បឺលីន៖​ លោក Friedrich Merz អធិការបតីអាល្លឺម៉ង់ បានបញ្ជាក់ថា «ច្បាស់ណាស់ថាគ្មានផែនការរួមគ្នា» ដើម្បីនាំមកនូវការបញ្ចប់សង្គ្រាម​ ដែលបង្កឡើងដោយសហរដ្ឋអាមេរិក និងអ៊ីស្រាអែល​ ប្រឆាំងនឹងអ៊ីរ៉ង់យ៉ាងឆាប់រហ័ស និងគួរឱ្យជឿជាក់នោះទេ។ លោក Merz បានឧ្យដឹងនៅក្នុងសន្និសីទសារព័ត៌មានរួមគ្នាជាមួយនាយករដ្ឋមន្ត្រីឆែក លោក Andrej Babis ដែលកំពុងបំពេញទស្សនកិច្ចថា​ សង្គ្រាមនេះបានអូសបន្លាយអស់រយៈពេលជាងមួយសប្តាហ៍មកហើយ ហើយ «បញ្ហាជាច្រើនទៀតកំពុងកើតឡើង»។ លោកបានលេីកឡេីងថា សង្គ្រាមនេះនឹងប៉ះពាល់ដល់សន្តិសុខ និងការផ្គត់ផ្គង់ថាមពលរបស់ប្រទេសអាល្លឺម៉ង់ និងអឺរ៉ុប ក៏ដូចជាស្ថានភាពអន្តោប្រវេសន៍ផងដែរ។ លោកបានបន្ដថា សង្គ្រាមនេះនឹងមិននាំមកនូវសន្តិសុខ និងស្ថិរភាពយូរអង្វែងដល់អ៊ីស្រាអែល និងដៃគូក្នុងតំបន់ផ្សេងទៀតទេ ហើយវាក៏មិនបម្រើផលប្រយោជន៍របស់ប្រជាជនអ៊ីរ៉ង់ដែរ ដោយបន្ថែមថា ពិភពលោកត្រូវការអ៊ីរ៉ង់ដែលមានស្ថិរភាព និងអាចសម្រេចបានជាផ្នែកមួយនៃសណ្តាប់ធ្នាប់សន្តិភាព និងសន្តិសុខក្នុងតំបន់៕ប្រែសម្រួល​ ឈូក​ បូរ៉ា