បរទេស៖យោងតាមការ ចេញផ្សាយរបស់ RT ប្រធានាធិបតី​រុស្ស៊ី​លោក Vladimir Putin ជឿ​ថា ប្រធានាធិបតី​ជាប់​ឆ្នោត​លោក Donald Trump នៅមិនទាន់​មាន​សុវត្ថិភាពនៅឡើយទេ នៅពេលនេះ ។ ប្រធានាធិបតីរុស្ស៊ីបានធ្វើការកត់សម្គាល់នេះកាលពីថ្ងៃព្រហស្បតិ៍ នៅក្នុងសន្និសីទសារព័ត៌មាននៅទីក្រុង Astana ប្រទេសកាហ្សាក់ស្ថាន បន្ទាប់ពីកិច្ចប្រជុំកំពូល របស់អង្គការសន្ធិសញ្ញាសន្តិសុខ សមូហភាព (CSTO) រយៈពេលពីរថ្ងៃ។ លោកPutinបាននិយាយថា លោកមានការភ្ញាក់ផ្អើល ចំពោះវិធីដែលយុទ្ធនាការ បោះឆ្នោត របស់សហរដ្ឋអាមេរិក បានលាតត្រដាង ដោយលើកឡើងពី វិធីសាស្រ្តដែលមិនមានសណ្តាប់ធ្នាប់ ពិតប្រាកដដែលត្រូវបាន ប្រើដើម្បីប្រយុទ្ធប្រឆាំងនឹងលោក Trump រួមទាំងការប៉ុនប៉ង ធ្វើឃាតម្តងហើយម្តងទៀត ។ លោកPutinបានសង្កត់ធ្ងន់ថា ៖ តាមគំនិតរបស់ខ្ញុំ គាត់មិនមានសុវត្ថិភាពទេឥឡូវនេះ ដោយកត់សម្គាល់ថា ឧប្បត្តិហេតុផ្សេងៗ បានកើតឡើងនៅក្នុងប្រវត្តិសាស្ត្រអាមេរិក ។ បន្ថែមពីនេះប្រធានាធិបតីរុស្ស៊ីក៏បានលើកសរសើរ លោក Trump ថាជាអ្នកនយោបាយដែលមានបទពិសោធន៍ និងឆ្លាតវៃដោយនិយាយថា គាត់សង្ឃឹមថាប្រធានាធិបតី ជាប់ឆ្នោតគឺមានភាពប្រុងប្រយ័ត្ន និងយល់ពីរឿង នេះទុកជាមុន៕ ប្រែសម្រួល៖ស៊ុនលី