បរទេស៖ យោងតាមការចេញផ្សាយរបស់ RT ប្រធានាធិបតីអាមេរិក លោក Donald Trump និងប្រធានាធិបតីរុស្ស៊ី លោក Vladimir Putin បានព្រមព្រៀងគ្នាថា ជំហានដំបូងឆ្ពោះទៅរកការបញ្ចប់ជម្លោះអ៊ុយក្រែន គួរតែជា បទឈប់បាញ់គ្នាទៅលើគោលដៅវិស័យថាមពល និងហេដ្ឋារចនាសម្ព័ន្ធ។ ការអះអាងនេះត្រូវបានធ្វើឡើង ដោយអ្នកនាំពាក្យទទួលបន្ទុកកិច្ចការងារ សារព័ត៌មានសេតវិមានលោកស្រី Karoline Leavitt បានបង្ហាញ។ មេដឹកនាំបានឈានដល់កិច្ចព្រមព្រៀង ក្នុងអំឡុងពេលសន្ទនាតាមទូរស័ព្ទ រយៈពេល២ម៉ោងកន្លះ កាលពីថ្ងៃអង្គារ។ យោងតាមការបញ្ជាក់ប្រាប់បន្ថែមការ ហៅទូរស័ព្ទដែលបានចេញផ្សាយនៅលើបណ្តាញសង្គម X ដោយលោកស្រី Leavitt ថា៖កាលពីថ្ងៃអង្គារមេដឹកនាំទាំងពីរយល់ស្របថា ជម្លោះត្រូវតែបញ្ចប់ដោយសន្តិភាពយូរអង្វែង។ ពួកគេក៏បានសង្កត់ធ្ងន់លើសារៈសំខាន់ នៃការពង្រឹងទំនាក់ទំនងទ្វេភាគីផងដែរ។ ប្រភពដដែលនេះបានសរសេរទៀតថា មេដឹកនាំបានព្រមព្រៀងគ្នាថា នឹងឆ្ពោះទៅរកសន្តិភាពនឹងចាប់ផ្តើមជាមួយនឹង បទឈប់បាញ់សំដៅទីតាងថាមពល និងហេដ្ឋារចនាសម្ព័ន្ធ ក៏ដូចជាការចរចាបច្ចេកទេសស្តីពី ការអនុវត្តបទឈប់បាញ់នៅសមុទ្រខ្មៅ បទឈប់បាញ់ពេញលេញ និងសន្តិភាពអចិន្ត្រៃយ៍។ គួរឲ្យដឹងដែរថាវិមានក្រឹមឡាំងបានបញ្ជាក់ថា លោក Putin បានគាំទ្រសំណើរបស់លោក Trump សម្រាប់រុស្ស៊ី និងអ៊ុយក្រែន ដើម្បីបញ្ឈប់ការវាយប្រហារលើ ហេដ្ឋារចនាសម្ព័ន្ធនិងថាមពលរយៈពេល៣០ថ្ងៃ ហើយបានណែនាំយោធារបស់ លោកធ្វើតាមបញ្ជានេះផងដែរ៕ … Continue reading លោក Trump និងលោក Putin ព្រមព្រៀងគ្នាលើបទឈប់បាញ់ជំហានដំបូង គឺហេដ្ឋារចនាសម្ព័ន្ធ និងវិស័យថាមពល