បរទេស៖ទីភ្នាក់ងារចិនស៊ិនហួចេញផ្សាយនៅថ្ងៃនេះ បានឲ្យដឹងថា ក្រសួងការពារជាតិរុស្ស៊ី បានបញ្ជាក់កាលពីថ្ងៃចន្ទថា យន្តហោះទម្លាក់គ្រាប់បែកយុទ្ធសាស្ត្រ Tu-22M3 បានធ្លាក់ នៅតំបន់ Irkutsk របស់រុស្ស៊ី ខណៈព្យាយាមចុះចតក្នុងអំឡុង ពេលហោះហើរហ្វឹកហាត់ជាប្រចាំមួយ។ យ៉ាងណាក្តីក្រុម​នាវិកបើកបរយន្តហោះ​បានចុះប៊ូតុងគេច​ចេញ​ដោយ​សុវត្ថិភាព ហើយ​មិន​មាន​ការ​ខូច​ខាតណាមួយនៅផ្ទាល់​ដី​នោះ​ទេ​។បើ​តាម​ក្រសួង យន្តហោះ​នេះ​បាន​ហោះ​ដោយ​ គ្មានអាវុធនិង​គ្រាប់​រំសេវឡើយ។ អភិបាលតំបន់ លោក Igor Kobzev បាននិយាយនៅលើបណ្តាញទំនាក់ទំនង សង្គមរបស់គាត់ថា មូលហេតុបឋមនៃឧបទ្ទវហេតុយន្តហោះ Tu-22M3 នៅក្នុងតំបន់ Irkutsk ត្រូវបានគេកំណត់ថាជាបញ្ហាម៉ាស៊ីន។ ប្រភពដដែលបានបញ្ជាក់ថាពលរដ្ឋជាអ្នក​ស្រុក​ដែល​មាន​សមាជិក​នាវិក​និង​គ្រូពេទ្យ​កំពុង​ចូលរួម​ជាមួយ​ជួយសង្គ្រោះនាវិកភ្លាមៗក្រោយពេលធ្លាក់៕ ប្រែសម្រួល៖ស៊ុនលី