បរទេស៖ យោងតាមការចេញផ្សាយរបស់ RT ប្រធានាធិបតីរុស្ស៊ី លោក Vladimir Putin បាននិយាយថា សហរដ្ឋអាមេរិកនឹងហ៊ានធ្វើអ្វីៗទាំងអស់ ដើម្បីធានាបាននូវភាពលេចធ្លោរបស់ខ្លួន នៅក្នុងឆាកអន្តរជាតិបន្តទៅមុខទៀត។ ថ្លែងបែបនេះដោយ ប្រធានាធិបតីរុស្ស៊ីលោក Putin នៅក្នុងអំឡុងពេលដែលលោក កំពុងវត្តមានចូលរួមក្នុងការចាប់ផ្តើម សមយុទ្ធដែនសមុទ្រដ៏ធំបំផុតមិនធ្លាប់មាន របស់ប្រទេសរុស្សីកាលពីថ្ងៃអង្គារ។ លោកបានបន្ថែមថា ទីក្រុងមូស្គូត្រូវតែត្រៀមខ្លួនសម្រាប់ ការអភិវឌ្ឍន៍ណាមួយចំពេលមាន ភាពតានតឹងផ្នែកភូមិសាស្ត្រនយោបាយកើនឡើង ហើយយកចិត្តទុកដាក់ជាពិសេស ចំពោះការពង្រឹងទំនាក់ទំនងជាមួយរដ្ឋជាមិត្ត។ សមយុទ្ធដែលមានឈ្មោះថា Ocean-2024 គ្រោងនឹងធ្វើឡើងនៅចន្លោះថ្ងៃទី១០ ដល់ថ្ងៃទី១៦ ខែកញ្ញា ហើយមានការចូលរួមពីយោធា មកពីប្រទេសចិនផងដែរ។ គួរឲ្យដឹងដែរថានឹងមាននាវាចំនួន៤គ្រឿង និងយន្តហោះចំនួន១៥គ្រឿង មកពីកងទ័ពរំដោះប្រជាជនចិន កំពុងចូលរួមក្នុងកិច្ចខិតខំប្រឹងប្រែង នេះបើយោងតាមឧត្តមនាវីឯក Aleksandr Moiseev អគ្គមេបញ្ជាការស្តីទីនៃ កងទ័ពជើងទឹករុស្ស៊ីបានបញ្ជាក់។ ក្នុងនោះដែរលោក Putin ក៏បានប្រាប់សន្និសីទវីដេអូមួយ ដែលមានការចូលរួមដោយរដ្ឋមន្ត្រីការពារជាតិ Andrey Belousov និងមេបញ្ជាការកំពូលនៃកងទ័ពជើងទឹករុស្ស៊ីថា ការបង្កើនកិច្ចសហប្រតិបត្តិការយោធា ជាមួយប្រទេសជាមិត្តកាន់តែ មានសារៈសំខាន់សម្រាប់រុស្ស៊ី ខណៈដែលសហរដ្ឋអាមេរិកកំពុងកសាង វត្តមានយោធារបស់ខ្លួននៅជួរមុខជាច្រើននោះ ៕ ប្រែសម្រួល៖ ស៊ុន … Continue reading លោក Putin៖ អាមេរិក ព្យាយាមរក្សាតំណែងជា អ្នកដឹកនាំពិភពលោក ទោះចំណាយអស់ប៉ុណ្ណាក៏ដោយ