វ៉ាស៊ីនតោន៖ ប្រធានាធិបតីអាមេរិក លោក ដូណាល់ ត្រាំ បានឲ្យដឹងថា លោកគ្រោងនឹងដំឡើងពន្ធ លើរថយន្តដែល នាំចូលនៅថ្ងៃទី០២ ខែមេសា ដែលអាចបង្កផលប៉ះពាល់ដល់ក្រុមហ៊ុន ផលិតរថយន្តជប៉ុន អាល្លឺម៉ង់ និងកូរ៉េខាងត្បូង។ លោក ត្រាំ មិនបានផ្តល់ព័ត៌មាន លម្អិតទេ រួមទាំងប្រទេសណាខ្លះ អាចជាគោលដៅ។  គាត់បានប្រាប់អ្នកយកព័ត៌មាន នៅក្នុងការិយាល័យ Oval Office ថា “ខ្ញុំនឹងធ្វើវានៅថ្ងៃទី០១ ខែមេសា វា​ចំណាយ​លុយ​ច្រើន​ណាស់ ក្នុងមួយថ្ងៃ​ៗ ប៉ុន្តែ​យើង​នឹង​ធ្វើ​វា​នៅ​ថ្ងៃ​ទី០២ ខែ​មេសា”។ សេចក្តីប្រកាសមិនច្បាស់លាស់របស់លោក ត្រាំ បានកើតឡើងមួយថ្ងៃ បន្ទាប់ពីលោកបានបញ្ជាឱ្យមន្ត្រីរដ្ឋបាលរៀបចំ សម្រាប់ការអនុវត្តពន្ធគយទៅវិញទៅមក ជាមួយនឹងការតែងតាំងរដ្ឋមន្ត្រីក្រសួងពាណិជ្ជកម្ម របស់លោក Howard Lutnick បានឲ្យដឹងថាវិធានការបែបនេះអាចត្រូវ បានដាក់នៅដើមខែមេសា ។ វាមិនត្រូវបានគេដឹងភ្លាមៗថា តើពន្ធលើរថយន្ត ដែលរំពឹងទុកគឺជាផ្នែកមួយនៃការបង្កើន ពន្ធនាំចូលដែលនឹង ត្រូវដាក់លើផលិតផលមួយចំនួនដោយរដ្ឋបាល ដើម្បីផ្គូផ្គងការគិតថ្លៃដែលចេញ ដោយប្រទេសផ្សេងទៀត លើទំនិញរបស់សហរដ្ឋអាមេរិក៕ប្រែសម្រួល ឈូក បូរ៉ា