បរទេស៖ ប្រព័ន្ធ​ផ្សព្វផ្សាយ​កូរ៉េ​ខាងជើង​ បាន​ផ្សាយថា មេដឹកនាំ​ប្រទេស​លោក គីម ជុងអ៊ុន បាន​ចាក​ចេញពី​ប្រទេស ហើយ​ឆ្លង​ព្រំដែន​ចូល​ទៅ​ក្នុង​ប្រទេស​ចិន។ យោងតាមសារព័ត៌មាន NHK របស់ជប៉ុន ចេញផ្សាយនៅថ្ងៃទី២ ខែកញ្ញា ឆ្នាំ២០២៥ ដោយ​ផ្អែកតាមទីភ្នាក់ងារសារព័ត៌មានកណ្តាលកូរ៉េ បានរាយការណ៍ថា លោក គីម បានចាកចេញពីប្រទេសកូរ៉េខាងជើងកាលពីថ្ងៃចន្ទ តាមរថភ្លើងពិសេស ដើម្បីចូលរួមព្រឹត្តិការណ៍នានា រួមទាំងការដង្ហែក្បួនយោធាទ្រង់ទ្រាយធំនៅទីក្រុងប៉េកាំង។ មន្ត្រីចិននិយាយថា ក្បួនដង្ហែនៅថ្ងៃពុធនេះ គឺដើម្បីប្រារព្ធខួបលើកទី 80 នៃជ័យជម្នះរបស់ចិនលើប្រទេសជប៉ុន នៅចុងបញ្ចប់នៃសង្គ្រាមលោកលើកទីពីរ។ លោក គីម ត្រូវបានអមដំណើរដោយរដ្ឋមន្ត្រីការបរទេសកូរ៉េខាងជើង Choe Son Hui និងមន្ត្រីជាន់ខ្ពស់ផ្សេងទៀតមកពីគណបក្សពលករ និងរដ្ឋាភិបាលដែលកំពុងកាន់អំណាចរបស់ប្រទេសកូរ៉េខាងជើង។ រូបថតពីរថភ្លើងបង្ហាញថា លោក គីម ជុងអ៊ុន កំពុងនិយាយជាមួយ លោក Choe និងមន្ត្រីផ្សេងទៀតនៅក្នុងអ្វីដែលមើលទៅ ដូចជាកាប៊ីនការិយាល័យរបស់រថភ្លើង។ ដំណើរ​ទស្សនកិច្ច​នេះ​ជា​លើក​ដំបូង​របស់​លោក Kim ទៅ​កាន់​ប្រទេស​ចិន ចាប់​តាំង​ពី​ខែ​មករា ឆ្នាំ ២០១៩។ ទោះបីជាមន្ត្រីមិនបានបង្ហាញពីដំណើររបស់លោកគីមក៏ដោយ ប៉ុន្តែមេដឹកនាំត្រូវបានគេរំពឹងថានឹងជួបជាមួយប្រធានាធិបតីចិន Xi Jinping … Continue reading មេដឹកនាំ​ប្រទេស​កូរ៉េខាងជើង ចាក​ចេញពី​ប្រទេសតាមរថភ្លើងពិសេស ឆ្លង​ព្រំដែន​ចូល​ទៅ​ក្នុង​ប្រទេស​ចិន