បរទេស៖យោងតាមការចេញផ្សាយរបស់ RT ប៉ូលីសនៅក្នុងរដ្ឋញូវយ៉កបានបដិសេធសេចក្តីរាយការណ៍អំពីការរកឃើញគ្រាប់បែកមួយនៅក្នុងរថយន្តនៅខាងក្នុងបរិវេណសន្តិសុខនៃទីតាំងនៃការប្រមូលផ្តុំនាពេលខាងមុខសម្រាប់រៀបចំធ្វើយុទ្ធនាការបោះឆ្នោតឲ្យបេក្ខជនប្រធានាធិបតីអាមេរិកលោក Donald Trump ។ តាមផែនការបេក្ខភាព​ប្រធានាធិបតី​មកពី​គណបក្ស​សាធារណរដ្ឋ​គ្រោង​នឹង​ធ្វើសេចក្តីថ្លែងការណ៍យុទ្ធនាការរបស់លោក​នៅឯ​កន្លែង​ប្រជុំ​កោះ Long Island ភាគ​ខាងកើត​ទីក្រុង​ញូវយ៉ក​នៅ​ល្ងាច​ថ្ងៃពុធម្សិលមិញនេះប៉ុន្តែភ្លាមៗមានការរាយការណ៍អំពីដំណឹងសង្ស័យនេះ។ ក្រោយការរាយការណ៍សត្វឆ្កែប៉ូលីសត្រូវបានគេដឹងថាបានហិតក្លិនរកឃើញគ្រឿងផ្ទុះនៅក្នុងរថយន្តមួយ ហើយអ្នកបើកបរបានរត់ចូលទៅក្នុងព្រៃ។ គ្មាន​អ្នក​ណា​ឃើញ​ថា​គាត់​មាន​អ្វីរត់ទៅជាមួយនោះ​គាត់​ទេ គេ​គ្រាន់​តែ​ឃើញ​គាត់​រត់​ចេញ​ទៅបាត់តែប៉ុណ្ណោះប៉ុន្តែយ៉ាងណាក្តីក្រោយមកក្រុមប៉ូលីសក្នុងតំបន់បានបដិសេធរបាយការណ៍នេះទៅវិញ។ លោក Patrick Ryder ស្នងការប៉ូលីសក្នុងតំបន់ Nassau បានប្រាប់អ្នកយកព័ត៌មានថា របាយការណ៍នៃការរកឃើញគ្រឿងផ្ទុះនៅទីតាំងនោះ គឺគ្មានមូលដ្ឋាននោះទេហើយមកទល់នឹងពេលនេះមាន​មនុស្ស​ម្នាក់​ដែល​កំពុង​ត្រូវ​បាន​គេ​ចោទ​សួរ​ថា ហើយតាមការសង្ស័យថាវាអាចនឹងមាន​នរណាម្នាក់​កំពុង​ហ្វឹកហាត់​ឆ្កែ​រក​គ្រាប់​បែក​នៅ​ក្បែរ​កន្លែង​នោះប៉ុណ្ណោះ។ គួរឲ្យដឹងដែរថាអ្នកគាំទ្រគណបក្សសាធារណរដ្ឋរាប់ពាន់នាក់បានតម្រង់ជួររួចហើយនៅខាងក្រៅ Nassau Coliseum ជាកន្លែងដែល Trump ត្រូវបានគេសន្មត់ថានឹងចេញមកធ្វើការថ្លែងការណ៍នៅម៉ោង៧យប់ម៉ោងក្នុងស្រុកហើយ អ្នក​ខ្លះ​ត្រូវ​បាន​គេ​រាយការណ៍​ថា​បាន​បោះ​ជំរំ​នៅ​ខាង​ក្រៅ​ពេញ​មួយ​យប់​ដើម្បី​ទទួល​បាន​កៅអី​ល្អ​នៅ​ក្នុង​ព្រឹត្តិការណ៍នេះ៕ ប្រែសម្រួល៖ស៊ុនលី