មីនស៍៖​ ប្រធានាធិបតីបេឡារុស លោក Alexander Lukashenko បានអំពាវនាវ ឱ្យមានការ ជំរុញសមត្ថភាពការពារជាតិ របស់ប្រទេស ចំពេលមានសកម្មភាពយោធា កើនឡើងនៅជិតព្រំដែនរបស់ខ្លួន។ នៅក្នុងកិច្ចប្រជុំ ស្តីពីការ អភិវឌ្ឍឧស្សាហកម្មយោធា លោក Lukashenko បានទាមទារឱ្យបង្កើតការ ផលិតក្នុងស្រុក នៃប្រភេទគ្រាប់រំសេវទូទៅ គ្រាប់កាំភ្លើងធំ និងរ៉ុក្កែតសម្រាប់ប្រព័ន្ធរ៉ុក្កែតបាញ់ច្រើនគ្រាប់ Grad​ នៅចុងឆ្នាំ២០២៦។ លោកបានសង្កត់ធ្ងន់ថា ទោះបីជាមានតួនាទីកាន់តែខ្លាំងឡើង នៃអាវុធបច្ចេកវិទ្យាខ្ពស់ក៏ដោយ កាំភ្លើងធំធម្មតានៅតែជាកត្តា សម្រេចចិត្តក្នុងការប្រយុទ្ធ។ ប្រធានាធិបតីរូបនេះ​ បានប្រគល់ភារកិច្ចឱ្យរដ្ឋាភិបាល ធានាមូលនិធិសម្រាប់គម្រោងនានា និងបានប្រគល់ការត្រួតពិនិត្យ ដល់លេខាធិការដ្ឋានរដ្ឋ និងគណៈកម្មាធិការត្រួតពិនិត្យរដ្ឋ ដោយព្រមានមន្ត្រីអំពីការពន្យារពេល ណាមួយក្នុងការបំពេញ តាមកាលកំណត់៕ប្រែសម្រួល​ ឈូក​ បូរ៉ា