left
Safe Home
Safe Home
Safe Home

Dap News...Admin

Monday, May 25th

| English Version | dapnews: 012 571 704, 097 9999 883, email: lim.cheavutha@gmail.com

You are here:
 
Cellcard

លោក វង សូត រដ្ឋមន្រ្តីក្រសួងសង្គមកិច្ច អនុញ្ញាតឲ្យគណៈប្រតិភូ អង្គការកុមារអាស៊ី អាស្ពេកា ចូលជួបសម្តែងការ គួរសម និងពិភាក្សាការងារ

E-mail Print PDF

ភ្នំពេញ ៖ នៅទីស្តីការក្រសួងសង្គកិច្ច កាលពីថ្ងៃទី២២ ខែឧសភា ឆ្នាំ២០១៥ លោក វង សូត រដ្ឋមន្រ្តីក្រសួងសង្គម កិច្ច អតីតយុទ្ធជន និងយុវនីតិសម្បទា បានអនុញ្ញាតឲ្យគណៈប្រតិភូ របស់អង្គការកុមារអាស៊ី អាស្ពេកា ដែលដឹកនាំ ដោយលោក Etienne Rousel lប្រធានកិត្តិយស អង្គការកុមារអាស៊ីអាស្ពេកា ប្រចាំប្រទេសបារាំង ចូលជួបសម្តែងការ គួរសម និងពិភាក្សាការងារ ពាក់ព័ន្ធនឹងសុខុមាលភាពកុមារនៅក្នុងមណ្ឌល ។ លោកEtienne Rousell បានលើក ឡើងថា អង្គការកុមារអាស៊ីអេស្ពេកា មានក្នុងកិច្ចសហការជាមួយក្រសួងសង្គមកិច្ចនោះ គឺជួយផ្តល់ថវិកាបន្ថែម លើ គោលនយោបាយ របស់កុមារក្នុងម្នាក់ៗ ២៥ដុល្លារអាមេរិក លើការចំណាយសម្រាប់ការរៀនសូត្រ អាហារ សកម្ម ភាពផ្សេងៗ ដូចជាកីឡា កសិកម្ម បណ្ណាល័យ ការរៀនភាសារអង់គ្លេសជាដើម ។ លោកបានបន្តឲ្យដឹងទៀតថា បច្ចុប្បន្នអង្គការកុមារអាស៊ីអេស្ពេកា កំពុងបន្តជួយកុមារ នៅក្នុងមណ្ឌលរបស់រាជរដ្ឋាភិបាល ១៦មណ្ឌល មានកុមារ ជាង ១ពាន់នាក់ មណ្ឌលរបស់អង្គការផ្ទាល់ ចំនួន៨មណ្ឌល មានកុមារជាង២០០នាក់ កុមាររស់នៅតាមសហគមន៍ និងវត្តអារាមន៍ មានចំនួនជាង ៧០០នាក់ និងកុមារជនជាតិភាគតិច នៅបានលុង និងខេត្តស្ទឹងត្រែង មានចំនួន ជាង ៣០០នាក់ សរុប ជាងជាង ២០០០នាក់ ដោយគ្រោងចំណាយថវិកាជាង ៣លានដុល្លារអាមេរិកសម្រាប់ឆ្នាំ២០១៥-២០១៧នេះ ។

ទាក់ទិននឹងការជួយដល់កុមារនេះដែរ លោក វង សូត រដ្ឋមន្រ្តីក្រសួងសង្គកិច្ច អតីតយុទ្ធជន និងយុវនីតិសម្បទា បាន ថ្លែងនូវកិច្ចស្វាគមន៍ កោតសរសើរយ៉ាងកក់ក្តៅ ចំពោះអង្គការកុមារអាស៊ីអេស្ពេកា ដែលបានខិតខំប្រឹងប្រែង ដោយ មានការទទួលខុសត្រូវ ក្នុងការផ្តល់សេវាដល់កុមារនៅក្នុងមណ្ឌលទាំងនោះ ឲ្យបានចូលរៀនតាំងពីបឋមសិក្សា រហូត ដល់ឧត្តមសិក្សា ដោយទទួលបានផលវិជ្ជមានយ៉ាងល្អប្រសើរ ។

លោកមានប្រសាសន៍លើកឡើងបន្តទៀតថា ដើម្បីជួយដល់កុមារ ដែលកំពុងរស់នៅតាមមណ្ឌលរដ្ឋទាំងអស់បន្ថែម ទៀតនោះ ក្រសួងសេដ្ឋកិច្ច និងហិរញ្ញវត្ថុ បានឯកភាពតាមគោលការណ៍ ដោយចាប់ពីខែមិថុនា ឆ្នាំ២០១៥នេះទៅ កុមារនៅតាមមណ្ឌល និងទទួលបានរបបប្រាក់ឧបត្តម្ភបន្ថែម ដើម្បីជួយលើកកម្ពស់កម្រិតជីវភាពរស់នៅរបស់កុមារ នៅក្នុងមណ្ឌលឲ្យកាន់តែប្រសើរ ក្នុងការអភិវឌ្ឍន៍វឌ្ឍនភាពរបស់ពួកគេផ្ទាល់ ។

ជាទីបញ្ចប់ លោក វង សូត រដ្ឋមន្រ្តីក្រសួងសង្គមកិច្ច ក៏បានសង្ឃឹមយ៉ាងមុតមាំថា នឹងបន្តកិច្ចសហប្រតិបត្តិការយូរ អង្វែងទៀត ជាមួយអង្គការកុមារអាស៊ីអាស្ពេកា ឲ្យរិតតែប្រសើរឡើង ដើម្បីរួមគ្នាការពារឧត្តមប្រយោជន៍ របស់កុមារ នៅតាមមណ្ឌលឲ្យទទួលបានសិទ្ធិមូលដ្ឋានទាំងបួន ដូចកុមារដទៃទៀត ៕

ខ្យល់កន្ដ្រាក់ បំផ្លាញផ្ទះ ៥២ខ្នង នៅស្រុកឈូក

E-mail Print PDF

កំពត ៖ ផ្ទះប្រជាពលរដ្ឋ ៥២ខ្នង ក្នុងស្រុកឈូក ខេត្ដកំពត ត្រូវបំផ្លាញ ដោយសារមានភ្លៀងលាយខ្យល់កន្ដ្រាក់ បោក បក់បណ្ដាលឱ្យផ្ទះហក់ចេញពីជើងតាង និងប៉ើងដំបូល និងជញ្ជាំង កាលពីវេលា ម៉ោង ១ និង៣០នាទីរសៀល ថ្ងៃទី ២២ ខែឧសភា ឆ្នាំ២០១៥ ។

មន្ត្រីសាលាស្រុកឈូក បានប្រាប់មជ្ឈមណ្ឌលព័ត៌មាន ដើមអម្ពិលឲ្យដឹងថា ក្នុងគ្រោះធម្មជាតិមួយនេះ បណ្តាលឲ្យ របួសក្មេងម្នាក់ រន្ទះបាញ់ងាប់គោចំនួន ០២ក្បាល ធ្វើឱ្យផ្ទះប្រជាពលរដ្ឋចំនួន ៥២ខ្នង រងការខូចខាត ក្នុងនោះ ឃុំ ត្រពាំងភ្លាំង ខូចខាតចំនួន ០៧ខ្នង ដោយហក់ចេញពីលើជើងតាងចំនួន ០២ខ្នងផ្ទះ, ដោយឡែក ឃុំតាកែន ចំនួន ០២ខ្នង និងឃុំល្បើក ត្រូវខូចខាតចំនួន ៤៣ខ្នង ដោយហក់ចេញពីលើជើងតាង ចំនួន០៤ខ្នង ក្រៅពីនេះប៉ើងដំបូល និងជញ្ជាំង ។

មន្ត្រីដដែលបន្តថា នៅព្រឹកថ្ងៃទី២៣ ខែឧសភា នេះ គឺក្រុមការងារថ្នាក់ស្រុក និងខេត្តបានចុះទៅដល់តាមតំបន់រង គ្រោះខាងលើនេះហើយ ដើម្បីជួយទៅដល់ជនរងគ្រោះទាំងអស់ ៕

ក្រុមហ៊ុន FURI ចាប់ដៃក្រុមហ៊ុនចិន បង្ហាញគម្រោងខុនដូរ Ca&Sa នៅកោះពេជ្រ

E-mail Print PDF

ភ្នំពេញ ៖ ក្រុមហ៊ុន FURI Real Estate Co.,Ltd និងក្រុម Xin Chao Chi Property Management Consul ting Co.,Ltd របស់ចិន បានបើកសម្ពោធជាផ្លូវការ នូវគម្រោងខុនដូរ Ca&Sa ដែលស្ថិតនៅលើ ទីតាំងអភិវឌ្ឍកោះពេជ្រ។ ពិធីបង្ហាញគម្រោងនេះ បានធ្វើឡើង កាលពីថ្ងៃទី២២ ខែឧសភា ឆ្នាំ២០១៥ នៅសណ្ឋាគារសូហ្វីតែលភ្នំពេញ ភូគី ត្រា ។

កិច្ចសហការរវាងក្រុមហ៊ុន FURI Real Estate Co.,Ltd និងក្រុមហ៊ុន Xin Chao Chi Property Manage ment ConsultingCo.,Ltd ធ្វើឡើង ដោយសារគម្រោងខុនដូរ ត្រូវបានសាងសង់លើទឹកដីកោះពេជ្រប្រកប ដោយគុណភាព ខ្ពស់ ការរចនាម៉ូតល្អប្រណិត និងគួរឲ្យទាក់ទាញ ។

មិនតែប៉ុណ្ណោះ គម្រោងខុនដូរនេះ មានទីតាំងល្អប្រសើរ សម្រាប់ការរស់នៅ និងការវិនិយោគ។ គម្រោងខុនដូរ ត្រូវ សាងសង់រួចរាល់មុនគេបង្អស់ នៅលើកោះពេជ្រ ។ លក្ខខណ្ឌពិសេស ដោយមានការធានាជូនរយៈពេលបីឆ្នាំជាប់ៗ គ្នា ។

លោក លី សែនលាភ នាយកប្រតិបត្តិ FURI Real Estate បានផ្តល់មតិស្វាគមន៍យ៉ាងកក់ក្តៅចំពោះភ្ញៀវកិត្តិយស និងផ្តល់បទបង្ហាញអំពីប្រវត្តិ នៃការកកើតឡើង របស់ក្រុមហ៊ុន FURI Real Estate ព្រមទាំងគម្រោងទាំងឡាយ ដែល ធ្លាប់បានសាងសង់ និងកំពុងសហការជាមួយក្រុមហ៊ុន ដោយទទួលបានផលចំណូលពីវិនិយោគជាង ៣០ លាន ដុល្លារ ពីការលក់ដោយជោគជ័យនៃគម្រោង De Castle Royal គម្រោង Casa Meridian គម្រោង The Bhumi Emerald និងគម្រោង Ca&Sa ។

លោក Xin Chao Chi នាយកក្រុមហ៊ុន Xin Chao Chi Property Management Consulting បានធ្វើបទបង្ហាញ អំពី ជីវប្រវត្តិ នៃការកកើតក្រុមហ៊ុនរបស់លោក ព្រមទាំងផ្តល់ព័ត៌មានលំអិត និងលក្ខណៈពិសេសរបស់គម្រោងខុនដូ Ca&Sa រួមជាមួយចក្ខុវិស័យ និងបេសកកម្មរបស់ក្រុមហ៊ុន ។

ក្រុមហ៊ុន FURI Real Estate និងក្រុមហ៊ុន Xin Chao Chi Property Management Consulting បានផ្តល់នូវឱកាស វិនិយោគ ការបញ្ចុះតម្លៃ ដំណើរកំសាន្តរួមជាមួយនឹងការចាប់រង្វាន់ជាច្រើន ដល់ភ្ញៀវកិត្តិយស ដែលបានចូលរួម និង តែងតែគាំទ្រគម្រោងនានា របស់ក្រុមហ៊ុនទាំងពីរនេះ ។

ក្រុមហ៊ុនទាំងពីរ មានភាពជឿជាក់ និងតាំងចិត្តយ៉ាងមុតមាំ ធ្វើការផ្សព្វផ្សាយរាល់លក្ខណៈពិសេស និងឱកាសវិនិ យោគ ដែលអតិថិជននឹងទទួលបានពីការគាំទ្រ និងជ្រើសរើសគម្រោង Ca&Saនេះ ៕

លោក ចម ប្រសិទ្ធ៖ ស្រែអំបិល មិនអាចប្រែ ទៅជាស្រែស្រូវបានទេ ព្រោះជាតម្រូវការមនុស្ស ១៥លាននាក់

E-mail Print PDF

កំពត ៖ លោកទេសរដ្ឋមន្ត្រី ចម ប្រសិទ្ធ រដ្ឋមន្ត្រីក្រសួងឧស្សហកម្ម សិប្បកម្ម និងជាប្រធានក្រុមការងារថ្នាក់ជាតិ ចុះ មូលដ្ឋានខេត្តកំពត បានមានប្រសាសន៍ថា បណ្តាស្រែអំបិល ដែលផលិតអំបិលទាំងអស់ មិនអាចកែប្រែ ឬក៏ប្តូរទៅជា ស្រែធ្វើស្រូវបានទេ ។

ប្រសាសន៍របស់លោកទេសរដ្ឋមន្ត្រី ចម ប្រសិទ្ធ បានធ្វើឡើង ក្នុងវេទិការសាធារណៈ « ស្វែងយល់ពីតម្រូវការ និង សំណូមពរ របស់ក្រុមអ្នកផលិតអំបិលខេត្តកំពត នៃសហគមន៍អ្នកផលិតអំបិល កំពត-កែប នាព្រឹកថ្ងៃទី២៣ ខែ ឧសភា ឆ្នាំ២០១៥ ដែលបានរៀបចំក្នុង សាលប្រជុំធំ របស់សហគមន៍អំបិល ស្ថិតក្នុងភូមិជុំគ្រៀល ឃុំជុំគ្រៀល ស្រុក ទឹកឈូ ខេត្តកំពត។

វេទិកានេះ ក៏មានការចូលរួមផងដែរ ពីសំណាក់លោកអភិបាលខេត្តកំពត ខូយ ឃុនហ៊ួរ គណៈប្រតិភូ នៃក្រសួងពាក់ព័ន្ធមួយចំនួន ប្រធានក្រុម និង សមាជិកប្រឹក្សាខេត្ត-ស្រុក ក្រុង បណ្តាប្រធាន អនុប្រធានមន្ទីរជុំវិញខេត្ត ជួរ ថ្នាក់ ដឹកនាំកងកម្លាំងប្រដាប់អាវុធទាំង ៣ប្រភេទ បណ្តាលោកជា អភិបាលរងខេត្ត អភិបាលអភិបាលរងស្រុក-ក្រុង អស់ លោក លោកស្រីជាសហប្រធាន សមាជិក របស់សហគមន៍ផលិតអំបិល កំពត-កែប យ៉ាងច្រើនកុះករផងដែរ។

ក្នុងវេទិការសាធារណៈនេះ រាល់ចំណុចវិជ្ជមាន និង អវិជ្ជមានពាក់ព័ន្ធផ្សេងៗ ជុំវិញការផលិតអំបិលនេះកន្លងមក  ដែលប្រជាអ្នកផលិតអំបិល កំពត-កែប បានលើកឡើង និង សំណូមពរទៅប្រមុខរាជរដ្ឋាភិបាល គឺមានចំណុចអវិជ្ជ មានខ្លះ ដែលលោកទេសរដ្ឋមន្ត្រី ចម ប្រសិទ្ធ បានដោះស្រាយរួច តាមសំណូមពរ របស់សហគមន៍អ្នកផលិតអំបិល នៅក្នុងវេទិការសាធារណៈនេះ និងចំណុចមួយចំនួនទៀត លោកទេសរដ្ឋមន្ត្រី សន្យាដោះស្រាយឲ្យបានដោយដាក់ ជូនទៅសម្តេចតេជោ ហ៊ុន សែន ជាអ្នកសម្រេចឲ្យបានឆាប់ៗខាងមុខនេះ ។

លោក ចម ប្រសិទ្ធ បានមានប្រសាសន៍ថា ចាប់ពីថ្ងៃទី០១ ខែមិថុនា ឆ្នាំ២០១៥ នេះតទៅ រឿងពាក់ព័ន្ធការផលិត និង ផលិតផលអំបិល គឺទុកឲ្យខាងជំនាញឧស្សហកម្ម សិប្បកម្មវិញ ហើយជំនាញខាងរ៉ែ និងថាមពល ឈប់យកពន្ធសួយ សារពីសហគមន៍ អ្នកផលិតអំបិលតទៅទៀត ដោយតម្រូវឲ្យអ្នកផលិតអំបិល ក្នុងសហគមន៍ទាំងអស់ ប្តូរទៅបង្កើត ដូចជា មុខរបរ សិប្បកម្ម និងឧស្សាហកម្មខ្នាតតូចជាដើម ។ល។ ហើយត្រូវបង់ចំណូលទៅតាមផ្លូវនោះវិញ ដើម្បី ឈានទៅកាត់បន្ថយការចំណាយ ហើយរកចំណេញបានតិច ឬក៏អាចខាតបង់ ពីសំណាក់អ្នកផលិតអំបិលទាំងអស់៕

អង្គការមូលនិធិ ហ្វ្រេតហូឡូ បើកវគ្គបំប៉នមួយស្តីពី ការអប់រំសុខភាពភ្នែក ដល់គ្រូឈរប្រចាំថ្នាក់ តាមសាលាបឋមសិក្សា

E-mail Print PDF

ភ្នំពេញ ៖ ដើម្បីរួមចំណែកក្នុងការលើកស្ទូយ នឹងការពារកុំមានបញ្ហាសុខភាពភ្នែក របស់សិស្សានុសិស្ស លោកគ្រូ អ្នកគ្រូ នឹងប្រជា ពលរដ្ឋ នេះ នៅព្រឹកថ្ងៃទី ២៣ ខែ ឧសភា ឆ្នាំ ២០១៥ អង្គការមូលនិធិ ហ្វ្រេតហូឡូ បានបើវគ្គបំប៉នមួយស្តីពី ការអប់រំសុខភាពភ្នែក ដល់គ្រូឈរប្រចាំថ្នាក់ តាមសាលាបឋមសិក្សា ប្រព្រឹត្តនៅសាលាបឋមសិក្សា ចំបក់ ស្ថិតនៅ ឃុំ វល្លិ៍ស ស្រុកសំរោងទង ខេត្តកំពង់ស្ពឺ  ។ ដោយពិធីនេះស្ថិតក្រោយវត្តមាន លោកជំទាវ គឹម សេដ្ឋានី រដ្ឋលេខាធិកាក្រសួងអប់រំ យុវជន នឹងកីឡា នឹងលោកស្រី ឆាយ គឹមសុធាវី ប្រធាននាយកដ្ឋានសុខភាពសិក្សា នឹង លោក សិទ្ធ សំអាត ប្រធានមូលនិធិ ហ្វ្រេតហូឡូ លោក លាង ចន្ទធី អនុប្រធានមន្ទីរអប់រំ ខេត្តកំពង់ស្ពឺ។

លោកអនុប្រធានមន្ទីរអប់រំ ខេត្តកំពង់ស្ពឺបានថ្លែងថា លោកគ្រូ អ្នកគ្រូ ដែលជាបុគ្គលិកទាំងថ្នាក់ មត្តេយ្យ បឋមសិក្សា នឹង អនុវិទ្យា ល័យ នឹង វិទ្យាល័យ ទូទាំងខេត្តសរុប ៥ ១៣៤ នាក់ មានចំនួន ស្រី ១ ៨១១ នាក់   ។ លោកបន្តថា ក្នុងខេត្តកំពង់ស្ពឺ មានក្រុងស្រុក ចំនួន ៨ សង្កាត់/ឃុំ ៨៧ ភូមិចំនួន ១៣៧៣ ភូមិ ។ លោកអនុប្រធាន ក៏បានថ្លែងអំណរគុណដល់ក្រសួង អប់រំ នឹង អង្គការមូលនិធិ ដែលបានបើកវគ្គបំប៉ន ពន្យល់នឹងណែនាំដល់លោកគ្រូ អ្នកគ្រូ ពីបញ្ហា សុខភាពភ្នែក អាហារូបត្ថម្ភ អនាម័យខ្លួនប្រាណ មាត់ធ្មេញ ការប្រើប្រាស់បង្គន់ ទឹកស្អាត សង្គ្រោះបឋម ដង្កូវព្រូន ថ្នាំជក់ គ្រុនចាញ់ -ល- ។

ចំណែកលោក សិទ្ធ សំអាត ប្រធានអង្គការមូលនិធិ ហ្វ្រេតហូឡូ បានមានប្រសាសន៍ថា រាល់ថ្ងៃនេះបញ្ហា សុខភាពរបស់មនុស្សភាគ ច្រើនកើតឡើង ដោយសារមនុស្សភាគច្រើន ចូលចិត្តប្រើ កុំព្យូទ័រ នឹង របស់ទំនើបដែលមានពន្លឺភ្លឺ ភាគច្រើនលោកគ្រូ អ្នកគ្រូ នឹងសិស្សានុ សិស្ស ដែលឈរក្នុងថ្នាក់សិស្សា ហើយសន្លឹង មើលទៅក្តារខៀន នាំអោយងាយប៉ះពាល់ដល់ បញ្ហា នឹងសុខភាពភ្នែក ។ ហេតុនេះហើយ ទើប អង្គការមូលនិធិ ហ្វ្រេតហូឡូ បានបង្កើត នៅវគ្គបំប៉ននេះឡើង ។ លោកក៏បានបញ្ជាក់ថា មូលនិធិ ហ្វ្រេតហូឡូនេះ បង្កើតឡើងដោយ ជនជាតិអូស្ត្រាលី រហូតមកដល់ឆ្នាំ ១៩៩៨ ទើបមូលនិធិនេះមកដល់ប្រទេសកម្ពុជា ដោយសហការជាមួយ ក្រសួងសុខាភិបាល ក្រសួងអប់រំ នឹងក្រសួងកិច្ចការនារី ។ លោកបន្តថា ខេត្តកំពង់ស្ពឺមានសំណាងណាស់ ដោយសារមូលនិធិ ហ្វ្រេត ហូឡូ  បានសាងសងអគារពេទ្យ  ដ៏ធំ មួយ នឹងឧបករណ៍ប្រើប្រាស់គ្រប់ទាំងអស់ ជាពិសេសមានគ្រូពេទ្យជំនាញៗ ជាច្រើនថែមទៀតផង ។

ឆ្លៀតក្នុងឱកាស ខាងលើនេះ លោក ស្រី គឹម សេដ្ឋានី រដ្ឋលេខាធិកាក្រសួងអប់រំ បានមានប្រសាសន៍ ថ្លែងអំណរគុណដល់ អង្គការមូលនិធិ ហ្វ្រេតហូឡូ ដែលបានបង្កើតនៅ សកម្ម ភាពជួយប្រជាជន កុំអោយមានបញ្ហា សុខភាពភ្នែក ដូច្នេះក្នុងនាមលោកស្រី តំណាងឲ្យក្រសួងអប់រំ សូមគ្រាំទ្រចំពោះសកម្មភាព បែបនេះ នឹង ស្នើដល់អង្កការមូលនិធិ ត្រូវបន្តជួយ បង្ហាត់បង្រៀនដល់លោកគ្រូ អ្នកគ្រូ ឲ្យយល់ដឹងពីរបៀបបង្ការ កុំឲ្យកើតមានបញ្ហា សុខភាពភ្នែក ហើយនឹងត្រូវព្យាបាលដល់ប្រជាជន ដែលកំពុងមានបញ្ហាភ្នែក ។

បន្ទាប់ពីចប់ការបើកវគ្គបំប៉ននេះ ក្រសួង អប់រំ បានប្រគល់លិខិតថ្លែងអំណរគុណ ជូនទៅតំណាង អង្គការមូលនិធិ ហ្វ្រេតហូឡូហើយខាង មូលនិធិក៏បានប្រគល់ឧបករណ៍សង្គ្រោះបឋម ជូនទៅតំណាងមន្ទីរអប់រំ ខេត្តកំពង់ស្ពឺ ដើម្បីចែកបន្តជូនតាមសាលាងាយស្រួល សង្គ្រោះដល់កុមារ ឬ អ្នកណាដែលរងរបួស ដោយប្រការណមួយ  ។ ក្រោយមកក្រុមការងារទាំងអស់ បានថតរូបអនុស្សាវរីយ៍រួមគ្នា នៅមុខសាលាបឋម សិក្សាចំបក់ ៕

Photo by DAP-News

Photo by DAP-News

គ្រោះអគ្គិភ័យប្រល័យ ជីវិតកុមារីម្នាក់ កាលពីយប់មិញ នៅខេត្តស្វាយរៀង

E-mail Print PDF

ស្វាយរៀង៖ កុមារីវ័យ ៧ឆ្នាំម្នាក់ បានស្លាប់ក្នុងអណ្តាតភ្លើង យ៉ាងអណោចអាធ័មក្នុងគ្រោះអគ្គិភ័យមួយ កាលពីយប់មិញ នៅភូមិព្រៃរការ ឃុំឈើទាល ស្រុកស្វាយជ្រុំ ខេត្តស្វាយរៀង។

យោងតាមមន្រ្តីនគរបាលខេត្តស្វាយរៀង បានឲ្យដឹងថា នៅវេលាម៉ោង ១រំលងអាធ្រាត្រឈានចូលថ្ងៃទី២៣ ខែ  ឧសភា ឆ្នាំ២០១៥ កើតមានគ្រោះអគ្គិភ័យឆាប់ឆេះផ្ទះឈើទំហំ ៧ គុណ៨ម៉ែត្រ ស្ថិតនៅទីតាំងខាងលើ។

គ្រោះអគ្គិភ័យនេះ បានបន្សល់នូវភាពសោកសៅយ៉ាងខ្លាំង ដោយមិនត្រឹមតែបំផ្លាញផ្ទះ និងទ្រព្យសម្បត្តិអស់ជា  ច្រើននោះទេ វាថែមទាំងបានឆាប់ឆេះយកជីវិតកុមារីម្នាក់ ដែលមានវ័យទើប ៧ឆ្នាំទៅជាមួយផងដែរ។ ក្មេងស្រី រងគ្រោះ មានឈ្មោះ គឹម ចាន់ថន។

បើតាមមន្រ្តីនគរបាលស្រុកស្វាយជ្រុំ បន្តឲ្យដឹងថា នៅយប់ថ្ងៃកើតហេតុកុមារីរងគ្រោះ និងមីងរបស់ខ្លួន ដែល មានវ័យទើបជាង ១០ឆ្នាំ ត្រូវបានយាយតារបស់ខ្លួនទុកឲ្យដេកនៅលើផ្ទះកើតហេតុតែពីរនាក់ប៉ុណ្ណោះ។ រីឯ  យាយតា ទៅដេកនៅផ្ទះមួយផ្សេងទៀត ដែលនៅក្បែរនោះ។

ក្រោយដឹងថា មានគ្រោះអគ្គិភ័យ គេបានព្យាយាមរុករក និងចូលជួយសង្រ្គោះកុមារីរងគ្រោះផងដែរ តែការព្យាយាម  ត្រូវក្លាយជាអសារបង់។

របាយការណ៍នគរបាល បានឲ្យដឹងថា ផ្ទះជួបគ្រោះអគ្គិភ័យនេះ មានម្ចាស់ឈ្មោះ មាស ទ្រី ភេទប្រុស អាយុ  ៥៥ឆ្នាំ។ គ្រោះអគ្គិភ័យ ក៏បានឆាបឆេះរថយន្តម៉ាកសាំយ៉ុង ០២គ្រឿង ម៉ូតូ ០១គ្រឿង ប្រាក់ ២លានរៀល និង ៣០០ដុល្លារ មាសចំនួន ០៥តម្លឹង និងស្រូវចំនួន ២០០តៅ ព្រមទាំងសំភារៈប្រើប្រាស់មួយចំនួនធំទៀត។

របាយការណ៍នគរបាល បានឲ្យដឹងផងដែរថា ការឆាបឆេះនេះ បណ្តាលមកពីឆ្លងចរន្តអគ្គិសនី។

សូមបញ្ជាក់ថា ភាពសោកសៅកើតពីគ្រោះអគ្គិភ័យនេះ ក៏បានកើតមានផងដែរ កាលពីទៀបភ្លឺថ្ងៃទី២១ ខែឧសភា ឆ្នាំ២០១៥  នៅតាមបណ្តោយផ្លូវលេខ៩២ ភូមិច្រេះ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ បណ្តាល ឲ្យជនរងគ្រោះជាម្ចាស់ផ្ទះមួយគ្រួសារ មានប្តី-ប្រពន្ធ និងកូនស្រី ២នាក់ បានស្លាប់នៅក្នុងភ្នក់ភ្លើង៕

ក្រុម១៥៧ សាខា​ខេត្ត​តាកែវ​ នាំ​អំណោយ​ និង​ថវិកា​ជូន​ដល់​ជនក្រីក្រ និង​ចាស់​ជរា​ ៦០​គ្រួសារ​

E-mail Print PDF

តាកែវ៖ ប្រធានចលនា យុវជនម្ពុជា ក្រុម១៥៧ សាខាខេត្តតាកែវ លោក កែវ វ៉ាន្នី នាព្រឹកថ្ងៃទី២៣ ខែឧសភា ឆ្នាំ២០១៥ នេះ បាននាំថវិកា និងអំណោយ មនុស្សធម៌មួយចំនួន ជូនដល់ប្រជាពលរដ្ឋក្រីក្រ និងចាស់ជរា ចំនួន៦០គ្រួសារ ដែលកំពុងរស់នៅ ក្នុងភូមិត្រពាំងព្រៃ ឃុំសិង្ហ ស្រុកសំរោង ខេត្តតាកែវ។

លោក កែវ វ៉ាន្នី ប្រធានចលនា យុវជនកម្ពុជា ក្រុម១៥៧ សាខាខេត្តតាកែវ បានឲ្យដឹងថា បន្ទាប់ពីមានការស្នើសុំពីអាជ្ញាធរមូលដ្ឋាន អំពីការខ្វះខាត របស់ប្រជាពលរដ្ឋ ក្នុងភូមិត្រពាំងព្រៃ និងក្រោយពីបានចុះមក ពិនិត្យជាក់ស្តែង ក្រុមការងារ១៥៧ សាខាខេត្តតាកែវ បានដំណឹងនេះ មកកាន់សាខាថ្នាក់កណ្តាល ភ្លាមៗនោះ លោកម៉ឹង ពន្លក ប្រធានចលនា យុវជនកម្ពុជា ក្រុម១៥៧ ក៏បានចាត់តាំងឲ្យ ក្រុមការងារយក អំណោយមនុស្សធម៌ រួមនិងថវិកាមួយចំនួន ជូនដល់ប្រជាពលរដ្ឋ។

លោក កែវ វ៉ាន្នី បានបន្តទៀតថា ជានិច្ចកាល លោក ហ៊ុន ម៉ាណែត ដែលជាប្រធានកិត្តិយស ចលនាយុវជនកម្ពុជា ក្រុម១៥៧ រួមនិងលោក ម៉ឹង ពន្លក ប្រធានចលនាយុវជនកម្ពុជា ក្រុម១៥៧ តែងតែយកចិត្តទុកដាក់ចំពោះការខ្វះខាត និងសុខទុកប្រជាពលរដ្ឋ ដែលជួបនិងហេតុការផ្សេង ក្នុងជីវភាពរស់នៅ ប្រធានចលនាយុវជនកម្ពុជា ជារឿយៗតែងតែណែនាមដល់ក្រុមការងារ និងសមាជិកនៅតាមបណ្តាខេត្តទាំងអស់ ត្រូវតែស្វែងរក និងខិតខំជួយដោះស្រាយបញ្ហាផ្សេងៗរបស់ប្រជាពលរដ្ឋក្រីក្រ ចាស់ជរាគ្មានទីពឹង ទៅតាមលទ្ធភាពដែលអាចធ្វើទៅបាន ស្ថិតនៅលើគោលការណ៍មនុស្សធម៌ និងមិនត្រូវប្រកាន់និន្នាការនយោបាយនោះទេ។

ជាមួយគ្នានោះ ប្រធានចលនាយុវជនកម្ពុជា ក្រុម១៥៧ សាខាខេត្តតាកែវ បានឲ្យដឹងថា អំណោយដែលផ្តល់ជូនប្រជាពលរដ្ឋក្រីក្រ និងចាស់ជរា ចំនួន៦០ គ្រួសារនេះ ក្នុងមួយគ្រួសារទទួលបាន អង្ករ២៥គីឡូក្រាម, មី ១កេស, ម៉ុង១, ទឹកត្រី ១យួរ, ទឹកស៊ីអ៊ីវ ១យួរ, ខ្ចឹស ខ្ទឹមក្រហម ២គីឡូក្រាម, អំបិល និងស្ករស ២គីឡូក្រាម រួមនិងថវិការ២ម៉ឺនរៀលផងដែរ៕

ផលវិបាក ចំពោះធ្វេសប្រហែស ក្នុងការរៀបចំ បញ្ជីពន្ធដារ

E-mail Print PDF

បើសិនលោកអ្នកបានរៀបចំ បញ្ជីបង់ពន្ធដារខុស អង្គភាពរបស់ លោកអ្នកត្រូវទទួលរងនូវ ការផាក ពិន័យធ្ងន់ធ្ងរ នៅពេលដែលសវនករ នៃអគ្គនាយកដ្ឋានពន្ធដារ ចុះធ្វើសវនកម្ម ដោយគិតរាប់ ចាប់តាំងពីពេល ចាប់ផ្តើមដំណើរការ ដំបូងមករួមមាន ៖

១- ពិន័យ២លានរៀលសម្រាប់អំពើរាំងស្ទះ

២-ពិន័យដោយយកការប្រាក់២% ក្នុង១ខែ នៃពន្ធដែលមិនទាន់បានបង់ ឧទាហរណ៍ៈ លោកអ្នកបង់ Withholding Tax លើការជួលអគារខ្វះ ១០០០ដុល្លា ក្នុង១ខែជាប់ៗគ្នា ចំនួន៣ខែ ករណីនេះការគណនា លើការផាកពិន័យលើការប្រាក់គឺ៖
= ($1000 x 3ខែ x 2%)+($1000 x 2ខែ x 2%)+($1000 x 1ខែ x 2%) ចុះបើលោកអ្នកបង់ខុសដល់ទៅច្រើនឆ្នាំ នាំអោយការផាកពិន័យក៏មានចំនួនច្រើនដែរ

៣-ពិន័យលើការធ្វេសប្រហែស ១០% ឬ ២៥% ឬ ៤០% នៃពន្ធដែលមិនទាន់បានបង់

៤-រួមជាមួយទឹកប្រាក់ដែលនៅជំពាក់ពន្ធ សរុបទឹកប្រាក់ដែលត្រូវបង់ពន្ធ ក្រោយពិន័យរួចរួមមាន៖ ទឹកប្រាក់ដែលជំពាក់ពន្ធ បូកជាមួយ ទឹកប្រាក់ពិន័យគ្រប់ ចំនុចខាងលើ ដែលមានចំនួនច្រើនជាអតិបរមា ។

តើអាចទុកចិត្តបានទេថាការបង់ពន្ធកន្លងមករបស់លោកអ្នក ពិតជាត្រឹមត្រូវគ្រប់ចំនុច ? ប្រសិនបើ មិនច្បាស់លាស់ ឬមានចំនុចណាមួយខុសឆ្គង លោកអ្នកត្រូវប្រញាប់ កែតម្រូវទាន់ពេលវេលា ដើម្បីកុំអោយ ចំនួននៃការផាកពិន័យ ត្រូវបានគុណទ្វេរដងៗ និងសរុបតៗគ្នាជាបន្តបន្ទាប់ រហូតគ្មានលទ្ធភាពដោះស្រាយ ។ ដូច្នេះលោកអ្នកត្រូវដោះស្រាយ អោយបានរួចរាល់ត្រឹមត្រូវ តាមផ្លូវច្បាប់មុន ពេលចុះធ្វើសវនកម្ម។

លោកអ្នកអាចជួបប្រឹក្សាយោបល់ ជាមួយអ្នកឯកទេសវិជ្ជាជីវ:គណនេយ្យ និងពន្ធដារ ដែលមាន ស្នាដៃ និងបទពិសោធន៍ច្បាស់លាស់ ទូលំទូលាយលើកិច្ចការ ទាំងឡាយនេះតាមរយះ ទូរស័ព្ទលេខៈ 011 777 110 ,017 888 987 និង 089 888 656   ។

ប្រភេទពន្ធដារដែលលោកអ្នកត្រូវប្រកាស និង បង់ជូនរដ្ឋបាលសារពើពន្ធតាមរបបស្វ័យប្រកាស៖

១- ពន្ធដែលត្រូវប្រកាស និង បង់ប្រចាំខែ៖

- ពន្ធលើប្រាក់បៀវត្ស (Tax on Salary)និងអត្ថប្រយោជន៍បន្ថែម(Fringe Benefit Tax)

- ពន្ធកាត់ទុក(Withholding Tax)

- ប្រាក់រំដោះពន្ធលើប្រាក់ចំនេញ(Prepayment on Profit Tax)អាករពិសេសលើទំនិញ និងសេវាមួយចំនួន(Specific Tax on certain merchandise and services)

- អាករស្នាក់នៅ (Accomodation Tax) អាករបំភ្លឺសាធារណៈ(Public Lighting Tax) និងពន្ធអាករដទៃទៀត

- អាករលើតម្លៃបន្ថែម(Value Added Tax)

២- ពន្ធដែលត្រូវប្រកាស និង បង់ប្រចាំឆ្នាំ៖

- ពន្ធលើប្រាក់ចំនេញប្រចាំឆ្នាំ (Annual Profit Tax Return)

- ពន្ធប៉ាតង់ (Patent Tax)

-ពន្ធលើអចលនទ្រព្យ (Property Tax)

II.សេវាកម្មសំខាន់ៗដែលលោកអ្នកទទួលបាន៖

១-សេវាកម្មពន្ធដារៈ

- ជួយប្រឹក្សាយោបល់លើការរៀបចំបំបែបទពន្ធដារ គ្រប់ប្រភេទ និងយកទៅបង់នៅកន្លែង ពន្ធដារជូនលោកអ្នក ដែលធ្វើបែបនេះ គឺចំណេញថវិកាជាង ការជួលបុគ្គលិកធ្វើការ ជាប្រចាំច្រើនណាស់ ។

- ការដោះស្រាយបញ្ហាពន្ធដារគ្រប់ប្រភេទដូចជាដោះស្រាយបំណុលពន្ធដារការជំរះបញ្ជីបិទ ក្រុមហ៊ុន ការរៀបចំឯកសារស្របច្បាប់សម្រាប់ដាក់ជូនសវនករពន្ធដារ ។

-ប្រឹក្សាយោបល់លើផែនការពន្ធដារ ជាមួយនឹងការចាប់ផ្តើមអាជីវកម្មថី្ម ដើម្បីទទួលបានការលើក ទឹកចិត្ត និងការលើកលែងពន្ធ ។

២-សេវាកម្មគណនេយ្យៈ

- ត្រួតពិនិត្យបញ្ជីគណនេយ្យ និង រៀបចំគោលនយោបាយ និង នីតិវិធីគណនេយ្យ និង ហិរញ្ញវត្ថុ ។

- កត់ត្រាបញ្ជី និង រៀបចំរបាយការណ៍ហិរញ្ញវត្ថុ ប្រចាំខែ និងប្រចាំឆ្នាំ(បិទបញ្ជី) ស្របតាម គោលនយោបាយ និង នីតិវិធី ស្តង់ដារ និង លក្ខខណ្ឌតម្រូវនៃច្បាប់ ។

- រៀបចំ និងកត់ត្រាសមតុល្យដើមគ្រាសម្រាប់ក្រុមហ៊ុនបើកថ្មី និង ក្រុមហ៊ុនដែល មានប្រតិបត្តិការ ជាច្រើនឆ្នាំឲ្យបានត្រឹមត្រូវឡើងវិញ ។

-កែរលំអរ ឬធ្វើបច្ចុប្បន្នភាពគោលនយោបាយណនេយ្យ និង នីតិវិធីគណនេយ្យ និង ហិរញ្ញវត្ថុ ។

៣-សេវាកម្មប្រឹក្សាយោបល់លើការចុះបញ្ជីបើកក្រុមហ៊ុន អង្គការ សមាគម……។ល។

-ប្រឹក្សាយោបល់លើការជ្រើរើសប្រភេទក្រុមហ៊ុន និងការដាក់ដើមទុនចុះបញ្ជី

- រៀបចំឯកសារ ចុះបញ្ជីពាណិជ្ជកម្ម ការស្នើសុំលេខអត្តសញ្ញាណកម្ម សារពើពន្ធ វិញ្ញាបនបត្រ អាករលើតម្លៃបន្ថែម និងអាជ្ញាប័ណ្ណពីក្រសួង ឬស្ថាប័នអាណាព្យាបាល។

- បំពេញបែបទបិទក្រុមហ៊ុន អង្គការ សមាគម រោងចក្រ សហគ្រាស... ។

៤-សេវាកម្មប្រឹក្សាយោបល់ លើការជ្រើសរើស ឬអភិវឌ្ឍកម្មវិធី គណនេយ្យកំព្យូទ័រ ជ្រើសរើសកម្មវិធី គណនេយ្យកុំព្យូទ័រ គ្រប់ប្រភេទឲ្យសមស្រប ទៅនឹងបរិបទការងារ ទំហំការងារ និង លក្ខខណ្ខត្រូវផ្នែកច្បាប់ ។

- វិភាគ និងធ្វើគម្រោងអភិវឌ្ឍកម្មវិធីគណនេយ្យកុំព្យូទ័រថ្មី សម្រាប់ ក្រុមហ៊ុន អង្គការ សមាគម ...

៥-សេវាកម្មវបណ្តុះបណ្តាលជំនាញគណនេយ្យ និងពន្ធដារលើការអនុវត្តជាក់ស្តែង

សេវាកម្មបណ្តុះបណ្តាលជំនាញគណនេយ្យដល់បុគ្គលិករបស់ក្រុមហ៊ុន អង្គការ សមាគម ... តាមមុខងារ (ប្រធានផ្នែកគណនេយ្យ គណនេយ្យករ បេឡាករ អ្នកគ្រប់គ្រងសន្និធិ...) និង គ្រប់កម្រិត (កម្រិតប្រតិបត្តិ កម្រិតបច្ចេកទេស និង កម្រិតយុទ្ធសាស្រ្ត)
    សូមទាក់ទងទូរស័ព្ទលេខៈ 011 777 110 និង 089 888 656។

ក្រុមហ៊ុន Worldbridge Outsourcing Solutions ប្រកាសដាក់ចេញ នូវសេវាកម្ម Outsourcing

E-mail Print PDF

ភ្នំពេញ៖ ក្រុមហ៊ុន WorldBridgE Commerce Co., Ltd ក្រោយពីទិញក្រុមហ៊ុន Dynamic Outsourcing Services Co., Ltd នឹងបានប្តូរឈ្មោះ ទៅជា Worldbridge Outsourcing Solutions រួចមកនោះ នៅល្ងាចថ្ងៃទី២២ ខែឧសភា ឆ្នាំ២០១៥ បានប្រកាសដាក់ ចេញនូវសេវាកម្ម Outsourcing របស់ខ្លួនដល់អតិថិជន ។

ពិធីប្រកាសនេះ ធ្វើឡើងនៅទីស្នាក់របស់ក្រុមហ៊ុន Worldbridge Outsourcing Solutions នៅមជ្ឈមណ្ឌលពាណិជ្ជកម្ម ផាកវ៉េ ដោយមានការចូលរួមពី គណៈគ្រប់គ្រងក្រុមហ៊ុន បណ្តាពាណិជ្ជករ ភ្ញៀវកិត្តិយសជាច្រើនរូប។

Outsourcing គឺជាអាជីវកម្មដ៏រីកចម្រើនមួយ នៅក្នុងប្រទេសកម្ពុជា ហើយក្រុមហ៊ុន WorldBridgE Commerce Co., Ltd មានភាពរីករាយ ក្នុងការទទួលយក ភាគហ៊ុន ច្រើនពីក្រុមហ៊ុន Dynamic Outsourcing Services Co., Ltd ដែលជាក្រុមហ៊ុនកម្ពុជា ដំបូងគេ ផ្តល់សេវាកម្មឯករាជ្យ ទៅលើសេវាកម្ម Outsource ដែលបានចាប់ផ្តើមប្រតិបត្តិការ នៅក្នុងខែមិថុនា ឆ្នាំ២០១២ ក្រោមការដឹកនំារបស់លោក ស្រេង ដាណា ក្រុមហ៊ុន DOS មានផ្តល់សេវាកម្មមជ្ឈមណ្ឌលហៅទូរស័ព្ទចេញ និងចូល ការបញ្ចូលទិន្នន័យ ឬការស្កេនឯកសារ និងសេវាកម្មបន្ថែមមួយចំនួនទៀត ដែលរួមមាន ការស្រាវជ្រាវទីផ្សារ និងការស្ទង់មតិ ការពេញចិត្តរបស់អតិថិជន ។

Worldbridge Outsourcing Solutions Co., Ltd. បាននឹងកំពុងអភិវឌ្ឍន៍ វិស័យសេវាកម្ម Outsourcing ក្នុងប្រទេសប៉ុន្តែឥទ្បូវនេះ Worldbridge Outsourcing Solutions Co., Ltd. បានផ្តោតទៅលើការទាក់ទាញក្រុមហ៊ុនអន្តរជាតិ ដើម្បីជាប្រយោជន៍ សម្រាប់ប្រទេសកម្ពុជា តាមរយៈការចំណាយតិចតួច លទ្ធផលការងារកម្រិតមានខ្ពស់ ការប្រើប្រាស់ ភាសាទូលំទូលាយ ភាពសម្បូរបែបនៃវប្បធម៌ ទីតំាងស្ថិតនៅ ចំណុចកណ្តាល និងការកសាងហេដ្ឋារចនាសម្ព័ន្ធ ។

លោក Tomas Pokorny នាយកប្រតិបត្តិ ក្រុមហ៊ុន Worldbridge Outsourcing Solutions Co., Ltd. បានមានប្រសាសន៍អំពី សារៈសំខាន់ក្នុងការ ទទួលយកឱកាសនេះថា "Worldbridge Outsourcing Solutions Co., Ltd. គឺជាកន្លែងបំពេញការងារដ៏ល្អ សម្រាប់ដៃគូពាណិជ្ជកម្ម ដែលកំពុងសម្លឹង មើលពេលវេលា និងការចំណាយ ដែលសមស្របនឹងសកម្មភាពអាជីវកម្ម និងធានាការអនុវត្តរបស់ខ្លួន តាមការពង្រីក និងពង្រឹងសមត្ថភាពភាសា ឬ ពង្រីកមូលដ្ឋានអតិថិជនរបស់ខ្លួនក្នុងតំបន់អាស៊ី" ។ សម្រាប់បណ្តាក្រុមហ៊ុន ក្នុងស្រុកនានា ក្នុងប្រទេសកម្ពុជា យើងផ្តល់សេវាកម្ម Outsourcing សម្រាប់ពួកគេ ដោយពុំចាំបាច់ ចំណាយវិនិយោទុន ទៅលើមជ្ឈមណ្ឌលហៅទូរស័ព្ទ ឬក៏ចំណាយពេលវេលា លើការស្វែងរកបុគ្គលិក ដែលមានជំនាញ និងបទពិសោធន៍ ដើម្បីសមស្របតាមស្តង់ដារ សេវាបម្រើអតិថិជននោះទេ ។ ពួកយើងអាចធ្វើការងារ ទំាងនោះ បានសម្រាប់លោកអ្នក ។

ក្រុមហ៊ុន WorldBridge កំពុងសម្លឹងមើលការអភិវឌ្ឍបន្ថែមទៀត លើវិស័យសេវាកម្ម Outsourcing ក្នុងប្រទេសកម្ពុជា ដោយបង្កើតនូវវិស័យមួយ ដែលពោរពេញ ទៅដោយជំនាញវិជ្ជាជីវៈ ការគោរព និងភាពរុងរឿង ក្នុងប្រទេសកម្ពុជា ។

លោក Rami Sharaf នាយកប្រតិបត្តិរបស់ Worldbridge International Group of Companies ដើម្បីលើកកម្ពស់ការអប់រំ និងផ្តល់ជម្រើសជាច្រើន សម្រាប់ការងារ ក្នុងប្រទេសកម្ពុជា ដើម្បីធានាថាប្រទេសនេះ ត្រៀមខ្លួនរួចជាស្រេច និងមានកន្លែងដ៏ត្រឹមត្រូវ សម្រាប់សមាហរណកម្មអាស៊ាន ។

ចំពោះ Worldbridge Group ដំបូងទ្បើយសម្ព័ន្ធក្រុមហ៊ុន នេះ បានចាប់ផ្តើមប្រតិបត្តិការលើ ដំណោះស្រាយសេវាកម្មដឹកជញ្ជូន ដោយរួមមាន ការដឹកជញ្ជូនតាមផ្លូវអាកាស ផ្លូវទឹក ផ្លូវគោក ក្នុងប្រទេស និងតាមព្រំដែន ឃ្លាំងទំនិញ ការគ្រប់គ្រងស្តុក ការផ្លាស់ប្តូរទីតំាងក្រុមហ៊ុន ក្នុងនិងក្រៅប្រទេស សេវាកម្មវេចខ្ចប់ និងពន្លា និងសេវាកម្មពន្ធគយ ។ សព្វថ្ងៃសម្ព័ន្ធក្រុមហ៊ុន នេះ ក៏មានការអភិវឌ្ឍ លើអចលទ្រព្យ ធនាគារឯកទេស ពាណិជ្ជកម្ម តាមប្រព័ន្ធអ៊ីនធឺណែត និង សេវាកម្ម Outsourcing ៕

កាកបាទក្រហម ខេត្តបាត់ដំបង ប្រមូលថវិកាសម្បុរស បានជិត១លានដុល្លារ

E-mail Print PDF

ភ្នំពេញ៖ ថ្នាក់ដឹកនាំកាកបាទក្រហមខេត្តបាត់ដំបងនៅព្រឹកថ្ងៃទី២៣ ខែឧសភា ឆ្នាំ២០១៥នេះ បានប្រារព្ធពិធីអប អរសាទរទិវាកាកបាទក្រហម និងអឌ្ឍច័ន្ទក្រហមខួប ១៥២ឆ្នាំ ក្រោមអធិបតីភាពឧបនាយករដ្ឋមន្រ្តី រដ្ឋមន្រ្តីក្រ សួងមហាផ្ទៃ លោក ស ខេង។ ពិធីអបអរសាទរនេះ មានការអញ្ជើញចូលរួមយ៉ាងច្រើនកុះករ ពីអ្នកមុខអ្នការ និង អ្នកជំនួញធំៗក្នុងខេត្តបាត់ដំបង។

បើតាមមន្រ្តីកាកបាទក្រហមខេត្តបាត់ដំបង បានប្រាប់ឲ្យដឹងថា នៅក្នុងពិធីនេះ មានសម្បុរសជន បានផ្តល់ថវិកា ដើម្បីបំពេញសកម្មភាពមនុស្សជាមួយកាកបាទក្រហម ៨៧៧.៤៩៥ដុល្លារអាម៉េរិក។

សូមបញ្ជាក់ថា នៅក្នុងពិធីអបអរសាទរទិវាកាកបាទក្រហម និងអឌ្ឍច័ន្ទក្រហម ដែលប្រារព្ធធ្វើឡើងនៅរាជធានីភ្នំ កាលពីថ្ងៃទី៨ ខែឧសភា កន្លងទៅ ប្រមូលថវិកាសប្បុរសបានជាង ១៣លានដុល្លារអាម៉េរិក៕

ជនរងគ្រោះ ដែលគេសម្លាប់ យកទៅ ច្រកបាវ គឺជាជនជាតិបរទេស

E-mail Print PDF

ភ្នំពេញ  ៖ ជនរងគ្រោះម្នាក់ ដែលត្រូវ ជនមិនស្គាល់មុខវាយសម្លាប់ ច្រកបាវហើយ យកទៅបោះចោលនៅចំណុចប្រឡាយទឹក ភូមិបឹងឈូក សង្កាត់ទឹកថ្លា ខណ្ឌសែនសុខ ជាប់ព្រំប្រទល់ជាមួយខណ្ឌមានជ័យ កាលពី វេលាម៉ោង៧និង២៥នាទីព្រឹកថ្ងៃទី២៣ ខែឧសភា ឆ្នាំ២០១៥នោះ ត្រូវបានសមត្ថកិច្ចអះអាងថា គឺជាជនបរទេស ។

យោងតាមប្រភពព័ត៌មានពីសមត្ថកិច្ច មូលដ្ឋានបានឱ្យដឹងថា ក្រោយពីយកសពទៅធ្វើកោសល្យវិច័យនៅ វត្ដស្ទឹងមានជ័យ ដោយមានការចូលរួមពី នគរបាលជំនាញ និងលោកវេជ្ជបណ្ឌិត នង សុវណ្ណរត្ន័ រួចមក បង្ហាញថា ជនរងគ្រោះ អាយុជាង៤០ឆ្នាំ កម្ពស់ ១,៥២ម សម្បុរស។

តាមការសន្និដ្ឋានជំហានដំបូង របស់ សមត្ថកិច្ចបានបង្ហាញថា ជនរងគ្រោះជាជនជាតិបរទេស ហើយត្រូវបានឃាតកមិនស្គាល់មុខ វាយដោយវត្ថុរឹង ដោយការធ្វើទារុណកម្មបង្ខំឱ្យ ចុះកិច្ចសន្យា ឬព្រមព្រៀងលើឯកសារអ្វីមួយ ព្រោះនៅមេដៃស្ដាំ មានប្រឡាក់ទឹកត្រាពណ៌ក្រហម ។

យ៉ាងណាក៏ដោយ សមត្ថកិច្ចមិនទាន់ ស្គាល់ពីអត្ដសញ្ញាណនិងទីលំនៅពិតប្រាកដរបស់ជនរងគ្រោះនៅឡើយ ទេ ដោយបច្ចុប្បន្នកំពុងធ្វើការស្រាវជ្រាវយ៉ាងយកចិត្ដទុកដាក់ ដើម្បីស្វែងរកសាច់ញាតិនិងក្រុមគ្រួសារ។

Page 10 of 368