បរទេស៖ សមាជិកព្រឹទ្ធសភា មកពីគណបក្សប្រជាធិបតេយ្យលោក Alex Padilla ត្រូវបានរុញច្រាន បង្ខំក្រាបនៅលើដី និងចាប់ដាក់ខ្នោះដៃដោយសន្តិសុខ បន្ទាប់ពីលោកបានព្យាយាមសួរសំណួរ នៅក្នុងសន្និសីទសារព័ត៌មាន កាលពីថ្ងៃព្រហស្បតិ៍ដែលធ្វើឡើងដោយរដ្ឋមន្ត្រីសន្តិសុខមាតុភូមិលោកស្រី Kristi Noem អំពីការវាយឆ្មក់លើជនអន្តោប្រវេសន៍ ។ យោងតាមសារព័ត៌មាន Reuters ចេញផ្សាយនៅថ្ងៃទី១៣ ខែមិថុនា ឆ្នាំ២០២៥ បានឱ្យដឹងថា លោក Padilla បាន​និយាយ​ក្នុង​អំឡុង​ពេល​សន្និសីទ​កាសែត​ក្នុង​ទីក្រុង Los Angeles ដែល​លោកស្រី Kristi Noem កំពុង​ពិភាក្សា​អំពី​ការ​តវ៉ា​ក្នុង​ទីក្រុង​ជុំវិញ​ការ​បង្រ្កាប​អន្តោប្រវេសន៍​របស់​ប្រធានាធិបតី Donald Trump ថា៖ «ខ្ញុំ​ជា​សមាជិក​ព្រឹទ្ធសភា Alex Padilla។ ខ្ញុំមាន​សំណួរ​សម្រាប់​លោកស្រីរដ្ឋមន្រ្តី។ លោក Padilla អាយុ ៥២ ឆ្នាំ​បាន​និយាយ​ទៅកាន់​ភ្នាក់ងារ​សន្តិសុខ ​មុន​ពេល​លោកត្រូវ​បាន​គេ​នាំ​ចេញ​ពី​បន្ទប់​ថា “​កុំប៉ះខ្ញុំ” ។ វីដេអូដែលចែករំលែកដោយ Padilla បង្ហាញពីអ្វីដែលបានកើតឡើងបន្ទាប់ គឺ ភ្នាក់ងារបីនាក់បានរុញគាត់ទៅលើដី ហើយដាក់ខ្នោះដៃរបស់គាត់ នៅពីក្រោយខ្នង ។ រ៉យទ័រ មិន​អាច​បញ្ជាក់​ពី​ភាព​ពិត​នៃ​វីដេអូ​បាន​ភ្លាមៗ​ទេ៕ប្រែសម្រួលៈ … Continue reading សមាជិកព្រឹទ្ធសភា អាមេរិកមកពីគណបក្ស ប្រជាធិបតេយ្យ ត្រូវសន្តិសុខ ចាប់វាយខ្នោះទៅក្រោយ បន្ទាប់ពីសួរសំណួរ ទៅរដ្ឋមន្ត្រីសន្តិសុខមាតុភូមិ អំពីការវាយឆ្មក់ លើជនអន្តោប្រវេសន៍