បរទេស៖ នៅថ្ងៃអង្គារ ប្រទេសចិនបានដាក់ក្រុមហ៊ុនជប៉ុនចំនួន ២០ នៅក្នុងបញ្ជីត្រួតពិនិត្យការនាំចេញ និងក្រុមហ៊ុនចំនួន ២០ ផ្សេងទៀតនៅក្នុងបញ្ជីតាមដាន ខណៈដែលភាពតានតឹងនៅតែបន្តកើតមានលើការអត្ថាធិប្បាយពីមុនរបស់មេដឹកនាំជប៉ុនលើកោះតៃវ៉ាន់ ដែលជាកោះគ្រប់គ្រងដោយខ្លួនឯងដែលទីក្រុងប៉េកាំងអះអាងថាជារបស់ខ្លួន។ យោងតាមសារព័ត៌មាន AP ចេញផ្សាយនៅថ្ងៃទី២៤ ខែកុម្ភៈ ឆ្នាំ២០២៦ បានឱ្យដឹងថា យោងតាមសេចក្តីថ្លែងការណ៍របស់ក្រសួងពាណិជ្ជកម្មចិន ក្រុមហ៊ុននាំចេញរបស់ចិននឹងត្រូវបានហាមឃាត់មិនឱ្យលក់ទំនិញប្រើប្រាស់ពីរយ៉ាង ដែលអាចប្រើប្រាស់បានទាំងសម្រាប់គោលបំណងស៊ីវិល និងយោធា ទៅឱ្យក្រុមហ៊ុនជប៉ុនចំនួន ២០។ ក្រុមហ៊ុនដែលត្រូវបានកំណត់គោលដៅរួមមានក្រុមហ៊ុនបុត្រសម្ព័ន្ធជាច្រើនរបស់ក្រុមហ៊ុន Mitsubishi Heavy Industries ដែលពាក់ព័ន្ធនឹងការសាងសង់កប៉ាល់ និងការផលិតម៉ាស៊ីនយន្តហោះ និងគ្រឿងចក្រសមុទ្រ ក៏ដូចជាផ្នែកមួយចំនួនរបស់ក្រុមហ៊ុន Kawasaki Heavy Industries និង Fujitsu ក្នុងចំណោមក្រុមហ៊ុនដទៃទៀត។ ក្រសួងពាណិជ្ជកម្មចិនបាននិយាយថា អង្គការ ឬបុគ្គលបរទេសក៏ត្រូវបានហាមឃាត់មិនឱ្យផ្តល់ទំនិញប្រើប្រាស់ពីរយ៉ាងដែលមានប្រភពមកពីប្រទេសចិនទៅឱ្យអង្គភាពចំនួន ២០ ផងដែរ។ សេចក្តីថ្លែងការណ៍របស់ខ្លួនបានសរសេរថា “សកម្មភាពពាក់ព័ន្ធទាំងអស់ដែលកំពុងដំណើរការត្រូវតែបញ្ឈប់ភ្លាមៗ”៕ ប្រែសម្រួលៈ ណៃ តុលា