ប៊ែរឡាំង៖ ប្រជាជនអ៊ឺរ៉ុបភាគច្រើនជឿថា ទ្វីបនេះគួរតែបន្តផ្លូវឯករាជ្យមួយបន្ថែមទៀតនៅក្នុងបរិយាកាសភូមិសាស្ត្រនយោបាយបច្ចុប្បន្ន ជាជាងពឹងផ្អែកលើសហរដ្ឋអាមេរិក នេះបើយោងតាមការស្ទង់មតិ ដែលចេញផ្សាយកាលពីថ្ងៃពុធដោយក្រុមអ្នកគិតអាល្លឺម៉ង់ Bertelsmann Stiftung ។
ការស្ទង់មតិដែលបានធ្វើឡើងនៅទូទាំងរដ្ឋសមាជិកទាំង ២៧ របស់សហភាពអឺរ៉ុប និងសហរដ្ឋអាមេរិក បានរកឃើញថា ៦៣ភាគរយនៃអ្នកចូលរួមជឿថាវាដល់ពេលសម្រាប់អឺរ៉ុប ដើម្បីធ្វើតារាងទិសដៅរបស់ខ្លួន ដែលជាការកើនឡើងគួរឱ្យកត់សម្គាល់ពីត្រឹមតែ ២៥ភាគរយក្នុងឆ្នាំ២០១៧ ។
ដូចគ្នានេះផងដែរ ៧៣ ភាគរយនៃប្រជាជនអឺរ៉ុបចង់ឱ្យអឺរ៉ុប ធ្វើសកម្មភាពកាន់តែសកម្មនៅក្នុងកិច្ចការពិភពលោក ដើម្បីការពារផលប្រយោជន៍របស់ខ្លួន ចំពេលមានការផ្លាស់ប្តូរលំដាប់ពិភពលោកនេះបើយោងតាមការស្ទង់មតិ ដែលបង្ហាញថា អឺរ៉ុបកំពុងវាយតម្លៃឡើងវិញនូវតួនាទីរបស់អឺរ៉ុប ក៏ដូចជាទំនាក់ទំនងអន្តរអាត្លង់ទិក។
ទោះបីជាមានការផ្លាស់ប្ដូរក៏ដោយ ប្រជាជនអឺរ៉ុបឱ្យតម្លៃលើភាពជាដៃគូរបស់ពួកគេជាមួយសហរដ្ឋអាមេរិក ជាពិសេសទាក់ទងនឹងសន្តិសុខ នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
លោក Isabell Hoffmann អ្នកជំនាញអឺរ៉ុបនៅ Bertelsmann Stiftung បានឲ្យដឹងថា “ទំនាក់ទំនងឆ្លងអាត្លង់ទិក នឹងផ្លាស់ប្តូរយ៉ាងសំខាន់ ហើយអាមេរិកពីសម័យបុរាណនឹងមិនត្រឡប់មកវិញនោះទេ”៕
ប្រែសម្រួល ឈូក បូរ៉ា
