បរទេស៖ យោងតាមការចេញផ្សាយរបស់ RT កងនាវាចរខាងជើងរបស់រុស្ស៊ី បានបញ្ចេញវីដេអូ នៃនាវាមុជទឹកដើរ ដោយថាមពលនុយ ក្លេអ៊ែរ Arkhangelsk របស់ខ្លួនដែលធ្វើការសាកល្បងមីស៊ីល ដោយជោគជ័យនៅសមុទ្រ Barents ក្នុងតំបន់អាក់ទិក។ កងនាវាបាននិយាយនៅក្នុងសេចក្តីថ្លែងការណ៍ មួយកាលពីថ្ងៃពុធថា កប៉ាល់បានបាញ់មីស៊ីលប្រភេទ Oniks ពីទីតាំងក្រោមទឹក ដោយវាយលុកគោលដៅ ដែលត្រាប់តាមនាវាលើផ្ទៃ ទឹកចម្ងាយប្រហែល២០០ គីឡូម៉ែត្រ។ នាវា Arkhangelsk គឺជាម៉ូដេល ទីបីនៅក្នុងគម្រោង 885M Yasen-M របស់ប្រទេសរុស្ស៊ី ដែលតំណាងឱ្យការកែប្រែ នៃនាវាមុជទឹកជំនាន់ទី៤របស់ខ្លួនជាមួយនឹងផ្នែកសម្លេងដែលកាត់បន្ថយ ដែលធ្វើឱ្យពួកគេកាន់តែពិបាកក្នុងការស្វែងរក និងតាមដានដោយប្រព័ន្ធ sonarក្តី។ ក្រៅពីមីស៊ីល Oniks នាវា Yasen-M ក៏ត្រូវបានបំពាក់ដោយមីស៊ីល បាញ់នាវា Kalibr និងមីស៊ីលលឿនជាងសំឡេង Tsirkon ផងដែរ។Arkhangelsk បានដំណើរការជាមួយកងនាវាចរ ខាងជើងតាំងពីខែធ្នូ ឆ្នាំ២០២៤មកម្ល៉េះ៕ ប្រែសម្រួល៖ស៊ុនលី