បរទេស ៖ យោងតាមការចេញផ្សាយរបស់ RT ប្រធានាធិបតីរុស្ស៊ី Vladimir Putin បាននិយាយថា សមយុទ្ធនុយក្លេអ៊ែរ ជុំចុងក្រោយ របស់រុស្ស៊ី គឺចាំបាច់ដើម្បីរក្សា សមភាពនុយក្លេអ៊ែរ និងតុល្យភាពនៃអំណាច នៅក្នុងពិភពលោក ប៉ុន្តែមិនមែនជាការបង្ហាញថា ទីក្រុងមUស្គូ ចង់បានការប្រណាំងប្រជែង អាវុធសាជាថ្មីនោះទេ។ កាល​ពី​ថ្ងៃ​អង្គារ មេដឹកនាំ​រុស្ស៊ី​បាន​ប្រកាស​ពី​ សមយុទ្ធ​ទប់ស្កាត់​នុយក្លេអ៊ែរ​ ជា​យុទ្ធសាស្ត្រ​ដែល​ពាក់ព័ន្ធ​នឹង​ការ​បាញ់​មីស៊ីល​ផ្លោង និង​នាវាចម្បាំងប្រឆាំងផងដែរ។ លោក Putin បាននិយាយថា សមយុទ្ធនេះគឺចាំបាច់ ដើម្បីរក្សាកម្លាំងនុយក្លេអ៊ែរ របស់ប្រទេសនៅ កម្រិតគ្រប់គ្រាន់ចាំបាច់បំផុត។ ទោះបីជាយ៉ាងណាក៏ដោយ លោកបានសង្កត់ធ្ងន់ថា ៖ យើងនឹងមិនចូលរួម ក្នុងការប្រណាំងសព្វាវុធថ្មីទេ ហើយថាទីក្រុងមូស្គូនឹង នៅតែរក្សា គោលជំហរ របស់ខ្លួនដែលថា ការប្រើប្រាស់ អាវុធនុយក្លេអ៊ែរនៅតែជា មធ្យោបាយចុងក្រោយ សម្រាប់ធានាសន្តិសុខ របស់រុស្ស៊ី ។ បន្ថែមពីនេះលោកបាននិយាយថា អាវុធនុយក្លេអ៊ែររបស់រុស្ស៊ី គឺជាអ្នកធានាដ៏អស្ចារ្យបំផុត នៃអធិបតេយ្យភាព និងសន្តិសុខរបស់ប្រទេស ចំពេលមានភាពតានតឹង ផ្នែកភូមិសាស្ត្រនយោបាយ និងការលេចឡើងនៃការគំរាមកំហែង និងហានិភ័យពីខាងក្រៅថ្មី … Continue reading លោក Putin ៖ រុស្សីមិនចង់បានការ ប្រកួតប្រជែង សព្វាវុធសាជាថ្មីនោះទេ