បរទេស៖ នៅមុនថ្ងៃស្បថចូលកាន់តំណែង របស់ប្រធានាធិបតីអាមេរិក វេទិកាចែករំលែកវីដេអូដ៏ចម្រូងចម្រាស TikTok បានប្រកាស កាលពីថ្ងៃអាទិត្យថា ខ្លួននឹងបញ្ឈប់សេវាកម្ម សម្រាប់អ្នកប្រើប្រាស់ នៅអាមេរិក ។ ទោះជាយ៉ាងណាក៏ដោយ វេទិកានេះបានដំណើរ ការឡើងវិញត្រឹមតែ ១២ ម៉ោងក្រោយមក បន្ទាប់ពីប្រធានាធិបតី ជាប់ឆ្នោត របស់សហរដ្ឋអាមេរិកលោក Donald Trump បានសន្យាថានឹងផ្អាកលើការអនុវត្តបម្រាមលើ TikTok ។ យោងតាមសារព័ត៌មាន VOA ចេញផ្សាយ នៅថ្ងៃទី២០ ខែមករា ឆ្នាំ២០២៥ បានឱ្យដឹងថា ចំណាត់ការនេះបាន ទាក់ទាញការ ចាប់អារម្មណ៍យ៉ាងខ្លាំងពីប្រព័ន្ធផ្សព្វផ្សាយរដ្ឋ និង អ្នកនិយមលេងអ៊ីនធឺណិត ដោយអ្នកអត្ថាធិប្បាយមួយចំនួន បានបកស្រាយថា វាជាសញ្ញាដ៏រឹងមាំនៃឆន្ទៈរបស់លោក Trump ក្នុងការចូលរួមក្នុងកិច្ចសន្ទនា និងកិច្ចសហប្រតិបត្តិការជាមួយប្រទេសចិន៕ប្រែសម្រួលៈ ណៃ តុលា