Dap News...Admin

រ៉ូមៈ កីឡាករវាយកូនបាល់ លំដាប់លេខ២ ពិភពលោក Roger Federer និងលេខ១ ពិភពលោក Rafael Nadal បានឆ្លងផុត ជុំទី២ បន្ទាប់ពីយកឈ្នះគូប្រកួត នាយប់មិញនេះក្នុងព្រឹត្តិការណ៍ Rome Masters ដោយជោគជ័យ ក្នុងប្រទេសអ៊ីតាលី និងបាន ត្រៀមខ្លួនរួចរាល់ សម្រាប់ព្រឹតិ្តការណ៍ធំមួយទៀត គឺ French Open ផងដែរ ។

យោងតាមគេហទំព័រទូរទស្សន៍ Channel News Asia បានឱ្យដឹងនៅថ្ងៃព្រហស្បតិ៍ ទី១៧ ខែឧសភា ឆ្នាំ ២០១២នេះថា Federer បានផ្តួលកីឡាករអាហ្សង់ទីន Journeyman Carlos Berlocq ត្រឹមតែ២សិតប៉ុណ្ណោះ ដោយមិនឱ្យតដៃរួច ត្រឹមពិន្ទុ៦-៣ និង៦-៤ ដោយងាយ ស្របពេលដែល Nadal ទម្លាក់កីឡាករ Florian Mayer ត្រឹមតែ២សិតដែរនោះ ដោយពិន្ទុ៦-១ និង៧-៥ បន្ទាប់ពីធ្លាប់ ចាញ់កីឡាករ អាឡឺម៉ង់ (Mayer) រូបនេះ ម្តងមកដែរកាលពីរដូវស្លឹកឈើជ្រុះ ក្នុងទីក្រុងសៀងហាយ ប្រទេសចិនមកនោះ ។

ជាមួយនឹងជ័យជំនះដ៏ត្រចះត្រចង់នេះ Nadal ក៏បានឱ្យដឹងដែរថា “ការទទួលជ័យជំនះ នូវសិតទី១នេះ វាសំខាន់សម្រាប់រូបខ្ញុំ ហើយវាបានធ្វើឱ្យខ្ញុំមាន កំលាំងចិត្តច្រើនក្នុងការ បន្តឈ្នះនៅសិតទី២ទៀត” ។

សម្រាប់ឯ Federer បានចូលទីលានប្រកួតវិញ បន្ទាប់ពីលើកពាន Madrid Open នៅលើទីលានដីឥដ្ឋ នា ប្រទេសអេស្ប៉ាញ រយៈពេល៣ថ្ងៃមកនោះ ខណៈដែលជើងខ្លាំង Novak Djokovic និង Nadal បានធ្លាក់នោះ ក៏ប៉ុន្តែសម្រាប់ព្រឹត្តិការណ៍ ធំចំនួន ៤ទៀត មានដូចជា French Open, Wimbledon, London Olympics និង US Open នោះគឺមិនមែនជា បន្ទុកធ្ងន់ចំពោះ Federer ឡើយ ដោយនៅពេលនេះលោកបាន គ្រងតំណែង ជើងឯកក្របខណ្ឌ ATP បាន៧៤ដងហើយ រហូតដល់នឹងពេលនេះ ៕

Roger Federer

Rafael Nada

ភ្នំពេញ៖ ក្រុមវង់តន្ត្រីបងប្អូន ដែលរួមបង្កើតឡើង ដោយបងប្អូនបង្កើតដែលមានទឹកចិត្តស្រឡាញ់សិល្បៈ ហើយក៏បានរួមដៃ គ្នាបង្កើតក្រុមសិល្បៈ តន្ត្រីមួយក្រុមដែល មានឈ្មោះថា ”វង់តន្ត្រីបងប្អូន” នឹងចូលរួមជាភ្ញៀវ កិត្តិយសក្នុងកម្មវិធី «តារាក្នុងដួងចិត្តខ្ញុំ» នៃស្ថានីយវិទ្យុដើមអម្ពិល FM 93. 75 MHz (អេហ្វអឹម ៩៣.៧៥មេហ្គាហឺត) នៅថ្ងៃសុក្រក្នុងសប្តាហ៍នេះ។

ក្នុងកម្មវិធី «តារាក្នុងដួងចិត្តខ្ញុំ» មានផ្សាយជូនជារៀងរាល់ថ្ងៃសុក្រ វេលាម៉ោង២ និង១០នាទី រហូតដល់ ម៉ោង៣រសៀល។ នៅក្នុងកម្មវិធីរៀងរាល់សប្តាហ៍ មានការអញ្ជើញចូលរួម ពីសិល្បករ និងសិល្បការិនី ដែលមានឈ្មោះបោះសំឡេងនៅក្នុងប្រទេសកម្ពុជា ចូលរួមជាភ្ញៀវកិត្តិយសផងដែរ។

នៅថ្ងៃសុក្រ ទី១៨ ខែឧសភា ឆ្នាំ២០១២នេះ នឹងមានវត្តមាន ប្រធានក្រុមវង់តន្ត្រីបងប្អូន នឹងចូលរួមបកស្រាយ ទាក់ទងនឹងការងារ បទពិសោធន៍ ក្នុងការបង្កើតក្រុមនេះឡើង ក៏ដូចជាដំណើរដើមទង ដែលពួកគេបានពួត ដៃគ្នា បង្កើតក្រុមនេះឡើង បូករួមជាមួយនឹងភាពជោគជ័យរបស់ពួកគេ ដើម្បីចែករំលែកបទពិសោធន៍ និងភាពជោគជ័យដល់ប្រិយមិត្តអ្នក ស្តាប់។

ជុំវិញចម្ងល់ទាំងនេះ នឹងបង្ហាញឲ្យប្រិយមិត្តដឹង នៅក្នុងកម្មវិធី «តារាក្នុងដួងចិត្តខ្ញុំ» ហើយប្រិយមិត្ត ក៏អាចទូរស័ព្ទសាកសួរ ក៏ដូចជាជជែកកម្សាន្តជាមួយតារាកិត្តិយសបាន ដោយគ្រាន់តែទាក់ទងតាមប្រព័ន្ធ ទូរស័ព្ទ ចំនួន៣ខ្សែ គឺលេខ ៖ 088 863 633 8, 092 942 955 ,015 595 435 បាន។

គួររំលឹកផងដែរថា ក្រុមតន្ត្រីបងប្អូន បានបង្កើតឡើងក្នុងឆ្នាំ២០០៧ ដោយសមាជិក នៅក្នុងក្រុមនេះ មានសមាជិក៨នាក់ ដែលសុទ្ធសឹងតែជាបងប្អូនបង្កើត នឹងជាបងប្អូនជីដូនមួយ ហើយពួកគេក៏ធ្លាប់បានចេញជា អាល់ប៊ុម នឹងធ្លាប់បានឡើងបង្ហាញសមត្ថភាពតាមបណ្តាស្ថានីយទូរទស្សន៍ ជាច្រើនដូចជា ស្ថានីយទូរទស្សន៍ បាយ័ន, ស៊ីធីអ៊ីន, ទទក, ប៉ុស្តិ៍លេខ៥ និងធ្លាប់បានចូលប្រឡងនៅក្នុងកម្មវិធីប្រឡង មហោស្រពតន្ត្រី និងកម្មវិធីជាច្រើនទៀតផងដែរ៕

មន្ទីរពេទ្យ Gleneagles Hospital  ប្រទេសសឹង្ហបុរី នឹងរៀបចំឱ្យមាន ការពិគ្រោះយោបល់ ដោយ ឥតគិតថ្លៃមួយ នៅ រាជធានីភ្នំពេញ ស្តីពី ជំងឺប្រព័ន្ធទឹកនោម និងការប្តូរតម្រងនោម នៅតំណាង ការិយាល័យ Parkway Health នៅកម្ពុជា នៅថ្ងៃទី២៤ ខែឧសភា ឆ្នាំ២០១២ ខាងមុខនេះ ។

ការពិគ្រោះយោបល់នេះ នឹងពន្យល់ដោយ វេជ្ជបណ្ឌិតឯកទេស ២រូប រួមមាន Dr Roger Tan និង អ្នកឯកទេសខាង ជំងឺប្រព័ន្ធ តម្រងនោម និង Dr Lewis Liew អ្នកឯកទេសព្យាបាល និងវះកាត់ ប្រព័ន្ធតម្រងនោម នៅមន្ទីរពេទ្យ  Gleneagles Hospital  ដោយផ្តោតសំខាន់ ទៅលើប្រធានបទ ដែលទាក់ទងនឹង ស្ថានភាពទូទៅប្រព័ន្ធតម្រងនោម គ្រោះក្នុងតម្រងនោម ជំងឺខ្សោយតម្រងនោម រលាកឈាម ការវះកាត់ (ប្លោកនោម ប្រូស្តាត បង្ហូរនោម ពងស្វាស ប្រដាប់ភេទ តម្រងនោម ។ល។) និងការប្តូរតម្រងនោម ព្រមជាមួយនឹងដំណើផ្សេងៗទៀត ដែលទាក់ទងនឹង ប្រព័ន្ធទឹកនោម ។

ការពិគ្រោះយោបល់ នឹងតម្រូវឱ្យ អ្នកជំងឺទាំងអស់ មានឯកសាពិនិត្យជំងឺជាមុន ព្រមទាំងបានចុះឈ្មោះ ចូលរួមជាមុនផងដែរ តាមលេខទូរស័ព្ទ 015 897 576 ,023 866 103 ។

នៅក្នុង អំឡុងសប្តាហ៏ទី១ នៃខែឧសភា ព្រះអាទិត្យ នៃទ្វីបអង់តាក់ទិច បានបង្ហាញខ្លួនជា លើកចុងក្រោយ ដើម្បីបញ្ជាក់ថារដូវរងារ នឹងមកដល់នាពេលឆាប់ៗនេះ។
ព្រះអាទិត្យរះលើកក្រោយ នឹងបង្ហាញខ្លួននៅក្នុងរយៈពេល៤ខែទៀត នៅពេលដែលនិទាឃរដូវប្រចាំឆ្នាំ ត្រូវបានបញ្ចប់។

គួរបញ្ជាក់ដែរថា ទិដ្ឋភាពនៃព្រះអាទិត្យអស្តង្គត់ចុងក្រោយនេះ ពិតជាស្អាតខ្លាំងណាស់ ដែលវាបានធ្វើឲ្យ អ្នកស្រាវជ្រាវ និង បុគ្គលិកភាគច្រើននៅក្នុងស្ថានីយ៏លំហអាកាសអន្តរជាតិ ដកចិត្តពីការចាប់យក រួបភាពមិនរួច៕

យោងតាម ក្រុមអ្នកវិទ្យាសាស្រ្ត សហរដ្ឋអាមេរិក បានឲ្យដឹងថា ការទទួលទានស្ករច្រើនពេក អាចធ្វើឲ្យសមត្ថភាព ខួរក្បាលរបស់អ្នកចុះខ្សោយ។
ក្រុមអ្នកស្រាវជ្រាវ នៅឯមហាវិទ្យាល័យ កាលីហ្វ័រញ៉ា ឡូសអេនជីឡេស (UCLA) បានចិញ្ចឹមសត្វកណ្តុរ២ក្រុម ឲ្យស៊ីស្ករពោតក្នុងកំរិតជាតិស្ករខ្ពស់ និងផឹកទឹកក្នុងរយៈពេល៦សប្តាហ៏។

កណ្តុរមួយក្រុម ត្រូវបានអស់កម្លាំង ដោយសារតែការកើនឡើង នៃអាស៊ីតធាត់អូមេហ្គា-៣ នៅក្នុងខួរក្បាល ក្នុងខណៈដែលកណ្តុរមួយក្រុមទៀត មិនមានអ្វីកើតឡើងសោះ។ មួយវិញទៀត លទ្ធផលក៏បានឲ្យដឹងទៀតថា ដោយសារតែខួរក្បាល របស់ពួកវាផ្ទុកទៅដោយអាស៊ីតខ្លាញ់ច្រើន ទើបធ្វើឲ្យសមត្ថភាព ខួរក្បាលរបស់វាដំណើរការយឺតជាងមុន។

កោសិកាខួរក្បាល របស់ពួកវាមានបញ្ហាក្នុងការធ្វើទំនាក់ទំនងគ្នា ដែលជាហេតុធ្វើឲ្យមានការបង្អាក់ដល់សមត្ថភាពខួរក្បាល។
ម្យ៉ាងវិញទៀត ការទទួលទានចំណីអាហារ ដែលផ្ទុកទៅដោយជាតិស្ករច្រើនពេក អាចធ្វើឲ្យមានគ្រោះថ្នាក់យ៉ាងធ្ងន់ធ្ងរ ដល់ខួរក្បាលនាថ្ងៃអនាគត។ មិនតែប៉ុណ្ណោះការផ្ទុកជាតិស្ករខ្លាំងពេក នៅក្នុងរាងកាយអាចនាំឲ្យមានផលប៉ះពាល់ ដល់ជាតិអាំងស៊ុយលីនដែលវាមានតួនាទី សំខាន់ណាស់ក្នុងការ គ្រប់គ្រងជាតិស្ករនៅក្នុងសារពាង្គកាយ។

ការសិក្សាបានបញ្ជាក់ឲ្យដឹងថា កំរិតជាតិស្ករខ្ពស់មិនត្រឹមតែអាចមានគ្រោះថ្នាក់ ដល់ខួរក្បាលនោះទេ តែវាអាចធ្វើឲ្យរាងកាយរបស់យើង ស្ថិតនៅក្នុងស្ថានភាព គ្រោះថ្នាក់ដែរ។ នេះគឺជាអ្វីដែលថ្មីដែលក្រុម អ្នកសិក្សាបានរកឃើញ៕

ខាងក្រោមនេះ គឺជាអាហារ ដែលស្តី្រមានផ្ទៃពោះមិនគួរទទួលទាន៖

សាច់ឆៅ:
ស្ត្រីមានផ្ទៃពោះគួរជៀសវាង អាហារណាដែលចំអិនមិនបានល្អ និងសាច់ឆៅ ដែលវាបានផ្ទុកនូវជាតិពុល ជាច្រើន។ ជាមួយគ្នានេះដែរ អ្នកគួរតែជៀសវាង អាហារណាដែលផ្សំឡើងដោយ ត្រី សាច់ និងបន្លែដោយ មិនបានចំអិនឲ្យបានឆ្អិនល្អ។

អាហារសមុទ្រ :
ទោះបីជាអាហារសមុទ្រស្ថិត នៅក្នុងក្រុមអាហារ ដែលស្ត្រីមានផ្ទៃពោះគួរតែជៀសវាង យ៉ាងណាក៏ដោយ ក៏វាត្រូវបានគេចាត់ទុកថា ជាអាហារមួយល្អគួរសមដែរ ដែលពួកគេគួរតែជ្រើសរើស។ ផ្ទុយទៅវិញអ្នកគួរតែ ជៀសវាង បរិភោគ សាច់ត្រីឆ្លាម ត្រីដាវ និងត្រីមាលីន។ អ្នកគួរតែទទួលទានវាក្នុងបរិមាណសមស្រប ដោយយមិនបរិភោគវាច្រើនហួសហេតុពេក។ បរិមាណនៃជាតិបារតនៅក្នុងអាហារសមុទ្រតាំងនេះ អាចបង្កគ្រោះថ្នាក់ដល់ការលូតលាស់កូនក្នុងផ្ទៃរបស់អ្នក។
ស៊ុតឆៅ និង ទឹកដោះគោដែលមិនបានសម្លាប់មេរោគ

ថ្លើម:
ថ្លើមគឺជាប្រភពនៃជាតិដែក ក៏ប៉ុន្តែវា អាចផ្ទុកទៅដោយជាតិវីតាមីនA ខ្ពស់ និងអាចធ្វើឲ្យមានផលប៉ះពាល់ដល់កូនក្នុងផ្ទៃ។

ជាតិសុរា:
អ្នកទាំងអស់គ្នាប្រាកដជាបានដឹង ថាគួរតែជៀសវាងជាតិសុរានេះ។វាគឺជាបញ្ហាធំបំផុតដែលម្តាយគ្រប់រូបគួរតែជៀសវាង។ ចូរជឿជាក់ថា អាហារដែលអ្នកទទួលទានគឺ ស្រស់និងមានអនាម័យ៕

ភ្នំពេញៈ បើទោះបីជាកីឡាករ ឯម ផាន់ណា ស៊ុតបាល់ពិន័យ ១១ម៉ែត្រ នៅនាទីទី៤៥ ឱ្យក្រុមគីរីវង់សុខ សែនជ័យ នាំមុខក្រុមព្រះខ័នរាជ១គ្រាប់មុនក៏ដោយ ក៏ក្រុមព្រះខ័នរាជព្យាយាមធ្វើការវាយបកវិញ ក្នុងវគ្គ ទី២ រហូតដល់បានសម្រេចដោយលទ្ធផល២-១ បន្ទាប់ពីបញ្ចប់នៃការប្រកួត។

ការប្រកួតគ្នាយ៉ាងស្វិតស្វាញរវាងក្រុមទាំង២ ក្រោមដំណក់ទឹកភ្លៀងផងដែរនោះ វាមិនបានក្លាយជាឧប ស័គ្គ សម្រាប់ក្រុមព្រះខ័នរាជ ក្នុងការស្វែងរក ៣ពិន្ទុបន្ថែមទៀត ដើម្បីឡើងទៅឈរនៅលេខរៀងទី៣ ជាបណ្តោះអាសន្នឡើយ។ ក្រុមព្រះខ័នរាជ ទទួលបាន ១៦ពិន្ទុ នាំមុខក្រុមបឹងកេត ២ពិន្ទុ ពីព្រឹត្តិការណ៍ Metfone Cambodian League ឆ្នាំ២០១២នេះ។

ខ្សែប្រយុទ្ធឆ្នើម សុខ ចាន់រស្មី របស់ព្រះខ័នរាជ រកគ្រាប់បាល់តាមស្មើ ១-១ ទី៥២ បន្ទាប់ពីមិត្តរួមក្រុម កីឡាករស្បែកខ្មៅ ដែលមានឈ្មោះថា Adekunyo Nojeem Busayo តែតបាល់បញ្ចូលទីបាន១គ្រាប់ដែរ នៅនាទី៦៦ ធ្វើឱ្យព្រះខ័នរាជមានទឹកមាត់លេបសាជាថ្មី ក្រោមលទ្ធផលថ្វីជើង ២-១ក្នុងជុំទី១នេះ៕

ប៊ែឡាំងៈ យោងតាមគេហទំព័រសារព័ត៌មាន បរទេសនានា បានឱ្យដឹងថា ក្រុមឥន្រ្តីយ៍ដែកអាល្លឺម៉ង់ គឺជា ក្រុមមួយខ្លាំងជាងគេក្នុងតំបន់អឺរ៉ុប ដែលបានលើកពានរង្វាន់ជើងឯកបាល់ទាត់ទ្វីបអឺរ៉ុប (UEFA Euro pena Football Championship) បាន ៣ដង ដែលចុងក្រោយ លើកនៅក្នុងឆ្នាំ១៩៩៦។

ព្រឹត្តិការណ៍បាល់ទាត់អឺរ៉ុប ៤ឆ្នាំម្តងនេះ បានចាប់ផ្តើមដំបូងក្នុងឆ្នាំ១៩៦០ នោះ អាឡឺម៉ង់បានគ្រង តំណែងជើងឯក ៣សម័យកាលរហូតដល់បច្ចុប្បន្ន ហើយលើកទី១នោះ ក្នុងឆ្នាំ១៩៧២ ដោយបាន ទម្លាក់ក្រុមជម្រើសជាតិ សហភាពសូវៀត ៣-០នៅវគ្គផ្តាច់ព្រ័ត្រ ក្នុងប្រទេសប៊ែលហ្សិក។ លើកទី២ ក្នុងឆ្នាំ១៩៨០ នៅប្រទេសអ៊ីតាលី ដោយស៊ីក្រុមជម្រើសជាតិប៊ែលហ្សិក ២-១ នៅវគ្គផ្តាច់ព្រ័ត្រ ហើយ លើកទី៣ នៅឆ្នាំ១៩៩៦ ក្នុងប្រទេសអង់គ្លេស ដោយឈ្នះក្រុមសារធារណរដ្ឋឆេក ២-១ ទាំងប្រផិត ប្រផើយក្នុងម៉ោងថែម នៃវគ្គផ្តាច់ព្រ័ត្រ។

ស្របពេលដែលអាល្លឺម៉ង់គ្រងតំណែងជើងឯកយូរ៉ូ ៣សម័យកាលមកនោះ អាល្លឺម៉ង់ ក៏ជាម្ចាស់ជើងឯក វើលខាប់ ៣ជំនាន់ដែរ រវាងឆ្នាំ១៩៥៤ ១៩៧៤ និង ១៩៩០ ហើយបានរងជើងឯកបាន ៤ដង ក្នុងឆ្នាំ ១៩៦៦ ១៩៨២ ១៩៨៦ និង២០០២។

សូមបញ្ជាក់ថា សម្រាប់យូរ៉ូឆ្នាំ២០១២នេះ ដែលមានប្រទេសប៉ូឡូញ និងអ៊ុយក្រែនធ្វើជាម្ចាស់ផ្ទះរួមគ្នា នោះ ក្រុមជម្រើសជាតិអាល្លឺម៉ង់ ស្ថិតក្នុងពូល B ដែលជាពូលមួយ ដ៏គ្រោះថ្នាក់បំផុតក្នុងការប្រទាញ ប្រទង់គ្នាឡើង ទៅវគ្គ៨ក្រុម។ ខាងក្រោមនេះ គឺជាឆ្នាំ ដែលក្រុមជម្រើសជាតិនីមួយៗបានលើកពាន នេះ៖

២០០៨: អេស្ប៉ាញ

២០០៤: ក្រិក

២០០០: បារាំង

១៩៩៦: អាល្លឺម៉ង់

១៩៩២: ដាយណឺម៉ាក

១៩៨៨: ហូឡង់

១៩៨៤: បារាំង

១៩៨០: អាល្លឺម៉ង់

១៩៧៦: ឆេកូស្លូវ៉ាគី

១៩៧២: អាល្លឺម៉ង់

១៩៦៨: អ៊ីតាលី

១៩៦៤: អេស្ប៉ាញ

១៩៦០: សហភាពសូវៀត ៕