ញូវយ៉ក៖​ ប្រធានាធិបតីអាមេរិក លោក ដូណាល់​ ត្រាំ បានបដិសេធសេចក្តីរាយការណ៍របស់ប្រព័ន្ធផ្សព្វផ្សាយមួយដែលថា រដ្ឋបាលរបស់លោកបានផ្តល់ ការបន្ធូរបន្ថយទណ្ឌកម្ម និងការអនុញ្ញាតឱ្យប្រើប្រាស់មូលនិធិ ដែលត្រូវបានបង្កកដល់ប្រទេសអ៊ីរ៉ង់ ជាថ្នូរនឹងការយល់ព្រមរបស់អ៊ីរ៉ង់ លើបញ្ហានុយក្លេអ៊ែរ។ លោក ត្រាំ​ បានសរសេរនៅលើបណ្តាញសង្គមថា “កាសែត​ Axios ទើបតែបានចេញផ្សាយព័ត៌មានមួយថា លោកបានផ្តល់ការបន្ធូរបន្ថយទណ្ឌកម្ម និងមូលនិធិដែលត្រូវបានបង្កកដល់អ៊ីរ៉ង់។ នេះមិនមែនជាការពិតទេ។ ខ្ញុំមិនបានផ្តល់អ្វីទាំងអស់ដល់ពួកគេ! ព័ត៌មានរបស់ Axios គឺដូចទៅនឹងព័ត៌មានភាគច្រើនផ្សេងទៀតដែរ គឺជារឿងមិនពិត”។ លោក ត្រាំ​ បានទាមទារឱ្យកាសែត Axios ដកព័ត៌មាននោះចេញជាបន្ទាន់។ ព័ត៌មានរបស់ Axios នេះបានលេចឡើងបន្ទាប់ពីលោក ត្រាំ បានបដិសេធកិច្ចព្រមព្រៀងបទឈប់បាញ់​ ដែលស្នើឡើងដោយអ៊ីរ៉ង់ កាលពីចុងសប្តាហ៍។ ប្រព័ន្ធផ្សព្វផ្សាយក្នុងស្រុកបានរាយការណ៍ថា កិច្ចព្រមព្រៀងសន្តិភាព​ ដែលស្នើឡើងដោយអ៊ីរ៉ង់ ទាមទារឱ្យមានការផ្អាកការបិទផ្លូវរបស់អាមេរិកលើកំពង់ផែអ៊ីរ៉ង់​ នៅក្នុងច្រកសមុទ្រហ័រមូស ជាថ្នូរនឹងការដែលអ៊ីរ៉ង់បើកច្រកសមុទ្រនោះឡើងវិញ និងបន្តការចរចាលើកម្មវិធីនុយក្លេអ៊ែររបស់ខ្លួន។ ដើម្បីឆ្លើយតបទៅនឹងការបដិសេធរបស់លោក​ ត្រាំ ចំពោះសំណើសន្តិភាពនេះ រដ្ឋមន្ត្រីការបរទេសអ៊ីរ៉ង់ លោក Abbas Araghchi បានឧ្យដឹងថា វាគឺជាការសម្រេចចិត្តរបស់ប្រធានាធិបតីអាមេរិក​ ក្នុងការជ្រើសរើសរវាងការទូត … Continue reading លោក​ ដូណាល់​ ត្រាំ ច្រានចោលសេចក្តីរាយការណ៍ដែលថា លោកបានផ្តល់ការបន្ធូរបន្ថយ ទណ្ឌកម្មដល់ប្រទេសអ៊ីរ៉ង់