បរទេស៖ យោងតាមធនាគារកណ្តាលថៃ (BOT) បានឱ្យដឹងថា សេដ្ឋកិច្ចរបស់ប្រទេសថៃ ទំនងជាបានឈានដល់ចំណុចខ្សោយបំផុត ប្រចាំឆ្នាំនៅក្នុងត្រីមាសទីពីរ នៃឆ្នាំ ២០២៦ ដែលត្រូវបាក់ទឹកចិត្ត ដោយសារតម្លៃថាមពលខ្ពស់ និងការរំខានដល់ការធ្វើដំណើរ ដែលបណ្តាលមកពីជម្លោះនៅមជ្ឈិមបូព៌ា ។ យោងតាមសារព័ត៌មាន Pataya Mail ចេញផ្សាយកាលពីថ្ងៃទី១ ខែសីហា ឆ្នាំ២០២៦ថា លោកស្រី ឆាយ៉ាវ៉ាឌី ឆៃអានុន្ទ (Chayawadee Chai-anant) ជំនួយការទេសាភិបាលទទួលបន្ទុកទំនាក់ទំនងសាធារណៈ និងជាអ្នកនាំពាក្យធនាគារកណ្តាលថៃ បាននិយាយថា សេដ្ឋកិច្ចបានថយចុះក្នុងត្រីមាសទី២ បើធៀបនឹងត្រីមាសមុន ដោយសារសម្ពាធខាងក្រៅជាច្រើន ប៉ុន្តែសញ្ញានានាបានបង្ហាញថា ស្ថានភាពនឹងប្រសើរឡើងវិញនៅក្នុងត្រីមាសទីបី។ លោកស្រី ឆាយ៉ាវ៉ាឌី បានថ្លែងថា៖ «ត្រីមាសទីពីរគឺដូចជាព្យុះដ៏អាក្រក់បំផុត (perfect storm)» ដោយបានបន្ថែមថា ធនាគារកណ្តាលថៃជឿជាក់ថា ត្រីមាសទី២ គឺជាចំណុចទាបបំផុតសម្រាប់សេដ្ឋកិច្ចថៃនៅឆ្នាំនេះ។ លោកស្រីបានបន្តថា សកម្មភាពសេដ្ឋកិច្ច ត្រូវបានរំពឹងថា នឹងងើបឡើងវិញនៅក្នុងត្រីមាសទី៣ ដែលគាំទ្រដោយការកែលម្អតម្រូវការ សកលសម្រាប់ផលិតផលអេឡិចត្រូនិក និងផលប៉ះពាល់នៃវិធានការរដ្ឋាភិបាល ដែលមានគោលបំណងបន្ធូរបន្ថយសម្ពាធសេដ្ឋកិច្ច។ ការធ្លាក់ចុះសេដ្ឋកិច្ចក្នុងត្រីមាសទី២ ត្រូវបានឱ្យឃើញតាមរយៈការធ្លាក់ចុះយ៉ាងខ្លាំងនៃចំនួនភ្ញៀវទេសចរបរទេស ជាពិសេសមកពីមជ្ឈិមបូព៌ា អឺរ៉ុប … Continue reading សេដ្ឋកិច្ចថៃ បានប៉ះពាល់ចំណុចទាបបំផុត ក្នុងត្រីមាសទី២ ចំនួនភ្ញៀវទេសចរបរទេសធ្លាក់ចុះខ្លាំង មុនពេលរំពឹងថា នឹងងើបឡើងវិញ