ប៉េកាំង៖​ អ្នកនាំពាក្យក្រសួងការបរទេសបានឧ្យដឹងថា ប្រទេសចិនសង្ឃឹមថា សហរដ្ឋអាមេរិក​ នឹងបញ្ឈប់សកម្មភាពដែលធ្វើឱ្យប៉ះពាល់ដល់សន្តិភាព និងស្ថិរភាពនៃតំបន់ការីប៊ីន ហើយអនុវត្តការអនុវត្តច្បាប់ និងកិច្ចសហប្រតិបត្តិការតុលាការធម្មតាក្នុងក្របខ័ណ្ឌច្បាប់ទ្វេភាគី និងពហុភាគី។ អ្នកនាំពាក្យលោក Guo Jiakun បានធ្វើការកត់សម្គាល់នេះនៅក្នុងសន្និសីទសារព័ត៌មានជាប្រចាំ នៅពេលធ្វើអត្ថាធិប្បាយលើសេចក្តីថ្លែងការណ៍រួមដែលចេញដោយអតីតមេដឹកនាំចំនួន ១០រូបមកពីរដ្ឋជាសមាជិកសហគមន៍ការីប៊ីន (CARICOM) ដែលសម្តែងការព្រួយបារម្ភយ៉ាងខ្លាំង​ ចំពោះប្រតិបត្តិការយោធាដោយប្រទេសជាក់លាក់មួយនៅក្នុងសមុទ្រការីប៊ីន។ នៅក្នុងសេចក្តីថ្លែងការណ៍រួម អតីតមេដឹកនាំបានបញ្ជាក់ជាថ្មីនូវឋានៈរបស់តំបន់នេះជាតំបន់សន្តិភាពអស់រយៈពេលជាង ៥០ឆ្នាំមកហើយ ហើយបានចង្អុលបង្ហាញថា សហរដ្ឋអាមេរិក​ គួរតែប្រយុទ្ធប្រឆាំងនឹងការជួញដូរគ្រឿងញៀនក្នុងក្របខ័ណ្ឌនៃនីតិរដ្ឋ ជាជាងការអនុញ្ញាតឱ្យមានការប្រហារជីវិតក្រៅប្រព័ន្ធតុលាការ។ លោកបានលេីកឡេីងថា «យើងសង្ឃឹមថា ភាគីសហរដ្ឋអាមេរិក​ នឹងស្តាប់ការអំពាវនាវដ៏ខ្លាំងក្លារបស់ប្រជាជាតិការាបៀន និងសហគមន៍អន្តរជាតិ បញ្ឈប់សកម្មភាពដែលធ្វើឱ្យប៉ះពាល់ដល់សន្តិភាព និងស្ថិរភាពនៃតំបន់ការាបៀន ហើយវិលត្រឡប់ទៅរកមាគ៌ានៃការអនុវត្តច្បាប់ និងកិច្ចសហប្រតិបត្តិការតុលាការធម្មតាវិញ ក្នុងក្របខ័ណ្ឌច្បាប់ទ្វេភាគី និងពហុភាគី»៕ ប្រែសម្រួល​ បូរ៉ា