aaa

Sunday, Feb 07th

| English Version | dapnews: 012 722 337, 097 9999 883, email: soyvicheth@gmail.com

កូរ៉េខាងជើង បាញ់កាំជ្រួច រយៈចម្ងាយឆ្ងាយ ទោះជាមានការរិះគន់

E-mail Print PDF

អាស៊ី៖ ទូរទស្សន៍ប៊ីប៊ីស៊ី របស់អង់គ្លេស រាយការណ៍នៅមុននេះបន្តិចថា កូរ៉េខាងជើងដ៏ឯកោ បានបាញ់កាំជ្រួច រយៈចម្ងាយឆ្ងាយ ដែលក្រុមអ្នករិះគន់ និយាយថា ការសាកល្បងនេះ គឺជាការបំពាន លើបច្ចេកវិទ្យាកាំជ្រួច។

យ៉ាងណាក៏ដោយ កូរ៉េខាងជើង បានប្រាប់ទៅ អង្គការសហប្រជាជាតិ រួចហើយថា ខ្លួនមានបំណងធ្វើឲ្យ ពិភពលោក តាមដានដោយផ្កាយ រណបចំពោះការបាញ់សាកល្បងនោះ។

វាហាក់ដូចជា បានបាញ់ចេញពីមូលដ្ឋាន ភាគពាយ័ព្យនិងបានហោះកាត់ ភាគត្បូងកោះអូគីណាវ៉ា ប្រទេសជប៉ុន។ការបាញ់នេះទៀតសោត ត្រូវបានថ្កោលទោស ដោយប្រទេសជប៉ុន និងអាមេរិក ចំពេលដែលមានការកង្វល់ថា កូរ៉េខាងជើង កំពុងអភិវឌ្ឍន៍កាំជ្រួចរបស់ខ្លួន បាញ់ដល់ទឹកដីអាមេរិកបាន។

សហរដ្ឋអាមេរិក ជប៉ុន និងកូរ៉េខាងត្បូង បានស្នើឲ្យមានការកោះប្រជុំ បន្ទាន់នៃក្រុមប្រឹក្សាសន្តិសុខអង្គការសហប្រជាជាតិ នៅថ្ងៃអាទិត្យនេះ។

លោក អូបាម៉ា និងលោកស្រី ផាក ដាក់សម្ពាធដល់ចិន ដើម្បីដាក់ទណ្ឌកម្មដល់កូរ៉េខាងជើង

E-mail Print PDF

វ៉ាស៊ីនតោន ៖ ដោយសារចិន ជាអ្នកទទួលកិច្ចការ ក្នុងការដាក់បន្ទុក នៃការផ្តល់សច្ចាប័ន ទៅលើប្រទេស កូរ៉េខាងជើង ប្រធានាធិបតីអាម៉េរិក និងប្រធានាធិបតីកូរ៉េខាងត្បូង បានទំនាក់ទំនងដោយផ្ទាល់ទៅកាន់លោក ស៊ី ជិនពីង ដើម្បីដាក់ទណ្ឌកម្មឲ្យខ្លាំងទៅលើកូរ៉េខាងជើង ។

ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី០៦ ខែកុម្ភៈ ឆ្នាំ២០១៦ថា កាលពីថ្ងៃសុក្រម្សិលមិញ លោក បារ៉ាក់ អូបាម៉ា ប្រធានាធិបតីសហរដ្ឋអាម៉េរិក និងលោកស្រី ផាក ជិន ហេ ប្រធានាធិបតីប្រទេសកូរ៉េខាងត្បូង តាមរយៈទូរស័ព្ទដោយផ្ទាល់ ក្នុងពេលខុសគ្នា ទៅកាន់លោក ស៊ី ជិនពីង ប្រធានាធិបតីចិន ដើម្បីឲ្យចិន ដាក់ទណ្ឌកម្មខ្លាំងក្លាដល់រដ្ឋាភិបាលកូរ៉េខាងជើង ដោយទាមទារឲ្យមានការវាយតម្លៃបន្ទាប់ពីរដ្ឋាភិបាលនេះសាកល្បងនុយក្លេអ៊ែរកាលពីពេលថ្មីៗ នេះ ។

គួររំលឹកថា រដ្ឋាភិបាលក្រុងព្យុងយ៉ាង បានធ្វើការសាកល្បងអាវុធនុយក្លេអ៊ែរ ដែលគេស្គាល់ច្បាស់ថា វាជាគ្រាប់បែកមួយប្រភេទបង្កើតឡើងដែលមានសមាសធាតុផ្សំពីអ៊ីដ្រូសែន ។

លោក ស៊ី ក៏បានទទួលសារផ្លួវការមួយនៅល្ងាចថ្ងៃសុក្រម្សិលមិញនេះពីលោកស្រី ផាក ដោយកូរ៉េខាងត្បូងចង់រឹតបន្តឹង ចំណងមេត្រីភាពជាមួយចិន ។

នៅក្នុងអំឡុងពេលសន្ទនាតាមទូរស័ព្ទអស់រយៈពេល៤៥នាទី នៅក្នុងសេចក្តីប្រកាសព័ត៌មានមួយចេញដោយវិមានខៀវ ប្រធានាធិបតីកូរ៉េខាងត្បូងបានបញ្ជាក់ថា "លោកស្រីប្រធានាធិបតី ផាក បានគូសបញ្ជាក់យ៉ាងមឺងម៉ាត់ និងដំណោះស្រាយយ៉ងមានប្រសិទ្ធិភាព ដែលអាចជំរុញឲ្យកូរ៉េខាងជើងផ្លាស់ប្តូរនូវគម្រោងការរបស់ខ្លួន និងឲ្យយល់ព្រមតាមការអនុម័ត ដែលប្រកាសដាក់ចេញដោយក្រុមប្រឹក្សាសន្តិសុខសហប្រជាជាតិលើបញ្ហានុយក្លេអ៊ែរនេះ" ៕

នេប៉ាល់ រញ្ជួយដី ៥,២ រិចទ័រ ខណៈតៃវ៉ាន់ ស្លាប់អស់​៥នាក់​ហើយ​

E-mail Print PDF

ហុងកុង៖ នៅជិតរដ្ឋធានីនេប៉ាល់ មានករណីរញ្ជួយដីមួយ ក្នុងកម្រិត៥,២រិចទ័រ ខណៈដែលកោះតៃវ៉ាន់ស្លាប់ អស់៥នាក់ហើយ បន្ទាប់ពីមានករណី រញ្ជួយដីកម្រិត៦,៤រិចទ័រ បង្កឲ្យដួលរលំអគារ១៦ជាន់ ។ អ្នកវិទ្យាសាស្ត្រភូមិសាស្ត្រ អាម៉េរិក បានឲ្យដឹងយ៉ាងដូច្នេះ ។

ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី០៦ ខែកុម្ភៈ ឆ្នាំ២០១៦ថា ម៉ោងប្រមាណ១០យប់ ម៉ោងក្នុងតំបន់ មានករណីរញ្ជួយដីមួយបានកើតឡើង ដែលមានរយៈចម្ងាយ ប្រមាណ១៦គីឡូម៉ែត្រ ភាគពាយព្យនៃរដ្ឋធានី ខាម៉ង់ឌូ ដោយមានជម្រៅ ២៥,៩គីឡូម៉ែត្រ ។

ទោះបីជាមានករណីរញ្ជួយដី កើតឡើងក៏ពិតមែន តែមិនទាន់មាន សេចក្តីរាយការណ៍ ណាមួួយបញ្ជាក់បានភ្លាមៗ ថាអ្នករងរបួស ឬស្លាប់ និងការខូចខាតយ៉ាងណា នោះនៅឡើយទេ ។

ប៉ុន្តែប្រភពព័ត៌មានដដែលនេះ បានផ្សព្វផ្សាយថា សម្រាប់ករណីនៅកោះតៃវ៉ាន់ កម្រិតរញ្ជួយ៦,៤រិចទ័រ តែសេចក្តីរាយការណ៍បឋម ស្លាប់០៣នាក់ តែមិនបានប៉ុន្មាននាទីផង ក៏កើនដល់៥នាក់ហើយ បន្ទាប់ពីពលរដ្ឋជាង១០០នាក់ ត្រូវបានគេសង្គ្រោះចេញពី អគាររលំ១៦ជាន់រួចមក ។

យោងតាមរបាយការណ៍ មួយបានបញ្ជាក់ថា នេប៉ាល់ ជាប្រទេសដែលរងការវាយប្រហារ ដោយគ្រោះរញ្ជួយដីទ្រង់ទ្រាយធំ នៅក្នុងខែមេសា ឆ្នាំ២០១៥ កម្រិតរញ្ជួយ៧៨រិចទ័រ សម្លាប់ពលរដ្ឋអស់៩,០០០នាក់ បំផ្លិចបំផ្លាញផ្ទះសម្បែង ពលរដ្ឋរាប់លានខ្នង ៕

រថយន្តក្រុង​បើកធ្លាក់​ស្ពាន ហើយ​ជ្រុលចូល​ក្នុងទន្លេ​ ស្លាប់​៣៧នាក់​ នៅ​ឥណ្ឌា​

E-mail Print PDF

អាម៉េដាបាដ៖ រថយន្តមួយគ្រឿង បានបើកធ្លាក់ស្ពាន ហើយជ្រុលចូលទៅក្នុងទន្លេមួយ នៅប្រទេសឥណ្ឌា បណ្តាលឲ្យអ្នកដំណើរស្លាប់អស់៣៧នាក់ ។

ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី០៦ ខែកុម្ភៈ ឆ្នាំ២០១៦ថា កាលពីថ្ងៃសុក្រម្សិលមិញ មានករណីគ្រោះថ្នាក់ចរាចរណ៍ ដ៏រន្ធត់មួួយបានកើតឡើង នៅភាគខាងលិច ប្រទេសឥណ្ឌា ដោយមានរថយន្តក្រុង មួយគ្រឿងបានបើកបរឆ្លងស្ពាន ហើយជ្រុលចង្កួតក៏ធ្លាក់ចូលទៅក្នុងទឹកទន្លេ បណ្តាលឲ្យអ្នកដំណើចំនួន៣៧នាក់ បាត់បង់ជីវិត ។

ហេតុការណ៍នេះបានកើតឡើងនៅក្រុង Ahmedabad ស្ថិតនៅរដ្ឋ Gujarat ប្រទេសឥណ្ឌា ។ មូលហេតុដែលបង្កគ្រោះ ថ្នាក់ចរាចរណ៍នេះដោយសារ អ្នកបើកបរបាត់បង់ ការគ្រប់គ្រង ទើបបណ្តាលឲ្យរថយន្ តដែលបើកលើស្ពាន បានធ្លាក់ចុះចូលក្នុងទន្លេ Purna ស្ថិតនៅស្រុក Navsari ចម្ងាយប្រមាណ២៨៥គីឡូម៉ែត្រ ពីក្រុងខាងលើ ។

លោក កRemya Mohan មន្ត្រីរដ្ឋបាលជាន់ខ្ពស់ នៅស្រុក Navsari បានប្រាប់ដល់ AFP ថា "អ្នកស្លាប់មានចំនួន៣៧នាក់ និង២៤នាក់ទៀតត្រូវបាន បញ្ជូនទៅសង្គ្រោះនៅមន្ទីរ" ។

អភិបាលរដ្ឋខាងលើបាន បញ្ជាក់ថា សម្រាប់ថវិកាជួយរំលែកក្តីទុក្ខ ដល់ជនរងគ្រោះ ទឹកប្រាក់ចំនួន៥,៩០០ដុល្លារ ត្រូវ បានប្រគល់ដល់ ក្រុមគ្រួសារនៃសពម្នាក់ៗ ៕

មន្ទីរប៉ង់​តាហ្គោន បង្កើនថវិកា សម្រាប់​យន្តហោះ​ប្រយុទ្ធ​ ប្រភេទ F-35

E-mail Print PDF

កាលីហ្វ័រញ៉ា៖ បើយោងតាមប្រភពព័ត៍មាន របស់គេហទំព័រ Military បានឲ្យដឹងថា លោកលេខាធិការក្រសួងការពារជាតិ របស់អាមេរិក Ash Carterបានប្រកាសប្រាប់ ពលទាហានរបស់ខ្លួន នៅក្នុងសប្តាហ៍នេះ ថាអាមេរិកសម្រេចចិត្ត នឹងបន្ថែមថវិកាថែមទៀត សម្រាប់យន្តហោះប្រយុទ្ធ ប្រភេទ F-35 និង F/A-18 Horentសម្រាប់ឆ្នាំក្រោយនេះ។

សេចក្តីប្រកាសនេះគឺត្រូវ បានធ្វើឡើងនៅក្នុងទស្សនកិច្ចការងារ មួយរបស់លោកកាលពី ថ្ងៃពុធនៅឯមូលដ្ឋានទ័ព Marine Air Station Miramarដែលមានទីតាំង នៅក្នុងទីក្រុងកាលីហ្វ័រញ៉ា ហើយដែលការមកដល់នេះ គឺមានរយះពេលត្រឹមតែ មួយអាទិត្យ មុនការប្រកាសផែនការថវិកា ប្រចាំឆ្នាំ ២០១៧ របស់មន្ទីរប៉ង់តាហ្គោន។
លោក Carter មិនបានបញ្ជាក់ច្បាស់ ពីតម្លៃដែលនឹងត្រូវកើនឡើង សម្រាប់យន្តហោះ F-35 នោះទេប៉ុន្តែលោក បានឲ្យដឹងថាបើទោះ ជាក្រុមការងារផលិត នៅប្រឈមមុខនឹងបញ្ហាមួយ ចំនូនដូចជាបញ្ហាបច្ចេកទេស និងការអន់ថយ នៃប្រព័ន្ធមេកានិច យ៉ាងណាក្តី ក៏ប៉ុន្តែកម្មវិធីនេះ នៅតែត្រូវបន្ត ទៅមុខដដែល៕

មនុស្ស ២២១ នាក់ នៅតៃវ៉ាន់​ត្រូវបាន​ គេសង្គ្រោះ ចេញពីគំនរ​បាក់បែក

E-mail Print PDF

ក្រុងតៃប៉ិ៖ នៅព្រឹកថ្ងៃសៅរ៍នេះ នៅក្នុងទីក្រុង Tainan ក្រុមអ្នកសង្គ្រោះកំពុងតែ បន្តជួយស្រោចស្រង់ ជីវិតមនុស្សចេញពី អគារស្នាក់នៅពីរកន្លែង ដែលបានដូលរលំនៅ ពេលដែលមានការរញ្ជួយ ដីកម្រិត ៦.៤ រិុចទ័រ។

មនុស្ស ២២១នាក់ ហើយត្រូវបាន គេទាញចេញពី អគារបែកបាក់ហើយខណៈ ដែលនៅមានមនុស្សជាច្រើននាក់ទៀតនៅជាប់គាំងនៅឡើយ។
ក្រុមទាហាន និងប៉ូលីស ពន្លត់អគ្គិភ័យជាច្រើននាក់ កំពុងធ្វើការយ៉ាងមមាញឹក ដើម្បីរំដោះអ្នកជាប់គាំងជាច្រើន នៅឡើយរីឯមនុស្ស ១១៥នាក់នៅក្នុងចំណោម អ្នករួចរស់ជីវិត ត្រូវបានគេបញ្ជូន ទៅមន្ទីរពេទ្យហើយ។

មន្ត្រីរដ្ឋាភិបាលតៃវ៉ាន់ បាននិយាយថាក្មេងអាយុ ២០ឆ្នាំ ម្នាក់និងបុរស៤០ឆ្នាំ ម្នាក់ដែលត្រូវបានក្រុមសង្រ្គោះ ទាញចេញពីអគារស្នាក់នៅឈ្មោះWei Guan ដែលមានកំពស់ ប្រមាណជា១៧ជាន់ និងមានមនុស្សរស់នៅ ២០០នាក់ គេរកឃើញស្ថិតក្នុងស្ថានភាពធ្ងន់ធ្ងរ។

មនុស្សមួយចំនួនទៀត ត្រូវបានគេយកចេញពី អគារមួយទៀតដែលមាន ឈ្មោះWi Guan High Riseដែលមានប្រជាជន រស់នៅប្រមាណ ១៥០គ្រួសារ និងមានកំពស់ ១៦ជាន់។

អគារជាច្រើនទៀត ដែលមានទីតាំងនៅក្បែរគ្នា ក៏បានរងផលប៉ះពាល់ជាច្រើនដែរ នៅពេលដែលក្រុមសង្គ្រោះ ក៏បានជួយទាញជនរងគ្រោះ ប្រមាណពី១០ទៅ១២នាក់ ចេញពីអគារផ្សារទំនើប និងអគារមួយខ្នងទៀត ដែលមានកំពស់ ៧ជាន់ផងនោះ៕

បារាំងស្នើរសុំ រដ្ឋធម្មនុញ្ញ ឲ្យអាចដាក់ប្រទេស ទៅក្នុងភាពប្រកាស អាសន្នបាន រយះពេល ៤ខែ

E-mail Print PDF

ប៉ារីស: យោងតាមការចេញផ្សាយ ដោយគេហទំព័ររបស់ កាសែតស៊ិនហួរ នៅថ្ងៃសុក្រនេះ បានឲ្យដឹងថា លោកនាយករដ្ឋមន្ត្រីបារាំង រដ្ឋាភិបាលបានដាក់សំណើរសុំធ្វើការផ្លាស់ប្តូរ ច្បាប់រដ្ឋធម្មនុញ្ញ ដើម្បីធ្វើឲ្យមានភាពងាយស្រួល សម្រាប់រដ្ឋាភិបាលអាចធ្វើការ ដាក់ប្រទេសទៅក្នុងការប្រកាស អាសន្នបានភ្លាមៗ និងរយះពេលយូរដល់ទៅ៤ខែ ច្រើនជាងច្បាប់ចាស់ដែលបានចែង។

លោក Manual Valls នាយករដ្ឋមន្ត្រីរបស់ប្រទេសបារាំង បានរៀបចំរួចរាល់ហើយក្នុងការដាក់ប្រទេស ទៅក្នុងភាពប្រកាសអាសន្ន សម្រាប់រយះពេល៤ខែទៀត នឹងថែមទាំងអាចបន្តបានទៀតផង។ លោកនាយករដ្ឋមន្ត្រីបានបញ្ជាក់ពីប្រសិទ្ធិភាព និងសារះសំខាន់នៃលទ្ធភាព ដែលអាចដាក់ប្រទេសក្នុង ការប្រកាសអាសន្នបានយូរបែបនេះហើយគឺនៅក្រោយព្រឹត្តិការណ៍ បាញ់រះនិងបំផ្ទុះគ្រាប់បែកជាច្រើនកន្លែងនៅក្នុងទីក្រុងប៉ារីស កាលពីខែវិច្ឆិកា ឆ្នាំ២០១៥ កន្លងមកដែលបានធ្វើឲ្យបាត់បង់ អាយុជីវិតមនុស្សដល់ទៅ១៣០នាក់។

លោកនាយករដ្ឋមន្ត្រីបានគូសបញ្ជាក់ថែមទៀតថា ការដាក់ប្រទេស ក្នុងភាពអាសន្នបានជួយឲ្យបារាំង រារាំងនិងទប់ស្កាត់គម្រោងភេវរកម្ម ដល់ទៅ១១លើក នៅក្នុងការវាយឆ្មក់ដល់ទៅ៣២៨៩លើក ក្នុងនោះប៉ូលីសបានរឹបអូសកាំភ្លើង៥៦០ដើម ហើយមនុស្ស៣៤១នាក់ ត្រូវបានចាប់ឃុំឃាំងផងដែរ ៕

ក្រុមហ៊ុនប៊ូអ៊ីង បង្ហាញម៉ូដែល យន្តហោះ ប្រភេទថ្មី រូបរាងចម្លែក តែតម្រូវទូរ កុងទីន័រ

E-mail Print PDF

ប្រភពភព័ត៌មាន ពីYahoo កាលពីថ្ងៃព្រហស្បតិ៍បានឲ្យដឹងថា ក្រុមហ៊ុនផលិតយន្តហោះ ប៊ូអ៊ីងបានទទួលបានប័ណ្ណប៉ាតង់អនុញ្ញាតិកាល ពីខែមុនដើម្បីឲ្យមានការផលិតយន្តហោះ ប្រភេទដឹកជញ្ជូនថ្មីមួយ ដែលមានរូបរាងប្លែកប៉ុន្តែសាកសមបំផុត សម្រាប់ការផ្ទុកទូរកុងទីន័រ ធំៗបានយ៉ាងងាយស្រួល។

ម៉ូដែលថ្មីនៃយន្តហោះដឹកទំនិញរបស់ក្រុមហ៊ុនប៊ូអ៊ីងនេះមិនតម្រូវប្រើប្រាស់ជាមួយទំហំកុងទីន័រប្រភេទដែលយើងធ្លាប់ឃើញគ្រប់គ្នានៅតាមកប៉ាល់ដឹងទំនិញនិងរថភ្លើងនោះទេតែវានឹងប្រើប្រាស់ជាមួយនឹងកុងទីន័រដែលមានទំហំស្របទៅតាមស្តង់ដាថ្មីUnit Load Device (ULD)ដែលនឹងត្រូវប្រើប្រាស់នូវកុងទីន័រដែលមានទំហំតូចជាងមុនហើយវានឹងត្រូវដាក់តម្រៀបគ្នាបានតែមួយជួរប៉ុណ្ណោះ៕

គួរបញ្ជាក់ថាយន្តហោះប្រភេទដឹកទំនិញមួយនេះគឺត្រូវបានក្រុមអ្នកវិស្វកររចនាឡើងក្នុងលក្ខណះសាមញ្ញតែក្នុងគោលដៅផ្តោតសំខាន់លើសុវត្ថិភាពហើយបើទោះជាយ៉ាងនេះក្តីយន្តហោះដែលអាចបន្ទាបខ្លួនបានយ៉ាងទាបនិងមានសមត្ថភាពក្នុងដឹកជញ្ជូនកុងទីន័របានពី១០ទៅ១២មួយនេះនឹងត្រូវប្រើពេលវេលាច្រើនសមល្មមសម្រាប់ការធ្វើតេស្តសាកល្បងជាមុនមុននឹងការដាក់ឲ្យប្រើប្រាស់ជាផ្លូវការនោះ៕

កម្ពុជាព្រួយបារម្ភ ការបាញ់គ្រាប់មីស៊ីល របស់កូរ៉េខាងជើង

E-mail Print PDF

ភ្នំពេញ៖ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នៅថ្ងៃទី៥ ខែកុម្ភៈ ឆ្នាំ២០១៦នេះ បានសម្តែងការ ព្រួយបារម្ភ ពីការបាញ់គ្រាប់មីស៊ីល របស់កូរ៉េខាងត្បូង ដែលជារឿងលំបាក សម្រាប់អាស៊ីទាំងមូល។

សម្តេចបានបញ្ជាក់ នៅក្នុងពិធីចែកសញ្ញាបត្រ ដល់និស្សិតសកលវិទ្យាល័យ ជាតិគ្រប់គ្រងថា “អ្វីដែលលំបាក គឺប៉ុន្មាន ថ្ងៃខាងមុខ តើកូរ៉េខាងជើងគាត់ នឹងបាញ់អី នេះជារឿងមួយដែលលំបាកនាំឲ្យអាស៊ីជួបការលំបាក។ បើសិនជាគ្មាន បញ្ហាការគំរាមកំហែងបាញ់ ម្តងហើយបាញ់ម្តងទៀត និងការគំរាមបាញ់សាជាថ្មីនូវមីស៊ីល នៅពេលខាងមុខនេះ ប្រហែលជាអាស៊ី គ្មានបញ្ហាលំបាកច្រើនទេ “។

សម្តេចបន្តថា នៅក្នុងពិភពលោកកំពុងមានការព្រួយបារម្ភពីបញ្ហាការប្រែប្រួលអាកាសធាតុ ដូចជាគ្រោះធម្មជាតិ ជំងឺឆ្លង នៅប្រទេសមួយចំនួនក្នុងពិភពលោក៕

Page 1 of 137