aaa

Friday, Feb 05th

| English Version | dapnews: 012 722 337, 097 9999 883, email: soyvicheth@gmail.com

សម្តេចក្រុមព្រះ ញឹក ប៊ុនឆៃ ខាន់សាវឿន កំពុងបើកឆាកប្រយុទ្ធ ស៊ីសាច់ហុតឈាមដាក់គ្នា

E-mail Print PDF

ភ្នំពេញ៖ ជាការពិតទម្រាំសម្តេចក្រុមព្រះ នរោត្តម រណឫទ្ធិ លោក ញឹក ប៊ុនឆៃ លោក ខានសាវឿន ព្រមទាំងមន្រ្តីគ្រប់ជាន់ថ្នាក់នៃគណបក្សរាជានិយម បានជានាគ្នា សាជាថ្មី កាលពីថ្ងៃទី១៩ មករា ឆ្នាំ២០១៥ គណបក្សរាជានិយមមួយនេះ បានចំណាយ ពេលវេលា៧ឆ្នាំ ប៉ុន្តែមិននឹកស្មានថា អ្នកដឹកនាំនៃគណបក្សរាជានិយមមួយនេះ មិនបានភ្ញាក់រលឹកទទួលស្គាល់នូវកំហុសរបស់ខ្លួនដែលបានសាងនោះទេ។

ប្រវត្តិសាស្រ្តបានសាដាន បើគិតតាំងពីសម័យក្រោយអង្គរ ក្រុមដែលអះអាងថា ជាអ្នកការពាររាជានិយម និងជាអ្នកស្រឡាញ់របបរាជានិយម បន្តបាក់បែក គ្មានទីបញ្ចប់ដោយសារតែអំណាចបក្ខពួកគ្រួសារនិយម បុគ្គលនិយម និងពុករលួយ ។ល។

នេះជាភ័ព្វសំណាងសម្រាប់កម្ពុជាហើយ ដែលនៅពេលនេះ ប្រទេសកម្ពុជាបានប្រកាន់យករបបប្រជាធិបតេយ្យ សេរីពហុបក្ស មានព្រះមហាក្សត្រសោយរាជ្យសម្បត្តិ ប៉ុន្តែមិនកាន់អំណាចជាម្លប់ដ៏ត្រជាក់សម្រាប់ប្រជារាស្រ្តកូនចៅបានជ្រកកោន អស់រយៈពេលជាង២០ឆ្នាំ កន្លងមកនេះ កុំអីមិនដឹងទៅជាយ៉ាងណានោះទេ ។

ប្រសិនបើគ្មានសម្តេច ព្រះនរោត្តម សីហនុ ព្រះបិតាជាតិ និងសម្តេចតេជោ ហ៊ុន សែន ហើយបណ្តោយឲ្យប្រទេសនេះ កាន់កាប់ដោយក្រុមមួយក្តាប់តូច ដែលអះអាងថាជាអ្នករាជានិយមផ្តាច់មុខ តួយ៉ាងដូចជាគណបក្សហ៊្វុនស៊ិនប៉ិចម្ល៉េះ សមប្រទេសកម្ពុជាមិនអាចរស់នៅក្នុងសន្តិភាពដូចបច្ចុប្បន្ននេះឡើយ។

តើឲ្យរាស្រ្តសង្ឃឹមអ្វី បើថ្នាក់ដឹកនាំគណបក្សហ៊្វុនស៊ិនប៉ិចគិតតែពីឈ្លោះបែកបាក់ មិនចេះចប់ ចុះប្រសិនបើគណបក្សនេះ បន្តដឹកនាំ ឬក៏គណបក្សនេះ គ្រប់គ្រងប្រទេសតែម្នាក់ឯងវិញ តើរាស្រ្តខ្មែរមានសេចក្តីសុខ ឬទេ?

សំណាងហើយ ដែលប្រទេសខ្មែរ មានពហុបក្ស នៅក្នុងសភានិងច្រើនបក្សនៅក្រៅសភា ។

ឥឡូវនេះ ជម្លោះ រវាងបងប្អូនឯងក្នុងគ្រួសារ អ្នករាជានិយមបានផ្ទុះឡើងប្រៀបបាននឹងបន្ទុះភ្នំភ្លើង ដែលគ្មានគ្រូអាចារ្យណា អាចមកពន្លត់បានឡើយ ក្រៅតែពីក្រុមគ្រួសារអ្នករាជានិយមទាំងនេះ ឈ្លោះដណ្តើមបក្ស ឬទៅបង្កើតបក្ស ហើយទាមទារចែកទ្រព្យសម្បត្តិគ្នា។

តើទីបំផុត ក្រុមគ្រួសារដែលអះអាងថា ខ្លួនជាអ្នករាជានិយមទាំងនោះ ឲ្យរាស្រ្តពឹងលើអ្វី។

ជម្លោះអ្នករាជានិយមនៅពេលនេះ គឺជាជម្លោះសាហាវ ស៊ីសាច់ហុតឈាម ជាងព្រឹតិ្តការណ៍១៩ តុលា ២០០៦ ទៅទៀត ដែលពេលនោះ លោក ញឹក ប៊ុនឆៃ ទំលាក់សម្តេចក្រុមព្រះនរោត្តម រណឫទ្ធិ ចេញពីប្រធានគណបក្ស ក្រោមផ្លាកព្រះអង្គដឹកនាំផ្តាច់ការ គ្រួសារនិយម ប្រព្រឹត្តអំពើពុករលួយ។ល។

អ្នកវិភាគបានហៅថា ជម្លោះលើកនេះថា ជាជម្លោះបែបស៊ីសាច់ហុតឈាមគ្មានទីបញ្ចប់នេះ ដោយសារតែនៅថ្ងៃទី៤ ខែកុម្ភៈ ឆ្នាំ២០១៦នេះ សម្តេចក្រុមព្រះ នរោត្តម រណ ឫទ្ធិ និងលោក ញឹក ប៊ុនឆៃ សរសេរលិខិតជូនសម្តេចក្រឡាហោម ស ខេង ឧបនាយករដ្ឋមន្រ្តី ក្រសួងមហាផ្ទៃ មកពីគណបក្សប្រជាជនកម្ពុជា ដែលជាគណបក្សមិនដែលអះអាងថា ជាអ្នករាជានិយមទេ ប៉ុន្តែគ្រាន់តែគេដឹងថា ជាគណបក្សការពាររាជានិយម និងដង្ហែតាមមាគ៌ានយោបាយដ៏ត្រឹមត្រូវ របស់សម្តេច ព្រះបរម រតនកោដ្ឋ សូមឲ្យជួយទប់ស្កាត់ និងការពាររៀងៗខ្លួនកុំឲ្យមានភាគីណាមួយ រំលោភ។

លិខិតសម្តេចក្រុមព្រះនរោត្តម រណ ឫទ្ធិ ដែលបានសរសេរជូនសម្តេចក្រឡាហោ ស ខេង មានបំណងសូមវិធានការសន្តិសុខ និងរក្សាការពារគ្រប់ស្នាក់ការគណបក្សហ៊្វុនស៊ិនប៉ិច ។

លិខិតរបស់សម្តេចក្រុមព្រះបន្តថា “ខ្ញុំសូមជម្រាបជូន សម្តេចក្រឡាហោម ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ មេត្តាជ្រាបថា ក្រុមបំបែកខ្លួន ពីគណបក្សហ៊្វុនស៊ិនប៉ិច ទៅបង្កើតគណបក្សថ្មី មានបំណងចូលកាន់កាប់ទីស្នាក់ការ ដែលជាអចលនទ្រព្យរបស់គណបក្សហ៊្វុនស៊ិនប៉ិច និងតាមបណ្តាខេត្តនិងស្រុក ក្រុងមួយចំនួនក្នុងព្រះរាជាណាចក្រកម្ពុជា”។

សម្តេចក្រុមព្រះបានមានព្រះបន្ទូល បន្តទៀតថា “ខ្ញុំសូមស្នើសម្តេចក្រឡាហោម ឧបនាយករដ្ឋមន្រ្តីមេតា្ត មានវិធានការស្របផ្នែកសន្តិសុខដើម្បីរក្សាការពារកុំឲ្យជនក្រៅក្របខណ្ឌគណបក្សហ៊្វុនស៊ិនប៉ិច ឬក្រុមបំបែកខ្លួន ទៅបង្កើតគណបក្សថ្មីនោះ ចូលកាន់កាប់ ទីស្នាក់ការដែលជាអចលនទ្រព្យ របស់គណបក្សហ៊្វុនស៊ិនប៉ិចដោយក្តីអនុគ្រោះ”។

ដោយឡែកនៅក្នុងលិខិតរបស់ លោក ញឹក ប៊ុន លោក ខាន់ សាវឿន ដែលតំណាងគណបក្សគ្រប់គ្រងអចិន្រ្តៃយ៍ នៃគណបក្សដែលគ្រោងបង្កើតថ្មី បានសរសេរទៅកាន់សម្តេចក្រឡា ហោម ស ខេង នៅថ្ងៃទី៤កុម្ភៈ ដោយសុំឲ្យសម្តេចក្រឡាហោម មោឃៈភាពលទ្ធផលសមាជគណបក្សហ៊្វុនស៊ិនប៉ិចថ្ងៃទី១៩ មករា ឆ្នាំ២០១៥។

សូមបញ្ជាក់ថា គណបក្សហ៊្វុនស៊ិនបានធ្វើសមាជវិសាមញ្ញកាលពីថ្ងៃទី១៩ មករា ឆ្នាំ២០១៥ ដើម្បីយាងសម្តេចក្រុមព្រះ នរោត្តម រណឫទ្ធិ មកគង់ប្រថាប់ ជាព្រះប្រធានគណបក្សរាជានិយម ហ៊្វុនស៊ិនប៉ិច ឡើងវិញ ក្រោយពីព្រះអង្គម្ចាស់ក្សត្រី ព្រះអនុជ នរោត្តម អារុណរស្មីកាលពីថ្ងៃទី១ ខែមករា ឆ្នាំ២០១៥ ក្នុងឋានៈជាព្រះប្រធានហ៊្វុនស៊ិនប៉ិច ដែលចុះហត្ថលេខាអមដោយលោកញឹក ប៊ុនឆៃ អគ្គលេខាធិការគណបក្ស សូមយាងសម្តេចក្រុមព្រះ មកគង់ជាព្រះប្រធានគណបក្សហ៊្វុនស៊ិនប៉ិចឡើងវិញ។

បើទោះបីពេលនោះ គ្មានប្រភពអះអាងផ្លូវការថា មានការជ្រោមជ្រែងពីសម្តេចតេជោ ហ៊ុន សែន យ៉ាងណាក៏ដោយ ប៉ុន្តែអ្នកវិភាគនានា បានសន្និដ្ឋាន មិនគ្រប់ជ្រុងជ្រោយ និងមិនផ្លូវការថា ការបង្រួបបង្រួមនេះ ពិតជាការផ្តល់យោបល់ពីសម្តេចតេជោ ហ៊ុន សែន ក្នុងឋានៈជាបងប្អូនធម៌ និងក្នុងខណៈ ជាដៃគូ ក្នុងរដ្ឋាភិបាលដែលមានគណបក្សហ៊្វុនស៊ិនប៉ិចផង។

លិខិតរបស់លោកញឹក ប៊ុនឆៃ បានសរសេរទៅសម្តេចក្រឡាហោម ដោយបានបញ្ជាក់ថា “យើងខ្ញុំទាំងអស់គ្នាដែលបានផ្តិតមេដៃភ្ជាប់មកជាមួយនេះ តំណាងឲ្យគណៈកម្មាធិការ គ្រប់គ្រងអចិន្រ្តៃយ៍ គណៈកម្មាធិការ នាយក អគ្គលេខាធិការដ្ឋាន ក្រុមប្រឹក្សាជាតិ ក្រុមការងារពង្រឹងមូលដ្ឋានរាជធានី-ខេត្ត គណៈកម្មាធិការប្រតិបត្តិការរាជធានី ខេត្ត ក្រុង ស្រុក ខណ្ឌ មានកិត្តិយសស្នើសុំមកសម្តេចក្រឡាហោម ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ មេត្តាចេញសេចក្តីសម្រេចមោឃៈភាព លទ្ធផលសមាជគណបក្សហ៊្វុនស៊ិនប៉ិច ថ្ងៃទី១៩ ខែមករា ឆ្នាំ២០១៥ ដើម្បីរក្សាការពាររចនាសម្ព័ន្ធ និងផ្លាកសញ្ញា ចាស់របស់គណបក្សហ៊្វុនស៊ិនប៉ិច កាលពីថ្ងៃទី២៣ ខែមីនា ឆ្នាំ២០១៣ (លិខិតក្រសួងមហាផ្ទៃលេខ៧២៤ សជណ ចុះថ្ងៃទី២៩ ខែមេសា ឆ្នាំ២០១៤)”។

នៅក្នុងលិខិតនោះ លោក ញឹក ប៊ុនឆៃ ដែលចុះហត្ថលេខាអមដោយ លោក ខាន់ សាវឿន បានជម្រាបជូនសម្តេច ស ខេង ថា អង្គសមាជ១៩មករា ឆ្នាំ២០១៥ បានធ្វើឡើងផ្ទុយឡើងពីលក្ខន្តិកៈគណបក្សហ្វ៊ុនស៊ិនប៉ិច ជំពូកទី៥ ប្រការ១៥ និងប្រការ១៦ ដែលនៅជាធរមាននៅឡើយ ។

ក្នុងនោះ លោក ញឹក ប៊ុនឆៃ បានអះអាងជម្រាបសម្តេចក្រឡាហោម ស ខេង បានធ្វើការផ្លាស់ប្តូរបាវចនាផ្លាកសញ្ញាគណបក្សចាស់ ដែលជាស្នាព្រះហស្ស សម្តេចព្រះនរោត្តម សីហនុ ព្រះបរមរតនកោដ្ឋ ព្រមទាំងការតែងតាំងរចនាសម្ព័ន្ធ គណបក្សហ្វ៊ុនស៊ិនប៉ិច ថ្មីទាំងថ្នាក់ជាតិ និងថ្នាក់មូលដ្ឋានមានភាពលំអៀងប្រកាន់បក្សនិយម ដាក់តែសមាសភាពមកពីសង្គមរាស្រ្តរាជាធិបតេយ្យ ។

សូមបញ្ជាក់ថា គណបក្សហ៊្វុនស៊ិនប៉ិច បានបង្កើតឡើងនៅថ្ងៃទី២៧ ខែកុម្ភៈ ឆ្នាំ១៩៩២ នៅរំចង់ អតីតតំបន់តស៊ូរបស់គណបក្សហ៊្វុនស៊ិនប៉ិននៅខេត្តឧត្តរមានជ័យ ។ គណបក្សនេះប្រសូត្រ ចេញមកពី រណសិរ្ស រួបរួមជាតិដើម្បីសន្តិសហប្រតិបត្តិដែលបានបង្កើតឡើង នៅថ្ងៃទី១៩ ខែមិនា ឆ្នាំ១៩៨២ នៅទីក្រុងព្យុងយ៉ាង ប្រទេសកូរ៉េខាងជើងដោយស្នាមព្រះហស្ថ ព្រះបរមរតនកោដ្ឋ ព្រះនរោត្តម សីហនុ។ នៅក្នុងការបោះឆ្នោត ដែលរៀបចំឡើងដោយអង្គការសហប្រជាជាតិដែលហៅថា អ៊ុន តាក់ នៅខែឧសភា ឆ្នាំ១៩៩៣ គណបក្សរាជានិយម ដែលបានឈ្នះឆ្នោត ក្រោមស្លាកព្រះនាមសម្តេចព្រះនរោត្តម សីហនុមកឃោសនា ឲ្យប្រជាជនបោះឆ្នោតគាំទ្រ បាន៥៨អាសនៈ ខណៈគណបក្សប្រជាជនកម្ពុជា បាន៥១អាសនៈ គណបក្សប្រជាធិបតេយ្យសេរីនិយម ព្រះពុទ្ធសាសនា ១០អសនៈ និងគណបក្សម៉ូលីណាកា១អសនៈ ។
នៅឆ្នាំ១៩៩៨ នាខែកក្កដា គណបក្សសហ៊្វុនស៊ិនប៉ិចបានចូលរួមបោះឆ្នោតសកលជាលើក២ដែលរៀបចំឡើងដោយគណៈកម្មាធិការជាតិរៀបចំការបោះឆ្នោតទទួលបាន៤៣អាសនៈ ខណៈគណបក្សប្រជាជនទទួល៦៤អសនៈ គណបក្សសមរង្ស៊ី ១៥អសនៈ។ នៅក្នុងការបោះឆ្នោត ថ្នាក់ជាតិលើកទី៣ នាខែកក្កដា ឆ្នាំ២០០៣ គណបក្សហ៊្វុនស៊ិនប៉ិចទទួលបាន២៦អសនៈ គណបក្សសម រង្ស៊ី ២៤អសនៈ ស្របពេលដែលគណបក្សប្រជាជនទទួលបាន៧៣អសនៈ ។

ដោយសារតែទំនាស់បែកបាក់ផ្ទៃក្នុង គណបក្សហ៊្វុនស៊ិនប៉ិច បានបែកខ្ញែកទៅជាគណបក្សនរោត្តម រណ ឫទ្ធិដឹកនាំដោយសម្តេចក្រុមព្រះ នរោត្តម រណឫទ្ធិ ឯគណបក្សហ៊្វុនស៊ិនដឹកនាំព្រះអង្គម្ចាស់ ព្រះអនុជ អារុណរស្មី គណបក្សរាជានិយមទាំងពីរនេះ បានស្គាល់នូវភាពឈឺចុកចាប់ ជាទីបំផុតដោយគណបក្សនីមួយៗទទួលបានត្រឹមតែ២អសនៈប៉ុណ្ណោះនៅក្នុងការបោះឆ្នោតជាសកលលើកទី៤ ខែកក្កដា ឆ្នាំ២០០៨។ ដោយបងប្អូន រាជានិយមទាំងពីរ ដែលជានិច្ចការអះអាងថា ជាអ្នករាជានិយម សីហនុនិយម ការពារអធិបតេយ្យជាតិការពារការឈ្លានពីបរទេស ទីបំផុតគណបក្សនេះ នៅតែមិនអាចរូបរួមសម្រាប់ការបោះឆ្នោត ជាសកលលើកទី៥ នៅឆ្នាំ២០១៣ កន្លងទៅនេះ ក៏បានធ្វើឲ្យគណបក្សរាជានិយមទាំងពីររឹតស្គាល់នូវរស់ជាតិដ៏ល្វីងជូរចត់នោះ លទ្ធផលសូន្យអសនៈនៅក្នុងការបោះឆ្នោត ខណៈគណបក្សប្រជាជនទទួលបាន៦៨ រីឯគណបក្សសង្រ្គោះជាតិទទួល៥៥អសនៈ ដែលគេយល់ថាអសនៈបានមកពីភាពស្មោះត្រង់ជាមួយគណបក្សរាជានិយម។

នៅក្រោយឆ្នាំ២០១៣ គណបក្សរាជានិយមទាំងពីរក៏បានភ្ញាក់ព្រះទ័យថា បើអ្នករាជានិយមនៅតែបន្តបែកខ្ញែកហែកហួរគ្មានទីបញ្ចប់ទេនោះ នោះគណបក្សនេះ ក៏មិនអាចទាក់ទាញកូនខ្មែរជំនាន់ក្រោយឲ្យគាំទ្រ គណបក្សរាជានិយម តទៅទៀតដែរ ហេតុដូច្នេះហើយ ក្រោយពីជួបនៅព្រឹត្តិការណ៍គួរឲ្យសោកសង្វេគចាញ់ម្តងហើយចាញ់ម្តងទៀត ចាញ់គ្មានទីបញ្ចប់ នោះ ទើបធ្វើឲ្យបងប្អូនបង្កើតម្តាយទីទៃពីគ្នា គឺសម្តេចក្រុមព្រះនរោត្តម និងព្រះអង្គម្ចាស់ក្សត្រី នរោត្តម អារុណរស្មី ដែលមានលោកញឹក ប៊ុនឆៃ ជាអគ្គលេខាធិការដែលមានឥទ្ធិពលនៅក្នុងគណបក្សហ៊្វុនស៊ិនប៉ិចក៏ផ្តើមរួបរួមគ្នាសាជាថ្មីនោះ គឺថ្ងៃទី១៩ ខែមករា ឆ្នាំ២០១៥។

ប៉ុន្តែការបង្រួបបង្រួមរវាងបងប្អូនបង្កើតម្តាយទីទៃ គ្នានៃព្រះរាជបុត្រ សម្តេចព្រះបរមរតនកោដ្ឋ បានចាប់ផ្តើមស្គាល់នូវរស់ជាតិបែកបាក់សាជាថ្មី ហើយអ្នកវិភាគអាចនិយាបានថាជាការបែកបាក់រហូតរអវសាន្តជីវិតនោះ តាមរយៈជម្លោះ ប្រៀបបីនឹងបំផ្ទុះភ្នំភ្លើង ផ្ទុះបែកជម្លោះ ដែលរហូតមកទល់ពេលនេះ ពួកគេកំពុងតែដណ្តើមទីតាំងកាន់កាប់និងប្រៀបឈ្នះរៀងៗខ្លួន។

អ្នកវិភាគបានិយាយថា ឱអនិច្ចាអ្នករាជានិយមហេតុអ្វីបានជាស្គាល់តែការបែកគ្នាគ្មានទីបញ្ចប់តើឲ្យប្រជារាស្រ្តពឹងពាក់ម្តេចកើត៕

ក្នុងហេតុការ ប៉ះទង្គិចគ្នាមួយប្រាវ ក្នុងផ្សាររោងគ្លឿប្រទេសថៃ ពលរដ្ឋខ្មែរ ពីរនាក់ ត្រូវជាប់ពន្ធនាគារ ៣ខែ

E-mail Print PDF

ស្រះកែវ៖ ក្រុមអាជីវកខ្មែរពីរ រូប ដែលត្រូវឃាត់ខ្លួនក្នុងហេតុការ ប៉ះទង្គិចគ្នាមួយប្រ៉ាវ នៅក្នុងផ្សាររោងគ្លឿ ប្រទេសថៃនោះ ត្រូវបានកម្លាំងសមត្ថកិច្ចថៃ បញ្ជូនទៅឃុំខ្លួន នៅក្នុងពន្ធនាគារខេត្ត ក្រោយពីត្រូវបានតុលាការខេត្តស្រះកែវ សម្រេចឃុំខ្លួន ៣ខែ ពីបទបំផ្លាញទ្រព្យសម្បត្តិឯកជន។ នេះបើតាមការអះអាងរបស់ក្រុមអ្នកកាសែតថៃ និងសាច់ញាតិរបស់ក្រុមជនរងគ្រោះ នៅរសៀលថ្ងៃទី៤ ខែកុម្ភៈ ឆ្នាំ២០១៦នេះ។

អាជីវករ ដែលត្រូវសមត្ថកិច្ចថៃ ធ្វើការចាប់ខ្លួន និងបញ្ជូនទៅឃុំខ្លួននៅក្នុងពន្ធនាគារខេត្តស្រះកែវ ក្រោបបទចោទប្រកាន់ បំផ្លាញទ្រព្យសម្បត្តិឯកជន ក្នុងផ្សាររោងគ្លឿ ប្រទេសថៃ នេះ ទី១.ឈ្មោះ ញឹម សីហា ភេទប្រុស អាយុ២៤ឆ្នាំ និងទី២.ឈ្មោះ គង់ សំអ៊ុន ភេទប្រុស អាយុ២២ឆ្នាំ។

បើប្រភពព័ត៌មាន បានឲ្យដឹងថា អាជីវករខ្មែរ ពីរនាក់ ត្រូវបានសមត្ថកិច្ចថៃ ធ្វើការឃាត់ខ្លួន នៅម៉ោងប្រមាណ ១០ព្រឹក ថ្ងៃទី៣ ខែកុម្ភៈ ក្រោយហេតុការប៉ះទង្គិចគ្នា មួយប្រាវជាមួយមន្រ្តីកម្មសិទ្ធិបញ្ញាថៃ នៅផ្សាររោងគ្លឿ ស្រុកអារញ្ញ។ ហើយនៅថ្ងៃទី៤ ខែកុម្ភៈនេះ តុលាការខេត្តស្រះកែវ បានបើកសវនាការជំនុំជម្រះ អាជីករខ្មែរទំាងពីរនាក់នោះ ដើម្បីស្វែងរកអ្នកបញ្ជាពីក្រោយ ពាក់ព័ន្ធនិងពិន័យប្រាក់ ចំពោះការខូចខាតផ្សេងៗដែលបានកើតឡើង។

ប្រភពព័ត៌មាន បានបន្តទៀតថា ក្រោយសវនាការ ពលរដ្ឋខ្មែរទំាងពីរនាក់ ត្រូវបានសមត្ថកិច្ចថៃ បញ្ជូនទៅឃុំខ្លួននៅពន្ធនាគារធំ នៅខេត្តស្រះកែវ បន្ទាប់តុលាការខេត្តនេះ បានសម្រេចដាក់ពន្ធនាគារ រយៈពេល៣ខែ ពីបទបំផ្លាញទ្រព្យសម្បត្តិឯកជន។

ពាក់ព័ន្ធនិងករណីចាប់ខ្លួន អាជីវករខ្មែរពីររូបនេះ ត្រូវបានលោក វ៉ូច អូន ប្រធានស្នកការ ច្រកទ្វាអន្តរជាតិប៉ោយប៉ែត បដិសេធន៍ថា ពុំមានការចាប់ខ្លួននោះឡើយ ដោយឡែក ប៊ុន សុខវិបុល អគ្គកុងស៊ុលកម្ពុជាប្រចាំខេត្តស្រះកែវប្រទេសថៃ បានទទួលស្គាល់ពិតជាមានការចាប់ខ្លួន ប៉ុន្តែពុំមានការប្រើអំពើហិង្ស ឬគៀបសង្កត់លើរូបរាងកាយនោះទេ គ្រាន់តែសមត្ថកិច្ចឃាត់ខ្លួនយកទៅសួរនាំ តាមច្បាប់របស់ប្រទេសថៃ។

សវតារឿង៖ អាជីវករខ្មែរផ្សាររោងគ្លឿ បានប៉ះទង្គិចគ្នាមួយប្រាវ សមត្ថកិច្ចនិងជនស៊ីវិលថៃ មួយក្រុម ខណៈចុះចាប់ទំនិញអាជីវករខ្មែរ ២ទៅ៣តូប តែត្រូវបានក្រុមអាជីវករ រារាំងនិងវាយ រថយន្ត០១គ្រឿង បណ្តាល ឲ្យបែកកញ្ចក់ខ្ទេច ដើម្បីដណ្តើមយកទំនិញរបស់ខ្លួន មកវិញ។ ហេតុការណ៍ដ៏ក្តៅគគុកនេះ បានកើតឡើងនៅវេលាម៉ោង ជាង១០ព្រឹក ថ្ងៃទី៣ ខែកុម្ភ: ឆ្នាំ២០១៦ នៅក្នុងផ្សាររុងក្លឿ ស្រុកអារញ្ញ ខេត្តស្រះកែវ ជាប់ព្រំដែន ខេត្តបន្ទាយមានជ័យ នៃប្រទេសកម្ពុជា ។ បន្ទាប់ពីប៉ះទង្គិចគ្នាមួយប្រាវ ក្រុមអាជីវករខ្មែរ និងកម្មករអូសរទេះនៅទីនោះ បាននាំគ្នាលើកបំបះរថយន្តថៃ ក្រឡាប់ផ្ងារ ព្រោះឈឺចាប់ ដែលក្រុមសមត្ថកិច្ច និងជនស៊ីវិលមួយក្រុមនេះ តែងតែដើរចាប់ទំនិញពួកគាត់ ពុំមានហេតុផល មកលក្ខណៈដូចចោរ ព្រោះពុំមានដីការឬឯកសារផ្លូវច្បាប់ត្រឹមត្រូវ។

ក្នុងហេតុការណ៍ចុះចាប់ទំនិញអាជីវករខ្មែរ និងចាប់ម្ចាស់តូប ត្រូវបានពលរដ្ឋខ្មែរ និងកម្មករជាច្រើន បានជួយវាយរំដោះយកទំនិញ និងមនុស្សមកវិញ កម្ទេចអស់រថយន្ត១គ្រឿង ថៃ១០នាក់បានរងរបួស ។តែពលរដ្ឋខ្មែរមួយចំនួនក៏ត្រូវបានតម្រួតថៃចាប់ខ្លួនយកទៅសួរនាំផងដែរ។ ជុំវិញករណីនេះ ដើមអម្ពិលមិនអាចសុំការអធិប្បាយពីលោក ប៊ុន សុខវិបុល អគ្គកុងស៊ុលកម្ពុជាប្រចាំខេត្តស្រះកែវ បានទេ ព្រោះទូរសព្ទ័ទាក់ទងមិនបាន៕

នគរបាល បង្ហាញជនសង្ស័យ ចែកចាយ និងប្រើប្រាស់ថ្នាំញៀន ៧នាក់ នៅស្វាយរៀង

E-mail Print PDF

ស្វាយរៀង៖ នគរបាលខេត្តស្វាយរៀង បានធ្វើការឃាត់ខ្លួន ជនសង្ស័យចែកចាយ និងប្រើប្រាស់ថ្នាំញៀន បានជាបន្តបន្ទាប់ ក្នុងរយៈពេល២ថ្ងៃ បានចំនួន ៧នាក់។ នេះបើយោងតាមមន្ត្រី នៃការិយាល័យ ប្រឆាំងគ្រឿងញៀន ស្នងការដ្ឋាន នគរបាលខេត្តស្វាយរៀង។

មន្រ្តីនគរបាល បានអោយដឹងថា នៅថ្ងៃទី២ ខែកុម្ភៈ ឆ្នាំ២០១៦ នៅវេលាម៉ោង ១០៖៤៥នាទី យប់ កម្លាំងនគរបាល បានឃាត់ខ្លួនជនសង្ស័យនៅក្នុងភូមិចំនួន២ គឺមេភ្លើង និងភូមិវាលយន្ត សង្កាត់ស្វាយរៀង។  នគរបាល បានធ្វើការចុះបង្ក្រាប បានជនសង្ស័យចែកចាយ និងប្រើប្រាស់ថ្នាំញៀនចំនួន ៣នាក់ មានឈ្មោះ ផាត់ ញ៉ូក ហៅ ម៉ៅ ភេទប្រុស អាយុ ១៧ឆ្នាំ មុខរបរ កម្មកររស់នៅភូមិព្រៃស្នួល ឃុំគោកខ្ចក ស្រុកកំពង់ត្របែក ខេត្តព្រៃវែង ទី២ឈ្មោះ  ភោ សុខរ៉ាឌី ហៅចិន ភេទប្រុស អាយុ ២៨ឆ្នាំ មុខរបរជាងកាត់ដេ រស់នៅភូមិបាក់រនាស់ សង្កាត់សង្ឃ័រ  ក្រុងស្វាយរៀង និងទី៣.ឈ្មោះ  សុខ មករា ហៅ គោភេទ ប្រុស អាយុ ២២ឆ្នាំ មុខរបរជាងកាត់ដេរ រស់នៅភូមិ វាលយន្ដសង្កាត់ ស្វាយរៀង។

ក្នុងប្រតិបត្តិការនេះ កម្លាំងសមត្ថកិច្ច បានរឹបអូស សំភារៈមួយចំនួនផងដែរ ក្រោយពីធ្វើការសាកសួរ ជនសង្ស័យទាំង ៣នាក់ នៅថ្ងៃទី៣ ខែកុម្ភៈ ឆ្នាំ២០១៦ សមត្ថកិច្ចនគរបាល ក៏ឈានទៅរកការស្រាវជ្រាវ ចាប់ខ្លួនបានជនសង្ស័យចំនួន ៤នាក់ បន្តទៀតនៅចំណុចក្នុងភូមិធ្លក សង្កាត់សង្ឃរ័ ក្រុងស្វាយរៀង។ ជនស្ស័យទាំងនោះ ទី១.ឈ្មោះ ហាយ ភារិន ភេទប្រុស អាយុ ២៥ឆ្នាំ មុខរបរកសិករ ទី២.ឈ្មោះ សូ ហម ភេទប្រុស អាយុ ២៦ឆ្នាំ មុខរបរកសិករ មានទីលំនៅ ក្នុងភូមិវាលយន្ត សង្កាត់ស្វាយរៀង ក្រុងស្វាយរៀង ទី៣.ឈ្មោះ សុខ វណ្ណឌី ភេទប្រុស អាយុ ១៦ឆ្នាំ មុខរបរមិនពិតប្រាកដ និងនិងទី៤.ឈ្មោះ ប៊ិន អាយុ ១៤ឆ្នាំ មុខរបរមិនពិតប្រាកដ អ្នកទាំង២ មានទីលំនៅភូមិភូមិថ្នា ឃុំថ្នាធ្នង់ ស្រុករំដួល ខេត្តស្វាយរៀង។ ក្នុងប្រតិបត្តិការនេះ កម្លាំងនគរបាល រកឃើញវត្ថុតាងរួមមាន ថ្នាំញៀនម៉ាទឹកកក ៧ កញ្ចប់ ម៉ូតូចំនួន២គ្រឿង ទូរសព្ទ័២គ្រឿង ខ្សែដៃ និងលុយខ្មែរមួយចំនួនផងដែរ។ បច្ចុប្បន្នជនសង្ស័យទាំង៧នាក់ ត្រូវបានសមត្ថកិច្ច នគរបាល កសាងសំណុំរឿង ចាត់ការតាមច្បាប់៕

ទិវាសុខភាព មាត់ធ្មេញឆ្នាំ ២០១៦

E-mail Print PDF

គណៈទន្តពេទ្យកម្ពុជា និងក្រុមហ៊ុន COLGATE រួមគ្នារៀបចំបើកពិធីសុខភាពមាត់ធ្មេញសម្រាប់ឆ្នាំ២០១៦ នៅថ្ងៃទី៣០ ខែមករា នៅសួនច្បារមហោស្រពចាស់ខេត្តព្រះសីហនុ ក្រោមអធិបតីភាពដ៍ខ្ពង់ខ្ពស់របស់

  _ ឯកឧត្តម ទន្តបណ្ឌិត សុខុម រិទ្ធីវុធ ប្រធានក្រុមប្រឹក្សាគណៈទន្តពេទ្យកម្ពុជា

  _លោកជំទាវ ហៀក ហ៊ីម៉ូលី អភិបាលខេត្តរង

  _លោក Danai Sirisavun តំណាងក្រុមហ៊ុន Colgate-Palmolive 

ខែសុខភាពមាត់ធ្មេញល្អគឺជាសកម្មភាព មួយដែលមានគោលបំណងដើម្បីលើកកម្ពស់ការយល់ដឹង ស្តីពីសារៈសំខាន់នៃសុខភាពមាត់ធ្មេញ   និងអត្ថប្រយោជន៍នៃការពិនិត្យ-ព្យាបាលមាត់ធ្មេញ។ Colgate ជឿជាក់ថាតាមរយៈយុទ្ធនាការនេះពិតជាអាច ផ្តល់ជូនប្រជាជន នូវសុខភាពមាត់ធ្មេញ កាន់តែប្រសើរឡើងជាងនេះទៀត។

សកម្មភាពនេះត្រួវបានអនុវត្តជារៀងរាល់ឆ្នាំចាប់តាំងពីឆ្នាំ ២០០៩ ហើយឆ្នាំនេះជាឆ្នាំដំបូងដែល បានប្រារព្ធធ្វើកម្មវិធីនេះនៅខេត្តព្រះសីហនុ ជាមួយនឹងចំនួនអ្នកចូលរួម ច្រើនជាង៦០០នាក់ដើម្បីទទួលបាន ការផ្តល់ចំណេះដឹងក្នុងការថែទាំ និងការពិនិត្យសុខភាពមាត់ធ្មេញ ដោយឥតគិតថ្លៃនៅកន្លែងពិធីផងដែរ។ លើសពីនេះទៅទៀត ចាប់ពីថ្ងៃទី១ដល់ ២៩កុម្ភៈ ក្រុមហ៊ុន Colgate សហការជាមួយនិងគ្លីនិកធ្មេញចំនួន ២៥០គ្លីនិកនៅរាជធានីភ្នំពេញនិង តាមបណ្តាខេត្តក្រុងមួយចំនួន២១ ក្នុងប្រទេសកម្ពុជា ដើម្បីផ្តល់ចំណេះដឹងក្នុងការថែទាំ និង ការពិនិត្យសុខភាពមាត់ធ្មេញ និងផ្តល់ជូនផលិតផលប្រើប្រាស់ដោយឥតគិតថ្លៃ។

សូមមើលបដាក្រុមហ៊ុន Colgate ដែលចងព្យួរ ដើម្បីស្វែងរកគ្លីនិកចូលរួមនៅជិតផ្ទះរបស់អ្នក។

សំរាប់ពត៌មានបន្ថែមសូមទាក់ទង ០២៣ ៩៩៤ ០៥៨

13 Hours: The Secret Soldiers in Benghazi ជាខ្សែភាពយន្ត ដកស្រង់ចេញពី ព្រឹត្តិការណ៍ពិត

E-mail Print PDF

ភ្នំពេញ៖ មានអ្វីជាច្រើនដែលមើល ទៅគួរឲ្យខ្លាចនិង មិនទៀងទាត់នោះទេ។ ប្រទេសលីប៊ី មានមនុស្សចេញចូលៗ គួរឲ្យសង្ស័យ ហើយមិនថានរណាក៏អាច ជាសត្រូវរបស់យើងដែរ មិនថាជាសេរីនិយមរឺក៏ជ្រុលនិយម អ្នកមិនអាចប្រថុយជីវិត នៅក្នុងស្ថានភាពនោះបានទេ។

អតីតទាហាន ៦នាក់ ដែលមិនខ្លាច នឹងអ្វីទាំងអស់ត្រូវការពារជីវិត របស់ឯកអគ្គរាជទូតអាម៉េរិកដែល ជាប់ឃុំនៅក្នុងផ្ទះ ហើយនេះគឺជាកន្លែងដែលរឿងរបស់ពួកគេចាប់ផ្តើម។

ឥឡូវនេះលោក Michael Bay អ្នកដឹកនាំរឿង Transformers ដែលល្បីខាងថតរឿងវាយប្រហារ បានចូលមកបង្ហាញស្នាដៃរបស់គាត់សារជាថ្មីធានាថា នឹងជក់ចិត្តតាំងពីដើម រហូតដល់ចប់។ ការដឹកនាំរឿងក្នុងស្តាយ៍ បែបនេះក៏ព្រោះតែអារម្មណ៍ដ៏ជ្រៅមួយ ដែលទាក់ទងទៅនឹងជាតិសាសន៍របស់ខ្លួន ដោយគាត់បានដាក់បង្ហាញ ឲ្យឃើញនូវទង់ជាតិរបស់អាម៉េរិក។ រឿងរបស់លោក Michael Bay គឺសឹងតែអាចនិយាយបានថា គ្មានចំណុចខ្វះខាត និងទាក់ទាញជាខ្លាំង។ ជឿជាក់ថាអ្នកទាំងអស់គ្នា មិនដែលឃើញដៃដែលបាន បាក់ហើយឃើញឆ្អឹងចេញមកក្រៅជាក់ស្តែង បែបនេះពីមុនមកទេ ប៉ុន្តែអ្នកប្រាកដជា បានជួបនៅក្នុងរឿងរបស់លោក Michael Bay ។

ចំណែកឯលោក John Krasinski ជាតួឯក តាំងពីដើមមកសឹងតែទាំងអស់ នៃរឿងដែលគាត់បានសំដែងភាគច្រើន ជាតួទាហានហើយក៏មិនខុសពីលើកនេះដែរ។ ការសំដែងក្នុងសភាពរាងកាយមិនរៀបរយ ក៏ប៉ុន្តែគាត់នៅតែបង្ហាញពីសមត្ថភាពសំដែងដ៏អស្ចារ្យ ដែលនិយាយអំពីបុរសម្នាក់នឹកក្រុមគ្រួសាររបស់ខ្លួន ប៉ុន្តែនៅមានភារៈកិច្ចដែលត្រូវបំពេញ ដូច្នេះមិនអាចវិលត្រឡប់ទៅជួបបាន។ តួអង្គនៅក្នុងរឿង ភាគច្រើនគឺជាបុរស មានដូចជា លោក James Badge Dale សំដែងនៅក្នុងរឿង Iron man 3, លោក Max Martini នៅក្នុងរឿង Pacific Rim ដោយពួកគេបានប្រយុទ្ធជាមួយនឹងគ្រាប់កាំភ្លើង និងការបំផ្ទុះជាដើមដែលនឹងធ្វើឲ្យអ្នកទស្សនាមិនអាចទប់អារម្មណ៍បាន។

13 Hours: The Secret Soldiers Of Benghazi ជារឿងដកស្រង់ចេញពីហេតុការណ៍ពិតទាក់ទងនឹងបុរសក្លាហាន៦នាក់ដែលហ៊ានលះបង់ជីវិតរបស់ខ្លួនដើម្បីការពារប្រជាជននៅទីនោះ និងព្យាយាមជួយឯកអគ្គរាជទូតអាមេរិច។ ជីវិតជាច្រើនត្រូវបានពលីនៅក្នុងសង្រ្គាមមួយនេះ។ មិនថាសង្រ្គាមអ្វីនោះទេវាគ្មានប្រយោជន៍ ថែមទាំងធ្វើឲ្យបាត់បង់នូវជីវិតអ្នកស្លូតត្រង់ទៀតផង។ ក្មេងៗកាន់កាំភ្លើង ខ្លះទៀតយំនៅពេលដែលប្រទេសជាតិលែងមានភាពប្រក្រតី។ នៅពេលដែលអ្នករស់នៅក្នុងប្រទេសមួយពោរពេញទៅដោយសង្រ្គាម ទាំងអស់នោះហើយគឺជាអ្វីដែលអ្នកនឹងឃើញជាក់ស្តែង មិនមែនត្រឹមតែអានរឺក៏មើលឃើញក្នុងសារពត៌មាននោះទេ។

13 Hours: The Secret Soldiers Of Benghazi នឹងមានចាក់បញ្ចាំងចាប់ពីថ្ងៃទី៨ កុម្ភៈនេះតទៅហើយ។

គួររំឮកថាដើម្បីទទួលបាន ពត៌មានលំអិតពីភាពយន្តនេះ និង ពត៌មានផ្សេងៗទៀតទាក់ទងនឹង ភាពយន្តដែលលោកអ្នកចូលចិត្តអាចចូលទៅកាន់ចៃកុនតាមប្រព័ន្ធបណ្តាញសង្គមដូចជា : www.facebook.com/JaiKon.Cambodia  , www.youtube.com/JaiKonCambodia , www.cinema.com.kh ហើយក៏អាច add ចៃកុន ជាមិត្តក្នុងកម្មវិធី LINE ដែលមាន ID: @JAIKON ដើម្បីទទួលបានរង្វាន់ដូចជាសំបុត្រកុន និង របស់ពីភាពយន្តជារៀងរាល់អាទិត្យ។

ទស្សនា Trailer នៅខាងក្រោមនេះទាំងអស់គ្នា៖

លោតជើងបី ជើងបួន ពេលឃើញលេខ ទូរស័ព្ទរបស់ខ្លួន ឈ្នះរង្វាន់៤ម៉ឺនដុល្លារ ពីសែលកាត

E-mail Print PDF

ភ្នំពេញ៖ សម្រាប់ថ្ងៃទី៤ ខែកុម្ភៈ ឆ្នាំ២០១៦នេះ រង្វាន់ដ៏ធំ ៤ម៉ឺនដុល្លារ ជាថ្មីត្រូវ បានប្រគល់ជូន អតិថិថជន ដែលបានផ្ញើសារ ចូលកម្មវិធី "ឈ្នះ១ម៉ឺនដុល្លារ រៀងរាល់ថ្ងៃ"។

លោក ស៊ីម ឡី មានមុខរបរ ជាកសិករ ជាអតិថិជន ដែលមានសំណាង ឈ្នះរង្វាន់ ៤ម៉ឺនដុល្លារ គាត់ជាប្រជាពលរដ្ឋ មានទីលំនៅស្រុកព្រះស្ដេច ខេត្ដព្រៃវែង។ លោក ស៊ីម ឡី ថ្លែងទាំងទឹកចិត្ត សប្បាយរីករាយ ជាមួយនិងទឹកប្រាក់ ៤ម៉ឺនដុល្លារ នៅក្នុងដៃថា “នេះជាសំណាងដ៏ធំ សម្រាប់រូបខ្ញុំ ដែលមិននឹកស្មានដល់នោះទេ ធ្វើអោយខ្ញុំ និងក្រុមគ្រួសារខ្ញុំ លោតជើងបី ជើងបួន ពេលដែលដឹងថា បានឈ្នះរង្វាន់ ៤ម៉ឺនដុលា្លរ ពីក្រុម CellCard ។ នៅពេលដែលខ្ញុំកំពុង តែរវល់ធ្វើការងារខាងក្រៅ ស្រាប់តែកូនរត់មកប្រាប់ ហើយខ្ញុំក៏ទៅមើល ក៏ឃើញពិតជាត្រូវពិតប្រាកដមែន"។

លោកបានបន្តថា "ភ្លាមនោះ ស្រាប់តែមានអតិថិជន ជាច្រើន បានខលមកប្រាប់ថា ឈ្នះរង្វាន់ ៤ម៉ឺនដុល្លារ ពេលនោះប្រពន្ធកូនរបស់ខ្ញុំ ពួកគាត់ពិតជាសប្បាយរីករាយ យ៉ាងខ្លាំង គ្មានអ្នកណាហូបបាយ បាននោះទេ គឺគិតតែមានអារម្មណ៍ រំភើបពេញមួយផ្ទះ សម្រាប់ថវិកាដែលទទួលបាននេះ ខ្ញុំនឹងយកទៅប្រកបរបកសិកម្ម និងពង្រីកមុខរបប” ។

លោកស៊ីម ឡី បានបញ្ជាក់បន្តថា ដើម្បីទទួលបានឱកាស ឈ្នះរង្វាន់ពី កម្មវិធី “ឈ្នះ១ម៉ឺនដុល្លារ រៀងរាល់ថ្ងៃ” ដូចរូបលោក សូមអតិថិជន សែលកាតទាំងអស់ គ្រាន់តែហៅទូរស័ព្ទទៅកាន់ លេខ ៨៨៨៨ ឬផ្ញើសារ ដោយសរសេរ អក្សរ 10k ទៅកាន់លេខ៨៨៨៨ ឱ្យបានមុនម៉ោង ៤ល្ងាច នឹងទទួលបានលេខ កូដ៧ខ្ទង់ ដើម្បីចាប់រង្វាន់។ ការផ្តល់រង្វាន់ ជាទឹកប្រាក់ចាប់ពី ១ម៉ឺនដុល្លារ រហូតដល់ ៥ម៉ឺនដុល្លារ បានធ្វើឲ្យកក្រើក ទាំងរាជធានីភ្នំពេញ និងបណ្តាខេត្តនានា នៅក្នុងប្រទេសកម្ពុជា៕

បណ្ឌិត្យសភា នគរបាលកម្ពុជា កំពុងស្ថិតលើផ្លូវ កំណែទម្រង់ ដ៏ត្រឹមត្រូវមួយ ក្នុងការធានាឱ្យបាន នូវប្រសិទ្ធភាពការងារ

E-mail Print PDF

ភ្នំពេញ ៖ នៅបណ្ឌិត្យសភា នគរបាលកម្ពុជា ថ្ងៃទី ០៤ ខែ កុម្ភៈ ឆ្នាំ ២០១៦ មានបើកកិច្ចប្រជុំមួយ ស្ដីពី ការផ្សព្វផ្សាយ និងណែនាំអំពី ប្រព័ន្ធការងារ របស់បណ្ឌិត្យសភានគរបាលកម្ពុជា ក្រោមអធិបតីភាព នាយឧត្តមសេនីយ៍ សេង ផល្លី ប្រធានបណ្ឌិត្យសភា នគរបាលកម្ពុជា ដោយមានសមាសភាពចូលរួម មកពីថ្នាក់ដឹកនាំ គ្រប់កម្រិតនៃបណ្ឌិត្យសភានគរបាលកម្ពុជា ចាប់ពីថ្នាក់នាយការិយាល័យឡើងទៅ។

កម្មវត្ថុនៃ អង្គប្រជុំថ្ងៃនេះ គឺដើម្បីផ្សព្វផ្សាយ និងណែនាំឱ្យអនុវត្តសេចក្តីសម្រេច ស្តីពី ប្រព័ន្ធការងារ នៃបណ្ឌិត្យសភានគរបាលកម្ពុជា ដើម្បីឱ្យថ្នាក់ដឹកនាំ និងមន្រ្តីទទួលខុសត្រូវគ្រប់កម្រិតនៃអង្គភាពនីមួយៗ បានយល់ច្បាស់និងយកទៅអនុវត្តប្រកបដោយប្រសិទ្ធភាព និងសង្គតិភាព ក្នុងន័យលើកកម្ពស់អភិបាលកិច្ចល្អ ពង្រឹងគុណភាពគ្រប់គ្រង  ពង្រឹងគុណភាពអប់រំបណ្តុះបណ្តាលគ្រប់កម្រិត និង មានគោលដៅ កំណត់អំពីរបៀបរបបនៃការងារដឹកនាំ ការងារគ្រប់គ្រងផងដែរ។

នេះគឺជាការឆ្លុះបញ្ចាំងពីការអនុវត្តកម្មវិធីកំណែទម្រង់ ដ៏ត្រឹមត្រូវមួយរបស់បណ្ឌិត្យសភា នគរបាលកម្ពុជា ក្រោមការដឹកនាំផ្ទាល់របស់ នាយឧត្តមសេនីយ៍ សេង ផល្លី  ដើម្បីឈានទៅសម្រេចបាន ចក្ខុវិស័យ គោលបំណង បេសកកម្ម និងទិសដៅជាយុទ្ធសាស្រ្ត ដែលបាន កំណត់ក្នុងផែនការយុទ្ធសាស្រ្តរយៈពេល៥ឆ្នាំ ២០១៥-២០១៩របស់ខ្លួន ព្រមទាំងសម្រេចបាននូវផែនការ អភិវឌ្ឍន៍ធនធានមនុស្ស របស់រាជរដ្ឋាភិបាលនិងក្រសួងមហាផ្ទៃ ។

ជាលទ្ធផលនៃការអនុវត្តកម្មវិធីកំណែទម្រង់នេះ បណ្ឌិត្យសភានគរបាលកម្ពុជា បានទទួលការគាំទ្រ និងកោតសរសើរពីថ្នាក់ដឹកនាំក្រសួងមហាផ្ទៃ និស្សិត សិក្ខាកាម និងអង្គភាពប្រើប្រាស់ មន្ដ្រីនគរបាល និងមន្ត្រីពន្ធនាគារ៕

គណៈកម្មការចម្រុះ គ្រប់គ្រង អភិរក្ស ការពារព្រៃឈើ នៅតំបន់ប្រាសាទ កោះកេរ ចេញរូបរាងហើយ

E-mail Print PDF

ភ្នំពេញ ៖ គណៈកម្មការចម្រុះគ្រប់គ្រង អភិរក្ស និងការពារព្រៃឈើ នៅតំបន់ប្រាសាទកោះកេរ បានលេចចេញ រូបរាងជាផ្លូវការហើយការ ដើម្បីបង្រ្កាបបទល្មើសព្រៃឈើ។

 ពិធីប្រកាស សមាសភាពគណៈកម្មការថ្មី នេះ ត្រូវបានរៀបចំឡើងនៅរដ្ឋបាលខេត្តព្រះវិហារ ក្រោមអធិបតីភាព លោក  អ៊ុំ ម៉ារ៉ា អភិបាលនៃគណៈអភិបាលខេត្តព្រះវិហារ ។

យោងតាមគេទំព័រ អាជ្ញាធរអប្សរា នៅព្រឹកថ្ងៃទី៤ ខែកុម្ភៈ ឆ្នាំ២០១៦ នេះបានកំណត់ឲ្យគណៈកម្មការ ចម្រុះនេះរៀបចំផែនការអភិរក្ស បង្ការការពារ និងគ្រប់គ្រងព្រៃឈើនៅតំបន់កោះកេរ ធានានិរន្តរភាពព្រៃឈើ ការបង្រ្កាបបទល្មើសព្រៃឈើ ជាពិសេស គណៈកម្មការនេះក៏មានសិទ្ធិចាត់ចែងផ្លូវច្បាប់ទៅតុលាការ ទាំងក្នុងករណីបទល្មើសជាក់ស្តែង និងមិនជាក់ស្តែង។

សូមបញ្ជាក់ថា រយៈពេលចុងក្រោយនេះ ក្រុមភ្នាក់ងារព្រៃឈើនៃអាជ្ញាធរជាតិអប្សរាចាប់បាន និងទប់ស្កាត់ជា បន្តបន្ទាប់ក៏ដោយក្តី ក៏មានឈ្មួញទុច្ចរិត និងជនខិលខូចមួយចំនួន ដែលខ្លះមានទាំងអាវុធជាប់ដៃទៀតផង បានចូលមកកាប់ឈើប្រណិត និងខ្លះទៀតបានចូលមកកាប់ទន្ទ្រានដី កាន់កាប់ធ្វើកម្មសិទ្ធិ ក្នុងតំបន់ការពារនៃប្រាសាទកោះកេរ៕

ឧបនាយករដ្ឋមន្ត្រី ម៉ែន សំអន ចុះសួរសុខទុក និងផ្តល់អាហារថ្ងៃត្រង់ មួយពេល ដល់កុមារកំព្រា នៃមណ្ឌលកុមារកំព្រា ខេត្តស្វាយរៀង

E-mail Print PDF

ស្វាយរៀង៖ លោកស្រីឧបនាយករដ្នមន្ត្រី ម៉ែន សំអន និងជារដ្ឋមន្ត្រីក្រសួងទំនាក់ទំនង ជាមួយរដ្នសភាព្រឹទ្ធសភា និងអធិការកិច្ច ព្រមទាំងក្រុមការងារ បានចុះសួរសុខទុក និងបានផ្តល់អាហារថ្ងៃត្រង់ មួយពេលដល់កុមារកំព្រា ដែលកំពុងស្នាក់នៅ ក្នុងមណ្ឌលកុមារកំព្រារ ខេត្តស្វាយរៀង នៅព្រឹកថ្ងៃទី៤ ខែកុម្ភៈ ឆ្នាំ២០១៦នេះ។

បើតាមរបាយការណ៍ របស់មណ្ឌលកុមារកំព្រា ខេត្តបានអោយដឹងថា កុមារកំព្រា ដែលកំពុងស្នាក់នៅ ក្នុងមណ្ឌលនេះ មានសិស្សថ្នាក់កឋមសិក្សា ២៦នាក់ ក្នុងនោះស្រី ១២នាក់ និងថ្នាក់អនុវិទ្យាល័យ ២០នាក់ ក្នុងនោះស្រី ៧នាក់ រីឯថ្នាក់វិទ្យាល័យ ៦នាក់ ក្នុងនោះស្រី ១នាក់ សាលាវិជ្ជាជីវៈ ១នាក់ ស្រី កុមារមានជំង្ងឺ ២នាក់។ ក្រៅពីការផ្គត់ផ្គង់ ជម្រកស្នាក់នៅ ហូបចុក និងរៀនចំណេះទូទៅ នៅគ្រប់កំរិត បានបង្កើតយកចិត្តទុកដាក់ ដូចជាអប់រំសុខភាព ចាក់វ៉ាក់សាំង ការពារជង្ងឺ ៦មុខ អប់រំរបៀបរស់នៅ(វប្បធម៌ សីលធម័) បណ្តុះបណ្តាលជំនាញកុំព្យូទ័រ បង្រៀនអក្សរសាស្ត្រ បន្ថែម តាមផ្ទះស្នាក់នៅ ដើម្បីអោយកាយសម្បទា មាំមួន ដោយបានបង្កើតក្រុមកីទ្បា សំរាប់លេងជាមួយកុមារគ្នាឯង ក្នុងមណ្ឌលមានដូចជា បាល់ទាត់ បាល់ទះ វាយសី។

របាយការណ៍បានឲ្យដឹងតៀតថា ក្នុងឆ្នាំនេះ មានកុមារពីរនាក់ បានទៅចូលរួមប្រគួតបាល់ទាត់ ខ្សោយបញ្ញាថ្នាក់ជាតិ នៅប្រទេសថៃ បានទទួលបានចំណាត់ថ្នាក់លេខពីរ ចំនួនប្រាំប្រទេស។ នៅខែវិច្ឆិកា ឆ្នាំ២០១៥ កុមារបានប្រកាសចូលរស់នៅ ក្នុងមណ្ឌលចំនួន បីនាក់ស្រី១នាក់ផងដែរ។ ហើយបច្ចុប្បន្ននេះ កុមារមានជីវភាព ល្អប្រសើរជាងពេលមុន ដោយរាជរដ្ឋាភិបាល តំទ្បើងប្រាក់គោលនយោបាយ បានក្នុងមួយនាក់១៥០០០០រៀល សំរាប់ជីវភាព។ ក្រៅពីនេះ នៅមានអង្គការអាស្ពេការ ក្រុមហ៊ុនឌីខេ និងសប្បុជនផ្សេងៗ បានជួយឧបត្ថមផងដែរ។

នៅក្នុងឱកាសនោះ លោកស្រី ម៉ែន សំអន បានធ្វើការផ្តាំផ្ញើរ ដល់កុមារកំព្រា ដែលកំពុងស្នាក់នៅ ក្នុងមណ្ឌលកុមារកំព្រាខេត្តនេះ ត្រូវចេះថែរក្សារសុខភាព អនាម័យ ដោយហូបស្អាត ផឹកស្អាត និងរស់នៅស្អាត ដើម្បីជៀសផុតពីជំង្ងឺផ្សេងៗ មិនតែប៉ុណ្ណោះ សូមខិតខំរៀនសូត្រ អោយបានក្លាយខ្លួន ទៅជាសិស្សពូកែ ជាទំពាំស្នងឫស្សីនៃប្រទេសជាតិ ឯលោកគ្រូអ្នកគ្រូ ដែលមើលថែរកុមារ សូមយកចិត្តទុកបន្ថែមទៀត ក្នុងការអប់រំកុមារកំព្រា គឺចាត់ទុកដូចជាកូនបង្កើត ជាមួយគ្នានេះដែរ លោកស្រី ម៉ែន សំអន ក៏បានចែកជូនថវិកា ដល់កុមារកំព្រា ក្នុងម្នាក់ ១ម៉ឺនរៀល និងលោកគ្រូអ្នកគ្រូ ទទួលបានថវិកាមួយចំនួនផងដែរ៕

បណ្តឹងសារទុក្ខ នៃសំណុំរឿង០០២ វគ្គ១ នឹងបើកសវនាការ នៅពាក់កណ្តាល ខែកុម្ភៈ

E-mail Print PDF

ភ្នំពេញ៖ អង្គជំនុំជម្រះ តុលាការកំពូល នៃតុលាការខ្មែរក្រហម នឹងបន្តសវនាការ លើបណ្តឹងសារទុក្ខ ក្នុងសំណុំរឿង០០២ វគ្គ១ នៅពាក់កណ្តាលខែកុម្ភៈ ឆ្នាំ២០១៦ ខាងមុខ ខណៈដែលសវនាការនេះ បានផ្អាកកាលពីចុងឆ្នាំមុន ដោយសារខ្វះការ ការពារក្ដីស្របច្បាប់សម្រាប់លោក នួន ជា។

យោងតាម សេចក្ដីជូនដំណឹង របស់តុលាការខ្មែរក្រហម នាថ្ងៃទី០៤  ខែកុម្ភៈ បានឲ្យដឹងថា អង្គជំនុំជម្រះតុលាការកំពូល និងស្តាប់សារណាផ្ទាល់មាត់លើបញ្ហានានា ដែលបានលើកឡើងនូវក្នុងបណ្តឹងសារទុក្ខ ដែលនឹងប្រព្រឹត្តទៅ នៅម៉ោង០៩ព្រឹក ដល់ម៉ោង០៤រសៀល ថ្ងៃទី១៦-១៨ ខែកុម្ភៈ ហើយបើចាំបាច់នឹងបន្ថែម ពេលវេលា១ថ្ងៃទៀត។

សេចក្ដីជូនដំណឹងបន្តថា សវនាការនេះ ពាក់ព័ន្ធទៅនឹងបណ្តឹងសារទុក្ខ របស់សហព្រះរាជអាជ្ញា នួន ជា និងខៀវ សំផន ប្រឆាំងនឹង សាលក្រមរបស់អង្គជំនុំជម្រះ សាលាដំបូងក្នុងសំណុំរឿង០០២ វគ្គ១ ដែលប្រកាស កាលពីថ្ងៃទី៧ សីហា ឆ្នាំ២០១៤ លើអំពើ ឃោរឃៅដ៏ធ្ងន់ធ្ងរ ដែលរងការចោទប្រកាន់។

ក្នុងករណីពុំទាន់មានការសម្រេច លើបញ្ហានៃបណ្តឹងសារទុក្ខនេះទេ ជនជាប់ចោទនៅតែ ត្រូវបានសន្មត់ថាគ្មានទោស៕

លោក ញឹក ប៊ុនឆៃ ស្នើសម្តេច ស ខេង រំលាយលទ្ធផល សមាជហ៊្វុនស៊ិនប៉ិច ក្នុងឆ្នាំ២០១៥កន្លងទៅ

E-mail Print PDF

ភ្នំពេញ៖ លោក ញឹក ប៊ុនឆៃ អនុប្រធានទី២ គណបក្សហ៊្វុនស៊ិនប៉ិច ដែលទើបប្រកាសចាក់ ចេញពីបក្សកាល ពីថ្ងៃទី៣ ខែកុម្ភៈ ឆ្នាំ២០១៦ម្សិលមិញនោះ បានស្នើទៅកាន់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ រំលាយចោលនូវលទ្ធផលនៃសមាជរបស់គណបក្សហ៊្វុនស៊ិនប៉ិច កាលពីថ្ងៃទី១៩ ខែមករា ឆ្នាំ២០១៥កន្លងទៅ។

Page 9 of 809