aaa

Wednesday, Feb 10th

| English Version | dapnews: 012 722 337, 097 9999 883, email: soyvicheth@gmail.com

ស្នងការខេត្តប៉ៃលិន បង្ហាញលទ្ធផល នៃការបង្ក្រាបក្រុមចោរ ប្លន់ប្រដាប់អាវុធ ផ្ទះវិងយីហោ ហេង រចនា

E-mail Print PDF

ប៉ៃលិន៖ លោកឧត្តមសេនីយ៍ត្រី ជា ចាន់ឌិន ស្នងការខេត្ត បានឲ្យដឹង នៅព្រឹកថ្ងៃទី៨ ខែកុម្ភះ ឆ្នាំ២០១៦ នេះថា កម្លាំងនគរបាលខេត្តប៉ៃលិន បានបង្ហាញ ពីលទ្ធផលការបង្ក្រាបក្រុមចោរប្លន់ នៅត្រង់ចំណុច ក្នុងភូមិប៉ាងរលឹម សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន កាលពីថ្ងៃទី០២ ខែកុម្ភៈ ឆ្នាំ២០១៦ វេលាម៉ោង ០៩៖២០នាទី ព្រឹក ដោយមានកិច្ចសហការ ពីនគរបាលព្រហ្មទណ្ឌ ក្រសួងមហាផ្ទៃ ឈានទៅរកចាប់ខ្លួនជនសង្ស័យចំនួន ២នាក់ នៅចំណុចច្រមុះ ជ្រូកការ៉ាសសាំងសូគីមិច ក្បាលថ្នល់។

បើតាមលោកឧត្តមសេនីយ៍ត្រី ជា ចាន់ឌិន បានបញ្ជាក់ថា ជនសង្ស័យដែលត្រូវចាប់ខ្លួន ទី១.ឈ្មោះ ហ៊ត វិសិទ្ធ ហៅ ចិន រឺអូន ភេទប្រុស អាយុ ២៧ឆ្នាំ មុខរបេមិនពិតប្រាកដ ជាជនដៃដល់កាន់ពូថៅ និងទី២.ឈ្មោះ ហង់ ហំ ហៅ សេង ដា ភេទប្រុស អាយុ ៣៥ឆ្នាំ មុខរបរមិនពិតប្រាកដ ជាមេក្លោង ក្រោយឃាត់ខ្លួន ជនសង្ស័យត្រូវបាននាំខ្លួនមកកាន់នាយកដ្ឋាន ព្រហ្មទណ្ឌក្រសួងមហាផ្ទៃ ដើម្បីសាកសួរ។

លោកស្នងការនគរបាលខេត្តប៉ៃលិន បានបន្តទៀថា នៅថ្ងៃទី៣ ខែកុម្ភៈ ឆ្នាំ២០១៦ នគរបាលខេត្តប៉ៃលិន បាននាំខ្លួនជនសង្ស័យ មកកាន់ស្នងការដ្ឋាន នគរបាលខេត្តប៉ៃលិន ដើម្បីសាកសួរបំភ្លឺ ពីរឿងហេតុ ដែលកើតឡើង ក្រោយមកជនសង្ស័យ បានសារភាពពីសកម្មភាពប្លន់ ពិតប្រាកដមែន និងចង្អុលបង្ហាញ ដល់បក្សពួកម្នាក់ទៀត ដែលមានឈ្មោះ ហុង ប៊ុនហេង ហៅ ប៊ូកគី ភេទប្រុស អាយុ ៣៦ឆ្នាំ មុខរបរមិនពិតប្រាកដ ជាជនដៃដល់កាន់អាវុធ បានរត់គេចខ្លួន ទៅរស់នៅក្នុងស្រុកបាទី ខេត្តតាកែវ។

ភ្លាមៗនោះ លោកស្នងការនគរបាលខេត្តប៉ៃលិន បានសុំដីការបញ្ជា អោយចូលខ្លួន ពីលោកព្រះរាជអាជ្ញា ខេត្តប៉ៃលិន ក្រោយមកសមត្ថកិច្ចជំនាញ បានរាយការណ៍ ជូនទៅនាយកដ្ឋានព្រហ្មទណ្ឌ របស់ក្រសួងមហាផ្ទៃ និងស្នងការនគរបាលខេត្តតាកែវ ដើម្បីសុំកិច្ចសហការ ទៅនាំខ្លួនជនសង្ស័យ ឈ្មោះ ហុង ប៊ុន ហេង ហៅ ប៊ូកគី កាលពី ថ្ងៃទី៥ ខែកុម្ភៈ ឆ្នាំ២០១៦ នាំខ្លួនមកកាន់ស្នងការដ្ឋាន នគរបាលខេត្តប៉ៃលិន ដើម្បីសាកសួរបំភ្លឺ និងកសាងសុំណុំរឿង បញ្ជូនទៅតុលាការ ចាត់ការបន្តតាមនិតិវិធីច្បាប់។

លុះមកដល់ថ្ងៃទី៧ ខែកុម្ភៈ ឆ្នាំ២០១៦ កម្លាំងជំនាញ នៃស្នងការដ្ឋាន នគរបាលខេត្តប៉ៃលិន បានសហការជាមួយ កម្លាំងនគរបាល នាយកដ្ឋានព្រហ្មទណ្ឌ របស់ក្រសួងមហាផ្ទៃ ដើម្បីធ្វើការឃាត់ខ្លួន ប្រពន្ធរបស់ជនដៃដល់ ឈ្មោះ ហ៊ត វិសិទ្ធ ហៅអូន រឺចិន ដើម្បីរុករក និងដកហូតបានអាវុធ AK កាត់ស្វ័យ និងកាត់កាណុងចំនួន ០១ដើម។ ជាលទ្ធផលកម្លាំងជំនាញ បានដកហូតវត្ថុតាងរួមមានៈ អាវុធ AK កាត់ស្វ័យ និងកាត់កាណុងចំនួន ១ដើម រថយន្ត Lexus RX300 ពណ៌ខ្មៅ ពាក់ស្លាកលេខ ភ្នំពេញ 2L-6481 ចំនួន ១គ្រឿង ម៉ូតូម៉ាក់ Wave S ពណ៌ក្រហមខ្មៅ ពាក់ស្លាកលេខ បាត់ដំបង 1K-3640 ចំនួន ១គ្រឿង ពូថៅដៃចំនួន១ ពិលឆ្លោះពាក់លើក្បាល ចំនួន ២ ម៉ាសបិទមុខពណ៌ខ្មៅចំនួន១ និងក្រដាសវេលុយវិងចំនួន ១សន្លឹក៕

ប្រទះឃើញបុរសម្នាក់ ដេកស្លាប់ ក្នុងបន្ទប់ KTV ខេវ័ន ក្រុងប៉ោយប៉ែត

E-mail Print PDF

បន្ទាយមានជ័យ៖ នៅថ្ងៃទី០៨ ខែកុម្ភៈ ឆ្នាំ២០១៦នេះ បុរសវ័យ៣០ឆ្នាំម្នាក់ ត្រូវគេប្រទះឃើញដេកស្លាប់ ក្នុងហាង KTV មួយយីហោ ខេវ័ន ស្ថិតក្នុងភូមិ ក្បាលស្ពាន១ សង្កាត់/ក្រុងប៉ោយប៉ែត ខេត្តបន្ទាយមានជ័យ ទាំងគ្មានមូលហេតុ ហេតុការណ៍នេះកើតឡើងកាលពីវេលា ម៉ោង៣រសៀល ថ្ងៃទី០៨ ខែកុម្ភៈ ឆ្នាំ២០១៦ ជំហ៊ានដំបូង ត្រូវបានគេសង្ស័យថា ជាអំពើរឃាតកម្ម។

បុរសដែលស្លាប់បាត់បង់ ជីវិតមានឈ្មោះ ឌី គឹមសែ ភេទប្រុស អាយុ៣០ឆ្នាំ រស់នៅភូមិបាលិលេយ្យ២ សង្កាត់/ក្រុងប៉ោយប៉ែត ខេត្តបន្ទាយមានជ័យ។

ក្រោយកើតហេតុ គេសង្គេតឃើញមាន ទាំងនគរបាលមូលដ្ឋាន និងកម្លាំង អ ហ ក្រុងប៉ោយប៉ែត បានចុះធ្វើការត្រួតពិនិត្យសាកសព និងទីតាំងកើតហេតុផងដែរ តែអ្វីដែលប្លែកគឺសពត្រូវបានគេបញ្ជូន ចេញភ្លាមៗយ៉ាងតក់ក្រហល់។

ជុំវិញករណីនេះលោក អ៊ុ សុផល អធិការនគរបាលក្រុងប៉ោយប៉ែត បានឲ្យដឹងតាមទូរសព្ទ័ថា ពិតជាមានមនុស្សស្លាប់ក្នុងទីតាំងលើមែន។លោកនិយាយថា អ្នកស្លាប់គឺជាបុគ្គលិកផ្នែកគិតលុយរបស់ ហាង KTV ខេវ័ន ហើយក៏ជាមនុស្សជំនាញរបស់លោក សៅ ដែលជាថៅហាងផងដែរ។

លោកអធិការបានបញ្ជាក់ថា យោងតាមការធ្វើកោសល្យវិច្ឆ័យ និងការពិនិត្យរបស់ក្រុមគ្រូពេទ្យ រកឃើញថា ជនរងគ្រោះបានស្លាប់ដោយសារធ្លាយក្រពះ ព្រោះមានឈាមហូចេញតាមមាត់ និងតាម គូថយ៉ាងច្រើន លើខ្លួនប្រាណពុំមានស្លាកស្នាមគួរ ឲ្យសង្ស័យជាប់ពាក់ពន្ធ័ និងអំពើរឃាតកម្មទេ។

ក្រោយកើតហេតុសព ត្រូវបានប្រគល់ជូនទៅឲ្យសាច់ញាតិ ទទួលយកទៅធ្វើបុណ្យតាមប្រពៃណី នៅគេហដ្ឋាន៕

សរុប ករណីអគ្គិភ័យកើតឡើង ទូទាំងប្រទេស មានចំនួន ០៥ករណី

E-mail Print PDF

ភ្នំពេញ៖ គិតត្រឹមថ្ងៃចន្ទ ទី០៨ ខែកុម្ភៈ ឆ្នាំ២០១៦នេះ ករណីដែលកើតមានក្នុងកំឡុងបុណ្យចូលឆ្នាំថ្មី ប្រពៃណីចិន មានចំនួន ០៥ករណី ដែលលាបត្របាក់ផ្ទះប្រជាពលរដ្ឋទូទាំងប្រទេស។

នៅថ្ងៃទី០៧ ខែកុម្ភៈ ឆ្នាំ២០១៦ មាន០៤ ករណី

១. រាជធានីភ្នំពេញ  ចំនួន ០២លើក ខណ្ឌ ចំការមន និងជ្រោយចង្វា

   -ឆេះរោងស្នាក់នៅរបស់ កម្មករ អស់០៦ រោងប្រក់ស័ង្កសី មូលហេតុ ឆេះធូបទៀន  និងឆេះវាលស្មៅ

២. ខេត្តកណ្ដាល  ស្រុកស្អាង

   -ឆេះផ្ទះ01 ខ្នង លុយ និងសម្ភារៈមួយចំនួន

៣. ខេត្ត កំពង់ស្ពឺ ក្រុងច្បារមន

   -ឆេះផ្ទះ04 ខ្នង មូលហេតុ ក្មេងលេងភ្លើង

៤. ខេត្ត កំពង់ធំ ស្រុក ប្រាសាទសំបូរ

   -ឆេះផ្ទះ០២ ខ្នង ស្រូវ៤០បេ លុយ៨០ម៉ឺនរៀល និងសម្ភារៈមួយចំនួន មូលហេតុ ភ្លើងទៀន ធូប

យប់ថ្ងៃទី០៨ ខែកុម្ភៈ ឆ្នាំ២០១៦ មាន ០១ករណី

១. រាជធានីភ្នំពេញ សង្កាត់ចក្រអង្រែក្រោម ខណ្ឌមានជ័យ

-ឆេះផ្ទះឈើអស់ ចំនួន97ខ្នង មូលហេតុ កំពុងស្រាវជ្រាវ

សរុបមក ករណីអគ្គិភ័យ មានចំនួន ០៥ករណី ដែលកើតមានទូទាំងប្រទេស៕

មានករណីអគ្គិភ័យ កើតឡើង០១លើក នៅខេត្តបាត់ដំបង

E-mail Print PDF

បាត់ដំបង៖ នៅថ្ងៃទី 08 ខែកុម្ភះ ឆ្នាំ2016 វេលាម៉ោង 12:05នាទី មានករណីអគ្គិភ័យ កើតឡើង01លើក នៅចំណុចក្រុមទី03 ភូមិអូរចារ សង្កាត់អូរចារ ក្រុងបាត់ដំបង ។ សំភារៈខូចខាតមាន កង់ 01 គ្រឿង,អសនៈកុងម៉ា 01 និងក្រដាស់កេះ 30 កេះ ។ មូលហេតុបណ្តាមកពី ដុតទៀន ធូប (ទុកចោល) ម្ចាស់ឈ្មោះ អ៊ូ ម៉េងអ៊ាន ភេទ ស្រី អាយុ 62 ឆ្នាំ មុខរបប លក់ចាប់ហួយ ចេញរថយន្ត 03 គ្រឿង និងកម្លាំងចំនួន 08នាក់ ប្រើប្រាស់ទឹកអស់ 01ឡាន ។

បុរសស្រ្តីជនជាតិចិន-វៀតណាម ៥នាក់ ត្រូវបានបញ្ជូនមកតុលាការ ពាក់ព័ន្ធគ្រឿងញៀន ជាច្រើនគីឡូក្រាម

E-mail Print PDF

ភ្នំពេញ៖ ស្រ្តីជនជាតិវៀតណាមម្នាក់ និងបុរសជនជាតិចិន ៣នាក់ ត្រូវបាននគរបាលប្រឆំាង បទល្មើសគ្រឿងញៀន នៃស្នងការដ្ឋាននគរបាល រាជធានីភ្នំពេញ បញ្ជូនមកកាន់ អយ្យការអមសាលាដំបូង រាជធានីភ្នំពេញ នៅរសៀលថ្ងៃទី៨ ខែកុម្ភៈ ឆ្នាំ២០១៦ នេះ បន្ទាប់ពីរកឃើញថា ពួកគេជាប់ពាក់ព័ន្ធ នឹងករណីជួញដូរគ្រឿងញៀន ជិតមួយគីឡូក្រាម។

តាមតាមមន្រ្តីតុលាការបានឲ្យដឹងថា បុរសជនជាតិចិន ៣នាក់ និង ស្ត្រីជនជាតិវៀតណាមម្នាក់ ត្រូវបានសមត្ថកិច្ចឃាត់ខ្លួន ជាបន្តបន្ទាប់ នៅយប់ថ្ងៃទី៣ ខែកុម្ភៈ ឆ្នាំ២០១៦ នៅចំណុច សណ្ឋាគារសុខាភ្នំពេញ ក្នុងសង្កាត់ជ្រោយចង្វារ ខណ្ឌជ្រោយចង្វារ។ ការឃាត់ខ្លួននេះ គឺធ្វើឡើងបន្ទាប់ពី បុគ្គលិកសណ្ឋាគារសុខា រាយការណ៍កម្លាំងនគរបាល ភ្លាមៗនោះ លោក ប៊ន សំអាត ស្នងការរង នគរបាលរាជធានីភ្នំពេញ ទទួលផែនគ្រឿងញៀន បានដឹកនាំកម្លាំង នគរបាលជំនាញ និងនគរបាលមូលដ្ឋាន ក្រោមការសម្របសម្រួល ពីស្ថាប័នតុលាការផងនោះ សមត្ថកិច្ចបានចុះទៅឆែកឆេរបន្ទប់ នៃសណ្ឋាគារសុខា ភ្នំពេញ រហូតចាប់បានជនសង្ស័យ៤នាក់ មានបុរសជនជាតិចិន ៣នាក់ និងស្ត្រីម្នាក់ជាជនជាតិវៀតណាម។

ក្នុងប្រតិបត្តិការនេះ សមត្ថកិច្ចរកឃើញគ្រឿងញៀន ប្រភេទមេតំហ្វេតាមីន ហៅម៉ាទឹកកក ជិតមួយគីឡូក្រាម ជាមួយគ្នានេះ សមត្ថកិច្ច បានបន្តឃាត់ខ្លួនបុរសជនជាតិចិនម្នាក់ទៀត ពាក់ព័ន្ធការជួញដូរគ្រឿងញៀន ប្រមាណ ៣គីឡូក្រាម។ កម្លាំងនគរបាល បានបំបែកសំណុំរឿងជាពីរ ពោលគឺ បុរសជនជាតិចិន ៣នាក់ និង ស្ត្រីជនជាតិវៀតណាមម្នាក់ ពាក់ព័ន្ធករណីជួញដូរគ្រឿងញៀន ជិតមួយគីឡូក្រាម និងបុរសជនជាតិចិនម្នាក់ ពាក់ព័ន្ធករណីជួញដូរគ្រឿងញៀន ជិត ៣គីឡូក្រាម បញ្ជូនមកតុលាការដើម្បីចាត់ការតាមច្បាប់៕

ហ៊ីយ៉ាន់ដាយ ផ្ទុះកង់មុខរ៉េ ចង្កូតបុកផ្ទះ ប្រជាពលរដ្ឋ របួសធ្ងន់និងស្រាល ៣នាក់

E-mail Print PDF

កំពង់ឆ្នាំង៖ រថយន្តហ៊ីយ៉ាន់ដាយមួយគ្រឿង ដោយសាតែបែកកង់ខាងមុខ រ៉េចង្កូតប្រាស់ចេញពីផ្លូវ បុកចូលផ្ទះប្រជាពលរដ្ឋក្រឡាប់ផ្ងាជើង ហេតុការណ៍នេះបានកើតឡើង នៅវេលាម៉ោង ៩និង៤០នាទី យប់ថ្ងៃទី៧ ខែកុម្ភៈ ឆ្នាំ២០១៦ នៅលើផ្លូវជាតិលេខ៥ ចន្លោះគីឡូម៉ែត្រ៩៧-៩៨ បុកផ្ទះដែលមានម្ចាស់ឈ្មោះ កែវ ចិន្ដា ភេទប្រុស ស្ថិតនៅក្នុងភូមិខ្វិត ឃុំពង្រ ស្រុករលាប្អៀរ ខេត្តកំពង់ឆ្នាំង។

ហេតុការណ៍នេះ បានបណ្ដាលឲ្យមនុស្ស ៣នាក់ រងរបួសធ្ងន់និងស្រាល ក្នុងនោះម្ចាស់ផ្ទះម្នាក់ បានរងរបួសស្រាលផងដែរ។

ជនរងគ្រោះ ត្រូវបានដឹកតាមរថយន្តសាមុយ ទៅសង្គ្រោះព្យាបាលនៅ មន្ទីរពេទ្យបង្អែកខេត្តកំពង់ឆ្នាំង ដោយឡែករថយន្តបង្កហេតុ ត្រូវបានកម្លាំងនគរបាលចរាចរណ៍ ស្ទូចយកទៅរក្សាទុករងចាំ ដោះស្រាយនៅពេលក្រោយ៕

សាលាដំបូង រាជធានីភ្នំពេញ សម្រេចឃុំខ្លួនអតីត អ្នកបើករថយន្ត កាពីតូល២នាក់ ដាក់ពន្ធាគារព្រៃស ជាបណ្តោះអាសន្ន

E-mail Print PDF

ភ្នំពេញ៖ ចៅក្រមស៊ើបសួរ សាលាដំបូងរាជធានីភ្នំពេញ នៅល្ងាចថ្ងៃចន្ទទី៨ ខែកុម្ភៈ ឆ្នាំ២០១៦ បានសម្រេចឃុំខ្លួន អតីតអ្នកបើកបររថយន្តឲ្យក្រុមហ៊ុនកាពីតូល ដាក់ពន្ធាគារបណ្តោះអាសន្ន ក្រោមបទចោទប្រកាន់ ប្រឆាំងអាជ្ញាធរសាធារណៈ និងញុះញង់ឲ្យប្រព្រឹត្តិបទអំពើឧក្រិដ្ឋ។

លោក គង់ អាទិត្យ មន្ត្រីសហជីព របស់ស៊ីកាឌូ ដែលត្រូវព្រះរាជអាជ្ញា ចេញដីការចោទប្រកាន់ ដែរនោះ បានថ្លែងប្រាប់ មជ្ឈមណ្ឌលព័ត៌មានដើមអម្ពិល នៅល្ងាច ម៉ោង៥និង១៥នាទី ថ្ងៃចន្ទនេះថា អតីតអ្នកបើករថយន្តពីររូបខាងលើ ត្រូវបានចៅក្រម ស៊ើបសួរសាលាដំបូងរាជធានីភ្នំពេញ ចេញដីកាឃុំខ្លួនបណ្តោះអាសន្ន ដាក់ពន្ធនាគារព្រៃស។

លោក គង់ អាទិត្យ បានបន្តថា «ការសម្រេចឃុំខ្លួននេះ គឺអយុត្តិធម៌សម្រាប់អ្នកទាំងពីរខាងលើ នេះណាស់ដោយគ្រាន់តែតវ៉ា  ដោយមិនបានប្រើអំពើហិង្សា ក្នុងការតវ៉ា ក្រុមហ៊ុនរថយន្ត កាពីតូល កាលពីថ្ងៃសៅរ៍ កន្លងទៅ ដែលបណ្តាលឲ្យ មានផ្ទុះអំពើហិង្សា នោះឡើយ»៕

ប្រវត្តិរឿង៖ មនុស្សពីរនាក់ ត្រូវបានបញ្ជូនទៅកាន់សាលាដំបូង រាជធានីភ្នំពេញ ដើម្បីសើុបសួរពាក់ព័ន្ធ នៅរសៀលថ្ងៃទី៨ ខែកុម្ភៈ ឆ្នាំ២០១៦ នេះ។

បើតាមមន្ត្រីតុលាការបានអោយដឹងថា បច្ចុប្បន្នជនសង្ស័យទាំងពីរនាក់ កំពុងស្ថិតក្រោមការសាកសួរ របស់លោកព្រះរាជអាជ្ញារង ស្រី ម៉ាលីន ស្របពេលជាមួយគ្នា នេះក្រុមអ្នកតវ៉ាដែលជាអតីត អ្នកបើកបររថយន្តក្រុង កាពីតូល បានឈរលើកបដាទាមទារ ឲ្យមានការដោះលែងមនុស្សទាំងពីរនាក់នេះ ។

របាយការណ៍របស់សមត្ថកិច្ច នគរបាលខណ្ឌ៧មករា បង្ហាញថា មនុស្សទាំងពីរនាក់នេះឈ្មោះ ណន វណ្ណា អាយុ៣៨ឆ្នាំ មុខរបរជាអតីតអ្នកបើកបររថយន្ត ក្រុងកាពីតូល មានទីលំនៅផ្ទុះជួល ផ្លូវលំ សង្កាត់ភ្នំពេញថ្មី ខណ្ឌសែនសុខ និង ឈ្មោះ រស់ ស៊ីផៃ អាយុ៣៣ឆ្នាំ មានមុខរបរជាអ្នករត់ម៉ូតូឌុប មានទីលំនៅផ្ទុះលេខ៥៨០ ផ្លូវឡកំបោ សង្កាត់ស្វាយប៉ាក ខណ្ឌព្រែកព្នៅ ត្រូវបានសមត្ថកិច្ចឃាត់ខ្លួនកាលពីថ្ងៃទី៦ ខែកុម្ភៈ ឆ្នាំ២០១៦ យោងតាមពាក្យបណ្ដឹងរបស់ឈ្មោះ ឆែល វណ្ណណេង អាយុ២៣ឆ្នាំ ជានគរបាលប៉ុស្តិ៍វាលវង់ និង ឈ្មោះ អ៊ូ ពៅ អាយុ៤២ឆ្នាំ ជាអធិការរងនគរបាលខណ្ឌ៧មករា ។

អធិការរងនគរបាលខណ្ឌមករា លោក អ៊ូ ពៅ បានរៀបរាប់ក្នុងពាក្យបណ្ដឹង ថា កាលវេលាម៉ោង៧ព្រឹក ថ្ងៃទី៦ ខែកុម្ភៈ ឆ្នាំ២០១៦ ខ្លួនត្រូវបានអង្គភាពចាត់តាំង ឲ្យការពារក្រុមបាតុករជាមួយ ក្រុមហ៊ុនកាពីតូល ជាមួយកម្លាំងរបស់អធិការដ្ឋាន នគរបាលខណ្ឌ៧មករា ស្រាប់តែពេលនោះ ក្រុមបាតុករ ក្រុមរ៉ឺម៉កកង់បី និង ក្រុមរត់ម៉ូតូឌុបមួយក្រុមទៀត ប្រតាយប្រតប់ប៉ះទង្គិចគ្នា ជាមួយសមត្ថកិច្ចផ្សេងទៀត ខ្លួនក៏ចូលជួយអន្តរាគមន៍ ក៏ត្រូវក្រុមបាតុករគប់ដុំថ្ម បណ្តាលឲ្យរបួស ភ្នែកខាងឆ្វេង ។

ចំណែកនគរបាលប៉ុស្តិ៍វាលវង់ លោក ឆែល វណ្ណណេង ត្រូវបានក្រុមបាតុករគប់ដុំថ្ម បណ្តាលឲ្យរបួសបែកមាត់ និង រង្គើធ្មេញ៤ ព្រមទាំងបាត់ទូរស័ព្ទ IPhone 6 មួយគ្រឿង ។ ទោះបីយ៉ាងណា នៅដំណាក់កាលសមត្ថកិច្ច ជនសង្ស័យទាំងពីរនាក់ បានបដិសេធថា ខ្លួនពុំបានប្រព្រឹត្តហិង្សា លើសមត្ថកិច្ចដូចការចោទប្រកាន់ នោះទេ ៕

លោក កុល វីរក្ស នាំមូលនិធិ សម្តេចក្រឡាហោម ស ខេង ចែកជូន​ប្រជាពលរដ្ឋ ១០ ឃុំ នៅស្រុកសង្កែ

E-mail Print PDF

បាត់ដំបង៖ ប្រជាពលរដ្ឋដែលមាន សមាជិកទទួលមរណភាព និងគ្រួសារប្រជាពលរដ្ឋ ដែលទើបនឹងឆ្លងទន្លេ រួចចំនួន១០ឃុំ នៅក្នុងស្រុកសង្កែ ខេត្តបាត់ដំបង នាថ្មីៗនេះ បានទទួលថវិកាចំនួន ១១៩លានរៀល ពីមូលនិធិសម្តេចក្រឡាហោម ស ខេង ។

មូលនិធីនេះ ត្រូវបានបង្កើតឡើង ដើម្បីជួយដល់ប្រជាពលរដ្ឋ ដែលទើបនឹងឆ្លងទន្លេ និងគ្រួសារប្រជាពលរដ្ឋ ដែលមានសមាជិកទទួលមរណភាព នៅក្នុងមូលដ្ឋាននានា។

សម្រាប់ថវិកាឧបត្ថម្ភដល់គ្រួសារប្រជាពលរដ្ឋនៅខេត្តបាត់ដំបងពេលនេះ ត្រូវបាននាំយកទៅជូនប្រជាពលរដ្ឋដោយ លោក កុល វីរក្ស អនុរដ្ឋលេខាធិការ ក្រសួងមហាផ្ទៃ និងជាប្រធានក្រុមការងារថ្នាក់ជាតិ ស្រុកសង្កែ ខេត្តបាត់ដំបង។ លោក កុល វីរក្ស និងក្រុមការងារ ក៏បានចុះទៅដល់ផ្ទះប្រជាជននៅឃុំតាប៉ុន ស្រុងសង្កែ ចំនួន៨៩គ្រួសារ ដែលត្រូវទទួលបានមូលនិធីវគ្គនេះផងដែរ។

លោក កុល វីរក្ស បាននាំយកនូវការផ្តាំផ្ញើសួរសុខទុក្ខពីសំណាក់ សម្តេចក្រឡាហោម ស ខេង និងចូលរួមរំលែកទុក្ខចំពោះគ្រួសារ ដែលមានសមាជិកគ្រួសារ ទទួលមរណភាព និងអបអរសាទរ ចំពោះគ្រួសារ ដែលទើបបានសមាជិកថ្មី។

លោកសង្ឃឹមថា កុមារទាំងនោះ ក្រោមការបីបាច់ពី ក្រុមគ្រួសារ នៅអនាគតនឹងក្លាយជា ទំពាំងស្នងឫស្សី និងរួមចំណែកនាំនាវាកម្ពុជា មានសន្ទុះកាន់តែលឿន និងឈានទាន់ប្រទេស រីកចំរើននៅលើពិភពលោក៕

សម្តេចតេជោ ហ៊ុន សែន ការផលិតភាពយន្ត របស់លោកស្រី Angelina Jolie ពាក់ព័ន្ធរបបប៉ុលពត គឺមានសារៈសំខាន់ណាស់

E-mail Print PDF

ភ្នំពេញ៖ សម្តេចតេជោ ហ៊ុន សែន នៅរសៀលថ្ងៃទី៨ ខែកុម្ភៈ ឆ្នាំ២០១៦ នេះ បានសរសេរនៅលើហ្វេសប៊ុកសម្តេចថា «ការចូលរួមផលិតខ្សែភាពយន្ត ឯកសារស្តីពី ប្រវត្តិជីវិតក្នុងប្រល័យ ពូជសាសន៍របបប៉ុលពត (១៩៧៥-១៩៧៩) ដែលកំពុងរៀបចំដោយ លោកស្រី Angelina Jolie តារាភាពយន្ត Hollywood អាមេរិកគឺពិតជាមាន សារៈប្រយោជន៍ដល់ការយល់ដឹង បន្ថែមអំពីជីវិតតស៊ូរស់នៅពិតក្នុងរបប វាលពិឃាត»។

សម្តេចតេជោ បានបន្តសរសេរទៀតថា« ដោយសារសង្រ្គាម និងការកាប់សម្លាប់ ការបង្ខំធ្វើការលើសកម្លាំង ការបង្អត់អាហារនៅក្រោមការដឹកនាំរបស់ ប៉ុល ពត ទើបធ្វើអោយពលរដ្ឋខ្មែរ ជាច្រើនលាននាក់ត្រូវបានស្លាប់ យ៉ាងអាណោចអាធម្ម ក្នុងរយៈពេល ៣ ឆ្នាំ ៨ ខែ២០ ថ្ងៃ»។

ប្រមុខរដ្ឋាភិបាលបានបន្តសរសេរថា «យុវជនខ្មែរដែលកើតមិនទាន់ មួយចំនួនគឺមិនប្រាកដជាមិនជឿថាខ្មែរ យើងមានរបបបែបនេះកើតមាននៅ លើទឹកដីកម្ពុជា។ អ្វីដែលកើតឡើងនៅពេលនោះ គឺយើងមិនអោយកើតឡើងជាបន្តទៀត នៅលើទឹកដីកម្ពុជា ក៏ដូចជានៅតាមបណ្តាប្រទេសផ្សេងៗទៀត»។

ប្រមុខរដ្ឋាភិបាលបានបន្ត សរសេរបន្ថែមទៀតថា «ប្រទេសជាតិយើងនៅពេលនេះ គឺកំពុងបោះជំហានឆ្ពោះទៅមុខក្រោម ម្លប់សន្តិភាព និងក្រោមការដឹកនាំប្រកបដោយ គតិបណ្ឌិត សម្តេចតេជោ ហ៊ុន សែន ដែលជាទីសង្ឃឹមរបស់កម្ពុជាទាំងមូល។ យើងរួមគ្នាថែរក្សា ការពារសន្តិភាព ដើម្បីកម្ពុជាកាន់ តែរីកចម្រើនលូតលាស់ខ្ពស់ត្រដែត ទៅមុខជានិច្ច។សន្តិភាព បានផ្តល់ឱកាសដល់បរទេសមកកំសាន្ត មកប្រកបអាជីវកម្ម និង មកផលិតខ្សែភាពយន្ត នៅក្នុងប្រទេស យើងដូចជាតារាហូលីវូដនេះ ជាដើម»៕

បញ្ជូនមនុស្សពីរនាក់ ទៅតុលាការ ពាក់ព័ន្ធ និងករណីហិង្សា រវាងអតីតអ្នកបើកបរ រថយន្តក្រុងកាពីតូល និងក្រុមរ៉ឺម៉កកង់បី

E-mail Print PDF

ភ្នំពេញ៖ មនុស្សពីរនាក់ ត្រូវបានបញ្ជូនទៅកាន់សាលាដំបូង រាជធានីភ្នំពេញ ដើម្បីសើុបសួរពាក់ព័ន្ធ នៅរសៀលថ្ងៃទី៨ ខែកុម្ភៈ ឆ្នាំ២០១៦ នេះ។

បើតាមមន្ត្រីតុលាការបានអោយដឹងថា បច្ចុប្បន្នជនសង្ស័យទាំងពីរនាក់ កំពុងស្ថិតក្រោមការសាកសួរ របស់លោកព្រះរាជអាជ្ញារង ស្រី ម៉ាលីន ស្របពេលជាមួយគ្នា នេះក្រុមអ្នកតវ៉ាដែលជាអតីត អ្នកបើកបររថយន្តក្រុង កាពីតូល បានឈរលើកបដាទាមទារ ឲ្យមានការដោះលែងមនុស្សទាំងពីរនាក់នេះ ។

របាយការណ៍របស់សមត្ថកិច្ច នគរបាលខណ្ឌ៧មករា បង្ហាញថា មនុស្សទាំងពីរនាក់នេះឈ្មោះ ណន វណ្ណា អាយុ៣៨ឆ្នាំ មុខរបរជាអតីតអ្នកបើកបររថយន្ត ក្រុងកាពីតូល មានទីលំនៅផ្ទុះជួល ផ្លូវលំ សង្កាត់ភ្នំពេញថ្មី ខណ្ឌសែនសុខ និង ឈ្មោះ រស់ ស៊ីផៃ អាយុ៣៣ឆ្នាំ មានមុខរបរជាអ្នករត់ម៉ូតូឌុប មានទីលំនៅផ្ទុះលេខ៥៨០ ផ្លូវឡកំបោ សង្កាត់ស្វាយប៉ាក ខណ្ឌព្រែកព្នៅ ត្រូវបានសមត្ថកិច្ចឃាត់ខ្លួនកាលពីថ្ងៃទី៦ ខែកុម្ភៈ ឆ្នាំ២០១៦ យោងតាមពាក្យបណ្ដឹងរបស់ឈ្មោះ ឆែល វណ្ណណេង អាយុ២៣ឆ្នាំ ជានគរបាលប៉ុស្តិ៍វាលវង់ និង ឈ្មោះ អ៊ូ ពៅ អាយុ៤២ឆ្នាំ ជាអធិការរងនគរបាលខណ្ឌ៧មករា ។

អធិការរងនគរបាលខណ្ឌមករា លោក អ៊ូ ពៅ បានរៀបរាប់ក្នុងពាក្យបណ្ដឹង ថា កាលវេលាម៉ោង៧ព្រឹក ថ្ងៃទី៦ ខែកុម្ភៈ ឆ្នាំ២០១៦ ខ្លួនត្រូវបានអង្គភាពចាត់តាំង ឲ្យការពារក្រុមបាតុករជាមួយ ក្រុមហ៊ុនកាពីតូល ជាមួយកម្លាំងរបស់អធិការដ្ឋាន នគរបាលខណ្ឌ៧មករា ស្រាប់តែពេលនោះ ក្រុមបាតុករ ក្រុមរ៉ឺម៉កកង់បី និង ក្រុមរត់ម៉ូតូឌុបមួយក្រុមទៀត ប្រតាយប្រតប់ប៉ះទង្គិចគ្នា ជាមួយសមត្ថកិច្ចផ្សេងទៀត ខ្លួនក៏ចូលជួយអន្តរាគមន៍ ក៏ត្រូវក្រុមបាតុករគប់ដុំថ្ម បណ្តាលឲ្យរបួស ភ្នែកខាងឆ្វេង ។

ចំណែកនគរបាលប៉ុស្តិ៍វាលវង់ លោក ឆែល វណ្ណណេង ត្រូវបានក្រុមបាតុករគប់ដុំថ្ម បណ្តាលឲ្យរបួសបែកមាត់ និង រង្គើធ្មេញ៤ ព្រមទាំងបាត់ទូរស័ព្ទ IPhone 6 មួយគ្រឿង ។ ទោះបីយ៉ាងណា នៅដំណាក់កាលសមត្ថកិច្ច ជនសង្ស័យទាំងពីរនាក់ បានបដិសេធថា ខ្លួនពុំបានប្រព្រឹត្តហិង្សា លើសមត្ថកិច្ចដូចការចោទប្រកាន់ នោះទេ ៕

ពលករខ្មែរ មួយរថយន្តជួប គ្រោះថ្នាក់ចរាចរណ៍ នៅថៃ របួសធ្ងន់ស្រាល ១៩នាក់ ខណៈឆ្លងដែន ខុសច្បាប់ទៅរក ការងារធ្វើនៅថៃ

E-mail Print PDF

ស្រះកែវ៖ ពលរដ្ឋខ្មែរជាច្រើននាក់ បានរងរបួសធ្ងន់ស្រាល ដោយសារគ្រោះថ្នាក់ចរាចរណ៍ ខណៈជិះរថយន្តឆ្លងដែន ទៅរកការងារធ្វើក្នុងប្រទេសថៃ បន្ទាប់ពីឆ្លងដែន បានតែប៉ុន្មានគីឡូម៉ែត្រពី ព្រំដែនកម្ពុជារថយន្តដែលពួកគេជិះ នោះបានបុកជាមួយ រថយន្តបែនដឹកដីពីក្រោយ កាលពីថ្ងៃទី០៧ ខែកុម្ភៈ ឆ្នាំ២០១៦ នៅចំនុច ភូមិផនសាន់ ឃុំវាន់ណាំយ៉េន ស្រុកខៅឆាក់កាន ខេត្តស្រះកែវ។

ក្នុងហេតុការណ៍ គ្រោះថ្នាក់ចរាចរណ៍នោះ បានបណ្តាលឲ្យ មនុស្ស១៩នាក់ រងរបួសធ្ងន់ស្រាល ស្រី១០នាក់ ប្រុស០៩នាក់ ខណៈពេលនេះកំពុង សម្រាកព្យាបាល និងសង្គ្រោះបន្ទាន់ នៅមន្ទីរពេទ្យក្នុងខេត្តស្រះកែវ។

ការសែតក្នុងស្រុករបស់ថៃ បានចេញផ្សាយថា ពលរដ្ឋខ្មែទាំង១០នាក់ គឺឆ្លងដែនខុសច្បាប់ ចូលតាមច្រក របៀង ដើម្បីចូលទឹកដីថៃ ស្វែករកការងារធ្វើ នៅពេលជិះររថយន្ត អ៊ីស៊ូស៊ូមួយបាំងកន្លះ មិនបានប៉ុន្មានគឺឡូម៉ែត្រផង មកដល់ចំនុច វ៉ាន់ណាំយ៉េន ក៏បានបុករថយន្ត ដឹកដីពីក្រោយ ទើបបណ្តាលឲ្យមាន មនុស្សរបួសធ្ងន់ស្រាល ភ្លាមៗ ជនរងគ្រោះត្រូវបានគេបញ្ជូនទៅ សង្គ្រោះនៅមន្ទីរពេទ្យ។

គិតមកដល់ ម៉ោ១២និង៣០នាទីថ្ងៃទី០៨ ខែកុម្ភៈ ឆ្នាំ២០១៦នេះ ជនរងគ្រោះពលករខ្មែរទាំងនោះស្ថិតក្នុង ការជួយសង្គ្រោះរបស់ក្រុមគ្រូពេទ្យនៅឡើយ តែពុំមាននរណាម្ចាស់ ស្លាប់បាត់បង់ជីវិតនោះទេ។

ពាក់ពន្ធ័ករណីខាងលើ មជ្ឈមណ្ឌលព័ត៌មាន ដើមអម្ពិល មិនអាចសុំការអធិប្បាយពីលោក ប៊ុន សុខវិបុល អគ្គកុងស៊ុលកម្ពុជា ប្រចាំខេត្ត ស្រះកែវ ប្រទេសថៃបានទេ ព្រោះទូរសព្ទ័ទាក់ទងមិនបាន។

ពត៌មានប្រែប្រួលយ៉ាងណា យើងខ្ញុំនឹងផ្សាយជូនបន្តទៀតនាពេលខាងមុខ។

Page 10 of 820