បរទេស: សភារបស់ប្រទេសជប៉ុន បានបោះឆ្នោតជ្រើសរើសលោកស្រី Sanae Takaichi ជានាយករដ្ឋមន្ត្រីស្ត្រីដំបូងរបស់ប្រទេសជប៉ុនថ្ងៃអង្គារ មួយថ្ងៃបន្ទាប់ពីគណបក្ស របស់នាងបានធ្វើកិច្ចព្រមព្រៀង ចម្រុះជាមួយដៃគូថ្មីដែលរំពឹងថា នឹងទាញប្លុកគ្រប់គ្រងរបស់នាងបន្ថែមទៀតទៅខាងស្ដាំនិយម។‎‎យោងតាមសារព័ត៌មាន AP ចេញផ្សាយនៅថ្ងៃទី២១ ខែតុលា ឆ្នាំ២០២៥ថា លោកស្រី Takaichi ជំនួសលោក Shigeru Ishiba ដោយបញ្ចប់ភាពទំនេរ ផ្នែកនយោបាយរយៈពេលបីខែ និងជម្លោះចាប់តាំងពីការចាញ់ការបោះឆ្នោត របស់គណបក្សប្រជាធិបតេយ្យសេរីកាលពីខែកក្កដា។‎‎លោក Ishiba ដែល​កាន់​តំណែង​ជា​នាយក​រដ្ឋមន្ត្រី ​បាន​តែ​មួយ​ឆ្នាំ​បាន​លាលែង ​ពី​តំណែង​ជាមួយ​គណៈរដ្ឋមន្ត្រី​របស់​លោក​នៅ​មុន​ថ្ងៃ​នេះ ដោយ​បើក​ផ្លូវ​សម្រាប់​អ្នក​ស្នង​តំណែង​របស់​លោក ។‎‎លោកស្រី Takaichi ទទួលបានសំឡេងគាំទ្រចំនួន 237 ដែលច្រើនលើសលប់ បើប្រៀបធៀបទៅនឹង 149 ឈ្នះដោយ Yoshikoko Noda ប្រធានគណបក្សប្រឆាំងដ៏ធំបំផុត គឺគណបក្សប្រជាធិបតេយ្យរដ្ឋធម្មនុញ្ញ​ នៃប្រទេសជប៉ុននៅក្នុងសភាជាន់ទាបដែលជ្រើសរើសនាយករដ្ឋមន្ត្រី។ នៅពេលលទ្ធផលត្រូវបានប្រកាសលោកស្រី Takaichi បានក្រោកឈរ ហើយឱនក្បាលគោរពយ៉ាងជ្រាលជ្រៅ៕‎ប្រែសម្រួល: ណៃ តុលា