បរទេស ៖ យោងតាមការចេញផ្សាយ របស់ RTដែលបានដកស្រង់ព័ត៌មានចេញពីកាសែត Iltalehti បានរាយការណ៍ កាលពីថ្ងៃព្រហស្បតិ៍ថា អង្គការណាតូគ្រោងនឹង ដាក់ពង្រាយកងពលតូចរថពាសដែកមួយ នៅក្នុងប្រទេសហ្វាំងឡង់ ដើម្បីធ្វើជាការរារាំងប្រឆាំង នឹងប្រទេសរុស្ស៊ី ដោយដកស្រង់ប្រភពនៅក្នុងប្លុកយោធា ដឹកនាំដោយសហរដ្ឋអាមេរិក និងរដ្ឋាភិបាលនៅទីក្រុង Helsinki ។ អង្គភាព​ដែល​អាច​មាន​ទាហាន​ពី​៤.០០០​ទៅ​៥.០០០​នាក់​នឹង​ត្រូវ​ឈរជើង​នៅ​ Mikkeli ភាគ​អាគ្នេយ៍​ប្រទេស​ហ្វាំងឡង់។តំបន់Mikkeli ជាទិតាំងមានប្រជាជនចំនួន ៥១,០០០នាក់ដែល មានចម្ងាយត្រឹមតែ ៨៧ម៉ាយ ឬ១៤០គីឡូម៉ែត្រ ពីព្រំដែនជាមួយប្រទេសរុស្ស៊ី។ យោងតាមប្រភពរបស់កាសែតដដែលនេះបានឲ្យដឹងទៀតថា កងពលតូចនេះនឹងមានទាហានណាតូមកពីប្រទេសជិតខាងស៊ុយអែត និងន័រវែសផងដែរ។ យោងតាមអត្ថបទបានឱ្យដឹងថារដ្ឋាភិបាលហ្វាំងឡង់បានសម្រេចចិត្តលើតម្រូវការក្នុងការពង្រាយទាហានណាតូពីប្រទេសផ្សេងទៀតដើម្បី ពង្រឹងសមត្ថភាពការការពារនិងទប់ស្កាត់ ប្រឆាំងនឹងប្រទេសរុស្ស៊ី។ តាមរយៈសេចក្តីរាយការណ៍ Iltalehti រាយការណ៍ថា ការសម្រេចចិត្តបង្កើតទីបញ្ជាការ យោធាណាតូនៅ Mikkeli នឹងត្រូវប្រកាសជាសាធារណៈ នៅសប្តាហ៍ខាងមុខនេះ៕ ប្រែសម្រួល៖ស៊ុនលី