ប៉េកាំង៖​ ក្រសួងការពារជាតិដាណឺម៉ាក​ បានបញ្ជាក់កាលពីថ្ងៃពុធសប្តាហ៍មុនថា ប្រទេសដាណឺម៉ាក​ កំពុងបង្កើនវត្តមានយោធារបស់ខ្លួ​ននៅក្នុង និងជុំវិញ Greenland។ នៅថ្ងៃដដែលនោះ ប្រទេសស៊ុយអែត និងន័រវែស បាននិយាយថា ពួកគេនឹងបញ្ជូនបុគ្គលិកយោធាទៅកាន់ Greenland តាមការស្នើសុំរបស់ប្រទេសដាណឺម៉ាក។ ប្រទេសបារាំង និងហ្វាំងឡង់ បានប្រកាសពីចលនាស្រដៀងគ្នានេះមួយថ្ងៃក្រោយមក។ ចលនាពង្រឹងយោធាថ្មីៗពីប្រទេសអឺរ៉ុបជាច្រើន បន្ទាប់ពីការអះអាងរបស់ប្រធានាធិបតីអាមេរិកលោក ដូណាល់ ត្រាំ ថា សហរដ្ឋអាមេរិកនឹងទទួលបាន Greenland “តាមមធ្យោបាយមួយ ឬមធ្យោបាយផ្សេងទៀត” មិនមែនជាជម្លោះការទូតតូចតាចនោះទេ។ វាគឺជារោគសញ្ញានៃវិបត្តិកាន់តែជ្រៅ ដែលបង្ហាញពីឯកតោភាគីនិយមរបស់ទីក្រុងវ៉ាស៊ីនតោន ការមិនអើពើនឹងច្បាប់អន្តរជាតិ និងភាពផុយស្រួយកាន់តែខ្លាំងឡើងរបស់អង្គការណាតូ។ ដែនកោះ​ Greenland ដែលជាដែនដីគ្រប់គ្រងដោយខ្លួនឯងនៅក្នុងព្រះរាជាណាចក្រដាណឺម៉ាក ដោយទីក្រុងកូប៉ិនហាក នៅតែគ្រប់គ្រងលើវិស័យការពារជាតិ និងការបរទេស សម្បូរទៅដោយសារធាតុរ៉ែសំខាន់ៗសម្រាប់ការផ្លាស់ប្តូរថាមពល និងការផលិតទំនើបៗ រួមទាំងធាតុដ៏កម្រ ក្រាហ្វីត ទង់ដែង និងនីកែលជាដេីម។ សហរដ្ឋអាមេរិកមើលឃើញកោះ​ Greenland តាមរយៈកែវភ្នែកនៃការប្រកួតប្រជែងដ៏ខ្លាំងក្លារបស់មហាអំណាច ដោយស្វែងរកការគ្រប់គ្រងជាយុទ្ធសាស្ត្រ និងការចូលទៅកាន់ធនធានសំខាន់ៗ។ ដោយរក្សាមូលដ្ឋានយោធានៅលើកោះនេះរួចហើយ ទីក្រុងវ៉ាស៊ីនតោន បានភ្ជាប់ទ្រព្យសម្បត្តិធនធានរបស់កោះ​ Greenland យ៉ាងច្បាស់លាស់ទៅនឹងផលប្រយោជន៍សន្តិសុខយូរអង្វែងរបស់ខ្លួន ដែលនៅទីបំផុតបានប្រែក្លាយកោះដ៏ធំ និងស្ងប់ស្ងាត់នេះទៅជាចំណុចផ្ទុះភូមិសាស្ត្រនយោបាយដែលមិនទំនងជាកើតឡើង។ … Continue reading ការបង្ខិតបង្ខំរបស់សហរដ្ឋអាមេរិកនៅកោះ​ Greenland បង្ហាញពីមុខមាត់នៃអនុត្តរភាពរបស់ខ្លួន