left
Safe Home
Safe Home
Safe Home

Dap News...Admin

Saturday, May 30th

| English Version | dapnews: 012 571 704, 097 9999 883, email: lim.cheavutha@gmail.com

You are here:
 
Cellcard

បារាំង, អាល្លឺម៉ង់ ទទួចឲ្យរុស្សី អនុវត្តកិច្ចព្រមព្រៀង ទីក្រុង Minsk យ៉ាងឆាប់រហ័ស

E-mail Print PDF

ប៉ារីស៖ ប្រធានាធិបតីប្រទេសបារាំង លោក Francois Hollande បានថ្លែងនៅថ្ងៃសុក្រ ទី២៩ ខែឧសភា ឆ្នាំ២០១៥នេះថា ខ្លួន និង អធិការបតីអាល្លឺម៉ង់ លោក Angela Merkel ស្នើទៅកាន់ប្រធានាធិបតីសាធារណរដ្ឋរុស្សី លោក Vladimir Putin ឲ្យគោរពតាមបទ ឈប់បាញ់ទីក្រុងMinsk និង ចាត់វិធានការដោះស្រាយជម្លោះនៅអ៊ុយក្រែនឲ្យកាន់តែឆាប់។

ទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃសៅរ៍ ទី៣០ ខែឧសភា ឆ្នាំ២០១៥ ដោយផ្អែកតាមរដ្ឋាភិបាលជាន់ខ្ពស់បារាំង បានឲ្យដឹងទៀតថា លោកបានស្នើ ទៅកាន់មេដឹកនាំអឺរ៉ុប ទាំងអស់ឲ្យគោរពតាមបទឈប់បាញ់ និង បញ្ឈប់ការប្រើអាវុធធនធ្ងន់, ដោះលែងអ្នកទោស និង ស្តារសេដ្ឋកិច្ចក្នុងតំបន់ឲ្យប្រសើរឡើង ដែលគ្រប់គ្រង់ដោយអ៊ុយក្រែន និង ក្រុមឯទៀត។

ក្នុងអំឡុងពេលពិភាក្សាតាមទូរស័ព្ឌជាមួយលោក Putin ប្រធានាធិបតីបារាំង រួមជាមួយអធិការបតីអាល្លឺម៉ង់ បានជម្រុញឲ្យធ្វើ ការជាសហព័ន្ធដើម្បីដោះស្រាយជម្លោះ ក៏ដូចជាចេញលទ្ធផលយ៉ាងមានប្រសិទ្ធភាព ដែលបានកំណត់កាលពីថ្ងៃទី០៦ ខែឧសភាកន្លងទៅ ថានឹងដោះស្រាយ ស្របតាមឆន្ទៈ នយោបាយ សុវត្ថិភាព សេដ្ឋកិច្ច និង មនុស្សធម៌ ដោយបានសង្កត់ធ្ងន់ថា មេដឹកនាំគ្រប់រូបត្រូវចូលរួមយ៉ាងសកម្ម និង ស្ថាបនា។

គួរបញ្ជាក់ផងដែរថា មន្ត្រីជាន់ខ្ពស់មកពីប្រទេស ទាំង០៤ នឹងត្រូវជួបពិភាក្សាគ្នានៅថ្ងៃទី១០ ខែមិថុនា ឆ្នាំ២០១៥ នៅក្នុងទីក្រុង ប៉ារីស ប្រទេសបារាំង ដើម្បីរម្លឹកពីដំណើរការកិច្ចព្រមព្រៀងMinsk។

បើទោះបីជាមាន បទឈប់បាញ់ ធ្វើឡើងកាលពីថ្ងៃទី១២ ខែកុម្ភៈកន្លងទៅនេះក៏ដោយ ក៏មាននៅតែបន្តការបាញ់គ្នា អាវុធធនធ្ងន់ ចាប់អ្នកទោស និងការប៉ះគ្នារប៉េះរប៉ោះដែរ៕

ជនភៀសខ្លួន ១៧ នាក់ស្លាប់ និង ២១៧ ត្រូវជួយសង្គ្រោះ បន្ទាប់ពីទូកលិចនៅ សមុទ្រលីប៊ី

E-mail Print PDF

រ៉ូម៖ យោធាជើងទឹករបស់ប្រទេស អ៊ីតាលី បានរកឃើញសាកសពជនភៀសខ្លួនចំនួន ១៧នាក់ នៅក្នុងដែនទឹករបស់ប្រទេសលីប៊ី ព្រមទាំងបានសង្គ្រោះជនភៀសខ្លួនដទៃទៀត ចំនួន ២១៧នាក់ឲ្យរួចផុតពីសេចក្តីស្លាប់ បន្ទាប់ពីទូកដឹកពួកគេបានលិច កាលពីថ្ងៃសុក្រ ទី២៩ ខែឧសភា ឆ្នាំ២០១៥ កន្លងទៅនេះ។

ទីភ្នាក់ងារព័ត៌មានចិនស៊ិនហួ ចេញផ្សាយនៅថ្ងៃសៅរ៍ នេះទៀតថា ការចូលទៅជួយ សង្គ្រោះ ពីសំណាក់យោធាជើងទឹកអ៊ីតាលី នៅសមុទ្រមេឌីទែរ៉ាណេ នោះបានកើតឡើង បន្ទាប់ពី យោធា ទទួលបានសញ្ញាតាមប្រព័ន្ធ ផ្កាយរណប ថាមានទូក កំពុងជួបគ្រោះថ្នាក់។

ក្រោយពីទូកយោធាសង្គ្រោះរបស់អ៊ីតាលីទៅដល់ គេបានស្រង់យកទាំងសាកសព និង ជនភៀសខ្លួនដែលនៅរស់ ប៉ុន្តែពុំមានសេចក្តីរាយការណ៍ណាមួយពីមនុស្សបាត់ខ្លួននោះទេ។ ចំពោះមូលហេតុនៃការលិចនេះ ក៏នៅមិនទាន់មានការបញ្ជាក់ឲ្យដឹងនោះដែរ ដោយយោធារង់ ចាំ សាកសួរជនភៀសខ្លួនទាំងនោះ ដែលសុទ្ធសឹងតែជាជនជាតិអាហ្វ្រិក៕

របួស ១៥ នាក់ ដោយសារ ផ្ទុះគ្រាប់បែក នៅហ្វីលីពីន

E-mail Print PDF

ZAMBOANGA ៖ អធិការនគបាល ប្រចាំខេត្តស៊ូលូ លោក Abraham Orbita បានរាយការណ៍ នៅថ្ងៃសៅរ៍ ទី៣០ ខែឧសភា ឆ្នាំ២០១៥នេះថា យ៉ាងហោចណាស់មនុស្ស ១៥ នាក់ បានរងរបួសដោយសារ ការបំផ្ទុះគ្រាប់បែក ០២ ដង កាលពីយប់ថ្ងៃសុក្រ នៅក្បែរជំរុំប៉ូលិស នាខេត្តស៊ូលូ ភាគខាងត្បូងប្រទេសហ្វីលីពីន។

ទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃសៅរ៍ដដែលនេះ ដោយស្រង់សម្តីមន្ត្រីប៉ូលិសខាងលើបានឲ្យដឹងទៀតថា ការផ្ទុះគ្រាប់បែកលើកដំបូង កើតឡើងក្នុងម៉ោង ៧ និង ៣០ នាទីយប់ (ម៉ោងក្នុងតំបន់) នៅឯខាងក្រៅវិហារអ៊ីស្លាម ក្បែរជំរុំកងពល Kasim បណ្តាលឲ្យប្រជាជនស៊ីវិល ០៥នាក់ រងរបួសក្នុងនោះ អនីតិជន ០៣ នាក់ ដោយជនមិនស្គាល់មុខ គប់គ្រប់បែកកែច្នៃចូល។ ប្រមាណជា ១០ នាទីក្រោយមក ក៏មានការផ្ទុះជាលើកទី០២ កើតឡើងនៅកន្លែងដដែល ដែលបណ្តាលឲ្យ ប៉ូលិស ១០ នាក់រងរបួសផ្សេងទៀត។

គាត់បាននិយាយថា «វាមើលទៅហាក់បីដូចជា ការផ្ទុះគ្រាប់បែកនេះ បានរៀបចំតាមផែនការដែលគេគ្រោងទុករួចហើយ»។

ភ្លាមៗនោះ ជនរងគ្រោះទាំងអស់ បានបញ្ជួនទៅមន្ទីពេទ្យប្រចាំខេត្ត និង ពេទ្យយោធា សម្រាប់សម្រាកព្យាបាល។

គួរបញ្ជាក់ផងដែរថា ប៉ូលិសកំពុងស៊ើបអង្កេត ពីករណីខាងលើនេះ ថាតើបង្កដោយក្រុមភេរវករ ឬមួយយ៉ាងណា៕

នេប៉ាល់ លុបចោល ទិវាសាធារណរដ្ឋ ក្នុងឆ្នាំនេះ ដោយសារ តែគ្រោះរញ្ជួយដី

E-mail Print PDF

នេប៉ាល់ ៖ ដោយសារ តែមិនអំណោយផល ពីធម្មជាតិ ធ្វើឲ្យប្រទេសនេប៉ាល់ ដែលជាប្រទេស មានភ្នំខ្ពស់ ជាងគេ លើពិភពលោក បានជួបគ្រោះថ្នាក់រញ្ជួយដី កាលពីថ្ងៃទី២៥ ខែមេសា ឆ្នាំ២០១៥កន្លងទៅនេះ បានសម្លាប់ប្រជាជន របស់ខ្លួន រាប់ពាន់នាក់ និង រងរបួសជាច្រើនម៉ឺននាក់។

ទីភ្នាក់ងារព័ត៌មានចិន ស៊ិនហួរ ចេញផ្សាយនៅថ្ងៃសៅរ៍ ទី៣០ ខែឧសភា ឆ្នាំ២០១៥នេះថា រដ្ឋាភិបាលប្រទេសនេប៉ាល់ បានប្រកាសលុបចោល ថ្ងៃទិវាសាធារណរដ្ឋ ប្រទេសនេប៉ាល់ នៅក្នុងឆ្នាំនេះ ដោយសារ ប្រជាជនគ្រប់រូប កំពុងជួបទុក្ខសោក និងគោរពវិញ្ញាណក្ខន្ធ ក្នុងការបាត់បង់ញាត្តិសន្តាន ក៏ដូចជាលំនៅដ្ឋាន សាលារៀន ហេដ្ឋារចនាសម្ព័ន្ធ ទើបសម្រេចចិត្តលុបចោលទិវាបុណ្យជាតិនេះតែម្តង។

គួរបញ្ជាក់ផងដែរថា ប្រទេសនេប៉ាល់បានរងគ្រោះថ្នាក់រញ្ជួយដីដ៏ទៅ ០២ លើក ដែលកាលពីលើកទី០១ កើត ឡើងនៅថ្ងៃទី២៥ ខែមេសា ឆ្នាំ២០១៥កន្លងទៅនេះ ក្នុងកម្រិត ៧.៩ រ៉ិចទ័រ និងលើកទី ០២ បានកើតឡើង កាលពីល្ងាចថ្ងៃទី១២ ខែឧសភា ឆ្នាំ២០១៥ ក្នុងកម្រិត ៧,៤ រ៉ិចទ័រ នៅជិតទីក្រុង Namche Bazar  ក្បែរភ្នំ Everest។

សូមរម្លឹកផងដែរថា ក្នុងគ្រោះធម្មជាតិទាំង ០២ លើកនេះ បានសម្លាប់ប្រជាជននេប៉ាល់លើសពី ៨ ៦០០ នាក់ និង រងរបួសជាច្រើនម៉ឺននាក់។

ពូទីន៖ ការ​ចាប់​ខ្លួន​មេ​ដឹក​នាំ FIFA ក្រោមស្នា​ដៃ​របស់​អា​ម៉េ​រិក ជា​ការ​ចង់​ពង្រីក​ដែន​សមត្ថ​កិច្ច​របស់​ខ្លួន

E-mail Print PDF

ម៉ូស្គូ៖ ប្រធានាធិបតីរុស្ស៊ី លោក វ្លាឌីម៉ៀរ ពូទីន បានបង្ហើបរឿងអាស្រូវ នៃការចាប់ខ្លួនអ្នកគ្រប់គ្រង ជាន់ខ្ពស់ របស់សហព័ន្ធកីឡា បាល់ទាត់អន្ដរជាតិ ដែលហៅកាត់ថា FIFA ពាក់ព័ន្ធនឹងករណីពុករលួយ ក្រោមស្នាដៃរបស់អាម៉េរិក នោះគឺក្នុងគោលបំណង ដើម្បីពង្រីក ដែនសមត្ថកិច្ចរបស់ខ្លួន ទៅកាន់បណ្ដា ប្រទេសនៅខាងក្រៅ។

ទីភ្នាក់ងារសារព័ត៌មានចិន ស៊ិនហួ ចេញផ្សាយថ្ងៃទី២៩ ខែឧសភា ឆ្នាំ២០១៥ នេះដោយលើកឡើងពី សម្ដីរបស់លោក ពូទីន ឲ្យដឹងទៀតថា ពាក់ព័ន្ធនឹងការចាប់ខ្លួនអ្នកគ្រប់ជាន់ខ្ពស់រូបនេះ គឺក្នុងគោល បំណងពង្រីកដែនសមត្ថកិច្ចរបស់អាម៉េរិក ទៅកាន់បណ្ដាប្រទេស ដទៃទៀតតែប៉ុណ្ណោះ ហើយថែមទាំង មានបំណងការពារការជ្រើសតាំងឡើងវិញ នូវតំណែងអ្នកគ្រប់គ្រង FIFA រូបនោះថែមទៀត។

លោក ពូទីន បានចោទសួរថា តើសកម្មភាពស្របច្បាប់របស់ អាជ្ញាធរអាម៉េរិកនៅឯណា ក្នុងការចាប់ខ្លួន អ្នកគ្រប់គ្រង FIFA នៅក្នុងបូរណភាពទឹកដីនៅក្នុងប្រទេសដទៃនោះ។ លោកថា វាអាចទៅរួចទេដែលថា មាននរណាម្នាក់លូកដៃទៅក្នុងរឿងអ្វីមួយ ប៉ុន្ដែអាម៉េរិកអត់មានអ្វីត្រូវលូកដៃទៅក្នុងរឿង FIFA នោះទេ។

លោក ពូទីន បានបន្ថែម ដោយអះអាងទៀតថា ការកាត់ទោសអ្នកគ្រប់គ្រងកំពូលរបស់ FIFA រូបនេះជាមធ្យោបាយមួយរបស់សហរដ្ឋអាម៉េរិក ដើម្បីសម្រេចបាននូវគោលបំណង អត្មានិយមរបស់ខ្លួនផ្ទាល់។ ប្រធានាធិបតីរុស្ស៊ីបានអំពាវនាវជាថ្មីថា កីឡារ និងនយោបាយ មិនអាចលាយឡំគ្នាបាននោះទេ ក្នុងព្រឹត្តិការណ៍បាល់ទាត់ពិភពលោក នាឆ្នាំ២០១៨ ខាងមុខនេះ៕

ឥណ្ឌា ៖ កម្តៅកើនដល់ ៤៧អង្សាសេ, មនុស្សស្លាប់ កើនរហូតដល់ជាង ១.៧០០នាក់

E-mail Print PDF

ញូដេលី ៖ ចំនួនមនុស្សស្លាប់ ដោយសារតែរលកកម្តៅ វាយប្រហារប្រទេសឥណ្ឌាជាងមួយសប្តាហ៍មកនេះ បានកើន ឡើងដល់ ១.៧០០នាក់ហើយ ស្របពេលដែលផ្នែកឧតុនិយម ក្នុងប្រទេសអាស៊ីខាងត្បូងមួយនេះអះអាងថា វានឹង បន្តអូសបន្លាយបន្ថែមទៀត ដែលជាហេតុនាំឲ្យមនុស្សបន្តស្លាប់ផងដែរ ។

ទីភ្នាក់ងារព័ត៌មាន ចិនស៊ិនហួ បានដកស្រង់សម្តី ពីមន្ត្រីឥណ្ឌា ថ្លែងនៅថ្ងៃសុក្រនេះថា ភាគ ច្រើននៃមនុស្សស្លាប់ ស្ថិតនៅរដ្ឋភាគខាងត្បូង ដូចជា អាន់ដ្រា ប្រាដែស និងតេឡេហ្គាណា ជាដើម ។ បើតាមការបញ្ជាក់ ពីអាជ្ញាធរសុខាភិ បាលឲ្យដឹងថា នៅរយៈពេល ២៤ម៉ោងចុងក្រោយនេះ មនុស្សជាង ១០០នាក់បានបាត់បង់ជីវិត ហើយពួកគេភាគ ច្រើនបានដាច់សសៃ ឈាមខួរក្បាល ដោយសារតែអាកាសធាតុកើនឡើងកម្តៅដល់ ៤៧ អង្សាសេ ។

រដ្ឋាភិបាលឥណ្ឌា មានក្រសួងសុខាភិបាលជាដើម បានចេញសារព្រមានឲ្យប្រជាពលរដ្ឋទាំងអស់ ត្រូវស្នាក់នៅក្នុង លំនៅដ្ឋាន ឬជម្រកនានា ដើម្បីគេចចេញពីកម្តៅថ្ងៃ ហើយត្រូវព្យាយាមទទួលទានទឹក និងវត្ថុរាវផ្សេងៗឲ្យបានច្រើន ដើម្បីរក្សាលំនឹងនៃជាតិទឹកក្នុងខ្លួន ព្រោះអាកាសធាតុក្តៅបែបនេះ នឹងបន្តអូសបន្លាយដល់ចុងសប្តាហ៍ឯណោះ ៕

ចិន បំផ្លាញចោល គ្រឿង​ចម្លាក់​ពី​ភ្លុក​ដំរី ៦៦២គីឡូក្រាម

E-mail Print PDF

ប៉េកាំង៖ រដ្ឋាភិបាលចិននៅថ្ងៃសុក្រ ទី២៩ ខែឧសភា ឆ្នាំ២០១៥ នេះ បានធ្វើការបំផ្លាញចោលនូវ វត្ថុចម្លាក់ចេញពីភ្លុកដំរីចំនួន ៦៦២គីឡូក្រាម ដែលនេះជាលើកទីពីរហើយសម្រាប់ អាជ្ញាធរចិន ក្នុងការចាត់វិធានការក្តៅ បង្ក្រាបក្រុមរត់ពន្ធ សិរីរាង្គសត្វខុសច្បាប់ ដែលកំពុង តែក្តៅគគុកនៅទូទាំងប្រទេស។

សារព័ត៌មានចិនស៊ិនហួ ចេញផ្សាយបន្តទៀតថា ភ្លុកដំរីខុសច្បាប់ទាំងអស់នេះ ត្រូវបាន រឹបអូពីឈ្មួញផ្សារងងឹត តាំងពីឆ្នាំ ២០១៤មកម្ល៉េះ ហើយអាជ្ញាធរបានរៀបចំពិធីដុតបំផ្លាញ ចោលដើម្បី ព្រមានមិនឲ្យធ្វើអាជីវកម្មប្រភេទនេះតទៅទៀត។ កាលពីខែមករា ឆ្នាំ ២០១៤ រដ្ឋាភិបាលក៏បានដុតបំផ្លាញភ្លុកដំរី អស់រហូតដល់ ៦,១ តោនឯណោះ៕

យូអិន ថ្កោលទោស ការបំផ្លាញសម្បត្តិ បេតិកភណ្ឌពិភពលោក នៅអ៊ីរ៉ាក់

E-mail Print PDF

ប៉េកាំង ៖ មហាសន្និបាត នៃអង្គការសហប្រជាជាតិ កាលពីថ្ងៃព្រហស្បតិ៍ ទី២៨ ខែឧសភា ឆ្នាំ២០១៥ បាន ធ្វើការ ថ្កោលទោស ចំពោះពួកសកម្មប្រយុទ្ធរដ្ឋអ៊ីស្លាម ឬ ISIS ដែលបាន កម្ទេចទីទាំងបេតិកភណ្ឌពិភពលោក នៅតំបន់ ណាក៏ដោយ ដែលពួកគេកាន់កាប់ ក្រោយពីដណ្តើមបានពីកងទ័ពអ៊ីរ៉ាក់នោះ ។

ទីភ្នាក់ងារព័ត៌មាន ចិនស៊ិនហួ ចេញផ្សាយ នៅថ្ងៃសុក្រនេះទៀតថា ក្រៅពីការថ្កោលទោស មហាសន្និបាត ក៏បាន សម្រេចចេញនូវដំណោះស្រាយ ថ្មីមួយទៀតផងដែរ ដើម្បីទប់ស្កាត់ ការគម្រាមកំហែងបន្តទៀត ទៅលើទីតាំងបេតិក ភណ្ឌពិភពលោក ដែលអាចនឹងទទួលរងការបំផ្លាញ។ ចំណាត់ការថ្មីនេះ កើតឡើងបន្ទាប់ពីពួកឧទ្ទាមរដ្ឋអ៊ីស្លាម ដណ្តើមបានទីក្រុង ប៉ាល់ម៉ៃរ៉ា របស់ស៊ីរី ដែលជាទីក្រុងបុរាណមួយ របស់សកលលោក ។

កន្លងមកនេះ ពួក ISIS បានបំផ្លិចបំផ្លាញនូវអគារបុរាណ ដ៏មានតម្លៃមិនអាចកាត់ថ្លៃបានរបស់អ៊ីរ៉ាក់ ហើយថែមទាំង បានថតជាខ្សែវីដេអូ ផ្សព្វផ្សាយពាសពេញសកលលោកថែមទៀត។ ប្រការនេះហើយ ទើបទីក្រុងប៉ាល់ម៉ៃរ៉ា កំពុងតែ ក្លាយជាក្តីព្រួយបារម្ភថ្មីមួយពីសហគមន៍អន្តរជាតិ ។ ដោយឡែកប្រទេសអាល្លឺម៉ង់ និង អ៊ីរ៉ាក់ ក៏កំពុងតែដើរតួនាទី សំខាន់ផងដែរ ក្នុងការទប់ស្កាត់អំពើរត់ពន្ធវត្ថុបុរណ តាមដំណោះស្រាយរបស់យូអិនកន្លងមក ៕

យូអិន សម្រេចបន្ត បេសកកម្ម នៅស៊ូដង់ ខាងត្បូង

E-mail Print PDF

យូអិន ៖ ក្រុមប្រឹក្សាសន្តិសុខ នៃអង្គការសហប្រជាជាតិ កាលពីថ្ងៃព្រហស្បតិ៍ ទី២៨ ខែឧសភា ឆ្នាំ២០១៥ បាន សម្រេចអូសបន្លាយពេលវេលា នៃបេសកកម្មរបស់ខ្លួន នៅប្រទេសស៊ូដង់ខាងត្បូង (UNMISS) បន្ថែម ៦ខែទៀត ដែលវានឹងបញ្ចប់ នៅថ្ងៃទី៣០ ខែវច្ឆិកា ខាងមុខនេះ ។

ទីភ្នាក់ងារព័ត៌មាន ចិនស៊ិនហួ ចេញផ្សាយ នៅថ្ងៃសុក្រនេះទៀតថា ការសម្រេចខាងលើនេះធ្វើឡើង នៅក្នុងក្រុម ប្រឹក្សាសន្តិសុខ ដែលនឹងបន្តបេសកកម្មនៅស៊ូដង់ខាងត្បូង ក្នុងន័យការពារដល់សន្តិសុខ របស់ជនស៊ីវិល, ការស៊ើប អង្កេតផ្នែកសិទ្ធិមនុស្ស, ការជួយផ្តល់ជំនួយដល់ជនរងគ្រោះ និង ការគាំទ្រលើការអនុវត្ត កិច្ចព្រមព្រៀងសន្តិភាព រវាង ភាគីជម្លោះ ។

គួរបញ្ជាក់ថា បញ្ហាជាច្រើននៅស៊ូដង់ខាងត្បូង នៅមិនទាន់បញ្ចប់នៅឡើយទេ ដូចជាជម្លោះនយោបាយដ៏រុំារ៉ៃ, សន្តិ សុខ និងវិបត្តិមនុស្សធម៌, ហេតុដូច្នេះហើយទើបក្រុមប្រឹក្សា សន្តិសុខ បានសម្រេចថា វាជាក្តីព្រួយបារម្ភណាស់ ទើប ត្រូវបន្តបេសកកម្មអន្តរជាតិនៅទីនោះបន្ថែមទៀត។ តាមរបាយការណ៍ចុងក្រោយបង្ហាញថា ប្រជាជនយ៉ាងហោច ណាស់២លាននាក់ កំពុងរស់នៅដោយការភៀសខ្លួន ដោយសារសង្គ្រាម នៅប្រទេសអាហ្វ្រិកមួយនេះ ៕

Page 1 of 90