បរទេស៖ ការចាប់ខ្លួនប្រធានាធិបតីគុយបា លោក Miguel Diaz-Canel នឹងជាប្រតិបត្តិការងាយស្រួលសម្រាប់យោធាអាមេរិក, នេះបើយោងតាមការអះអាងរបស់ប្រធានាធិបតីអាមេរិកលោក Donald Trump។ យោងតាមសារព័ត៌មាន RT ចេញផ្សាយនៅថ្ងៃទី១៧ ខែកុម្ភៈ ឆ្នាំ២០២៦ បានឱ្យដឹងថា ថ្លែងកាលពីថ្ងៃអង្គារទៅកាន់អ្នកយកព័ត៌មាននៅលើយន្តហោះ Air Force One លោក Trump បានសរសើរយុទ្ធសាស្ត្ររបស់លោកក្នុងការដាក់ប្រទេសកោះនេះឱ្យឯកោខាងសេដ្ឋកិច្ច ដែលស្ថិតនៅក្រោមការហាមឃាត់ពាណិជ្ជកម្មរបស់សហរដ្ឋអាមេរិកចាប់តាំងពីឆ្នាំ ១៩៦០ ជាមធ្យោបាយមួយដើម្បីបង្ខំឱ្យគុយបា ធ្វើសម្បទាន។ លោកបាននិយាយថា “ក្នុងពេលនេះ មានការហាមឃាត់, គ្មានប្រេង, គ្មានលុយ និង គ្មានអ្វីទាំងអស់”។ នៅពេលសួរថាតើលោកកំពុងពិចារណាប្រតិបត្តិការស្រដៀងគ្នាទៅនឹងប្រតិបត្តិការដែលនាំឱ្យមានការចាប់ជំរិតប្រធានាធិបតីវេណេស៊ុយអេឡាលោក Nicolas Maduro កាលពីខែមុនដែរឬទេ លោក Trump បានឆ្លើយតបថា “ខ្ញុំមិនចង់ឆ្លើយសំណួរនោះទេ។ ហេតុអ្វីបានជាខ្ញុំត្រូវឆ្លើយសំណួរនោះ?” បន្ទាប់មកលោកបានបន្ថែមថា “ប្រសិនបើខ្ញុំឆ្លើយ នោះវានឹងមិនមែនជាប្រតិបត្តិការដ៏លំបាកមួយដូចដែលអ្នកអាចគិតនោះទេ ប៉ុន្តែខ្ញុំមិនគិតថាវាចាំបាច់ទេ”។ សហរដ្ឋអាមេរិកបានចាប់លោក Maduro ប្រធានាធិបតីវ៉េណេស៊ុយអេឡា ហើយបានកាត់ទោសលោកនៅលើទឹកដីអាមេរិកកាលពីខែមុន ដោយអះអាងថា លោកជាប្រធានក្រុមជួញដូរគ្រឿងញៀន មិនមែនជាមេដឹកនាំស្របច្បាប់នោះទេ។ ប្រទេសជាច្រើនដែលមិនមែនជាលោកខាងលិច រួមទាំងរុស្ស៊ី … Continue reading លោក Donald Trumpថា ការចាប់ខ្លួនប្រធានាធិបតីគុយបា គឺមិនពិបាកនោះទេ