កូឡាឡាំពួរ៖ ម៉ាឡេស៊ី​ បានណែនាំពលរដ្ឋរបស់ខ្លួន​ ដែលធ្វើដំណើរនៅក្នុងខេត្តយ៉ាឡា ណារ៉ាធីវ៉ាត និងប៉ាតានីភាគខាងត្បូងប្រទេសថៃ ឱ្យប្រុងប្រយ័ត្នបន្ទាប់ពីមាន ឧប្បត្តិហេតុសន្តិសុខជាបន្តបន្ទាប់ ។ សេចក្តីថ្លែងការណ៍នេះបានឧ្យដឹងថា ពលរដ្ឋម៉ាឡេស៊ី ដែលធ្វើដំណើរនៅក្នុងតំបន់ ដែលរងផលប៉ះពាល់ត្រូវបានជំរុញ ឱ្យចុះឈ្មោះជាមួយស្ថានទូតម៉ាឡេស៊ី។ សេចក្តីថ្លែងការណ៍នេះបានឧ្យដឹងថា “ពលរដ្ឋម៉ាឡេស៊ី​ ដែលរស់នៅក្នុង ធ្វើដំណើរឆ្លងកាត់ ឬមានបំណងធ្វើដំណើរទៅ និងមកពីខេត្តព្រំដែនភាគខាងត្បូងនៃប្រទេសថៃ ត្រូវបានណែនាំឱ្យប្រុងប្រយ័ត្នខ្ពស់ រក្សាការប្រុងប្រយ័ត្ន និងគោរពតាមការណែនាំសុវត្ថិភាព បំរាមគោចរ និងការណែនាំសន្តិសុខទាំងអស់​ ដែលអនុវត្តដោយអាជ្ញាធរមូលដ្ឋាន”។ គួរបញ្ជាក់ថា​ កងទ័ពតំបន់ភូមិភាគ៤​ របស់ប្រទេសថៃ​ កាលពីថ្ងៃសៅរ៍ បានណែនាំសាធារណជនឱ្យប្រុងប្រយ័ត្ន បន្ទាប់ពីការកើតឡើងនៃឧប្បត្តិហេតុហិង្សាជាច្រើន នៅក្នុងខេត្តព្រំដែនភាគខាងត្បូងរបស់ខ្លួន៕ប្រែសម្រួល​ ឈូក​ បូរ៉ា