វ៉ាស៊ីនតោន៖​ ប្រធានាធិបតីអាមេរិក លោក ដូណាល់​ ត្រាំ​ បានច្រានចោលការវាយប្រហាររបស់រុស្ស៊ី​ លើប្រទេសដែលជាសមាជិកអង្គការណាតូ។ លោក ត្រាំ បានឧ្យដឹងនៅក្នុងការិយាល័យ Oval ថា “ខ្ញុំបានជួបពិភាក្សាគ្នាយ៉ាងល្អជាមួយប្រធានាធិបតីរុស្ស៊ី លោក វ្លាឌីមៀ​ ពូទីន​នឹងមិនវាយប្រហារទឹកដី ណាតូនោះទេ”។ លោកបានបដិសេធមិននិយាយថាតើលោកបានដឹកនាំនាយកទីភ្នាក់ងារស៊ើបការណ៍សម្ងាត់កណ្តាល លោក John Ratcliffe ឱ្យព្រមានទីក្រុងមូស្គូ​ កុំឱ្យវាយប្រហារអង្គការណាតូឬអត់នោះទេ។ លោក ត្រាំ បានលេីកឡេីងថា “ខ្ញុំមិនចង់ធ្វើអត្ថាធិប្បាយលើរឿងនោះទេ ប៉ុន្តែពួកគេមិនវាយប្រហារទេ”។ ដំណើរទស្សនកិច្ចរបស់លោក Ratcliffe នៅទីក្រុងមូស្គូ​ ក្នុងសប្តាហ៍នេះ មានបំណងព្រមានរុស្ស៊ីកុំឱ្យវាយប្រហាររដ្ឋជាសមាជិកណាតូ នេះបើយោងតាមការចុះផ្សាយរបស់ The Wall Street Journal (WSJ) និង CBS News កាលពីថ្ងៃពុធ ដោយដកស្រង់សម្តីមនុស្សដែលស្គាល់ដំណើរទស្សនកិច្ចនេះ។ ដំណើរទស្សនកិច្ចនេះបានកើតឡើង បន្ទាប់ពីការវាយតម្លៃស៊ើបការណ៍សម្ងាត់ថ្មី របស់សហរដ្ឋអាមេរិកដែលធ្លាប់បានរាយការណ៍ដោយ WSJ ដែលបានបង្ហាញថាលោកពូទីន អាចព្យាយាមសាកល្បង ការតាំងចិត្តរបស់ណាតូ​ ជាមួយនឹងការវាយប្រហារ មានកំណត់លើប្រទេសសម្ព័ន្ធមិត្ត ក្នុងរយៈពេលប៉ុន្មានឆ្នាំខាងមុខ៕ប្រែសម្រួល​ ឈូក​ … Continue reading ​ លោក ដូណាល់​ ត្រាំ អះអាងថា​ រុស្ស៊ី​ នឹងមិនការវាយប្រហារ លើប្រទេសសមាជិក អង្គការណាតូ​ នោះទេ