បរទេស៖យោងតាមការចេញផ្សាយRT លោកប្រធានាធិបតី Masoud Pezeshkian បាននិយាយថា រដ្ឋធានីនៃប្រទេសអ៊ីរ៉ង់ គួរតែត្រូវបានផ្ទេរពីទីក្រុងតេហរ៉ង់ទៅកាន់ទីក្រុងមួយដែលនៅជិតឆ្នេរសមុទ្រភាគខាងត្បូងរបស់ប្រទេសនេះ។ នៅក្នុងសុន្ទរកថាមួយកាលពីថ្ងៃសៅរ៍ លោក Pezeshkian ដែលបានចូលកាន់តំណែងកាលពីខែកក្កដា បានផ្តល់យោបល់ថា វាគ្មានន័យទេក្នុងការបន្តអភិវឌ្ឍទីក្រុងតេហរ៉ង់ដោយសារតែការលំបាកជាច្រើនដែលទីក្រុងប្រឈមមុខ។ លោកប្រធានាធិបតីថ្មីរូបនេះ​បាន​និយាយ​ថា បច្ចុប្បន្ន​រាជធានី​នេះ​កំពុង​ញាំញី​ដោយ​​ការ​ខ្វះខាត​ទឹក ការ​ស្រុត​ដី និង​ការ​បំពុល​បរិយាកាស​ ក្នុង​ចំណោម​រឿង​ផ្សេង​ទៀត​ដែល​លោក​បាន​និយាយ​នេះ​បើ​តាម​ការ​លើក​ឡើង​របស់​សារព័ត៌មាន Javan Online។ លោកប្រធានាធិបតីបានទទួលស្គាល់ថា៖ទីក្រុងតេហរ៉ង់ដែលជារដ្ឋធានីរបស់ប្រទេសនេះ កំពុងប្រឈមមុខនឹងបញ្ហាដែលយើងមិនមានដំណោះស្រាយហើយលោកបានណែនាំថា មធ្យោបាយដ៏ល្អបំផុតគឺ ផ្លាស់ប្តូរទីតាំងមជ្ឈមណ្ឌលនយោបាយ និងសេដ្ឋកិច្ចរបស់ប្រទេស។ លោក Pezeshkian បានបន្តទៀតថា៖ដោយគ្រាន់តែប្រាប់អ្នកស្រុកថាពួកគេគួរតែចាកចេញពីទីក្រុងតេហរ៉ង់នឹងមិនដំណើរការទេ ហើយរដ្ឋាភិបាល ត្រូវតែទៅខ្លួនយើងជាមុនសិនដើម្បីឱ្យប្រជាជនដើរតាមយើង៕ ប្រែសម្រួល៖ស៊ុនលី