បរទេស៖យោងតាមការចេញផ្សាយ របស់ RT ឧត្តមសេនីយ៍ឯក Christian Freuding បាននិយាយថា យោធាអាល្លឺម៉ង់កំពុងបង្កើតប្រព័ន្ធ ស៊ើបការណ៍សិប្បនិម្មិតមួយ ដើម្បីបង្កើនល្បឿន នៃការសម្រេចចិត្ត ក្នុងសមរភូមិ ដោយការវិភាគទិន្នន័យប្រយុទ្ធ ដោយក្នុងនោះពួកគេនឹងទាញ បទពិសោធន៍ របស់អ៊ុយក្រែន ក្នុងការប្រយុទ្ធជាមួយរុស្ស៊ី មកជាឧទាហរណ៍។ ការ​លើក​ឡើង​របស់​លោក Freuding ដែល​ជា​មេ​បញ្ជាការ​កង​កម្លាំង​ដី​គោក ​របស់​អាល្លឺម៉ង់​បាន​កើត​ឡើង​ ខណៈ​ដែល​ប្រទេស​នេះ​កំពុង​ធ្វើ​ការ​កសាង​យោធា​ដ៏​ធំ។ អធិការបតី Friedrich Merz កំពុងស្វែងរកដើម្បីធ្វើឱ្យយោធាអាល្លឺម៉ង់ជា កងទ័ពសាមញ្ញតែខ្លាំងក្លាបំផុតនៅអឺរ៉ុប ។ មន្ត្រីអាល្លឺម៉ង់បានកំណត់ឆ្នាំ ២០២៩ជាថ្ងៃផុតកំណត់សម្រាប់កង កម្លាំងប្រដាប់អាវុធដើម្បី ត្រៀមខ្លួនជាស្រេចសង្គ្រាម ដោយលើកឡើងពីការគំរាមកំហែង របស់រុស្ស៊ីគឺជាគោលដៅសម្រាប់កិច្ចខិតខំនេះ។ យ៉ាងណាក្តីជារឿយៗ ទីក្រុងមូស្គូបានច្រានចោលការអះអាង ដែលថាខ្លួនមានចេតនាអរិភាពថាជា មិនសមហេតុសមផល ក្នុងគោលបំណងបង្ហាញ ពីភាពត្រឹមត្រូវ នៃការចំណាយយោធាប៉ុណ្ណោះ៕ ប្រែសម្រួល៖ស៊ុនលី