បរទេស៖ តម្លៃមាសបានកើនឡើងជាង ១% នៅថ្ងៃចន្ទ ចំពេលដែលមានសុទិដ្ឋិនិយម សម្រាប់ការទម្លាយភាពទាល់ច្រកក្នុងការចរចាសន្តិភាព រវាងសហរដ្ឋអាមេរិក និងអ៊ីរ៉ង់ បានធ្វើឱ្យប្រាក់ដុល្លារចុះ និងធ្វើឱ្យតម្លៃប្រេងមានភាពធូរស្រាល ដែលធ្វើឱ្យទស្សនវិស័យអតិផរណាមានភាពទន់ខ្សោយ។ យោងតាមសារព័ត៌មាន រ៉យទ័រ ចេញផ្សាយនៅថ្ងៃទី២៥ ខែឧសភា ឆ្នាំ២០២៦ថា តម្លៃមាសភ្លាមៗបានកើនឡើង ១,១% នៅតម្លៃ ៤.៥៥៧,៤៦ ដុល្លារក្នុងមួយអោន ។ មាសរបស់សហរដ្ឋអាមេរិកសម្រាប់ការចែកចាយនៅខែមិថុនាបានកើនឡើង ០,៨% ដល់តម្លៃ ៤.៥៥៨,៨០ ដុល្លារ។ ចំពេលដែលប្រធានាធិបតីសហរដ្ឋអាមេរិក លោក ដូណាល់ ត្រាំ បានព្រមានថា លោកមិនប្រញាប់ប្រញាល់ក្នុងការបញ្ចប់កិច្ចព្រមព្រៀងជាមួយអ៊ីរ៉ង់នោះទេ វិនិយោគិនហាក់ដូចជាពឹងផ្អែកច្រើនលើសេចក្តីថ្លែងការណ៍ថ្ងៃសៅរ៍របស់លោកថា ទីក្រុងវ៉ាស៊ីនតោន និងអ៊ីរ៉ង់បាន “ចរចាជាចម្បង” លើអនុស្សរណៈនៃការយោគយល់គ្នាលើកិច្ចព្រមព្រៀងសន្តិភាពដែលនឹងបើកច្រកសមុទ្រហ័រមូសឡើងវិញ។ ប្រធានអ្នកវិភាគទីផ្សារនៅ KCM Trade បាននិយាយថា «លោក ត្រាំ បានបង្កើនក្តីសង្ឃឹមទីផ្សារសម្រាប់កិច្ចព្រមព្រៀងមួយចំនួនជាមួយអ៊ីរ៉ង់ ដែលអាចនាំទៅដល់ការបើកច្រកសមុទ្រ Hormuz ឡើងវិញ។ ការរំពឹងទុកនោះបានជះឥទ្ធិពលដល់តម្លៃប្រេង ហើយដោយហេតុនេះ បានផ្តល់ឱ្យមាសកើនឡើង. លោក Marco Rubio រដ្ឋមន្ត្រីការបរទេសអាមេរិកបានមានប្រសាសន៍កាលពីថ្ងៃចន្ទថា សហរដ្ឋអាមេរិកនឹងមានកិច្ចព្រមព្រៀងល្អជាមួយអ៊ីរ៉ង់ ឬដោះស្រាយជាមួយប្រទេសនេះ «តាមវិធីមួយផ្សេងទៀត»។