បរទេស៖ រដ្ឋបាលអាកាសចរណ៍សហព័ន្ធ (FAA) បាននិយាយថា ខ្លួនបានចាប់ផ្តើមការស៊ើបអង្កេត បន្ទាប់ពីយន្តហោះ JetBlue ដែលត្រូវបានរាយការណ៍ថា បានបុកដ្រូនមួយគ្រឿង ខណៈពេលកំពុងខិតជិតអាកាសយានដ្ឋានអន្តរជាតិ John F. Kennedy នៃទីក្រុងញូវយ៉កកាលពីថ្ងៃចន្ទ។ យោងតាមសារព័ត៌មាន រ៉យទ័រ ចេញផ្សាយនៅថ្ងៃទី៣០ ខែមិថុនា ឆ្នាំ២០២៦ថា អ្នកបើកយន្តហោះ Airbus A321 (AIR.PA) ដែលបានចាកចេញពីទីក្រុងឡាសវេហ្គាស បានរាយការណ៍ពីការបុកនេះ នៅរយៈកម្ពស់ប្រហែល ៣.០០០ ហ្វីត ខណៈពេលកំពុងខិតជិតចុងក្រោយ, នេះបើយោងតាម FAA។ ហេតុការណ៍នេះបានកើតឡើងនៅប្រហែលម៉ោង ៧៖១៥នាទី ព្រឹក ។ ក្រុមហ៊ុនអាកាសចរណ៍បាននិយាយថា “យន្តហោះបានចុះចតដោយគ្មានឧប្បត្តិហេតុ អតិថិជនបានចុះពីលើយន្តហោះជាធម្មតា ហើយយន្តហោះត្រូវបានដកចេញពីសេវាកម្មសម្រាប់ការត្រួតពិនិត្យក្រោយការហោះហើរ ដែលមិនបានរកឃើញការខូចខាត ឬភស្តុតាងនៃការប៉ះទង្គិចគ្នានោះទេ”។ អាជ្ញាធរកំពង់ផែនៃទីក្រុងញូវយ៉ក និងរដ្ឋញូវជឺស៊ី ដែលគ្រប់គ្រងអាកាសយានដ្ឋានអន្តរជាតិ John F. Kennedy មិនទាន់អាចទាក់ទងសុំការអត្ថាធិប្បាយភ្លាមៗនៅឡើយទេ។ ឧប្បត្តិហេតុនៅថ្ងៃចន្ទនេះ បានកើតឡើងប៉ុន្មានថ្ងៃបន្ទាប់ពីជើងហោះហើរមួយរបស់ក្រុមហ៊ុន United Airlines បានជួបប្រទះនឹងយន្តហោះគ្មានមនុស្សបើកមួយគ្រឿងក្នុងអំឡុងពេលចុះចតនៅអាកាសយានដ្ឋានអន្តរជាតិ Newark Liberty … Continue reading ជើងហោះហើរ JetBlue បុកជាមួយដ្រូន នៅលើអាកាសរយៈកម្ពស់ ៣.០០០ហ្វីត ពេលកំពុងខិតជិតអាកាសយានដ្ឋានអន្តរជាតិ John F. Kennedy នៃទីក្រុងញូវយ៉ក