left
Safe Home
Safe Home
Safe Home

Dap News...Admin

Saturday, Aug 01st

| English Version | dapnews: 012 571 704, 097 9999 883, email: lim.cheavutha@gmail.com

You are here:

នាំគ្នាផឹក ស្រាស្រវឹង រួចទាស់ សម្តី វាយគ្នា បណ្តាលអោយ បុរសម្នាក់ រងរបួសធ្ងន់ម្នាក់

E-mail Print PDF

បន្ទាយមានជ័យ៖ បុរស២នាក់នាំគ្នាផឹកស៊ី លុះផឹកស្រវឹង ប្រកែកគ្នាមិនស្តាប់បង្កហិង្សា រហូតបណ្តាល អោយបុរសម្នាក់រងរបួសធ្ងន់។ ហេតុការណ៍ ថ្ងៃទី២៩ ខែកក្កដា ឆ្នាំ២០១៥ ស្ថិតនៅអូរអំពិល ឃុំ ទួលពង្រ ស្រុកម៉ាឡៃ ខេត្តបន្ទាយមានជ័យ។

លោកឱ បូរិន្ទ មេបញ្ជាការអហ ខេត្តបានប្រាប់ឱ្យដឹងនៅល្ងាច ថ្ងៃទី៣០ ខែកក្កដានេះ ថា មុនកើតរឿងរ៉ាវនេះ ជនបង្ក និងជនរងគ្រោះ បាននាំគ្នា ផឹកស្រាក្នុងខ្ទម កន្លែងលក់ដូរ ហើយជនបង្កមានឈ្មោះសៀន រ៉េន ភេទប្រុស អាយុ៣៨ឆ្នាំ រស់នៅកន្លែងកើតហេតុខាងលើ បានស្រវឹងស្រា ប្រើពាក្យសម្តីធ្ងន់ ដាក់ជនរងគ្រោះ ឈ្មោះឆែម លឿម ប្រុសអាយុ៤៩ ឆ្នាំ រស់នៅភូមិជាមួយគ្នាកើតរឿង វាយប្រតប់ ប្រតាយគ្នា ទៅវិញទៅមករហូតរបួសធ្ងន់ ចូលដេកពេទ្យរៀងៗខ្លួន។

លោកបានបន្តថា ជនសង្ស័យឈ្មោះសៀន រ៉េន ភេទប្រុស អាយុ៣៨ឆ្នាំ បានយក កាំបិតខ្វេវកាប់ទៅលើ ជនរងគ្រោះ បណ្តាលអោយ រងបួសធ្ងន់ត្រង់ដៃកឆ្វេង បាត់ដៃឆ្វេង ដាច់ម្រាមដៃ ខ្នងដៃ។

ក្រោយពីកើតហេតុ សមត្ថកិច្ចបានតាម ប្រមាញឃាត់ខ្លួនជនដៃដល់ យកមកសួរនាំ និងបានឆ្លើយសារភាពថា ខ្លួនពិតជាបានប្រព្រឹត្ត ករណីខាងលើនេះពិតមែន ។

បច្ចុប្បន្នសមត្ថកិច្ចកំពុងកសាងសំណុំរឿងបញ្ជូនទៅកាន់ សាលាដំបូងខេត្ត ដើម្បីចាត់ការតាមនិតិវិធីច្បាប់៕

ប្រទះឃើញ មនុស្សម្នាក់ស្លាប់ ក្នុងបន្ទប់ទឹក កន្លែងទិញអេតចាយ ក្នុងក្រុងបានលុង

E-mail Print PDF

រតនគិរីៈ មានការភ្ញាក់ផ្អើលដល់ អាជ្ញាធរមូលដ្ឋាន និងប្រជាពលរដ្ឋ ដោយសារតែ មនុស្សម្នាក់ ត្រូវបាន គេប្រទះឃើញ ស្លាប់នៅក្នុងបន្ទប់ទឹក ខណៈដែលកម្មករឡើង ទៅប្រុងដាំបាយ នៅលើផ្ទះ។ហេតុការណ៍នេះ កើតឡើងកាលពី វេលាម៉ោងប្រមាណ ៥ល្ងាច ថ្ងៃទី៣០ ខែកក្កដា ឆ្នាំ២០១៥  ស្ថិតក្នុងភូមិអូរកន្សែង  សង្កាត់បឹងកន្សែង  ក្រុងបានលុង ខេត្តរតនគិរី។

បើតាមថៅកែទិញអេតចាយ ដែលមានប្តីឈ្មោះ ង្វៀង វ៉ាន់លីម អាយុ៤៥ឆ្នាំ  និងប្រពន្ធឈ្មោះ វិន ធីយ៉យ អាយុ៤៣ឆ្នាំ  (ជនជាតិវៀតណាម)  ប្រាប់ឲ្យដឹងថា ជនរងគ្រោះមានឈ្មោះ  ប្រិម ញ៉ុក  ភេទប្រុស  អាយុ៣៥ឆ្នាំ  ជនជាតិខ្មែរ  មុខរបរបើករថយន្ត  មានស្រុកនៅភូមិដូង  ឃុំរូង ស្រុកមេម៉ត់  ខេត្តត្បូងឃ្មុំ  បានមកស្នាក់នៅ ជាមួយក្រុមគ្រួសារគាត់ប្រមាណ១០ឆ្នាំ កន្លងមកហើយ។

ប្រភពពត៌មានខាងលើប្រាប់បន្តទៀតថា ជនរងគ្រោះកាលពីវេលាម៉ោង ២រសៀលនេះប្តី  ប្រពន្ធគាត់បាន ឲ្យឈប់សម្រាក ដើម្បីទៅរៀនបើកបររថយន្ត (យកប័ណ្ណបើកបរ) ។  លុះដល់ម៉ោងប្រមាណ ៥ល្ងាចដល់ម៉ោង ដាំបាយត្រូវបានកម្មករ ផ្សេងទៀតឡើងទៅលើផ្ទះប្រុងដាំបាយ ក៏ឃើញស្បែកជើង ជនរងគ្រោះ នៅក្រៅបន្ទប់ទឹកហើយ បើកទ្វារបន្ទប់ទឹកឃើញជនរងគ្រោះ ស្លាប់បាត់ទៅហើយ។

ប្រភពបន្តថាជនរងគ្រោះ ជាមនុស្សស្លូតបូត ពុំដែលមានទំនាស់ ជាមួយកម្មករ ដ៏ទៃទៀតឡើយ  ហើយរូបគាត់ពីអ្នកប្តីប្រពន្ធ (ថៅកែទិញអេតចាយ)  ស្រលាញ់ចាត់ទុកដូច ជាកូនបង្កើតអញ្ចឹង។  នៅល្ងាច ថ្ងៃទី៣០ ខែកក្កដា ឆ្នាំ២០១៥ សមត្ថកិច្ចមូលដ្ឋាន និងនគរបាលជំនាញនៃស្នងការនគរបាលខេត្តដឹកនាំ ដោយលោក ជា សុភ័ក្ត្រ ព្រះរាជអាជ្ញារងអមសាលាដំបូងខេត្តបានធ្វើកោសល្យវិច្ច័យលើសព។  ប៉ុន្តែទោះជាយ៉ាងណាក៏ដោយ សពជនរងគ្រោះមិនទាន់ដឹងមូលហេតុ ពិតប្រាកដ នៅឡើយទេ រងចាំសមត្ថកិច្ចស្រាវជ្រាវបន្តទៀត។ 

សពជនរងគ្រោះត្រូវបានក្រុមគ្រួសារមកដឹកយកទៅធ្វើបុណ្យតាមប្រពៃណីខ្មែរនៅស្រុកកំណើត៕

ចោរកាច់កម៉ូតូ ដ៏សកម្ម២នាក់ ត្រូវប្រជាពលរដ្ឋ វាយឡើងទ្រោមខ្លួន ទើបប្រគល់ ឲ្យសមត្ថកិច្ច

E-mail Print PDF

ភ្នំពេញៈ នៅម៉ោង៧ និង១០នាទី ថ្ងៃទី៣០ ខែកក្កដា ឆ្នាំ២០១៥ ជិតរោងចក្រអូរសេអង់ សង្កាត់កាកាប ខណ្ឌពោធិ៍សែនជ័យ មានក្រុមកាច់ម៉តូ២នាក់ ត្រូវបានប្រជាពលរដ្ឋ ចាប់និងវាយ ខណៈពួកគេទាំង២ប៉ុនប៉ង កាច់កម៉ូតូ គេនៅក្បែរោងចក្រ។

តាមប្រភពព័ត៌មានបានឲ្យដឹងថា នៅមុនពេលកើតហេតុប្រជាពលរដ្ឋ ដែលរស់នៅក្បែរនោះ បានឃើញក្រុមកាច់កទាំងនោះ មកលេងផ្ទះជួលសង្សារ នៅជិតរោងចក្រ ខាងលើក៏មានការសង្ស័យ ចំពោះយុវជន២នាក់ ស្រាប់តែភ្លាមនោះ ពួកគេទាំង២រៀបនឹងធ្វើសកម្មភាព ពេលនោះប្រជាពលរដ្ឋ បានស្រែកមានចោរ កាច់កម៉ូតូហើយភ្លាមនោះអ្នកនៅក្បែរនោះបានរត់មកចាប់ និងវាយជិតស្លាប់ ទើបកម្លាំងនគរបាល បានទៅដល់ យកមកសួរនាំ នៅប៉ុស្តិ៍កាកាប

ក្រោយធ្វើការសួរចុះឡើងពីសមត្ថកិច្ច ក៏មានរឿងមួយទៀតកាលពីយប់ថ្ងៃទី២៨ ខែកក្កដា ឆ្នាំ២០១៥ នៅជិតកន្លែងចាក់សំរាម ស្ទឹងមានជ័យ សង្កាត់ស្ទឹងមានជ័យ ក្រុមកាច់កទាំង២នេះ បានកាច់ក យកម៉ូតូអាសង់ប៊ិច ពណ៌ខ្មៅ ពីប្រជាពលរដ្ឋនៅក្បែរ កន្លែងចាក់សំរាមនោះ។

បន្ទាប់ពីសួរចប់ខាងសមត្ថកិច្ចប៉ុស្តិ៍កាកាប បានបញ្ចួនជនទាំង២នាក់នេះ មកប៉ុស្តិ៍ស្ទឹងមានជ័យវិញ៕

បាក់ដី សង្កត់កម្មករ ម្នាក់ស្លាប់ ក្នុងការដ្ឋាន សំណង់ នៅក្រុង ប៉ោយប៉ែត

E-mail Print PDF

បន្ទាយមានជ័យ: កាលពីវេលាម៉ោង ៥ល្ងាច ថ្ងៃទី៣០ ខែកក្កដា នៅចំណុចការដ្ឋាន សំណង់មួយកន្លែង ទល់មុខធនាគារហត្ថាកសិករ តាមបណ្តោយផ្លូវជាតិលេខ៥ នៅក្នុងភូមិប៉ាលិលេយ្យ ១ សង្កាត់-ក្រុងប៉ោយប៉ែត ខេត្តបន្ទាយមានជ័យ មានករណីបាក់ដីសង្កត់លើកម្មករម្នាក់ ដែលក្នុងរណ្តៅបណ្តាលអោយស្លាប់បាត់បង់ជីវិត។

យោងតាមប្រភពពីកម្មករសំណង់ដូចគ្នា បានអោយដឹងថា បុរសដែលស្លាប់មានឈ្មោះ ឌុច ធឿង អាយុ ៣៧ឆ្នាំ មានទីលំនៅក្នុងភូមិវាល ឃុំដងរុន ស្រុកសូទ្រនិគម ខេត្តសៀមរាប មកស្នាក់នៅក្នុងការដ្ឋានសំណង់ ជាមួយប្រពន្ធនិងកូន។

តាមប្រភពដដែលបានឲ្យដឹងទៀតថា នៅមុនពេលកើតហេតុជនរងគ្រោះ និងកម្មករឯទៀត បាននាំគ្នាឈប់សំរាក តែមិនដឹងជាមូលហេតុអ្វី ជនរងគ្រោះក៏ចុះទៅក្នុងរណ្តៅមួយដែលមានជម្រៅជាង២ម៉ែត្រ ហើយក៏ត្រូវដីបាក់គ្របពីលើតែម្តង។

តាមការបញ្ជាក់ពីកម្មករម្នាក់សុំមិនបញ្ចេញឈ្មោះ បានប្រាប់ថា ពេញមួយថ្ងៃនេះក្រុងប៉ោយប៉ែតមានភ្លៀងធ្លាក់ រហូតធ្វើអោយដីមានសភាពទន់ជ្រាយ ងាយនិងរបេះធ្លាក់ណាស់។ មួយវិញទៀតជនរងគ្រោះរូបនេះពេលសំរាកពីការងារ បានប្រាប់គាត់ថា ចុះទៅយកម៉ូទរ័បូបទឹក ដែលគេដាក់បូមទឹកចេញតាំងពីថ្ងៃ តែបន្ទាប់ពីចុះបានបន្តិចចៃដន្យ ដីក៏បានបាក់គ្របទៅលើគាត់តែម្តង។ ក្រុមការងារក៏បានធ្វើការកាយដីចេញដើម្បី ជួយសង្គ្រោះជនរងគ្រោះ តែទំរាំជួយបានជនរងគ្រោះ បានបាត់បង់ជីវិតក្នុងរណ្តៅបាត់ទៅហើយ។

ក្នុងហេតុការណ៍នេះសមត្ថកិច្ចគេបានឃើញ មានសមត្ថកិច្ចអាវុធហត្ថ និងនគរបាលមូលដ្ឋាន ជាច្រើនបានចុះមកជួយអន្តរាគមន៍ ដើម្បីរំដោះជនរងគ្រោះ ចេញពីរណ្តៅនោះផងដែរ។ គេនៅមិនដឹងថាតើអាជ្ញាធរ មានសមត្ថកិច្ច និងចាត់វិធានការយ៉ាងណាលើម្ចាស់បឬមេជាងការដ្ឋាននេះនោះទេ៕

មុខសញ្ញា ចោរគាស់ផ្ទះ ត្រូវបាន ប្រជាពលរដ្ឋ ចាប់វាយទ្រោមខ្លួន ប្រគល់ឲ្យនគរបាល

E-mail Print PDF

ភ្នំពេញ៖ ជនសង្ស័យម្នាក់ត្រូវ ប្រជាពលរដ្ឋ ចាប់បាននាំគ្នាវាយ១ដៃ១ជើង ឡើងទ្រោមខ្លួន ទើបប្រគល់ឲ្យ នគរបាលចាត់ការ ទៅតាមផ្លូវច្បាប់។ ហេតុការណ៍នេះកើតឡើង កាលពីវេលាម៉ោង ៣និង៣០នាទី ថ្ងៃទី៣០ ខែកក្កដា ឆ្នាំ២០១៥ ស្ថិតនៅក្រោយផ្សារ ឯករាជ្យ១ ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ។

នគរបាលបានឲ្យដឹងថា ជនសង្ស័យមានឈ្នោះ សំ បញ្ញា ភេទប្រុសអាយុ២៥ឆ្នាំមានមុខរបរ មិនពិតប្រាកដស្នាក់នៅក្នុងភូមិ ត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ។

នគរបាលបានបន្តថា មុនពេលកើតហេតុ ប្រពលរដ្ឋបានឃើញ ជនសង្ស័យ នៅចំណុចកើតហេតុ ក៏មានការសង្ស័យហៅ សាកសួរ ភ្លាមនោះជនសង្ស័យរត់គេច រំពេចនោះប្រជាពលរដ្ឋ នាំគ្នាដេញចាប់បាន  ឆែករកឃើញកូនសោរ១ចង្កោម និងទុណាវីស១ នៅជាប់និងខ្លួនរួចក៏បានស្វាគមន៍១ដៃ១ជើងម្នាក់ ឡើងទ្រោមខ្លួនទើបប្រគល់ ឲ្យនគរបាលចាត់ការ ទៅតាម ផ្លូវច្បាប់។

បច្ចុប្បន្នជនសង្ស័យឃុំខ្លួនជាបណ្តោះអាសន្ន នៅអធិការដ្ឋានដើម្បីកសាង សំណុំរឿងបន្ថែមចាត់ការទៅ តាមនីតិវិធីច្បាប់៕

រថយន្តយីឌុប ជ្រុលចង្កូត បើកធ្លាក់ប្រឡាយ តែសំណាងល្អ គ្មានអ្នករងរបួស

E-mail Print PDF

ភ្នំពេញៈ នៅម៉ោង១៩ :៣០នាទី ថ្ងៃទី៣០ ខែកក្កដា ឆ្នាំ២០១៥ មានករណី រថយន្តយីឌុបដឹកដី បើកធ្លាក់ចូលប្រឡាយ ស្ថិតនៅចំណុចផ្លូវវេងស្រេង ត្រង់ចំណុចលូប្រាំ ភូមិដំណាក់ធំ២ សង្កាត់ស្ទឹងមានជ័យ។ 

តាមប្រភពព័ត៌មានពីកន្លែងកើតហេតុបានឲ្យដឹងថា នៅម៉ោង១៩ :៣០នាទី ថ្ងៃទី៣០ ខែកក្កដា ឆ្នាំ២០១៥ មានរថយន្តយីឌុប មួយគ្រឿងបើកធ្លាក់ចូលមាត់ប្រឡាយ តែសំណាងល្អ ទើលើទុយោទឹករដ្ឋករ និងមានអោយមានអ្នករបួសអ្វីទេ។

ប្រភពដដែលបានបន្តទៀតថា នៅមិនទាន់មានប្រភពណាមួយបញ្ជាក់ពីអត្តសញ្ញាណរបស់អ្នកបើករថយន្តនៅឡើយទេ៕

កិច្ចប្រជុំ​រដ្ឋមន្ត្រី​ទេសចរណ៍ CLMV និង ACMECS សម្រេច​បាន​ផែនការ​ថ្មី​មួយ​ចំនួន សម្រាប់​រយៈពេល ៣ឆ្នាំ

E-mail Print PDF

ភ្នំពេញ៖ កិច្ចប្រជុំថ្នាក់រដ្ឋមន្ត្រីទេសចរណ៍ ក្របខណ្ឌCLMV និង ACMECS នាថ្មីៗនេះ បានអនុម័តផែនការសកម្មភាពលើ កិច្ចសហប្រតិបត្តិការ ទេសចរណ៍ថ្មីមួយចំនួន សម្រាប់ឆ្នាំ២០១៦-២០១៨ ។

តាមការប្រកាស របស់ក្រសួងទេសចរណ៍ ក្រោយបញ្ចប់កិច្ចប្រជុំខាងលើនេះ បានឱ្យដឹងថា កិច្ចប្រជុំថ្នាក់រដ្ឋមន្ត្រីទេសចរណ៍ ក្របខណ្ឌ CLMV (កម្ពុជា ឡាវ ភូមា និងវៀតណាម បានសម្រេចគោលការណ៍ចំនួន ៥ចំណុច រួមមាន ៖
១. ការសម្រួលការធ្វើដំណើរ (Travel facilitation)
២. ការបណ្តុះបណ្តាលធនធានមនុស្ស (Human resource development)
៣. ការចូលរួមចំណែកពីផ្នែកឯកជន និងសហគមន៍មូលដ្ឋាន (Involvement of private sectors and local community)
៤. ការសម្របសម្រួលជាមួយដៃគូអភិវឌ្ឍន៍ អង្គការអន្តរជាតិ ស្ថាប័នហិរញ្ញវត្ថុអន្តរជាតិ (Coordination with development partners, international organizations and international financial institutions) និង
៥. ការអភិវឌ្ឍទេសចរណ៍ប្រកបដោយនិរន្តរភាព (Sustainable tourism development)។

ក្នុងនោះដែរកម្ពុជា បានទទួលភារកិច្ចដឹកនាំការងារ សម្របសម្រួលជាមួយដៃគូអភិវឌ្ឍ ដើម្បីស្វែងរកជំនួយបច្ចេកទេស និងហិរញ្ញប្បទាន សម្រាប់គម្រោងអភិវឌ្ឍទេសចរណ៍ ។

ចំណែក កិច្ចប្រជុំក្នុងក្របខណ្ឌ ACMECS (កម្ពុជា ឡាវ មីយ៉ាន់ម៉ា វៀតណាម និង ថៃ) ក៏បានសម្រេចលើផែនការសកម្មភាពថ្មី ២០១៦ ២០១៨ (Action Plan on ACMECS Tourism Cooperation 2016 2018) ដែលផ្តោតលើ៧ចំណុចសំខាន់ៗ ដូចជា៖
១. ការរៀបចំផែនការសិក្សាទីផ្សារ និងសកម្មភាពផ្សព្វផ្សាយទេសចរណ៍រួមគ្នា “ប្រទេស៥ គោលដៅទេសចរណ៍តែមួយ”
២. ការតភ្ជាប់គោលដៅទេសចរណ៍ (សម្រួលការធ្វើដំណើរឆ្លងកាត់ព្រំដែននៅក្នុងប្រទេសទាំង៥)
៣. ការផ្លាស់ប្តូរព័ត៌មានទេសចរណ៍ (ដែលប្រទេសសមាជិកនីមួយៗ ត្រូវពង្រឹងលើការរៀបចំបញ្ចូលព័ត៌មានឲ្យបានច្រើននៅលើគេហទំព័រទេសចរណ៍)
៤. បង្កើតឲ្យមានកម្មវិធីបណ្តុះបណ្តាលកសាងសមត្ថភាពអ្នកជំនាញវិជ្ជាជីវទេសចរណ៍ និងភាគីពាក់ព័ន្ធក្នុងវិស័យទេសចរណ៍
៥. ការអភិវឌ្ឍផលិតផលទេសចរណ៍ (ដោយជំរុញឲ្យមានការវិនិយោគដើម្បីពង្រឹងគុណភាពផលិតផលទេសចរណ៍)
៦. ការពង្រឹងសុវត្ថភាពដល់ទេសចរ និងកិច្ចការពារបរិស្ថាននៅតាមតំបន់ទេសចរណ៍
៧. ការជំរុញការអភិវឌ្ឍទេសចរណ៍ស្របតាមទស្សនទានបៃតងប្រកបដោយការទទួលខុសត្រូវ (Green and responsible tourism) នៅក្នុងប្រទេសទាំង៥។

តាមរយៈផែនការសកម្មភាពថ្មីនេះ អង្គប្រជុំបានប្រគល់ភារកិច្ចដល់កម្ពុជាដឹកនាំការងារជំរុញការ តភ្ជាប់គោលដៅទេសចរណ៍ នៃប្រទេសទាំង៥។

ព្រមជាមួយនេះ អង្គប្រជុំក៏បានកត់សម្គាល់ផែនការសកម្មភាពពាក់ព័ន្ធ នឹងវិស័យទេសចរណ៍ ក្នុងក្របខណ្ឌ ACMECS ដូចជាការជំរុញឲ្យ បណ្តាប្រទេសសមាជិក ACMECS ផ្សេងទៀតយកចិត្តទុកដាក់ លើផែនការទិដ្ឋាការទោល (ACMECS Single Visa Scheme) និងការជំរុញការតភ្ជាប់ និងអភិវឌ្ឍទេសចរណ៍ តាមព្រំដែន៕

គ្រោះថ្នាក់ចរាចរ ម៉ូតូបុករ៉ឺម៉កម៉ូតូ ស្លាប់ម្នាក់ និងរបួសធ្ងន់ម្នាក់ នៅក្រុងព្រះសីហនុ

E-mail Print PDF

ព្រះសីហនុ៖ ថ្ងៃទី៣០ ខែកក្កដា ឆ្នាំ២០១៥ វេលាម៉ោង ៣:៣០នាទី លើដងផ្លូវជាតិលេខ៣ ចន្លោះគីឡូម៉ែត្រលេខ ១៩០ -១៩១ នៅចំណុចភូមិទួល ឃុំទឹកល្អក់ មានករណីគ្រោះថ្នាក់ចរាចរមួយកើតឡើង (ម៉ូតូបុករ៉ឺម៉កម៉ូតូ) ម៉ូតូម៉ាក Honda ស៊េរី២០០៨ ពណ៌ខ្មៅ ពាក់ស្លាកលេខ ព្រះសីហនុ1A.5269 បើកបរដោយឈ្មោះ បេ វ៉ាន់ ភេទប្រុស អាយុ ៣៣ឆ្នាំ មុខរបរកម្មករនេសាទ ទីលំនៅអូ១ សង្កាត់២ ក្រុងព្រះសីហនុ បើកបរក្នុងទិសដៅ ពីលិចទៅកើត ស្រាប់តែមកដល់ចំណុចកើតហេតុខាងលើ បានជ្រុលចង្កូតបុកគូថរ៉ឺម៉ក១គ្រឿង ដែលកំពុងចតនៅចិញ្ចើមផ្លូវ ម៉ាកសាន់យ៉ាន់ ពាក់ស្លាកលេខព្រះសីហនុ 1B.7703 ។ ជនរងគ្រោះឈ្មោះ ១.ឈ្មោះ បេ វ៉ាន់ (អ្នកបើកម៉ូតូ) ស្លាប់នៅនឹងកន្លែង, ២.ឈ្មោះ ជួប ឌឿន ភេទប្រុស អាយុ៣៣ ឆ្នាំ មុខរបរកសិករ ទីលំនៅភូមិកំពង់ចិន ឃុំទឹកថ្លា ស្រុកព្រៃនប់ (អ្នករួមដំណើរ) របួសធ្ងន់ (សម្រាកព្យាបាលនៅគ្លីនិកឯកជនវាលរេញ)។

បច្ចុប្បន្ន សាកសពត្រូវបានក្រុមគ្រួសារ យកទៅធ្វើបុណ្យតាមប្រពៃណី រីឯវត្ថុតាង (ម៉ូតូ និង រ៉ឺម៉ក) រក្សាទុកនៅបណ្តោះអាសន្ន នៅអធិការដ្ឋាន ៕

Photo by DAP-News

Photo by DAP-News

Photo by DAP-News

Photo by DAP-News

ប្រកាស ផ្ទេរភារកិច្ច តែងតាំង មុខតំណែង និងបំពាក់ ឋានន្តរស័ក្តិ មន្រ្តីនគរបាល នៃស្នងការដ្ឋាន នគរបាលសៀមរាប

E-mail Print PDF

សៀមរាប ÷ ថ្ងៃទី៣០ ខែកក្កដា ឆ្នាំ២០១៥នេះ នៅស្នងការដ្ឋាននគរបាលខេត្តសៀមរាប មានធ្វើពិធីប្រកាសផ្ទេរភារកិច្ច តែងតាំងមុខដំណែង និងដំឡើងឋានន្តរស័ក្តិ ដល់នាយនគរបាល និងមន្ត្រី សរុប ២៤៨នាក់ ក្នុងនោះមានស្រ្តី ១៧នាក់ ។

ពិធីនេះស្ថិតក្រោមអធិបតីភាព លោកឧត្តមសេនីយ៍ឯក ដូង សារឿង អនុប្រធាននាយកដ្ឋានបុគ្គលិក និងជាតំណាងដ៏ខ្ពង់ខ្ពស់របស់ លោកនាយឧត្តមសេនីយ៍ អគ្គស្នងការនគរបាលជាតិ និង មានការចូលរួមពីសំណាក់ លោក គឹម ឆៃហៀង អភិបាលរងខេត្តសៀមរាប និង ភ្ញៀវកិត្តិយស សមាជិក សមាជិកា សរុបជាង ៤០០នាក់។

លោកឧត្តមសេនីយ៍ឯក ដូង សារឿង បានមានប្រសាសន៍ថា ការផ្ទេរភារកិច្ច តែងតាំងមុខដំណែង និងដំឡើងឋានន្តរស័ក្តិនេះ គឺដើម្បីឆ្លើយតបតាមលទ្ធផល និងស្នាដៃល្អ ក្នុងការបំពេញភារកិច្ចជំនាញ ក្នុងការរក្សាសន្តិសុខ សណ្ដាប់ធ្នាប់ សុវត្ថិភាព ជូនគណៈប្រតិភូជាន់ខ្ពស់ និងភ្ញៀវជាតិ-អន្តរជាតិ ក៏ដូចជាបងប្អូនប្រជាពលរដ្ឋ ពិសេសជូនជាតិមាតុភូមិបានល្អប្រសើរ ផងដែរ ៕

Photo by DAP-News

Photo by DAP-News

Photo by DAP-News

Photo by DAP-News

សមត្ថកិច្ច ឃាត់ខ្លួន ជនសង្ស័យ ជួញដូរ និងប្រើប្រាស់ គ្រឿងញៀនម្នាក់ តាមដីកាតុលាការ

E-mail Print PDF

កំពត៖ កម្លាំងនគរបាល នៃការិយាល័យ ប្រឆាំងគ្រឿងញៀនខេត្ត ចាប់ខ្លួនជនសង្ស័យម្នាក់ ពីបទជួញដូរ និងប្រើប្រាស់ដោយខុសច្បាប់ នូវសារធាតុញៀន នៅវេលាម៉ោង ៩ព្រឹក ថ្ងៃទី៣០ ខែកក្កដា ឆ្នាំ២០១៥ ក្នុងបន្ទប់ជួលលេខ៦៦៦ ស្ថិតក្នុងភូមិអណ្តូងខ្មែរ សង្កាត់អណ្តូងខ្មែរ ក្រុងកំពត ខេត្តកំពត។ ជនសង្ស័យរូបនោះ ឈ្មោះអ៉ឹង ម៉េងសេង ភេទប្រុស អាយុ២២ឆ្នាំ មានទីលំនៅក្នុងភូមិកំពង់បាយខាងត្បូង សង្កាត់កំពង់បាយ ក្រុងកំពត ខេត្តកំពត។

មន្ត្រីនគរបាល នៃការិយាល័យប្រឆាំងគ្រឿងញៀនខេត្ត បានឲ្យមជ្ឈមណ្ឌលព័ត៌មានដើមអម្ពិលដឹងថា ជនសង្ស័យត្រូវបានចាប់ខ្លួន តាមដីការលេខ១១១ ចុះថ្ងៃទី២៨ ខែឧសភា ឆ្នាំ២០១៥ របស់ចៅក្រម តុប ឈុនសុងពីបទ ជួញដូរ និងប្រើប្រាស់ដោយខុសច្បាប់ នូវសារធាតុញៀន ប្រព្រឹត្តកាលពីថ្ងៃទី២៤ ខែមិនា ឆ្នាំ២០១៥ នៅភូមិទ្វីខាងជើង សង្កាត់អណ្តូងខ្មែរ ក្រុងកំពត ខេត្តកំពត។ ក្រោយធ្វើសកម្មភាពរួច ជនសង្ស័យបានរត់គេចខ្លួន មិនដឹងស្ថិតនៅកន្លែងណាឡើយ។

ក្រោយពេលឃាត់ខ្លួន សមត្ថកិច្ចបានរឹបអូសវត្ថុតាង រួមមាន: ជញ្ជីងអេឡិចត្រូនិច ម៉ាក Poeket Scalp ពណ៌ខ្មៅ ចំនួន០១គ្រឿង, ដែកកេះហ្កាស០២, ទុយោជក់០៥, ថង់ផ្លាស្ទីលតូច១១, ក្រដាស់អាលុយម៊ីញូម ០២បន្ទះ និងស្ករកៅស៊ូដាប់បិលមីន ០១ប្រអប់ និង០១គ្រាប់។ ទោះបីយ៉ាងណា នៅរសៀល ថ្ងៃទី៣០ ខែកក្កដា ឆ្នាំ២០១៥នេះ កម្លាំងសមត្ថកិច្ចជំនាញ បានរៀបចំឯកសារ បញ្ជូនខ្លួនជនសង្ស័យរូបនេះ ទៅកាន់សាលាដំបូងខេត្ត ដើម្បីចាត់ការតាមច្បាប់៕

Photo by DAP-News

Photo by DAP-News

ចលនា យុវជនកម្ពុជា (ក្រុម១៥៧) សាខា ខេត្តព្រះសីហនុ យកអំណោយ ជាថវិកា ទៅជូនសមាជិកខ្លួន ដែលកំពុងមានជំងឺ

E-mail Print PDF

ព្រះសីហនុៈ នៅរសៀលថ្ងៃទី៣០ ខែកក្កដា ឆ្នាំ២០១៥ លោក ទៀ សុខា ប្រធានចលនាយុវជនកម្ពុជា (ក្រុម១៥៧) សាខាខេត្តព្រះសីហនុ បានដឹកនាំសមាជិករបស់ខ្លួន ទៅសាកសួរសុខទុក្ខ និងផ្តល់អំណោយជាថវិកា ទៅជូនលោក ទៀ ណារិន សមាជិកចលនាយុវជនកម្ពុជា (ក្រុម១៥៧) សាខាខេត្តព្រះសីហនុ ដែលមានជំងឺប្រចាំកាយ ហើយកំពុងសំរាកព្យាបាលនៅផ្ទះរបស់ខ្លួនស្ថិតនៅសង្កាត់លេខ៣ ក្រុងខេត្តព្រះសីហនុ ។

លោក ទៀ សុខា បានថ្លែងក្នុងឱកាសនោះថា ក្នុងនាមលោក ម៉ឹង ពន្លក ប្រធានចលនាយុវជនកម្ពុជា (ក្រុម១៥៧) និងលោកបណ្ឌិត ហ៊ុន ម៉ាណែត ស្ថាបនិកចលនាយុវជនកម្ពុជា (ក្រុម១៥៧) និងក្នុងនាមលោកផ្ទាល់ មិនដែលមានគំនិត បោះបង់ចោលសមាជិករបស់ខ្លួននោះទេ គឺតែងតែយកចិត្តទុកដាក់ជានិច្ច បើទោះបីជា មានសមាជិកណាម្នាក់មានជំងឺ គឺយើងសហការគ្នា ក្នុងការជួយគ្នាទៅវិញទៅមក ដើម្បីជួយសម្រាលនូវទុក្ខលំបាករបស់ខ្លួន ។

ក្នុងឱកាសនោះលោក ទៀ សុខា ក៏បានផ្តល់អំណោយ ជាថវិកាដែលប្រមូលបាន ពីសមាជិករបស់ខ្លួនចំនួន  ៣០០០ដុល្លារ និងអំណោយពីលោកឧកញ៉ា ទៀ វិចិត្រ ដែលរស់នៅក្នុងក្រុងព្រះសីហនុ ក៏បានឧបត្ថម្ភចំនួន ៥០០ដុល្លារ ផ្តល់ជូនលោក ទៀ ណារិន ផងដែរ ។

លោកស្រីជាភរិយាលោក ទៀ ណារិន ក្នុងនាមស្វាមីរបស់គាត់ បានសម្តែងអារម្មណ៍មនោសញ្ចេតនា សប្បាយរីករាយយ៉ាងខ្លាំង នៅពេលដែលឃើញលោក ទៀ សុខា ប្រធានចលនាយុវជនកម្ពុជា (ក្រុម១៥៧) សាខាខេត្តព្រះសីហនុ ដឹកនាំសមាជិករបស់ខ្លួន យ៉ាងច្រើន មកសាកសួរសុខទុក្ខស្វាមីរបស់គាត់ ដែលកំពុងមានជំងឺ ហើយកំពុងសម្រាកព្យាបាលនៅផ្ទះ ។

លោកស្រីជាភរិយាលោក ទៀ ណារិន ក៏បានថ្លែងអំណរគុណ យ៉ាងជ្រាលជ្រៅបំផុត ជូនចំពោះលោក ម៉ឹង ពន្លក ប្រធានចលនាយុវជនកម្ពុជា (ក្រុម១៥៧) លោកបណ្ឌិត ហ៊ុន ម៉ាណែត ស្ថាបនិកចលនាយុវជនកម្ពុជា (ក្រុម១៥៧) និងលោក ទៀ សុខា ប្រធានចលនាយុវជនកម្ពុជា (ក្រុម១៥៧) សាខាខេត្តព្រះសីហនុ ព្រមទាំងសមាជិកទាំងអស់ សូមឲ្យជួបតែសេចក្តីសុខសប្បាយ និងជោគជ័យគ្រប់ភារកិច្ចផងដែរ ៕

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Page 9 of 257