វ៉ាស៊ីនតោន៖ ប្រធានាធិបតី អាមេរិក លោក ដូណាល់​ ត្រាំ​ បានឧ្យដឹងថា​ លោកបានប្រាប់អ្នកចរចាអាមេរិក​ កុំឱ្យប្រញាប់ប្រញាល់ ចូលទៅក្នុងកិច្ចព្រមព្រៀងជាមួយអ៊ីរ៉ង់ ពីព្រោះ «ពេលវេលា​ គឺនៅខាងអាមេរិក»។ លោកបានឧ្យដឹងនៅក្នុងការបង្ហោះមួយ នៅលើបណ្ដាញ​ Truth Social របស់លោកថា «ការបិទផ្លូវនឹងនៅតែមានប្រសិទ្ធភាព ពេញលេញរហូតដល់កិច្ចព្រមព្រៀងត្រូវបានសម្រេច បញ្ជាក់ និងចុះហត្ថលេខា»។ លោកបានបន្ថែមថា «ភាគីទាំងពីរត្រូវតែចំណាយពេលរបស់ពួកគេ និងធ្វើឱ្យវាត្រឹមត្រូវ» ។ លោកប្រធានាធិបតីបានបញ្ជាក់ជាថ្មីថា អ៊ីរ៉ង់នឹងមិនត្រូវបានអនុញ្ញាតឱ្យអភិវឌ្ឍ ឬទិញអាវុធនុយក្លេអ៊ែរនោះទេ។​ លោកក៏បានឧ្យដឹងផងដែរថា «ការចរចាកំពុងដំណើរការក្នុងលក្ខណៈសណ្តាប់ធ្នាប់ និងស្ថាបនា»។ ប្រភពពីរដ្ឋាភិបាលអ៊ីស្រាអែលមួយបានឧ្យដឹងយថា លោក ដូណាល់​ ត្រាំ បានប្រាប់នាយករដ្ឋមន្ត្រីអ៊ីស្រាអែល លោក បេនចាមីន​ ណេតាន់យ៉ាហ៊ូ ថា លោកនឹងមិនចុះហត្ថលេខាលើកិច្ចព្រមព្រៀងចុងក្រោយជាមួយអ៊ីរ៉ង់នោះទេ លុះត្រាតែទីក្រុងតេអេរ៉ង់​ រុះរើកម្មវិធីនុយក្លេអ៊ែររបស់ខ្លួន និងដកយកអ៊ុយរ៉ាញ៉ូមចម្រាញ់រួចទាំងអស់ចេញពីទឹកដីរបស់ខ្លួន។ អ្នកនាំពាក្យក្រសួងការបរទេសអ៊ីរ៉ង់ លោក Esmaeil Baghaei បានឧ្យដឹងថា អ៊ីរ៉ង់ និងសហរដ្ឋអាមេរិក​ កំពុងធ្វើការដើម្បីបញ្ចប់អនុស្សរណៈ នៃការយោគយល់គ្នា​ ស្តីពីការបញ្ចប់សង្គ្រាម៕ … Continue reading ​ លោក ដូណាល់​ ត្រាំ​ បញ្ជាក់ថា សហរដ្ឋអាមេរិក​ នឹងមិនប្រញាប់ប្រញាល់ ចូលទៅក្នុងកិច្ចព្រមព្រៀង ជាមួយអ៊ីរ៉ង់នោះទេ