បរទេស ៖ មន្ត្រីសន្តិសុខប៉ាគីស្ថានបាននិយាយថា ប្រទេសឥណ្ឌា បានបាញ់មីស៊ីលឆ្លងព្រំដែន ចូលទៅក្នុងទឹកដី ដែលគ្រប់គ្រងដោយប៉ាគីស្ថាន នៅក្នុងទីតាំងយ៉ាងតិចបីគ្រាប់ នៅព្រឹកថ្ងៃពុធ ដោយបានសម្លាប់កុមារម្នាក់ និងរបួសមនុស្សពីរនាក់ផ្សេងទៀត ។ ចំណែក ឥណ្ឌា​ វិញបាន​និយាយ​ថា ខ្លួន​កំពុង​វាយលុក​ហេដ្ឋារចនាសម្ព័ន្ធ​ ដែល​ប្រើ​ដោយ​ពួក​សកម្មប្រយុទ្ធ។ យោងតាមសារព័ត៌មាន AP ចេញផ្សាយ នៅព្រឹក ថ្ងៃពុធ ទី៧ ខែឧសភានេះថា មន្ត្រីប៉ាគីស្ថាននិយាយថា មីស៊ីលមួយគ្រាប់បានវាយប្រហារវិហារ ឥស្លាមមួយក្នុងទីក្រុង Bahawalpur ក្នុងរដ្ឋ Punjab ដែលកុមារម្នាក់បានស្លាប់ និងបានរងរបួសជាច្រើន។ មន្ត្រីរូបនេះ និងអ្នកផ្សេងទៀតនិយាយថា ប៉ាគីស្ថានបានបើកការវាយប្រហារសងសឹក ប៉ុន្តែមិនបានផ្តល់ព័ត៌មានលម្អិតណាមួយឡើយ។ ពួកគេ​បាន​និយាយ​ក្នុង​លក្ខខណ្ឌ ​អនាមិក​ព្រោះ​ពួកគេ​មិន​មាន ​សិទ្ធិ​និយាយ​ជាមួយ​ប្រព័ន្ធ​ផ្សព្វផ្សាយ៕ប្រែប្រួលៈ ណៃ តុលា