ហាណូយ៖​ វៀតណាម​ បានជម្លៀសមនុស្សរាប់ពាន់នាក់ពីខេត្តភាគកណ្តាល និងភាគខាងជើងរបស់ខ្លួនកាលពីថ្ងៃអាទិត្យ ខណៈដែលព្យុះទីហ្វុង Bualoi បានបោកបក់មកលេីប្រទេសនេះ លឿនជាងការរំពឹងទុក និងបានបោកបក់នៅព្រឹក ព្រលឹមថ្ងៃចន្ទ​ រហូតបង្កជាគ្រោះបាក់ដី។ ព្យុះនេះបានបោកបក់មកលើ ច្រាំងនៅខេត្ត Ha Tinh ភាគខាងជើង ហើយអ្នកព្យាករណ៍ បានឧ្យដឹងថា វានឹងផ្លាស់ទីមុនពេល ចុះខ្សោយឥទ្ធិពល​ នៅពេលដែលវានឹងឆ្ពោះទៅភាគពាយព្យឆ្ពោះទៅតំបន់ភ្នំនៃ Ha Tinh និង Nghe An ដែលនៅជិតខាង។ ក្រុមមន្ត្រីបានឧ្យដឹងថា ព្យុះ​ Bualoi បានបណ្តាល ឱ្យមនុស្សយ៉ាងហោចណាស់ ២នាក់បានស្លាប់ នៅភាគកណ្តាលប្រទេស ហ្វីលីពីនចាប់តាំងពីថ្ងៃសុក្រ ដែលភាគច្រើនមកពីការ លង់ទឹក និងដើមឈើដួលរលំ ហើយបានផ្តាច់ចរន្តអគ្គិសនី នៅក្នុងទីក្រុងមួយចំនួន។ វាបានបង្ខំឱ្យគ្រួសារប្រហែល ២៣០០០ជម្លៀសទៅកាន់ជម្រកសង្គ្រោះបន្ទាន់ជាង ១៤០០កន្លែង។ នៅប្រទេសវៀតណាម ព្យុះទីហ្វុងនេះត្រូវបានគេរំពឹងថា នឹងនាំមកនូវខ្យល់បក់ក្នុងល្បឿន ១៣៣គីឡូម៉ែត្រក្នុងមួយម៉ោង (៨៣ម៉ាយក្នុងមួយម៉ោង) ខ្យល់ព្យុះមានកម្ពស់ ជាងមួយម៉ែត្រ (៣.២ហ្វីត) និងភ្លៀងធ្លាក់ខ្លាំង ដែលអាចបង្កឱ្យ មានទឹកជំនន់ភ្លាមៗ និងការបាក់ដី៕ប្រែសម្រួល​ … Continue reading វៀតណាម​ ជម្លៀស​មនុស្ស​រាប់ពាន់​នាក់ និង​បិទ​ព្រលាន​យន្តហោះមួយចំនួន​ ខណៈ​ព្យុះទីហ្វុង Bualoi បង្កការបាក់ដី