បាកដាដ៖ អ៊ីរ៉ាក់ បានប្រកាសអំពីការដកទីប្រឹក្សា ចម្រុះអន្តរជាតិចេញពីមូលដ្ឋានយោធា និង មជ្ឈមណ្ឌលបញ្ជាការទាំងអស់ នៅក្នុងតំបន់ ដែលគ្រប់គ្រងដោយរដ្ឋាភិបាល សហព័ន្ធអ៊ីរ៉ាក់ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។ គណៈកម្មការយោធាជាន់ខ្ពស់ ដែលមានភារកិច្ចបញ្ចប់ បេសកកម្មចម្រុះអន្តរជាតិ បានឲ្យដឹងនៅក្នុងសេចក្តីថ្លែងការណ៍មួយថា ទីប្រឹក្សាដែលនៅសេសសល់មួយចំនួនតូច បានចាកចេញពីមូលដ្ឋានទ័ពអាកាស Ayn al-Asad របស់អ៊ីរ៉ាក់ និងទីស្នាក់ការកណ្តាលបញ្ជាការប្រតិបត្តិការរួម ដោយដាក់ទីតាំងយុទ្ធសាស្ត្រទាំងនេះឱ្យស្ថិតនៅក្រោមការគ្រប់គ្រង ពេញលេញរបស់កងកម្លាំងសន្តិសុខអ៊ីរ៉ាក់។ ដំណាក់កាលដំបូងនៃបេសកកម្មយោធា របស់សម្ព័ន្ធអន្តរជាតិ ដើម្បីប្រយុទ្ធប្រឆាំងនឹងរដ្ឋអ៊ីស្លាម (IS) នៅក្នុងទឹកដីសហព័ន្ធអ៊ីរ៉ាក់បានបញ្ចប់ហើយ ហើយអ៊ីរ៉ាក់ឥឡូវនេះបានផ្លាស់ប្តូរ ទៅជាទំនាក់ទំនងសន្តិសុខ ទ្វេភាគីជាមួយសហរដ្ឋអាមេរិក នេះបើយោងតាមសេចក្តីថ្លែងការណ៍។ ទំនាក់ទំនងនេះនឹងផ្តោតលើការធ្វើឱ្យសកម្មនូវអនុស្សរណៈ នៃការយោគយល់គ្នា សម្រាប់កិច្ចសហប្រតិបត្តិការយោធា និងការអភិវឌ្ឍសមត្ថភាព របស់កងកម្លាំងប្រដាប់អាវុធអ៊ីរ៉ាក់ ក្នុងវិស័យឧបករណ៍ អាវុធ ការបណ្តុះបណ្តាល លំហាត់ សមយុទ្ធ និងប្រតិបត្តិការរួមគ្នា ដើម្បីធានាបាននូវការត្រៀម ខ្លួនជាបន្តដើម្បីប្រយុទ្ធប្រឆាំងនឹង IS។ ក្រសួងបានកត់សម្គាល់ថា ដំណាក់កាលទីពីរ នៃបេសកកម្មរបស់ក្រុមចម្រុះអន្តរជាតិក្នុងការប្រយុទ្ធប្រឆាំងនឹងក្រុម IS នៅក្នុងប្រទេសស៊ីរី បានចាប់ផ្តើមហើយ ហើយការសម្របសម្រួល ជាមួយក្រុមចម្រុះនឹងបន្តទាក់ទង នឹងការកម្ចាត់ក្រុម … Continue reading អ៊ីរ៉ាក់ ប្រកាសដកកងកម្លាំងចម្រុះ ដឹកនាំដោយអាមេរិក ចេញពីទឹកដីសហព័ន្ធទាំងស្រុង