បរទេស៖ យោងតាមការចេញផ្សាយរបស់ RT ក្រសួងការបរទេសចិន បានប្រកាសបិទជាផ្លូវការ នូវកម្មវិធីស្មុំកូនអន្តរជាតិ របស់ខ្លួនឬហៅថា international adoption program។ ការសម្រេចចិត្តនេះកើតឡើង ចំពេលដែលគ្រួសារអាមេរិក រាប់រយគ្រួសារបានដាក់ពាក្យ សុំជាបន្តទទួលយកកូនជនជាតិចិន នេះបើយោងតាមសារព័ត៌មាន Associated Press (AP)។ ​លោកស្រី Mao Ning អ្នក​នាំពាក្យ​ក្រសួង​ បាន​និយាយ​ក្នុង​ការ​ប្រកាស​ ជា​ផ្លូវការ​ដំបូង​អំពី​ការ​ផ្លាស់ប្តូរ​ច្បាប់​ហើយបានបញ្ជាក់បែបនេះថា ៖ ក្រៅពីការស្មុំកូន ពីសាច់ញាតិហើយនោះ ប្រទេសចិនក៏នឹងមិនបញ្ជូនកូន ទៅបរទេសដើម្បីសុំឲ្យគេចិញ្ចឹមទៀតនោះដែរ ដែលនេះ​ស្រប​តាម​ស្មារតី ​នៃ​កតិកាសញ្ញា​អន្តរជាតិ​ដែល​ពាក់ព័ន្ធ​​។ គួរឲ្យដឹងដែរថា ក្នុងរយៈពេលបីទស្សវត្សរ៍ចុងក្រោយនេះ សហរដ្ឋអាមេរិកគឺជាគោលដៅទូទៅ និងធំបំផុតសម្រាប់ការសុំកូន នៅក្រៅប្រទេស របស់ជនជាតិចិន។ រំលឹកឡើងវិញកាលពីឆ្នាំ ២០០៧ ទីក្រុងប៉េកាំងបានពង្រឹងដំណើរ ការពិនិត្យសុខភាព សម្រាប់អ្នកសុំកូនបរទេស ដោយសង្កត់ធ្ងន់លើរបៀបរស់នៅគ្រួសារ និងអាយុ ហើយទទួលយកតែពាក្យ សុំពីគូស្វាមីភរិយា ដែលស្រលាញ់ភេទ ដូចគ្នាប៉ុណ្ណោះ៕ ប្រែសម្រួល៖ស៊ុនលី