‎បរទេស: ក្រសួងការបរទេសសហរដ្ឋអាមេរិកបាននិយាយកាលពីថ្ងៃពុធថា កោះតៃវ៉ាន់ត្រូវតែត្រូវបានអនុញ្ញាតឱ្យចូលរួមយ៉ាងពេញលេញ និងស្មើភាពគ្នា នៅពេលដែលប្រទេសចិនធ្វើជាម្ចាស់ផ្ទះ APEC នៅឆ្នាំក្រោយ បន្ទាប់ពីទីក្រុងតៃប៉ិបានត្អូញត្អែរថា ទីក្រុងប៉េកាំងបាន “បន្ថែមលក្ខខណ្ឌជាច្រើន” ទៅក្នុងការចូលរួមរបស់ខ្លួន។ ‎យោងតាមសារព័ត៌មាន រ៉យទ័រ ចេញផ្សាយនៅថ្ងៃទី៦ ខែវិច្ឆិកា ឆ្នាំ២០២៥ បានឲ្យដឹងថា កិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក គឺជាស្ថាប័នអន្តរជាតិតែមួយគត់ដែលកោះតៃវ៉ាន់ដែលចិនអះអាងថាជាសមាជិក ហើយកិច្ចប្រជុំកំពូលខែវិច្ឆិកាក្រោយនៅទីក្រុងសិនជិន នឹងកើតឡើង ខណៈដែលទំនាក់ទំនងរវាងទីក្រុងតៃប៉ិ និងទីក្រុងប៉េកាំងបានធ្លាក់ចុះយ៉ាងខ្លាំង ចំពេលមានយុទ្ធនាការដាក់សម្ពាធយោធារបស់ចិនកាន់តែខ្លាំងឡើងប្រឆាំងនឹងកោះនេះ។‎‎ក្រសួងការបរទេសចិនបាននិយាយនៅសប្តាហ៍នេះថា ការចូលរួមរបស់កោះតៃវ៉ាន់នៅក្នុងសកម្មភាព APEC ត្រូវតែគោរពតាមគោលការណ៍ “ចិនតែមួយ” ដែលទីក្រុងប៉េកាំងចាត់ទុកថា មានន័យថាភាគីទាំងពីរនៃច្រកសមុទ្រតៃវ៉ាន់ជាកម្មសិទ្ធិរបស់ប្រទេសតែមួយ ដែលជាអ្វីដែលរដ្ឋាភិបាលទីក្រុងតៃប៉ិ បដិសេធ។‎‎អ្នកនាំពាក្យក្រសួងការបរទេសអាមេរិកបាននិយាយថា សមាជិក APEC បានយល់ព្រមដោយការឯកភាពគ្នាកាលពីឆ្នាំមុនចំពោះការផ្តល់ជូនរបស់ប្រទេសចិនក្នុងការធ្វើជាម្ចាស់ផ្ទះ APEC នៅឆ្នាំ 2026 ហើយសមាជិក APEC នៅតែប្តេជ្ញាចិត្តចំពោះសមាជិកទាំងអស់ដែលចូលរួមដោយស្មើភាពគ្នានៅក្នុងព្រឹត្តិការណ៍ APEC ទាំងអស់។ ‎ប្រែសម្រួល: ណៃ តុលា