‎បរទេស: តម្លៃប្រេងម៉ាស៊ូតនៅព្រីតថេន (អង់គ្លេស) បានកើនឡើងដល់កម្រិតខ្ពស់បំផុតថ្មីមួយ ដោយបានលើសពីកំណត់ត្រាពីមុនដែលបានកត់ត្រាកាលពីឆ្នាំ ២០២២ បន្ទាប់ពីការឈ្លានពានរបស់រុស្ស៊ីមកលើអ៊ុយក្រែន។ ‎យោងតាមសារព័ត៌មាន THE INDEPENDENT ចេញផ្សាយនៅថ្ងៃទី២៨ ខែកញ្ញា ឆ្នាំ២០២៦ថា យោងតាមតួលេខចុងក្រោយពី RAC គឺតម្លៃជាមធ្យមនៃប្រេងម៉ាស៊ូតមួយលីត្រគឺ ១៩៩,១៨ pence (100p ស្មើនឹង 1ផោន) នៅថ្ងៃចន្ទ។ ‎តម្លៃជាមធ្យមក្នុងមួយលីត្រគឺ ១៤២,៣៨ pence (100p ស្មើនឹង 1ផោន) នៅពេលចាប់ផ្តើមជម្លោះរវាងសហរដ្ឋអាមេរិក និងអ៊ីរ៉ង់ កាលពីថ្ងៃទី ២៨ ខែកុម្ភៈ ឆ្នាំនេះ ដែលទាបជាងតម្លៃបច្ចុប្បន្នចំនួន ៥៦,៨pence។ កំណត់ត្រាខ្ពស់បំផុតពីមុនគឺ ១៩៩,០៩ pence ដែលបានកត់ត្រាកាលពីខែមិថុនា ឆ្នាំ ២០២២។ ‎តម្លៃប្រេងម៉ាស៊ូតបានកើនឡើងក្នុងរយៈពេលប៉ុន្មានសប្តាហ៍ថ្មីៗនេះ ដោយសារតែជម្លោះរវាងរុស្ស៊ី និងអ៊ុយក្រែន និងការផ្ទុះឡើងវិញនៃអរិភាពនៅក្នុងតំបន់មជ្ឈិមបូព៌ា ដែលបានជះឥទ្ធិពលដល់ការផ្គត់ផ្គង់ទូទាំងពិភពលោក។ ‎ប្រែសម្រួល: តុលា