គៀវ៖ កងកម្លាំងអ៊ុយក្រែន​ បានវាយប្រហារ ដោយជោគជ័យលើនាវាចម្បាំងរុស្ស៊ីចំនួនពីរគ្រឿងនៅឆ្នេរសមុទ្រគ្រីមៀ ក្នុងសមុទ្រខ្មៅ នេះបើយោងតាមក្រសួងការពារជាតិអ៊ុយក្រែន។ នាវាចុះចតធំៗរបស់កងនាវាចរសមុទ្រខ្មៅរុស្ស៊ី គឺ 775 Yamal និងគម្រោង 1171 Nikolai Filchenkov ត្រូវបានវាយប្រហារនៅឈូងសមុទ្រ Sevastopol ដោយការវាយប្រហារដោយយន្តហោះគ្មានមនុស្សបើកពីកងកម្លាំងពិសេសអ៊ុយក្រែនពេញមួយយប់រវាងថ្ងៃសៅរ៍ និងថ្ងៃអាទិត្យ នេះបើយោងតាមសេចក្តីថ្លែងការណ៍របស់នាយកដ្ឋានស៊ើបការណ៍សម្ងាត់សំខាន់របស់ក្រសួង។ ការវាយប្រហារនេះបានធ្វើឱ្យនាវារុស្ស៊ីទាំងពីរគ្រឿង​ ដែលប្រើប្រាស់ក្នុងជម្លោះជាមួយអ៊ុយក្រែន​ មិនអាចដំណើរការបាន។សាងសង់ក្នុងឆ្នាំ ១៩៨៨ នាវា Project 775 Yamal មានសមត្ថភាពដឹកជញ្ជូនទំនិញរហូតដល់ ៥០០ តោន រួមទាំងរថពាសដែក និងកងទ័ព។ ចំណែកនាវា 1171 Nikolai Filchenkov ដែលត្រូវបានរចនាឡើងដើម្បីដឹកជញ្ជូនទំនិញរហូតដល់ ១០០០ តោន អាចដឹកជញ្ជូនរថពាសដែករាប់សិបគ្រឿង និងកងកម្លាំងចុះចតដ៏ធំមួយ៕ប្រែសម្រួល​ ឈូក​ បូរ៉ា