វ៉ាស៊ីនតោន ៖ មន្ត្រីមួយរូប បានឧ្យដឹងថា សហរដ្ឋអាមេរិក​ គ្រោងនឹង ជំរុញឱ្យប្រទេសជប៉ុន និងក្រុមប្រទេសចំនួនប្រាំពីរផ្សេងទៀត ដំឡើងពន្ធខ្ពស់លើប្រទេសចិន និងឥណ្ឌា ដែលជាការដាក់ទណ្ឌកម្ម សម្រាប់ការបន្តទិញប្រេងពីប្រទេសរុស្ស៊ី។ សម្ពាធដែលរដ្ឋបាល របស់ប្រធានាធិបតីអាមេរិក ដូណាល់ ត្រាំ គ្រោងនឹងដាក់លើប្រទេសនានា គឺជាផ្នែកនៃកិច្ចខិតខំប្រឹងប្រែងរបស់ខ្លួន ដើម្បីបញ្ចប់សង្រ្គាម របស់រុស្ស៊ីប្រឆាំងនឹង អ៊ុយក្រែន​ ឱ្យបានឆាប់តាមដែលអាចធ្វើទៅបាន។ អ្នកនាំពាក្យក្រសួងរតនាគារ បានឧ្យដឹងថា រដ្ឋមន្ត្រីហិរញ្ញវត្ថុមកពីប្រទេសប្រជាធិបតេយ្យឈានមុខគេគ្រោងនឹងបើកកិច្ចប្រជុំតាមអ៊ីនធឺណិតនៅថ្ងៃសុក្រ​ ដើម្បីពិភាក្សាអំពីសំណើ របស់សហរដ្ឋអាមេរិក។ មន្ត្រីរូបនេះបានប្រាប់ Kyodo News ថា “ការទិញប្រេងរបស់ចិន និងឥណ្ឌាពីរុស្ស៊ី គឺជាការផ្តល់មូលនិធិដល់ម៉ាស៊ីនសង្គ្រាមរបស់ប្រធានាធិបតីរុស្ស៊ី វ្ល៉ាឌីមៀ​ ពូទីន និងអូសបន្លាយការ សម្លាប់ប្រជាជនអ៊ុយក្រែនដោយមិនដឹងខ្លួន។ “ដៃគូ G7 របស់យើងត្រូវតែឈានជើងជាមួយយើង” ។ កាលពីដើមសប្តាហ៍នេះ រដ្ឋបាល លោក​ ត្រាំ​ បានស្នើឱ្យសហភាពអឺរ៉ុប​ ចូលរួមជាមួយសហរដ្ឋអាមេរិក ក្នុងការដំឡើងពន្ធយ៉ាងច្រើន ដើម្បីជួយនាំសង្រ្គាមនៅអ៊ុយក្រែន​ កាន់តែខិតជិតដល់ទីបញ្ចប់៕ប្រែសម្រួល​ ឈូក​ បូរ៉ា