សិង្ហបុរី៖ កាលពីថ្ងៃអាទិត្យ អាជ្ញាធរដែនសមុទ្រ និងកំពង់ផែសិង្ហបុរី ហៅកាត់ (MPA) បានរាយការណ៍ ពីការលេចធ្លាយប្រេងចេញ ពីបំពង់បង្ហូរប្រេង របស់ក្រុមហ៊ុន Shell នៅចន្លោះកោះ Bukom និងកោះBukom Kecil ។ អាជ្ញាធរ MPA បានកត់សម្គាល់ថា ក្រុមហ៊ុន Shell បានដាក់ទីតាំងស្តុកទឹក ចេញពីកន្លែងលេចធ្លាយ ហើយបានដាក់ពង្រាយយាន ដែលបំពាក់ដោយសារធាតុបំបែក ដើម្បីសម្អាតប្រេងនោះផងដែរ ។ ចំណែកខាង MPA ក៏បានដាក់ពង្រាយនាវាជាមួយនឹងឧបករណ៍បំបែក និងយន្តហោះគ្មានមនុស្សបើក និងផ្កាយរណប ដើម្បីជួយក្នុងការត្រួតពិនិត្យការកំពប់ប្រេងនោះ ។ គួរបញ្ជាក់ថា ការលេចធ្លាយនេះដែរត្រូវបាន គេរាយការណ៍មកថា បានឈប់ធ្លាយវិញចេញពីប្រភពទីតាំងខាងលើនោះ ហើយខាង MPA បានឲ្យដឹងទៀតថា មិនមានការមើលឃើញប្រេងលេចធ្លាយជាថ្មីនោះទេ គិតត្រឹមម៉ោង៦ល្ងាចម៉ោងនៅក្នុងស្រុក ៕ប្រែសម្រួលដោយ៖ ម៉ៅ បុប្ផាមករា