រៀមខ្លួនរួចហើយ សម្រាប់ការជួយដល់ក្រុមហ៊ុនមួយចំនួនដែលមកធ្វើអាជីវកម្មនៅក្នុងប្រទេសកម្ពុជា ហើយយើង ក៏បានអនុវត្តការងារមួយចំនួនហើយដែរ ដើម្បីប្រាកដថាប្រទេសកម្ពុជានៅតែរក្សាបានទីផ្សារ               ប្រកួតប្រជែង ដែលមានហេដ្ឋារចនាសម្ព័ន្ធ បច្ចេកវិជ្ជា ព័ត៌មានវិទ្យា ដ៏រឹងមាំមួយ ។”

យោងតាមក្រុមហ៊ុនអ៊ីហ្ស៊ីខម ដែលត្រូវបានបង្កើតឡើងនៅឆ្នាំ ២០០៧ ហើយបានប្រែក្លាយជាក្រុម ហ៊ុន ផ្តល់សេវាអ៊ីនធឺណិតឈានមុខគេនៅកម្ពុជា ចំនួនអ្នកប្រើប្រាស់អ៊ីនធឺណិតកើនឡើង ២០% ជារៀងរាល់     ឆ្នាំ ហើយក្រុមហ៊ុនបានត្រៀមខ្លួនរួចហើយ សម្រាប់ការហូរចូលសមស្របណាមួយ ពីការធ្វើ សមាហរណកម្មសហគមន៍សេដ្ឋកិច្ចអាស៊ាននេះ៕

រយៈពេល ១ខែ កម្ពុជា នាំអង្ករចេញ ទៅក្រៅប្រទេស បានជាង ៤ម៉ឺនតោន

E-mail Print PDF

ភ្នំពេញ៖ ក្នុងរយៈពេល ១ខែ ដើមឆ្នាំ២០១៦នេះ កម្ពុជាបាននាំអង្ករចេញទៅលក់ នៅក្រៅប្រទេស បានចំនួន ៤៤.០៣៣តោន បើធៀបនឹងរយៈពេលដូចគ្នា ក្នុងឆ្នាំ២០១៥កន្លងទៅ កើនឡើង ២២,៦០ភាគរយ។

ចំណាយពេលខ្លី ដើម្បី​ស្វែង​យល់ អំពីគ​ន្លឹះ នៃ​ការ​រៀប​ចំ បញ្ជី​គណនេយ្យ និង​ឯក​សារ​ពន្ធ​ដារ ឲ្យ​បាន​ត្រឹម​ត្រូវ

E-mail Print PDF

ភ្នំពេញ៖ ករណីលោកអ្នកមាន ការពិបាកក្នុងការរៀបចំ បញ្ជីគណនេយ្យ និងហិរញ្ញវត្ថុ។ ករណីលោកអ្នក មានការពិបាកក្នុងការរៀបចំឯកសារពន្ធដារ ឬចង់ដោះស្រាយបញ្ហា ឬចង់ដោះស្រាយបំណុលពន្ធដារនានា ឲ្យបានត្រឹមត្រូវ តាមច្បាប់។ លោកអ្នកអាចជួបប្រឹក្សាយោបល់ ជាមួយអ្នកឯកទេសវិជ្ជាជីវ:គណនេយ្យ និងពន្ធដារ មានស្នាដៃ និងបទពិសោធន៍ច្បាស់លាស់ទូលំទូលាយ លើកិច្ចការទាំងឡាយនេះ តាមរយះទូរស័ព្ទលេខ៖  017 888 987 ។

LBC ជួយលោកអ្នកបានលើសេវាកម្ម ឬលើការងារជាច្រីនដូចជា៖

I-សេវាកម្មប្រឹក្សាយោបល់ លើការងារគណនេយ្យ និងហិរញ្ញវត្ថុ:

-សេវាកម្មត្រួតពិនិត្យបញ្ជីស្នាមគណនេយ្យ និង រៀបចំគោលនយោបាយ និង នីតិវិធីគណនេយ្យ និង ហិរញ្ញវត្ថុ ។

- សេវាកម្មកត់ត្រាបញ្ជី និង រៀបចំរបាយការណ៍ហិរញ្ញវត្ថុ ប្រចាំខែ និងប្រចាំឆ្នាំ(បិទបញ្ជី) ស្របតាម គោលនយោបាយ និង នីតិវិធី ស្តង់ដារ និង លក្ខខណ្ឌតម្រូវផ្នែកច្បាប់ ។

- សេវាកម្មរៀបចំ និងកត់ត្រាសមតុល្យដើមគ្រាសម្រាប់ក្រុមហ៊ុនបើកថ្មី និង ក្រុមហ៊ុនដែល មានប្រតិបត្តិការ ជាច្រើនឆ្នាំឲ្យបានត្រឹមត្រូវឡើងវិញ ។

-ប្រឹក្សាយោបល់លើការកែលម្អ ឬធ្វើបច្ចុប្បន្នភាពលើគោលនយោបាយណនេយ្យ និង នីតិវិធីគណនេយ្យ និង ហិរញ្ញវត្ថុ ។

II-សេវាកម្មប្រឹក្សាយោបល់លើការងារពន្ធដារគ្រប់ប្រភេទ

- រៀបចំឯកសារបែបទពន្ធដារ គ្រប់ប្រភេទដោយត្រឹមត្រូវ និងយកទៅបង់នៅកន្លែងពន្ធដារជូនលោកអ្នក ជាស្រេច ដែលធ្វើបែបនេះ លោកអ្នកចំណាយសេវាកម្មអស់តិច ហើយឯកសារមានលក្ខណៈត្រឹមត្រូវ ជាពិសេស ចំណេញថវិការជាងការជួលបុគ្គលិកធ្វើការជាប្រចាំយ៉ាងច្រើន។

-ដោះស្រាយបញ្ហាពន្ធដារគ្រប់ប្រភេទដូចជាៈ ការដោះស្រាយបំណុលពន្ធដារនានា ដែលបានជំពាក់រដ្ឋកន្លងមក ការដោះស្រាយបំណុលពន្ធដារ ដើម្បីជំរះបញ្ជីបិទក្រុមហ៊ុន ការរៀបចំឯកសារស្របច្បាប់សម្រាប់ដាក់ជូន សវនករពន្ធដារ ។

-រៀបចំឯកសារកត់ត្រាបញ្ជីគណនេយ្យឲ្យបានត្រឹមត្រូវសម្រាប់បង់ពន្ធដារ។

-រៀបចំរៀបចំផែនការពន្ធដារក្នុងការចាប់ផ្តើមអាជីវកម្មថី្ម ដើម្បីទទួលបានការលើក ទឹកចិត្ត និងការលើកលែងពន្ធ ។

- នឹងលើកិច្ចការនានាពាក់ព័ន្ធជាមួយពន្ធដារ។

III-សេវាកម្មប្រឹក្សាយោបល់លើការចុះបញ្ជីបើក ឬបិទក្រុមហ៊ុន អង្គការ សមាគមគ្រឹះស្ថានហិរញ្ញវត្ថុ សណ្ឋាគារ ការិយាល័យតំណាងសាខាក្នុង និងក្រៅប្រទេស ។ល។

- សេវាកម្មប្រឹក្សាយោបល់លើការជ្រើសរើសប្រភេទក្រុមហ៊ុន និងការដាក់ដើមទុនចុះបញ្ជី

- សេវាប្រឹក្សាយោបល់លើការរៀបចំឯកសារ ចុះបញ្ជីពាណិជ្ជកម្ម ការស្នើសុំលេខអត្តសញ្ញាណកម្មសារពើពន្ធ វិញ្ញាបនបត្រអាករលើតម្លៃបន្ថែម និងអាជ្ញាប័ណ្ណពីក្រសួង ឬស្ថាប័នអាណាព្យាបាល ។

- ការចុះបញ្ជីជាអង្គការ សមាគម ស្ថាប័នមិនស្វែងរកប្រាក់ចំណេញផ្សេងៗ

- សុំការលើកទឹកចិត្តដល់ការវិនិយោគពីសំណាក់រដ្ឋាភិបាល (QIP)

- សេវាកម្មប្រឹក្សាយោបល់លើការបំពេញបែបទបិទក្រុមហ៊ុន អង្គការ សមាគមរោងចក្រ សហគ្រាស សណ្ឋាគារ ……(ការស្នើសុំលុបឈ្មោះចេញពីបញ្ជីពាណិជ្ជកម្មលុបឈ្មោះសហគ្រាសបុគ្គល ឬពាណិជ្ជករដែលជាប់ពន្ធលើប្រាក់ចំណេញលុបឈ្មោះចេញពីបញ្ជីអង្គការ សមាគម...) ។ល។

IV-សេវាកម្មប្រឹក្សាយោបល់លើការជ្រើសរើស ឬអភិវឌ្ឍកម្មវិធីគណនេយ្យកំព្យូទ័រ

- ជ្រើសរើសកម្មវិធីគណនេយ្យកុំព្យូទ័រឲ្យសមស្របទៅនឹងបរិបទការងារ ទំហំការងារ និងធនធានហិរញ្ញវត្ថុ របស់ ក្រុមហ៊ុនអង្គការ សមាគម... លោកអ្នក សម្រាប់កត់ត្រាផ្ទៀងផ្ទាត់ និង ផលិតរបាយការណ៍ ស្របតាម គោលនយោបាយ និងនីតិវិធីគ្រប់គ្រងគណនេយ្យ និង ហិរញ្ញវត្ថុ បទដ្ឋានជាតិ អន្តរជាតិ និង លក្ខខណ្ខត្រូវ ផ្នែកច្បាប់ ។

- ជួយវិភាគ និងធ្វើគម្រោងអភិវឌ្ឍកម្មវិធីគណនេយ្យកុំព្យូទ័រថ្មី សម្រាប់ ក្រុមហ៊ុន អង្គការ សមាគម ...លោកអ្នក។

V-សេវាកម្មវគ្គបណ្តុះបណ្តាលជំនាញគណនេយ្យ និងពន្ធដារលើការអនុវត្តជាក់ស្តែង

សេវាកម្មបណ្តុះបណ្តាលជំនាញគណនេយ្យ ដល់បុគ្គលិករបស់ក្រុមហ៊ុន អង្គការ សមាគម ... តាមមុខងារ (ប្រធានផ្នែកគណនេយ្យ គណនេយ្យករ បេឡាករ អ្នកគ្រប់គ្រងសន្និធិ...) និង គ្រប់កម្រិត (កម្រិតប្រតិបត្តិ កម្រិតបច្ចេកទេស និង កម្រិតយុទ្ធសាស្រ្ត)

សូមទាក់ទងទូរស័ព្ទលេខ៖ 017 888 987៕

មន្រ្តីសាខាកាំកុងត្រូល កំពង់ផែអន្តរជាតិភ្នំពេញ ចុះពិនិត្យរកទំនិញគ្មានគុណភាព ដាក់លក់នៅតាមតូប ហាងលក់ភេសជ្ជៈ និងផ្សារម៉ាត

E-mail Print PDF

ភ្នំពេញ ៖ អនុវត្តតាមតួនាទីភារកិច្ច ក្នុងក្របខ័ណ្ឌកិច្ចការការពារ អ្នកប្រើប្រាស់លើទិដ្ឋភាព នៃកិច្ចធានាការពារសុខភាព សុវត្ថិភាព ជូនបងប្អូនប្រជាពលរដ្ឋ ពិសេសក្នុងឳកាសចូលឆ្នាំថ្មី ប្រពៃណីជនជាតិចិន ដែលនឹងប្រារព្ធនៅថ្ងៃទី ៧ ខែកុម្ភៈ ឆ្នាំ២០១៦នេះ ។

នៅព្រឹកថ្ងៃទី០៥ ខែកុម្ភៈ ឆ្នាំ ២០១៦ មន្រ្តីសាខាកាំកុងត្រូលកំពង់ផែអន្តរជាតិភ្នំពេញនៃអគ្គ នាយកដ្ឋានកាំកុងត្រូល ក្រសួងពាណិជ្ជកម្ម  រួមសហការជាមួយមន្ត្រីមន្ទីរពាណិជ្ជកម្ម រាជធានី ភ្នំពេញ បានចុះត្រួតពិនិត្យទំនិញជាម្ហូបអាហារដែលធ្វើចរាចរ ចែកចាយ លក់ដូរ ជូនបងប្អូនប្រជាពលរដ្ឋ ក្នុងឱកាសពិធីបុណ្យចូលឆ្នាំថ្មីប្រពៃណីចិន ។

លោក ប៊ុន សុខូម៉ា អនុប្រធានសាខា បានបញ្ជាក់ថា គោលបំណងនៃការចុះត្រួតពិនិត្យ បានយកចិត្តទុកដាក់ទៅលើផលិតផលទំនិញម្ហូបអាហារ ភេសជ្ជៈ គ្រឿងឧបភាគបរិភោគ បន្លែ ផ្លែឈើ ដែលអាជីវករកំពុងដាក់តាំងលក់នៅតាមតូប ហាលក់ភេសជ្ជៈ និងផ្សារម៉ាត ជាពិសេសធ្វើយ៉ាងណាដើម្បីទទួលបាននូវម្ហូបអាហារ ប្រកបដោយសុវត្ថិភាព និងមិនប៉ះពាល់ដល់សុខភាព ។

លោក ប៊ុន ចំរើន ប្រធានសាខាកាំកុងត្រូលកំពង់ផែអន្តរជាតិភ្នំពេញ បានដោយដឹងថា មន្រ្តីជំនាញរបស់លោក បានធ្វើការចុះត្រួតពិនិត្យជាប្រចាំ ទៅតាមការណែនាំពីលោក ម៉ក់ ពេជ្ជរិទ្ធ ប្រតិភូរាជរដ្ឋាភិបាល ទទួលបន្ទុកជាអគ្គនាយកកាំកុងត្រូល ដើម្បីទប់ស្កាត់ឲ្យបានទាន់ពេលវេលានូវការធ្វើចរាចរ ចែកចាយ លក់ដូរផលិតផលម្ហូបអាហារគ្មានអនាម័យ ទំនិញខូចគុណភាព ហួសកាលបរិច្ឆេទប្រើប្រាស់ ឬការលួចប្រើសារធាតុគីមីហាមឃាត់នៅក្នុងបន្លែ ផែ្លឈើ ស្ករ  ឬការដាក់លក់ទំនិញមិនសមស្របបន្លំជាមួយនឹងទំនិញត្រឹមត្រូវជាដើម ។

ជាមួយគ្នានោះ លោកក៏បានអំពាវនាវដល់អាជីវករ អ្នកលក់ដូរ អ្នកកែច្នៃ និងបងប្អូនប្រជាពលរដ្ឋទាំងអស់ សូមមានការប្រុងប្រយ័ត្ន និងយកចិត្តទុកដាក់ឲ្យបានហ្មត់ចត់ មុននឹងធ្វើចរាចរ ចែកចាយ លក់ដូរ និងទិញទំនិញម្ហូបអាហារទទួលទានដោយសុវត្ថិភាព មិនប៉ះពាល់សុខភាពអ្នកប្រើប្រាស់ក្នុងឱកាសចូលឆ្នាំថ្មីនេះ ៕

នាយករដ្ឋមន្រ្តី អំពាវនាវឲ្យ ពលរដ្ឋប្រយ័ត្ន អគ្គិភ័យកើតឡើង នៅថ្ងៃចូលឆ្នាំចិន

E-mail Print PDF

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានថ្លែងក្រើនរំលឹក ឲ្យប្រជាពលរដ្ឋនៅទូទាំង ប្រទេសត្រូវប្រុងប្រយ័ត្ន ចំពោះគ្រោះអគ្គិភ័យ ដែលអាចកើតមានឡើង គ្រប់ពេលវេលា ជាពិសេសថ្ងៃ នៅចូលឆ្នាំចិន តែម្តង នៅពេលសែនកុងម៉ា។

ថ្លែងក្នុងពិធីចែកសញ្ញាបត្រ ដល់និស្សិត សកលវិទ្យាល័យជាតិគ្រប់គ្រង នៅព្រឹកថ្ងៃទី៥ ខែកុម្ភៈ ឆ្នាំ២០១៦នេះ សម្តេចតេជោ ហ៊ុន សែន បានលើកឡើងថា ឲ្យតែដល់ពេលចូលឆ្នាំចិនម្តងៗ តែងតែមានអគ្គិភ័យកើតឡើង  ដូច្នេះពលរដ្ឋទាំងអស់ត្រូវប្រយ័ត្នប្រយែង ឲ្យបានគ្រប់គ្នាដើម្បីការពារអាយុជីវិត និងទ្រព្យសម្បត្តិ។

សម្តេចបន្តថា គ្រោះថ្នាក់ចរាចរណ៍ ក៏ជាកត្តាមួយដែលត្រូវ ចូលរួមប្រយ័ត្នផងដែរ ព្រោះអំឡុងពេលនេះ មានការធ្វើដំណើរកំសាន្តនៅតាមតំបន់នានា។

ទាក់ទងចូលឆ្នាំចិននេះដែរ សម្តេចបានលើកឡើងថា រដ្ឋមន្រ្តីក្រសួងអប់រំ បានអំពាវនាវឲ្យសិស្ស សាលាមករៀនឲ្យបានគ្រប់គ្នា ហេតុនេះ សិស្សទាំងអស់ ត្រូវអនុវត្ត៕

ញូវហ្សេឡែន គ្រោងអភិវឌ្ឍន៍ សេដ្ឋកិច្ចសហគមន៍ និងបេតិកភណ្ឌ តំបន់អង្គរ

E-mail Print PDF

ភ្នំពេញ៖ ប្រទេសញូវហ្សេឡែន និងអាជ្ញាធរជាតិអប្សរា បានពិភាក្សាគ្នា លើគម្រោងអភិវឌ្ឍន៍សេដ្ឋកិច្ចសហគមន៍ និងបេតិកភណ្ឌអង្គរ ហៅកាត់ថា ACHA  នាថ្ងៃទី០៤ ខែកុម្ភៈ ឆ្នាំ២០១៦ នាទីស្នាក់ការ អាជ្ញាធរជាតិអប្សរា។

ថ្លែងក្នុងកិច្ចពិភាក្សានោះ លោក Tubbs Michle អ្នកជំនាញនៃនាយកដ្ឋានអភិរក្សញូវហ្សេឡែនបានឲ្យដឹងថា ក្រុមរបស់លោកមកកម្ពុជាពេលនេះ ដើម្បីសហការជាមួយ មន្ត្រីអនុវត្តគម្រោង សិក្សានិងកែលម្អចំណុចខ្វះខាតផ្សេងៗ ហើយ នឹងរៀបចំវគ្គបណ្តុះបណ្តាលមន្ត្រីបុគ្គលិក ពាក់ព័ន្ធនឹងជំនាញអភិវឌ្ឍន៍សេដ្ឋកិច្ចសហគមន៍ និងបេតិកភណ្ឌអង្គរ នាពេលប៉ុន្មានថ្ងៃខាងមុខនេះ។

ជាការឆ្លើយតប អគ្គនាយកនៃអាជ្ញាធរជាតិអប្សរា លោកស៊ុ ម៉ាប់ បានថ្លែងថា អាជ្ញាធរជាតិអប្សរាពិតជារីករាយ និងគាំទ្រយ៉ាងខ្លាំងចំពោះ គម្រោងរបស់ប្រទេស ញូវហ្សេឡែន ដែលជាដៃគូអភិវឌ្ឍសហគមន៍ ដ៏ល្អរបស់អាជ្ញាធរជាតិអប្សរា។

លោកបញ្ជាក់ថា «គម្រោងACHAនេះបានដំណើរដោយ ភាពជោគជ័យជាបន្តបន្ទាប់ ក្នុងបេសកកម្មលើកតម្កើង ជីវភាពពលរដ្ឋក្នុងតំបន់អង្គរ ក៏ដូចជាការអប់រំ បេតិកភណ្ឌអង្គរផងដែរ»៕

ប្រធានសភា ពាណិជ្ជកម្ម អឺរ៉ុបចង់បង្កើត ទំនាក់ទំនងសិ្នទ្ធស្នាល ជាមួយសភា ពាណិជ្ជកម្ម និងរាជរដ្ឋាភិបាលកម្ពុជា

E-mail Print PDF

ភ្នំពេញ៖ ប្រធានគណៈប្រតិភូនៃសភា ពាណិជ្ជកម្មអឺរ៉ុបប្រចាំកម្ពុជា បានលើកឡើងថា សភាពាណិជ្ជកម្មអឺរ៉ុប  បានបង្ហាញអំពីទស្សនវិស័យ និងយុទ្ធសាស្រ្តផ្សេងៗ ដើម្បីឲ្យមានកិច្ចសហការជិតស្និតជាមួយរាជរដ្ឋាភិបាលកម្ពុជាបន្ថែមទៀត ឲ្យកាន់តែស៊ីចង្វាក់ជាមួយបរិយាកាស ពាណិជ្ជកម្មកម្ពុជា។

នេះការលើកឡើងនៅក្នុង ជំនួបសម្តែងការគួរសម និងពិភាក្សាការងារ នាព្រឹកថ្ងៃទី៤ ខែកុម្ភៈ ឆ្នាំ២០១៦ នៅទីស្តីការក្រសួងរវាងលោក អ៊ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ  និងលោក អេម៉ានូអ៊ែល មែនណាន់ធឺ (Emmanuel MENANTEAU) ប្រធានសភាពាណិជ្ជកម្មអឺរ៉ុបប្រចាំកម្ពុជា។

លោក អេម៉ានូអ៊ែល មែនណាន់ធឺ មានប្រសាសន៍ថា « សភាពាណិជ្ជកម្មអឺរ៉ុបទទួលបានការគាំទ្រពីប្រតិភូសហគមន៍អឺរ៉ុបប្រចាំកម្ពុជា ដែលក្នុងរយៈពេល ២ឆ្នាំកន្លងមក យើងទទួលបានកញ្ចប់ថវិកាដើម្បីពង្រឹងនិងពង្រីក សភាពាណិជ្ជកម្មអឺរ៉ុប និងទំនាក់ទំនងសេដ្ឋកិច្ច រវាងសហគមន៍អឺរ៉ុបនិងកម្ពុជា»។

 ចំពោះគោលបំណងធំ របស់សភាពាណិជ្ជកម្មអឺរ៉ុប ត្រូវបានលោកបន្តថា គឺទាក់ទាញវិនិយោគិនពីអឺរ៉ុប ឲ្យមកបោះទុននៅស្រុកខ្មែរ ជាពិសេសខ្នាតតូចនិងមធ្យម របស់អឺរ៉ុប ហើយពង្រីកនិងពង្រឹង ទំនាក់ទំនងពាណិជ្ជកម្ម រវាងសហគមន៍អឺរ៉ុបនិងកម្ពុជា និងជួយសម្រួលដល់ការភ្ជាប់បណ្តាញ រវាងបណ្តាក្រុមហ៊ុនអឺរ៉ុប និងក្រុមហ៊ុនកម្ពុជារបស់ខ្មែរផងដែរ។

លោកក៏បានលើកឡើងទៀតថា ដើម្បីសម្រេចគោលការណ៍នេះ ត្រូវមានសកម្មភាព សំខាន់៣គឺ១-សេវាកម្មធុរកិច្ចសមាជិសភាពាណិជ្ជកម្មអឺរ៉ុប , ២-ការទាក់ទាញអ្នក វិនិយោគទុនពីអឺរ៉ុបមកបោះទុននៅកម្ពុជា និងទី៣-ទំនាក់ទំនងសិ្នតស្នាល រវាងសភាពាណិជ្ជកម្មនិងរាជរដ្ឋាភិបាល។

ចំណែក លោក រដ្ឋមន្រ្តី អ៊ិត សំហេង មានប្រសាសន៍ថា វិស័យការងារនិង បណ្តុះបណ្តាលវិជ្ជាជីវៈ ក៏ជា ផ្នែកមួយដ៏សំខាន់នៅក្នុងការវិនិយោគ ក៏ដូចជាការធ្វើ ពាណិជ្ជកម្មលើវិស័យនេះ។

លោកបញ្ជាក់ថា« ក្រសួងការងារ ក៏កំពុងតែបង្កើនប្រសិទ្ធិភាពការងារនៃការ អនុវត្តច្បាប់ការងារ ក្នុងនោះយើងមានប្រព័ន្ធ អធិការកិច្ចថ្មីរបស់យើងទើបតែ ជម្រុញឲ្យមានជាប់ជាប្រចាំ។ តាមរយៈនេះ គឺការបង្កើនច្បាប់និងលក្ខខណ្ឌផ្សេងៗ គឺត្រូវតែធ្វើឲ្យស្របទៅតាមហ្នឹងដែរ»។

លោករដ្ឋមន្ត្រីបន្តថា ក្រុមការងារក្រសួងការងារ នឹងចែករំលែកឥរិយាបថ ទៅដល់ក្រុមហ៊ុន និងទៅ ដល់កម្មករផងដែរ ដែលនេះគឺជាទំនាក់ទំនងវិជ្ជាជីវៈ សុដុមនីយកម្មជាបញ្ហា សំខាន់នៅកម្ពុជា ហើយនឹងខិតខំឲ្យមានការគោរពច្បាប់ ដើម្បីកាត់បន្ថយនូវវិវាទការងារ៕

សម្ដេចតេជោ៖គ្មាន នរណាដោះស្រាយ បញ្ហាសមុទ្រចិន ខាងត្បូងក្រៅពី ប្រទេសពាក់ព័ន្ធ រួមគ្នាដោះស្រាយ

E-mail Print PDF

ភ្នំពេញ៖ សម្ដេចតេជោ ហ៊ុន សែន ប្រមុខរាជ រដ្ឋាភិបាលកម្ពុជា នៅព្រឹកថ្ងៃសុក្រ ទី ៥ ខែ កុម្ភៈ ឆ្នាំ ២០១៦នេះ បានថ្លែងថា រាល់បញ្ហាជម្លោះ សមុទ្រ ចិនខាងត្បូង ប្រទេសដទៃមិនអាច លូកដៃដោះ ស្រាយបានទេ មានតែប្រទេសដែលជាប់ពាក់ព័ន្ធ ហើយកំពុងមានទំនាស់ជាមួយគ្នា ត្រូវរួមគ្នា ជជែកគ្នា ទើបអាចដោះស្រាយរវាងគ្នានិងគ្នាបាន។

សម្តេចតេជោ បានថ្លែងនៅក្នុងពិធីចែក សញ្ញាបត្រដល់និស្សិត សកលវិទ្យាល័យជាតិគ្រប់គ្រង ថា "យើងអត់ត្រូវយកសាំងទៅចាក់លើភ្លើងទេ អារឿងសមុទ្រចិនខាងត្បូងនេះ ត្រូវខិតខំដោះស្រាយ ធ្វើម៉េចឲ្យប្រទេសជាប់ពាក់ព័ន្ធហ្នឹង គេដោះស្រាយជាមួយគ្នា អាហ្នឹងបានវាល្អ ព្រោះអាស៊ានទោះបី មានស៊ី អូ ស៊ីហើយក៏ដោយ ក៏អាស៊ានគ្មានសិទ្ធ ទៅវាស់ដីចែកឲ្យអ្នកណាទេ វៀតណាម-ចិនដោះ ជាមួយគ្នាទៅ ចិន-ហ្វីលីពីនដោះជាមួយគ្នាទៅ  វៀតណាម-ហ្វីលីពីនដោះជាមួយគ្នាទៅ ព្រោះនៅគងគ្នាទាំងអស់ហ្នឹង គ្មានអ្នកណាទៅវាស់ដីឲ្យទេ "។

គួរបញ្ជាក់ថា កម្ពុជានៅតែរក្សាជំហរអព្យាក្រិតជានិច្ច លើបញ្ហាសមុទ្រចិនខាងត្បូង ដោយមិនលម្អៀង ទៅរកភាគីណាមួយនោះទេ៕

Page 8 of 811